|
Re: سؤال عن مثل سوداني (Re: عبدالحفيظ حسن)
|
ود ابوسن سلام حرم الحنكشة فيك ولا خائله، الحنكشة دى خليها لاسيادها ود المنسى وود البوش وود شيقوق شوف اسامى الدلع دى ساكت، تسمع الاسماء دى طوالى تتخيلهم حالقين كرستيانو ومجدعين حول حوض السباحه ولابسين المايوهات وكل واحد معه البشكير وكريم تنعيم البشرة مخير الله!!! المثل قريعتى راحت وهى تصغير قرعة، ويقال ان جماعة من الهمباتة اغارو على جمال قرية وسلبوها وقرر اهل القرية الفزع وهو عملية الذهاب لاسترداد الابل السليبة ، وارسلوا احد الاطفال ليخبر اهل الحى بالنائبة وجهز كل احد منهم سيفه ودرقته والعنده بندقية شالها وملأوا سقوهم وقربهم ماء وتزودو للمعركة وفى الطريق جبن احدهم عندما سمع القوم يتحدثون عن بطش المعتدين وقوة شكيمتهم وتمرسهم على القتال فتخلف بحجة انه يريد ان( يقطع الجمار) وواصل البقية سيرهم حتى ادركوا الغزاة وعندما استردوا ماسلب منهم بعد معركة حامية الوطـ ــــيس ورجعوا لاقو الرجل يفتش الطريق غادياً ورائحاً سألوا الرجل الذى تخلف عن القتال عن سبب عدم حضوره فقال لهم متل ماكم شايفين جهزت سيفى ودرقتى وعبيت قربتى موية وكتين نزلت جنب الشديرات ديك قطعت الجمار ولاحقكم هبشت رحلى لقيتو تمام الا قريعتى راحت وكنت بفتش عليها وده السبب الخلانى ما الحقكم فاصبح المثل يضرب لمن ينشغل بتوافـ ــه الامور ويترك القضايا الجسام ، يقولو ليك انت مع شنو يا ناس قريعتى راحت... ود ابوسن هسه يجوك ناس ود البوش وود شيقوق يقولو ليك اقطع الجمار معناها شنو ياعمو اقعهم خبت،،،
|
|
|
|
|
|
|
العنوان |
الكاتب |
Date |
سؤال عن مثل سوداني | عبدالحفيظ ابوسن | 08-21-14, 06:13 AM |
Re: سؤال عن مثل سوداني | محمد إبراهيم علي | 08-21-14, 06:22 AM |
Re: سؤال عن مثل سوداني | عبد الله شم | 08-21-14, 06:26 AM |
Re: سؤال عن مثل سوداني | عبدالحفيظ ابوسن | 08-21-14, 06:34 AM |
Re: سؤال عن مثل سوداني | جعفر محي الدين | 08-21-14, 06:46 AM |
Re: سؤال عن مثل سوداني | هاشم احمد ادم | 08-21-14, 07:42 AM |
Re: سؤال عن مثل سوداني | عبدالحفيظ ابوسن | 08-21-14, 06:49 AM |
Re: سؤال عن مثل سوداني | عادل البراري | 08-21-14, 07:06 AM |
Re: سؤال عن مثل سوداني | عبدالله ود البوش | 08-21-14, 07:06 AM |
Re: سؤال عن مثل سوداني | عبد الله شم | 08-21-14, 07:08 AM |
Re: سؤال عن مثل سوداني | عبدالحفيظ ابوسن | 08-21-14, 07:56 AM |
Re: سؤال عن مثل سوداني | عبدالحفيظ ابوسن | 08-21-14, 07:57 AM |
Re: سؤال عن مثل سوداني | بدرالدين بابكر مصطفى | 08-21-14, 08:09 AM |
Re: سؤال عن مثل سوداني | مني عمسيب | 08-21-14, 08:22 AM |
Re: سؤال عن مثل سوداني | محمد هاشم ابوزيد | 08-21-14, 08:58 AM |
Re: سؤال عن مثل سوداني | عبدالحفيظ ابوسن | 08-21-14, 09:00 AM |
Re: سؤال عن مثل سوداني | عبدالحفيظ حسن | 08-21-14, 11:25 AM |
Re: سؤال عن مثل سوداني | أحمد الشايقي | 08-21-14, 11:46 AM |
Re: سؤال عن مثل سوداني | صديق الموج | 08-21-14, 12:21 PM |
Re: سؤال عن مثل سوداني | عادل البراري | 08-21-14, 02:17 PM |
Re: سؤال عن مثل سوداني | كمال الطيب الجميعابي | 08-22-14, 01:25 AM |
Re: سؤال عن مثل سوداني | يحي قباني | 08-22-14, 02:39 AM |
Re: سؤال عن مثل سوداني | nazar hussien | 08-22-14, 03:41 AM |
Re: سؤال عن مثل سوداني | قسم الفضيل مضوي محمد | 08-22-14, 03:56 AM |
Re: سؤال عن مثل سوداني | يحي قباني | 08-22-14, 10:06 AM |
Re: سؤال عن مثل سوداني | عبدالحفيظ ابوسن | 08-23-14, 07:58 AM |
|
|
|