|
|
 Re: صه يا كنار ... كابلي و ابو عركي ... كلام عجيب !!! (Re: عاطف عمر)
|
وحاة الله الخالقني ، هي هترشة.. زيها و زي حكاية الناس السمحة البتقول ليك ( ابو كديس يعني شنو)...
هي هترشة و فيها... سب كتير من شاكلة ( قنطار شتيمة لعام يحتضر... دي واحدة من قصايد فضيلي جماع قدس الله سره...!!)...!!!..و لكن قبال ما نقلب ظهر المجن بتاع ناس معد يكرب ولا شنو كده ما عارف...خلينا نبدا بالتحيات الزاكيات الطيبات...!!
تحية لأمي فاطنة مدني...!!
تحية لروح صديقي الجميل خالد الحاج..
تحية لأستاذنا عبد الكريم قباني .. اينما كان و كيفما كان... فالصوت برضك ذاكرة ..وجدان...احزان.. و حاجات تانية حامياني على قول صديقنا التجاني حاج موسى...!!
تحية لأصدقاء الضجيج الخرافي.. وليد كوش.. ميسرة غاندي... طارق شنقا...(ديل اولاد الدهشة القاعدين يكشتفوا سر الحاجات السودانية و يعملوا بيها نايميين..!!)
تحية لأصدقاء الصمت الخرافي.. الكمنجست.. استاذنا حمد اسماعين..!!
التحية الي صوت ليلي المغربي لمن تقول ليك ( و تباع التذاكر باجزخانة/ صيدلية عباس رشوان..!!)...
التحية لعباس رشوان.. الكان قاعد يبيع تذاكر الفرح الجميل ز ي السلامو... عليكم..ومعاها لون المنقة يا الشايل المنقا ذاتو.. و مندكورو شكلة منقة..!!!!
وبعدها.. يا قريبي.. قنطار شتيمة لعام يحتضر ...تماما زي ما قال ليك فضيلي جماع قدس الله سره..!!
و انا اسمع لهذه المادة النادرة.. اول بالتبادي صرفت كم (دال) لعمك القال (هكذا كان الصاغ محمود....!!).. يعني كان بتفرق شنو لو صاحب الصوت ( و انت عارف كويس) تم باقي الحكاية .. اللهي نحنا عارفنها.. لكن خلق كتيرة ما جايبة خبر..؟!!!!!
ثم رجعت بي ذاكرة حزينة لأصوات جميلة و نبيلة.. زي مثلا .. عمك المرحوم وليم اندرية.. لمن يقول ليك (كفاية مزاح.. بدور ارتاح..) .. و القام بيها سداري استاذنا جيلاني الواثق.. ملك ملوك الجاز.. أو كما قال...!!..
انت معاي يا عمك ولا اقوم اتخارج..!!!!
بيد ان الأمر لا يقف هنا يا صديقي..!!
اصلا عركي ده زولنا..و لمن نعبر عن اعجابنا الشديد..ممكن نصرف ليهو (دال) و هو بيكون عارف..و بيهز اكتافو لاهيا..و يقول ليك (الجماعة انبسطو لمن خانم التعبير..!!)..
لكن...!!
عرجنت الكابلي.. دي مافي طريقة نصرف ليها المعلوم.. لأنو مهما كان الكابلي برضك استاذنا ( و من عجب قاعد يسمع كلامنا .. و لو مكضبني يا يحي اسأل و ح نجيب ليك بيان بالعمل.. لمن الكابلي ذاتو يستغرب..!!)..
ركز يا يحي في صوت الكابلي لمن يقول:
انا ، يا كنار ، مع الكواكب ساهد..
اسرى بخطى ،و ملئ بها المتعدد..
وعرفت اخلاق النجوم..
وكوكب يهدي البيان ،
وكوكبا لا يهتدي..
وكويكب جم الحياء..
وكوكب يعصى الصباح بضوئه المتمرد..
