خبايا مشروع أبولو وخدعة الوصول للقمر

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
التحالف الديمقراطي بأمريكا يقيم ندوة بعنوان آفاق التغيير ما بعد هبة يناير 2018
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 20-10-2018, 02:38 PM الصفحة الرئيسية

مدخل أرشيف الربع الثانى للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-10-2014, 10:33 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12509

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote: قباني
    سلام

    ما دي مشكلتكم

    تنزهلوا بكلام الخواجات


    والكندي لازم يجامل "ناسا"

    مش جامعة اريزونا واليابانيين جاملوا ناس.

    بعدين التصوير دا حتى لو فديو ما من الأدلة المعتمدة في البوست دا

    فما تفضحنا (يا هندسة)


    ووين دليلك من الإساس إنه الزول دا مشى الفضاء من اساسه

    انصحك يا حاتم بمراجعة طيب لتشخيص حالتك ...

    قبل فوات الاوان ...
                   |Articles |News |مقالات |بيانات

02-10-2014, 10:36 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: يحي قباني)

    Quote: انصحك يا حاتم بمراجعة طيب لتشخيص حالتك ...

    قبل فوات الاوان ...



    قباني

    الكتب الكلام دا أنا

    قلت أديك شوية من نظرية المؤامرة والتشكيك (عشان كدا الوشوش الضاحكة)


    حاتم لازمه اعتذار منك
                   |Articles |News |مقالات |بيانات

02-10-2014, 10:47 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)

    حاتم
    سلام

    دا تقرير عن الاشعة الإتعرض ليها الرواد في خلال الرحلات للقمر


    http://www.nasa.gov/pdf/284273main_Radiation_HS_Mod1.pdfhttp://www.nasa.gov/pdf/284273main_Radiation_HS_Mod1.pdf
                   |Articles |News |مقالات |بيانات

02-10-2014, 10:36 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote:
    كان الجميع شبة ( متسمر ) علي مقاعدهم و هو يشرح عملية اطلاق المكوك ... و سرعته 8 كلم في الثانية ...
    وهي اقل من السرعة المحتاجة للصعود للقمر ( حسب ما قاله ) وهي 12 كلم في الثانية ...
    تحدث الرجل و اذهلنا جميعاً ...
    و يا حاتم ... صدقنى هؤلاء يقدمون حياتهم من اجل العلم ...


    الماكوك موجود قبل ظهور الانترنت يا قباني، كلو في الانترنت، يعني مفروض ما تنذهل ابداً
    موضوع السرعات بذكر درسناهو في المتوسطة في التمانينات، السرعة الفلكية التانية ما ليها علاقة بالقمر بل بالهروب من الجاذبية الأرضية تماماً
    على اي حال بتمنى تجيب لينا منو حاجة كويسة، مش معلومات أولية أنا ذكرت معظمها في الصفحة الأولى

    الفيديو ما اشتغل معاي
    عشان أشوف شكل الحضور
    ناسا بتخم في الرماد ودي شكلها بواقي حملة
                   |Articles |News |مقالات |بيانات

02-10-2014, 10:41 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12509

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote: قباني

    الكتب الكلام دا أنا

    قلت أديك شوية من نظرية المؤامرة والتشكيك (عشان كدا الوشوش الضاحكة)


    حاتم لازمه اعتذار منك

    معليش اسف يا حاتم ...

    لكن برضوا بنصحك ...

    نظرية المؤامره حقتك دى يتودر بيك ...

    بعدين الذهول في انو الشخص العمل الانجازات دى يا حبيب بتكلم قدامنا ...

    و سالمناهوا و اشترينا كتابو ...

    و الله يعينك بس ...

    و يعين الحواليك كمان :)
                   |Articles |News |مقالات |بيانات

02-10-2014, 11:13 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: يحي قباني)

    Quote: عليك الله هل كان في داعي تفضح نفسك بموضوع التلسكوب والصور الأنا حذرتك منها، وجاي هسع تخارج موضوع "قاما" ب ×؟
    أي نعم اسأتني بكل عنجهية رغم اللطف والمرونة الحاولت اتجنب بيها مواجهات أنا مستعد ليها من 2006، ورغم ذلك كنت بوجهك عشان
    ما تفضح نفسك، على الأقل كان تقول شكراً أو ترجع تصحح نفسك. قصدت الشر أفضحك لمن تتعقد، لو بتحس.

    دي ساهلة ... انا مداخلتي قاعدة في الأربعطاشر صفحة في البوست دا .... وما فيها أي حذف أو تعديل ...

    جيب اقتباس لى اساءة انا اسأتك ليها ...

    (انت ممكن تتحدّى ناسا ... لاكين انا كان قمت صعب )






    ... المهم ....
                   |Articles |News |مقالات |بيانات

02-10-2014, 11:29 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)

    Quote: بيكي الردت علي تاني يوم هنا دي غالباً ردت عليك انت كمان في ظرف 24 ساعة، وكنت اتمنى تكون نزيه وصادق مع نفسك وتجي تضع الرد هنا، قالوا ليك مستحيل مش؟. أها نوعك كان مشى لبيكي دي في المكتب وقال الطلب دا بتفلقوا بالدباسة ههههه

    وانحنا بنقول في شنو يا العشا اب لبن؟

    أهو كدا على الأقل اقتنعت بى كلام الصادق اسماعيل ... الداير تأكيد غير ناسا ... يسافر بى نفسو

    ضيعت على رقبتك فرصة إثبات علمي لخدعة الوصول للقمر ...

    هسي حا تتصرف كيف عشان تثبت صحة مزاعمك؟

    ياخي انت راجل ممتع ومتنوّع المواهب ... انا كنت داير اساعدك ياخي ... ترشني انا وبيكي؟




    ... المهم ....
                   |Articles |News |مقالات |بيانات

02-10-2014, 11:40 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)

    http://www.telescopes.com/telescopes/canyouseeobjectsleftbehindonthemoonarticle.cfm
                   |Articles |News |مقالات |بيانات

02-10-2014, 11:48 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)

    Quote: ياخي انت هبوط عمودي ما سمعت بيهو إلا يوم 8-9-2014

                   |Articles |News |مقالات |بيانات

02-10-2014, 11:42 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: يحي قباني)

    نعمل ملخص سريع عشان نخت الموضوع في إطاره


    الباشمهندس حاتم يقول

    أن كل ما قالته ناسا عن ارسالها أشخاص للقمر هو خدعة ولم يكن حقيقة

    حاتم اعتمد كما قال على تقارير مترجمة تثير الكثير من التساؤلات والشكوك المشروعة حول برنامج ناسا وإدعاءاتها

    وعدنا حاتم بتقديم أدلة تعتمد في الأساس على المنهج العلمي التجريبي لدعم شكوكه وتساؤلاته.

    الصادق اسماعيل
    اقول أن ما قالته ناسا يظل حقيقة نسبية لحين ظهور أدلة علمية قائمة على المنهج التجريبي.


    المقصود بالأدلة العلمية:

    حقيقة علمية تقول أن السراب ليس ماء هو خداع للبصر وناتج من انعكاس الضوء وووووو

    أحدهم يقول لا هي ماء وليست خداع للبصر

    عليه إثبات ذلك بالتجربة يذهب لمكان هذا السراب وياتي لنا بالماء ونشربه

    سنعتمد الحقيقة العلمية الجديدة.



    دي خلاصتي

    ومنتظر الدليل العلمي المبني على المنهج العلمي التجريبي

    لإثبات نظرية المشككين في نزول ناسا على القمر.

    واعتقد أن الكثيرين أيضاً في انتظار هذا الدليل

    ووجود الدليل سيجعل ناسا تتراجع (غصباً) عنها عن هذه الكلام وتعتذر عنه.


    وإمكانية حدوث (هوكس) من جانب ناسا وارد (كل شئ في الحيا جايز)


    وحصلت قبل كدا لأربعين عام وتمّ كشفها في الهوكس المشهور (بيلتداون مان)

    واحد من العلماء قدم جمجمة ودراسات تثبت إنه دي الحلقة المفقودة بين الإنسان والقردة العليا

    أها عالم تاني وبإستعمال المنهج العلمي التجريبي اكتشف إنه الموضوع مجرد هوكس

    أها حكاية بيلتداون مان اختفت من التاريخ العلمي


    دي قوة العلم

    الآن لسه مسألة (خدعة القمر) في إطار النظرية

    لو تمّ اثباتها ما حيقدر زول يغالط في الموضوع ذاتو

    دا مختصر للخدعة

    The Piltdown Man was a paleoanthropological hoax
    in which bone fragments were presented as the fossilised remains of a previously unknown early human.
    These fragments consisted of parts of a skull and jawbone,
    said to have been collected in 1912 from a gravel pit at Piltdown, East Sussex, England.
    The Latin name Eoanthropus dawsoni ("Dawson's dawn-man", after the collector Charles Dawson) was given to the specimen.
    The significance of the specimen remained the subject of controversy until it was exposed in 1953 as a forgery
    , consisting of the lower jawbone of an orangutan deliberately combined with the cranium of a fully developed modern human.

    The Piltdown hoax is perhaps the most famous paleoanthropological hoax ever to have been perpetrated.
    It is prominent for two reasons: the attention paid to the issue of human evolution,
    and the length of time (more than 40 years) that elapsed from its discovery to its full exposure as a forgery.

    وباقي القصة هنا

    http://en.wikipedia.org/wiki/Piltdown_Manhttp://en.wikipedia.org/wiki/Piltdown_Manhttp://en.wikipedia.org/wiki/Piltdown_Manhttp://en.wikipedia...rg/wiki/Piltdown_Man



    فمنتظرين الدليل البيحسم قصة ناسا زي ما اتحسمت قصة Piltdown Man

    (عدل بواسطة الصادق اسماعيل on 02-10-2014, 11:46 PM)

                   |Articles |News |مقالات |بيانات

03-10-2014, 00:27 AM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)

    Quote: ياخي ما تندم علي المزلقانات الفرعية والزمن القلت ضايع مع تبارك والصادق - أنا شخصياَ أستفدت من كل ردودك وأكيد في قراء كتار استفادوا .. فمهما كان الشوت كلو في الكشافات لكين شايفك بتلقط الكورة وتختها للجمهور في الواطة ..



    يا منير

    كل سنة وإنت طيب

    بالطبع البوست مليان معلومات كتيرة عن مشروع ابوللو

    وأي زول داير يقرا البوست دا ويستفيد من المعلومات حيلقى كتير

    وفي دي برضه الباشمهندس مشكور عليها

    ودي ما قلنا فيها حاجة تب

    شايفك جليت موضوع الدليلي العلمي والمنهج العلمي التجريبي

    لأنه أنا شايفه دا محك اساسي جداً


    حاتم متضايق من الحكاية دي
    وأنا ما قصدي اضايقه ابداً

    كل القصدته إنه نعرف الحقيقة
    فهل الموضوع مجرد تشكيكات وفرضيات زي ما هو مطروح في العالم كله

    ولّا استجد جديد في الموضوع وظهرت فيه أدلة بتدعم واحد من الأطراف

    أدلة الأطراف التالتة ما زال في جدال حولها
    وحتى الآن ما ظهر دليل من طرف تالت قوي عشان يحسم النقاش


    الصين كانت اعلنت في 2011 (تقريباً بتذكر قريت كدا) إنها حتمشي في 2013

    لكن بعد داك ما في خبر من الموضوع

    فسيظل الموضوع مدور

    وفي ناس بيؤمنوا ايمان قاطع إنه خدعة وفي ناس مسلمين بكلام ناسا ومنتظرين الدليل العلمي
                   |Articles |News |مقالات |بيانات

03-10-2014, 02:33 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)

    Quote: وفي ناس بيؤمنوا ايمان قاطع إنه خدعة وفي ناس مسلمين بكلام ناسا ومنتظرين الدليل العلمي

    الحكاية ما "تسليم" و انتظار للدليل العلمي ...

    العلم يا الصادق يقوم على الوقائع المثبتة وليس على الحقائق المطلقة و "التسليم" بهذا أو ذاك ... وانت سيد العارفين ..

    والمعلومات الفلكية والتكنولوجية البتتوصل ليها ناسا في برامجها الفضائية ... مرتبطة بعلوم أخرى ... ولو في حاجة عند ناسا قايمة على خطأ لتم اكتشافها بواسطة الجيولوجيين (الذين أكدوا أن بنية القمر الجيولوجية مشابهة للأرض بما أن القمر تابع للأرض وتكوّن من نفس كتلتها قبل 4.2 مليار سنة، وأن تشكّل القمر في الفراغ وتشكل الأرض بغلاف جوي يجعل هنالك فرق فراغات الأوكسجين التي ظهرت بعد فحص عينات ناسا) ... والفيزيائيين (الذين أكدوا - حتى الآن - إمكانية عبور حزام فان آلن وحسابات الإشعاع كما هي عبر تاريخ دراسات الموجات الكهروميغناطيسية من الراديو إلى أشعة قاما) ... والأطباء (الذين رجحوا إصابة كل رواد الفضاء بغشاوات في العين بين 4 و 10 سنوات بعد الخروج للفضاء بسبب تعرضهم للإشعاعات بنسب متنوعة) ... والفلكيين (الذين لم تظهر معلومات ناسا أي تضارب مع مراصدهم الأرضية وحساباتهم للمسافات ومدارات الكواكب والنجوم والمجرات) ... والكيميائيين (الذين يتعاملون مع خواص المواد وميكانيكا الكم لم ينفوا جدوى استخدام ناسا لأي مادّة مصنّعة أو خاصية محددة تم استخدامها للذهاب للقمر) ...

    يعني عدم التضارب مع العلم في حد ذاته دليل علمي Empirical يا الصادق ... حتى الآن لم يظهر كشف علمي جديد يهدم مزاعم ناسا بإرسال بشر إلى سطح القمر ...






    ... المهم ....
                   |Articles |News |مقالات |بيانات

03-10-2014, 04:18 AM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)


    سلامات يا الصادق ..
    صدقني يا الصادق إنت بتعرض برة الحلقة وقايل نفسك جوة الجك .. الموضوع ده ما زي مواضيع صلاح جادات ياخي .. إنت إنتهيت بالقاضية زمان .. قيم إز أوفر يا مان - أفسح المجال لزول تاني ..أقصد يحي قباني الجاء مدروخ من قولة تيت وما فارز الكلام كتبتوا إنت واللا حاتم .. الظاهر نحن موعودين بفلم هندي ..
    يا تبارك طبزتك عن إختراق قاما جيت تكحلها عميتها .. معقول تكون ماعارف خطورة أشعة إكس ولا قاما الأخطر منها ألف مرة ؟؟ ياخي الناس شغالة بإدينها وكرعينها عشان تقلل الزمن البيتعرض فيهو المريض لأشعة إكس عند إلتقاط صورة أشعة وذلك لتقليل الجرعة وزمن تأثير الأشعة لأقل من جزء من الألف الثانية .... وذلك رغم أن أكبر طاقة لأشعة إكس الطبية هي في حدود 60KeV - عشان طبية - .. فما بالك بأشعة قاما الطاقاتها بالميقافولت .. وقصة قوة إخترقها دي ما معناها إنو الجسم الإخترقته إنها جلّته .. لأ .. معناها إنها ممكن تلحقك لو إتضاريت وراء حيطة أو لو دخلت جحر ضب حتدخل وراك .. ..
    يا تبارك ما تظن أن قراء المنبر ده كلهم طرابيد ومواهيم يتخموا بجنس سواتكم إنت والصادق دي .. بعدين ياخي ده بوست عن تفنيد إدعاءات ناسا، تقوم إنت تستشهد بالكلام المطلوب إثباته؟؟!! ذكرتني زمان الثانوي ومسائل المتطابقات المثلثية - لو بتتذكر - في طلبة ما عارفين بيسووا في شنو .. يقوم الواحد يجي يثبت المتطابقة المثلثية - يعني مفروض يثبت أن الطرف الأيمن من المعادلة = الطرف الأيسر .. فيقوم زولنا الما ناقش يقول بسم الله نبدأ .. ويقوم يعك ويعك في الطرف الأيمن ويملأ صفحتين فلسكاب وفي الآخر يصل للخلاصة ويكتب المطلوب إثباته: إذن الطرف الأيمن = الطرف الأيمن !!!!
    نسي الطرف الأيسر تماماً ورجع لنقطة البداية وكأنك يا اب زيت ما غزيت ..

    (عدل بواسطة Munir on 03-10-2014, 04:21 AM)

                   |Articles |News |مقالات |بيانات

03-10-2014, 05:30 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12509

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    Quote: أفسح المجال لزول تاني ..أقصد يحي قباني الجاء مدروخ من قولة تيت وما فارز الكلام كتبتوا إنت واللا حاتم .. الظاهر نحن موعودين بفلم هندي ..

    كتر خيرك ياخي ...

    رغم اني لا بعرفك لا بتعرفني ...

    اهو جيت طوالي اعتبرتني دايش و مدروخ ...

    مع اني اول من علق علي مسألة نظرية المؤامره ...

    و متابع البوست تماماً يا منير ...

    رغم ذلك جيت انت دخلت بالعرض ... وكمان بتشكل في اتجاهاتنا ... و دوشتنا ...

    عموماً فرصة طيبة ... ما اصلوا ده آخرها ...
                   |Articles |News |مقالات |بيانات

03-10-2014, 06:10 AM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: يحي قباني)

    منير
    سلام
    كوني بعرض برة الزفة فدي وجهة نظرك وانت طبعا حر فيها

    موضوعي واضح ومحدد جدا

    حاتم ما هو الاخترع موضوع خدعة الوصول للقمر

    الموضوع مطروح ليه عشرات السنين

    وحاتم جا واعاد طرح الموضوع وقال حيعتمد على المنهج العلمي التجريبي

    كل القلناه ليه وسالناه ليه وين المنهج العلمي التجريبي الاثبت انه الموضوع دا فالصو

    لحدي هسع الزول دا ما عنده اي دليل قايم على المنهج العلمي التجريبي

    عشان كدا المعتمد حتى الان حول العالم انه ناسا وصلت القمر

    الكلام دا ما داير ليه اي درس عصر

    وكل المسالة نظرية وتشكيكات لم يتم اثبات صحتها


    ودا بالضبط زي قصتي مع صلاح جادات

    اتهمني باني زورت فيزا وانا ساكيه عشان يجيب الدليل

    هسع نفس الحكاية مع حاتم قلنا ليه جيب الدليل القايم على العلم التجريبي

    فبالتالي اذا دا من وجهة نظرك عرض برة الزفة فدي وجهة نظرك انت وملزم بيها انت فقط ومن يقتنع بها

    زي تشكيكات خدعة القمر من شاء ان يومن بها ومن شاء ان يكفر
    وحتظل لحين ورود دليل يثبتها او ينفيها مجرد تشكيكاك وليست حقيقة مطلقة كما يعتقد المهندس حاتم
                   |Articles |News |مقالات |بيانات

03-10-2014, 06:19 AM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)

    منير
    كلاكيت تاني مرة

    سلام وعيدك مبارك

    كدي خلينا من من موضوعي انا وعرضي خارج الزفة

    انت زمان سالتني عن تعريفي للمنهج العلمي التجريبي

    هسع انا داير اشوف عرضتك انت الجوة الدايرة دي

    اهو الموضوع مطروح وموجود في الانتريت بكل تاريخه ومعلوماته
    واظنك اخدت ليك خفسة قراية فيه

    تعال وريني جديد حاتم فيه شنو والادلة العلمية شنو

    مشروع ابوللو معلوماته موجودة
    والتشكيكات فيه موجودة

    اها ياتها في كل التشيككات المعتمدة على منهج علمي تجريبي

    ودا كله عشان نبقى داخل موضوع البوست،

    اها المايك معاك عشان القاريء يستفيد بزضه
                   |Articles |News |مقالات |بيانات

03-10-2014, 08:57 AM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)


    يا يحي قباني الحساسية شنو ياخي ؟؟ .. تراك إنت برضو جيت خاشي وطلبت من حاتم مراجعة طبيب لتشخيص حالته - والمعني يفيد طبيب نفساني (وده أكعب من الدروخة) - .. وذلك بعد أن اقتبست كلام الصادق الذي زعّلك وربما ظننته تريقة من حاتم - مع أن الصادق عاملها تريقة علي حاتم .. أنا ما توقعت منك تقول لزول إجتهد كل هذا الإجتهاد في البوست لطرح قضية ما يمشي لطبيب - مع إنك مازول مشاكل ومهاترات .. وعلي العموم طالما كلمة دروخة زعلتك فأرجو العفو .. وكل سنة وانت طيب ..

                   |Articles |News |مقالات |بيانات

03-10-2014, 10:41 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    يا منير ...
    Quote: يا تبارك طبزتك عن إختراق قاما جيت تكحلها عميتها .. معقول تكون ماعارف خطورة أشعة إكس ولا قاما الأخطر منها ألف مرة ؟؟ ياخي الناس شغالة بإدينها وكرعينها عشان تقلل الزمن البيتعرض فيهو المريض لأشعة إكس عند إلتقاط صورة أشعة وذلك لتقليل الجرعة وزمن تأثير الأشعة لأقل من جزء من الألف الثانية .... وذلك رغم أن أكبر طاقة لأشعة إكس الطبية هي في حدود 60KeV - عشان طبية - .. فما بالك بأشعة قاما الطاقاتها بالميقافولت .. وقصة قوة إخترقها دي ما معناها إنو الجسم الإخترقته إنها جلّته .. لأ .. معناها إنها ممكن تلحقك لو إتضاريت وراء حيطة أو لو دخلت جحر ضب حتدخل وراك .. ..

