|
Re: الخادمة السودانية في المملكة العربية اصبحت امر واقع وشوف عين ... (Re: معتصم سليمان)
|
طبعا ده كان رد فى نفس الموضوع لبوست عامله تبارك: ياخ نحن لمتين الدبل استاندرد حنكون كسودانيين عايشنو ؟؟؟؟؟؟؟؟؟؟؟؟؟؟؟؟ ياخ يجيك واحد عامل فيها ابو الرجال وبتكلم عن يلمو قروش ويساعدوا النسوان ديل!! واحد يديك موشح عن الوعي ويعكس انو كم هو منفتح نحو الآخر وفجأة يلحقك ب لكن والله لكن دي اكبر ملامح الازدواجية العايشنا كسودانيين يجيك واحد تاني ينعل سلسبيل ابو الانقاذ الخلت البنات والنسوان ديل يطلعوا يشتغلوا بره وكأنما الانقاذ شردت النسوان بس !!!!!!
ياخ الخادمة دي مهنة صاح؟
واااااجب احترامها كمهنة زيها زي الطبيب والمهندس ....الخ بغض النظر عن البلد البنمارس فيهو المهنة دي.
الكلام البتقولو فوق فيهو ده هو عدم احترام لمهنة الخادمة بدون لف ودوران عدم احترام منكم عديل.
ياخ منو القال ليك انو اي بنت ولا امراة بتقبل انو الناس تتبرع ليها او يصرفوا عليها عشان تعيش؟؟؟؟؟ دي مهنة صاحبها فقط من يحدد وين يشتغلها ما زول تاني . ولا يوجد اي مبرر لعدم احترام خيارات صاحبها/ت فى انو وين يمارسها بشكل نظامي. باختصار شديد اي محاولة انتقاد لهذا الخيار ليس لها وصف غير وصف واحد فقط وهو
(اعدام احترام للمهن) .
السنجك
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: alsngaq)
|
الاخت دينا تحياتي
Quote: انت رايك انو منو صاحب القرار فى العمل كخادمة الدولة ولا الرجال ولا الخدامة ذاتها ؟؟؟ |
العاملة هي الوحيدة التي لها حق في ان تقرر.
لكن اي دولة في العالم يا دينا بتفرض شروط لعمل رعاياها خارج حدودها، دا شيء منطقي ومعمول به في ارقى الدول بريطانيا لها شروطها لعمالتها في السعودية، امريكا ..... الخ اي دولة من حقها (لمصلحة مواطنيها طبعا) ان تضع من الشروط ما يناسب دستورها، قوانينها، اذا السودان عنده شروط، فهذا لا ينقص منها، بس بنقول ما تكون شروط تعسفية مثلا.
الرجال المعترضين هنا نحن نحترم حقهم في حرية التعبير ليس الا. الداير يقول رأيه يقوله، ما عندي مانع ابدا احترم وجهات النظر المختلفة.
من ناحية مبدئية، حق العمل والتكسب المادي حق مثبت في كل دساتير العالم بما فيها الدستور السوداني، مافي زول او حكومة عندها حق المنع
من الدستور السوداني:
Quote: العدالة الاجتماعية 12 ( 1) تضع الدولة استراتيجيات وسياسات تكفل العدالة الاجتماعية بين أهل السو دان كافة، وذلك عن طريق تأمين and#59425; سبل كسب العيش وفرص العمل وتشجع التكافل والعون الذاتي والتعاون والعمل الخيري. 2) لا and#59425;يحرم أي شخص مؤهل من ا لإلتحاق ب أي مهنة أو عمل بسبب الإعاقة، ولجميع ) الأشخاص ذوي الحاجات الخاصة والمسنين الحق في المشاركة في المناشط الاجتماعية أو المهنية أو الإبداعية أو الترفيهية. |
ارجع بيك لقضية سودانية شهيرة
عندما اعلنت شركة شل في السودان رغبتها في تعيين عمال محطات (عمال تعبئة) كان المتقدمين للوظيفة من البنات اكتر من الاولاد زاتو، وتم تعيينهن، هنا قام الراحل مجذوب الخليفة وحينها كان والي الخرطوم برفض تعيين البنات كعاملات نعبئة في محطات البنزين والجرايد اتلمت واصبحت قضية رأي عام، وكمية من الدراسات والتنظير، لجأت شركة شل الى المحكمة الدستورية وفعلا حكمت المحكمة الدستورية لصالح شركة شل لان عمل المرأة في محطات البنزين حق دستوري ولا يجوز لوالي الخرطوم الاعتراض عليه، عموما تدخلت السياسة السودانية بسلوكها المعهود شيء بالتراضي شيء بالواسطة وقبلت شركة شل ان توقف تعيين الفتيات في المحطات. لكن بالقانون، المحكمة الدستورية حكمت لصالح شركة شل، اي بلغة اخرى، اقرت حق المرأة في التعمل والتكسب رغما عن انف الوالي والحكومة.
