ليل طــــــــــال عتُم نشر ثوب الحداد من نجـــــــــومو اتوشح الدرر الجداد طــــــــــــرفي ساهر يتلو أيات الوداد . . . الشـــــــــــجر أقلام جميع والنيل مداد لو كتب أشواقي ليك ما عددا أبوصلاح. وسلام عمر الفاروق
08-26-2015, 10:15 AM
بدر الدين محمد بدر الدين محمد
تاريخ التسجيل: 06-13-2011
مجموع المشاركات: 554
لا تسألنى كيف كان الملتقى وكيف فى دروبها مشيت وكيف طاف الثغر فى ابتهال وكيف فى محرابها صليت سر عميق حبها بقلبى ما قلته للناس ما حكيت فان روى الغيثار سر قلبى قولوا ما قلت وما رويت لكنه حين بكى حنينا بكيت من رقته ..بكيت
كما أن لديه رائعة أخرى هي: سال من شعرها الذهب الثريات والسّنا غير بدرى إذا احتجب عشت فى الحب منتهى إلاّ لكن بلا انتهاء تائه .. ذاهل النّهى شفّنى الوجد والطرب إن تكن أنت لم تزل يوم بدر المنى اكتمل نحن شلناك فى المقل وقعدنا على اللهب
إلى متى أدعوك لهفان الجناح حتي متي ابقي علي الدرب الطويل بلا مراح أبدا اسير مخيرا بين الروابي ... والبطاح ويكاد يحرقني الظمأ وتكاد تسحقني الرياح من انت..؟! يا نفح المنى من انت..؟! يا نور الصباح..؟؟؟
الدرامي الشاعر جمال حسن سعيد ساهم بمفردات سودانية صميمة بقصيدة من البيت السوداني تغني بها سيف الجامعة
نقتطف منها:
زوله تفتح الروح ضلفتين
تخشك .... وتمرقك .... عــــــادي .. تخشك .... و تمرقك .... ما بتقفل الباب من وراها ..... بل تساسق بين شفقتك ..... وحرقتك .... ما بتأذنك ... ما روحها نفاج غربتك .... هذي البنية .... الساكنة أسرار فكرتك .... هي الشايلة .. حســـــك وسترتك ...
08-26-2015, 01:29 PM
Muammar Abass Elhassan Muammar Abass Elhassan
تاريخ التسجيل: 12-02-2014
مجموع المشاركات: 51
انا اشتاق لو يود وماني البدور تاخيـرو الضامر الحشا وصاحب الخصير الزيرو انا عاينت اشوف القاهو فـوق للغيـرو حتى المراية تصر ان عاينت لي غيـرو الفارع القـوام المـا وجـدت نظيـرو انا شايف جفاهو اخير من محنة غيـرو ناكـر للـوداد و مـا بيفيـد تذكـيـرو هو يسو في الغلط و انا اسوي كتر خيرو
(..............................)
ـــــــــــــــــــــــــــــــــــــــــــــــــــــــــــــــــــــــــــــــــــــــ وليسَ لنا فِي الحنين يَد، وفي البُعد كان لنا ألف يَد، سلامٌ عليك، إفتقدتكَ جدًا .. وعليّ السَلام فِيما إفتقِد !. (درويش)
القصيدة كاملة يا مولاي لعكير الدامر لانها تستحق ان تنشر كاملة
شاعر معروف كواحد من أبرز شعراء ما يعرف بشعر المربعات، كان متعلماً حيث سبق له التخرج في كلية غردون، هدندوياً ولد وترعرع بالدامر فلقب (عكير الدامر)، اسمه الحقيقي علي إبراهيم محمد، له انتاج وفير في الشعر الاجتماعي والسياسي حيث كان يمثل لسان حال وشاعر حزب الامة كما كان صديقه (الجاغريو) شاعر الحزب الوطني الاتحادي. مما يقال أن القصيدة (الأغنية) التي نحن بصددها كتبت كتحدي أراد به الشاعر أن يثبت انه يستطيع أن يكتب الشعر الغنائي وان لا احد يمكن أن يجاريه لو أراد ذلك، ويقال أنها جاءت رداً على سؤال أحد الناس : أنت ما بتعرف تكتب شعر غنائي؟ أو انت ليه ما كتبت شعر غنائي؟ أو هكذا كان السؤال.
