كتب الكاتب الفاتح جبرا المتوفرة بمعرض الدوحة
|
Re: حاجاتنا بِقن كُتّار خلاس. والله صحي... (Re: Haytham Ghaly)
|
Quote: والله ياود المدير بكيتنا عديل لينا خالة بعد أن رجعت البلد من اتبرا قالت:
من الجزيرة لِى أم طُيورْ وقِتْ يَصَفِّر البَابُورْ مِن جِلاسِ يجيكِ مَجْرُورْ شَارَفْلُوا كلُ زُولْ
زَمَنْ خِلِيوْتِك أُم حِيرَان وزمن جامعِك أب أذان حاج سالم يَتْلُو من القرأن ويا مدنى البيبيت عَجْلانْ وقِت يسمع حِسَ الأذان أنا مَرِيتْ فِى ألْحِيشَانْ وفيهم مالِقِيتْ إنسان لاضُلالة لا بِيبَانْ وَناسِكْ رَقَدُوا فى القِيزانْ مَشِيتْ مِنكْ قَلْبى خَرْبانْ أكبْكِبْ مِن الدُمُوع رِيقَانْ
زَمَن عِيشِك أبْ قُسَّابْ من الجزيرة حَدُو ألسَابْ وبيوتك بِقَنْ دُرَّاب من الحلنقة للعَيْداب زمن ساقِيتِك أم تورين زمن بعلقوا السمقه واللارميق وقِت يَصَفّر كِرَيكان تَقول دُخانه دَاك ألبان. |
والله كلآم يا محمد، كلآم زين ؤُ كلآم زولتاً عاشقة البلد بالحيل. الناس ديل ماهُن ناساً هينين. بعد نورقو وباعو محاصيلُن كان فول كان قمح، كان دُخُن، حرسوا القُطاع، قطعو وباعو تمُرُن. قبضو قِريشاتُن ؤُ نوا الحجاز، والكل اصبح يطرق سمعه حاج الماحي يمدح قالوا الحجيج قطع طالب نور البُقع، والسماني أحمد عالم ينشد يا راحلين إلي مِنيً. أها، جو اتبرا ووكت يجو اتبرا أنا ببطل اللعب في الشارع وألآزِمُن كي اقضي حاجاتُن وامتع نفسي بحكاويهم. التأشيرة للحج كانت من اتبرا، ؤُ خالتي نفيسة عليها رحمة الله قائدة الركب نعمنها عاملة فيها فاهمة. وقفوا في صف الجوازات، خالتي وآقفة اوّل زول وخلفها مباشرة المغفور له بإذن الله زوجها الحسين ود حاج عُمر. أدت الضابط الجوازات سألا من عمرها قالت لو، أكتب عندك، أنا إطناشر، والحاج أربعطاشر. ضابط الجوازات قالها، يا حاجة اديني الجوازات ديل، ؤُ كوووولكم اقيفوا لي بجاي. مشو الحجاز زارو وجو، وكان ود حجتُن صديق ود دبلآن الله يرحمو، بعد رجع من الحج جاب المداحين. أها، كووولهم إتخمخمو ومشو المديح، وكنت مرافق لهم. عندما لهجت الحناجر بمدح الحبيب المصطفى عليه أفضل الصلآة وأتمّ التسليم، وأصبح وقع وقع الطار يقدح في القلوب الشوق قام العوض ود حاج الخليفة بخيزرانته وجلآبيتو جناح أُم جكو ذات الأكمام الفضفاضة وراح في حلبة الطار يتثنى ويتأنى وبيمناه عصاه تتحنى لعباً حرّكه المداح غنّى راجع الخطو بطارٍ رجّع الشوق وحنّ، فكانت ليلة ما زالت عالقة في الخاطر. بسطاء يحبون المصطفى ويقنعون بالقليل ولا يبطرهم الكثير، أحبو الأرض فجادت عليهم ولم تبخل. ذهبت إلي البلد في حياة الوالدة عليها رحمة الله، فوجدت الجداول جارية، والبهائم شبعانة واللرِض رويانة والخدار مفرهد والجناين شايلة وكذلك التمور، فسرني ما رايت، وعندما رجعت جلست للوالدة ؤُ قُتلها، يا يُمّة البلد ما شاء الله لقيتا خيرا باسط تب. قالت لي يا ولدي الخير مسك في الزينين ؤُ رحل معاهم، زمان كُنا وكِت تقوم تنيقة في الليل، الصباح وكِت ننزل كرعينا من العناقريب ننزلِن فوق التمر. رحمها كيف بها إذا حضرت زماننا هذا!؟؟؟...
