|
Re: عرب الجزيرة...... ينتفون قفة غذاء العالم (Re: abas)
|
العزيز طلحة طنظير :).. شنو ياخي زعلت كده؟ إنت قايل الطنظير ليك براك واللا شنو ؟؟ تيك إت إيزي ياخي وخلونا نتونس في الموضوع بعيداً عن العصبية .. أنا في الأول قلت إنو الأرض تتبع لأهلها - من يستطيع أن ينازع فيها؟ .. حكاية المواريث دي أنا ذكرتها وقارنتها بناس الشمالية .. الأرض ثابتة والناس تتزايد ويتزايد ميراثها .. ميراثها ده معناهو عائدات إنتاجها طبعاً - يعني حيقعدوا ياكلوا الواطة ذاتها؟ - إستغربت جداً لردة فعلك المنفعلة بالرغم من أني حاولت أخفف دمي ههه .. ياخي إنت قايل مشكلة دارفور دي كلها من شنو؟ مو أساسها حمية الأرض وإمتلاك الحواكير والأرض .. حمية الأرض دي حاجة خطرة خلاس .. ناسنا في الشمالية هناك ممكن الزول يقتل أخوه عشان تقنت يفصل بين حوضين .. القصة أكبر من كان رجال يجو يقلعوها مننا وما يقلعوها مننا - كلام ميت - .. القضية هي طبيعة قيام مشروع - قومي - في أرض أهالي .. زمان - زمن الإنقليز والإستقلال كان المشروع نعمة للأهالي لأنه نظم نمط حياتهم وجعل زراعتهم زراعة حديثة وجعلهم الأكثر إستقراراً وتنظيماً .. ولكن طبعاً المشروع تدهور مثل كل مواريث الإنقليز التي دقت الدلجة زي باقي المنشئات والخدمة المدنية ووو إلخ .. لذلك يا عزيزنا طلحة يجب أن نتفاكر في القضية وكيف نمرق من الحفرة دي بدون عصبيات .. فالمشروع ملكنا كلنا والأرض حقتكم .. وذلك وضع معقد .. الناس تعتقد أن المشروع بأرضه بتاعهم .. وناس الجزيرة برضو تعتقد أن الأرض بمشروعها ملكهم .. وعند أول ملف يجوك ناس عباس يقولوا ليك الراجل اليجي يقلعنا .. ياخي أحب الجزيرة ومشروع الجزيرة وناس الجزيرة ياخي .. الجزيرة قلب السودان لا شك .. نريدها فوق .. ولابد من إيجاد حل غير تقليدي لمشاكل المشروع .. مهما جاءت الحكومات بوعود ستكون حبر علي ورق .. والسبب عدم الثقة المتبادل .. الخير راقد .. لكين النزاع يمحق البركة .. شوف الخضرة اللانهائية دي - جمال لا نهائي -
| |
|
|
|
|
|
|
Re: عرب الجزيرة...... ينتفون قفة غذاء العالم (Re: Munir)
|
سلام منير
ياخ زي الزول القاعد يعوعي ليه اسبوع ده
اليجي يقول عندي سرابه في الجزيره عشان ريحتو ما تتلقي
زول نسي العملتو الحكومه في السودان كلو وقال عرب الجزيره خربو المشروع ياخ ابسط شيء علي عثمان شال الحديد بتاع سكك حديد الجزيره كلو في خراب اكتر من ده
الجزيره دي شايله السودان ده كلو لي 1989 في زول اتكلم ويجي زي ده يقول هم الخربو المشروع
خليه يقول كلامه ده في الجزيره عشان يبلع لسانه رجاله كده
| |
|
|
|
|
|
|
Re: عرب الجزيرة...... ينتفون قفة غذاء العالم (Re: abas)
|
يا عباس الموضوع ما رجالة ولا حماقة ولا تهور فما يبقى عليك مضرب المثل "جو يدفنو ابوه .. دس منهم المحافير"
البوست صاح مستفز ودي بالمناسبة تحسب له لا عليه لأنه يعطيه عمق لتدارس أزمة مشروع الجزيرة بنفض الغبار عن ناظري أبناء المشروع أولاً
