آلة كاتبة و USB في يوم واحد ؟ حاجة تجنن !!!

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-10-2018, 05:10 AM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
28-01-2015, 00:10 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12499

للتواصل معنا

FaceBook
تويتر Twitter
YouTube


آلة كاتبة و USB في يوم واحد ؟ حاجة تجنن !!!

    اعترف بان عمري الزمني ( يرميني ) في العقد السادس من العمر ...
    و قد يعتقد الكثيرين ( لأننا الأقل ) ... ان قد بلغنا من العمر عتيا ...
    و لكن ما لا يعلمه الكثيرين ...
    ان سرعة تطور التكنلوجيا و ثورتها كلها حدثت موازية لأعمارنا ...!! و اعطتنا الإحساس بالشباب :)
    لذلك تجدنا طبعنا خطاباتنا علي الطابعات الميكانيكية ...
    الى ان طبعنا خطاباتنا و ( إيميلاتنا ) بالـــ Voice Command

    أما اضحكني اليوم ... انني كنت استمع الى محمد وردي في سيارتي ...
    و علي ( داشبورد ) السيارة مكتبوب باللغة العربية ( أقابلك .. محمد وردي و الحلنقي ...) و تظهر علامة الـ USB اعلي الكلام ...
    ضحكت و قلت سبحان الله الذي امد في عمرنا حتى رأينا هذا ...
    وكان معي احد العملاء ( في اول الثلاثينيات من عمره ) ...فهممت باغلاق التسجيل ...
    فقال لي ... لماذا تستخدم ال USB ... يمكنك تخزين الأغنيات علي هارد درايف السيارة ...
    هل هي مزودة بهارد درايف ...
    ( ضحكت و لم اعلق ) ... هو انا كان بعرف قدر ده كان جبت ال يو ا س بي ... مش كتر خيري ؟
    ثم دخلت معه لمشاهدة احد المنازل المعروضة للشراء ...
    واذا بي اجد آلة كاتبة موضوعة كديكور في المنزل ...
    فسألني مندهشاً .... ما هذه ؟
    فقلت ... ديكور يا ابني ... ديكور بس ...
    _______________________________________________
    الحمد لله الذي انعم علينا برؤية شرايط الريل و الكاسيت ...
    و الطباعة على ورق الرونيو و الكربون ...

    قال عندك هارد درايف قال !!!
                   |Articles |News |مقالات |بيانات

28-01-2015, 00:12 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12499

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: يحي قباني)

    usb.JPG Hosting at Sudaneseonline.com


    الآلة الكاتبة صاحبة الموضوع ...


    typewritersudan2sudan.JPG Hosting at Sudaneseonline.com
                   |Articles |News |مقالات |بيانات

28-01-2015, 01:29 AM

حسين نوباتيا
<aحسين نوباتيا
تاريخ التسجيل: 06-06-2008
مجموع المشاركات: 2460

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: يحي قباني)

    مصيفيين يا عمك ... بختكم ...

    لا زوابع ولا اعاصير .... وماينص 10 بس!!

    تعرف يا قباني مع برد شمال امريكا دا بحصل نوع من التحنيط:)

    يعني التلاتة سنة بي ستة شهور من شمسنا اللافة مع الناس في الشارع ديك..

    شكلك لسة شغال بالعداد القديم :)
    .
    .

    .

    شهر تمانية الماضي كنت في الـUK ومع مجموعة عمل ذهبنا لمتحف للسيارات الاثرية

    واثناء الجولة اشوف ليك الفورد ابو منفلة المابغباني داك ... وجات احدى العاملات وشرحت

    لينا طريقة عمله ... انقر شنو ... اديتها ليك وااااو زي الما حاصل حاجة:)
                   |Articles |News |مقالات |بيانات

28-01-2015, 02:40 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7719

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: حسين نوباتيا)

    ههههها يا نوباتيا أظن معاها رفعة حواجبين كمان و زمة شفتين.