نعم، عمل المرأة كعاملة منزلية بالخارج حق دستوري لها، ولا يجوز ان يعترض عليه احد، لكن من واجب الدولة ان تضع من القوانين والشروط التي تحفظ للعاملة كرامتها وانسانيتها. ودا شيء كويس ما كعب.
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: دينا خالد)
|
دينا،
قوقلي كويس، شركة شل هي من فجرت القضية.
المهم، ان عمل المرأة حق دستوري في السودان.
هسع داير تعليقك على دا:
Quote: لكن اي دولة في العالم يا دينا بتفرض شروط لعمل رعاياها خارج حدودها، دا شيء منطقي ومعمول به في ارقى الدول بريطانيا لها شروطها لعمالتها في السعودية، امريكا ..... الخ اي دولة من حقها (لمصلحة مواطنيها طبعا) ان تضع من الشروط ما يناسب دستورها، قوانينها، اذا السودان عنده شروط، فهذا لا ينقص منها، بس بنقول ما تكون شروط تعسفية مثلا |
هل من حق الدولة ان تنظم، وتضع من الشروط والقوانين ما يحفظ حقوق وكرامة رعاياها بالخارج؟
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: دينا خالد)
|
لو فى زول بيجيد البحت يجيب لينا صورة من نص قرار او حكم المحكمة الدستورية بالغاء قرار والى الخرطوم والقاضى بمنع مزاولة النساء لبعض المهن فى ولايته الاسلامية ... Quote: لاحـد 28 شعبـان 1421 هـ 26 نوفمبر 2000 العدد 8034
الإدعاء السوداني يتهم والي الخرطوم بتجاوز صلاحياته بقراره منع عمل النساء
الخرطوم: «الشرق الأوسط»
استمعت المحكمة الدستورية في السودان امس الى المرافعة الختامية للمدعين ضد قرار والي الخرطوم والقاضي بمنع النساء من العمل في بعض المجالات. وقال غازي سليمان المحامي في مرافعته نيابة عن عدد من النساء ان قرار الوالي سلب الطاعنات حقهن الدستوري في التساوي مع الرجال في وظائف الحياة العامة، تجاوز سلطات الأجهزة الولائية لأنه ليس من صلاحيات هذه السلطات تنظيم المهن العامة او الخدمة العامة بل هي من السلطات الاتحادية حسب نص الدستور.
وقال سليمان ان الوالي انتهك الحريات التي تتمتع بها المرأة السودانية وفقاً للقوانين التي تحرم التمييز في العمل اذا كان قائماً عى اللون او الجنس او العرق او اللغة او الدين او الرأي السياسي، ووصف قرار الوالي بأنه لا علاقة له اطلاقاً بسلطة التشريع الولائي المنصوص عليها في دستور 98. وقال ان القرار المطعون فيه اصولي وممعن في الأصولية كفكر مضاد للتعدد والتآلف والتسامح الذي تنص عليه المادة الأولى من الفصل الأول من دستور السودان.
وطالب بضرورة نقضه والغائه قائلاً ان ابقاءه يعني هلاك الوطن الجامع.
وأوضح غازي في مرافعته ان القرار المطعون فيه لا علاقة له بالتفسير المستنير للتراث الاسلامي. واختتم مرافعته قائلاً: «علينا ان نختار بين وطن جامع كسب بتكوينه الديمقراطي على الأقل تعدداً في الموروث الثقافي يعتبر ويبقى ذخراً للتعدد لا انفلاتاً وفوضى كما حاول ان يوهمنا والي الخرطوم، او اقامة دولة طالبان أخرى تظل بؤرة للتوترات العرقية والدينية وفي نهاية المطاف تعصف بوحدة السودان وتنال من سلامة اراضينا».
كما استمعت المحكمة الى مرافعة الدكتور اسماعيل الحاج موسى (المحامي) وزير الاعلام الأسبق نيابة عن اتحاد المرأة الذي أكد بدوره ان الوالي اتخذ قراره باعتباره أعلى سلطة في الولاية وان المهن التي قضى القرار بايقافها هي مهن شريفة ومشروعة تتكسب منها النسوة، وان منعهن يعتبر تعدياً واهداراً لحقوق دستورية.