ياخي انا هنا ، اتجاهلت ليك الوطنية و شنو كده ما عارف ، و قمت شطحت و صرفت الــ(دال) المعلومة اياها لأبونا الصاغ في ذات نفسو ( عفوا امنا فاطنة مدني ، فنحن قوم لمن نطرب بنسوي البساط احمدي للطيش..!!)..
شفت يا يحي البلاغة قامت بينا.. كواكب عمك..حسبنا منها اربعة .. و الباقي ربك يعلم..!!
لكن الطلع ديكنا ذاتو... حكاية ( و كويكب جم الحياء..)..ياخي دي لا عندها علاقة بوطنية ولا يحزنون..ولا يعرف سرها الإ العظيم دكتور عقيل احمد عقيل..!!!.. انا برضي اعرف يا فاطنة مدني حكاية الكويكيب الجم الحياء دي..!!
وحاة الله الخالقني ، هي هترشة يا صديقي .. و ما تشتغل بيها كتير..!!
ثم هذا الحزن العجيب في دار امسودان ، يا يحي يا صديقي ، الصاغ من دار حلنقة..و صديقه سبب قصيدة صه يا كنار من دار عجيبة خلاص..!!استاذنا دكتور عقيل احمد عقيل.. من دار الرزيقات في غرب السودان..و هي الدار التي منها صديقنا مطر قادم ( الزول الوحيد الكتب سيرة دكتور عقيل في هذا المنبر..!!) و منها صديقنا عزت الماهري الذي كتب عن اغنية ( ليالي ا لأنس لذاذ بالحيل)..و سيرة الشاعر العميان الذي اخذ يستنجد بود باقير .. وبيقول ليه مستفسرا ( يا ود باقير.. ما قلت خبير وين السلمة ، وين درب البير..!!)...و الأغرب من كل ده.. ديل كلهم من دارفور.. و معاهم العظيم اسماعين عبد المعين..!!.. شفت العذاب ده ككيف يا يحي؟..
عقيل احمد عقيل ، مطر قادم ، عزت الماهري... من نفس الإثنية.. التي اشتاطت وجعا و أسى و حسرة.. لتنجب حميدتي..!!!!
غايتو نحن يا صديقي مع السودان القديم.. سودان الممكن فيهو تتوفر فرصة ان واحد من الحلنقة في شرق السودان ( الصاغ محمود ابوبكر) .. ممكن يكون عندو صاحب من الرزيقات في غرب السودان (دكتور عقيل احمد عقيل)..و يقوم يمازح صاحبو و يقول ليهو: صه يا كنار ، و ضع يمينك في يدي..!!.. من غير ما تقوم ثقافة الحنبكة والحقد تقول ليهو.. الموضوع جاب هامش و شنو كده ما عارف..!!
هنا واحدة من اشراقات الصاغ يا يحي..و كنت ساهديك حاجات تانية.. و لكني قلت لنفسي.. فلنحتفل بالصاغ ... و كنت ايضا سأجلبها بصوت العملاق .. ابونا و استاذنا خضر بشير (ناس الشي ذاتا) ، و لكني اخترت هذا الفيرشن..و الذي فيه هي بصوت العملاق النور الجيلاني.. اختياري للنور.. راجع لناس ( ابوكديس ديلك).. لأنو عندنا واحدين كده.. من جملة خلق المزيكا في السودان.. معجبين بشرحبيل احمد و النور الجيلاني..و الأخير عندهم فيهو تنظيرات كده ما انزل الله بها من سلطان.. اما عنا نحن.. فيصيبنا الغرور.. بانو حبنا للنور الجيلاني قد اصبح مسألة جينات تجري فيمن خلفنا..!!
ثم في هذا الشريط العجيب... تحية لزميلي و برلومي الطيب عبد الماجد.. التقيته زمن ما ، قريب من زمن الحفلة دي ثم ذهب لحاله و ذهبت انا لحالي.. ثم صديقي حكيم من جنوب السودان (ناس بحر الغزال ، جور شول) ، و الذي يعيش معي في نفس المدينة التي اسكن فيها الآن..!!
ثم الى بنات ابا ميري نون ، و لوشيا ...و واخي و صديقي الجميل.. عبدالكريم رجب.. و ديل اصدقائي من زمان السودان كان مليون ميل مربع ، و لآزالت الصداقة بيننا ممتدة..!!