    تعرف يا قباني الدخول في عالم التكنولوجيا بالنسبة لي مسألة عقدة
    من أيام الكيميا والفيزيا والرياضيات
    بعرف اليو إس بي لكن اقتنيتو قبل تلاتة أسابيع هدية من الزميل الما ساهل معاوية كرفس
    فيهو 82 غنية للفنانين عركي ومصطفى والعميري

    لغاية قبال شهر كنت انقل مؤشر الاذاعة من بي بي سي إلى مونت كارلو إلى الجزيرة
    دي الوقت من "يا قلب" إلى "الدنيا ليل غربة ومطر" إلى "أبقى زولا ليهو قيمة"
    بقى عندنا قيمة ياخ
                   |Articles |News |مقالات |بيانات

28-01-2015, 03:14 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12499

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: معاوية الزبير)

    Quote: مصيفيين يا عمك ... بختكم ...

    لا زوابع ولا اعاصير .... وماينص 10 بس!!

    تعرف يا قباني مع برد شمال امريكا دا بحصل نوع من التحنيط:)

    يعني التلاتة سنة بي ستة شهور من شمسنا اللافة مع الناس في الشارع ديك..

    شكلك لسة شغال بالعداد القديم :)
    .
    .

    .

    شهر تمانية الماضي كنت في الـUK ومع مجموعة عمل ذهبنا لمتحف للسيارات الاثرية

    واثناء الجولة اشوف ليك الفورد ابو منفلة المابغباني داك ... وجات احدى العاملات وشرحت

    لينا طريقة عمله ... انقر شنو ... اديتها ليك وااااو زي الما حاصل حاجة:)

    يا نوباتيا ...

    ياخ ضربت ليك اطمئن عليكم من الردم الجليدي الجاكم ده ...

    انحنا طبعاً مصيفين بالنسبة ليكم ...

    بالله طمنا عليك اول بي أول ...
    _____________________
    قلت لي صرفته ليها واحد وااااو ... زي الماحاصل شي ...

    حليل زمن البرلينا و البنزين بي حقنه من جوة الطراحة ...
    سواق التكسي يخلي الراكب قدام يخلي بالو من الجالون ... لو قرب يكمل يتكيهو حته عشان ما يجُر هوا ... ...
                   |Articles |News |مقالات |بيانات

28-01-2015, 04:02 AM

حسين نوباتيا
<aحسين نوباتيا
تاريخ التسجيل: 06-06-2008
مجموع المشاركات: 2460

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: يحي قباني)

    تعرف يا معاوية البنت كان اتاخرت شوية كنت دورتو ليهم هههههههه

    ___

    يا قباني لقيتك ضارب ..نحن بخير والحمدلله ... عندنا 27 انش يا حبيب

    اخوك بشتغل شفلين ساعتين ويجي يفك وشو المجمد بي

    بشكير مبلول بموية سخنة ويرجع تاني يديها ساعتين شفلين

    ويرجع للبشكير لحدي الزول ما لونو فتح :)

    ياخي معقول دي بلد دي؟
                   |Articles |News |مقالات |بيانات

28-01-2015, 05:13 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12499

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: يحي قباني)

    Quote: ههههها يا نوباتيا أظن معاها رفعة حواجبين كمان و زمة شفتين.

    تعرف يا قباني الدخول في عالم التكنولوجيا بالنسبة لي مسألة عقدة
    من أيام الكيميا والفيزيا والرياضيات
    بعرف اليو إس بي لكن اقتنيتو قبل تلاتة أسابيع هدية من الزميل الما ساهل معاوية كرفس
    فيهو 82 غنية للفنانين عركي ومصطفى والعميري

    لغاية قبال شهر كنت انقل مؤشر الاذاعة من بي بي سي إلى مونت كارلو إلى الجزيرة
    دي الوقت من "يا قلب" إلى "الدنيا ليل غربة ومطر" إلى "أبقى زولا ليهو قيمة"
    بقى عندنا قيمة ياخ

    و الله يا معاوية سرعة التطور في التكنلوجيا جننتنا ...

    ياخي اول جهاز فيديو جبتو في السعودية زمان كان بيتا ماكس

    كان اخواني بيجوا يتفرجوا عليهو لانو فيهو ريموت كنترول بي سلك ...

    وكان طفرة في الوكت داك ...