وكان الدكتور مجذوب الخليفة والي الخرطوم قد اصدر في سبتمبر (ايلول) الماضي قراراً يقضي بمنع النساء من العمل في محطات خدمة الوقود والكافتيريات والفنادق، وقد أثار القرار جدلاً واسعاً في السودان وطعن فيه عدد من المحامين ومنظمات المجتمع المدني وفي مقدمتها اتحاد المرأة الموالي للحكومة، كما انتقده كوفي أنان الأمين العام للأمم المتحدة من خلال رسالة بعث بها الى وزير الخارجية السوداني واستمعت المحكمة خلال جلسات سابقة الى دفاع ولاية الخرطوم وشهادات من وزير العدل ووكيل الوزارة.
وتستمع المحكمة يوم 9 يناير (كانون الثاني) المقبل الى المرافعة الختامية للدفاع عن الوالي. أخبار ذات صلة
الخرطوم: المحكمة الدستورية تعلق قرار منع عمل النساء ووالي الخرطوم يهدد بالاستقالة - محللون يرجحون أن يكون دافع قرار المنع إحراج البشير في أميركا http://http://www.aawsat.comwww.aawsat.com 10 - 9 - 2000 وزير العدل السوداني: قرار والي الخرطوم بحظر عمل النساء غير مدروس http://http://www.aawsat.comwww.aawsat.com 24 - 10 - 2000 الشرطة السودانية تعتقل 26 امرأة بعد مظاهرة في الخرطوم ضد منع النساء من العمل http://http://www.aawsat.comwww.aawsat.com 11 - 9 - 2000 الشرطة السودانية تعتقل 26 امرأة بعد مظاهرة في الخرطوم ضد منع النساء من العمل http://http://www.aawsat.comwww.aawsat.com 12 - 9 - 2000 الخرطوم: الشرطة تتصدى بالغازات لمظاهرة نسائية ضد منع عمل المرأة http://http://www.aawsat.comwww.aawsat.com 11 - 9 - 2000 |
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: أحمد ابن عوف)
|
احمد ابو عوف لم اورد اى شىء هنا عشان غلاط انا بصدد اجلاء حقائق متعلقة بموضوع البوست وللفايدة العامة .. وطالما انت قوقلت ولقيت علاقة لشركة شل مالو نورنا لانو نحن او انا ما عارفه من دواعى سرورى والله واضافة ..
Quote: هل من حق الدولة ان تنظم، وتضع من الشروط والقوانين ما يحفظ حقوق وكرامة رعاياها بالخارج؟ |
نعم شريطة ان لا يشكل او يخالف هذا الاجراء او ما تسميه التنظيم اى حق دستورى للمواطن الحقوق الدستورية خط احمر يجب ان لاتخالفها حتى القوانين ... وللتوضيح فى مثل هذه الحاله الدولة لاتستطيع اصدار اى قرار بمنع سفر او حرمان اى شخص من حقه فى التنقل اوالعمل لانو دى حقوق دستورية ... دايره تعمل اى شى تانى يحفظ الحقوق دى مرحب بيها .... كما ان الدولة لا يمكنها اجهاض هذه الحقوق باى كلام عقيم وعاطفى مثل حماية المراة وصون كرامتها ولب لب لب من غث القول فالمراة لا معتوهه ولا مجنونه ولا مرضنه مرض الموت عشان يشكلو وصاية عليها .. طالما كانت كاملة الاهلية ...
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: دينا خالد)
|
لانعاش الذاكرة والفايدة العامة وبرضو لو فى زول وجد نص بحيثيات قرار المحكمة الدستورية والتى ابطلت فيه قرار الوالى يكون كويس .. Quote: الخرطوم: جدل في المحكمة حول قرار منع النساء من العمل الخرطوم: «الشرق الأوسط» أكد الدكتور احمد المفتي وكيل وزارة العدل السودانية أمام المحكمة الدستورية ان قرار د. مجذوب الخليفة والي ولاية الخرطوم الصادر الشهر الماضي بمنع النساء من العمل في بعض المهن يحتاج للمعالجة من حيث الشكل والمضمون. وقد ادت هذه الكلمة الى جدل بين رئيس المحكمة والمحامين الطاعنين ضد القرار من جهة والوكيل من جهة ثانية حيث مالت المحكمة الى تفسير الكلمة بأنها تعني ان القرار مريض وفي حاجة الى علاج، ولكن الوكيل رفض هذا التفسير وأصر على انه يعني ان به خللاً يحتاج للعلاج وأقر الوكيل انه اصدر تصريحاً عقب قرار الوالي نشر في الصحف يؤكد فيه ان الدستور يعطي المرأة الحق في العمل وان السلطة التنفيذية لا تملك الغاء هذا الحق.
