|
|
|
 Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: هيع انا الكيك الكمل بلادو فريق
وين لاعبكم المستورد خصيصا من مجاهل الصعيد
تعاينو بس
قولو
الرووووووووب
بقيلكم |
ها زول ها
أنت الله ماليك
أنا اقلهم قدرة علي حسمك في حدك وقادر عليك
ودشيقوق وود البوشدول مدربين كبار بالنسبة لي روق في علبك
روبشنو والله بجو ويسقوك لي بي نخريك
روق وأحلى
| |
  
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
هوي يا جلادونا
قايلني متلكم
الواحد من امو تحمل بيهو ساي , ما تخلي قطعه قماش حايمه ,,, ولا توب زراق قديم ,, ولا توب جيران
تقطع وتغسل وتلم ,, ويسوهن فوط
وتجيب ابره الكورشي وتخيط
فراشكم قطع قديمه وفوطكم زيها
والقصريه البيضا حقت الطلس ,
نحن ناس بندر
كلو مستورد وبالشي الفلاني
نضيفين وظريفين
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
جلالدونا
Quote: بس عندى فرد سعال لى ود اب سن ده
اتا لما كت بيبى سغنتوتى ما فوطوك بى توب الزراق القديم و مهرود و هادى ؟
|
عييييييييييييييييك توب الزراق؟؟؟؟؟؟؟؟؟؟؟؟
الزراق بيكون المرجحية حقتو وقتين امو تكون مشت ترد في الجمام
الزراق بكون صارين ليهو التعريفة و اب قرشين في طرفه عشان يسكتوا بيهو
الزراق بسووا ليهو نامسية وقتين الباعوض يولع نار
الزراق وقتين يقدم بدوهو منو فتيقة يربطا في راسو من الحر زمن السرحة
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
ها الغبيان ده
بقيت متل الزول القال لي ولدو
عليك جنس ,, حت السمبريه عندها سنون حاكت الصقار
شريك قدوم احمر والزرزور بي سبيب الخيل ,ما الحمير
سبيب الحمير قصير وميت
حت كمان تراثك ما عارفو
جد لي امك يا الفالح
سقوط صفر من ألف
نادي زولك المبرعم داك زي الديك الخنقتو البنبونه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
اب رويسا مدقوس متل سرويس اللحمه
هو انتو بتعرفو الناموسيه
مخير الله
يهببوكم بالسعف ,, ويكمدو في خشكم عود للرضاعه
حراساتكم فوق رقيتكم كل مره امرقوها من خشمكم
وود المنسي ده قالو
بالع حراساتو
الواحد فيكم يربطوهو بي فتقه التوب ما يمشي علي الدوكه تكنك عتوت
نحمد الله
لا شفنا باعوضه لا ضبانا ينوني
قاجين لينا ناموسيه لونها عسجدي
امشي اسعل رفاقتك ديل من اللون العسجدي واليصلي ,,,
ها جنا هوي بطل العوا
ما تخربو الموت بالرفسي
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
حرم ..
إتــــو أحلا بلابل .. ( اربعة بدل تلاته )
داقشين الخلا والصي ..
والعونكوليب .. وجارين ورا البهم ..
زاهدين في حياة البنادر ..
التي مللناها وإياكــــــم ...
علكم تغسلوا ولو النذر اليسر من صخب المدن ..
وماعلق بنفوسكم من رجزها وزيفها ..
وتصنعها جمالا كله بدره وماسكرا ..
دي الحياة والله .. وما عداها سموه ماشئتم ..
ود أب سن ..
المنسي ..
ود شيقوق ..
ود البوش ..
ما اندى أوبتكم لحياة نتمناها جميعا ..
ولو لم نحياها من قبل ..
لكن قطعاً تتوق أنفسنا اليها .. ...
دمتم ......
