ود شيقوق وودالبوش وود المنسي هام

Quote: قصة الدكتور عوض ما سمعناه ا لكن سمعنا انه كان طبيب اسنان مشهور وكان يهتم بالنظافة وان عيادته كانت عبارة عن تحفة من المناظر الخلابة (المصدر:ال م س ن و ح ة بسمات :نم ت وهي تقلب في الكتب ل وصحيت وهي ايضا بتقلب في الكتب لغاية ما ساقها بقى زي سيد. ال ز لا ل ي) كده قول لينا قصته والله يديك العافية

Quote: قالو البسمة للتانين ودمعك ليك وبيك وناس وعرق الطيبة عند اهل الحنين دساس ........................ والله القدال ده فعلا كان شاعر صحي صحي .. بالله اتمعنوا في بيت الشعر ده .. ممكن يتعمل منه مقال ومقال .. لوحة شعرية بديعة تعكس الخصال السمحة والطيبة دامئا بجاورها الحنين... وانا راجعة اربط الطيبة والحنين مع قصيدة رشا الشاعرة الأديبة القريتها امبارح بالليل وما قدرت اعلق عشان الجهاز قرب يلحق جهاز ود ابوسن وعصلج فجأة وحرن

Quote: كرفة وقلدة كيف شوف اللبن رجنّي حزنا جاني في ميع الصبا يلجني اطلع مني يا جلدي المنمل جني واطلع مني يا حزنًا بقى مكجني

Quote: تعرف يا ودالمنسي مش ربني بل لجني فالطفل حين ولادته يلجنه امهاته بفرك لثته ب مصبعنه . وغالبا ما يكون بقطعة بلحة

Quote: اي بالحبل واللجة سنة من سنن الرسول صلى الله عليه وسلم أمرنا عند أستقبال مولود أن نآذن في أذنة بصوت خافض يحنك .. اي يلج لثاته بالأصبع السبابة او الابهام وعاد كما قلت تكون ببلحة يمضعغها الوالد او الوالد ويدعك بها لثة الطفل بحنية ( ما توتبو لما يصرخ ) ههههههههههههههه تسلم

(عدل بواسطة عبيد الطيب on 08-24-2014, 05:43 PM)

Quote: وكت قت لكم راشوني وده رقمي غلبكم المعني مالكم ومراشاتي كانت رساله ماهي شيتن بفتحولو الجوزلان

Quote: عندنا جدنا حنَّك ود ولدو بي تمرة وقال: شبَّاط ؤلبَّاط سوطو في اللَّباط ..... قرنونحَّاط ... لي العدو ضرّاط.... بشدو بلا سرج إن إتقدم في شاربو.. وإن إتوخَّر في غاربو .... بِرَاشِي المسكين وبرقع المقدود بدفع المنيحة وبقول النصحية اها دي التحنيك السمح.......!

Quote: تعرف يا ودالمنسي مش ربني بل لجني فالطفل حين ولادته يلجنه امهاته بفرك لثته ب مصبعنه . وغالبا ما يكون بقطعة بلحة

Quote: رسايلك يا الحبيب عندي مطر ضحوي في زول بياباها

Quote: كيييف يا العبيد اخوي كدى اسمع قصة خالك مصطفى دي قالوا عندو تلاتة اولاد صبيان - رسل اي واحد فيهم عشان يزرع في ناصية من نواصي السودان وقتين الدرتية جات التلاتة اولاد بسلامتهم جوهو راجعين اصلا ما سال منو المسّر فيهم فقط تقدم ليهم بالاسئلة الاتية : سأل الاول اها يا ولدى مطركم جنسو شنو ؟ الولد قال ليهو كلو ضحوي - ابوهو قال ليهو انت يا ولدى بورت طاب ما جبت الحبة سأل التاني قال ليهو وانت؟ قال ليهو مطرنا كلووو ضهري( بضم الضاد) - ابوهو قال ليهو انت صفقت طااااااب لانو الضهري بحرق الخضار والتالت قال ليهو انا يا ابوي مطري كلو سواري ليلية - ابوهو قال ليهو هييييييييييييييييع انت المسرت يا ولدي وفي النهاية استنتاج خالك مصطفى طلع كلو صاح يا اخونا الحياة دى مدرسة - والله كان جابو بروف في الزراعة ما بفهم كدا هسه كان جابوا طبيب بيطري وقالوا ليهو الناقة دي مالها مديه ضهرها لرفيقاتها وبتعاين في اتجاه معاكس لاتجاه الابل بقدر يديك عنها نتيجة ؟