    حاجتين:
    1- ذبذبة قاما اسرع من اشعة × (اشعة × تعتبر اشعة قاما بطيئة شوية) ... أيه دليلك العلمي على انو هي اكثر ضررًا من اشعة ×؟

    2- فكرة انها بتعبر الخلايا "وبتجليها عادي" ... هي الفكرة المقابلة لتوقيف الإشعاع بحائل ... إذا كان فيلم الأشعة حائل ... المانع شنو انو بدلة مكونة من أنسجة فيها تراكيب اعقد من فيلم الأشعة يقيف حائل دون الأشعة الألفا والبيتا القاتلة؟

    بالمناسبة تصحيح: أنا قلت اشعة × قاتلة ... ورغم ذلك هنالك هامش مأمون من التعرض لها يسمح باستخدامها في التصوير الطبي ... فما تجيب كلامي وكأني قلت انها اشعة مأمونة ... اشعة قاما بتنتج اصطناعيًا زي اشعة × ... وبتستخدم في المسح والتصوير في اجهزة التفتيش في الموانئ عادي ... مكنة القاما بتصوّر 30 كونتينر في الساعة ... وأحيانًا الكونتينر بيكون فيهو ناس مهرّبين اشعة قاما ما بتعمل ليهم اي حاجة ... الناس بيشغّلوها بالسنين بدون أي بدلة حامية ... زول جوة بدلة معالجة للإشعاع جوة كبسولة معالجة للإشعاع بعد خمسة يوم طلع عندو 1.0 Rem (لاحظ في الخمسة يوم التعريض الخطير في حزام فان الن ساعتين، والأقل خطرًا على سطح القمر 21 ساعة) ... وين المشكلة؟... ياخي الناس بتدخل المفاعلات الذرية بالبدلات الحامية ... وبتمرق بتتعالج من آثار الإشعاع بالأدوية والأنظمة الغذائية ...

    الزول دا قلنا ليهو المسألة ليها علاقة بى زمن التعريض وكميتو ... وجبنا ليهو الكميات القاتلة والخطيرة ... وقلنا ليهو طلع في آثار اشعاع ... وتم التعامل معها ..

    حاتم بيتعامل مع اشعة قاما كأنها الشعاع الاحمر البيمرق من عيون سوبرمان يسيّح عمود الكهربا داك





    ... المهم ...
                   |Articles |News |مقالات |بيانات

03-10-2014, 05:06 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)

    منير

    سلام

    زي ما قلت للمهندس حاتم النقاش حيكون هلال مريخ،
    الكلام دا أنا قلته ليه لأني بفتكر إنه ما دام قرأ (The Moon Hoax) بيكون قرأ الدوفاعات الجات حول الموضوع

    وبالتالي بعد دا بيبقى النقاش كله غلاط في غلاط، بيبقى ما في داعي أمشي وأجيب ليه نفس الردود الهو قرأها وما مقتنع بيها.

    وأنا حقيقة قلت المهندس حاتم حيجيب فعلاً حاجة جديدة لكن دا ما حصل

    طيب هسع بقدومك إنت خلينا نناقش حاجة واحدة، إنه كيف الرواد اتجنبوا الأشعة

    أنا حأنزل أوضح شرح لقيته في الإنترنيت عن الموضوع دا

    وخلينا نبدأ من جديد ونقود نقاش موضوعي

    المقال أدناه

    Discovering the Van Allen Belts
    The Van Allen belts were discovered by the scientist whose name they bear: James Van Allen. In the mid 1950s,
    Van Allen began probing the intricate world of charged particles outside the Earth’s atmosphere
    using sounding rockets and rockoons (small rockets launched from balloons at altitude).
    The early experiments were limited to exploring the radiation around the planet from within the atmosphere,
    but Van Allen had a chance to take his research higher with the advent of the International Geophysical Year,
    an international scientific collaboration between nations probing into Earth science and solar activity.



    Among America’s contribution to the IGY was a satellite, and Van Allen won a spot for his experiment on one of these satellite attempts.
    And it turned out that the satellite with Van Allen’s experiment was the first American satellite to orbit the Earth.
    Explorer 1 launched on January 31, 1958.

    Cosmic ray equipment on board Explorer 1 registered nearly no radiation in the region Van Allen had anticipated to be high in radiation.
    Unconvinced the data was accurate,
    Van Allen offered another explanation for the low cosmic ray count:
    the low reading was false and the instruments were actually saturated with particles trapped in the Earth’s magnetic field.
    Instruments on board the Explorer 3 satellite confirmed Van Allen’s hunch in March of 1958.
    The discovery of the Van Allen belts became one of the outstanding scientific discoveries of the IGY.

    The high radiation environment around our planet exists because charged particles become trapped in the Earth’s magnetic field;
    the same magnetic field that protects us from deadly radiation also prevents that radiation from dissipating into space.
    The particles just don’t have enough energy to escape.
    So the two belts are like two nested doughnuts circling the planet.
    Their altitudes vary slightly, but the inner doughnut sits between 600 and 3,700 miles above the planet
    and is comprised mainly of highly energetic protons.
    The outer doughnut, meanwhile, sits between 9,300 and 12,400 miles above the planet and is made of both protons and electrons.
    The radiation environments of both vary, more dense in some places and nearly absent in others.

    Van Allen Belts and Apollo

    It was immediately apparent after their discovery that the Van Allen belts would be a problem for men traveling into space.
    The obvious solution was to limit missions to an altitude safely below the inner belt, which begins at about 345 miles above the planet.
    But not long after NASA’s inception the agency was thinking about maybe going to the Moon,
    which is about a quarter of a million miles away, and that meant sending men clear through both Van Allen belts.


    The first recommendations for dealing with the Van Allen belts on a possible mission to the Moon came in the summer of 1960.
    Robert O. Piland and Stanley C. White of NASA’s Space Task Group presented their research into the problem at a meeting in Washington.
    It would be impracticable to shield astronauts against the high radiation environment of the inner Van Allen belt, they said,
    but a moderate amount of protection could feasibly protect a crew from the outer van Allen belt.

    Half a year later in January of 1961, NASA was on the path towards the Moon with Apollo
    though still months away from publicly formalizing the goal
    when the issue of the van Allen belts was raised again.
    The agency’s Group on Trajectory Analysis listed as an urgent requirement the need for
    “a standard model of the Van Allen radiation belt
    which could be used in all trajectory analyses related to the Apollo program.”
    They needed to know everything they could before routing a crew through this dangerously heavy radiation environment.

    This required investigation into the van Allen radiation belts was one of the many lines of research going on behind the scenes
    as NASA brought Apollo from concept mission to public consciousness.
    And some of the fruits of this research brought non-traditional solutions.
    In July of 1962, Van Allen himself addressed the American Rocket Society on radiation and Apollo.
    The protons of the inner Van Allen belt, he said, could be a serious hazard for extended manned missions.
    But, he went on, it might be possible to clear out that radiation by detonating a nuclear payload in the vicinity.
    The additional material might give the particles the extra energy they needed to escape the Earth’s magnetic field.

    NASA never tried to clear the Van Allen belt with a nuclear bomb,
    but an Atomic Energy Commission test in 1962 briefly made the radiation problem much worse.

    America’s nuclear testing program of the early 1960s was called Operation Dominic.
    Within this program was a group of atmospheric tests called the Fishbowl events
    designed to understand how nuclear weapon debris would interact with the Earth’s magnetic field in the event of nuclear war.
    The highest of the Fishbowl events was one called Starfish Prime (the first attempt, Starfish, had failed).
    This test saw a 1.4 megaton bomb detonate at an altitude of 250 miles.
    Rather than clear out the inner Van Allen belt, Starfish Prime added more radiation around the planet.
    or Bust
    But even with Starfish Prime, additional research into the Van Allen belts determined they weren’t a deal breaker for missions to the Moon.
    (By 1969, the high-energy electrons injected into the lower Van Allen belt
    by the Starfish Prime event had decayed to one-twelfth of its post-test peak intensity.)
    By February of 1964, NASA was confident that Apollo crews would be passing through the belts fast enough
    that the spacecraft’s skin and all the instrumentation lining the walls would be enough protection.
    It might seem foolhardy in hindsight for NASA to have accepted the risks of send astronauts through the Van Allen belts
    without extra protection, but it was a minor risk in the scheme of the mission.

    To monitor radiation exposure during the flights, Apollo crews carried dosimeters on board their spacecraft and on their persons.
    And these readings confirmed NASA had made a good choice. At the end of the program,
    the agency determined that its astronauts had avoided the large radiation doses many feared would ground flights to the Moon.
    Over the course of the lunar missions, astronauts were exposed to doses lower than
    the yearly 5 rem average experienced by workers with the Atomic Energy Commission
    who regularly deal with radioactive materials. And in no case did any astronaut experience any debilitating medical or biological effects.
    And beside, the Apollo astronauts were former test pilots. Flying to the Moon,
    radiation exposure included, was still a safer day at the office than putting an experimental aircraft through
    its paces in the skies above Edwards Air Force Base.

    وهنا فديو بشرح مبسط للزول الماعايز يقرا المقال كله




    دا التبرير العلمي

    والمعلومات متوفرة


    طيب لو القصة "علم"، يبقى النقاش يكون علمي

    الشرح الفوق لكيف إنه الرواد ديل مشوا عبر الحزام من غير ما يتعرضوا لحزمة قاتلة من الأشعة

    مش مقنع.

    طيب لو أنا عايز اشككك حلي يكون كالآتي
    أثبت إنه ما في نقطة من الحزام دا فيها أشعة ضعيفة يقدر يعبر منها إنسان

    أو أعيد التجربة بنفس المسار بتاع ابولو وبنفس الحماية الإستعملوها

    وأخت لي جهاز يقيس الأشعة
                   |Articles |News |مقالات |بيانات

03-10-2014, 07:24 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)

    Quote: طيب لو أنا عايز اشككك حلي يكون كالآتي
    أثبت إنه ما في نقطة من الحزام دا فيها أشعة ضعيفة يقدر يعبر منها إنسان

    أو أعيد التجربة بنفس المسار بتاع ابولو وبنفس الحماية الإستعملوها

    وأخت لي جهاز يقيس الأشعة

    أو تشتم كل اعضاء المنبر ... خصوصًا كابتن ترول ومستر هوكس ...

    أو تعمل فيها قيافة وفايت الناس مسافة ...






    ... المهم ....
                   |Articles |News |مقالات |بيانات

03-10-2014, 07:43 PM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)


    تبارك والصادق سلامات ..
    يا إخوتي الأعزاء أنا لا أريد الخوض في هذا النقاش لأنو زي ما قلت ليكم أنا لياقتي تعبانة وما مشيت فتشت عن الموضوع ده إلاّ مرتين أو تلاتة مرات عابرات في اليوتيوب ولقيته القصة طويلة دايرة تتعمق في التفاصيل لو ناوي تناقش الجمهور .. والحاصل أن حاتم ضليع في التفاصيل ، وما قصّر في الشرح .. ولكين للأسف إنتو بتناقشوا بدون خلفية عن الموضوع غير التلاقيط البتلقطوها من الويكيبيديا والتي بدأتوها بعد فتح البوست ، وده شئ ظاهر لكل متابع .. بس طبعاً ما تظنوا أن الواحد يجي يرمي ليهو جزئية هنا معناها هو ذاتو ناقشها .. والدليل يا الصادق إنو لمن حاتم زنقك في الصور الجبتها وسألك عنها وقف حمارك في العقبة وخشيت في مأزق .. وتبارك كمان شايفه مجتهد يشيل وينقل من النت ولكن زي ما ملاحظين رغم جهده في تعريف أشعة إكس وأشعة قاما تجده يجهل حاجة بديهية عن أضرار الأشعة بإعتبارها بتخترق الجسم وتجليهو عادي .. ما كلفت نفسك يا تبارك تمشي تقرأ عن كيف أشعة إكس أو قاما بتدمر الخلايا وال DNA وخطورة قاما أنها تخترق لمسافات بعيدة ولا تحتجزها الحواجز .. دي معلومات بديهية متوفرة بكثرة ..

    علي أي حال كل سنة وإنتو طيبين وتعود عليكم الأيام بالصحة والسلام .. وأتمني أن لا تستمر المهاترات وأن ينأي الأخ حاتم عن الإساءات الشخصية حتي لا يضعف حجته القوية .. ولو القصة هلال مريخ يا الصادق تأكد إنتو مقشوطين 10 - 0 ..
                   |Articles |News |مقالات |بيانات

03-10-2014, 08:23 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    يا منير انا كاتب فوق انو اشعة اكس بتأثر على الدي إن أى ... حرام عليك تظلمني ياخي ...

    إنت ما مقتنع انو اشعة × دي اشعة قاما برضو ولاّ شنو؟

    ياخي انت عارف الذبذبة بالكيلو اليكتروفولت والميقا اليكتروفولت ... يعني ما محتاج يشرحوا ليك كتير زي ...

    1×10^3 و 1×10^6 ... لو عاينت لى حزام فان آلن بتلقاهو من 1×10^2 إلى 1×10^8 حسب الرسومات ...

    يعني من هكتو اليكتروفولت إلى مئات الميقا اليكتروفولت (دون القيقا اليكتروفولت 1×10^9) ...

    فاااااا شنوووو ...

    صاحبك دا ارخيو

    وكل سنة وانت وهو وكل قراء سودانيزاونلاين بخير ...




    ... المهم ...
                   |Articles |News |مقالات |بيانات

03-10-2014, 10:17 PM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)



    Quote: ا منير انا كاتب فوق انو اشعة اكس بتأثر على الدي إن أى ... حرام عليك تظلمني ياخي ...

    إنت ما مقتنع انو اشعة × دي اشعة قاما برضو ولاّ شنو؟

    ياخي انت عارف الذبذبة بالكيلو اليكتروفولت والميقا اليكتروفولت ... يعني ما محتاج يشرحوا ليك كتير زي ...

    طيب يا تبارك .. رجعت لقيتك فعلاً ذكرت إنها تؤثر في ال دي إن إي - بالعربي - ،،، آسفين في دي ،،، ..
    لكنك برضو ملخبط بين إكس وقاما في نفس المداخلة وفي المداخلة الأخيرة بتقول إنو إكس وقاما شئ واحد !!!.. الكلام ده غلط يا تبارك وعليك الله ما تترجم وتلصق ساكت ، وحرام عليك تستهين بعقولنا ياخي ..
    قاما يا خوي بتطلع من نواة الذرة - حندخل علم الذرة الظاهر - وأشعة إكس من المدارات الداخلية للذرة .. ولاحظ أنهم مدنهم إسمين مختلفين - قاما وإكس - يعني ما حاجة واحدة ..
    وللإستخدامات البسيطة - زي الطبية والمعملية - يتم إنتاج أشعة إكس إصطناعياً زي ما إنت قلت، لكين قاما في الغالب من عناصر مشعة ذاتياً - زي كوبالت60 وسيزيوم137 - والأشعتين تستخدمان في الطب في التشخيص والعلاج طبعاَ ..
    وميزة الإختراق يستفاد منها في تصوير الأعضاء الداخلية لأن أشعة إكس تخترق لحم الجسم مثلاً لتوقفها العظام فلا تصل الفيلم في الجهة الأخري للجسم فتظهر صورة العظام مثلاً .. وبرضو ممكن تسخدم أشعة إكس بطاقات أقل فتستطيع تصوير طبقات من اللحم بدرجات متفاوتة (صور الأشعة الملونة).. تشوف بيها الأوردة والشرايين والجلطات والخلايا السرطانية إلخ .. لكين عشان تلقط صورة أشعة الناس تحرص علي أن يكون زمن التعرض للأشعة جزء من الألف من الثانية - وذلك حتي للإشعة الطبية البسيطة دي، التي لا تتعدي طاقتها بضع كيلوفولتات - وذلك لأن تعريض الخلايا للأشعة لفترة طويلة يقتل الخلايا أو يسرطنها ويؤثر في الDNA ووو وذلك لأن الأشعة مؤينة ionizing radiation .. فهي أثناء عبورها للجسم تؤين الخلايا الحية وتتلفها - أي شعاع يؤين الخلايا التي يمر بيها ويتلفها.. وكثرة التعريض فترات متفاوتة له تأثير تراكمي يؤدي للسرطان والموت .. وعشان كده تلقي الشغالين في مجال الإشعاعات في المستشفيات والمعامل لازم يتم قياس ما قد تعرضوا له من إشعاع كل شهر مثلاً .. . لذلك إذا - لا قدّر الله - الزول إضطر لصورة أشعة مفروض يحتاط يعرف أن الفني زول ناقش بسوي في شنو ويكون مطمئن أن ماكينة الأشعة زاتها سليمة وتتم معايرتها وصيانتها بإنتظام .. لأنو الفني ده لو طلع زول طائش ومهمل وما ناقش ولو المكنة ما تمام ممكن يرشه بجرعة مضاعفة يصليه ويقطع خلفه .. وبما اًنو مستحيل تتأكد من الحاجات دي .. لذلك هذه أمانة في عنق المسئولين ..

    ثم أخيراً الذبذبات وحداتها الهيرتز بينما الإلكترون فولت هو وحدة قياس للطاقة ..

    (عدل بواسطة Munir on 03-10-2014, 10:33 PM)
    (عدل بواسطة Munir on 03-10-2014, 11:41 PM)

                   |Articles |News |مقالات |بيانات

03-10-2014, 11:34 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8485

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    جميع المشاركين في هذا البوست هم laymen و ما في زول هنا رائد فضاء او يعمل مع وكالة فضاء.
    عشان موضوع الخلفيات ده ما يعطل الناس كتير.
                   |Articles |News |مقالات |بيانات

03-10-2014, 11:44 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: سيف النصر محي الدين)

    Quote: There is no universal consensus for a definition distinguishing between X-rays and gamma rays. One common practice is to distinguish between the two types of radiation based on their source: X-rays are emitted by electrons, while gamma rays are emitted by the atomic nucleus.[6][7][8][9] This definition has several problems; other processes also can generate these high energy photons, or sometimes the method of generation is not known. One common alternative is to distinguish X- and gamma radiation on the basis of wavelength (or #####alently, frequency or photon energy), with radiation shorter than some arbitrary wavelength, such as 10and#8722;11 m (0.1 and#197;), defined as gamma radiation.[10] This criterion assigns a photon to an unambiguous category, but is only possible if wavelength is known. (Some measurement techniques do not distinguish between detected wavelengths.) However, these two definitions often coincide since the electromagnetic radiation emitted by X-ray tubes generally has a longer wavelength and lower photon energy than the radiation emitted by radioactive nuclei.[6] Occasionally, one term or the other is used in specific contexts due to historical precedent, based on measurement (detection) technique, or based on their intended use rather than their wavelength or source. Thus, gamma-rays generated for medical and industrial uses, for example radiotherapy, in the ranges of 6–20 MeV, can in this context also be referred to as X-rays


    http://en.wikipedia.org/wiki/X-ray



    ... المهم ....
                   |Articles |News |مقالات |بيانات

04-10-2014, 07:43 PM

قسم الفضيل مضوي محمد
<aقسم الفضيل مضوي محمد
تاريخ التسجيل: 08-01-2013
مجموع المشاركات: 2058

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)

    Quote: ولو القصة هلال مريخ يا الصادق تأكد إنتو مقشوطين 10 - 0 ..


    المباراة يا منير ما 10 – صفر ... المباراة 14 – صفر ... بعدد صفحات البوست
    تشكيلة الهلال (الناس المؤيدين لفكرة انه ناسا وصلت القمر) تتكون من :
    تبارك شيخ الدين (حارس مرمى) ، الصادق اسماعيل (ثيردباك) ، سيف النصر (باك شمال) ، ابو الريش (باك يمين) ، حافظ بشير (استوبر) ، عثمان الامام (وسط متأخر) ، محمد عبد الله مختار (وسط متقدم) ، هاشم احمد ادم (وينق شمال) ، اسمارت أنا (وينق يمين) ، يحيى قباني (راس حربة) ...

    تشكيلة المريخ طبعا بتتكون من حاتم وابو بكر عباس و(المُنْجَمْ) منير ...
    ___

    يا أخ حاتم ... يا ريت الجهد البذلتو دا كان لاثبات حاجة ايجابية ... معليش يا اخي وما تبخيس للبتقوم بيه ... لكن حتى لو اثبتا انه ناسا ما وصلت القمر ... اها ح نستفيد شنو في رأيك ؟؟؟ ... أنا متأكد لو بذلت نص جهدك دا في معرفة كيفية تخصيب اليورانيوم لانتاج طاقة نووية للاغراض السلمية وتحل لينا مشكلة الكهرباء المأخرانا دي ... تكون ما قصرتا والله ... وواصل كمّل فكرة بوستيك وما تشتغل بالرشاشة ديل :)
    ___

    كل عام والجميع بخير ...
                   |Articles |News |مقالات |بيانات

05-10-2014, 11:09 PM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: قسم الفضيل مضوي محمد)



    الأخ قسم الفضيل مضوي سلامات وعيدك سعيد ..