وقال انه لم يصدر هذا التصريح بصفته الشخصية ولكن بصفته وكيلاً للعدل وانه لا يستطيع ان يصف هذا التصريح بأنه فتوى ولكنه تفسير لمادة دستورية.
وكان وزير العدل علي محمد عثمان يس قد سارع حينها بوصف تصريح الوكيل بأنه شخصي. وقررت المحكمة تجديد طلبها بضرورة مثول وزير العدل امامها في جلسة تعقد يوم 23 اكتوبر (تشرين الأول) الجاري وكان مفترضاً ان يظهر الوزير في المحكمة اليوم الى جانب الوكيل إلا ان الوزارة اعتذرت بسبب سفره لخارج البلاد في مهمة رسمية.
وأوضح الوكيل امام المحكمة انه لا يعلم ما اذا كان الوزير قد تلقى موافقة من رئيس الجمهورية ام لا للدفاع عن قرار الوالي وعندما سئل عن سبب عدم اعتراضه على دفاع الوزارة عن قرار الوالي رغم مسؤوليته عن ملف حقوق الانسان في الوزارة قال انه لا يملك هذا الحق وانه رغم ذلك يدافع عن حقوق المرأة في المحافل الدولية.
وكان الطاعنون قد طلبوا الأسبوع الماضي الى المحكمة استدعاء الوزير والوكيل لاستفسارهما حول سبب تضارب رأييهما في قرار الوالي وسبب دفاعهما في المحكمة عن القرار رغم تصريح الوكيل.
وكان والي الخرطوم قد أصدر في مطلع سبتمبر (ايلول) الماضي قراراً بمنع المرأة من العمل في الكافتيريات ومحطات خدمة الوقود والفنادق وطعن اتحاد المرأة الموالي للحكومة والمنظمة السودانية لحقوق الانسان التي يقودها المعارض غازي سليمان في القرار. |
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: دينا خالد)
|
أها يا دينا بجيك من العبارة القانونية دي
أها كاملة الأهلية دي في السودان والدول العربية البتنادي بقوانين الشريعة الإسلامية بتقولها (كامل/كاملة الأهلية شرعاً وقانوناً)
أها في دستور السودان المسمى بالشريعة عندهم مراقة حيقولوا ليك شرعاً ما تسافر بدون محرم !
شفتي كيف الدستور لا يمكن أن تعتمدي عليه في السودان
ياخي نفس الدستور والقوانين المشرعة منه ممكن أدين شخص في جريمة وأطلع التاني في نفس الجريمة براءة
فعشان كدا ما عاوزين نناقش الموضوع دا بالقانون (العضم) الموضوع إجتماعي (إنتي يا دينا ما سمعتي بالمثقف العضوي - الإصطلاح بتاع عضوي - أنا كنت أفضل يقولوا المثقف الميداني)
أها هنا كمان القضية دي بتتطلب تثقيف عضوي للحكم لفيها أكثر من حوجتها لقانون ودستور !
ومعاك بالدرب الطويل
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: Asim Fageary)
|
يا اعاصم فقيرى كلامك دا هل معناه انتو عايزين تنفذوا فى الموضوع دا من نفسسس الثغرات البتنفذ بيها الحيكومة ؟؟ عيب والله لو علمتو عظيم ... نحن يااااا عاصم الاخطاء نحن هنا مش عشان نامن على تطبيق القانون او الدستور بطريقة الانقاذ خلى الحكومة تسوط سواطتها ونحن نقول دا غلط دا ما صاح دا ما دستورى ودا ما قانونى الكلام دا حصل فى قصة سفر المراة بمحرم لحد ما بلعوا كلامهم وصار السفر بلا محرم صرنا وراهم فى قرار الوالى بمنع النساء من العمل فى مهن محدده لحد ما ابطلنا كلامه بحكم من الدستورية حصل فى قانون الجنسية الكان بيدى الجنسية لاى مواطن احد والديه سودانى وكان معطل بمنشور داخلى انه الام لا الاب بس ... فضلنا وراهم لما انتزعنا هذا الحق واهو وراهم ... مافى استسلام لى هم بعملوا فى شنو .. خليهم يعملوا ونحن نقول دا غلط .. مستحيل ومخالف للدستور يعنى ما ح نقول خلونا نتكلم فى المتاح والواقع عشان المتاح والواقع الليلة بقى ماتشينق مع رغباتكم انه المراة ما تجيكم فى السعودية هناك وتحرجكم وتشتغل خدامة .... حتى لو نحن ما راغبين فى الكلام دا بيظل حق المراة فى العمل وحقها فى التنقل والسفر وحقها فى الاختيار وكل حقوقها دى مقدسة ما يجى زول يقول لينا لا لا المراه دى مفروض الرجال او الدولة يصونها ويحموا عروضهم وشرفهم بمصادرة حقوقها القانونية تشاركهم فى هذا الراى والجريمة رؤوس زكورية من النساء لا ما بنفع ... معليش ح نقاوم