    اها الجهاز ده عندي لي يوم الليلة ... لما اولادي بشوفهو بينفقعو من الضحك ...
                   |Articles |News |مقالات |بيانات

28-01-2015, 05:48 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13594

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: يحي قباني)

    Quote: ان سرعة تطور التكنلوجيا و ثورتها كلها حدثت موازية لأعمارنا ...!! و اعطتنا الإحساس بالشباب :)


    عارف يا قباني، والدي رحمة الله عليه إتوفى سنة 1962 ....... طبعاً شاف الطيارات النفاثة والتلفون .. ولأنو كان بيسافر، شاف التلفزيون. .... لكن مرات بيجيني خاطر إن لو قدّر ليهو بقدرة قادر فجأة يتواجد بيناتنا الليلة ... ويقوم تلفوني يرن في جيبي ،،،،، أطلعو وأقول ألووو .............. حيكون شعورو شنو؟

    زي ما قلت ..... شفنا مسجلات وأشرطة الريل ...... وشهدنا ولادة وموت الكاسيت.

    إطمئن ...... الحاجات مشت سريع ... لكن ما كبرنا.
                   |Articles |News |مقالات |بيانات

28-01-2015, 03:34 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12499

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: محمد أبوالعزائم أبوالريش)

    Quote: عارف يا قباني، والدي رحمة الله عليه إتوفى سنة 1962 ....... طبعاً شاف الطيارات النفاثة والتلفون .. ولأنو كان بيسافر، شاف التلفزيون. .... لكن مرات بيجيني خاطر إن لو قدّر ليهو بقدرة قادر فجأة يتواجد بيناتنا الليلة ... ويقوم تلفوني يرن في جيبي ،،،،، أطلعو وأقول ألووو .............. حيكون شعورو شنو؟

    زي ما قلت ..... شفنا مسجلات وأشرطة الريل ...... وشهدنا ولادة وموت الكاسيت.

    إطمئن ...... الحاجات مشت سريع ... لكن ما كبرنا.

    ___________________________________________________
    الله يرحمه و يرحمهم جميعاً يا محمد ...

    انت في ابهاتنا ... و لا انحنا زاتنا ...
    انا اغتربت و اشتغلت لا كان في موبايل و لا حتي بيجر ...
    _______________________________________________
    تعرف زمان لو عندك شريط كاسيت سمح و فيهو أغاني تمام ...
    لو صاحبك شحدو منك تقول ليهو انا بنسخو ليك ما بفرط في ( الأوريجنال ) ...
    و طبعا الحكاية دي تاخد ليها أسبوع لغاية ما تلقى كاسيت بي ( اتنين ) ... ( ناس طاهر مضوي و الجماعة ديل ) هههه ...
    و لازم تتطمن اkو الكاسيت كويس ما يقوم ( يسف ) ليك شريطك و يحيرك ...
    لا .. و التسجيل ياخد نفس زمن الشريط ساعة ساعتين ...
    ياخي لما طلع الكاسيت البسجل بي سرعة دبل ... كانت طفره مبالغ فوقها ...

    اها وصلنا مرحله صاحبك راكب جنبك سمع غنية سمحة ... تقوم طواااالي تدوس تمرق السي دي و تدي ليهو ...
    و تمشي بيتكم تحرق ليك واحد تاني في خمسة دقايق ... و ترتب الأغاني زي ما داير ...
    حسي دي زاتها انتهت مع اليو اس بي و الهارد درايف ... و الآيفون
    الواحد عندو في العربية مكتبة اكبر من مكتبة الإذاعة السودانية ...
    و عيييييك ...
                   |Articles |News |مقالات |بيانات

28-01-2015, 05:56 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19788

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: يحي قباني)

    تحياتي قباني وضيفاه
    دة كلو خليهو
    ماممكن تصدق انو تشوف الزول عينك عينك وتنضم معاهو ويفصل بينكم عشرات الساعات الزمنية بتوقيت قرنيتش
    زمان كنا ادريس تبيدي ومحمد سليمان وسامي محمد عظيم وغيرهم نسك الشرايط والغناء سك شان نقعد مع تبيدي لانو مسجلو سمح ونسمع
    هسة
    تكتب اسم الغنية وبحث وتختار داير تسمعها بصوت منو ..
    دة تطور ما يخليك تنوم
                   |Articles |News |مقالات |بيانات

28-01-2015, 07:44 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7719

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: عبدالحفيظ ابوسن)