    أنا غايتو ما فارقة معاي لو إعتبرتني مع الهلال أو المريخ ، لكين شيل شيلتك مع الهلالاب السويتهم مريخاب والمريخاب العملتهم هلالاب ..

                   |Articles |News |مقالات |بيانات

06-10-2014, 08:54 AM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    كل سنة وكلكم طيبين

    عارف يا منير

    لو مشيت وقريت ليك اي منتدي قاعد يناقش القضية دي
    حتشوف الهلال مريخ الجد جد

    طبعا ما برانا البناقش بالتعصب دا

    لكن انا برضه متكيف منك انك ختيتا في اطار مباراة كورة

    لانه النقاش هنا كان ممكن يكون احسن من كدا واكثر علمية

    ووانا من وجهة نظري انه الناس الشككوا في الموضوع دا كانت عندهم ملاحظات ذكية
    ومبنية على العلم، يعنى مثلا قصة العلم البيرفرف ، دا سوال منطقي جدا

    انت بتقول القمر ما فيه هواء، يبقى بالمنطق السبب البيخلي العلم يرفرف شنو

    وعلى العموم انا شخصيا زدت معلوماتي جدا بالبوست دا، وحاجات كتيرة لمن قريتها زمان في الموضوع ما فهمتها، هسع فهمتها بشكل افضل

    ومنها حزام فان الين دا كمثال
                   |Articles |News |مقالات |بيانات

06-10-2014, 05:12 PM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)



    الصادق سلامات، وعيدسعيد ..
    يبدو لي أن المصدقين مستندين علي قناعة أولية أن ناسا لا تكذب !!.. وتلك قناعة نابعة عن شهرة ناسا كجهة علمية في الrocket science الذي يُصنف قمة العلم والعبقرية .. فبالنسبة للزول العادي فإنه يعتبر إنجازات ناسا كأفلام الخيال العلمي الذي ينذهل المشاهد بالتكنولوجيا العالية فيها .. وطبعا معروف أن الخيال العلمي هو محفِّز مهم للإنجازات العلمية ..
    ثم ثانياً هناك العقيدة القوية بأن أمريكا قادرة علي كل شئ ولا يمكن لأمريكا العظيمة أن تفبرك حدثاًعلمياً هي قادرة علي إنجازه - حسب عقيدة المؤمنين بأمريكا - .. هاتين هما الركيزتين الأساسيتين لتصديق أغلب العوام الذين يريدون أن يعيشوا هذه الوهمة بأن أمريكا هي القادرة علي أي إنجاز وأن ناسا هي قمة هرم العلم والعلمانية !!.. ولكن الجانب المظلم من هذه الوهمة الوردية هو أن صراع القوي وشهوة السيوبرماسي والهيمنة يجعل السياسيين الأمريكيين يكذبون ويقتلون ويرسلون الأساطيل في أقطار الأرض لفرض الهيمنة المادية، وفي نفس الوقت تعتبر ناسا راس حربة في فرض السطوة العلمية !.. ولذلك ممكن يعملوا أي حاجة في سبيل ترسيخ التفوق المادي والعسكري والعلمي - يعني سيطرة مادية ومعنوية - ولهذا يعتبر خطاب جون كيندي وتعهده بإنزال إنسان فوق القمر ليسبق الروس هو نوع من التشنج الذي سيسببه فوز الروس بسبق الإنزال علي القمر .. فلا بد من الوفاء بهذا التعهد في الوقت المعهود حتي لو أدي ذلك لفبركته .. والفبركة لمن تكون معجونة بالوطنية المتضخمة ، زائداَ الأمن القومي وووو .. تصبح خطرة علي كل من يشارك فيها .. لأنها ستعتبر Top secret بالنسبة للدولة .. وأظنك تعرف أن أجهزة الأمن حينما تصف شئ بأنه Top secret يصبح مسألة حياة أو موت .. بس قول الله لا ورَّاك معلومة Top secret عشان ناس الأمن - في أي بلدٍ كان - ما يشوفوك خطر محتمل يجب إسكاتك ..
    وطبعاً كلنا شهدنا التمثيلية الدموية بتاعة اسلحة الدمار الشامل في العراق .. تفتكر كولن باول ما كان عارف أن القصة كضب في كضب؟؟ لكين ما كان يقدر يقول بغم ولم يكن ليستطيع أن يخرج عن الخط المرسوم له في تنفيذ خطة الهيمنة التي لا بد منها ..

    أما بالنسبة لناسا فلازم تعرف أن المعاهد البحثية الحكومية تعتمد علي أموال طائلة تنفقها عليها الحكومة من أموال الضرائب .. NASA وCERN مثلاً هي أكبر مراكز للبحوث في مجالات الفضاء والفيزياء التي تستهلك بلايين الدولارات في سبيل البحث العلمي - وهي لذلك تجتهد جهود خارقة لعرض نتائج إيجابية حتي تحافظ علي تدفق الميزانيات المليارية عليها .. وبما إنها مراكز غير ربحية فإنها تعتمد علي الضخ الحكومي للأموال وهو ما يجعلها تلهث من أجل عرض إنجازاتها لإقناع الرأي العام بجدوي الإنفاق الملياري عليها .. فبالنسبة للمواطن العادي فإن ناسا تمثل له المفخرة العلمية التي تشعره متفوقاً علي باقي شعوب الأرض الما عندها ناسا .. عشان كده الأمريكي لمن تقول ليهو ناسا قالت ، خلاس الكلام يكون كِمل ..
    الشركات الغير حكومية يحكمها السوق والربح ولذلك عندها إنجازات رهيبة .. أي بي إم - سامسونق - سوني - أبل - إلخ .. إنجازاتها هي التي تضخ إليها الأموال - والإنجازات تعتمد علي أسرار علمية ، فهم يجتهدون أن لا تنكشف للآخرين - وبذا فإنهم يكشفون أقل مما هم فعلياَ يحققون .. ولكن المراكز الحكومية تعتمد علي قروش الحكومة وتعتمد علي إظهار إنجازاتها وتضخيمها .. وهي بذلك ربما تعرض إنجازات هي لم تحققها بعد .. بروباقاندا يعني .. وعليه ممكن بالراحة أقول ليك إنو المعراج للقمر ده يعتبر بروباقاندا للحكومة لإظهار التفوق الأمريكي الليبرالي الإمبريالي الرأسمالي الأنجلوسكسوني علي السوفيت الشرقيين الشيوعيين الإشتراكيين .. وبرباقاندا لناسا كأكبر قاعدة علمية في العالم تضمن تربُّع الغرب الليبرالي علي قمة السطوة الذهنية السيبيرير علي أذهان باقي البشرية الطير الإنفيرير ..

    طبعاً الزول ما يستغرب الكذب والتضليل من أي مخلوق .. فالإنسان قد تضعه الظروف في وضع ليس له فيه خيار غير أن يكذب - فلربما تعلق الأمر بين الحياة والموت فيصبح الكذب حتمي - وكذلك السياسة .. فهي تضع السياسيين في موقف ربما يتطلب إبادة ملايين البشر - هيروشيما مثلاَ - أو قد يضطرون لكذبة كبيرة مكلفة لحفظ ماء الوجه .. يقولوا ليك أنحن طلعنا القمر زاتو -
    لو أمريكا فبركت الهبوط علي القمر حقو ما نندهش - لأنو هذه طبيعة البشر .. غريزة البقاء والتفوق .. سنة الحياة ..
                   |Articles |News |مقالات |بيانات

06-10-2014, 08:57 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    Quote: طبعاً الزول ما يستغرب الكذب والتضليل من أي مخلوق .. فالإنسان قد تضعه الظروف في وضع ليس له فيه خيار غير أن يكذب - فلربما تعلق الأمر بين الحياة والموت فيصبح الكذب حتمي - وكذلك السياسة .. فهي تضع السياسيين في موقف ربما يتطلب إبادة ملايين البشر - هيروشيما مثلاَ - أو قد يضطرون لكذبة كبيرة مكلفة لحفظ ماء الوجه .. يقولوا ليك أنحن طلعنا القمر زاتو -
    لو أمريكا فبركت الهبوط علي القمر حقو ما نندهش - لأنو هذه طبيعة البشر .. غريزة البقاء والتفوق .. سنة الحياة ..


    منير

    عيدك سعيد

    طبعاً يا منير أنا ما من الناس المندهشين بأمريكا، ولمن تعيش في أمريكا بتعرف كيف الآلة الإعلامية والسياسية بتشتغل، والوثائق متاحة والمصادر متاحة إلا لمن أبي (عايزة قعدة والقعدة حارة هنا).

    بخصوص الموضوع بتاع (فبركة ناسا للنزول للقمر):

    يا منير الإستناد أبداً ما كان على صدقية ناسا، الإستناد على صدقية العلم.


    والمشكلة الأساسية إنك لمن تقرأ للمؤمنين بإنه ناسا خدعت الناس، بتلقى مشكلتهم إنهم ما عندهم أي دليل علمي يأكدوا بيه شكوكهم.

    واحدة من الأسباب الأساسية الدخلتني البوست دا إنه حاتم قال (حيستعمل المنهج العلمي النجريبي) ودا شئ لم يتجرأ حتى أصحاب نظرية الفبركة من قوله.


    طيب هل هناك إجتمال أن تكون "ناسا" فبركت الموضوع:

    الإجابة بالطبع يمكن

    السؤال التاني: كيف نثبت هذا؟

    لا توجد إجابة علمية تنسف كلام ناسا.


    زي ما قلت فوق في موضوع (فبركة) الإنسان الأول (الحلقة المفقودة)، الناس الشككوا في الموضوع قدموا دليل واضح
    إنه الموضوع مفبرك، وإنه الزول دا جاب ليه فك من حتة ورأس من حتة، وبالتالي أصبح موضوعه منتهي
    والآن لا يمكن لأي إنسان استخدام المعلومات بتاعة الهيكل العظمي دا على أساس أنه حقيقية.



    يبقى عشان نتفق يا منير

    الكلام المُثار هو مجرد تشكيكات، وعندها إجابات، وما في زول ملزم بتصديق رواية دون الأخرى

    حقيقة الناس بتحتاج لرحلة للقمر من طرف تالت (مقبول للمشككين) والتأكد من كل الآثار التى خلفها وصول ابوللو 11 وبقية الأبولوهات المشت بعد.

    لذلك الحين:

    لا تثريب على من يريد أن يصدق أي من الطرفين، لكن لا يأتي أحد ويقول:

    علمياً ثبت أن ناسا لم تنزل على القمر قط.

    المقبول تماماً طرح الأمر في إطار (نظرية المؤامرة) زيو وزي أي تشكيكات أخرى وفرضيات لم يتم إثباتها.


    Quote: وطبعاً كلنا شهدنا التمثيلية الدموية بتاعة اسلحة الدمار الشامل في العراق .. تفتكر كولن باول ما كان عارف أن القصة كضب في كضب؟؟
    \لكين ما كان يقدر يقول بغم ولم يكن ليستطيع أن يخرج عن الخط المرسوم له في تنفيذ خطة الهيمنة التي لا بد منها ..

    أما بالنسبة لناسا فلازم تعرف أن المعاهد البحثية الحكومية تعتمد علي أموال طائلة تنفقها عليها الحكومة من أموال الضرائب .. NASA وCERN مثلاً هي أكبر مراكز للبحوث في مجالات الفضاء والفيزياء التي تستهلك بلايين الدولارات في سبيل البحث العلمي
    - وهي لذلك تجتهد جهود خارقة لعرض نتائج إيجابية حتي تحافظ علي تدفق الميزانيات المليارية عليها .. وبما إنها مراكز غير ربحية فإنها تعتمد علي الضخ الحكومي للأموال وهو ما يجعلها تلهث من أجل عرض إنجازاتها لإقناع الرأي العام بجدوي الإنفاق الملياري عليها
    .. فبالنسبة للمواطن العادي فإن ناسا تمثل له المفخرة العلمية التي تشعره متفوقاً علي باقي شعوب الأرض الما عندها ناسا .. عشان كده الأمريكي لمن تقول ليهو ناسا قالت ، خلاس الكلام يكون كِمل ..
    الشركات الغير حكومية يحكمها السوق والربح ولذلك عندها إنجازات رهيبة .. أي بي إم - سامسونق - سوني - أبل - إلخ .. إنجازاتها هي التي تضخ إليها الأموال - والإنجازات تعتمد علي أسرار علمية ، فهم يجتهدون أن لا تنكشف للآخرين -
    وبذا فإنهم يكشفون أقل مما هم فعلياَ يحققون .. ولكن المراكز الحكومية تعتمد علي قروش الحكومة وتعتمد علي إظهار إنجازاتها وتضخيمها .. وهي بذلك ربما تعرض إنجازات هي لم تحققها بعد .. بروباقاندا يعني .. وعليه ممكن بالراحة أقول ليك إنو المعراج للقمر ده يعتبر بروباقاندا للحكومة لإظهار التفوق الأمريكي الليبرالي الإمبريالي الرأسمالي الأنجلوسكسوني علي السوفيت الشرقيين الشيوعيين الإشتراكيين .. وبرباقاندا لناسا كأكبر قاعدة علمية في العالم تضمن تربُّع الغرب الليبرالي علي قمة السطوة الذهنية السيبيرير علي أذهان باقي البشرية الطير الإنفيرير ..



    أها يا منير

    زي كلامك الفوق دا أنا ممكن بسهولة أقبله كنظرية (خبر زي ما بيقولوا أهل اللغة) قابل للتصديق وقابل للتكذيب

    يعني هسع نفس ناسا لمن رسلت (الباثفايند) للمريخ ما في زول شكك في الموضوع

    ليه لأنه ناسا زي ما إنت قلت عندها الإمكانات.

    وأنا زي ما قلت ليك، ما برفض الكلام دا، لكن بأقبله في إطاره النظري كممكن، لكن كمان ما ممكن أجي أغالط وأقول دا حقيقة علمية

    سريته المفرطة لم يتم كشفها (إن كان الموضوع في إطار فبركة)

    وهسع نمسك موضوع العراق:

    القوات الأمريكية دخلت بغداد مع حلفائها البريطانيين:

    نظرياً (أمسك لي في نظرياً دي كويس):

    مش كان ممكن بسهولة يشيلوا معاهم شوية أسلحة كيمائية ودمار شامل) ويظهروها للإعلام على إنهم لقوها هناك

    خصوصاً إنه معظم الدول رفضت تمشي معاهم في الحرب، ودي (فبركة ساهلة)، وما في طرف تالت ممكن يجيس يقول ليهم أنا داير افحصها

    ويجو ويحتفظوا بيها كغنيمة حرب.


    ونظرية المؤامرة ممكن تقودنا لأي اتجاه، وبشوية خيال، وربط الأحداث بإحتمالبات القراءات المتعددة، ممكن نطلع بنظرية مؤامرة في أي شئ في الدنيا.

    الصعوبة بتكمن في إثبات نظرية المؤامرة.

    وأعيد واكرر أن موضوع هبوط ناسا على القمر سيظل حقيقة من الحقائق العلمية

    حتى يقيض الله لها من يثبت أنها مفبركة بدليل قاطع مثل الفبركة الشهيرة بتاعة Piltdown Man

    وبعدها يمكن لنظرية الفبركة أن تصبح حقيقة علمية.
                   |Articles |News |مقالات |بيانات

06-10-2014, 09:51 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8485

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)

    - ناسا ماعندها سوابق في الكذب عشان تكذب في موضوع القمر.
    - ناسا مؤسسة علمية رائدة لها الفضل في الكثير و الكثير من الاكتشافات عن الكون و افادات البشرية باختراعات عدة.
    - ليس هناك في العالم كله مؤسسة علمية في جدية ناسا و في التزامها بالمنهج العلمي الصارم و في روح الابداع و انفتاح الأفق.
    - لهذا كله و لغيره ناسا أولى بالتصديق من غيرها.
    - "الانذهال" كحالة تعتري الإنسان امام عظمة العلم و عبقرية بعض البشر حالة لا غبار عليها بل هي حالة صحية.
    - انا حتى الآن كلما استخدم ال GPS في كل مرة احس "بالانذهال" :)
    - ناسا طلعت القمر و نزلت بشر على سطحه و هذه مسألة لا ينتطح فيهل عنزان و لكن ممكن أن يغالط فيها بعض الناس.
                   |Articles |News |مقالات |بيانات

06-10-2014, 10:30 PM

مصعب عجاج
<aمصعب عجاج
تاريخ التسجيل: 20-03-2014
مجموع المشاركات: 251

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    سلام للجميع وكل عام وانتو بخير

    عشان يجو الامريكان يقنعو باقي العالم انو فعلا العراق كان بيصنع اسلحة دمار شامل كانو محتاجين لي اكتر من عينه من السلاح المزعوم دا
    كانو محتاجين لمعامل ومصانع وخبرا وطريقة تخزين ومنشأت مجهزه للغرض ده وتقارير بانو الحاجه دي فعلا كانت موجوده قبل الحرب وبالاضافه طبعا لعينات الاسلحه البتستدعي الحرب دي كلها
    زايد الاف من الخبرا والمهندسين والعمال وغيرو
    وهنا الدليل بيكون مادي
    لكن الادعاء بتاع الهبوط اسهل بي كتير
    فيلم وكم صوره وتلاته انفار يجو يقولو نزلنا وجينا
    ويلاقو تمجيد وتعظيم طوال حياتهم ليهم ولي دولتهم في الظروف السياسيه بتاعت الوكت داك
    لكن ده كلو ما بينفي فرضية انهم فعلا نزلو
                   |Articles |News |مقالات |بيانات

06-10-2014, 10:31 PM

مصعب عجاج
<aمصعب عجاج
تاريخ التسجيل: 20-03-2014
مجموع المشاركات: 251

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)
                   |Articles |News |مقالات |بيانات

07-10-2014, 01:44 AM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: مصعب عجاج)



    سلامات يا الصادق ..
    ياخي أنا شايفك مكرِّن في حكاية دليل علمي دي بدون تصوٌّر لكُنْه ودلالة دليل عملي ذاتو .. إنت في تصورك أن دليل علمي معناها تجربة معملبة في أنبوبة إختبار؟؟ .. ياخي الدليل العلمي ممكن يكون عقلي - إستنتاج رياضي - أو تجريبي .. وديل ذاتهم أنواع .. في البوست ده لمن حاتم يقول ليك حزام فان ألن يمنع الهبوط علي القمر ده كلام علمي .. لأنه بيشير ليك لحسابات التعرض للإشعاع بإعتبار أنواع الإشعاعات التي يتعرض لها المسافر والزمن الذي يستغرقة في حمام الإشعاع هذا .. ولمن يتكلم عن إمكانية الهبوط العمودي للصاروخ ده برضو حجة علمية ، ولمن يقول ليك إنو الشركة المصنعة التي تعتمد عليها ناسا هي لغاية الآن في طور تجارب لأشياء مفترض تكون أنجزتها في رحلة أبولو ، ده كلام علمي بيؤكد ليك بيان بالعمل أن الجهة المفروض إستخدمت تكنولوجيتها من سنة 69 هي لغاية - دلوقتي - بتعك في تلك التجربة معناها الكضاب نساي .. ده كله كلام علمي .. فإنت يجب عليك تعديل مفاهيمك لمعني دليل علمي .. الرياضيات مثلاً هي علم نظري بحت تقوم عليه كل التجارب العملية .. ولذلك عندما عالم رياضيات يجيب ليك نظرية رياضية ما تجي قول ليهو وينو دليلك العلمي -التجريبي - .. لأنو ناس التجريب هم المفروض يثبتوا تطابق تجربتهم مع الموديل الرياضي .. - الفلاسفة قالوا أن هناك طريقين فقط للوصول لليقين هما الطريقة الرياضية والطريقة الصوفية - تضحك؟ -
    فبقول ليك شنو ما تقعد تعك في دليل علمي دليل علمي زي أصحابنا أنصار السنة القلتهم ليك .. لأنو ال14 صفحة الفاتو ديل مليانة كلام علمي ودلائل علمية .. ما تبقي لينا زيي العريبي الدخل السينما أول مرة وكان الفلم كله ضرب وموت .. وبعدما الفلم إنتهي الجمهور كله إتخارج وفضل هو براهو قاعد مصنقر .. جاء الزول البيلملم القزاز قال ليهو يا زول إنت قاعد حارس شنو؟ قال حارس الجنازة لامن تمرق ..
    جنازة الدليل العلمي ياخوي مرقت زماااان ..

                   |Articles |News |مقالات |بيانات

07-10-2014, 02:24 AM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)


    Quote: - ناسا ماعندها سوابق في الكذب عشان تكذب في موضوع القمر.
    - ناسا مؤسسة علمية رائدة لها الفضل في الكثير و الكثير من الاكتشافات عن الكون و افادات البشرية باختراعات عدة.
    - ليس هناك في العالم كله مؤسسة علمية في جدية ناسا و في التزامها بالمنهج العلمي الصارم و في روح الابداع و انفتاح الأفق.
    - لهذا كله و لغيره ناسا أولى بالتصديق من غيرها.
    - "الانذهال" كحالة تعتري الإنسان امام عظمة العلم و عبقرية بعض البشر حالة لا غبار عليها بل هي حالة صحية.
    - انا حتى الآن كلما استخدم ال GPS في كل مرة احس "بالانذهال" :)
    - ناسا طلعت القمر و نزلت بشر على سطحه و هذه مسألة لا ينتطح فيهل عنزان و لكن ممكن أن يغالط فيها بعض الناس.