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: جمال ود القوز)
|
جمال الاديب الاريب
ذو الذكاء والملاحظة اللماحة
سعيد بيك يا صاحب
لكن شوف لي ناسك الكانوا بتفاصحوا ويتنبروا ديل جروا وين
سكيتكم ليك لامن خلو نعلاتم هنا
كرعينهم ما شالنهم
والموجعني بهددوا بي لاعب بتاوق بس
اللاعب زاتو لاوز
صقعي صعب عليهم
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
تذكر يا ود شيقوق
شوك السدر الابيض وطوال داك و كل شوكتين مقرونات مع بعض
و عاملات زى الساعة عشرة و الدقيقة عشرة بالصباح ما بالليل
اها زولك ده ما خلالو ابو دنان حايم فى الحلة
يقبض المسكين و يقطع كراعو من حد المفصل و يركب طرف الشوكة
فيهو و يمسك طرف الشوكة التانى بى ايدو و يمدها لا قدام و يقوم جارى
ابود الدنان المسكين يفرد جنحاتو عشان يطير و زولكم ده قايلو بيطير بيهو و يوديهو البندر
غايتو كان شفناهو حايم فى البندر بنكلم ناس لجنة حقوق ابو الدنان
Quote: هوي يا جلادونا
قايلني متلكم
الواحد من امو تحمل بيهو ساي , ما تخلي قطعه قماش حايمه ,,, ولا توب زراق قديم ,, ولا توب جيران
تقطع وتغسل وتلم ,, ويسوهن فوط
وتجيب ابره الكورشي وتخيط
فراشكم قطع قديمه وفوطكم زيها
والقصريه البيضا حقت الطلس , |
غايتو شكل لغتك ما بندرية و استعصى عليا استيعابها لكن للضمان كده بقوليك
مرة حبوبتى داخلة المطبخ عتر ليها سلك التلفون
لو ما مسكت فى التلاجة كان وقعت و كسرت التلفزيون
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: جلالدونا)
|
هسعتي جلادونا كان واحد مسكو وعضاهو فوق صنقورو ده غلتان
اقول درست تراثكم ولغتكم المندثره دي
تشيل تلصقها فيني وتجيب لي ابوالدنان ,, وتقول لي شوكة سدر
شوك السدر وبعرة الغنم الله يكرم السامعين انتو بتسوها مروحه اشرح ليك كيف
ولا الفالح فيكم يلم الصفيح والسلك ويسوي ليهو لوري
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: يا زول انا الليلة مبسوط طب جاني الشفيع ود ابراهيم من دبي زيارة لمدة يومين
هسه نااااااااااااااااااااااايم يشخر
الله يجيبك انت بجاي يا سجم الرماد |
سوي لي لحم وأكمد لي في 18 قرن شطة خدرا خلي يساسق بين عنقريبو والحمام
لآمن يرجع ما يتعبك وديني صلالة ووديني لي ناس ودالمرتضى
هيييييييع ماتسوي لي الشاي وتهرا تقطع قلبو
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: يا زول انا الليلة مبسوط طب جاني الشفيع ود ابراهيم من دبي زيارة لمدة يومين
هسه نااااااااااااااااااااااايم يشخر
الله يجيبك انت بجاي يا سجم الرماد |
سوي لي لحم وأكمد لي في 18 قرن شطة خدرا خلي يساسق بين عنقريبو والحمام
لآمن يرجع ما يتعبك وديني صلالة ووديني لي ناس ودالمرتضى
هيييييييع ماتسوي لي الشاي وتهرا تقطع قلبو
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: هيع انا الكيك الكمل بلادو فريق
وين لاعبكم المستورد خصيصا من مجاهل الصعيد
تعاينو بس
قولو
الرووووووووب
بقيلكم |
عاين أبـ رويس
العُشر قام لي شوك وألبل قامن ليهن قرون
بقيت تتجاسر وتهد
شن نفر الناموسية وإت وليد مدن وفنجري
ميكفك قالوا يهبر رب رب رب رب
لكن كان جينا للحقيقة القالا لي ود عطا الله أبوعبيدة
مسحوك بي زيت الراجع حق طاحونة ود أدريس
باقي مُر الباعوضة ما بتصلو
في باعوضة قرى كوستي قالوا بجن 3 إتنين برفعو الغطا والتالتا بتدخل تمق من الدم
سمعت الأيام دي عملت علاقات مع ناس مستشفى كوستي
وأدوك كل يوم لتر دم تدي الباعوض عشان تخليك تنوم
بجيك ودالبوش هسي يلايمك
