|
Re: من وحي كتاب المطالعة (Re: درديري كباشي)
|
من وحي كتاب المطالعة (2) جزاء سنمار بعد ما أنهار سد مأرب في اليمن هاجر بعضهم الى شمالى الجزيرة العربية وهناك أسسوا مملكة حمير الشهيرة في التاريخ قبل الاسلام وأشهر ملوكهم هو النعمان بن المنذر اللخمي .. ولكن كما هو حال العالم الآن كان كل العالم القديم كان تحت سيطرة قطبين كبيرين وهما مملكة فارس كانت تخضع لها الممالك الشرقية الصغيرة ومملكة الرووم كان يخضع لها الغرب .. كانت الممالك الصغيرة تسعى لارضاء أحد القطبين حسب موقعها .. ناس الشرق يتقربون الى كسرى ملك الفرس وناس الغرب يتقربون الى قيصر ملك الروم . خلونا ندخل في حكاية سنمار ( هي سنمار ولا سمنار ,.. منذ دخلنا الجامعة وعرفنا كلمة سمنار أصبح الاسمان يختلطان ويتداخلان علي ).المهم سنمار وبطريقتنا السودانية . بعد زيارة خاطفة من النعمان ليؤدي فروض الولاء و الطاعة لكسرى .. وقد كانت الزيارة ناجحة بكل المقاييس بطبيعة الحال وحسب تقرير الاعلام والوفد المرافق . الا أن النعمان جاء بنفسيات محبطة لاحظ له وزيره المقرب وفاتحه في الموضوع . - شنو يا مولاي من جينا من كسرى نفسك مقفولة ووشك مبدل . - كسرى ياخ انشاء الله بالملاح اليغرقو هو وأهله جميعا . - الاه ليه كدا بس يا مولاي الراجل أكرمنا كويس ضبح لينا وعمل لينا محشي ؟ - ياخ أنت شفت القصر بتاعه عامل كيف ؟ شي نوافير وقزاز ملون وبلكونات وسلالم . - طيب ماله ما أنت قصرك جميل برضه . - قصري أنا جميل أنت بتستهبل ولا بتستعبط . ياخ أنا من جيت من هناك بقيت شاعر بنفسي ساكن في بيت جالوص وبالايجار كمان . - طيب أنت شايف الحل شنو ؟ - لازم أبني لي قصر أكبر وأفخم من قصر كسرى دا ؟ - لكن دا ما بيحتاج لميزانية ضخمة وانت براك عارف البير وغطاها . -لا بعرف بير ولا بعرف زير عندك ست شهور عايز تجمع لي فيها عشرين مليون دولار ذهبية .. - من وين لكن يا مولاي البلد نشفانة ونحن فارضين ضرائب باهظة على الشعب ورفعنا منهم الدعم من زمان ؟ - أفرضوا ضرائب جديدة بالله ما تحاججني كتير البقول عليه تنفذه . - طيب أنت قول أدينا أفكار أنت كبيرنا في البلد دي وأذكانا أقترح لي نوع ضرائب . - ياخ مثلا اليحلق شعره يدفع ضريية حلاقة واليربي شعره يدفع ضريبة خنفس .. اليقص أضافره يدفع ضريبية واليربيها برضه يدفع .. اليدخل الحمام يدفع تلوث بيئة لليغسل يده قبل الاكل يدفع أهدار موارد واليغسلها بعد الاكل يدفع تلوث برضه .. وكدا ياخ اتلحلح أنا حا أعلمك شغلك كمان .؟ - لكن كدا الضغط راح يزيد على المواطن أخاف الوضع يقود لثورة الجياع . - جياع بتاع شنو هو الناس ديل عايزننا نحكمهم كدا مجان؟ .. ما نحن حافظين ليهم الدولة وهيبتها ما هم كمان لازم يساهموا معانا في هيبة الدولة دي ؟ بعدين اليرفع راسه تقطعوه ليه طوالي . وقبل ما تسن قانون الضرايب الجديد عايزك تعتقل لي كل الناشطين والمتعنطسين العاملين فيها بتاعين حقوق انسان وحقوق مرأه وبلاوي زي كدا .. يلا اتحرك ما تضيع لي الوقت أنا عندي موعد ساونا وجلسات مساج مهمة شديد . بعد ست شهور يدخل الوزير . - والله لكن أنت خطير يا مولاي . - أها في شنو يا وش السعد . - بدل عشرين مليون دولار ذهبية قدرنا نجمع ليك أربعين مليون نحن حانبني قصر أكبر من قصر كسرى ذاته عشرة مرات . - تمام دا الكلام والشعب عملوا كيف ما ثاروا .؟ - يثورو شنو ياخ . يمين مكاتب تحصيل الضرائب تفتح من الصباح تلاقي الناس واقفين صف ومتشاكلين كمان دا محلي ودا محلك .. مرات الدوام يخلص ويكون في ناس ما دفعوا ويطالبوا بتمديد الوقت كمان . - هاهاهاهاها دا شعبي ياخ انا حافظه كويس تقول لي ثورات وغاغات أها بعد كدا عاوزك تفتش لي عن مقاول مافي منه اتنين . - لقيته يا مولاي . - بشر يا وش السعد . - قالوا في واحد رومي خطير جدا اسمه سنمار . - رومي أنت عاوز تجيب لينا هوا مع كسرى كمان . - لا يا مولاي لاهوا ولا يحزنون نحن راح نجنسه ونخليه حميري أصلي ونعمل ليه شجرة نسب مزورة ونقول دا من جدودنا بتوع اليمن . - لا لكن رومي دا شكله ما بيكون مختلف عيونه خضر وشعره أشقر وبشرته بيضاء . - سهله يا مولاي نقول أمه رومية وهو طالع لأمه . - والله أنت جد خطير ديل الوزرا ولا بلاش يلا ألحقنا بيه سريع . - أبشرك يا مولاي الحاجات دي كلها أنا رتبتها والراجل منتظرك بره عاوز أذن بالدخول . - تعجبني يا وزير ..أنا عايز الوزير يكون كدا يفكر ينجز بعدين يرقع لي الموضوع جاهز خليه يدخل . أتفضل يا سنمار . - تحياتي مولا ي السلطان . - هلا هلا هلا يا باشمهندس أتفضل عندنا التمويل جاهز وزي ما فهمك الوزير عايز يكون عندي قصر العالم كله يتغنى بيه . - طيب يا مولاي اولا عايز قطعة أرض مساحتها تكون على الاقل عشرة الف فرسخ مجاورة للنهر . - يا الاخ الارض كلها تحت أمرك لكن اشمعنى مجاورة للنهر . - عشان أعمل ليك ترعة من النهر تدخل جوة القصر ونغطيها بالقزاز السمك يمر قدامك تعزل قبل ما تدخل المطبخ للشوي . - يا سلام يا سلام دا الكلام ما تقول أنا بحب السمك الطازج . - أظن يا مولاي ما في اطزج من تشوف بسمكة ماشة قدامك وتقول للطباخ اشوي لي السمكة الجاية داخلة عندك دي . - دا الكلام يلا اتحركوا ابدوا من بكرة تحتاج لكم من الوقت .. - يعني ثلاثة سنوات ولو أديتني الرابعة انا راح أخليه لك قصر يرقص براه . - يا عم أخذ راحتك وانا كمان بوعدك ما بزورك ولا أتفقد المنشآت الا تقول لي القصر جاهز تعال أرحل خلاص . وبعد أربعة سنوات ممكن تشرفنا يا مولاي وتشوف قصرك بنفسك . - يلا بينا .. وفعلا ينبهر الملك بعظمة القصر وفخامته وضخامته .. وبصحبته المهندس المنفذ سنمار أخذ جولة متفقدا المبنى وشارحا له الميزات والخصائص بأحدث سبل التكنلوجيا في ذاك الزمان .. وسمنار كل ما شاهد انبهار الملك أتسعت ابتسامته وزاد طمعه وكلما صعدوا طابقا شرح للملك خصائص هذا الطابق . الى أن صعدا الى السطوح .. وسمنار بكل بجاحة قال للمرافقين خلونا أنا ومولاي لحالنا عندنا أسرار في السطح .. أمتلا الوزير غيظا وعرف أن سمنار يريد الانفراد بجلالة الملك ربما طمع في منصب الوزير نفسه .. وفي السطح قرر سنمار مفاجئة الملك وقال : والله لو شئت يا مولاي لجعلته يدور مع قرص الشمس كيف يدور . الملك جر فيه نور طويل : وقال له نفهم من كدا أنك ممكن تبني أحسن منه .؟ - أحسن منه ؟هه ... مش كدا وبس أقول لك سر يا مولاي القصر دا فيه طوبة سرية لو سحبتها أنهار كله في ثوان معدودة . - يا راجل دا كلام شنو ؟ - أفا نحن بنعلب كمان ؟ - وفي حد غيرك عارف الطوبة دي ؟ - ابدا يا مولاي ما حا يكون في حد غيرنا نحن الاتنين عارفها . - طيب ايه رأيك أنا كمان ما عايز أعرفها . تبسم سمنار .: يعني حا اكون أنا بس العارفها يا مولاي دا حمل كبير علي . - أنت ذاتك ما حاتكون عارفها ؟ - كيف يعني يا مولاي . - لأنك حا تكون مافي ؟ مولانا جاريني وين عيب الكلام دا يامولانا بالمناسبة أنت فهمتني غلط .. ووووووووووووووووو يسقط سمنار في الارض وسط الحشود المتجمعة خارج القصر .. ويصعد للوزير للسطح حيث الملك : الباشمهندس أنتحر ماله يا مولاي ( مراقة جاهزة ) - أبدا بس قلت ليه اللون ما عجبني زعل وانتحر . - ياخ هو حساس أكتر من اللازم ؟ حساس جدا حساس خالص حساس .