|
|
|
|
|
|
|
العنوان |
الكاتب |
Date |
حاجاتنا بِقن كُتّار خلاس. والله صحي... | معاوية المدير | 01-23-15, 02:03 AM |
Re: حاجاتنا بِقن كُتّار خلاس. والله صحي... | معاوية المدير | 01-23-15, 04:57 AM |
Re: حاجاتنا بِقن كُتّار خلاس. والله صحي... | معاوية الزبير | 01-23-15, 05:37 AM |
Re: حاجاتنا بِقن كُتّار خلاس. والله صحي... | معاوية المدير | 01-23-15, 05:38 AM |
Re: حاجاتنا بِقن كُتّار خلاس. والله صحي... | معاوية المدير | 01-23-15, 06:08 AM |
Re: حاجاتنا بِقن كُتّار خلاس. والله صحي... | Khalid Elmahdi | 01-23-15, 06:56 AM |
Re: حاجاتنا بِقن كُتّار خلاس. والله صحي... | محمد الكامل عبد الحليم | 01-23-15, 08:03 AM |
Re: حاجاتنا بِقن كُتّار خلاس. والله صحي... | عبدالعزيز عثمان | 01-23-15, 09:53 AM |
Re: حاجاتنا بِقن كُتّار خلاس. والله صحي... | عماد حسين | 01-23-15, 11:19 AM |
Re: حاجاتنا بِقن كُتّار خلاس. والله صحي... | اخلاص عبدالرحمن المشرف | 01-24-15, 01:14 AM |
Re: حاجاتنا بِقن كُتّار خلاس. والله صحي... | عبدالحفيظ ابوسن | 01-24-15, 04:17 AM |
Re: حاجاتنا بِقن كُتّار خلاس. والله صحي... | معاوية المدير | 01-24-15, 11:00 AM |
Re: حاجاتنا بِقن كُتّار خلاس. والله صحي... | معاوية المدير | 01-24-15, 12:03 PM |
Re: حاجاتنا بِقن كُتّار خلاس. والله صحي... | معاوية الزبير | 01-26-15, 07:20 PM |
Re: حاجاتنا بِقن كُتّار خلاس. والله صحي... | معاوية المدير | 01-28-15, 01:40 AM |
Re: حاجاتنا بِقن كُتّار خلاس. والله صحي... | معاوية المدير | 01-28-15, 02:23 AM |
Re: حاجاتنا بِقن كُتّار خلاس. والله صحي... | محمد الكامل عبد الحليم | 01-28-15, 04:13 AM |
Re: حاجاتنا بِقن كُتّار خلاس. والله صحي... | MOHAMMED ELSHEIKH | 01-28-15, 08:32 AM |
Re: حاجاتنا بِقن كُتّار خلاس. والله صحي... | Haytham Ghaly | 01-28-15, 09:27 AM |
Re: حاجاتنا بِقن كُتّار خلاس. والله صحي... | MOHAMMED ELSHEIKH | 01-28-15, 10:37 AM |
Re: حاجاتنا بِقن كُتّار خلاس. والله صحي... | محمد الكامل عبد الحليم | 01-29-15, 05:17 PM |
Re: حاجاتنا بِقن كُتّار خلاس. والله صحي... | معاوية المدير | 01-29-15, 10:40 PM |
Re: حاجاتنا بِقن كُتّار خلاس. والله صحي... | معاوية المدير | 01-30-15, 07:08 AM |
Re: حاجاتنا بِقن كُتّار خلاس. والله صحي... | معاوية المدير | 01-30-15, 07:25 AM |
Re: حاجاتنا بِقن كُتّار خلاس. والله صحي... | معاوية المدير | 01-31-15, 10:04 AM |
Re: حاجاتنا بِقن كُتّار خلاس. والله صحي... | معاوية المدير | 02-01-15, 08:46 AM |