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: احبابنا ود شيقوق و ود البوش و ود المنسى و معاكم سيد الراكوبة
سلام
متعة ما بعدها متعة .. متعكم الله بالصحة و العافية
بس عندى فرد سعال لى ود اب سن ده
اتا لما كت بيبى سغنتوتى ما فوطوك بى توب الزراق القديم و مهرود و هادى ؟ |
جلادونا
حبابك الف
وعلك عافية درت
زولك دا متنصل من أصلو وفصلو ود بطانة لكن قرح وبقى يشرك لي الطير بي الأيسكريم
وأهلو بقوا يخُشو الروووب بي بالغسالة يقفلو في علبة بلاستيك بي سلوتيب ويختو مع الهدوم
والحركة المنتظمة تجمع ليهم الفرصة
زمان كانوا بختو هديماتم تحت فراش العنقريب ويدرعوها بقو يكووها بي مكوة وكمان غازين سلكها
في الكهرباء
خلو الحناي
خلوها ألبل سعو الكروزر والهايلوكس
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالعزيز الفاضلابى)
|
Quote: سلامات يامك وودابسن والمسنوح
زولك يامك في بروفايلو قال رياضته المفضلة المشي
في دي ما كَضَّب ـ إتعلمها من المساسقة ورا البقر
ومن فات قديمو ـ ,,,,,, |
هههههههههههههههه
وكاتب ساكن وين ؟؟؟
ههههههههههههههههههههه
مايكون قال ساكن المنشية ولا الرياض
قتا لي ثمانية عشرين كيلو متر يوميا ورى البقر
ابوالأرباب مشتاقين
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: اللقولك يا ود المنسى
اخوناعريبى الخلا ده باللهى بس غفلتو منو كان قعد يتمبر و يناتل و يدق فى سدرو
و يا خلا ما فيك الا انا و كمان بسأل درب بخت الرضا بى وين و شكلو سادر على البندر ..
اها قمتا قبقبتو ليكم و عصرتو على حيطتن مايلة كده لمن انتو تجو.. اها قعد يهضرب
و يجيب فى سيرة قصارى الطلس و فوط النضافة .. اها و اللقولك كمان الزول ده كل مروتو فى العض بس عضتو باردة
بى سبب السنون المترمات بى كد الدوم ..ماها زى عضة بتاع الكورة داك البتجيب الدم
قال بيقرا تراثنا و لغوتنا قال .. تقرا كيف وانتا مركوبك بدون مواخذة شربان بى موية الطين و اصبع كراعك الصغير طافر بى برة
و كمان مقدود فى محل الوطاية الورا الاصبع الكبير
غايتو الزول ده مغلوب لا هسعت دى 19/صفر |
زولك قال الكورة أنفضت
هي شن نفرا الكورة دي دا كلامم سوق تمبول أنفضى
غايتو جنس غايتو
حل اللمبة من تكت لابسك يا عرريب
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
نتو لسه قاعدين تحت الراكوبة دي
والله كان معاي الشفيع ابراهيم يومين وعملت بوصيتك يا المنسي لخبطت ليهو الشطة الحارة مع فتة القرع بالكسرة لكن لقيت زولك حرررررم يقرمشا زي البياكل في خيار
والله كانت اروع نهاية اسبوع
الصور عندو هو قال بمشي يشوف ليهو وليد بندر ينزلها ليهو هنا
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: موسي الراجل)
|
ود ابسن خبارك اخوى
هسه ات البتسوى فيه دا شنه
شنه عامل للجماعه ديل طقر ومشتتهم شتيت حل الطور
الا اقيف حمالتك على الا انفضك نفضت شوال طحين كمل دقيقه
قول لى داير شنه( من اركله ولا ربعه ولا شيلينى ولا العصلنجه ولا الويوى)
اصلا الجاغوز قابض ايد ملان وبت كبيش مرعها دفس الدنقر
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: موسي الراجل)
|
ود شيقوق و ود المنسى و ود البوش
الجنى ابصنقير خلو على ضرب ايد ما فتت بخلى ليكم بتاب و قنقر صعيد التقه
اصلا هو ما بعرف شرا ام صوفه وكتين مشى النبارو مع العصريه كان فى سياحه وحدو الردميه
وكان خايف على شبطه من الطين وعلى كرعيه من ام دليلى
اصلا ما ركب بوبه وطرورها اتفرتق وقيفه البحر بعيده على العوام
هوى يا ناس شن جابو ليكم اتوا والله كان عشتوا باقى عمركم على الذكريات