    أها يا سيف النصر إنت كده أثبت للجمهور كلامي القلتو فوق بالحرف .. وهو أن التصديق يستند علي الإيمان بnasa فوق كل شئ .. ناسا قالت معناها الكلام كِمِل ..
    يا سيف النصر التصديق بالعلم ذاته عنده limit .. لأنو أدق العلوم تعتمد علي ديناميكا الكم .. وهذه في عمق عضمها تعتمد علي الإحتمالات -probability density - وفيها الUncertainty principle وده معناهو أن أدق علوم اليوم التي تقوم عليها كل هذه التكنولوجيا فيها ثغرة عدم اليقين .. يعني علوم غير يقينية !!! مش ده شئ مدهش؟؟!!.. وعشان كده أقول أن العلم ذاته فيهو ثغرة عدم اليقين حتي يعرف الإنسان أن المشيئة الإلهية هي التي تملأ تلك الثغرة .. وأن أي حقيقة علمية نعيشها الآن هي مجرد نتيجة إحتمالات .. يمكن آآ ويمكن لأ .. ومن هنا تأتي المعجزات الإلهية لتبين أن فوق كل ذي علم عليم .. يعني أي واقع معاش يتخذه البشر كحقيقة ملموسة هو عبارة عن نتيجة لل probability density التي يتخللها الUncertainty principle الذي تدخل عليهالمشيئة - المعجزة - التي تقلبه رأساً علي عقب .. وهنا يكمن الفرق بين الإيمان بnasa والإيمان بخالق nasa ..

    ما داير أجرجر الكلام وأحرفه بره الموضوع - ولكن فقط زي ما قلت سابقا أن البوست بالنسبة لي مساحة للتأمل في منهجية الإيمان والتصديق والتكذيب ..

                   |Articles |News |مقالات |بيانات

07-10-2014, 09:22 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    السلام عليكم ورحمة الله

    تحياتي إلى كل المتداخلين وكل عام وأنتم بخير
    أعاده الله عليكم عيداً مباركاً وكلكم في أتم صحة وعافية
                   |Articles |News |مقالات |بيانات

07-10-2014, 09:25 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote:
    يا أخ حاتم ... يا ريت الجهد البذلتو دا كان لاثبات حاجة ايجابية ... معليش يا اخي وما تبخيس للبتقوم بيه ... لكن حتى لو اثبتا انه ناسا ما وصلت القمر ... اها ح نستفيد شنو في رأيك ؟؟؟ ... أنا متأكد لو بذلت نص جهدك دا في معرفة كيفية تخصيب اليورانيوم لانتاج طاقة نووية للاغراض السلمية وتحل لينا مشكلة الكهرباء المأخرانا دي


    سلام أستاذ قسم الفضيل

    في الحقيقة كل ميسر لما خلق له، مين عارف يمكن من داخل البوست دا نلهم أحد الناس عشان يعمل حاجة مفيدة
    لكن الهدف في المنابر ما دائماً الاستفادة بالدرجة الأولى وإلا فالمراكز الأكاديمية والمنابر المتخصصة أولى بالمجهودات المشابهة
    هنا أنا بحاول أصحح بعض المفاهيم
    مرحب بيك
                   |Articles |News |مقالات |بيانات

07-10-2014, 09:34 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote:
    إنت ما مقتنع انو اشعة × دي اشعة قاما برضو ولاّ شنو؟

    ياخي انت عارف الذبذبة بالكيلو اليكتروفولت والميقا اليكتروفولت ... يعني ما محتاج يشرحوا ليك كتير زي ...


    أخونا تبارك
    بالمنطق بتاعك دا ممكن نصنف الاسبيكتروم كلو على إنو اشعة "قاما" والفضليات أخواتها، فمثلاً نقول
    قاما الراديوية
    قاما تحت الحمراء
    قاما الحمراء
    قاما البنشوفا (برتقالي، أخضر، أزرق، بلمسجي)
    قاما فوق البنفسجية
    قاما اخت ×
    قاما ست الاسم
    قاما الما بتتقابل ديك

    عموماً عيد مبارك، وتحياتي
                   |Articles |News |مقالات |بيانات

07-10-2014, 09:40 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote:
    - "الانذهال" كحالة تعتري الإنسان امام عظمة العلم و عبقرية بعض البشر حالة لا غبار عليها بل هي حالة صحية.
    - انا حتى الآن كلما استخدم ال GPS في كل مرة احس "بالانذهال" :)
    - ناسا طلعت القمر و نزلت بشر على سطحه و هذه مسألة لا ينتطح فيهل عنزان و لكن ممكن أن يغالط فيها بعض الناس.


    حالة طبيعية لكل الأمم الشفاهية التي لا تدون.
    ليست عبقرية بقدر ما هي اجتهاد وبناء على الموجود أصلاً.
    الكم المعرفي لم يزد كثيراً إنما اختلاف أساليب البحث واكتشاف طريق جديدة في القياس والتعلم لم تكن معروفة، أبرز مثال الذرة والفلك.
    مسألة الاقتناع بنزول ناسا على القمر هذه ربما تكون قناعة فطرية، هذه لا يتسطيع أحد زحزحتك عنها.
                   |Articles |News |مقالات |بيانات

07-10-2014, 09:47 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    عموماً شايف الناس (فريق ناسا) شبه بدأ يركز على مسالة الإشعاعات وحزام فان آلن
    أوكي
    حنشوف الحساب بيقول شنو.
    الصادق مشكور على الصورة، حنستعيرها منك لأنها أساس الحسابات، أتمنى إنها تطلع (دليل علمي).
    البقية يتضايروا في حفرة واااحدة
    عشان ما يكلفونا حفر قبور
    هههه

    --------
    احتمال ما أقدر أتواصل بصورة راتبة، عندي فروقات شهر
                   |Articles |News |مقالات |بيانات

07-10-2014, 04:24 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote: سلامات يا الصادق ..
    ياخي أنا شايفك مكرِّن في حكاية دليل علمي دي بدون تصوٌّر لكُنْه ودلالة دليل عملي ذاتو .. إنت في تصورك أن دليل علمي معناها تجربة معملبة في أنبوبة إختبار؟؟ .. ياخي الدليل العلمي ممكن يكون عقلي - إستنتاج رياضي - أو تجريبي .. وديل ذاتهم أنواع .. في البوست ده لمن حاتم يقول ليك حزام فان ألن يمنع الهبوط علي القمر ده كلام علمي .. لأنه بيشير ليك لحسابات التعرض للإشعاع بإعتبار أنواع الإشعاعات التي يتعرض لها المسافر والزمن الذي يستغرقة في حمام الإشعاع هذا .. ولمن يتكلم عن إمكانية الهبوط العمودي للصاروخ ده برضو حجة علمية ، ولمن يقول ليك إنو الشركة المصنعة التي تعتمد عليها ناسا هي لغاية الآن في طور تجارب لأشياء مفترض تكون أنجزتها في رحلة أبولو ، ده كلام علمي بيؤكد ليك بيان بالعمل أن الجهة المفروض إستخدمت تكنولوجيتها من سنة 69 هي لغاية - دلوقتي - بتعك في تلك التجربة معناها الكضاب نساي .. ده كله كلام علمي .. فإنت يجب عليك تعديل مفاهيمك لمعني دليل علمي .. الرياضيات مثلاً هي علم نظري بحت تقوم عليه كل التجارب العملية .. ولذلك عندما عالم رياضيات يجيب ليك نظرية رياضية ما تجي قول ليهو وينو دليلك العلمي -التجريبي - .. لأنو ناس التجريب هم المفروض يثبتوا تطابق تجربتهم مع الموديل الرياضي .. - الفلاسفة قالوا أن هناك طريقين فقط للوصول لليقين هما الطريقة الرياضية والطريقة الصوفية - تضحك؟ -
    فبقول ليك شنو ما تقعد تعك في دليل علمي دليل علمي زي أصحابنا أنصار السنة القلتهم ليك .. لأنو ال14 صفحة الفاتو ديل مليانة كلام علمي ودلائل علمية .. ما تبقي لينا زيي العريبي الدخل السينما أول مرة وكان الفلم كله ضرب وموت .. وبعدما الفلم إنتهي الجمهور كله إتخارج وفضل هو براهو قاعد مصنقر .. جاء الزول البيلملم القزاز قال ليهو يا زول إنت قاعد حارس شنو؟ قال حارس الجنازة لامن تمرق ..
    جنازة الدليل العلمي ياخوي مرقت زماااان ..




    منير

    سلام


    والحاجات الإنتا أثرتها دي كلها إترد عليها بنفس المنطق، يعني لمن تثير مسالة حزام فان الين مثلاً، فالرد موجود وأنا جبته ليك، وبرضه بحساباته وكله موجود

    أهو دا ريبورت بالتفصيل من سنة 73
    https://http://http://www.hq.nasa.gov/alsj/tnD7080RadProtect.pdfwww.hq.nasa.gov/alsj/tnD7080RadProtect.pdf

    اقراه وشوف براك وقيم


    وأنا يا منير ما في أي لحظة قلت إنه التشكيكات دي ما منطقية

    بالعكس هي قايمة على منطق وأي حاجة، لكن لمن تجي وتقول مثلاً إنه حزام فان الين بيمنع الوصول للقمر مطلقاً

    الكلام دا ما صاح

    وما في سبب بيخليني ما أقتنع بالكلام الأنا جبته عن الحزام دا وتقرير ناسا الفوق دا.

    وحأرجع أقول ليك المسالة بتيقى برضه بالمنطق دا.
    فنفس المنطق البنى حاتم عليه كلامه، ناسا برضه بنت كلامها على معلومات وقياسات قامت بيها عشان تشوف أقل نقطة
    تمرق بيها من الحزام.


    ودا بالضبط كلامي يا منير

    وكان ما وقع ليك أوقعوا تاني.

    أنا حاكمت حاتم لأنه حاتم القال حيستخدم المنهج العلمي التجريبي

    إنت جيت وبتشجع حاتم (الهلال)، عشان كدا بتاخد جزء من الكلام وبس

    هسع داير تجي يا منير تقول لي

    Quote: ياخي أنا شايفك مكرِّن في حكاية دليل علمي دي بدون تصوٌّر لكُنْه ودلالة دليل عملي ذاتو .. إنت في تصورك أن دليل علمي معناها تجربة معملبة في أنبوبة إختبار؟؟


    الزول الفي البوست دا وقال بيعتمد على المنهج العلمي التجريبي (آيوه التجريبي)

    هو الباشمهندس يا حاتم مش الصادق اسماعيل

    أنا بحاكمه بمنطقه هو، وهسع خليك مني أنا خليه هو وإنت ذاتك جيب شنو معنى المنهج العلمي التجريبي.


    ولمن أقول ليك دليل علمي

    هسع في ذمتك دي وإنت زولت قضيت عمرك دا قراية

    في زول قاعد يتغالط في إمكانية صنع قنبلة نوووية؟

    ليه هسع في 7% من الأمريكان ما مصدقين إنه ناسا وصلت القمر

    و100 % مصدقين إمكانية صنع قنبلة نووية


    فالموضوع فيه غلاط لأنه ما محسوم يا منير
    وما كنت مفتكر زول بذكاءك ممكن تفوت عليه الحكاية

    ما في اتنين في العالم دا قاعدين يتغالطوا في إنه الموية مكونة من ذرتين هيدروجين وذرة اكسجين



    طيب الخلاصة

    يا هو إنت شايف الغلاط في البوست دا قايم

    إختار فريقك وشجع وخش في دوامة الغلاط

    وفي أثناء الغلاط دا حتلقى معلومات كتيرة مفيدة تستفيد منها في موضوع الفضاء والحاجات المتعلقة بيه

    حاتم حيواصل بلغته الإنتا شايفها دي بتاعت حفر قبور وغيره

    والبوست ما في زول حيتزحزح من موقفه فيه

    وبرضه (كان ترضى كان تابى)

    ما في أي دليل علمي على الموضوع دا يحسمه ويقفل فيه النقاش


    ولا بد من انبوبة المعمل الإنتا جاري منها دي.

    ولو كان بيتحسم بنوع النقاش دا والمنطق دا، فالموضوع دا مدور من بداية السبعينات لحدي الليلة

    يا هو ناس حتى من الناس الأثاروهو ماتوا ولحدي الليلة الناس بتتناقش فيه

    وبكرة ولدك او بتك وولدي او بتي حيتناقشوا فيه

    ما لم يتم الوصول مرة اخرى للقمر والناس تمشي الموقع الناس قالت نزلت فيه وتلقى آثارها وتصدق الحكاية

    أو العكس ما تلقى أي حاجة والموضوع يطلع فبركة.

    آخر استطلاع رأي في 2013 في أمريكا (الاستندت عليه فوق) 7% بيفتكروا الموضوع فبركة

    93% بيصدقوا الرواية بتاعة ناسا

    أنا ما داير استند ليك على الأرقام دي وأقول ليك الأغلبية مصدقة
    بالعكس أنا داير اثبت (عدم وجود دليل علمي)، ووجود تشكيكات منطقية

    وعشان كدا المسألة بقت بتاعت غلاط وتشجيع، وناسا نفسها ما عندها غير كلامها بأنها نزلت هناك

    وما في طرف تالت اثبت الحكاية دي.

    فعليك يا منير

    اطلع لي من توب حاتم دا البيفتكر إني جاهل وما عندي علم بالموضوع دا
    أنا قاعد معاك في المنبر دا وبحترم معرفتك فاحترم معرفتي برضه

    أنا ما دخلت مع حاتم دا عشان بس اقيف ضده

    أنا دخلت اشوف جديده شنو

    وبرضه نيتي كانت وما زالت طيبة تجاه

    وأنا بتعاطف مع أي زول (دوغمائي)، وبفتكر إنه طريقتي ممكن تخفف من (دوغمايته)

    وفي العلم دا ما في مطلق بالطريقة البيعمل بيها حاتم

    عشان كدا ومن البداية أنا قلت ليه لو طرت أو ركيت

    الموضوع حينتهي هلال مريخ

    وما حتقدر تقنع كل الناس إلا بإمكانيات مهولة تصرفها عشان تثبت كذب ناسا

    حتظل حقيقة إنه ناسا نزلت في القمر

    هي الحقيقة
    المعتمدة في الجامعات والمعاهد البحثية وعند علماء الفضاء

    وما في أي ورقة علمية حتتكلم عن إنه الموضوع دا فبركة

    لأنه القصة بتاعة إنه الموضوع دا فبركة: هي فرضية (أي نعم فرضية) وما وصلت لطور الحقيقة العلمية

    لو أنا بعرف كنه العلم أو ما بعرفه ولو أنا بعرف المنهج العلمي أو المنهج الصوري أو المنطق الأرسطي

    أو ما بعرفه.

    كل موضوع إنه ناسا فبركت النزول للقمر ما زال يبارح مكانه، لأنه ما في زول قدر يثبت

    أثيرت الأسئلة النقلها حاتم دي
    والقصة مدورة

    من أراد تصديق ناسا سيصدق ومن اراد تكذيب ناسا يكذبها


    دليل مافي (ناهي) (يلنق)
                   |Articles |News |مقالات |بيانات

07-10-2014, 06:43 PM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)



    سلامات يا الصادق ..
    ياخي لو فهمت أني أستخف بعلومك فأرجو العفو .. لأنو الإحترام ليك متوفر يازول .. - أوع تكون تحسست من نكتة جنازة السينما :) - ...
    والخلاف بيننا هو في معني دليل علمي ودلالة عبارة دليل علمي .. لأني معتبر أي حجة تستند علي العوامل الفيزيائية والهندسية هي حجة علمية - سواءً كانت صاح أو غلط - .. وزي ما قلت ليك مثلاً الشركة التي ما زالت في تجارب الهبوط العمودي للصاروخ رغم إنها مفروض تكون أنجزت هذه المهمة بنجاح من قبل سنة 69 ..
    وبعدين ياخي أنا مازلت أكرر أني فقط أتأمل في منهج التصديق والتكذيب .. وهناك حاجات بسيطة تجعلني أميل للتكذيب زي مثلاَ أثار قدم ارمسترونق الظاهرة بوضوح شديد بينما المركبة التي وزنها عدة أطنان ليس لها أثر يذكر ..

    أها كدي عاين للفيديوهات دي التي تلخص أهم الدفوعات البصرية للمتشككين ..





                   |Articles |News |مقالات |بيانات

07-10-2014, 08:06 PM

قسم الفضيل مضوي محمد
<aقسم الفضيل مضوي محمد
تاريخ التسجيل: 08-01-2013
مجموع المشاركات: 2058

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    (المُنجَمْ) منير احرز 3 أهداف على التوالي ... حصّل ليك الامريكان لياقتهم كملت ...
    والصورة أدناه تظهر اللاعب حاتم وهو في طريقه لاحرز الهدف العاشر ... :)



    ___


    Quote: في الحقيقة كل ميسر لما خلق له، مين عارف يمكن من داخل البوست دا نلهم أحد الناس عشان يعمل حاجة مفيدة
    لكن الهدف في المنابر ما دائماً الاستفادة بالدرجة الأولى وإلا فالمراكز الأكاديمية والمنابر المتخصصة أولى بالمجهودات المشابهة
    هنا أنا بحاول أصحح بعض المفاهيم
    مرحب بيك


    يا اخ حاتم انا قاصد الزمن من 2006 الحاولت تثبت فيه خدعة للوصول للقمر وما قاصد الزمن بتاع المنبر ...

    _____
                   |Articles |News |مقالات |بيانات

07-10-2014, 07:54 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)
                   |Articles |News |مقالات |بيانات

07-10-2014, 08:24 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)

    في إثبات ولاّ لسة؟



    (لأنو الغلات دا فترنا منّو )








    ... المهم ....
                   |Articles |News |مقالات |بيانات

07-10-2014, 08:47 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)

    Quote: سلامات يا الصادق ..
    ياخي لو فهمت أني أستخف بعلومك فأرجو العفو .. لأنو الإحترام ليك متوفر يازول .. - أوع تكون تحسست من نكتة جنازة السينما :) - ...
    والخلاف بيننا هو في معني دليل علمي ودلالة عبارة دليل علمي .. لأني معتبر أي حجة تستند علي العوامل الفيزيائية والهندسية هي حجة علمية - سواءً كانت صاح أو غلط - .. وزي ما قلت ليك مثلاً الشركة التي ما زالت في تجارب الهبوط العمودي للصاروخ رغم إنها مفروض تكون أنجزت هذه المهمة بنجاح من قبل سنة 69 ..
    وبعدين ياخي أنا مازلت أكرر أني فقط أتأمل في منهج التصديق والتكذيب .. وهناك حاجات بسيطة تجعلني أميل للتكذيب زي مثلاَ أثار قدم ارمسترونق الظاهرة بوضوح شديد بينما المركبة التي وزنها عدة أطنان ليس لها أثر يذكر ..

    أها كدي عاين للفيديوهات دي التي تلخص أهم الدفوعات البصرية للمتشككين



    منير

    معليش يا خي
    أنا ذاتي زعلت ساكت وما مفروض اكون بالحساسية دي
    ومشيت مسحت المداخلة الكتبتها قبل ما أقرا ردك.


    وعلى العموم أنا قلت وبقول تاني الحجج البصرية والتساؤلات بتاعة المتشككين كلها منطقية، وقصدي بحقيقة علمية (حاجة قايمة على المنهج التجريبي)

    ودا لأنه حاتم القال الكلام دا.

    وأنا من البداية قلت ليه يا خي الموضوع ممكن يبقى هلال مريخ
    وبعد داك في زول حيميل لفريق وزول حيميل للفريق التاني

    عشان كدا أنا ما دخلت بالعوامل الفيزيائية ولا الملاحظات البصرية
    حاتم زول اجتهد ومشى قعد وقضى وقت في الموضوع دا
    أنا ما كنت داير احول الموضوع لغلاط ساكت ويبقى المنظر بايخ

    والقصة سهلة

    أمشي اكتب التشكيك في الإنترنيت وأجيب الرد

    زي ما قلت لي طلحة بهناك
    أهو دا فديو



    ودا رد واحد متشككك

    mythbuster go up to the moon with a HD cam and use real lunar dust instead of something "close" to it.

    ودي صورة

    http://www.popsci.com/sites/popsci.com/files/styles/article_image_large/public/images/2011/09/apollo12-2.jpg?itok=8JbDfemKhttp://www.popsci.com/sites/popsci.com/files/styles/article_...-2.jpg?itok=8JbDfemK

    ودا التعليق تحتها
    new photographs taken by the Lunar Reconnaissance Orbiter, we can see the landing sites of some lunar craft, as well as the tracks left by those who flew in them.

    What creatures left these prints? A semi-dormant species known as the Earth astronaut; to be precise, Alan Bean and Pete Conrad, the crew of the Apollo 12 mission in 1969.