ا مولاي أه من غلبي من النارو حرقت قلبي
يا مولاي بشكيلك شقاي و غلبي حظي الديمة من ريد الأنيس جافلبي طالت السفرة و إتحفت مناسم تلبي هب الريد وعاودك الحنين يا قلبي
مالك نفسي مطعونة تملي تنيني مالك عيني لي الغميد أبيتي تليني عطشان ديما طفح الموية ما برويني كاتلاني الطريفية البريدا قريني
الناس عيدت مرقت علي أصحابا و أنا فريت علي الجاهلة السمح ترحابا فاطرًا يحكي براق البدودي سحابة دي لفت قلبي زي لف طرحتا اللافحابا
يتمني الدهب لو لونو يشبه لونك إشتهت الدرر لو هي تبقي سنونك مجنون ليلي حالتو أقل من مجنونك ما دام ليلي كانت في المحاسن دونك
غصباً عني فارقت الضريح لي ربي كل ما هب نسام منو زاد في جمري جرحي القرب يبري الداير يبدر عمري بدرو ليّ تغريد بلبلك يا قُمري
أخضر ليهو ضل فوقو المحاسن شرن و أفلج فاطرو زي برق السواري الكرن يتقسم مقاطع في المشي و يتحرن زي فرخ القطا الأماتو ركن و فرن
عمي الهادي نشاب البريدا ضربني قسم نومي من تيبان حيايا سلبني حاكم الصافي أبي يقبل سؤالي صدمني صبري الكان جميل جربتو و كلو غلبني
عن من أحب أنا غير خاطري فرقت هايم بي غرام عن حالتي كنت سُرقت لولا أدمعي من ناري كنت حرقت و لو ما ناري من كترت دموعي غرقت
ختت أيدها فوق إيدي انجذبت خِدرت حبيت أمشي من كُتر الطرب ما قدرت بقت الحنة بين إيدي وأيديها اندرت لولا الحنة بيني وبينها كنت ودرت
شعرك منتظم زي السلاسل فتلو وعينيك ترقِص الحجر ان بقت شافتلو الطاؤوسة قاصدة مشيكي ما عرفتلو وأعصاب الرآك أتكهربت تلفتلو
ممشوق القوام الماوجدتا مثيلو جفاهو معاى ولا محنة غيرو جافانى العزيز الكنتا ديمه نصيرو هو يسوى الغلط وانا اسوي كتر خيرو
08-26-2015, 02:53 PM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
في الواقع أخي عمر أجمل ما نظم في الأغنيات السودانية ليس أبيات بعينها بل قصائد كاملة... مثل:
قصيدة مي التي تغني بها ابن البادية أسراب الحسان وتغنى بها سيد خليفة أنا والنجم والمسا والدرب الأخضر ولا وحبك وتغنى بها عثمان حسين بحر المودة كلمات السر عثمان الطيب وتغنى بها محمد جبارة
غايتو أمشى في الدرب البطابق .. فيه خطوك صوت حوافرك ... يا فرس كل القبيلة تلجموا .. ويكسر قناعاتا .. ويفر يسكن مع البدو في الخلا .. ما برضى غير الريح تجادلو وتقنعو..