الحل شنو؟
أوع تقول لي سقوط الحكومة والذي منه ذا ما بيأكل عيش بل بيخدركم ويثبط عزيمتكم في أن تنهضو بالمشرروع
وتبقو مضرب مثل لزيدان الكسلان بكرة ازرع من هنوك لا هنوك يشير بلحيته
أو ما يعرف بحشاش بي دقنو
المهم
عشان يكون هناك علاج لابد من تحمل جزء من المسؤولية في خراب مشروع الجزيرة
الحماقة والرجالة بتاعة طالعني والأمه ولدته يعمل ويفعل دي ما بتحل مشكلة بل هي هروب من حل المشكلة
تحياتي كمال
| |
|
|
|
|
|
|
Re: عرب الجزيرة...... ينتفون قفة غذاء العالم (Re: الجنيد حمد)
|
سلام كمال
انا ابوي موظف مشروع الجزيره وانا من الجزيره اساسا يعني ما جابنا المشروع وبي حواشتانا
المشروع قبل الحكومه كان ماشي في اتم العافيه من جو ناس الحكومه قاسمو المزارع في انتاجه شيء زكاه وشي ضرايب وشيء جمارك وشيء دعم مجهود حربي وشيء دمغة جريح وشيء دعم مجهود حربي تفتكري فضل للمزارع شنو عشان يدفع الديون العليه انت جاوب علي الحاجه دي
الحكومه بتشيل كل الانتاجيه وتقول يدفعو الديون
زمان كانت الحكومه بتبيع القطن والقمح وبتدفع للمزارع بعد تشيل ديونها منه الباقي اسي بقو يشيلو الانتاج ويطالبوه يدفع
اتخيل مزارع زارع القمح يدوه شوالين والله شوالين ويطالبوه بدفع الديون العليه
دي سرقه ولا لا والانتاجيه بشيلوها بالجيش والشرطه والامن
وتقولو المزارع خرب المشروع
| |
|
|
|
|
|
|
Re: عرب الجزيرة...... ينتفون قفة غذاء العالم (Re: abas)
|
هلا يا منير والله ما طالبني حليفة الإنفعال مش عشان مداخلتك تحديدا إنما الاعتقاد السائد بانو ناس الجزيرة هم الخربوا المشروع مع تنميطهم بطريقة مستفزة جدا وتحميلهم المسؤولية وكأنو مفروض عليهم يطعموا الناس وويخدموهم زي ما عمل سيد البوست من أول حرف ليهو في الموضوع وجيت اتا تميت الناقصة و استكثرت عليهم الأفندية وقراية الجرايد قبل ما تستدرك في ردك بانو Quote: المشروع ملكنا كلنا |
مع أنو لو من البداية البوست إنفتح عطفا على الكلمتين الفي الإقتباس دا ما أعتقد أنو كان يكون في نفس حار . العفو يا منير انت غير مفصود يا حبيب .
........................... يا عباس صحيح انو سيد البوست إستفز وسخر وإستحقر ناس الجزيرة وأثني عليهو فرانكلي لكن برضو هدي الكورة شوية .. مع تحياتي يا حبيب
| |
|
|
|
|
|
|
Re: عرب الجزيرة...... ينتفون قفة غذاء العالم (Re: طلحة عبدالله)
|
رمتني بدائها وانسلت,, الارض وملكيتها اصلو ماكانت مشكلة عويصة في يوم من الايام... لكن بقدرة قادر جعلوها برميل مشتعل.. وبدل البحوث والهندسة العينات المحسنة واالمعالجات الري وتطويره الادارة وتسويق الانتاج بعد تحسينه فجاءة جاءتنا البصيرة ام حمد بالجديد جعلت مشكلة الارض هي ام المشاكل واس البلاء ولتت وعجنت ضيعت المال والوقت لتشعل شرارة الان اخشي علي الجزيرة من شيطان رجيم جديد وربنا يكضب الشينة ياخي الحكومة دي اصلو مابتعرف تقول غلطت سامحوني ولا الناس الفي صفها دايرين يعرفو الحاصل امر جد غريب وجديد...
