|
Re: من مرافئ الغربة (شوق الشوق وتعب الجغرافيا (Re: درديري كباشي)
|
درديري كباشي سعدت بيك وبمرورك وكلامك وفعلا بالامارات هناك دوار الساعة بالشارقة سوق التياب السودانية والخياط السوداني والمطاعم كلما اشتد بي الحنين بلبس عباءتي واتمشى واتسوق بهناك مرات كثيرة بسلم وبتعرف وبقابلني كم شاب ممكن يشاغلني (كما يحدث بالبلد )وبرجع في راحة نفسية ومن اطرف المواقف قبل ايام كانت برفقتي بنت اختي نعمة عثمان (من النيل الازرق مقدمة برامج )وجاتني بزيارة بالمكتب وكانو على علم بحضورها تفاجات بحديث الاوفس بوي بالسوداني (عايزة موية باردة واللا حارة )وشاي سادة والاا جبنة وما ادراك بلاضحك وبعد قليل كان الجميع يتحدثون السودانية معها وتفاجات باندهاش وضحكنا جميعا السودان هو الارض والانسان كما يقولون الناس الطيبة والعلاقات الحلوة والضحكة الصادقة مهما كانت الظروف
غفر الله لنا غربتنا وسامحني واياكم
ومني محبتي
|
|
|
|
|
|