ما يلحق الهنا الكنتوا فيه وكان بقى سفروق ما يحصلكم
شن شفت وشن عرفت لمن بتتنبر لينا بالهواميق وعيشه الكمور
شفت عمى العجب الله يرحمه الشمش غابت ليهو فى السوق وماقضى مشاغله
اها ود حسين الله يرحمه حلف عليه كان يبيت معاه يتونسوا
قاليهو والله ونستك دايرها الا من يطرا على لبنكم البتعبروا بالكوز والله عينى للصباح ما بتلاقى
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: موسي الراجل)
|
حباب موسي الراجل
حبابك والله جابك
للعلم
جمال ود القوز
موسي الراجل
ال2 من كوستي
زيتنا في بيتنا
بعدينك آ موسي أخوي بطل رطانة صعيد كوستي دي ,, وانضم عديل
ام دليلي دي ناس البحر ,, ونحن يا اللخو ناس موية الدش ,,, قالو ام دليلي إلا تمرقوها بي التابا وتربطوها بي خيط فوق قشه كبريت وتسرتوها مسارتا ,,,,
بعيدنك حمالتي تقيلة عليكم ,, قللان ما بتقدروها ,,, فوق الدبر والدم شايلها وجاري
الربعة اتو بسوها ملاح ,,, نحن ناس محاشي ونواشف
النعل عمك ده العبيد عامر ,, صحبي والله وقت يجي السوق كان عندو مجلس معاي وهو احد ابطال عنبر جودة ,,, راجلا فحل ووناس ومتقد الفكر
| |
|
|
|
|
|
|
|
|
 Re: ود شيقوق وودالبوش وود المنسي هام (Re: عبدالحفيظ ابوسن)
|
أها جاك المرعفين البعرف جعارك يا ود اب سن
يا موسى اصلو ما ابلبص ليك واقوليك نحن اولاد حلة واحدة وكداين من كداين وكداين من كداين
اتا لاعب محترف وتعبنا تعب الموت عشان نجيبك والان نزلت الميدان
وكمان الهواء مساعدك مع انك بتعلب بكل سهولة عكس الهواء وفي المطرة ذاتا بتلعب
حدنا معاهو اقول الروب واعترف اعتراف صريح واقول انا عبدالحفيض اللعسر هههههههههههه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
ود ابسن مالنا نحن نسوى القش ملاح الكلام دا قولوا
لزولا ماعنده شوايل وكتين الضعاين للصعيد تنشق
وطينه الرجل من المحل تنشق .
العبيد عامر ربنا يطول فى عمره ويديه الصحه و العافيه عمى
نعم كان احد ابطال عنبر جوده وكان وقتها فى اتحاد المزارعين
ووالده الله يرحمه العمده عامر محمدعلى تنازل عن العموديه مكرها
عندما رفض واستنكر حكم الانجليز على جماعته وهم ابرياء .
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: موسي الراجل)
|
سلامي للعمدة العبيد ,,,, تاريخا يمشي علي قدمين
بشوف ودالبوش قنع من الكتال بقا للتحاريش ,,,
موسي
الراعي في خلاهو علا لبن البهيمة ,, ودقيقو ,,, كدي ارجع اقرا فوق عصيدتكم ألت اللبن
بهيمتو كان ضبحها ما بياكلوها زي جناهو
بتعرفو ملاح ام بارد خضرة الخلا وبصله ولا بتضوق النار
ولا تحصلو الموليتا وتقرضوها قريض
نحن الموليتا بنحسنها بالليمون والدكوه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
الراجل
| Quote: شن شفت وشن عرفت لمن بتتنبر لينا بالهواميق وعيشه الكمور |
ههههها اي وكمان زولك دا مع مرقة الهواميق باكرية بقوم بتجغم ساي ما بلقى ليهو زول يلقنو كيلمة ( هجنقلا)
Quote: اها ود حسين الله يرحمه حلف عليه كان يبيت معاه يتونسوا
قاليهو والله ونستك دايرها الا من يطرا على لبنكم البتعبروا بالكوز والله عينى للصباح ما بتلاقى |
هو اللبن براهو بالكوز ؟ وحياتك شلخ الطلح عندهم بالكيلو ونطعهم شليخة بطانية قدييييييييييييييمة كلها رقراق
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
سنو
| Quote: ونحن يا اللخو ناس موية الدش ,,, |
يا حليك الما ضقت وقتين تجي من البلدات في زمهرير الجبهة وضهرك يخرتو منو الملح خرت و تقول كدى تقرب لطرف البحر وتجدع ال ............ و تدي ال ........... سنيدة بإيدك وتتلهم الموية