    أها الموضوع دا كان خرب البوست


    حاتم يجيب كلامه وأنا امشي انقل وأغالطه في اسمه ذاتو

    هو ما داير يصدق التجربة بتاعة الفديو والصورة

    أنا ما في حاجة بتجبرني اصدق فرضياته

    والساقية تدور.

    لكن انا دخلت هنا بإحترام لجهد حاتم

    وساعدته في كيفية انزال الصور في (المنتدي لأنه بيعرف ينزل الصور في أي مكان مش لأنه جاهل)، ودا كله بأريحية وانتظرت

    المنهج العلمي التجريبي دا.
    وأقول ليك بعد قراية مقدمته مشيت عملت قراية سريعة للموضوع وشفت الأدلة الجديدة المقدمة من الجانبين (عملت الهومويرك بتاعي)

    الموضوع ما بيستحمل (أنتصارات سودانيز الوهمية دي)

    لكن بإمكاني اشتغل بالنظرية الفوق دي

    يقول لي حزام فان الين (اقول ليه النقطة الضعيفة عند التقاء الهلالين بتاعين القوس

    يقول اثار اقدام اجيب ليه الفديو
    رفرفة العلم اجيب ليه التبرير بتاعة

    يقول الشركة لسه في اطار التجارب
    اجيب ليه سجل انجازات الشركة ومن ضمنها شغل ناسا

    وهكذا دواليك.


    وحقيقة ريحتني بتعليقك عن منهج (التشكيك والتصديق)

    ودي نقطتي بالضبط مع حاتم، إنه الموضوع في إطار تشكيك قائم على حجج عندها منطقها وتماسكها

    لكن لا يمكن حسم هذه القضية بالسهولة البيقول عليها

    وزي ما قلت ليك المعلومات الفي البوست بتغفر (نقاشات هلال مريخ الجانبية دي)

    أهو زول زي طلحة محتفى بالبوست لكمية المعلومات اللقاها (أنا مشيت عملت ليه شوية تشويش

    )
    لكن في النهاية

    أنا قصدت إنه دليل علمي قايم على التجريب لحسم النقاش أو أهو الموضوع - وأتفق معاك - حيكون في منهج التصديق والتكيك، ودا حصل لي لمن عرفت بالموضوع اول مرة

    وبعداك بقيت اعتمد الرواية الرسمية (والتى لم يتم تحديها حتى من اهل الإختصاص نفسهم) وستظل هذه الرواية عندي هي المعتمدة
    لحين وجود معلومات جديدة (حاسمة) تثبتها أو تنفيها.

    ومرة تانية يا منير أنا متأسف إني اتضايقت من كلامك (وما كان ينبغي لي)

    عيدك سعيد
                   |Articles |News |مقالات |بيانات

07-10-2014, 09:07 PM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)

    Quote: أهو زول زي طلحة محتفى بالبوست لكمية المعلومات اللقاها (أنا مشيت عملت ليه شوية تشويش

    طلحة ده وين يا الصادق عشان نمشي نشوف الحاصل شنو هناك كمان ..
                   |Articles |News |مقالات |بيانات

07-10-2014, 08:57 PM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)


    يا الصادق .. ياخوي أنا ذكرت من البداية أهم سبب لمتابعتي للبوست .. وما غرضي أخش في مستنقع المغالطات .. وذكرت ليكم من البداية إنكم يادوبكم بديتوا تقرأوا عن الموضوع بعد فتح البوست وكل الجمهور تابع كيف إنك جبت صور هنا بدون أن تكون عارف عنها حاجة .. ولمن حاتم زنقك زغت من الإجابة وفي الآخر عندما ما لقيت مفر من أسئلة حاتم الملِحَّة عن مغزي الصور اليابانية الجبتها قلت إنك غلطت فيها ووو .. يعني ببساطة كنت عاوز تاكل رؤوس القراء بتلك الصور أوانطة ساي .. وذلك يعتبر إسلوب غير نزيه منك .. وعشان كده قلنا ليك خلفيتك عن الموضوع ضعيفة ولكنك تنطعت في الفاضي وكابرت ومازلت .. صاح واللا غلط؟؟ .. زول يجيب صور عشان يثبت حاجة معينة ويحاجج بيها يقوموا يسألوه عن الفاهمو من صوره الجابها يلقوه ما عارف .. أها ده يقولوا عليهو شنو؟؟
    حاتم شغال في الموضوع من زمان ولذلك أنا أتفهم غضبته حينما يجيهو زول خش في القصة هسه ودخل يستخف بيهو أو يغالطه بدون علم وبطريقة حشو البوست بصور ومعلومات لا يكون صاحبها عارفها ولا يستطيع أن يشرح هو جابها لشنو زاتو .. زي حكاية صورك إنت وحكاية قاما بتاعة تبارك القال بتخترق الجسم وبتجليهو عادي !!.. طيب يا حبيب الرصاصة ممن تخترق الجسم وتطلع بهناك .. فهل معناها جلته عادي ؟؟!!! ..

                   |Articles |News |مقالات |بيانات

07-10-2014, 09:16 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    Quote: حاتم شغال في الموضوع من زمان ولذلك أنا أتفهم غضبته حينما يجيهو زول خش في القصة هسه ودخل يستخف بيهو أو يغالطه بدون علم وبطريقة حشو البوست بصور ومعلومات لا يكون صاحبها عارفها ولا يستطيع أن يشرح هو جابها لشنو زاتو .. زي حكاية صورك إنت وحكاية قاما بتاعة تبارك القال بتخترق الجسم وبتجليهو عادي !!.. طيب يا حبيب الرصاصة ممن تخترق الجسم وتطلع بهناك .. فهل معناها جلته عادي ؟؟!!! ..

    تاني نرجع لى عيون سوبرمان وصور الاشعة؟

    ياخي ما قلنا ليك اثبت لينا كلامك عن اضرار قاما دي ... يعني لو سألنا أي فيزيائي عن اضرار تشيرنوبيل بيقول لينا كجك كجك كجك ...

    ناسا قالت كلامها ... عندك اثبات انو كلام ناسا غلط؟

    لأنو دا غلات ما عندو آخر ...

    حاتم دا سنين شغال شنو في الموضوع دا ... وغضبو لزومو شنو اصلاً؟

    والاستخف بيهو - بعد جينا استخفينا بى مزاعمو - منو؟

    بعدين افرض انا استخفيت بيهو ... وقلت ليهو يا حاتم انت زول "كديسة"؛ هل دا بيخلي كلامو صاح؟ (ما يجي ييفهم الفرضية دي استخفاف كمان)

    يا اخواننا ما تخاطبونا بالعقل بدل العواطف والمشاعر والمعتقدات والإنطباعات ...

    افرض انا مندهش بى امريكا دي لى درجة لامن اشوف لي خواجة ببول ... ومعتقد في ناسا دي كأنو مديرها شيخ الامين ود عجوز كرّمه الله في الدارين (وهيهات لناسا هذا الشرف الرفيع) ... هل اعتقادي وإندهاشي دا بيبقي كلام ناسا غلط وكلام حاتم صاح؟

    كلامكم انت وحاتم دا يا منير ... هو الرد على الآخر بالهجوم الشخصي بدل الحجة ...

    انا ما بعرف قاما ولا سجمة ... إنت عندك دكتوراة في الكهربا من المانيا زيك زي حاتم ... ورينا كلام ناسا غلت كيف؟

    معقولة؟؟؟؟؟؟؟؟





    ... المهم ....
                   |Articles |News |مقالات |بيانات

07-10-2014, 09:26 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    Quote: يا الصادق .. ياخوي أنا ذكرت من البداية أهم سبب لمتابعتي للبوست .. وما غرضي أخش في مستنقع المغالطات ..
    وذكرت ليكم من البداية إنكم يادوبكم بديتوا تقرأوا عن الموضوع بعد فتح البوست وكل الجمهور تابع كيف إنك جبت صور هنا بدون أن تكون عارف عنها حاجة ..
    ولمن حاتم زنقك زغت من الإجابة وفي الآخر عندما ما لقيت مفر من أسئلة حاتم الملِحَّة عن مغزي الصور اليابانية الجبتها قلت إنك غلطت فيها ووو ..
    يعني ببساطة كنت عاوز تاكل رؤوس القراء بتلك الصور أوانطة ساي .. وذلك يعتبر إسلوب غير نزيه منك .. وعشان كده قلنا ليك خلفيتك عن الموضوع ضعيفة ولكنك تنطعت في الفاضي وكابرت ومازلت .. صاح واللا غلط؟؟ .
    . زول يجيب صور عشان يثبت حاجة معينة ويحاجج بيها يقوموا يسألوه عن الفاهمو من صوره الجابها يلقوه ما عارف .. أها ده يقولوا عليهو شنو؟؟
    حاتم شغال في الموضوع من زمان ولذلك أنا أتفهم غضبته حينما يجيهو زول خش في القصة هسه ودخل يستخف بيهو أو يغالطه بدون علم وبطريقة حشو البوست بصور ومعلومات لا يكون صاحبها عارفها ولا يستطيع أن يشرح هو جابها لشنو زاتو ..
    زي حكاية صورك إنت وحكاية قاما بتاعة تبارك القال بتخترق الجسم وبتجليهو عادي !!.. طيب يا حبيب الرصاصة ممن تخترق الجسم وتطلع بهناك .. فهل معناها جلته عادي ؟؟!!! ..


    يا منير

    سلام

    ما دام إنت متأكد إني ما قريت عن الموضوع وإني دخلت فيهو هسع، فدي ما حأقدر أغلطك فيها، لأنه معناها أغالط نفسي.

    يا خي أنا لا اتهمتك إنت لا حاتم لا قلت ليهو ما قرأ الموضوع

    وأنا ما عندي حاجة تخليني اتنطع في ساين والموضوع موجود وأنا قريت عنه ولمن حاتم فتحه مشيت شفت الجديد في الموضوع شنو؟

    وهسع لو بتعرف تستعمل "قوقل" حتجيب الرد على أي موضوعة من البموضوعات

    موضوع الصورة أنا عارف جبتها من وين وأخدوها اليابانين ولمن جبتها جبتها من موقعهم وقريت عنها وقلت ليهو دا دليل للتحليل لأنه مقدم من طرف تالت

    وهسع لو هو داير يفترع نقاش حولها ممكن نفترعه، وأنا لمن قلت ليهو جلي الموضوع لأنه (لهجة التعالي والإستفزاز في كلامه عالية) وأنا نقطتي الأساسية واضحة وماشي عليها في البوست دا

    ودا منهجي في إدارة النقاشات، بمسك نقطة مححدة وبكون عاوز اركز عليه عشان ما أنشر وعشان أحافظ على وقتي (ولأني حقيقة لو حاجة ما عندي عنها خلفية ما بخش فيها)

    وأنا هسع أخدت مداخلتك الفوق دي بفهم إنك بتستفسر

    فأنا بقول ليك ومن غير زعل ومن غير ما احرف البوست

    أنا ما داير اقنع حاتم بأي شئ لأنه حاتم اصلاً وصل لقناعة إنه الصاح وإننا مخدجوعين

    فبالتالي حاتم ما نقطتي، نقطتي الأساسية هي إنه ما حيقدر يقدم برهان قاطع على نظريته وتشكيكاتكه.
    فموضوع إنه اقعد اتغالط معاه في الصور بطريقته دي حتبعدني وتبعد البوست عن الموضوع بتاعه.

    وزي ما قلت ليك

    الصورة نفسها قوقلها وحتوديك لموقع اليابانيين
    ولو داير تشوف استعمالها في النقاش أهونديك "ويكيبيديا" ودا الرابط
    http://en.wikipedia.org/wiki/Third-party_evidence_for_Apollo_Moon_landingshttp://en.wikipedia.org/wiki/Third-party_evidence_for_Apollo_Moon_landings

    يعنى يا منير الموضوع لو تنطع، البد ليك واغرف من النت وأجي أغالط المشكلة شنو

    حاتم يقول كلام
    وأنا استعمل ليك لغة استفزازية ومغالطات عديل كدا

    يجيب لي دليل إنه اليابانيين (بيجاملوا ودا الكلام القالوا إنه اليابانيين جاملوا الأمريكان) امسك ليه في العالي، واقول ليه

    إنت زول بتاع غلاط وأنا جبت ليك الدليل تجي تقول لي اليابانيين شنو (راجع المداخلات حول الروس).

    مسألة غلاط الدوغما ما بتغلبني (راجع بوستي مع جادات).

    فأنا ودي الحقيقة (وإنت ما ملزم ابداً تتعامل معاها كحقيقة) البوست ممتع وناس كتار حيستفيدوا منه
    وأنا دخلته عشان اشوف الجديد عن موضوع كان محط اهتمامي في يوم من الأيام
    وحبيت اشوف الجديد فيه شنو؟

    ورغم إني ما مطالب بإثبات أي شئ لاي زول، لكن ممكن ارسل ليك الوثائيقيات العندي الاشتريتها لمن كنت مهتم بالموضوع.


    حأرجع واقول ليك يا منير

    شئت أم أبيت الموضوع ممكن يتحول بسهولة لهلال مريخ وأنا اديتك عينة (ومقام من أخذته العزة بالإثم واضح جداً)

    والمداغعين عن نظرية الهبوط على القمر عندهم مواقعهم البترد على أي تساؤل

    حتى لو كان جديد، يعني لو حاجة غلبتني هنا، اترجمها وارسلها ليهم (الغريبة برضه بيسمعوك كلام كتير وبيتعاملوا بإستعلائية بيمونا مفتكرين إنك من أنصار الفبركة)



    فصدقني للية ولي بكرة الموضوع دا ممكن تقراه وتاخد ليك معلومات وتستفيد منها لكن عشان يحسم ما حيسحم اي شئ.

    وكإقتراح لو عندك زمنن نفتح بوست وجيب تساؤلات حاتم (بما فيها الصورة الأنا جبتها، ونبدا مناظرة حول الموضوع) أنا ما عندي اي مانع

    جيب الشكوك وأنا حاجيب الردودن وحتلقى في النهاية إنه الشكوك عندها منطقها البيخلي الناس تصدقها
    والردود برضه عندها منطقها البيخلي الناس تصدقها

    والمسألة تنحسم، لا اظن
                   |Articles |News |مقالات |بيانات

07-10-2014, 09:31 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8485

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    سلامات يا منير
    اعتقد انو مبدأ الـ uncertainty في الكوانتم فيزيكس هو ليس مبدأ فلسفي يتعلق باليقين او عدمه. هو ظاهرة محددة مرتبطة بعالم
    الجزيئات قد تكون انت اكثر فهما لها مني. في العلم التجريبي هناك يقين او شبه يقين في حالة توافر الأدلة. يعني مسألة مثل وصول
    بشر للقمر مسألة ليس فيها احتمالات في ظل تقديم الجهة القائمة على المشروع لإدلة لم يستطع احد ضحدها حتى يوم الله هذا.
    نحن في الطب برضو نتعامل بالاحتمالات و معظم الظواهر التي ندرسها تقع ضمن التوزيع الطبيعي normal distribution
    و هي احتمالات يمكن التنبؤ بها بدقة بل و التعميم بناء عليها.
    المسألة في رأيي هي يا ايمان بالعلم او اتخاذ موقف متشكك لاسباب ايدلوجية و هو موقف غير علمي بالطبع.
                   |Articles |News |مقالات |بيانات

07-10-2014, 09:43 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: سيف النصر محي الدين)
                   |Articles |News |مقالات |بيانات

07-10-2014, 10:23 PM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)


    يا عزيزي تبارك .. ياخي ممكن توريني وين أنا هاجمتك هجوم شخصي؟؟ ..

    الصادق .. الغلاط ده حده يوم القيامة .. نتلاقي هناك ومعانا ارمسترونق وعلي قاقرين زاتو ..

    سيف النصر أنا مخصوص قرنت الprobability density والuncertainity principle لأقول أن هذا العلم المادي رغم دقته لكنه برضو غير أكيد .. ألا تلاحظ أن ذروة سنام العلوم تستند نتائجها علي هذين العاملين الذين يرسخان أن كل هذا العلم المادي واقف علي شفا جرفٍ هارٍ ؟؟ ..
    أنا فقط لفائدتي الشخصية اربط هذه المقارنة مع نظرتي العمومية للوجود والحياة والإعتقاد ..

                   |Articles |News |مقالات |بيانات

07-10-2014, 10:28 PM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)


    بعدين يا جماعة إنتو خليكم في نقاشكم مع حاتم .. هو حيجيكم ضارب الكمونية ويشوف شغله معاكم .. أنا خلوني قاعد في الضل ..

                   |Articles |News |مقالات |بيانات

07-10-2014, 10:43 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    Quote: يا عزيزي تبارك .. ياخي ممكن توريني وين أنا هاجمتك هجوم شخصي؟؟ ..

    الهجوم الشخصي في الحجة ... يعني لامن تكون حجتك مبنية على البعد الدوغمائي والغيبي لناسا في قلب تبارك ... وتستخدم لغة نوع ("المؤمنين" بهبوط ناسا على القمر، و"المقتنعين" بأن ناسا لا تكذب) ... فهذه حجة مبنية على عيوب شخصية في هؤلاء الذين تصفهم بهذه الصفات ... وليس فيها ما يؤكد صدقية ناسا أو ينفيها ...

    هذا هو الهجوم الشخصي ...

    يعني تصوير الحوار على انو انا دخلت على حاتم دا في معملو الدقيق ... وكركبت وكسّرت القوارير ودفّقت الاحماض في الواطا ... واستخفيت بيهو وقعدت ابرطم بى كلام لا في الحِرى لا في الطِرا ... ومرقت لا ألوي على ديك عدة ....

    هذا هو الهجوم الشخصي ...

    الموضوعية أن نتكلم في مسار المركبة ... أحزمة فان آلن ... التقرير الذي أورده الصادق اسماعيل بهذا الخصوص ... آثار التعرض لأشعة قاما مقابل سيناريو الهبوط على القمر ... ابتداع ناسا للأنسجة المطعمة بالألمونيوم والألياف الزجاجية والتيفلون وغيرها ... هذه اشياء موضوعية ليس فيها هجوم شخصي ...



    ... المهم ....
                   |Articles |News |مقالات |بيانات

07-10-2014, 11:07 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)

    Quote: الصادق .. الغلاط ده حده يوم القيامة .. نتلاقي هناك ومعانا ارمسترونق وعلي قاقرين زاتو


    بالضبط يا منير

    وأنت وقعت لي في الأتو بتاعي (لغة في الكتشينة)

    عدم وجود دليل قاطع من طرف تالت سيجعل الذين يتبنون نظرية الفبركة يتمادون في غلاطهم. المبني على تساؤلاتهم وشكوكهم
    وبالتالي يظل الموضوع غير محسوم.

    وأنا صراحة عجبني موقف طلحة عبد الله (البوست جبت ليك رابطه فوق)

    دا الموقف زول واضح (داير ليه كدة في الأمريكان ولقاها)

    أها د\ا زول مريح

    الباقين زينا نحن حنقعد نلت ونعجن في نقاطنا دي

    ما افتكر لحد الآن ظهر شئ بيقنعنا، ولا الجانب الآخر ظهر ليه شيء من كلامنا بيقنعه
                   |Articles |News |مقالات |بيانات

08-10-2014, 10:40 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)

    يا باشمهندس حاتم
    أراهنك إنو التراب الفي سطح القمرة دا عبارة عن رماد لمحروقات كائنات فضائية من زمن عصر الديناصورات.

    كل سنة أنت شديد ولضيض يا زول ..
    كما لا يقوتني أن أتوجه بمباركة العيد للقشاش القوي منير ...خخخخخخ
    وكذلك التحية لاوكس وفوكس وزوكس وكل أصحاب الألقاب وليدة البوست دا خخخخخخخخخخخخخخخخخ
                   |Articles |News |مقالات |بيانات

08-10-2014, 11:26 AM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: طلحة عبدالله)


    يا ألف مرحب حباب طلحة .. كل عام وأنت بخير ..
    بالجد لمن الصادق جاب إسمك ما توقعت تكون ده إنت لأنك طوّلت مختفي .. فقمت مشيت فتشت ناس الفيسبوك ما لقيت أي واحد إسمه طلحة .. أتاريك ده إنت مشيت فتحت ليك فرع للبوست تتجدع فيهو براك؟ ..

    شايف يازول إتوكَّرنا في البوست كيف؟؟ ده كله من عثمان الإمام ده ..
    حاتم مشي يضرب الكمونية وخلاني هنا بشلاقتي أطلع من حفرة أقع في دحديرة ..
                   |Articles |News |مقالات |بيانات

08-10-2014, 11:14 AM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)


    تبارك سلامات ..
    معني كلامك ده إنو كلامي الكتبته هنا ده كله هجوم شخصي علي الجميع ؟؟!!..
    بما أني ما دخلت هنا عشان أتناقش في العلوم فإني تناولت الموضوع بزاوية فلسفية - ما تقولوا الود جاي يتفلسف ياجماعة - .. لكين بالجد ده مدخلي لمتابعة البوست .. وعموماَ أنا لا أفرِّق ولا أفصل بين العلوم المادية وفلسفة الوجود والحياة .. يعني قول لا أفصل بين العلم والإيمان .. وده موضوع ليس هنا مجال للنقاش فيهو .. ولكن لمن ذكرت لسيف النصر قضية الإحتمالات قصدت أقول أن العلم المادي رغم مظهره المتكامل إلاّ أن حكاية إعتماده علي حساب الإحتمالات يجعله ناقص شديد وحقائقه قابلة للإنقلاب رأساَ علي عقب ..
    وموضوع الإيمان بناسا والإيمان بأمريكا وبالعلوم المادية - في إعتقادي - أنها عامل أساسي في تصديق وتكذيب المعراج للقمر .. وهذا ليس إساءة شخصية لأي زول مؤمن بناسا وبأمريكا ، إذ أن القناعات تتراكم لأي زول حسب مشاهداته ومعايشته لواقع معين وظروف معينة تختلف بإختلاف الأنفس ..