Quote: يا سلااااام ونعم الخال خالك الطيب أخوي دي نفر البشوم البروق وبعرفوا مناهلها ودي نفر البعرف اي زول ودمنو وأبوه منو من صوتو اي والله ، شفت كيف زمنهم زاتو ممهول وخير دافق الضحوي مابخلي الزول بحِش زرعو .....! لكن عند ناس البادية بسقي الأرض وبعدين الناس فوقوا برتاحو هو بقيف وبقوموا ينفضوا الكُجر، شوف الكُجر هني: السُّحب الدَّفر بقي مِزني والهوا لافُّو إيدك يا أب ضُلف بسوِّي لمّيع رافُّ علي الرمَّة الكُجر من المِطلِّق نافُّو ابقي عليها ضيب قنصة وخبيبك خافُّو شاشينا لي نوم الكُجر، ويرموها ليك والدعاش ينعبك مع العسَّاف وحاتك عيل تسمع تبتات الطاق مع الفوف أي بلحيل المطرو سواري دي وحاتك القراف والتُرحُل مابتقدر علي عيشو عيل مطاميرن كُبارماهِن قران طُيَّاع أبو قدحا وسيع لي الهايع الدنَّاع وشيلو فوق كلوسن مابقولن عاع وسيد قارحت متورت لي الضعن تبَّاع دي يا عشايا الجاها مايجي لي حبيب ، من ما تعاين معاكسة دي قروحت، وكمان كان قابلتهن بي ضهرها وكمان صاقرة الشَّم دي يا العشي ماطقَّار طير الجُفار والله هبشها الكِويرس............ إنت عارف زي ماقلت البدو أمرهم عجب الجمل كان جفر طوالي الواحِد بشم بول الجمل وبعرفو وكان جاهو الغداد طوالي بجي برسنو وبنتل الرَّسن طوالي بعرفو والله مرة جابتني سفرة لي عرب وطول عُمري ماشفتهم قلت السلام عليم والله الشايب الكبير طوالي قال: دي يا صوت المقدم يافي جناهو...........! اي والله دخلت سلم علي وهو ماشافني قبل ذلك طوالي سلم علي ب حضن وقال لي إنت ود فلان قلت ليهو نعم

Quote: قلت السلام عليم والله الشايب الكبير طوالي قال: دي يا صوت المقدم يافي جناهو...........! اي والله دخلت سلم علي وهو ماشافني قبل ذلك طوالي سلم علي ب حضن وقال لي إنت ود فلان قلت ليهو نعم

Quote: لا حول والله يا العبيد الناس ديل عندهم حاسة سادسة عجيبة فراسة غريبة بالله بالصوت عرفك ؟؟

Quote: شال لي قش برسيم وعجن الدقيق مع البرسيم بقى في شكل كورة صغيرة وفتح خشم البقرة ونزلها ليها وبقى ينزل ليها فيها بيدو في حلقها من اخارج لما نزلت الكورة البقرة فرترب قامت ووقعت في الاكل جعانة كانت ابوي قال لاحمد اخوي قريتكم اخير من الطيب ود حسن احمد

Quote: لا حول والله يا العبيد الناس ديل عندهم حاسة سادسة عجيبة فراسة غريبة بالله بالصوت عرفك ؟؟

Quote: ودالمنسي اتفق معك في ريادة سماعين للقصيدة المطولة وجاراه تلميذه ودبادي لكن حميد و القدال انتقلا بالقصيدة نقلة نوعية لا تمت للبدتيان طرقا فضايا حياتية تهم الناس . وجعلا منها اداة للوعي . وسلاحا في تزكية الشعور القومي قصيدة ودبادي هوي يا وليد . سمعتها منه لايف اكثر من مرة بالمبدان الغربي وكلية الطب ودار الاتجاد وغيرها . وكانت تعجبني وتعجب الحضور .ولكن تغيرتظرتي لها لاحقا . احسست بها حلنمتشية ففبلتها. ولو نظرت لها غير ذلك لوجدت بها انفصاما . وخلق بؤرا جدبدة للخلاف بين اهل الريف والمدن . وهاهو صاحبها يتحول من رجل قربة لرجل مدينة . وهي ليست ميزةتفاضلية. بل امر حياة يتكامل فيه الناس لجعل حياتهم سهلة فكما ودبادي ينتقد اهل المدينةبالمياعة والخيابة . ينتقد اهل المدن اهل القري بالجهل والجلافة ونهاية الامر كلنا اهل بادية او اهلنا

Quote: تعرف لا انكر اعجابي ب ود بادي فهو شاعر مجيد . وحضرت تأببنه ل ود حد الزين . ولم اقصد نقده بسكن المدينه بل ذكرتها تأكيدا علي ان السكن ضروره بضطر لها الانسان دع المضامين . فشعر القدال يستلهم التراث والميثلوجيا الشعبيه محاكاة للشعر الحر . فلا تخلو قصيدة له من ذلك اقول ليك عليك الله جلي نقاشنا كتبته ساعة سواد مزاج خلينا في ونستنا وانا الليلة مبسوط منزل لي كي بورد جديد حروفو كبار ود البوش حرم بدور اضرب ليك علا المسنوح دة ودر الارقام ودشيقوق بقت تفرزني في الونسة