Re: حاجاتنا بِقن كُتّار خلاس. والله صحي... | معاوية المدير | 02-02-15, 08:59 AM |
Re: حاجاتنا بِقن كُتّار خلاس. والله صحي... | Mohamed Yousif | 02-02-15, 07:23 PM |
Re: حاجاتنا بِقن كُتّار خلاس. والله صحي... | Mohamed Yousif | 02-02-15, 07:25 PM |
Re: حاجاتنا بِقن كُتّار خلاس. والله صحي... | Mohamed Yousif | 02-02-15, 07:25 PM |
Re: حاجاتنا بِقن كُتّار خلاس. والله صحي... | Mohamed Yousif | 02-02-15, 07:27 PM |
Re: حاجاتنا بِقن كُتّار خلاس. والله صحي... | معاوية المدير | 02-05-15, 06:16 AM |
Re: حاجاتنا بِقن كُتّار خلاس. والله صحي... | Haytham Ghaly | 02-05-15, 06:44 AM |
Re: حاجاتنا بِقن كُتّار خلاس. والله صحي... | عماد حسين | 02-05-15, 06:45 AM |
Re: حاجاتنا بِقن كُتّار خلاس. والله صحي... | MOHAMMED ELSHEIKH | 02-05-15, 08:55 AM |
Re: حاجاتنا بِقن كُتّار خلاس. والله صحي... | محمد الكامل عبد الحليم | 02-05-15, 02:19 PM |
Re: حاجاتنا بِقن كُتّار خلاس. والله صحي... | معاوية المدير | 02-07-15, 03:00 AM |
Re: حاجاتنا بِقن كُتّار خلاس. والله صحي... | جلالدونا | 02-07-15, 04:55 AM |
Re: حاجاتنا بِقن كُتّار خلاس. والله صحي... | معاوية المدير | 02-08-15, 01:09 AM |
Re: حاجاتنا بِقن كُتّار خلاس. والله صحي... | عفاف الصادق بابكر | 02-09-15, 11:42 AM |
Re: حاجاتنا بِقن كُتّار خلاس. والله صحي... | مهيرة | 02-09-15, 03:13 PM |
Re: حاجاتنا بِقن كُتّار خلاس. والله صحي... | معاوية المدير | 02-11-15, 02:16 AM |
Re: حاجاتنا بِقن كُتّار خلاس. والله صحي... | Haytham Ghaly | 02-11-15, 04:38 AM |
Re: حاجاتنا بِقن كُتّار خلاس. والله صحي... | معاوية المدير | 02-11-15, 07:14 AM |
Re: حاجاتنا بِقن كُتّار خلاس. والله صحي... | معاوية المدير | 02-12-15, 06:43 AM |
Re: حاجاتنا بِقن كُتّار خلاس. والله صحي... | معاوية المدير | 02-12-15, 07:26 AM |
Re: حاجاتنا بِقن كُتّار خلاس. والله صحي... | عزالدين عباس الفحل | 02-12-15, 08:04 AM |
Re: حاجاتنا بِقن كُتّار خلاس. والله صحي... | جلالدونا | 02-13-15, 00:02 AM |
Re: حاجاتنا بِقن كُتّار خلاس. والله صحي... | معاوية المدير | 02-18-15, 09:29 AM |
Re: حاجاتنا بِقن كُتّار خلاس. والله صحي... | Mohamed Yousif | 02-18-15, 02:01 PM |
Re: حاجاتنا بِقن كُتّار خلاس. والله صحي... | Mohamed Yousif | 02-18-15, 04:57 PM |
Re: حاجاتنا بِقن كُتّار خلاس. والله صحي... | معاوية المدير | 11-18-15, 06:38 AM |
|
|
|