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
خلي البني كربو حقت الصحنا الشوال
عندكم الفرن زير
الزير يرمو فيهو اللحم ويلحقو بهاراتو وبصلتو , ويولعو ليها الحطب نار تقابه ,, وخشم الزير مقفول بي طينه البحر قريره ,,
ويختو في الواطه ويردمو فوقو الحطب ويطلقو النار , لامن تهبد
ويكشحو الزير في شوال الخيش يمين الله عضم الفصير يطير براهو ويخلي اللحمه قاعده
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: عندكم الفرن زير
الزير يرمو فيهو اللحم ويلحقو بهاراتو وبصلتو , ويولعو ليها الحطب نار تقابه ,, وخشم الزير مقفول بي طينه البحر قريره ,,
ويختو في الواطه ويردمو فوقو الحطب ويطلقو النار , لامن تهبد
ويكشحو الزير في شوال الخيش يمين الله عضم الفصير يطير براهو ويخلي اللحمه قاعده]
اللحم برموا فى البرمه ما الزير
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: موسي الراجل)
|
عليك الله آ ود شيقوق
شوف الزول دا تاور علينا وجع السنين المتراكم من زمنا طول
رجعنا تانى لايام ما بترجع وات قايل نحن الحاله قبيل مابينها ولا لاقينها
وصدق القال
انا كان البكى والحنان بجيبهم لى ببرك الجمال وبشيل الدمع بالرى
وبمناسبه بركه الجمل ، واحد شال عياله وداهم الفريق هناك وعمه راكب فى جمله
شاف العربيه وقفت قام برك الجمل لزوم السلام على الضيوف اها بعد ما سلم ركب جمله ولاحق سعيته
اها البنيه عجبتها بريكه الجمل نزلت القزاز وقالت ليهو يا عمو بالله طبقوا تانى
شفت كيف كانت الحياه حلوه وطاعمه ذى لحم البرمه
مش تقول لى ملاحكم الخفقو وبيتوا فى التلاجه والخازوق كان كهربتكم قطعت
والله الا تدفقو و حياتنا ساهله ذى سرحه الخريف ،
واحلى من مويه الشطب ما تقول لى مويه الدش البتزيدكم طين
يعنى و انت سارح فطورك حميض وما بتختى ليك من شخف شخفين من ضرع
والهول كان جبنت ليك لبن ضان والله ولا تقول جبنتكم الفيها مواد حافظه
و مقصدره وعلى صحتكم غير محافظه
وبعدين ما تشكر لى النواشف فى الخريف هسه عليك الله شن جاب كعكم البسوى اليابوسه للقيماتنا الباقى دهنها يمسح ليك وجيهك و سدرك
وداير تقارن لى النواشف ناس قيمه البطاطس بعكشناالرويان و مندى منه اكل وشراب
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: موسي الراجل)
|
مويه الشطب المحمره ده فوق ظومتك في زول بشتهيها ,,, ههههه شوف ناس الخلا ديل شطب البني آدم وشطب الطبيعه وصافين وصف
اوووووو العكش ياخ بتبالغ ,,, دحين الجواهو اللحمر ده ما دوده ,, اياهو حلاوي لبانكم ,,, تمضغو فيهو اليوم كلو
حليو حليو
اليابوسه عاد تجيكم من وين ,,, اياكم وسعيتكم واحد ,,, تاكلو من ما خلق الله لا من ما صنع الانسان
وياهو ده التخلف الحضاري
الاعتماد الكامل علي الطبيعه الغلفاء
ونحن ناس العصر الحديث
ناس البرقر والهمبرقر
ناكل بروستي ونشرب العصير
وكان لليابوسه وحاتك فرد حبه تخليك بدون فرامل
عاد اليابوسه تجيكم كيف وتمضغو في اللالابوب صباح وعشيه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالله ود البوش)
|
Quote: عندكم الفرن زير
الزير يرمو فيهو اللحم ويلحقو بهاراتو وبصلتو , ويولعو ليها الحطب نار تقابه ,, وخشم الزير مقفول بي طينه البحر قريره ,,
ويختو في الواطه ويردمو فوقو الحطب ويطلقو النار , لامن تهبد
ويكشحو الزير في شوال الخيش يمين الله عضم الفصير يطير براهو ويخلي اللحمه قاعده |
لحم مدفون
ولحم برمة في غرب السودان
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
الله يجازيكم بالخير . والله اتعلمنا منكم مفردات جديدة ..