    أنا في ظني الحاصل دا عَقاب دنيا
    الحاجات بقت تتكلفت سريع، قبل ما تستمتع بالجديد تلقاه مشى الرف
    دا غير كلفتت الزمن
    ياخ السبعينات دي متذكرنها شهر بي شهر
    سنة سبعة وسبعين، لما يقولوا ليك الحاجة الفلانية حتحصل سنة 78 تشوفها بعيييدة

    خليها السنة الجاية.. لما يقولوا ليك شهر عشره
    تقول الله يحيينا للوكت داك
    يمين بالله الألفينات دي أنا ما فارز فيها أي سنة
                   |Articles |News |مقالات |بيانات

28-01-2015, 09:11 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14360

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: معاوية الزبير)



    يا أخ يحي انت نسخة مني وأنا نسخة منك

    لما قفلت مكتبي بالضبة والمفتاح وغادرت البلد تركت بـه آلة طابعة (أوميقا) من النوع الـ آخر موديل

    وحتى الآن وأنا والتكنولوجيا من بعيد لـ بعيد

    تحياتي

    أحمد الشايقي
                   |Articles |News |مقالات |بيانات

28-01-2015, 09:35 AM

أيمن الفاضل
<aأيمن الفاضل
تاريخ التسجيل: 12-01-2013
مجموع المشاركات: 972

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: معاوية الزبير)

    تحياتي قباني و المشاركين
    Quote: ان سرعة تطور التكنلوجيا و ثورتها كلها حدثت موازية لأعمارنا ...!! و اعطتنا الإحساس بالشباب :)

    شاهدت علي اليوتيوب واحد من علماء الكمبيوتر القدام بيحكي
    قال لاقاهو شاب صغير من النوع البيحاول يسخر من أعمار الناس
    قال ليهو أنا ما عارف انتو قبل الكمبيوتر والانترنت كنتو عايشين كيف
    عمك قال ليهو كنا شغالين نخترع فيهم. انتو عملتو شنو ؟
                   |Articles |News |مقالات |بيانات

28-01-2015, 09:44 AM

أيمن الفاضل
<aأيمن الفاضل
تاريخ التسجيل: 12-01-2013
مجموع المشاركات: 972

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: أيمن الفاضل)

    معاوية الزبير
    المسألة ما عندها علاقة بالسبعينات والألفينات
    كل الحاصل إنو الزول في فترة الشباب ذاكرتو بتكون شغالة تش
                   |Articles |News |مقالات |بيانات

28-01-2015, 03:45 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7719

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: أيمن الفاضل)

    يا عزيزي يا أيمن
    الحكاية ما ليها علاقة بوهن الذاكرة
    الحكاية إنو بركان التكنولوجيا الذي خمد طويلا بعد الثورة الصناعية في القرن الثامن عشر
    ثار (من بعد خمود) واندفع بلا كوابح
    ما عارف هل لمداخلاتي علاقة بالموضوع الأصلي للبوست أم لا ولكن سأواصل وأقول
    إنو التطور السريع دا حرم الناس من الاستمتاع بمضغ المنتوج والتمهل في تذوق طعمه
    شوف التلفون الأرضي دا قعد كم سنة واستمتع بيهو كم جيل؟
    ومن بعده التلفزيون وهلم جرا
    المهلة دي في التطور التكنولوجي كانت تنعكس على حياة الناس اليومية (وربما العكس)
    هسي مع إنو التقنيات الحديثة وفّرت الزمن لكنها في الوقت نفسه محقتو
    وكل زول تلاقيهو يقول ليك ما عندي زمن
    فكيف نفسر هذا اللغز ؟
    قال شباب قال
    هو هسي الذاكرة يعملوا بيها شنو زاتو ما دام كل شئ قاعد في جيبك
                   |Articles |News |مقالات |بيانات

29-01-2015, 00:27 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12499

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: معاوية الزبير)

    Quote: أنا في ظني الحاصل دا عَقاب دنيا
    الحاجات بقت تتكلفت سريع، قبل ما تستمتع بالجديد تلقاه مشى الرف
    دا غير كلفتت الزمن
    ياخ السبعينات دي متذكرنها شهر بي شهر
    سنة سبعة وسبعين، لما يقولوا ليك الحاجة الفلانية حتحصل سنة 78 تشوفها بعيييدة

    خليها السنة الجاية.. لما يقولوا ليك شهر عشره
    تقول الله يحيينا للوكت داك
    يمين بالله الألفينات دي أنا ما فارز فيها أي سنة

    انت في كده ولا الدنيا الكلها بقت يناير فبراير رمضان .. يناير فبراير رمضان ...