أظل اردد الشكوي لما لاقيت من وجدي حبيب الروح لا أقوي علي حمل الهوي وحدي ولما لم أجد سلوي كسرت ابريقي والدنا سكبت علي الثري كأسي *** وداعا روضتي الغناء وداعا معبدي القدسي كل الغنا السوداني القديم سمح
08-26-2015, 03:44 PM
مهند سوركتي مهند سوركتي
تاريخ التسجيل: 08-20-2015
مجموع المشاركات: 176
نايمة او كان صاحية حال جلوس ووقوف** شوفو لاحم ديما ومِنّو مالى براح
تحيايت الامين محمد علي
ابراهيم العبادي وابو صلاح وسيد عبد العزيز وعبيد عبد الرحمن و عمر البنا ومن بعدهم عبد الرحمن الريح وعتيق هؤلاء أصحاب المعلقات السبع في كعبة الحقيبة والبقية يطوفون حولهم
هاهاهاهاهاهاها عمر الفاروق آ خوي زولك دا واصل مراحل بعيدة خلاص، وجنس الكلامات دي يوم بتكتل ليها عاشق غايتو .. انا ما بقدر عليها يا هي يا الغربة ههههههههههه . . كنت برايا و جاني حنين الكون اتكوم غور غور جوة في صدري و اتمنيت لو كنتي معاي (محمد المهدي عبد الوهاب)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ وليسَ لنا فِي الحنين يَد، وفي البُعد كان لنا ألف يَد، سلامٌ عليك، إفتقدتكَ جدًا .. وعليّ السَلام فِيما إفتقِد !. (درويش)
08-27-2015, 08:31 AM
اسلام عبد الرحمن عمر اسلام عبد الرحمن عمر
تاريخ التسجيل: 11-28-2004
مجموع المشاركات: 422
انت السماء بدت لنا واستعصمت بالبعد عنا شارعنا المرحوم ادريس محمد جماع ذلك العبقري
-- يا سقات الكأس من عهد الرشيد مالي كاسي ظمأً ابدا وحيد ونديمي قد سرى نجما مع الافق البعيد حطم الكاس وولى وانطفا نجما تلالاْ شفة عطشى واخرى هي كاسي خمرها نارا وجمرا وليتني لو ............ --- كلمتي المست غرورك وفرقتنا يا حبيبي مش خلاص كفرته عنها بي تسهدي وبي نحيبي
---- كم سهرت الليل وكم سالت دموعي والعمر افنيتو ابحث عن وديعي ----
فااات الاوان والانكتب على جبينا الليلة بان ,, وفضلت اتحسر واقول ليه ما عرفتك من زمااان ,,, التحية لشاعرنا الكبير محمد يوسف موسى \ --- انا مهما افصح عن مشاري برضو بيخوني الكلام .... قولة بحبك ما بتكفي وكل كلمات الغرام ويا منتهى الرد ومبتداه ...
التحية لشاعرنا التجاني حاج موسى ---- مصايرنا تحيرنا ,, مسكينا تاني بتجربنا نقيف نتامل الماضي كتير دمعاتو تغمرنا ... اه مصايرنا اجافيك لالا لالا انت حياتي بي حالا .. من اشواقي كل الناس تشيل اشواقي بي حالا --- لما تشتاق للمشاعر تنسجم تلمس حريرا .. ولما تشتاق للعواطف تملا دنياك بي عبيرا --- حاولت انساك وقلبي زاد في جروحو ... وريني كيف الحي بودع روحو ..
---- باتت نجوم الليل سهرانه ترنو اليا .. ساهرة ودموعا تسيل حزنانه من البيا ,, اكاد اشوفا تميل تمسح دموع عينيا ... يا غايبة من العين وصورتك في الفؤاد طاويها .. --- يا ليل صار ليك معاهد طرفي اللي منامي زاهد ,, دنى لي سهرك واشاهد فوق لي نجومك ظنوني ,, ويا ليل ابقالي شاهد على نار شوقي وجنوني .. ----- يا خليل دقق الجمال والزوق فيه امتحقق .. الكفيل عالي ,,, والحشا مرقق ,, والقديم في الحوش كان مشى يبقق ,,, يابا عجل بي قبل تلفاني .. صرت الكفاني وسحت اجفاني يابا عجل بي قبل تلفاني ... --- ياخي باختصار كل الغناء السوداني القديم والحديث الرصين وغناء جيل الرواد كلو حلو وجميل حد الثمالة ,,
الأستاذ درديري ساتي ياخ انت ذوقك رفيع -- متى أيامي .....تصفو عيني الساهرة....تغفو لي رؤية جمالك... دايماً قلبي... يهفو وما كان عهدي بيك يا سيد روحي...تجفو.
سلام لصاحب البوست و للجميع هنا و سلام خاص ومربع لاخي وصديقي الحبيب اسلام عبد الرحمن .
الرهيف قلبُه بيعيش في شكو اكتر من يقينو
انا والاشواق في بعدك بقينا اكتر من قرايب ما بنغيب عن بعض ابداً ابداً زي اعز اتنين حبايب .