لكن الشئ المضحك يبدو اني استعملت كلمة" المسنوحة" ما في محلها.. قمت رديت لجعفر في بوست اسرة بن لادن ان في واحدة صديقتي عزيزة بتساعدني في الترجمة مرات لمن تغلبني حاجة بلجأ ليها .. وقلت ليها البت المسنوحة دي مرات يتعاند وما بتساعد..
وهسع استلمت من العزيزة بسمات تلفون وقالت لي: كيفن تقولي لي مسنوحة..( بعد ما قرأت ردي لجعفر) وسألتها وقلت ليها: انتي بتعرفي مسنوحة دي يعني شنو؟
قالت ما بعرفها لكن يبدو لي انها يمكن تكون شتيمة ولا حاجة.. قلت ليها انتي جنيتي ولا شنو .. مسنوحة يعني جاهلة وبريئة وما بتراوغ.. وما شاء الله انت في في جامعة من اشهر جامعات امريكا والعالم .. يعني كيفن تكوني جاهلة.. يعني الأمر كله ظرافة مني ساكت"" وهدأت وقالت ماشة تقوقل الكلمة دي عند عمنا قوقل..
والله يديكم العافية والصحة
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: اميرة السيد)
|
Quote: الله يجازيكم بالخير . والله اتعلمنا منكم مفردات جديدة ..
لكن الشئ المضحك يبدو اني استعملت كلمة" المسنوحة" ما في محلها..
قمت رديت لجعفر في بوست اسرة بن لادن ان في واحدة صديقتي عزيزة بتساعدني
في الترجمة مرات لمن تغلبني حاجة بلجأ ليها .. وقلت ليها البت المسنوحة دي مرات يتعاند وما بتساعد.. |
لا والله أصبتي تماماً
استخدمتيها في مكانها بالضبط
وعجبتني كتير وضحكت وقربت ارفع التلفون أتصل في ودشيقوق اكلمو
ألحق خبرت لسان الأميرة بت السيد بمرقوها من بلاد اليانك ويقولوا ليها انت أرهابية
هههههههههههههههه
كانت في محلها بالضط مسنوحة بسمات مادام بترفضتساعدك في الترجمة وكت تزنقي
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: اميرة السيد)
|
| Quote: وهدأت وقالت ماشة تقوقل الكلمة دي عند عمنا قوقل.. |
هههههههههههههه
حرم عمها قوقل امسكا من كيبوردها وكررررررررر اجيب لي بوسطينا دا ذاتو تسوق وتقود
وحرم لاتعرف صرفا لاعدلا
تقول مسنوحة مسنوحة
ما قت ليك يا اميرة الشرح بمزر بمحير الحديس ههههههههه
عايني جاي يا اميرة السيد
زمان كتبت بوست اسمو الجزيرة سلام كنابينا سلام حلولنا سلام مدنا سلام ود مدني سلام
اها وفي نص النضمي عن مشروع الجزيرة ذكرت عبارة الري الانسيابي
تعرفي العبارة دي مسكت بروفيسور اردني بعمل في دراسة جدوى لمشروع كندي ليعمل بالري الانسايبي
وعمل بحث في قوقل وكرررررر اجيبي لعندي انقري فهم حاجة
ولا التحكتح ما فهما ومن حسن حظوا التلفون في البروفايل اتصل علي بعد انخلعت منو
وفي الاخر دليتو امشي بركات وفعلا مشى
ولكنو طلع جعيدي عين ديك ولا برتيتة ما اداني ليها ادوهو الكود ولحم الدود
.
.
اميرة السيد
تحياتي
واحترامي الذي تعلمين وشكرا
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالله ود البوش)
|
هههههه
ود البوش ناسنا ديل عندهم نضمي بعرفو براهم ,,, لا بنكتب ولا بنشرح
زي قولك بمزر
غايتو
وقت خشيت النرمي البياض
الشيخ احمد الطيب ود الشيخ حياتي ,, قرا المعهد العلمي في مصر ,, والدنيا شتا اتمسح بالنيفيا وهو رجل نظيف انيق وخلف والده ,, اها اجدادنا شافوهو لامع وناير وهم مشققين ومغبشين ,,, سألوه ,, كلمهم
مشو سوق رفاعه يسألو ونسو الاسم واتذكرو شكل العلبه ,, كل واحد اشتري واحده واتمسحو ,,, وجو صلاة المغرب ,,,, صوفر صفار جد وريحتم بنزين بس
التاجر ود حنوت باع ليهم ورنيش
ا
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
كدي اشرحيلنا دي يا اميرة
إنتي زاتك دايرا تبقي مسنوحة يكونوا هَدُّو فوقك المسانيح ديل؟
اميرة انا ماشاركت كتير في البوست ده عشان كنتا عندي صُدْمَه علا قَليت لَي قَرض فوق قَلَشُوب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شيقا قلت لي رياضتك المفضلة المشي؟
تمشي بي قَفاك نامن تَحَوي مَغيب الشَمِشْ
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
يعني يا ود الفاضلابي ما سمعت بحاجة اسمها غلطات مطبعية.. واذا بقينا نقيف في كل غلطة ونصلحها كن للضحوية ما بنقدر طبع لينا فقرتين..
