اخطر غواصات الفيس بوك (منقول)

Quote: يا جادات البوست دا بقى ليك زي الأنشوطة حول رقبتك كل ما يترفع بزيد في شنقك, وكل يوم عدد جديد من اعزاءك المشاهدين بدخلوا وبشوفوا تعريتك وكشفك ومدى انعدام مصداقيتك ثم الحوار - او الكوار - معاك من زمان اتضح ما في منو فائدة فأنت لا تفعل سوى المراوغة و الزوغان من الأسئلة الجادة و المنطق و تتصرّف بطريقة طفولية في لفّك ودورانك لكن الواحد برضو بقدر يطلع منّك بكلمات مفتاحية رد فعلك عليها بشي بكونك متعقّد منها لياتو درجة و مدى مطابقتها لواقعك ودا بظهر في مدى هيجانك و تكرارك للمداخلات و حتى اخطاءك و طناشك لترتيب الرد على مداخلات البعض وقفزك لمداخلات معينة لو رجعت بتلقاك اتصرفت بالطريقة دي كم مرة بعد ورود كلمات وعبارات او معاني معينة, زي مثلا: مرسّل و مُستَغَل ولاعبين بيك وصبي واخيرا صبي عرمان شكلها اصابت مكمن وجع ما:) وان كنت ازعم ان الوجع الجد في التساؤل اللاحق لها :"إن شا الله بس بي فايدة" :) فا شنو البوست بعد ادى غرضه الرئيس باقي عمره دا للونسة و التريال آند إيرور و زي ما تقول كدا تدويرك برواقة فا اخد راحتك ولا تلقي بال للنقاش وترتيبه, مرّة مرّة بديك لكزة في حتّة ما واقايس رد فعلك عليها مع غيرها, لحدّي ما ازبط الكتالوج بتاعك كن بخير :)