طبعاً بالنسبة لي انا كل مفردات الاغنية السودانية تسكن الارواح وطبعاً مافي داعي اوضح قصدي باني اقصد ياتو اغنيات وياتو زمن لان الاغنيات في زمن التاتار المغول معروفه .
يا مولانا ود المرتضي ياخ نحنا السودانيين ديل عندنا من المورث الغنائي في كل اتجهات بلادنا دي ما يحنن اقسى القلوب مع مفردة عامية عجيبة و الاعجب لما يقعدوا يصغرو ليك في الحاجات اعوووذ بالله من دا جن بالله عليك ادقش جنوب كردفان جيب منها الالاية ضي الرتينة ولا ادقش دارفو جيب منها اي حاجة للبرتي او الفور او اي قبيلة ولا ادقش محل عايز جنوب او نيل ازرق حتت التلاته بنات اللابسات تياب و مقنعات ديك اما الشرق و الشمال براكم عارفين . الاغنية السودانية دي حكايتها براها و صراحة السودان دا ذاتو كبلد ما سمح كلو كلو الا في الاغنيات البتتكلم عنو ذاتو .
معاك اتبرجت غيمة شهق جوايا صوت جدول مرقتا على المطر حفيان لقيتك والرزاز مدخل وناديتك أقيفي معاي نشيل كتف الغنا الميل
وغنيتي ورشحتا حلقك لي اذاعات الشدر والمنتظر من عودة المدعو المطر
-------------------------------------------------- يا عمر نحن السودانيين عندنا قدرات ما عادية في نظم القصيد الدارج .. عاين للكتبو عاطف خيري دا , وعاين للشعراء المبدعين القبليهو , وما كتبوا , وأحكم .
08-28-2015, 07:26 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
مآل فِريّعك بآني فيهِ بدري وظُلّمة وفِيهِ رِدفاً بآني في هوآك يا جميل العذاب سرآني .
القمر بينات الضفاير .
قلت أرحل .. أسوق خطواتي من زولاً نسى الإلفة أهوِّم ليل أساهر ليل أتوه من مرفى لي مرفى ابدل ريد بعد ريدك(حبك) عشان يمكن يكون اوفي رحلت وجيت في بعدك لقيت كل الأرض منفى عيونك زي سحاب الصيف تجافي بلاد وتسقي بلاد وزي فرحاً يشيل مني الشقا ويزداد وزي كلمات بتتأوّه.. تتوه لمن يجي الميعاد وزي عيدا غشاني وفات عاد عمّ البلد أعياد وزي فرح البعيد العاد وزي وطناً وكت اشتاقلو برحل ليهو من غير زاد بدون عينيك بصبح زول بدون ذكرى وبدون ميلاد رحلت وجيت في بعدك لقيت كل الأرض منفى زمان الفُرقة والتجريح بسِيبُو عشان تشيلو الريح بسيبو عشان صحيح الذكرى بتّوِّه عمرنا صحيح وانتِ معايا لا بندم ولا بقضي العمر تبريح أصلو العمر شوقا كان ، حزنا كان وصبرا كان فسيح وفسيح أصلو العمر كان دربا مشيتو كسيح وكان غرسا سقيتو بكى وقبضت الريح رحلت وجيت في بعدك لقيت كل الأرض منفى ...
شاعرنا الفحل عمر، سلآمات ...
08-28-2015, 09:23 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
مثلما تجلي ود الرضي في توصيف المحبوب بل جعله جاذب لكل شارد من الحسن(فيهو شارد الحسن استقر) تجلي طارق ابوعبيدة في التنغيم وتلوين الظلال بلحنية صوته الأسر...
علي منوال رواد الحسن من جيل ود الرضي هل نرتوي أم نظل معهم في ظمأ للمزيد:
(يا مداعب الغصن الرطيب...بدلالك اذدهت الزهور....زادت جمال ونضار وطيب) ...