انا صلحت الغلط عشان ما ابقة مسنوحة.ز
لكن باقي لي يا ود الفاضلابي انت قدمت لي خدمة جليلة.. عشان المسنوحة الصديقة العزيزة لمن تقرا الكلام ده حتتأكد ان الكلمة دي ما شينة زي ما كنت بتفتكر وحتقول اذا كانت شتيمة ولا حاجة ما كان وصوفوكي بيها
والله يديك الصحة والعافية .
وامشي غادي لبوست الاعلامي عوض ابراهيم عوض وساعدنا..
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: اميرة السيد)
|
المك
Quote: شيقا قلت لي رياضتك المفضلة المشي؟
تمشي بي قَفاك نامن تَحَوي مَغيب الشَمِشْ |
خلاص جيت آآآآآآآآآآآ الفقر ؟ هسه الواحد ما يقوم يقبل عليك يلبعك بالعنكوليبة دي
اميرة
بمناسبة المسنوحة دي - السنة المضت مشيت السودان للمشاركة في ورشة عمل متعلقة بتطوير سوق الخرطوم للأوراق المالية ولأول مرة في حياتي اركب في الدرجة الأولى ملح وكدا
اها وانا على متن الطائرة ببحث عن مقعدي في شاب سمين ووجيه عاين لي وقعد يتبسم قال لي تعال يا المسنوح اجلس جنبي هنا - انا استغربت في الزول الما بعرفو وبشاغل لكن افتكرتو من أعضاء سودانيز - لما سالتو قلت ليهو انت منو قال لي انا خالد قنصل بسفارة السودان في واشنطن ومتابع كل كتاباتكم في سودانيز وعرفتك من صورتك الفي البروفايل
يعني المفردة صارت عالمية ما تقلقي وربما تدخل قواميس اللغة العربية
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: اميرة السيد)
|
Quote: شيقا قلت لي رياضتك المفضلة المشي؟
تمشي بي قَفاك نامن تَحَوي مَغيب الشَمِشْ |
هههههههههههههههه
زمان في البردانــة كانت رياضتهم ( أبرة ومنقاش ) كل واحد يطلع للتاني الشوك من كراعو
تحت شدرة ضليلة تلقاهم مجدعين زي جنى برمة ( برمــة دي كلــ بة بابكر ود مصطفى )
نقول آمين
Quote: انا صلحت الغلط عشان ما ابقة مسنوحة.ز
لكن باقي لي يا ود الفاضلابي انت قدمت لي خدمة جليلة.. عشان المسنوحة الصديقة العزيزة لمن تقرا
الكلام ده حتتأكد ان الكلمة دي ما شينة زي ما كنت بتفتكر وحتقول اذا كانت شتيمة |
نص موجه لبسمات في داخليتها
المسنوحة ليست سبة أو شتيمة إنما هي مزحة حلوة خفيفة الظل بين أصدقاء صداقتهم صادقة ( مسمى )
ولما تقول ليك أميرة مسنوحة قولي لها ( أنا الككو الفخ الطين أنا الضب الوقع في العجين )
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: هههههههههههههههه
زمان في البردانــة كانت رياضتهم ( أبرة ومنقاش ) كل واحد يطلع للتاني الشوك من كراعو
تحت شدرة ضليلة تلقاهم مجدعين زي جنى برمة ( برمــة دي كلــ بة بابكر ود مصطفى )
نقول آمين |
تحياتي ياخالد
المفتبس ( المنشط) أعلاه يعتبر (رفاهية) ورياضة لكن ( ممنوعة) لجيل الطيب في البردانة ، عليك الله خليهو بعظمة (كيبوردو) القاعد جنبو ده يكتب ليك زمان كانت الرفاهية والشقاوة عندهم كيف؟؟؟
شكرا أميرة وضيوفكم الأعزاء بدون فرز ...