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: دينا خالد)
|
يا دينا والله أنا شخصياً في أمس الحاجة لهوم ميت لأولادي .. لكن نفسياً كدا ما بقدر أجيب لي سودانية من السودان بالرغم من إنها أفضل مليون مرة من اي جنسية تانية بالنسبة لي وكمان بكون مطمئن أكتر لكن ما بالعة .. يا دينا زي لحم الضفادع قالوا حلال لكن والله ما بقدر آكل لحم ضفدع وهسة قربت إستفرغ من سيرة لحم الضفادع دي ذاتها، أها قصرنا معاك الفكرة إنها هنا هنا هنا بالذات النظرة ليها بتختلف ومعاك ما بختلف لكن نسوي شنو
أما بخصوص الدستور والقوانين إنتي متأكدة كويس أنا كل القوانين وبدستور السودان ذاته شايفه غلط من ساسو لراسو
وأي دستور بكرس لدولة عقائدية ما واقع لي
أها قصرت معاك
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: دينا خالد)
|
يا جماعة انا كتبت مداخلة لكنها راحت شمار فى مرقة رغم ظهور اسمى على القائمة
المهم
زيما بقول تبارك: والله ما اعيدها
بس انا داير اسالكم سؤال ماهو الفرق بين خدم المنازل ان كن سودانيات او من جنسية اخرى؟ الاحرى بكم لو اردتم منقاشة القضية مناقشتها من منظور انسانى ففى نظرى كل الناس سواسية...لافرق بين سودانية او هندية او اثيوبية او اندونسية او فلبينية... فكلهن يتعرضن للظلم والمهانة و كلهن هاجرن و اضطررن للعمل كخادمات منازل بسبب العوز و الفقر و الحاجة الى نجدة الاسرة و دعمها و بينهن الكثيرات اللائى يعلن عدة اسر و يطعمن طلابا و يرسلوهم للمدارس بايديهن القوية.. كفو عن هذا الحديث فهو لا يخصكم بل من صميم اختصاص هؤلاء النسوة المسكينات الصابرات .... هن من يقرر وهن فى النهاية من يعول
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: هشام المجمر)
|
ود المجمر قريب صحبي محمد عثمان المجمر المحامي وقريب زوجة صاحبي استاذ الكيمياء استاذ يوسف بشير
ياخي البيحصل هنا لخادمات المنازل ما بيتحكي بالتفاصيل
أنا واخونا أحمد التجاني حاولنا نديكم الموضوع بصورة عامة من غير تفاصيل قد يكون كلانا وكثير معنا يعرفها بالتفصيل هنا
وقالوا اللبيب بالإشارة يفهم
عليك الله يا ود المجمر قلب كلامي دا كويس بتفهم قصدي ودينا ذاتها فاهمة وعاملة رايحة بس أنا عاوز إتثقف منها قوانين ودساتير (دستور يا أولاد ماما)
ليس لدينا أي مناهضة ضد حقوق المرأة ولا ليس لدينا أدنى وصاية عليها هذا الأمر تجاوزناه تماماً
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: Asim Fageary)
|
يا عاصم فقيرى
تحياتى
افهم و اتفهم كلامك تماما و اعيه جيدا...لكن يظل القرار لتلك النسوة...هم من يقررن ان يصبرن على هذا البلاء او يرجعن لبلادهن...وواضح ان الكثير منهن اثرن الخيار الاول الصبر على البلاء لأن الحل الاخر بالنسبة لهن مستحيل...من يوفر لهؤلاء النسوة لقمة العيش الكريمة من يعولهن و يعول اسرهن.. نحن؟ لا بالطبع ..الدولة لا و الف لا؟ اذن هن يعرفن انهن المعيل الوحيد لانفسهن واسرهن لذلك هن صابرات واذا كن هن صابرات فيا توفرو ليهن المرتبات و العيش الكريم ولا ما عندكم حل غير الصبر انتم ايضا