ثم...
انا ، يا كنار ، مع الكواكب ساهد..
اسرى بخطى ،و ملئ بها المتعدد..
وعرفت اخلاق النجوم..
وكوكب يهدي البيان ،
وكوكبا لا يهتدي..
وكويكب جم الحياء..
وكوكب يعصى الصباح بضوئه المتمرد..
كبر
|
|
  
|
|
|
|
|
| العنوان |
الكاتب |
Date |
| صه يا كنار ... كابلي و ابو عركي ... كلام عجيب !!! | يحي قباني | 11-22-14, 08:05 AM |
| Re: صه يا كنار ... كابلي و ابو عركي ... كلام عجيب !!! | يحي قباني | 11-22-14, 08:08 AM |
| Re: صه يا كنار ... كابلي و ابو عركي ... كلام عجيب !!! | يحي قباني | 11-22-14, 08:11 AM |
| Re: صه يا كنار ... كابلي و ابو عركي ... كلام عجيب !!! | الجنيد حمد | 11-22-14, 08:31 AM |
| Re: صه يا كنار ... كابلي و ابو عركي ... كلام عجيب !!! | يحي قباني | 11-22-14, 03:20 PM |
| Re: صه يا كنار ... كابلي و ابو عركي ... كلام عجيب !!! | عاطف عمر | 11-22-14, 08:31 AM |
| Re: صه يا كنار ... كابلي و ابو عركي ... كلام عجيب !!! | Kabar | 11-22-14, 01:43 PM |
| Re: صه يا كنار ... كابلي و ابو عركي ... كلام عجيب !!! | Kabar | 11-22-14, 02:01 PM |
| Re: صه يا كنار ... كابلي و ابو عركي ... كلام عجيب !!! | يحي قباني | 11-22-14, 03:26 PM |
| Re: صه يا كنار ... كابلي و ابو عركي ... كلام عجيب !!! | يحي قباني | 11-22-14, 03:31 PM |
| Re: صه يا كنار ... كابلي و ابو عركي ... كلام عجيب !!! | يحي قباني | 11-22-14, 05:33 PM |
| Re: صه يا كنار ... كابلي و ابو عركي ... كلام عجيب !!! | عاطف عمر | 11-22-14, 06:31 PM |
| Re: صه يا كنار ... كابلي و ابو عركي ... كلام عجيب !!! | يحي قباني | 11-22-14, 07:52 PM |
| Re: صه يا كنار ... كابلي و ابو عركي ... كلام عجيب !!! | معاوية الزبير | 11-23-14, 01:34 AM |
 Re: صه يا كنار ... كابلي و ابو عركي ... كلام عجيب !!! | عواطف ادريس اسماعيل | 11-23-14, 04:52 AM |
| Re: صه يا كنار ... كابلي و ابو عركي ... كلام عجيب !!! | عمر مصطفى مضوي | 11-23-14, 10:16 PM |
| Re: صه يا كنار ... كابلي و ابو عركي ... كلام عجيب !!! | يحي قباني | 11-24-14, 10:30 PM |
| Re: صه يا كنار ... كابلي و ابو عركي ... كلام عجيب !!! | يحي قباني | 11-24-14, 10:01 PM |
| Re: صه يا كنار ... كابلي و ابو عركي ... كلام عجيب !!! | يحي قباني | 11-24-14, 01:02 AM |
| Re: صه يا كنار ... كابلي و ابو عركي ... كلام عجيب !!! | Kabar | 11-24-14, 06:16 AM |
| Re: صه يا كنار ... كابلي و ابو عركي ... كلام عجيب !!! | Kabar | 11-24-14, 06:19 AM |
| Re: صه يا كنار ... كابلي و ابو عركي ... كلام عجيب !!! | Kabar | 11-24-14, 06:21 AM |
| Re: صه يا كنار ... كابلي و ابو عركي ... كلام عجيب !!! | Kabar | 11-24-14, 06:22 AM |
| Re: صه يا كنار ... كابلي و ابو عركي ... كلام عجيب !!! | عمر مصطفى مضوي | 11-25-14, 06:55 AM |