Quote: ود البوش حرم بدور اضرب ليك علا المسنوح دة ودر الارقام

Quote: طالبك ضربة ههههههههههههه حرم يا ود اب سن مرة مشينا الخلا لعروبنا اطراف الرياض وهم ناس سعية اها في واحد كان بتكلم مع واحد تاني وبعد انتهت المكالمة طلع كراسو وكتب اسمو وقال كدا طالبو تلاتة ضربات هههههههههههه . . بقيت تعفص عفص شين لكن بتجيك تارة يا الربيان بالميدو العلبتو مصررة بالقراطيس ههههههه

Quote: وانا الليلة مبسوط منزل لي كي بورد جديد حروفو كبار ود البوش حرم بدور اضرب ليك علا المسنوح دة ودر الارقام ودشيقوق بقت تفرزني في الونسة

Quote: الحمد لله على عودتك يا استاذنا شيقوق ههههههههههه دي هرشة ساهي وحات الشيخ تاي ياخي انا بطلب منك تنظم لينا البوست دا كونو لمن غبت جاط جوطة شديدة خلاص ولا عرفنا ليهو صرفا ولاعدلا وانا قدر ما اتكلمت مع الجنيات ديل اصلوا ما سمعوا كلامي قت ليهم يا جماعة اصبروا شوية الاستاذ جاي لانو سافر في مهمة صعبة جدا جدا والكلام فيها باللنقليزي عديل كدا اسع بركة الجيت والفات تراهو فات واتا ولا تحرق روح وتقراهو كلو تضيع زمنك ساهي نظم لينا من هنا ولي قدام

Quote: معليش يا بت السيد البيت بيتك علا انت معروفة هدية و رضية الناس تأكل وتقش في طرفك خلينا نتجدع ساااااي في دلجتك دي .

Quote: هووووي ياود البوش ـ شـ بق شنو كمان؟ اسمها الـ شيباق ماسمعت بالشيباق والريباق ده تري زي حديث المسنوح ده يعني حديث الزول الراميهو جمل هسع ماشفتو جا ناطي هنا عشان يرد ليا علي كلامي الـ في بيت بت السيد ده ياهو الشيباق والريباق البنقصدو لاتجلط لك فوقنا جليطة

Quote: ماتخلها ودشيقوق يطير من يوم ولدو مربوط في جناح ابوالرقيع اعور

Quote: بس عندي سعال - ممكن اصلح فكة الدرب دي قبال ود الفاضلابي يجي هابر عليها؟

Quote: حرم جيت من القسطنطينية مهود كلو كلو بقيت ما بتفرز خشم بيت ود اب سن من خشم بيت بت السيد

Quote: شيقوق بقا زي الارباب ولدي فِتِّيحت عينو من النوم يِتلعمط للبزة كان حشرتلو بزة ولا سكَّاته مافارزها

Quote: الارباب دا زول بلحقو مافي حررررررم بخيت لسيدو دا - يكبر يلقى ليك الورثات هبطرش - شي في بنوك امريكا وشي في الفاضلاب وشي في سنجة يشنق طاقيتو ويلع سجارتو ويتلهم ناس الإيجارات للتحصيل زى سعد محمد خير بتاع سنجة

Quote: شن قدرني افرز مع البوستات الكتار البتفقسوا فيها انت وود البوش زى الجروة الواحد ما يبقى زى الفاضلابي دا البستتة عندو حولية - او ود المنسي يمسك ليهو فد واحد ويدوعل فيهو ساااااي مرة نميم ومرة غناء ومرة رومانسيات واحيانا نواح

Quote: إت يا ودشيقوق مالك في الإسكايب تدخل وتمرق ولافي زي الـ ............ في القرقاب

Quote: الرباطابي شاف شيخ العرب متلَفِّح التوب قال ده مالو زي اللمبة ام قزازاً محتوت؟

Quote: صوح وحاتك غارز

Quote: والله انت التقول فيك عِرِق مصريين اصلك مابتِنقَبِض غايتو اصلو ماشايف ليك شغلة غير المحاماة دي زي اليربوع يحرسوك في خشم الجُحر تلقاك حفرت بي غادي

Quote: بعد شوية جاتني فكرة اتلهمت المرة البتسوي الكوارع والموليتة والعتي - اها مشيت مليت ليك صدري منها وجيت - لهل تتذكر قلت لي شنو ؟ مش قلت لي ياداب - يا ود شيقوق - مسكت المشهاد يلا كمل جمايلك؟ بتكون هسه نسيت جمايلي كوووووووووولها

Quote: ود البوش درعتنا في لوري وخميتنا دخلتنا لل عوين شردن خلننا وتاني وحاتك اكان جابت مدحة ماني سامعها عفصتنا ومشت