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: Asim Fageary)
|
هشام المجمر تشبه المخبر السرى فى الصورة هههههه خوفتنا .. المهم انك جيت لى نجدتى بعد 3 صفحات ؟ مفترى والله
يا عاصم ياخ قلنا ليك ما اختلفنا نحن فاهمين بتقول فى شنو وعرفنا حجم الانتهاكات لكن النسوان دبل ومن كل الدول ذى ما قال المجمر لو قعدن فى اماكنهن وما اشتغلوا الشغله دى كل البحصل ليهن دا بحصل ليهن فى بلادن شغل شاق تحرش انتهاكات كلو كلو بحصل ليهن وبدون قروش ... لانهن ما جايات رفاهيه لكن اماكن وجودهن وعيشهن فيها شر اكتر من دا ... نحن كل القلناه انو القرار قرارهن مافى زول او جهة تصادر حقوقهن فى قرارهن بدعوى حمايتهن يعنى ما يجينا زول تانى هنا يقول انتو ما عارفين البحصل عارفيييييين .... لكن بيظل القرار قرارهن ووداعا خلاص افتكر القصة وضحت
ـــــــــــــــــــــ قال نزار قبانى خمسين سنة حملت المرأة على أكتافي وقاتلت من أجلها وفي سبيل قضيتها لكنها في عز المعركة تركتني وذهبت إلى الكوافير. - نزار قباني ( شاعر سوري )
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: دينا خالد)
|
اذن احنا متفقين يا دينا
Quote: نعم شريطة ان لا يشكل او يخالف هذا الاجراء او ما تسميه التنظيم اى حق دستورى للمواطن الحقوق الدستورية خط احمر يجب ان لاتخالفها حتى القوانين ... وللتوضيح فى مثل هذه الحاله الدولة لاتستطيع اصدار اى قرار بمنع سفر او حرمان اى شخص من حقه فى التنقل اوالعمل لانو دى حقوق دستورية ... دايره تعمل اى شى تانى يحفظ الحقوق دى مرحب بيها .... كما ان الدولة لا يمكنها اجهاض هذه الحقوق باى كلام عقيم وعاطفى مثل حماية المراة وصون كرامتها ولب لب لب من غث القول فالمراة لا معتوهه ولا مجنونه ولا مرضنه مرض الموت عشان يشكلو وصاية عليها .. طالما كانت كاملة الاهلية ... |
وبالمناسبة انا ما قوقلت قضية الوالي، ما كتبته كتبته من الذاكرة لانني عشت تفاصيلها ممن كانوا في خضم المعركة ضد الوالي
تحياتي
تحياتي
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: اخلاص عبدالرحمن المشرف)
|
وبهذا قفلنا باب الخدامات فى السعودية وانتقلنا الى ملف نزار قبانى ـــــــــــــــــــــــــــــــــــــــــــــــــــــــــــــــــــ شخيت
مرحب بيك مرحب العزيزة اخلاص كيف الكلام دا ؟ كدا اشرحى لينا شوية لانو بصراحة الراجل دا انا بحب شعره ... ومنكم نستفيد ... لو حبيتى نواصل فى بوستينى دا ... (امنعوا الفوضى)
او اذا حبيتى افتحى بوست جديد اصلو المراة مظلومة ظلم الحسن والحسين انا معاك لحسن الحظ انا مؤجزة من الليلة لى السبت اجازة الظالم عبادة ... لوووووب يا شينه ... حقو تعملى بوست نتونس هناك البوست دا بقى بارد ... ودى وتحياتى يا اميرة انا اول مره اقرا ليك اظنكم لما جيتو نحن كنا مافى ..
| |
|
|
|
|
|
|
Re: الخادمة السودانية في المملكة العربية اصبحت امر واقع وشوف عين ... (Re: ابوحراز)
|
Quote: هسي زي العينة دي بينفع معاها حقوق انسان وللا قانون سنة 2005 المعدل سنة 2011 والله هذا النوع بس مفروض يبطحوه في السوق والضرب في { الفقرة } بي عكاز مضبب |
أما الحكاية الثانية 00 فهذا لاينفع معاهو عكاز مضبب زي صاحبنا الأول بل يجب ان يدقوه بالمصيبة { البضببو } بيها العكاز !!!! الحناكيش يمتنعون لأنهم لايعرفونها !!!