| |
|
|
|
|
|
|
Re: عرب الجزيرة...... ينتفون قفة غذاء العالم (Re: abas)
|
سلام يا عباس
ربنا يدي أبوك الصحة والعافية وطول العمر ويشوف مشروع الجزيرة كما يتمناه
المهم يا عباس
أنا لحدي الآن ما قلت المزارع هو المسؤول الوحيد عن تدمير مشروع الجزيرة لكن أرى مؤشرات حقيقية على مسؤولية مشتركة بنسب متفاوتة بين إدارة المشروع واتحاد المزارعين والمزارعين أنفسهم
الزكاة والضرائب والجبايات يتحملها كل مزارعي السودان فهي ليست حصراً على مزارعي الجزيرة ومع ذلك هناك أنتاجية جيدة وعائد مجز لبعض المناطق رغم ذلك
وإن كانت الوظائف الطفيلية "السماسرة" يجنون أكثر من المزارع صاحب الأرض ولكن لماذا لا يوكل التسويق لجمعيات تعاونية ثملاً تقوم بالبيع المباشر للجمهور بسعر يناسب كل من المزارع والمواطن
إدارة المشروع يجب أن تكون مناصفة بين المزارعين أو من يمثلهم والدولة بالتعيين
مشروع الجزيرة على نهج الإنجليز قات مات ودفن تحت التراب
اليوم الحديث عن قوانيين جديدة ونظم حديثة وشراكة مبتكرة لكن المزارعين يتعاملون مع الأمر بسلبية ولا ينخرطون في تحديد مسار هذه النظم واللوائح والقوانين
تحياتي كمال
| |
|
|
|
|
|
|
Re: عرب الجزيرة...... ينتفون قفة غذاء العالم (Re: Frankly)
|
الاخ المحترم فرانكلي.. وضح لي تماما ان ما ظننته انا تحاملا منك علي الجزيرة ومزارعها ان هو من غير استفزاز غياب معلومات اساسية خاصة بالمشروع لديك.. في مايتعلق بالارض ملكيتها الاجارة وقانون المشروع الاساسي. ثم انه بدا لي انك لم تكن تعرف ان المزارع محكوم بنظم ولوائح وليس له الا تنفيذ برنامج معد يتسلسل المشرفين والاداريين فوقه غفيرا وصمدا مفتشا وادارة.... بالمناسبة حتي الخضروات حتي عهود قريبة لم يكن متاح للمزارع زراعتها الا في حيز ضيق. ولي علمك القانون كان صارما جدا في التهاون.يصل لنزع الحواشة. لكن كل شئ كان معد.. ياسيدي نتحدث عن فوضي شهدناها عشناها ودفعنا ثمنها لا علاقة لنا بها نتحدث عن دمار لو اوكل لشيطان ان يقوم به لما استطاع انا يشهد الله علي ما اقول،وانا بن فلاح مجد ،ثم افنديا في المشروع ثم فلاحا نمت عشرات الليالي لاسقي ارضي وافشل غالبا اسمع قصتنا واحكم فانت رجل مستنير.
| |
|
|
|
|
|
|
Re: عرب الجزيرة...... ينتفون قفة غذاء العالم (Re: عبدالعزيز عثمان)
|
المزارع المسكين ضحية لسوء ادارة وتخطيط وفشل مؤسسي عجيب.. بقدرة قادر تحول المسكين الي مجرم واقسم بالله شهدت من انتج and#1635;and#1634; جوالا من القمح انتهره الشباب ومنعوه ان ياحذ كيلة قمح بل والله علي اقول شهدت بعيني مزارعا عمره and#1640;and#1634; عاما بالحراسة تمنا لغلطة ادارة المشروع.. اناس اتو بي صحكم.
| |
|
|
|
|
|
|
Re: عرب الجزيرة...... ينتفون قفة غذاء العالم (Re: عبدالعزيز عثمان)
|
Quote: عرب جزيره ومما قمنا بنسمع ده جعلي وده سنجك وده عرب جزيره وده غرابي وده ادروب وده حلفاوي |
يعني نفهم إنو سعادتك أكتشف قبيلة جديدة في السودان إسمها عرب جزيرة ؟ ( ـ مما قمنا بنسمع ) سمعت !! أيها الأمعة !!!!!!! ؟؟؟؟ يعني ما يردده الجهلاء أمثالك هومن المسلمات عندك ؟ وكمان جاي فاتح بيه بوست !!!!
Quote: اي زول حتي لو شايقي يسكن الجزيره بنقوليهو عرب جزيره |
من أنت ؟ حتى تتجرأ وتقول !!! تأدب أيها الجهلول ولا تسئ لرموز ساهمت بقدر وافر في صناعة تاريخ هذا البلد الجزيرة التي تسئ لها قدمت للوطن أعلام في كافة ضروب الحياة منهم الساسة والأكاديميين الأدباء والشعراء ولاعبي كرة القدم وتتحدى أي ولاية في السودان في هذه الناحية ويأتي جهلول مثلك ليقول عن هذه الشموس الساطعة (اي زول حتي لو شايقي يسكن الجزيره بنقوليهو عرب جزيره )
والله خسارة أنت تكون دنقلاوي أهلنا الدناقلة لم يعرف عنهم زفارة اللسان وفاحش القول وقلة الأدب وإنما عرفوا بنقاء السريرة والتهذيب وأحترام الأخرين عدم التطاول عليهم وكل من تشرفت بمعرفته منهم يتسم بهذه الصفات إلا أنت أيها الجهلول
| |
|
|
|
|
|
|
Re: عرب الجزيرة...... ينتفون قفة غذاء العالم (Re: محمد علي البصير)
|
Quote: أهلنا الدناقلة لم يعرف عنهم زفارة اللسان وفاحش القول وقلة الأدب وإنما عرفوا بنقاء السريرة والتهذيب وأحترام الأخرين عدم التطاول عليهم وكل من تشرفت بمعرفته منهم يتسم بهذه الصفات |
شكراً اخي ود البصير .. زول اصيل وتعرف معادن الرجال .. ولك التحية والتقدير على هذه المداخلة .. هكذا السودان الذي نريده نناقش أمورنا بعيداً عن مثل هذه المآزق .. شكراً كثير ود البصير ..
