|
|
 Re: مقال : أبكر آدم إسماعيل، الحركة الشعبية لي (Re: Osman M Salih)
|
العزيز اردول خلينى احكى ليك قصة تانية
عشان اوريك انا جاية بغبنى من مثل هكذا ردود ..
واحد عمل صفحة اسمها عبدالعزيز الحلو رجل من زمن اخر او شىء من هذا القبيل .
فى الفيسبوك .. وفى ى ى صمة خشمى جاتنى اضافة لهذا القروب لم اطلبها ..
اها وانا متابعة مرة مرة فى زول بنزل باستمرار شى حقيبة شى وردى
شى شعارات شى اشعار شى حكم وكلامات ...
اها وبالصدفة البحتة وقع فى عينى كتابة منزلها هذا الكومريد لكومريد اخر
فيه زجر وتلميح وتهديد والحركة حركتنا وح تمضى فى طريقها العاجبو عاجبو
والماعاجبو ينزل حنمشى بدونهم .. وبدا يعدد فى ماثر الحركة كماثر لتلك القيادات
قلت يابت انتى فى دار ابا سفيان فانت امنة دار الحريات والديمقراطية وتقبل الاخر
والسودان الجديد .. اكتبى رايك
فكتبت ... قلت ليهم هذه اللهجة وهذا الكلام شبيه بعنتريات الانقاذ واسكاتها لمعارضيها
هذا الكلام شبيه بنباح الراءيد يونس وطبالين الانقاذ ... الكلام دا عيب مابشبهكم ولا يليق
بمشروعكم هذه هى فعايل الانقاذ فاجتنبوها ... واضح انو الصراع الطويل بخلى الاعداء
معجبين بى بعض بل ممكن يصيروا قدوة ...
عارف الحصل شنو ؟
طقق قصوا رقبتى لقيت نفسى فى ذلك الحوش فقط شير او لايك ....
مافى طريقة كتابة ومسح كلامى كلو وخلى كلامو قاعد فووووق ....
دا حوش سمى جورا باسم الحلو ....
كدا عرفت غبينتى ؟
طيب انا ما موافقة على كلام ذى انت عشت فى نعيم الحركة السشعبية
ووووو فلان كان بصرف عليك وووو اذاافترضنا جدلا انو الكلام دا صاح
هو فلان ولا علان دا طالما هو ذاتو عضو حركة الخلى قروش الحركة تبقى
قروش ابوهو شنو ؟ والخلى جيبو وجيب الحركة واحد شنو ؟
شنو البديهو الحق فى المن والاذى بقروش هى اصلا بتاعت الحركة ؟
ما مفهومة دى
بعدين دا كلام حتى لو كان حقيقى بقلل من شان قاءلية ..
يجب ان نترفع من ادب الانقاذ بالهجوم الدنىء وبمحاكمة الضماير والنوايا
انو انت يافلان ما عايز تكون كدا ونفسك تعمل كدا وكدا .. ونفسياتك قارينها
وكلام بجرح مشروعنا يكببو الدم ويخلى نازف
فجبال النوبة برغم جرحها النازف ظلت ولود تخرج اردول ود، ابكر وغيرهم
وغيرهم نفاخر بهم الامم فلا تنجر يا عزيزى رجاء الى هذا الخور الكبير
الذى وصفته لنا اختنا نور تاور فى ارضكم ...
استهدوا بالخير وبروح النضال وبالرفقة والسماح ،،،،
النبى فيكم كان حاكيتو ناس الانقاذ ديل ،،،، ما تكرهونا ...
|
|
  
|
|
|
|
|
| |
دينا خالد
فيس بوك
تويتر
انستقرام
يوتيوب
بنتيريست