|
|
|
|
|
|
|
العنوان |
الكاتب |
Date |
من وحي كتاب المطالعة | درديري كباشي | 12-09-14, 06:54 AM |
Re: من وحي كتاب المطالعة | علي دفع الله | 12-09-14, 07:46 AM |
Re: من وحي كتاب المطالعة | درديري كباشي | 12-09-14, 08:05 AM |
Re: من وحي كتاب المطالعة | ولياب | 12-09-14, 09:09 AM |
Re: من وحي كتاب المطالعة | درديري كباشي | 12-09-14, 09:29 AM |
Re: من وحي كتاب المطالعة | معاوية المدير | 12-09-14, 10:22 AM |
Re: من وحي كتاب المطالعة | درديري كباشي | 12-09-14, 02:09 PM |
Re: من وحي كتاب المطالعة | Sameer Kuku | 12-09-14, 02:54 PM |
Re: من وحي كتاب المطالعة | درديري كباشي | 12-09-14, 02:59 PM |
Re: من وحي كتاب المطالعة | درديري كباشي | 12-09-14, 03:32 PM |
Re: من وحي كتاب المطالعة | Sudany Agouz | 12-09-14, 04:33 PM |
Re: من وحي كتاب المطالعة | درديري كباشي | 12-09-14, 08:47 PM |
Re: من وحي كتاب المطالعة | درديري كباشي | 12-10-14, 06:48 AM |
Re: من وحي كتاب المطالعة | حامد بدري | 12-10-14, 06:56 AM |
Re: من وحي كتاب المطالعة | درديري كباشي | 12-10-14, 07:12 AM |
Re: من وحي كتاب المطالعة | عبدالحفيظ ابوسن | 12-10-14, 08:12 AM |
Re: من وحي كتاب المطالعة | درديري كباشي | 12-10-14, 08:35 AM |
Re: من وحي كتاب المطالعة | درديري كباشي | 12-10-14, 09:21 AM |
Re: من وحي كتاب المطالعة | درديري كباشي | 12-10-14, 02:19 PM |
Re: من وحي كتاب المطالعة | درديري كباشي | 12-10-14, 04:31 PM |
Re: من وحي كتاب المطالعة | درديري كباشي | 12-11-14, 07:01 AM |
Re: من وحي كتاب المطالعة | درديري كباشي | 12-14-14, 10:19 AM |
Re: من وحي كتاب المطالعة | درديري كباشي | 12-14-14, 10:19 AM |
Re: من وحي كتاب المطالعة | درديري كباشي | 12-15-14, 02:10 PM |
Re: من وحي كتاب المطالعة | درديري كباشي | 12-17-14, 06:52 AM |
Re: من وحي كتاب المطالعة | درديري كباشي | 12-17-14, 10:46 AM |
Re: من وحي كتاب المطالعة | Dahab Telbo | 12-17-14, 10:58 AM |
Re: من وحي كتاب المطالعة | درديري كباشي | 12-20-14, 09:32 AM |
Re: من وحي كتاب المطالعة | درديري كباشي | 12-20-14, 09:37 AM |
Re: من وحي كتاب المطالعة | درديري كباشي | 12-21-14, 06:28 AM |
Re: من وحي كتاب المطالعة | درديري كباشي | 12-21-14, 08:26 AM |
Re: من وحي كتاب المطالعة | درديري كباشي | 12-21-14, 07:42 PM |
Re: من وحي كتاب المطالعة | درديري كباشي | 12-25-14, 07:53 AM |
Re: من وحي كتاب المطالعة | يوسف السماني يوسف | 12-25-14, 12:35 PM |
Re: من وحي كتاب المطالعة | درديري كباشي | 12-26-14, 08:14 AM |
Re: من وحي كتاب المطالعة | درديري كباشي | 12-26-14, 08:22 AM |
Re: من وحي كتاب المطالعة | درديري كباشي | 12-27-14, 02:46 PM |
Re: من وحي كتاب المطالعة | درديري كباشي | 12-31-14, 04:31 AM |
Re: من وحي كتاب المطالعة | درديري كباشي | 01-03-15, 09:11 AM |
Re: من وحي كتاب المطالعة | درديري كباشي | 01-03-15, 09:43 AM |
Re: من وحي كتاب المطالعة | درديري كباشي | 01-03-15, 02:16 PM |
Re: من وحي كتاب المطالعة | درديري كباشي | 01-04-15, 08:06 PM |
Re: من وحي كتاب المطالعة | درديري كباشي | 01-07-15, 03:36 PM |
|
|
|