نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: يعود الفيسبوك غريبا كما بدأ (Re: ودقاسم)
|
ود قاسم سلامات ياخ.... الله يقطع الفيسبوك في القِبَلْ السبعة؛ هل تصدق ليس لي اي علاقة تذكر بهذا الفيس، افتح الفيس لزمن قليل جدا- اصلا الزمن ممحوق ومافي- اشوف اخبار حلتنا المرضان منو والعرس، ولو هناك وفاة... سرعان ما اتخارج؛ كنت عضوا في اكتر من منبر حوار، قلت مشاركاتي بهناك لعامل الزمن وربما اسباب اخرى، افتح هذا المنبر غالبا بعد انتهاء واجباتي العملية والاسرية، تلك التي تاخذ الساعات الطوال، يا زول اجي دائخ وتعبان، اشوف اخبار الراكوبة، وهنا... وقد اود كتابة مداخلة فيحرمني الزمن والارهاق، واغادر وفي النفس شيئا من حتى، لابدأ يوما جديدا يحمل ذات التفاصيل المرهقة... قصدت ان اقول بالكلام اعلاه ان ظروف الناس-معظم العضوية- مشابهة لما ذكرت... متى ما تحسنت الاحوال يبقى المنبر -وليس الفيسبوك- واحة واستراحة واجمل ما يكون؛ ما زال لسودانيزونلاين سطوته؛ ولك انت يا ود قاسم حضورا انيقا في اعماقنا؛ قبل اكتر من عشر سنوات حضرت احتفالية في الرياض، وقدموك قالوا ود قاسم؛ سودانيزونلاين، ما زلت اقراك ومبدعين اخرين طوال السنين، وما زلت مستمتعا... المنابر- هي قطعة من الحياة- تتاثر بعاملىْ المد والجزر، ولكنها لاتموت...
|
|
|
|
|
|
|
|
|