    الرسول صلي الله عليه وسلم حين سري لبيت المقدس وعرج لغاية سدرة المنتهي كان هناك مصدقين وهناك مكذبين .. سيدنا أبوبكر رضي الله عنه صدّق بدون ما يرجي الدليل المادي بينما صدّق الآخرون بعد شهدوا الدليل المادي - القافلة - .. ثم ثانياً المعراج للسماء مافي ليهو علامة مادية ، بل دليل عقلي وهو - حسب منظوري - : إذا صدق الإسراء فلا يمتنع المعراج ..!!

    ثم أخيراً يا تبارك - كلما أجي أكتب تبارك أقرِّب أكتبها تراجي (الله يطراها بالخير - نجوميتها إنطفت بعد إنفضاض الحلف مع محمدسليمان بتاع ناسا - تلقاها هسه ضد فريق ناسا:) ).. منو القال ليك أنا عامل دكتوراه وكمان من ألمانيا وكمان نفس المكان بتاع حاتم ؟؟ .. دي مشكلتك في البوست ده .. وهو أنك بترمي معلومات غير متأكد منها وتزقها كأنها شئ معلوم مؤكد لديك .. المهم لو برضك حاسي أني هاجمت شخصك فأنا برضو بعتذر ليك - ده تالت إعتذار لي هنا :) - وليبقي الود والإحترام ..

    علي العموم مرة أخري أقول الجوطة بتاعتي دي أنا أقعد بيها بعيد في الضل عشان البوست لا ينحرف عن مجراه وراء سفسطة بره الموضوع .. أنا زاتو شايف نفسي كلما أكتب زيادة في البوست ألقاني مشاتر ..
                   |Articles |News |مقالات |بيانات

08-10-2014, 11:38 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    خخخخخخخخخ
    الوكرة مع العلماء عيد يا منير
    أنا بغران منها عشان كدا بديت أفج لي فجة لى جوة وأظن مداخلتي الفوق بتاعت
    رماد الديناصورات في القمرة هي في صلب الموضوع ,, أوع تغالط في دي كمان .
                   |Articles |News |مقالات |بيانات

08-10-2014, 12:07 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    يا منير طلوع القمر ... لا فيهو فلسفة ... ولا عندو مقارنة بالاسراء والمعراج ... ياخي ابسط فرق ... طلوع القمر كانت المواصلات على ناسا ... وكل المعلومات والتفاصيل البتخص الرحلة موجودة ... بعدين الدليل "المادي" في الصور والفيديوهات وعينات القمر ونتايج التجارب والابحاث السابقة للرحلة وبيانات وارقام الرحلة نفسها ... بينما في الاسراء والمعراج "القافلة" شاهد ... والشاهد فيها يكون صادق وفيها يكون شاهد زور ... والشهادة غير الدليل "المادي" ...
    Quote: ثم أخيراً يا تبارك - كلما أجي أكتب تبارك أقرِّب أكتبها تراجي (الله يطراها بالخير - نجوميتها إنطفت بعد إنفضاض الحلف مع محمدسليمان بتاع ناسا - تلقاها هسه ضد فريق ناسا:) ).. منو القال ليك أنا عامل دكتوراه وكمان من ألمانيا وكمان نفس المكان بتاع حاتم ؟؟ .. دي مشكلتك في البوست ده .. وهو أنك بترمي معلومات غير متأكد منها وتزقها كأنها شئ معلوم مؤكد لديك .. المهم لو برضك حاسي أني هاجمت شخصك فأنا برضو بعتذر ليك - ده تالت إعتذار لي هنا :) - وليبقي الود والإحترام ..

    على الأقل انت senior chip designer ... يعني ما اقل من دكتوراة في الكهربا بى كتير ... غايتو على الاقل احسننا فيك الظن ... فليس هنالك ما يؤكد لي انو حاتم ابراهيم ذات نفسو عندو دكتوراة في علوم الحاسوب (الكمبيوتر براو و "الحاسوب" بتاع "غاما" براو ) ... لاكين دا سوء ظن بالمناسبة .... لاكين على الاقل هو senior chip user ... يعني عندو مكانتو برضو ...





    ... المهم ....
                   |Articles |News |مقالات |بيانات

08-10-2014, 01:53 PM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)



    يا تبارك حسن ظنك تشكر عليه .. . و الدرجات العلمية ليست مقياس للبني آدم - فسيد الخلق أجمعين ومدينة علم الله كان أمياً (ص).. .
    وأنا زاتي عندي نظرة في حكاية التخصص الدقيق - ماجستير ودكتوراه وإنت ماشي - وهي أنه كلما تخصصت شديد ضاقت دائرة علمك واتسعت دائرة جهلك .. هههه .. زي نظام البطارية الضوئية إذا وجهت ضوءها علي الحيطة : كلما قربتها للحيطة تزيد شدة إستضاءة الدائرة ولكنها تصغر بينما يطبق الظلام حول البقعة المُضَاءة .. كذلك البني آدم تلقاهو عامل دكتوراه في نواة الذرة وطول عمره يعاين في المايكروسكوب لكنه بره دائرة المايكروسكوب يكون ما ناقش التكتح .. :)

    ثانياً منو القال ليك أن الموضوع يخلو من الفلسفة؟؟ ياخي الفلسفة أهم علم نظري - ولا تنفصل عن الحياة ..

    المقارنة بين الإسراء والمعراج والهبوط علي القمر الغرض منها توضيح الإيمان والتصديق والتكذيب وطريقة إعتماد الأدلة .. يعني زي ما إنت قلت إنو الشهود ممكن يكونوا شهداء زور برضو الناس طلَّعت العينات المادية بتاعة ناسا مضروبة ومزورة - سواءً كانت صور أو الحجارة الأدوها هدية لهولندا و التي اكتشف الهولنديون أنها ما عندها علاقة بالقمر -
    وغايتو بما أنو الله ذاته الناس مختلفين في وجوده يبقي ما عندنا طريقة إلاّ نتقابل سوا مع الصادق يوم القيامة .. - أها قول لي يوم القيامة ذاته فيه غلاط -

    ;;;
    ;;
    ;

    يا طلحة فكرة الديناصورات والجماعة الهرشوا ناسها قالوا ليها ما تجي تاني دي كمان ممكن تفتح لينا أبواب لا نهائية من المغالطات .. وكل شئ جائز مالم يثبت أنه غير جائز ..

    (عدل بواسطة Munir on 27-10-2014, 11:37 PM)

                   |Articles |News |مقالات |بيانات

08-10-2014, 04:43 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: Munir)

    منير
    سلام

    القيامة طبعاً فيها أكبر غلاط في التاريخ، ومسألة الإيمان والتصديق حقيقة مختلفة عن موضوع ناسا

    حتي قصة الحجارة بتاعة رئيس الوزراء الهولندي يمكن التدقيق فيها دون التسليم تماماً بها، المتحف حلل الحجارة

    طلعت جاية من اريزونا، هل فعلاً الحجارة الإستلمها المتحف هي نفس الحجارة الإستلمها رئيس الوزاراء

    الحقيقة هنا أن الحجارة الموجودة في المتحف ليس هي حجارة القمر.

    مواضيع الدين فيها التسليم المطلق، حتى لو ما كان في (شاهد) يا تبارك.
    المعراج يحتاج لإيمان، ووصول ناسا للقمر يحتاج لأدلة مادية.

    فأدلة ناسا لو طلعت مزورة ناسا ما حتقدر تاني تجيب سيرة إنها مشت القمر

    لكن المعراج يحتاج للإيمان لتصديقه
                   |Articles |News |مقالات |بيانات

08-10-2014, 11:57 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)

    (يا منير انا عارف انو عندك دكتوراه ... بس ما حبيت امرق من الموضوع)

    العلم عندو منهجية محددة للتعامل مع الادلة والبراهين والاستدلال ...

    الايمان لا علم لا داير ادلة وبراهين ...

    بيتعبوني الناس البيتعاملوا مع الإيمان كأنو علم ... والبيتعاملوا مع العلم كأنو معتقد ...

    البيحاولوا يدعموا العلم بالإيمان ويدعموا الإيمان بالعلم ديل عندهم كك في راسم دا

    ناس الإعجاز العلمي في القرآن ... ديل اخير منهم الفقهاء عدييييل

    ياخي واحد قال الله حا يدخل الكرة الأرضية في الثقب الأسود ... ويمرقها مسطحة ... مش اخير القالوا الله قال اكتلوا المرتد؟






    ... المهم ....
                   |Articles |News |مقالات |بيانات

09-10-2014, 11:00 AM

Munir
<aMunir
تاريخ التسجيل: 11-02-2002
مجموع المشاركات: 10432

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)


    وبمناسبة الفضاء وناسا .. أنا شخصياً إستفدت من ناسا والخيال الأمريكاني الطامح في السفر للفضاء .. وذلك منذ الصبا عندما كنا مدمنين لمجلات سوبرمان المصورة وكنا في الإبتدائي قرأنا كل مجلدات سوبرمان وكنا نتابع الأعداد الجديدة - فكل يوم نطلع من مدرسة الشعبية جنوب، آخر البيوت:)، ونمشي نغشي كشك الجرايد عند الملتقي قدام باتا ، ونشوف الجديد من المجلات المصورة في ذلك الزمان الرطيب - سوبرمان الوطواط البرق طرزان .. إلخ ..
    وقد سافرت عبر الفضاء مع سوبرمان فعبرت بنا أبعد من القمر والشمس إلي المجرات وعبرنا حاجز الزمن للقرن الثلاثين لنقابل فرقة الأبطال الجبابرة الجايين من كواكب متفرقة من مجرات مختلفة .. وتثقفنا عن تأثير الإشعاع وأشعة قاما وإكس وإشعاع الكربتونيت الأخضر الذي يشع من بقايا شظايا كوكب كريبتون - وطن سوبرمان الأصلي الذي إنفجر -
    ومن قصص سوبرمان الأكثر تشويقاً كانت في أعداد المجلات التي تتكلم عن ما قبل كارثة إنفجار كوكب كريبتون - حياة والدي سوبرمان وكيف أنهما أرسلا سوبرمان في مركبة صغيرة - الصورة مرفقة - إلي كوكب الأرض حيث أنه أكتسب قدراته الخارقة وصفاته العجيبة لإختلاف أجواء الكواكب - زي مثلاً جاذبية القمر تساوي سدس جاذبية الأرض - وزي كوكب المشتري مثلاَ ممكن يطفو فوق الماء .. يمكن هسه لو مشينا كوكب عفاريت الزول يبقي شئ تاني .. وهكذا دواليك ..
    ومن المغامرات التي كانت تسبح بي في عوالم المستقبل والفضاء البعيد : عندما يسافر الفتي الجبار عبر الزمن إلي القرن الثلاثين ليقابل أصدقائه فرقة الأبطال الجبابرة، وهم فتيان من عوالم مختلفة وذوي قدرات مختلفة فتكون القصة مليئة بالعلوم العجيبة - فيزياء كيمياء سفر بين المجرات والكواكب ..إلخ -.. وذلك مقرون بالرسم البديع والألوان الجميلة .. فتكون المجلة كلها عبارة عن تحفة فنية علمية خيالية رهيبة ..

    وبأمانة الواحد تأثر بقدرات سوبرمان الخارقة وخاصة الطيران ، لدرجة أني كنت أربط الجلابية في رقبتي زي معطف سوبرمان وأقوم جاري شدييييد من ركن الحوش للركن المقابل وكنت مقتنع أني سأطير - أنا كنت جراي ورقة بس - .. فقد كان إيماني بالطيران قوي ..
    كل ذلك الصبا الطامح بالخيال العلمي كان بفضل أمريكا ووكالة الفضاء ناسا .. والواحد ممكن شبه متأكد أن معظم ناس ناسا متأثرين بسوبرمان .. ولذلك أنا أعتبر الخيال الأمريكي والطموح الأمريكي والعلوم الأمريكية لونت ماضينا بألوان جميلة نشكر عليها ..

    أنا مستغرب كيف أن ذلك الكشك الصغير المغمور جنب المؤسسة - بحري - في ذلك الزمن كان مواكب شديد لكل المطبوعات من دار المطبوعات المصورة ببيروت فيقوم يجيب كل إصدارة جديدة من بيروت علي الخرطوم طوالي - من نارها .!!!!.


    (عدل بواسطة Munir on 09-10-2014, 02:48 PM)
    (عدل بواسطة Munir on 09-10-2014, 02:50 PM)
    (عدل بواسطة Munir on 09-10-2014, 02:54 PM)
    (عدل بواسطة Munir on 09-10-2014, 03:01 PM)
    (عدل بواسطة Munir on 09-10-2014, 03:02 PM)
    (عدل بواسطة Munir on 09-10-2014, 03:04 PM)

                   |Articles |News |مقالات |بيانات

09-10-2014, 11:20 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote:
    وهي أنه كلما تخصصت شديد ضاقت دائرة علمك واتسعت دائرة جهلك


    deep and narraow vs wide and shallow
                   |Articles |News |مقالات |بيانات

09-10-2014, 11:28 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote:
    يا باشمهندس حاتم
    أراهنك إنو التراب الفي سطح القمرة دا عبارة عن رماد لمحروقات كائنات فضائية من زمن عصر الديناصورات.


    جائز!
    التراب في الحقيقة نتاج لتفتت الصخور على مراحل بسبب تغير درجات الحرارة (تمدد وانكماش وتشقق السطح بدرجة أسرع من قلب الصخرة)
    بعرفوها ناس الجيولوجيا، وممكن تشوفها في بعض الجبال، مكرام مثلاً بيتقشر سنوياً
    على الأرض التراب الناتج تحركه الرياح، على القمر يظل في مكانه.
                   |Articles |News |مقالات |بيانات

09-10-2014, 11:33 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote:
    يا اخ حاتم انا قاصد الزمن من 2006 الحاولت تثبت فيه خدعة للوصول للقمر وما قاصد الزمن بتاع المنبر


    من 2004 في الحقيقة مهتم، لكن مش متفرغ، عندي أعمالي المعيشية.
    الانسان بطبعه يميل للبحث عن المعرفة.

    مشكور على التعليقات
                   |Articles |News |مقالات |بيانات

09-10-2014, 11:42 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    الجماعة (فريق ناسا)

    عندي مشغوليات ومعايش، بسرق ساعة ساعتين عشان أشوف التصرف معاكم كيف.

    عندكم فكرة إنو جورج بوش الابن أعطى ناسا 16 سنة بدل الثمانية سنوات بتاعة كينيدي عشان (ترجع القمر ببشر) وخذلته؟
    وإنو أوباما جاء وأعفاها من الحرج وألغى المشروع بتاع (العودة للقمر) تماماً وبدأ مشروع تفكيك ناسا؟

    دي شمومة لحد ما أجيب اللستة كلها ومعاها موضوع الإشعام.

    بتاع الكدايس دا إذا أصر على أسلوبه، أنا حألبس ليه كدارة
    بعدها البوت
                   |Articles |News |مقالات |بيانات

09-10-2014, 04:56 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote: أنا مستغرب كيف أن ذلك الكشك الصغير المغمور جنب المؤسسة - بحري - في ذلك الزمن كان مواكب شديد لكل المطبوعات من دار المطبوعات المصورة ببيروت فيقوم يجيب كل إصدارة جديدة من بيروت علي الخرطوم طوالي - من نارها .!!!!.


    الله يا منير ياخ

    تخيل الكشك دا سبب في إدماني للقراءة في أي شئ وأي مطبوعة

    أبوى كان بيخم كل المجلات والجرائد من الكشك دا لمن كنا ساكنين في شمبات الحلة (الديم تحديداً)

    وأنا كنت صاحب أكبر مجموعة من كتب الشياطين التلطاشر وتان تان وسوبرمان وميكي وسمير والصبيان وألغاز المغامرين الخمسة

    وكتب مكتبة الجزيرة الخضراء وغيرها.

    عادة القراية لم تفارقني حتى الآن، وحقيقة ضرتني شديد في إني ما قادر اركز في مجال معين

    يعني بقرا في الأديان والعلوم والتاريخ والإقتصاد والفلسفة والأدب

    وفي كتاب قريته زمان بتاع (فراس السواح) اسمه (دين الغنسان) كدى أقراه يا منير لو ما قريته

    ورابط فيه بين الدين ووجود الله و(الكوانتم فيزيكس).

    (عدل بواسطة الصادق اسماعيل on 09-10-2014, 04:58 PM)

                   |Articles |News |مقالات |بيانات

09-10-2014, 05:07 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)

    Quote: عندكم فكرة إنو جورج بوش الابن أعطى ناسا 16 سنة بدل الثمانية سنوات بتاعة كينيدي عشان (ترجع القمر ببشر) وخذلته؟


    كشعب أمريكي عندنا فكرة عن اقتراح بوش لكن ما عندنا فكرة عن خذلان ناسا

    يا باشمهندس

    عيدك سعيد

    بوش اقترح إنه ناسا تعمل مركبة ممكن تشيل الناس للفضاء وتصل القمر تاني

    الموضوع تعقيداته مش من ناسا، لأنه الموضوع متعلق بالميزانية
    وبوش قدم اقتراحه والخذل ناسا هم الكونغرس، لأنه الكونغرس ما إعتمد الميزانية

    الإقترحها بوش للمشروع، أو قول الإقتراح بتاعه.

    كينيدي في مشروع "أبوللو" قدم إقتراحه والكونغرس صدق كل المال اللازم في الوقت داك.

    في أمريكا المسؤول الأول والأخير عن أي مليم هو الكونغرس.

    كلامك كان حيكون صاح لو ناسا استلمت الأموال وما عملت المشروع

    وعلى العموم حتى عمك بوش كان اقتراحه إنه الرجوع للقمر
    يكون في 2020، لأنه كلامه دا قاله في 2004، يعنى لسه ناسا لو كانت استلمت القروش كلها
    فبرضه ما بيكون في أي خذلان لأنه لسه باقي ليها ستة سنين من اقتراح بوش الصغير.
                   |Articles |News |مقالات |بيانات

11-10-2014, 08:52 PM

محمد عبدالله مختار
<aمحمد عبدالله مختار
تاريخ التسجيل: 20-08-2009
مجموع المشاركات: 2586

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: الصادق اسماعيل)

    سلام .. وكل عام وأنتم بخير .. انشغلت جداً في الفترة الفاتت ، طلعت من موضوع ودخلت في موضوع تاني أكبر منو ، الله يهون
    يا حاتم لو تكرمت تجمع كل تساؤلاتك في مداخلة واحدة وبإذن الله أرد ليك عليها كلها بالترتيب وبالأدلة العلمية
    الآن عندي سؤال واحد وأتمنى ترد عليهو رد علمي .. جميل جداً إنك مهندس كمبيوتر وأنا مهندس كمبيوتر ، يعني تخصصنا واحد
    إنت بكل جرأة قلت إنو كمبيوتر ناسا العملوهو ناس الـMIT مجرد لعبة -على حد تعبيرك- طيب جميل في كم كمبيوتر ، انت بتتكلم عن ياتو فيهم بالتحديد؟ عشان النقاش ما يكون عايم وفضفاض
    نجي للغة البرمجية ، وده الجزء المفترض أبوالريش كان يرد ليك عليهو وانت افترضت انو انسحب ومنير بيعتبر انو هرب وأنا بقول انو ممكن يكون انشغل وانكم استعجلتو ساي
    على العموم انا بريحك من الموضوع ده نهائياً .
    أنا شايف الكود البرمجي الإنت جبتو بتاع assembly language وده موضوع مريح جداً معاي لأنو ببساطة خلاف اني درسة اللغة دي انا اشتغلت بيها في مشروع تصنيع PCI Card مع الـ++C ، واشتغلت على وجه التحديد لمدة عامين في PCI 32 bit 33MHz ولو عايز نتناقش في الكود لي السنة الجاية ان شاء الله أنا معاك ..
    الحاجة التانية أنا شايف الكمبيوتر بتاع الـLEM شغال بالـRTOS المشكلة وين في التكنيك ده ؟؟ نحنا فاهمين بعض كويس .. تعال جيب الكود الإنت شايف انو فيهو مشكلة ونتناقش فيهو

    أتمنى يكون النقاش جادي ومركز على نقاط محددة ..