    حاجة تجنن ...
                   |Articles |News |مقالات |بيانات

28-01-2015, 03:59 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12499

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: عبدالحفيظ ابوسن)

    Quote: تحياتي قباني وضيفاه
    دة كلو خليهو
    ماممكن تصدق انو تشوف الزول عينك عينك وتنضم معاهو ويفصل بينكم عشرات الساعات الزمنية بتوقيت قرنيتش
    زمان كنا ادريس تبيدي ومحمد سليمان وسامي محمد عظيم وغيرهم نسك الشرايط والغناء سك شان نقعد مع تبيدي لانو مسجلو سمح ونسمع
    هسة
    تكتب اسم الغنية وبحث وتختار داير تسمعها بصوت منو ..
    دة تطور ما يخليك تنوم

    خليها ساكت يا صاحب ...
    ياخي الزول تشوفو دى ... و الورقه التدخلها بي جاي تطلع في بلد تاني زي ماهي ...
    و الله حاجة تحير ...
    _______________________________________
    داير اكوس ليك فيديو شفتو زمان انشاء الله القاهو ...

    تلاته قاعدين في بار ما بعرفو بعض ... اتنين شباب و التالت عمك راجل كبير ( قدرنا كده ) هههه
    فجأه ضرب تلفون ... واحد من الشباب داس ( ساعتو ) و قعد ينضم ...
    بعد انتهى عمك سألو ده ده شنو ؟ قال ليهو بستقبل تلفوناتي علي الساعة ...
    عمك جغم من بيرتو و سكت ...
    دقيقة تانية تاني رن تلفون ... الشاب التاني ضغط علي اضانو اليمين و بدا ينضم ...
    لما انتهي عمك سألو ... ده شنو ؟ قال ليهو زارع خلية ورا اضاني للتلفون عشان ارد سريع ... و ما بحب مسك التلفونات ...
    عمك جغم جغمة كبيره ... و مع غازات البيره راح مفرط في واحده بي صوت عالي ...
    الشباب الاتنين اتخلعوا و سألوهوا ده شنو .؟
    قال ليهم ابداً ... بس جاييني فاكس ...
                   |Articles |News |مقالات |بيانات

28-01-2015, 04:10 PM

مصعب عجاج
<aمصعب عجاج
تاريخ التسجيل: 20-03-2014
مجموع المشاركات: 251

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: يحي قباني)

    سلام يا ناس
    انحنا ناس صغار لكن التكنولوجيا اضرت بينا اكتر من الناس الكانو بيمرنو نفسهم ويعوضو ما لم توفرو ليهم ظروفهم
    زمان الواحد التلفونات الفي الحله والمعارف كلها حافظهم هسي تلاته اربعه شهور رقمك تكون ما حافظو وكل ما زول يسالك رقمك كم تقول ليهو اديني تلفونك اعمل ليك مسكول ده طبعا لو ما مسجلو في الكونتاكت ليست بتاعتك :)
    كم منكم حافظ ارقام اولادو بدون ما يسجلهم في تلفونو ؟
                   |Articles |News |مقالات |بيانات

28-01-2015, 07:07 PM

hassan bashir
<ahassan bashir
تاريخ التسجيل: 17-02-2006
مجموع المشاركات: 1300

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: مصعب عجاج)

    تحيات للإخوة الكرام

    هذه اللقطة الطريفة جداً من فيلم The Internship تلخص هذا الموضوع

    (عدل بواسطة hassan bashir on 28-01-2015, 07:09 PM)

                   |Articles |News |مقالات |بيانات

28-01-2015, 07:23 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: يحي قباني)

    إنا لله

    ( الربع ) - على قول أهل الخليج - كوووووووولهم هنا ؟؟
    Quote: إطمئن ...... الحاجات مشت سريع ... لكن ما كبرنا.