ولابد من مدخل هنا حينما تشاجر عمنا مع فكي يحيى في الحواشات ولم ينم يومها وهو يفكر في هذه الشكلة وعندما اشرقت الشمس لم ينتظر ان يشرب الشاي فتوجه صوب { الجزارات } واول شيء طلبه انه يريد { الضبة } ليضبب عكازه لأمر هام فاعتذروا له وقالوا له { والله الضبة اشتراها فكي يحيى بدري } !!! فقال لهم متحسرا : وانتوا قايلين انا مضب العكاز لـ منو ؟؟؟
طيب واحدة تصحى الساعة الخامسة فجراً تعمل في الباقير باحد مصانع الأعلاف تترك المصاريف لمدة اسبوع كامل لأنها تذهب للمصنع يوم السبت ولاتعود الا مساء الخميس 00 ممكن ترجع 10 مساءا وممكن 12 مساء حسب ظروف المواصلات وانتم تعلمون مواصلات الخميس بالسودان !!! ابو القدح ذو الحجم العائلي ماشغال 00 يصحو التاسعة صباحا 00 يفطر ويفتح القنوات الفضائية وكثيرا ما ياخذ مصاريف افطار اطفاله لشراء التمباك !!!!! كمان بيعشق الجرائد قال !!!! يذهب ابناؤه وبناته للمدرسة بلا مصاريف المسافة من مصانع الباقير حتى الطريق الرئيسي الخرطوم مدني مسافة بعيدة تقطعها هذه المرأة في ظلامس دامس كل خميس وتاتي لتقف في المظلة على باب الله !!!!
على مقربة منهم جيران لهم المرأة لاتعمل بل هي ربة منزل والرجل معاق يمشي على كرسي متحرك لكنه يقوم باكرا ويذهب الى سوق الخضار القريب منهم هناك يبيع البصل والطماطم والكثير من الخضروات ومن ثم ياتي مساءا أشعثاً أغبراً بكرسيه المتحرك وهو يحمل عشرات الأكياس المليئة بالخير لأبنائه !!!!
بالله رايكم شنو لو ان صاحبنا بتاع المرأة الشغالة تبرع برجليه لهذا الرجل الأخير المكافح ؟؟؟
هجمة مرتدة ان تعمل زوجتك لاسبوع كامل وتاتي نصف الليل وتجدك نائم ومن ثم تصحو التاسعة صباحا دون ان تسالها متى وصلت وكيف وصلت الى هنا بالله الا يستحق ان نستعير { عكاز فكي يحيى بعد التعديل } لمثل هذا المعتوه
نقطة ضوء ان تعمل المرأة شيء جميل وان تكافح شيء أجمل وان تعطي كعطائها الأنثوي الدفاق فهذا اروع ما في الانسانية !!! ولكن 00 بكرامة !!!!!
| |
|
|
|
|
|
|
Re: الخادمة السودانية في المملكة العربية اصب� (Re: دينا خالد)
|
في الواقع هناك سودانيات يعملن بالمنازل كعاملات " بالسودان " .. وفي سودانيات يتعرضن للاغتصاب وللتحرش الجنسي وللانتهاكت في الشارع وفي وظائفهن الإدارية من قبل روسائهن وزملائهن " بالسودان " .. وفي سودانيات يُراق ماء وجوههن وهن يتسولن من يطعمهن " بالسودان " .. وفي سودانيات يعشن في اسواء الحالات الانسانية " بالسودان .. والحاصل دا كلو لا يهم " الكثير" من الرجال السودانيين لانه بيحصل " بالسودان " ...
اليبفهمو من الكلام دا كلو..ما مشكلة انه ادوس على المراة وعلى كرامتها او ادوس أو ينداس على كل القيـم الانسانية في بلدي وفي وطني طالما الكراع كراعي وكراع قومي.. لكن مافي زول غيري يدوس على " ولياني " :)
المشكلة الاساسية البتنقري هنا ماهي قضية انه المرأة تعمل او تنتهك حقوقها او تثهدر كرامتها .. الفهم انه دا لازم يتم بواسطتي انا وليس غيري .. لو قام جنس او شعب تاني عمل كدة فيبقي الويل والثبور وعظائم الامور.. وهلم الي الحرب..
القبائل الجاهلية وزمن الهمجية والغارات والسلب والنهب اكبر عيب وعار يطال رجل القبيلة هو ان يُشاركه رجل آخر ويعاونه في انتهاك حق وكرامة إمراة من قبيلته..
دا من ناحية .. من ناحية تانية أغلب دول العالم الــ" شرقي" لديها مهن تحرم على رعايها العمل بها - خارجياً - واغلبها متعلق بالمرأة ..فماهو العيب او الخطأ ان يحذو السودان حذو الدول ال" شرقية " ماهو السودان شرقي في كله شئ من تفكيرو حتى لبسه.. بقت على اللون بس..