    (عدل بواسطة محمد عبدالله مختار on 11-10-2014, 09:04 PM)

                   |Articles |News |مقالات |بيانات

11-10-2014, 10:35 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8485

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: محمد عبدالله مختار)

    هسه انا و تبارك كدافعي ضرائب ما عاوزين ناسا تستعمل اموالنا عشان تمشي القمرSmiley و في الوقت نفسو
    ما عندنا مشكلة انها تمشي المريخ..و في ناس كتااار موقفهم زينا او موقفنا زيهم.
    الموضوع معقد جدا لما المسألة تجي لتخصيص ميزانيات في امريكا زي ما شرح الصادق.
                   |Articles |News |مقالات |بيانات

11-10-2014, 10:16 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote:
    سلام .. وكل عام وأنتم بخير .. انشغلت جداً في الفترة الفاتت ، طلعت من موضوع ودخلت في موضوع تاني أكبر منو ، الله يهون

    إذن عد وربك معك
    إنا ههنا منتظرون
    welcome back anyway

    Quote:
    يا حاتم لو تكرمت تجمع كل تساؤلاتك في مداخلة واحدة وبإذن الله أرد ليك عليها كلها بالترتيب وبالأدلة العلمية

    الأسئلة كانت موجهة لأبو الريش لكن بإمكانك الرد عليها أو جزء منها، هي كلها في صفحة واحدة أعتقد الخامسة أو قبلها ومنظمة ومرتبة بالترقيم

    Quote:
    الآن عندي سؤال واحد وأتمنى ترد عليهو رد علمي .. جميل جداً إنك مهندس كمبيوتر وأنا مهندس كمبيوتر ، يعني تخصصنا واحد
    إنت بكل جرأة قلت إنو كمبيوتر ناسا العملوهو ناس الـMIT مجرد لعبة -على حد تعبيرك- طيب جميل في كم كمبيوتر ، انت بتتكلم عن ياتو فيهم بالتحديد؟ عشان النقاش ما يكون عايم وفضفاض

    أنا ما عندي غير الجرأة في الشأن العلمي وأي شأن آخر وصلت ليقين بخصوصه، هل لديك أسلوب آخر "غير جريء" للتعبير عن رأيك في مسألة علمية لا تقبل غير الخطأ أو الصواب؟
    الكمبيوتر المقصود هو كمبيوتر المركبة القمرية (Eagle)، هو مجرد لعبة بلمبات، يقوم ببعض الأشياء غير ذات العلاقة بتحديد مسار مركبة قمرية، ربما يكون (شغال تش) في الفيديو حسب وصفك لكن لوظيفة غير المخصصة له والتي تدعيها ناسا أو الإم آي تي.


    Quote:
    نجي للغة البرمجية ، وده الجزء المفترض أبوالريش كان يرد ليك عليهو وانت افترضت انو انسحب ومنير بيعتبر انو هرب وأنا بقول انو ممكن يكون انشغل وانكم استعجلتو ساي
    على العموم انا بريحك من الموضوع ده نهائياً .
    أنا شايف الكود البرمجي الإنت جبتو بتاع assembly language وده موضوع مريح جداً معاي لأنو ببساطة خلاف اني درسة اللغة دي انا اشتغلت بيها في مشروع تصنيع PCI Card مع الـ++C ، واشتغلت على وجه التحديد لمدة عامين في PCI 32 bit 33MHz ولو عايز نتناقش في الكود لي السنة الجاية ان شاء الله أنا معاك ..
    الحاجة التانية أنا شايف الكمبيوتر بتاع الـLEM شغال بالـRTOS المشكلة وين في التكنيك ده ؟؟ نحنا فاهمين بعض كويس .. تعال جيب الكود الإنت شايف انو فيهو مشكلة ونتناقش فيهو


    بل أنا شايف إنو هو الاستعجل بافتراض إني عديم معرفة بالمصطلحات العرضها هنا ولما شعر بأني بفهم فيها قرر إنو يكون مشغول، انت كمان قررت من البداية إنو (الله يهون)، حيهون يا أخوي لكن في غير مصلحتك بخصوص المسألة دي ما لم تقرر فجأة إنو (ما هوّن) وتغيب تاني.

    الموضوع مش موضوع انت درست شنو وعايز تثبت لي أنا الكم المعرفي المتوفر عندك، الموضوع هو نقد خطة عمل كمبيوتر المركبة القمرية، يعني لا أتوقع أنك تشرح لي كيف تعمل الدوائر الإلكترونية، غالباً سأزودك بمخطط وأدلك على الخطأ فيه، تجتهد أنت في إثبات أن ليس هناك خطأ بدون سرد لمشاريعك الأخرى، اعرف ما فيه الكفاية للخوض في مسألة الكمبيوتر اللعبة.

    في الحقيقة أنا ما طرحت موضوع اللغة إلا بناء على طلب أبو الريش، قرر يجربني في البرمجة وذكر إنه بناء على (الصورص كود) حيحدد الكمبيوتر كفؤ ولا لا حسب خبرته الشخصية (مسألة مستغربة عندي طبعاً) وعلى أي حال وفرت ليه كل طلباته، ولم أفترض وجود مشكلة في الكود بل طرحت عليه ما أراد الغوص فيه، المشكلة في تصميم الدوائر ابتداء وعليه وبالمنطق الرقمي لا يكون للكود مشكلة حتى إذا لم يؤدي الكمبيوتر المطلوب منه طالما تعمل الدوائر بالتصميم المفترض صحته. هذا سبب استغرابي لطلب أبو الريش.

    بالنسبة ل (RTOS) أنا لم استغرب هذا الاسكيم (scheme) (وليس تكنيك) في عمل الكمبيوتر على الإطلاق بل لا أعرف أنسب منه لمركبة قمرية أو سيارة أرضية أو حتى موتر.

    Quote:
    أتمنى يكون النقاش جادي ومركز على نقاط محددة ..

    النقاش جادي من قبل ما يجوني المدعين ديل كل واحد بيدعي معرفته بحاجة نكتشف إنو في الحقيقة ما سمع بيها ابتداء، أتمنى تكون قدر السيرة الذاتية الملخصة بتاعتك الفوق دي، عشان ما تكلفنا وقت إضافي، كفاية شهر ونص وكمان بتوقعك تبعد عن السخرية المرة دي لأنك بديت بيها تحت تشجيع الترول باعتباره (cheerleader) بلا خجلة، عشان احترمك على الأقل. أخيراً لا تفترض أبداً أي شيء قبل الرد أنا أعمل بحكمة (assumption is the mother of all fuckups) فإذا تأخرت في الرد عليك فلأن عندي مشاغلي الخاصة فلا تتوتر.

    ملحوظة: عندهم هنا حاجة اسمها الأرشفة أنا ما عندي فكرة حيحصل شنو للبوست دا وكيف نقله للربع الجديد والمسائل دي، ربما يتبرع شخص للشرح والتوضيح

    مرحب بيك
                   |Articles |News |مقالات |بيانات

11-10-2014, 11:01 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote:
    الموضوع تعقيداته مش من ناسا، لأنه الموضوع متعلق بالميزانية
    وبوش قدم اقتراحه والخذل ناسا هم الكونغرس، لأنه الكونغرس ما إعتمد الميزانية

    الإقترحها بوش للمشروع، أو قول الإقتراح بتاعه.

    كينيدي في مشروع "أبوللو" قدم إقتراحه والكونغرس صدق كل المال اللازم في الوقت داك.


    Quote:
    هسه انا و تبارك كدافعي ضرائب ما عاوزين ناسا تستعمل اموالنا عشان تمشي القمرSmiley و في الوقت نفسو
    ما عندنا مشكلة انها تمشي المريخ..و في ناس كتااار موقفهم زينا او موقفنا زيهم.
    الموضوع معقد جدا لما المسألة تجي لتخصيص ميزانيات في امريكا زي ما شرح الصادق.


    كلام الصادق ربع الحقيقة ومع ذلك خطأ، ربما يكون للكونغرس اعتراضه لكن ناسا ليست بحاجة لبناء صاروخ مثل ساتيرن، وما سلبته الولايات المتحدة من العراق ودول الخليج في فترة بوش الابن كفيل بإيصالها للمريخ إذا فكرت بذات عقلية أبولو لكن بتقنيات اليوم المعاصرة وأوجدت حل لمشاكل لا تزال "تندهش" من اكتشاف أنها لم تظنها بتلك الخطورة من قبل منذ "هبوطها" الأول، ناسا كذلك لم يكن مفترضاً فيها العمل منفردة في مثل مشروع (العودة للقمر) المقترح، هنالك أكثر من عشرة شركات تم الترخيص لها كان بإمكانها التعاون مع ناسا بدون أن تدفع لها دولار واحد، في هذه الشركات من جهزت مركبتها القمرية بالفعل.

    أنتم كدافعي ضرائب من المهاجرين يتوقع منكم بالضبط الوقوف مع ناسا فيما تقول، هذا يذكرني بالفلاشا من كل النواحي، يتمنى الفلسطيني الوقوع في يد اليهودي بدلاً عن فرد الفلاشا، على الأقل اليهودي ليس له مصلحة في تعذيب الفلسطيني فهو يضمن إقامته في أوروبا إذا تحررت فلسطين.

    هذا ليس رداً على كلام الصادق فيما يتعلق بالميزانية، بل فرصة أتيحت لي وسأحاول التوسع فيها مرة أخرى هي وموضوع حزام فان آلن.
                   |Articles |News |مقالات |بيانات

12-10-2014, 02:13 AM

محمد عبدالله مختار
<aمحمد عبدالله مختار
تاريخ التسجيل: 20-08-2009
مجموع المشاركات: 2586

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote: انت كمان قررت من البداية إنو (الله يهون)، حيهون يا أخوي لكن في غير مصلحتك بخصوص المسألة دي ما لم تقرر فجأة إنو (ما هوّن) وتغيب تاني.
    الله يهون -دعاء- يا حاتم ما -قرار- ، المشيئة عند الله عز وجل ممكن يشاء وممكن ما يشاء (وما تشاؤون الا ان يشاء الله) .. بعدين شنو حيقرر في غير مصلحتي انت جادي في الكلام ده؟ انت بتتأله على ربنا ولا فهمك شنو بالضبط؟

    Quote: الكمبيوتر المقصود هو كمبيوتر المركبة القمرية (Eagle)، هو مجرد لعبة بلمبات، يقوم ببعض الأشياء غير ذات العلاقة بتحديد مسار مركبة قمرية، ربما يكون (شغال تش) في الفيديو حسب وصفك لكن لوظيفة غير المخصصة له والتي تدعيها ناسا أو الإم آي تي.
    ما تتكلم ساي .. جيب الإثبات من موقع الـMIT أو ناسا إنو ده الكمبيوتر بتاع الـLEM وأثبت إنو لعبة ساي ، الإثبات ده من ناحية الهاردوير في الأول بعدين السوفت وير

    Quote: بالنسبة ل (RTOS) أنا لم استغرب هذا الاسكيم (scheme) (وليس تكنيك)
    التكنيك يا حاتم procedure to complete a task وده البيعملوهو رواد مركبات أبوللو ، أنا ما اتكلمت عن التكنولوجي

    Quote: أتمنى تكون قدر السيرة الذاتية الملخصة بتاعتك الفوق دي، عشان ما تكلفنا وقت إضافي، كفاية شهر ونص
    أنا قدر السيرة الذاتية بتاعتي بالتأكيد ، لكن للتوضيح أنا اتكلمت عن بروجكت محدد لأنك بتنتقد الناس البيتكلمو وما عندهم خلفية عن الموضوع ، بعدين لو انت زعلان على الشهر والنص الصرفتهم ديل اسقف على كده ، مافي زول جبرك تجي تفتح البوست ده اظنك كنت مفتكر انك لمن تجيب الموضوع ده حا نندهش ونقول ليك : أصلو ما ممكن وبعد داك نصفق ليك .. لا ياخوي ، أولا موضوع الهوكس ده قديم جدا ، ثانياً لو زمنك ضيق الله يسهل عليك لمن تفضى نحنا قاعدين ، حتى او انشغلنا بنرجع ليك بإذن الله
                   |Articles |News |مقالات |بيانات

12-10-2014, 03:01 AM

محمد عبدالله مختار
<aمحمد عبدالله مختار
تاريخ التسجيل: 20-08-2009
مجموع المشاركات: 2586

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: محمد عبدالله مختار)

    طيب يا حاتم ، بما إنك رفضت تجمع كل أسئلتك في مداخلة واحدة فأنا حأرجع ليك من أول مشاركة ليك في البوست ده .. بسم الله نبدأ

    في مشاركتك الأولى قلت النص الآتي :
    Quote: ولكن ما لا يدركه البعض أنها تؤكد إرسال 24 رائد فضائي آخرين إلى القمر في رحلات أبولو الستة التالية بدءاً من أبولو 12 وحتى أبولو 17
    عارف يا حاتم أنا زاتي من البعض ديل وأول مرة في حياتي أسمع بالحدوتة دي
    حسب كلامك الفوق ده عدد الرواد اللي تم إرسالهم الى القمر بعد أبوللو 11 هم 24 رائد فضاء .. إبتداء من أبوللو 12 لغاية 17 ، مش ده كلامك يا حاتم؟
    الرحلة بيسافروا فيها 3 رواد فضاء (إلا لو عندك راي تاني) .. من 12 لي 17 تبقى 6 رحلات في 3 رواد يبقوا 18 رائد فضاء
    السؤال الآن يا حاتم : انت قلت 24 رائد فضاء ممكن تورينا الستة الزايدين ديل جبتهم من وين؟
    ما تتضايق شديد كان غلبك عديل دخل ناس أبوللو 11 زاتهم معاهم (هواده ساي) برضو في باقي .. أها ورينا الباقين ديل جبتهم من وين ؟؟
                   |Articles |News |مقالات |بيانات

12-10-2014, 03:26 AM

محمد عبدالله مختار
<aمحمد عبدالله مختار
تاريخ التسجيل: 20-08-2009
مجموع المشاركات: 2586

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: محمد عبدالله مختار)

    في مشاركتك التانية في البوست ذكرت التالي :
    Quote: اسم مشترك لمجموعة من الصواريخ بذات التصميم الأساسي مع اختلاف المهمة وعددها الإجمال 13 صاروخ يتم تجهيزها لمهام مختلفة آخرها حمل المعمل الفضائي سكايلاب يوم 14-5-1973
    جميل جداً .. حسب كلامك الـساترن 5 كانوا 13 صاروخ وآخر واحد فيهم هو الوصل المحطة الفضائية Sky Lab للمدار ، طيب تعال نحسب
    أول ساترن 5 كان للرحلة أبوللو 8 ، الكوماندر كان فرانك بورمان وآخر رحلة للقمر كانت أبوللو 17 بقيادة جين سيرنان ، ديل 10 رحلات (إلا لو انت عندك راي تاني) ..
    الشئ البنعرفو اسكاي لاب 1 -المحطة الفضائية بتاعة الإختبارات- كانت رحلة غير مأهولة لتوصيل المحطة للمدار ، البعثة الأولى لرواد الفضاء مشت المحطة بالـSaturn IB وليس الـSaturn V بعديها بي كم يوم وكان فيها العالم الفيزيائي المعروف جوزيف كوروين .. اسكاي لاب 1 كانت آخر رحلة للـSaturn V ، كده 11 صاروخ ، ممكن تتفضل حضرتك تورينا الصاروخين الزيادة ديل جبتهم من وين ؟؟
                   |Articles |News |مقالات |بيانات

12-10-2014, 03:37 AM

محمد عبدالله مختار
<aمحمد عبدالله مختار
تاريخ التسجيل: 20-08-2009
مجموع المشاركات: 2586

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: محمد عبدالله مختار)

    Quote: بذات التصميم الأساسي مع اختلاف المهمة
    صواريخ ساتيرن 5 الأنجزت المهمات كانت 11 ، أما لو قصدك إضافة الصواريخ التجريبية فده موضوع تاني
                   |Articles |News |مقالات |بيانات

12-10-2014, 08:22 AM

محمد عبدالله مختار
<aمحمد عبدالله مختار
تاريخ التسجيل: 20-08-2009
مجموع المشاركات: 2586

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: محمد عبدالله مختار)

    Quote: وهو أمريكي، وكتابه عن كذبة ناسا كان في العام 1972 وفند فيه أن فرصة النجاح في الهبوط بمحرك صاروخي حوالي 0.0017 وهذا الرقم بالتأكيد هو ما كان يقرأه في الوثائق الفنية التي مرت عليه
    طيب نجي لي مسألة الهبوط بمحرك صاروحي ودي حنقسمها لي جزئين .. الجزء الأول المرجعية والجزء الثاني حنتكلم عن المسألة من ناحية علمية.. زي ما واضح من الإقتباس أعلاه الشخص البيقول انو المسألة دي مستحيلة هو بيل كيسنج وقلنا مليون مرة الزول ده كذاااااااب وجااااااااااهل في الـAstronomy ، كذاب لأنو قال الكلام ده موجود في الوثائق الكانت بتمر عليهو وهو لا يمتلك نسخة من وثيقة واحدة ، جاهل لأسباب كتيرة على سبيل المثال بيقول انو مافي نجوم ظاهرة في الفضاء معناتا الشغل في استديو
    المرجعية في الموضوع ده لمن تكون لي زول جاهل وكذاب تبقا مشكلة كبيرة ، طبعاً عندو مؤلفات كسب من وراها قروش صاح :)
    الزول العجيب ده قال ناسا هي الإفتعلت حادثة أبوللو 1 تخيلو يا جماعة رواد فضاء زي قاس قريسم وايد وايت ليهم صولات وجولات في تاريخ الفضاء الأمريكي تكتلهم ناسا !! لا والأعجب قال ماكوك الفضاء تشالنجر الإتفجر سنة 1986 برضو فجروهو ناس ناسا عشان موضوع القمر ما ينكشف ..
    دي السيرة الذاتية بتاعة المخلوق العجيب ده :
    en.wikipedia.org/wiki/Bill_Kaysing

    (عدل بواسطة محمد عبدالله مختار on 12-10-2014, 09:09 AM)

                   |Articles |News |مقالات |بيانات

12-10-2014, 09:21 AM

محمد الأمين موسى
<aمحمد الأمين موسى
تاريخ التسجيل: 30-10-2005
مجموع المشاركات: 3648

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: محمد عبدالله مختار)

    مرحبا بعودتك أخي محمد عبدالله مختار... وكدة نقول حديد لاقى حديد ونحنا حنستفيد!
                   |Articles |News |مقالات |بيانات

12-10-2014, 10:09 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    طيب يا أخونا محمد عبد الله
    عندي ملاحظتين ونصيحة

    الأولى---------------------
    Quote:
    مافي زول جبرك تجي تفتح البوست ده اظنك كنت مفتكر انك لمن تجيب الموضوع ده حا نندهش ونقول ليك : أصلو ما ممكن وبعد داك نصفق ليك .. لا ياخوي ، أولا موضوع الهوكس ده قديم جدا ، ثانياً لو زمنك ضيق الله يسهل عليك لمن تفضى نحنا قاعدين ، حتى او انشغلنا بنرجع ليك بإذن الله


    أظني طلبت منك عدم افتراض أي شيء مقدماً، البوست مفتوح وأنا القاعد هنا للرد، بس لما تجي ومعاك عذر مبدئي فده معناه جاي تكرر محاولة وأنا فعلاً ضيعت شهر ونص والملخص بتاعها عندك في صفحة 14.


    التانية------------------
    Quote:
    طيب يا حاتم ، بما إنك رفضت تجمع كل أسئلتك في مداخلة واحدة فأنا حأرجع ليك من أول مشاركة ليك في البوست ده .. بسم الله نبدأ
    +++
    أول ساترن 5 كان للرحلة أبوللو 8 ، الكوماندر كان فرانك بورمان وآخر رحلة للقمر كانت أبوللو 17 بقيادة جين سيرنان ، ديل 10 رحلات (إلا لو انت عندك راي تاني) ..
    الشئ البنعرفو اسكاي لاب 1 -المحطة الفضائية بتاعة الإختبارات- كانت رحلة غير مأهولة لتوصيل المحطة للمدار ، البعثة الأولى لرواد الفضاء مشت المحطة بالـSaturn IB وليس الـSaturn V بعديها بي كم يوم وكان فيها العالم الفيزيائي المعروف جوزيف كوروين


    Quote:
    أنا حأنزل أوضح شرح لقيته في الإنترنيت عن الموضوع دا
    وخلينا نبدأ من جديد ونقود نقاش موضوعي


    الاقتباس التاني الفوق مباشرة دا لواحد هنا اسمو الصادق، برضو بيطلب نبدأ معاهو من جديد لأنو يا دوب فهم موضوع حزام فان آلن بطريقة أفضل، الوضع الطبيعي إنك طالما فرغت نفسك للإطلاع في الفترة السابقة ورصدت كمية من الأخطأء المفترضة فمن غير المنطقي نبدأ معاك جولة جديدة من أول صفحة
    اكتب كل ملاحظاتك والأخطاء المفترضة في مداخلة واحدة كبيرة وحارد عليها وما تفترض إنك جيت بجديد عشان أتفرغ ليك مداخلة بمداخلة، أظن كدة كويس معاك عشان ذاتك تركز وتعرف بتكتب في شنو، حتى أرقامك الأخيرة دي واضح إنك راجعتها على عجل وأنا بديك فرصة تصححها وتضمها مع كل ملاحظاتك الكتيرة التانية في مداخلة واحدة كبيرة عشان انت كمان (الله يهون ليك) وما نضيع زمن الناس هنا في (ما يطلبه المتداخلون).