    هههههههههههههههههههههههههههههههههههههه


    بس يا قبة عصرت علينا شديد في حكاية العقد السادس دي ؟؟

    نجي بالرواقة
                   |Articles |News |مقالات |بيانات

29-01-2015, 06:06 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13594

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: عاطف عمر)

    Quote: ( الربع ) - على قول أهل الخليج - كوووووووولهم هنا ؟؟


    والله يا باشمهندس، لي فترة ما أقل من تلاتة شهور ما دخلت المنبر.

    لكن صاحبك قباني ده حريف في الإستفزاز، ويجيب ليك مواضيع كيف كيف كده، يخليك تدخل غصباً عنك.

    هسي شوف حكاية (العقد السادس دي)
                   |Articles |News |مقالات |بيانات

29-01-2015, 06:32 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12499

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: محمد أبوالعزائم أبوالريش)

    Quote: يا أخ يحي انت نسخة مني وأنا نسخة منك

    لما قفلت مكتبي بالضبة والمفتاح وغادرت البلد تركت بـه آلة طابعة (أوميقا) من النوع الـ آخر موديل

    وحتى الآن وأنا والتكنولوجيا من بعيد لـ بعيد

    تحياتي

    أحمد الشايقي

    احمد الشايقي يا حبيبنا ...

    مشتاقين يا رجل يا جميل ... طولنا من اخباركم ...

    و الله يا احمد السرعة جننتنا ... و كتر الباسويردات ... عمل لينا زهلله ...

    و الراس بقت ما عارفه تشيل شنو و تخلي شنو ...

    بالله ابهاتنا و اجدادنا كان همهم بسيط ...

    أتذكر ابوي الله يرحمه بحكي لينا ...

    في النصف الأول من القرن الماضي... يعني عمره زي 19-20 سنة كده ...

    كانو بلعبوا ضمنه مع اصحابهم في حلة حمد ...
    ورجعوا بالليل كداري ماشين ودارو ...
    قاموا اتذكروا انو واحد من أولاد بحري زي سرق ليهو قشاط ...
    قاموا كدروا تاني عشان يثبتوا عليهو السرقه ...

    حسي لو لقينا وكت نلعب ضمنه ... كان رسلنا ( تكست ) و لا ( واتسآب ) للعالم كلو ...
                   |Articles |News |مقالات |بيانات

29-01-2015, 07:13 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: يحي قباني)

    Quote: تعرف زمان لو عندك شريط كاسيت سمح و فيهو أغاني تمام ...
    لو صاحبك شحدو منك تقول ليهو انا بنسخو ليك ما بفرط في ( الأوريجنال ) ...
    و طبعا الحكاية دي تاخد ليها أسبوع لغاية ما تلقى كاسيت بي ( اتنين ) ... ( ناس طاهر مضوي و الجماعة ديل ) هههه ...
    و لازم تتطمن اkو الكاسيت كويس ما يقوم ( يسف ) ليك شريطك و يحيرك ...
    لا .. و التسجيل ياخد نفس زمن الشريط ساعة ساعتين ...
    ياخي لما طلع الكاسيت البسجل بي سرعة دبل ... كانت طفره مبالغ فوقها ...

    السلام عليكم
    أو تجيب مسجلين ناشولان وتختهم وش لوش وتدوس الاتنين واحد يشتغل والتاني يسجل وتسكت الناس وتقفل الباب من الضيوف والغنم ما يكوركن، وقومتك براحة وقعادك براحة ما تطقش طربيزة ولا تكفت صينية الشاي، تخرب التسجيل، وكل شوية تعاين برااااحة للناشولان البسجل تشوفو ماشي كويس ولا لا.
    فيكم زول بتذكر (TDK)؟

    الشفوت كانو بيسجلوا بواسطة سلك بتاع سماعة أضان من بطن المسجل الأول للتاني، كانو بسموهو (تسجيل داخلي) ههههههه، تقدر معاهو تتكلم اثناء التسجيل والناس مستغربين.
    ناس سانيو وجى في سي كانوا (بكل فخر) يكتبوها ليك على باب المسجل (Auto Stop, Auto Reverse) خلاااااص يعني قال قطعوها الهندسة.
    شخصياً أتمنى عودة التلفون أبو قرص تحشر فيهو مصابعينك داك، والله كلامك زاتو بكون رايق وموزون.
    ________
    برضو مافي خوف لأنو العالم الأول يسمح بانفراط الأمر بخصوص تقنيات المستهلكات (consumer electronics) وما شابهها لكنه يقاوم بشدة ما عداها، في اتفاق شبه مجمع عليه، فلو تطورت صناعة السيارات بنفس الوتيرة لكنا في أطباق طائرة منذ التسعينات.
                   |Articles |News |مقالات |بيانات