لك من فؤادي باقة الحبّ الحنون لك من عيوني دمعة المزن الهتون لك من جنوني، يا جنوني، ألف لون لك من فؤادي ما يكون و لا يكون و لك السلام و لهفتي و تساؤلي: ماذا يكون حبيبتي؟ ماذا يكون؟
__________________ كنت عاوز أطلع شوية من الشعر المغنى وأضيف مقاطع من بلاغة حميد في قصيدة السرة بت عوض الكريم بدءً من جات داخلة زي مرقة غضب من جوف حليم .. لما بديت ألقط في المقاطع لقيت القصيدة كلها بليغة حميد دربه براهو وبلاغته في كفة وبلاغة شعراء السودان مجتمعين في كفة تانية
08-28-2015, 06:00 PM
Nasr Nasr
تاريخ التسجيل: 08-18-2003
مجموع المشاركات: 10821
تشهد الأيام تشهد الأيـــــــــــــــــام يشهد الليــــــــــــــــــــــــل و النحيب و النحيــــــــــــــب عمري كلو عشتو وحيـــــــد وحدي كالغريـــــــــــــب قلبي عـــــــــاشق و دربي خالـــــــــــــــــــــــي من حبيـــــــــــــــــــــــب لكن يا حبيبي من يوم ما شفتك قلبي للدنيا إبتســــــــــــم أشرقت دنيـــــاي و فارق دربي هم رحت ألقاك في منامي و بيك أحلم
أظن أن شاعرها فضل الله محمد غناها محمد الامين وما أظن في فنان بعده حاول والله أعلم
08-30-2015, 04:30 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
Quote: وأنسى العتــــــــــــــــاب الكنت ناوى أقولو وأرجع منهزم وكتين يبالغ ويبتسم الدنيا ياناس تنقسم الفرحه تملاها وتزغرد فيها والشوق يرتسم
(الدنيا يا ناس تنقسم!!
تعرف يا أستاذ قباني ، كنت دايماً بقول في نفسي إنه يا ناس دي من أجمل الكلمات في الأغنية وإنه أخونا كامل عبد الماجد قلب فيها الهوبة عديييييييل كدا!!!! تصور عامية الكلمة ... وكيف إنها زادت الجملة حلاوة دي كلمة عامية مغرقة في عاميتنا الشفاهية وفي ونستنا الجميلة ، استقبح النقاد كلمة أيضاً ولكنهم اكتشفوا حلاوتها عندما قال الشاعر: فأنا بالجوى أعرفها وهي - أيضاً - بالجوى تعرفني الدنيا ، يا ناس ، تنقسم !!! حلوة ....... ياناس !!!!
تحياتي
08-30-2015, 05:56 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: تعرف يا أستاذ قباني ، كنت دايماً بقول في نفسي إنه يا ناس دي من أجمل الكلمات في الأغنية وإنه أخونا كامل عبد الماجد قلب فيها الهوبة عديييييييل كدا!!!!
درديري الكباشي الزول الفنان الملان جمال ..
هاك اسمع و ما تدي الجنبك ...:).
08-30-2015, 06:07 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
مع انو بوست الفاروغ الا انو رائع وجميع العشاق ال غنو هنا محرومين عدا يللا وتعال يللا ديل عائشين وفرحانين مني بنت عمسيب غايتو اختيارك روعة اما هو بسوي الغلط وانا اسوي كتر خيرو ف ابداع
08-30-2015, 05:50 AM
صديق الموج صديق الموج
تاريخ التسجيل: 03-17-2004
مجموع المشاركات: 19433
نظرة في مرأة خدودك احلي من كسبت ميعــاد يا جمال ياعاطفة صادقة انت بتحب العنـــــــاد ولا بتحاول بي دلك تشغل الروح والفــــــــــــؤاد احكي لي قصة غرامك كيف بديت حبك زمان كيف بديت بالحب كلامك يا ينابيع الحنـــــــان كنتا بتبادل المحبة ولا بتعاند الاحبــــــــــــــــة