    وأول ما تصل لموضوع الكمبيوتر حأبدا اتداخل معاك أونلاين، على فكرة الأسئلة بتاعة أبو الريش في صفحة 4 ما خمسة، نأسف.
    الشي التاني هنا يا ريت تبعد عن السرد لحقائق أنا عارفها ومتوفرة للناس عشان ما نكرر، لو انت أشرت لنقطة العدد فهي واضحة بالنسبة لي.


    النصيحة-----------------
    Quote:
    بعدين شنو حيقرر في غير مصلحتي انت جادي في الكلام ده؟ انت بتتأله على ربنا ولا فهمك شنو بالضبط؟

    عارف يا حاتم أنا زاتي من البعض ديل وأول مرة في حياتي أسمع بالحدوتة دي


    أيوة أنا جادي في الكلام ده
    أبعد عن السخرية وبدون تعمد إساءة فهم المكتوب، لست إله لكن المقصود دعائي لك بالتوفيق إن كنت نويت الاستقرار معنا هذه المرة وهذا ما لا يتضح من سطرك الأول
    فأنت تعدنا بغياب أطول هذه المرة، ومن ملاحظتي لنقاطك وملاحظاتك هذه المرة أعرف أن الأمر لن يكون هيناً أيضاً، هذا هو المقصود بجملة (حيقرر في غير مصلحتك)
    في الأمر الذي جهزت نفسك له هذه المرة.

    عموما
    Buona Fortuna
                   |Articles |News |مقالات |بيانات

12-10-2014, 05:02 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    بالأول:
    Quote: الكمبيوتر المقصود هو كمبيوتر المركبة القمرية (Eagle)، هو مجرد لعبة بلمبات، يقوم ببعض الأشياء غير ذات العلاقة بتحديد مسار مركبة قمرية

    بعدين:
    Quote: بالنسبة ل (RTOS) أنا لم استغرب هذا الاسكيم (scheme) (وليس تكنيك) في عمل الكمبيوتر على الإطلاق بل لا أعرف أنسب منه لمركبة قمرية أو سيارة أرضية أو حتى موتر.

    طيب الكمبيوتر ما عندو علاقة بتحديد المسار ... ولا تعرف أنسب منه لمركبة قمرية ...

    أها ... بالأول "تحديد المسار" دا ... عمك "أبرخش" - الله يرحمو - اخترع ليهو الداهية دي سنة 120 قبل الميلاد ... ولى الليلة حارقة تش:



    يعني موضوع "تحديد المسار" دا لا يتجاوز مجموعة أرقام للمسافة والزمن والسرعة وزاوية الإنحراف ...

    إنت من وين حددت انو كمبيوتر مشحون بالأرقام دي ... إنو ما عندو علاقة بى "تحديد المسار"؟

    يعني داير تقنع فاسكو دي جاما ... إنو النصيبة الإخترعها ابن الهيثم دي ... لعبة ساكت وما عندها علاقة بى "تحديد المسار" مثلاً؟





    ياخي ارحم نفسك ... واحترم تراكم العلم البشري ... الوصّل الإنسان لسطح القمر ...







    ... المهم ....
                   |Articles |News |مقالات |بيانات

12-10-2014, 07:40 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote:
    ياخي ارحم نفسك ... واحترم تراكم العلم البشري ... الوصّل الإنسان لسطح القمر ...


    أوو عمنا ترول
    سبحان من يحيي العظام وهي رميم هههه

    كدي قبال ما نسألك من الريال الجبتو دا ورينا (الرد الموثق) من بيكي الوصلك قال شنو؟
    عشان نحترمك كمان برضو
    بما تيسر
                   |Articles |News |مقالات |بيانات

12-10-2014, 08:52 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote: كدي قبال ما نسألك من الريال الجبتو دا ورينا (الرد الموثق) من بيكي الوصلك قال شنو؟
    عشان نحترمك كمان برضو

    قالت انو مفروض قطر العدسة بتاعة التليسكوب يكون 200 متر من الكريستال الصافي عشان نشوف الحاجات دي من الأرض ...

    الحل الوحيد انو الباشمهندس حاتم ابراهيم يمشي القمر بالفلكسواجن بتاعتو

    بيكي شنو البراسلها انا ودالشريف دا في موضوع مخستك

    دي أحسن صورة لى مواقع الهبوط ممكن تاخدها بى تليسكوب من الأرض ..



    إنت مش اديناك موقع لهواة تصوير القمر بالتليسكوب؟ ... لقيت شنو يا الناجح؟

    بعدين ما تزوغ ... ورينا رايك في الريـال دا ... وورينا عيوب كمبيوتر ابولو البيحميهو يشتغل ويبقيهو لعبة ساي ...

    مش كلّما تتزنق تغيّر الموضوع ... دي اسمها فنجطة ... (في حالتك ممكن نعتبرها "فنجطة علمية")




    ... المهم ....
                   |Articles |News |مقالات |بيانات

12-10-2014, 09:20 PM

محمد عبدالله مختار
<aمحمد عبدالله مختار
تاريخ التسجيل: 20-08-2009
مجموع المشاركات: 2586

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)

    د. محمد الأمين موسى .. كيف حالك وأخبارك ، فترة طويلة ما اتداخلنا مع بعض .. ان شاء الله انتو طيبين

    تحياتي
                   |Articles |News |مقالات |بيانات

12-10-2014, 09:52 PM

محمد عبدالله مختار
<aمحمد عبدالله مختار
تاريخ التسجيل: 20-08-2009
مجموع المشاركات: 2586

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: محمد عبدالله مختار)

    تحياتي يا باشمهندس حاتم وإن شاء الله إنت طيب ..
    بداية مافي شئ شخصي ومن قلبي والله مافي شئ تجاهك رغم نبرة التعالي الواضحة في البوست بتاعك ده ، وربنا يعدلها عليك محل ما تقبل

    Quote: أظني طلبت منك عدم افتراض أي شيء مقدماً
    مافي مانع لكن ما ممكن تطلب من الناس كده وتجي انت زاتك تناقض نفسك .. وأديك تموذج واحد فقط :
    انت قلت بالنص :
    Quote: الوضع الطبيعي إنك طالما فرغت نفسك للإطلاع في الفترة السابقة ورصدت كمية من الأخطأء المفترضة فمن غير المنطقي نبدأ معاك جولة جديدة من أول صفحة
    طيب يا حاتم ، إنت هنا بتفترض انو أنا اتفرغت في الفترة الفاتت للإطلاع على الموضوع ده ، للأسف أنا مضطر هنا (للتوضيح ما أكتر) إني أوريك اني مشغول جداً وما فاضي عشان أمشي أطلع على معلومات أنا عارفها من سنوات ، بإختصار يا حاتم لمن قلت ليك أنا طلعت من موضوع ودخلت في موضوع أكبر منو فببساطة لأني استقبلت إيميل من الجهة المنظمة لجائزة الإمارات للطائرات بدون طيار لخدمة الإنسان Drones for Good أخطرونا في الإيميل بتأهلنا للمرحلة القبل النهائية Semi Finalists وبالتالي دخلنا في مرحلة تانية من تصنيع طائرة بدون طيار مختلفة تماماً من النفذناها المرة الفاتت ومعدات يتم تحميلها على الطائرة لغرض المرحلة Smart Payload ومحكومين بالتسليم يوم 1 ديسمبر ، ده الموقع الإلكتروني واترقب خلال يوم أو يومين إعلان الجهات المتأهلة للجائزة العالمية ، حتلقى في شركة سودانية إسمها Massive Dynamics ، ده موقعهم الإلكتروني : dronesforgood.ae

    الحاجة التانية انا شغال في مشروع من قبل سنة تقريباً لعمل خارطة إشعاعية Radiation Map للسودان بالتعاون مع منظمة يابانية إسمها Safecast ومعاي متطوعين بنجمع الأجهزة وبنعمل ليها الكونفقريشن وبنشتغل وبنرفع الداتا في السيرفر ، ده موقع المنظمة : safecast.org ، وده نموذج لي أكتر من 2600 نقطة بيانات إشعاعية قمنا بتنفيذها في إحدى الرحلات : api.safecast.org/en-US/bgeigie_imports/13700 وعلى فكرة درست كورسات متخصصة في الإشعاعات وجاييك برواقة بإذن الله.

    الكلام ده كلو ليه ؟؟ لأنك بتفترض اني زول فاضي أقعد أباري البوست ده وقاعد أتعلم في الحاجات دي منك .. لي علمك يا حاتم من حادثة تشالنجر عام 1986 وأنا لصيق جدا بموضوع الفضاء .. أتمنى دي تكون آخر مرة تفترض فيها إنك (الوحيد) العارف الحاجات دي وإنك جايي تنقذنا من خلعتنا في ناسا وإننا فاضين وما عندنا موضوع نعملو .

    السادة ضيوف البوست متأسف جداً لكن الزول ده إضطراني أتكلم ووصلني المرحلة دي ..
                   |Articles |News |مقالات |بيانات

12-10-2014, 10:15 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: محمد عبدالله مختار)

    أها ... كدا كويس؟







    ... المهم ...
                   |Articles |News |مقالات |بيانات

12-10-2014, 10:29 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)

    طبعًا بالمناسبة بيكي بتكون اتعاملت مع إيميلك على اساس انو جاييها من واحد من تلاميذ الابتدائي ...

    بيهتموا هنا جدًا بالرد على تلاميذ الابتدائي زي ما بتكون لاحظت ...







    ... المهم ....
                   |Articles |News |مقالات |بيانات

13-10-2014, 01:57 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote:
    قالت انو مفروض قطر العدسة بتاعة التليسكوب يكون 200 متر من الكريستال الصافي عشان نشوف الحاجات دي من الأرض ...
    +++
    بعدين ما تزوغ ... ورينا رايك في الريـال دا ... وورينا عيوب كمبيوتر ابولو البيحميهو يشتغل ويبقيهو لعبة ساي ...


    والله ما أتخيلت لسة يكون عندك دم تلاطع
    يعني تلسكوبك أبو 200 دولار الكتبت عنه قصيدة عصماء داك ما بينفع؟
    اتمنى تكون اتعلمت حاجة ليك ولزمانك

    طيب
    عادة الزول لما بيرمي حاجة حاجة بيجيب السبب، هسع انت عايز تقول شنو عن الحديدة بتاعتك دي؟
    وعلاقتها شنو بالكمبيوتر؟
    ثقف نفسك

    Quote:
    أها ... كدا كويس؟


    بعدين شفت جملك جاء طوالي زحفت بركابينك لصقت فيهو
    بعد دا حنسمع كلامك بصيغة (نحن)
    مشينا نجيب عيش
    من القضارف
                   |Articles |News |مقالات |بيانات

13-10-2014, 02:01 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote: اتمنى تكون اتعلمت حاجة ليك ولزمانك

    ممكن توضيح لو سمحت؟







    ... المهم ....
                   |Articles |News |مقالات |بيانات

13-10-2014, 02:21 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote:
    بداية مافي شئ شخصي ومن قلبي والله مافي شئ تجاهك رغم نبرة التعالي الواضحة في البوست بتاعك ده


    وأنا أساساً ما عندي مشكلة مع زول هنا
    فتحت بوست جوني جماعة استخفوا بي
    وريتهم مهاراتي التانية
    ولا فخر

    حبيت تمشي في طريقهم، مرحب بيك وسردب
    انتهى


    Quote:
    السادة ضيوف البوست متأسف جداً لكن الزول ده إضطراني أتكلم ووصلني المرحلة دي ..


    يا أخوي عادي أصلك فرحان بيها ولقيت الفرصة، مبروك
    ملخصات سير ذاتية كتيرة اتقدمت لي هنا على سبيل (أعمل حسابك)
    أهو عندك دا واحد اسمو ابو الريش عمل نموذج بشبه بتاعك القدمتو

    Quote:
    أنا ما محتاج إتنافس معاك.. والبيعرفنى يعرف انى صممت مايكروبوسسور وشغلته
    عام 1984
    from discrete and VLSI chips and other off-the-shelf components


    أنا في الحقيقة ما افترضت، لما يجيك واحد بعد غياب شهر، ويقول ليك نبدأ باسم الله من أول مداخلة في البوست من جديد ما عندها غير معنى واحد
    وتاني اتفضل، أنا بوضوح وجهتك للطريقة المثلى عشان ما تضيع زمنك وزمنا، احصر كل ملاحظاتك في مداخلة واحدة كبيرة،
    انت مشغول بطائرات اللعب وأنا كمان عندي شغل من نوع آخر لكن بفرغ نفسي ساعتين تلاتة للرد، دا واجب.

    Quote:
    أتمنى يكون النقاش جادي ومركز على نقاط محددة ..


    الشي التاني، واضح إنك في بداية حياتك المهنية، انت هنا في بوست تبعي يعني ردودك موجهة لي أنا حتى لو عنونتها "للضيوف"، عايز تشرح انجازاتك الأخيرة
    افتح بوست واتكلم فيهو عن أي طيارة عملتها ولا اشتريتها، موضوعنا هنا واضح، أما إذا حبيت تربط بين الدرون والأشعة ومشروع أبولو على سبيل (أنا جاهز ليك)
    فأنا آسف، ياخ دي ما ليها علاقة بعنوان البوست، خلصوا شغلكم، استلموا جائزتكم وتعال أنا قاعد،
    عايز "يكون النقاش جادي ومركز على نقاط محددة" ابدأ بنفسك.
    فضي نفسك وتعال

    أما شغل أنا سويت وناس شركة فلان طالبيني بالاسم وأنا ضربوا لي فدي خصوصياتك
    أنا غير حريص على الإطلاع عليها
    ولا أظن "الضيوف"


    أعتقد واضح
                   |Articles |News |مقالات |بيانات

13-10-2014, 02:29 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    دايرينك تورينا انت سميت الكمبيوترات "لعبة" وعندها علاقة بتحديد المسار ومجرد لمبات على أي اساس ...

    عندك الاكيتكشر والسكيم والصورص كود ... وأي إضافة من عندك ...

    عشان اعرف انا بتناقش معاك عن شنو ...








    ... المهم ....
                   |Articles |News |مقالات |بيانات

13-10-2014, 02:24 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1733

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    Quote:
    طبعًا بالمناسبة بيكي بتكون اتعاملت مع إيميلك على اساس انو جاييها من واحد من تلاميذ الابتدائي


    بالتأكيد، فأنا شرحت ليها حالتك
    ومستوى فهمك
                   |Articles |News |مقالات |بيانات

13-10-2014, 02:52 PM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 5078

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: حاتم إبراهيم)

    الأعزاء حاتم ومحمد عبد الله مختار!
    السلام عليكم!
    ورجاءً ابتداءً من هذه اللحظة افتحوا صفحة جديدة،
    لا في العلاقة بينكما فقط،
    ولكن في مسار هذا البوست!
    نحن (وأعتذر لمن أدرجتهم قسراً تحت هذه الدائرة)
    نحن نثق في أنّ كلاكما متخصص في هذا المجال!
    فرجاءً تجاوزوا هذه السّلبيّة،
    وانطلقوا في مسار إيجابي مفيد للحوار،
    وبالتأكيد سيستفيد كلٌّ منكما من الآخر!
    كما سوف نستفيد نحن!
    فرجاءً أوقفوا التراشق بالحجارة (الإسفيرية)!
    واهتموا بمسار الحوار ومضمونه!
    ولا تخرجوا عن دائرته!
    رجاءً!
    على الأقل احتراماً لكثيرٍ ممّن يهمُّهم
    متابعة حوار علمي وموضوعي!
                   |Articles |News |مقالات |بيانات

13-10-2014, 03:55 PM

محمد عبدالله مختار
<aمحمد عبدالله مختار
تاريخ التسجيل: 20-08-2009
مجموع المشاركات: 2586

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: صلاح عباس فقير)

    هسي خلي اللولوة البتعمل فيها دي وجاوب هنا :
    Quote: حسب كلامك الفوق ده عدد الرواد اللي تم إرسالهم الى القمر بعد أبوللو 11 هم 24 رائد فضاء .. إبتداء من أبوللو 12 لغاية 17 ، مش ده كلامك يا حاتم؟
    الرحلة بيسافروا فيها 3 رواد فضاء (إلا لو عندك راي تاني) .. من 12 لي 17 تبقى 6 رحلات في 3 رواد يبقوا 18 رائد فضاء
    السؤال الآن يا حاتم : انت قلت 24 رائد فضاء ممكن تورينا الستة الزايدين ديل جبتهم من وين؟
    ما تتضايق شديد كان غلبك عديل دخل ناس أبوللو 11 زاتهم معاهم (هواده ساي) برضو في باقي .. أها ورينا الباقين ديل جبتهم من وين ؟؟
    رسل لي ماسنجر وقول انك نقلت الكلام ده بي ضبانتو وما كنت عارفو صاح ولا غلط .. بعفيك لوجه الله
                   |Articles |News |مقالات |بيانات

13-10-2014, 04:01 PM

محمد عبدالله مختار
<aمحمد عبدالله مختار
تاريخ التسجيل: 20-08-2009
مجموع المشاركات: 2586

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: محمد عبدالله مختار)

    تحياتي أستاذ صلاح عباس فقير ، كلامك والله على العين والراس ، ارجع لي مداخلاتي من بداية البوست لو لقيت فيها حاجة ما تمام قول لي ، الزول ده فاكيها في روحو شديد واتجاوز حدودو كذا مرة ومشيتها ليهو لكن زودها شديد عشان كده لازم نديهو من نفس الجرعات الظريفة دي.
                   |Articles |News |مقالات |بيانات

13-10-2014, 04:09 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: صلاح عباس فقير)

    العلم والموضوعية عندهم مقاييس يا صلاح ...

    والعلم والموضوعية هي ما نطالب من صاحب البوست ... إذ لا يمكن الركون للكلام الفارغ ...

    وهو يعتبر هذا الرأي وهذه المطالبة استخفاف به شخصيًا وليست استخفاف بالكلام الفارغ الذي ينقله من الترجمات الركيكة للهوكس الركيك في أصله ...

    نتغالت تلاتة صفحات في precursor ياخي؟ معقولة؟

    نجيب روابط لكل ما يفي بتغطية الموضوع من الصفحات الأولى ... ونجي لغاية صفحة 16 نشرح الجبناهو زماااااان داك؟ معقولة؟

    هذه الطريقة غير العلمية وغير الموضوعية التي يمارسها حاتم ابراهيم (صرف لينا كلنا ألقاب ولا زال يحتفظ باسمه وباحترامنا له) هي العقبة الأساسية التي تسببت في تطويل البوست في جوانب لا طائل لها ... إنسان لا يعترف بالأدلة العلمية الـ empirical لهبوط ابولو 11 على سطح القمر ... ويعتبر تصوير 2013 جزء من مؤامرة 1968 دا يتفاهموا معاهو كيف؟

    كيف يطلق دعاوي بأن الوصول للقمر خدعة ... ثم يرفض أن يدعم دعاواه ببرهان علمي؟

    بما أنه يتعامل مع الموضوع تعامل جنائي ويريد برهان "مادي" فقط ... قلنا له أن الحل الوحيد هو أن يذهب زاعمي الهوكس للقمر (بما أن روسيا والصين واليابان والهند وإنتلسات صاروا أطراف في "المؤامرة" العجيبة) ويتأكدوا بأنفسهم إن كانت ناسا صادقة أم خادعة ...

    هذا حوار مع "الجهل" شخصيًا ... متمثل في شخصية الزميل الموقر ...

    مع احترامنا للزميل حاتم ... لاكين الجهل حا يظل ما محترم ..




    ... المهم ....
                   |Articles |News |مقالات |بيانات

13-10-2014, 05:07 PM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 5078

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: تبارك شيخ الدين جبريل)

    على أيّ حال من المؤكد:
    أنّ هذه التراشقات السلبية،
    خصم على صاحبها،
    وبالتأكيد تُقلّل من انتباهه
    لسياق الموضوع الفعلي!
    وفيها دلالة على وجود خللٍ
    ما في شخصيته العلمية!

    وهل تخلو شخصية من خلل،
    فالمقصود هو التنبيه لهذا الخلل الواضح!

    وقديماً قال الإمام الشافعي:
    شكوتُ إلى وكيعٍ سوء حفظي * فأرشدني إلى ترك المعاصي
    وأخبرني بأنّ العلم نورٌ * ونور الله لا يُهدى (لعاصي)

    ومن المعلوم أنه يوجد شيء مقرر في مسيرة العلم التجريبي،
    اسمه أخلاقيات العلم أو شيء من هذا القبيل!

    على ما أعتقد هذه نقطة نظام مهمة جداً!
    فدعونا نترفّع عن السَّفاسف!
                   |Articles |News |مقالات |بيانات

13-10-2014, 06:12 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: خبايا مشروع أبولو وخدعة الوصول للقمر (Re: صلاح عباس فقير)

    إذا تمكنت من إقناع حاتم ابراهيم أن يلتزم بمعيار علمي في طرحه ..

    تكون عملت خير فينا وفي السادة قراء المنبر ...






    ... المهم ....
                   |Articles |News |مقالات |بيانات


[رد على الموضوع] صفحة 7 „‰ 13:   <<  1 2 3 4 5 6 7 8 9 10 11 12 13  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de