حبيبنا عمر كان المفترض ألا تحشر أهلنا الكرام في مثل هذه البوستات ناقش نعم وبطريقة موضوعية وعلمية .. ولكن دون التطرق الى الجهوية او القبلية لأنك هنا وضعت حتى من أتوا للنقاش في موقف حرج ..
أسمع كلام عمك علي ده .. يا عمر .. وأترك هذا الموضوع .. وإكراماً لنا وللمتداخلين ولأهل تلك الديار الطيبة .. أرجو تغيير العنوان إلى وجهة تكون علمية ومفيدة وقابلة للنقاش ..
شكراً حبيبنا ودالبصير .. مدينون لك بهذا الترفع .. وتحية من أهلي خاصة ..
| |
|
|
|
|
|
|
Re: عرب الجزيرة...... ينتفون قفة غذاء العالم (Re: elhilayla)
|
كتب ود البصير
من أنت ؟ حتى تتجرأ وتقول !!! تأدب أيها الجهلول ولا تسئ لرموز ساهمت بقدر وافر في صناعة تاريخ هذا البلد الجزيرة التي تسئ لها قدمت للوطن أعلام في كافة ضروب الحياة منهم الساسة والأكاديميين الأدباء والشعراء ولاعبي كرة القدم وتتحدى أي ولاية في السودان في هذه الناحية ويأتي جهلول مثلك ليقول عن هذه الشموس الساطعة
----------
لا خلاس
| |
|
|
|
|
|
|
Re: عرب الجزيرة...... ينتفون قفة غذاء العالم (Re: عمر عثمان عبد الوهاب)
|
الجزيره دي شايله السودان ده كلو لي 1989 في زول اتكلم ويجي زي ده يقول هم الخربو المشروع --------
شايله شنو ياعباس اخوي؟؟
من سنة 1962 ميلاديه وحتي اليوم ياها الباميه وياهو العجور ده
الدخول في ا تون الفنيات والادارة والميكنه وووو للمشروع بقت ماذات اهمية طالما كانت هنالك عوائق بشريه تتمثل في المزراعين وانقساماتهم حول مسائل جوهرية للنهوض بالمشروع وزيما قلت ليكم تذهب هذه الحكومه وتاتي حكومات وحكومات والباميه ياها الباميه
ورضيتم ام ابيتم القلع الخايفين منو ده ات لامحالة ان استمر الحال
(في الحاله دي يبقي تحرير)
تحياتي
| |
|
|
|
|
|
|
Re: عرب الجزيرة...... ينتفون قفة غذاء العالم (Re: abas)
|
Quote: ورضيتم ام ابيتم القلع الخايفين منو ده ات لامحالة ان استمر الحال
|
إذا موعدنا أبوعشرين أنت ومن معكم والحساب ولد أيها الكوز الأمي الجاهل المتخلف ... حتى تاريخه وأنت لا تعرف عن المشروع سوى (عرب الجزيرة) بالله مش حرام أمثالك يكون بيننا ؟ كلو من أبو صلعة بكري ؟ شايفك سعيد وفرح بتوطين الزراعة في بعض اٌاليم السودان - لا مانع - مانو يوما ضيوفا علينا - لم نبخل عليهم بشيء المدرسة ، الشفخانة ، النادي ، اللوري ، البص ، البكاسي ، الحواشات ، المحالج ، القناطر ، السرايات كل شيء متاحا لهم - هل تعترف بذلك لعرب الجزيرة ؟ كوز تعيس الشفيع
| |
|
|
|
|
|
|
Re: عرب الجزيرة...... ينتفون قفة غذاء العالم (Re: Alshafea Ibrahim)
|
حبيبنا عمر كان المفترض ألا تحشر أهلنا الكرام في مثل هذه البوستات ناقش نعم وبطريقة موضوعية وعلمية .. ولكن دون التطرق الى الجهوية او القبلية لأنك هنا وضعت حتى من أتوا للنقاش في موقف حرج .. ---
اخونا علي
مع خالص ودي واحترامي لشخصك
لكن اقرا من كلام عبدو مصطفي وانت نازل وشوف اللي ادخل الجهوية والقبليه منو؟؟
| |
|
|
|
|
|
|
|