الشرف لاح نوره وازدان سر قلب القاصي والدان يا نديم قوم بينا عجلان نصطبح آرام وغزلان الفرص معروضة للآن ما في خيرا جابو كسلان أطرى زولا عوده كالبان والضمير الهافي غلبان ديسه من الخُمرة شربان والفواطر تسكب ألبان يالهواك خلاني ميدان للشدايد ماني شردان اترقط من راسي بردان كم شجيتني ورحت حردان *********************************** أم عجن قاسية ودودة ما بتريم دايما صدوده با نديم لا تفوت حدوده النظر بجرح خدوده ********************************* الوسيم النوّر الحوش شفته يضوي العتمة في البوش إن سمعت غناها بتهوش وإن رايتها بتبقى مهبوش ********************************* الشباب الدابه قايم خلّى كل زول قلبه هايم شفته وسط الدارة عايم اختفى وخلاني حايم يالخضرة الحوضه عايم سيده سايق الليل ونايم اقبعي وقودي التمايم خجلي صدور الحمايم ********************************** قام زرق ريقه وتمضمض العسل في سوقه حمّض التفت نور خده أومض استحى التفاح وغمّض *********************************** الشباب الصاينه ربك كله يا احمد محتفل بك خلي بالك وهدي طبعك اوعى تغفل ياخدو قلبك ********************************** حفلة زي الروضة ماهلة كلها عيون ناعسة كاحلة يا إلهي عقولنا ذاهلة سيرة ام دي جنينة راحلة ************************************* نحن شوفنا العودة ميسان والعيون الكاتلة فرسان شفنا نرجس حيفا نعسان والملايكة في صورة انسان ************************************* يا إمام أنعم وامرح كل حاسد طرفه سرح السعادة لقيته تمرح يا إمام إتهنى وأفرح *************************************
08-30-2015, 04:42 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
وعزمي احمد خليل حين قال : ما لقينا في عيونك ذكرى (ساكت) للمحبة ..
توظيف مفردة سودانية خالصة حتي تعطي المعني حميمية سودانية تعتبر من المحليات بضم الميم للشعر المحلي
تحياتي يا عمر و كل الضيوف الكرام إضافة لكلامك أعلاه أحياناً المفردة السودانية تأتي على حساب تكسير القواعد الأساسية للغة العربية و تكون بغاية الجمال بل حتى إذا فكرت تنطقها بصورة لغوية صحيحة لوجدتها غير مستساغة و هنا الشاهد في أغنية قلت ارحل مقطع أسوق خطواتي من زولاً نسى الألفة. فمعلوم بداهة أنّ من حرف جر و لكن كلمة زولاً لا تستساغ الا مفتوحة و بالتنوين كمان شفت كيف.
08-31-2015, 08:15 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
ابدل ريد بعد ريدك.....عشان يمكن يكون اوفى التجاني سعيد ...و.. وردي هذه اﻻغنية مكتملة العناصر هي ايقونة الغناء السوداني قلت ارحل....ارحل اذا حاولنا تحليل اﻻغنية دي ما اظن نوفي كل التغاصيل في الكلام واللحن واﻻداء وحنى المقدمة او اﻻستهلالية ااتي تشبه الى حد بعيد استهلالية الطير المهاجر ونفس حب الوطن الجارف
كل العناصر الموسيقية مكتملة توزيعا ورجعا وترديدا واللزمات الموسيقية كاملة اﻻركان ...خاصة مجموعة الوتريات قلت ارحل دلالة على عبقرية وردي اللحنية
08-31-2015, 10:25 PM
معتصم الطاهر معتصم الطاهر
تاريخ التسجيل: 11-26-2004
مجموع المشاركات: 3995
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق عبد الله الشيخ
عبد الحي علي موسى
بدر الدين محمد
El-Saddig Abdalla Abbas
هشام بشير عباس
عمر السلمة
خالد العبيد
ismeil abbas
علاء سيداحمد
Muammar Abass Elhassan
khaleel
محمد الأمين موسى
مهند سوركتي
Hafiz Bashir
محمد الكامل عبد الحليم
bakri abdalla
الامين محمد علي
بشير حسـن بشـير
ياسر السر
مني عمسيب
Gaafar Ismail
سفيان بشير نابرى
احمد حمودى
محمد المرتضى حامد
عبدالعزيز الفاضلابى
إسماعيل حسن
يحي قباني
معاوية الزبير
معاوية المدير
Nasr
munswor almophtah
جلالدونا
صديق الموج
ولياب
Ahmed Yassin
معتصم الطاهر
ABUHUSSEIN
فيس بوك
تويتر
انستقرام
يوتيوب
بنتيريست