اخطر غواصات الفيس بوك (منقول)

Quote: غايتو سذاجتك وقوة عينك ما قابلتني قبل كدا رابط جبته ليك انا ورابط نسخة مخبأة تفتكر يعني عايز ادس او انكر حاجة, ودا كلامي "ما شفت مداخلة بكري" , وفعلا ما شفتها هل دا كذب متعمّد طيب جنس التلفيق واتهام الناس بالباطل بتسميه شنو ؟ كفر عديل أظن للمرة التانية ح اديك درس مجاني لعل وعسى تستفيد منه, الإنسان السوي الطبيعي الذي لا يعاني من عقدة نقص او وسواس قهري أو رهاب أن العالم يتآمر عليه ما بكابر ان اكتشف انه على خطأ ويتراجع عن خطؤه مش بهبّل روحه و يمثّل قرد و يقلب هوبة ويفلّق الناس و يستفرغ في روحه كما تفعل أنت أخطأت واتراجع عن خطئي لمّا تبيّن لي, أها انت متين ح نشوف ليك تراجع بدل المكابرة على الباطل دي كما الناس الطبيعيين دا من ناحية ومن ناحية اخرى كل الهيجة و الانصرافية ما بتحلّك انت اتغسلت و اتشريت على حبل البوست دا واسّي مكوّم في السبت راجي المكوة :) و ظهرت على حقيقتك تماما قدام عزيزك المشاهد البتوهمه بمصداقيتك و مصادرك واتضح انّك لست إلاّ بوق يستغلّك البعض و يمرّر العاوزه في ضرب آخرين و انت جاهز لشيل وش القباحة هذا البوست موضوعه واحد وواضح وبسيط واتكرّر ليك اكتر من مرّة ومن أكتر من شخص اتهمت اشخاص بأنهم غوّاصات, اثبت ذلك, أو على الأقل ورّي الأسباب و الشواهد الخلّتك تشك حتى من الأول قبل ان تحصل على الأدلة, بالطبع ليست لديك اجابة لأنه لن يخرج الموضوع من احد خيارين يا اتشربكت معاهم سابقا ودي وسيلتك للانتقام و تصفية حساباتك معاهم كما في حالة كانتونا وأمين أو مدفور يا قولك ومُستغل من جهة او جماعة او حتى شخص له موجدة عليهم و سرّب ليك معلومات وهمية بخبث وانت لفحتها وجريت كالعادة كما في حالة آمنة و تراجي ومن قبلهن نجلاء بدل النطيط و تمسك في المواضيع النيّة سكّتني و فنّد لي كلامي دا بوسيلة واحدة وبسيطة بكررها ليك تاني للفائدة: أثبت أو جيب الشواهد و الأسباب ..إلخ إلخ