| Re: صه يا كنار ... كابلي و ابو عركي ... كلام عجيب !!! | معاوية الزبير | 11-25-14, 06:44 PM |
| Re: صه يا كنار ... كابلي و ابو عركي ... كلام عجيب !!! | NEWSUDANI | 11-26-14, 05:10 AM |
| Re: صه يا كنار ... كابلي و ابو عركي ... كلام عجيب !!! | Hamid Elsawi | 11-26-14, 06:23 AM |
| Re: صه يا كنار ... كابلي و ابو عركي ... كلام عجيب !!! | Kabar | 11-26-14, 08:27 AM |
| Re: صه يا كنار ... كابلي و ابو عركي ... كلام عجيب !!! | Kabar | 11-26-14, 08:31 AM |
| Re: صه يا كنار ... كابلي و ابو عركي ... كلام عجيب !!! | يحي قباني | 12-16-14, 05:30 AM |
| Re: صه يا كنار ... كابلي و ابو عركي ... كلام عجيب !!! | يحي قباني | 12-16-14, 02:59 PM |
| Re: صه يا كنار ... كابلي و ابو عركي ... كلام عجيب !!! | يحي قباني | 12-17-14, 01:07 AM |
| Re: صه يا كنار ... كابلي و ابو عركي ... كلام عجيب !!! | احمد الامين احمد | 12-24-14, 01:18 PM |
| Re: صه يا كنار ... كابلي و ابو عركي ... كلام عجيب !!! | بابكر قدور | 12-25-14, 12:39 PM |
| Re: صه يا كنار ... كابلي و ابو عركي ... كلام عجيب !!! | يحي قباني | 12-25-14, 04:43 PM |
| Re: صه يا كنار ... كابلي و ابو عركي ... كلام عجيب !!! | يحي قباني | 12-25-14, 05:13 PM |
| Re: صه يا كنار ... كابلي و ابو عركي ... كلام عجيب !!! | وائل فاروق | 12-25-14, 08:51 PM |
| Re: صه يا كنار ... كابلي و ابو عركي ... كلام عجيب !!! | فتحي الصديق | 12-25-14, 10:12 PM |
| Re: صه يا كنار ... كابلي و ابو عركي ... كلام عجيب !!! | يحي قباني | 12-26-14, 07:24 AM |
| Re: صه يا كنار ... كابلي و ابو عركي ... كلام عجيب !!! | يحي قباني | 12-26-14, 07:29 AM |
| Re: صه يا كنار ... كابلي و ابو عركي ... كلام عجيب !!! | ودقاسم | 12-26-14, 09:23 AM |
| Re: صه يا كنار ... كابلي و ابو عركي ... كلام عجيب !!! | يحي قباني | 12-26-14, 04:56 PM |
| Re: صه يا كنار ... كابلي و ابو عركي ... كلام عجيب !!! | يحي قباني | 12-26-14, 04:53 PM |
| Re: صه يا كنار ... كابلي و ابو عركي ... كلام عجيب !!! | بابكر قدور | 12-28-14, 07:16 AM |
| Re: صه يا كنار ... كابلي و ابو عركي ... كلام عجيب !!! | بابكر قدور | 12-28-14, 07:51 AM |
| Re: صه يا كنار ... كابلي و ابو عركي ... كلام عجيب !!! | Kabar | 12-28-14, 09:19 AM |
| Re: صه يا كنار ... كابلي و ابو عركي ... كلام عجيب !!! | Kabar | 12-28-14, 09:20 AM |
| Re: صه يا كنار ... كابلي و ابو عركي ... كلام عجيب !!! | Kabar | 12-28-14, 09:23 AM |
| Re: صه يا كنار ... كابلي و ابو عركي ... كلام عجيب !!! | يحي قباني | 12-28-14, 06:10 PM |
|
| |
Kabar
فيس بوك
تويتر
انستقرام
يوتيوب
بنتيريست