|
المريخ واشياء اخري
|
05:58 AM Sep, 01 2015 سودانيز اون لاين اخلاص عبدالرحمن المشرف- مكتبتى فى سودانيزاونلاين
القصة ما قصة غادة المريخ ال دستها ناسا وقام واحد خشمو خفيف وفلبو اخف وفكاها في الاساقير وحير امونه وجارته امونة سمعت الخبر ومشت لحارتها قالت ليها اه بكره السمع ب ابو العيال حجز للمريخ ماكضب عاينت ليها كده بطرف عينها وحركت شلاليفها شمال يمين يمين شمال وقالت استغفرتك يا مالك روحي اسع ده لزومه شنو ما تتقلي يا امونه منو ال فال لك الكلام ده نطت امونه في حلق جارتها = انتي ما بتشوفي التلفزيون الجارة بشوووووف بس انتي اي شئ تصدقي امونة ليه ما بصدقو الجارة اسمعي كلامي ده بكرة تجي بت كلينتون والاهي مرتو ما معروف وتقعد ناس ناسا في مواعينهم اصلها ضايفة المر من الرجال وعمايلهم يمين الله بكرة توقف ميزاتيتهم زي ال ما حصل شئ وكمان منظارهم ال ما بلقط الا النسوان ده تكسرو ليهم واحده كارت منهم اخر السما لاحقينها والله الاترفع عليهن قضية
|
|
|
|
|
|