اكتر شئ محبط لزول يجي للسودان بعد فترة او يطالع قنواته الفضائية هو مشاهدة العباءة السوداء البقت ظاهرة لدرجة انه ما تعرف نفسك بالخرطوم ام عطبرة ام حريملاء ام حائل.. أين ذهب التوب الجميل.. واين اختفت الألوان البيضاء !!!!
| |
|
|
|
|
|
|
Re: الخادمة السودانية في المملكة العربية اصب� (Re: HAIDER ALZAIN)
|
الخادمة معنة زيها وزي أي مهنة أخري .. ما يثير حفيظة الكثيرين هو أن عمل المرأة كخادمة في دول الخليج هو أشبه بالعبوديه , والأسترقاق .... نقطة سطر جديد
في السابق الأفنديه اللي كانوا يعملون في الخليج عندما هاجر السودانين بمهن هامشية أيضا رفضوا هذا وقالوا أن هذا لا يشبه تاريخ السودان في سوق العمل الخليجي ... وان الدوله عليها أن ترفض هذا الأمر وبعدين كتر الكلام علي سفر السيدات للعمل ... وبرضو الأفنديه خايفين علي مكانتهم الأجتماعية اخشي أن يكون رفض عمل المرأة السودانية كخادمة نابع من خوف الأفتديه في الخليج من نظرة الخليجي للسوداني بعد أن تعمل عنده خادمة سودانيه والا يكون الخوف علي سوء المعاملة التي ستلاقيها المسكينة في البيوت الخليجية .....
بشكل عام عمل الخادمات من كافة الجنسيات لابد له من أعادة نظر من قبل الدول التي تصدر العمالة المنزلية أمثلة عملية تحمي المرأة العاملة في البيوت في دول الخليج : 1- أن يحدد الوصف الوظيفي وطبيعة العمل 2- تحدد ساعات العمل كما ينص القانون 3- يخصص سكن خاص بالخادمات ويوفر الترحيل من والي مكان العمل(يكون منفصل وبعيد عن مكان العمل) 4- لابد من المطالبة بقانون حماية الأجور وأن يوضع الراتب في البنك شهريا 5- أجازة سنوية مدفوعة لمدة شهر مع تذكرة ذهاب وعودة 6- تأمين صحي
اذا تمت المطالبة بهذه الشروط من قبل جميع الدول التي تصدر العمالة أعتقد ستخفف المضايقات التي تتعرض لها الخادمات بغض النظر عن جنسيتها
| |
|
|
|
|
|
|
رد (Re: usama Babiker)
|
التحية لصاحب البوست على هذا الموضوع .. والتحية لكل المتداخلين
والتحية أيضاً لكافة المقيمين الذين سعوا لتنوير عازة بفهم وتعامل معظم الأسر السعودية لشاغلات هذه المهنة ..
مداخلة صغيرة أخص بها الأخت دينا خالد..
لا خلاف في حرية الخيارات للمرأة في تحديد عملها ومهنتها ... الخ لا يحق لأي منا المناداة بمنعها بقرارات حكومية أو سواه ..
ننادي جميعنا بسن قوانين تحميها من المخاطر التي ذكرها الأخوة المقيمين بالمملكة ..
ولكن الإشكال أن معظم الأسر ومراهقيها وأربابها وهذا ما لم يتناوله أحد لن يردعهم قانون من إلحاق الأذى بالخادمة سوى أن كانت سودانية أو غيرها
وبالتأكيد غيرتنا على ما نخبره مما يتم معهن من تحرشات واغتصاب وغيره .. أما العمل لساعات طويلة والنظرة الدونية .. الخ فذلك مقدورة عليه ..
لذا يا أستاذة دينا .. قد لا يكون العقد أو الفيزا لكل اللائي ذكرتيهن (ليلة قدر) مقابل العقلية الذكورية السائدة لدى السعودي تجاه الخادمة المنزلية (وليس جميعهم بالطبع)
ومعظم المخدمين كما نعرف من معايشتنا لهم هنا لن تردعهم أي قوانين .. وإلا دوننا فحوى البلاغات من قبل الخادمات الفلبينيات وهن في كنف أقوى القوانين لحمايتهن من قبل دلوتهن
من أجل ذلك هدي نفسك شوية .. والموضوع ليس موضوع عقلية ذكورية ومنع .. الخ
والله يحفظ جميع بناتنا وبنات حواء عموما ويحفظهن شامخات أبيات عفيفات سامقات نتسمد منهن عظمتنا ..
تحياتي للجميع
| |
|
|
|
|
|
|
|