29-01-2015, 07:52 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13594

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: حاتم إبراهيم)

    Quote: فيكم زول بتذكر (TDK)؟


    أكييييد ...... والنسخة المقلدة إسمها KDK ...... وعلى العليها، تلقى فارشينها في الواطة والشمس ضارباها.
                   |Articles |News |مقالات |بيانات

29-01-2015, 08:50 AM

عبدالعزيز عثمان
<aعبدالعزيز عثمان
تاريخ التسجيل: 26-05-2013
مجموع المشاركات: 4037

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: محمد أبوالعزائم أبوالريش)

    Quote: خليها السنة الجاية.. لما يقولوا ليك شهر عشره
    تقول الله يحيينا للوكت داك
    يمين بالله الألفينات دي أنا ما فارز فيها أي سنة
    سلام قباني وضيوفو
    انا طبعا مانديدكم لسه،،لكن شان محبة
    قباني جينا...
    سالت خالي صالح ،،كم عمره
    قال لي بي سنينكم وله سنينا
    قتلو،،وفي فرق؟
    قال هي عان،،ات اجنا عندكم سنين
    السنة تنقرض قبل تلحق تزين راسك...
    بس الحمد لله نحن لسع دوب كم وتلاتين...
                   |Articles |News |مقالات |بيانات

29-01-2015, 03:11 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12499

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: عبدالعزيز عثمان)

    Quote: تحياتي قباني و المشاركين


    Quote: ان سرعة تطور التكنلوجيا و ثورتها كلها حدثت موازية لأعمارنا ...!! و اعطتنا الإحساس بالشباب :)

    شاهدت علي اليوتيوب واحد من علماء الكمبيوتر القدام بيحكي
    قال لاقاهو شاب صغير من النوع البيحاول يسخر من أعمار الناس
    قال ليهو أنا ما عارف انتو قبل الكمبيوتر والانترنت كنتو عايشين كيف
    عمك قال ليهو كنا شغالين نخترع فيهم. انتو عملتو شنو ؟

    و الله فعلا يا ايمن ...

    زمان يا ايمن ود اختنا زارنا في البيت ...
    بشرب في كباية الشاي ... و نساها انشغل بي شي ...
    بعدين قام قال يسخنها ...
    ما لقى عندنا مايكرويف ...
    قال يا جماعة انتو عايشين كيف من غير المايكرويف ؟

    اها يا ايمن دي يحلوها كيفن .
                   |Articles |News |مقالات |بيانات

29-01-2015, 06:03 PM

اسامه العريفي
<aاسامه العريفي
تاريخ التسجيل: 28-02-2014
مجموع المشاركات: 674

للتواصل معنا

FaceBook
تويتر Twitter
YouTube


Re: آلة كاتبة و USB في يوم واحد ؟ حاجة تجنن !!! (Re: يحي قباني)

    تحياتي صاحب البوست استاذنا يحي

    فيكم زول بتذكر (TDK)؟

    عام 1995م حضر الي اخي وصديقي وحبيبي الفنان / حيدر حيدربي
    عليه رحمة الله وطلب مني الخروج معة الي البر لأنه عنده مزاج انو
    يغني في البر وقال لي شيل معاك المسجل عاوز اعمل تسجيل لهذه
    الجلسة مكثنا في البر الي سطوع الشمس اذكره جيداً بدأ باغنية الطابق البوخة
    شدي بصوت عجيب الشريط كان ساعة ونصف ، بعد انتهاء الجلسة قال لي
    الشريط ده حا اطلع منه نسخة واعطيك اليه كان قمة الأبداع في هذا الشريط
    كلما احاول ان اشيل منه الشريط يقول لي ليسع عاوز اعمل مونتاج له الأ ان
    توفته المنية بمدينة الحبيب الف رحمة ونور عليك يا حيدرحدربي


    ود العريفي
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de