الشفيع ابراهيم
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: Alshafea Ibrahim)
|
هوي يا ود شيقوق انتو ناس كبارات ولا شنو!!!! بتركبو الدرجة الأولى في الطائرات هسع تاني حنتكلم معاكم كيفن
تراكم انتو غاشيننا وقايلنكم مساكين زينا.. لكن ما دام كمان دخلتو سوق الأوراق المالية والبورصة ثاني حتى كان
لقيتونا في شارع الله بتتغابو فينا العرفة( وجه ضاحك).. والله يا ود شيقوق ليه هسع ما عارفة سوق الأوراق المالية
كيفن مع ان اكبر سوق اوراق مالية في العالم في نيويورك..
انتا خوفتنا بالدرجة الأولى دي لأنه في السنة الفاتت كنت مسافرة للسودان في رحلة طارئة ومستعجلة بالخطوط القطرية
وكانت التذكرة من نيويورك للخرطوم بـ1700 دولار ولكن ما لقيت حجز .. موظف وكالة السفر قال لي حجز مافي إلا في الدرجة
الأولى وسألته كويس نركب الدرجة الألى اذا الفرق بسيط ,, اه بكم الدرجة الأولى؟؟ المسنوح قالي: انتي محظوظة عشان في تخفيض اليومين دول في الدرجة الأولى والسعر 6500 دولار بس .. قلت ليه: وكمان بس .. والله كان ابطل السفر وامشي برجليني للخرطوم ما بدفع ليكم 6500 دولار..وتراكم انتو بتركبو الدرجة الأولى وكأنكم راكبين حمير وماشين من فداسي للحصاحيصا
والله يديكم الصحة والعافية
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: اميرة السيد)
|
Quote: تحياتي ياخالد
المفتبس ( المنشط) أعلاه يعتبر (رفاهية) ورياضة لكن ( ممنوعة) لجيل الطيب في البردانة ،
عليك الله خليهو بعظمة (كيبوردو) القاعد جنبو ده يكتب ليك زمان كانت الرفاهية والشقاوة عندهم كيف؟؟؟
شكرا أميرة وضيوفكم الأعزاء بدون فرز ...
الشفيع ابراهيم |
الشفيع إبراهيم حبابك ألف
كان جايب خبرو فتو لينا أبـ سناحة
ونناشد المسنوح يورينا الرفاهية في العاصمة البردانة
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: هوي يا ود شيقوق انتو ناس كبارات ولا شنو!!!! بتركبو الدرجة الأولى في الطائرات هسع تاني حنتكلم معاكم كيفن
تراكم انتو غاشيننا وقايلنكم مساكين زينا |
ها زولة ها
والله الدرجة الأولى لو بي ضراعو
ولا بي النضمي بركب أول زول
لكن كان بي أبو الجورج ( الدولار اللذي يحمل صورة جورج واشنطن ) بقول أخير أخت الفرق في بقر اشتريهن
أرقدن لي دخرة لجناي
زولي وبعرفو زي جوع بطني
.......لو ما حرقة ما بمرقو
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: اميرة السيد)
|
بت السيد
Quote: هوي يا ود شيقوق انتو ناس كبارات ولا شنو!!!! بتركبو الدرجة الأولى في الطائرات هسع تاني حنتكلم معاكم كيفن
تراكم انتو غاشيننا وقايلنكم مساكين زينا.. لكن ما دام كمان دخلتو سوق الأوراق المالية والبورصة ثاني حتى كان
لقيتونا في شارع الله بتتغابو فينا العرفة( وجه ضاحك).. والله يا ود شيقوق ليه هسع ما عارفة سوق الأوراق المالية
كيفن مع ان اكبر سوق اوراق مالية في العالم في نيويورك..
انتا خوفتنا بالدرجة الأولى دي لأنه في السنة الفاتت كنت مسافرة للسودان في رحلة طارئة ومستعجلة بالخطوط القطرية
وكانت التذكرة من نيويورك للخرطوم بـ1700 دولار ولكن ما لقيت حجز .. موظف وكالة السفر قال لي حجز مافي إلا في الدرجة
الأولى وسألته كويس نركب الدرجة الألى اذا الفرق بسيط ,, اه بكم الدرجة الأولى؟؟ المسنوح قالي: انتي محظوظة عشان في تخفيض اليومين دول في الدرجة الأولى والسعر 6500 دولار بس .. قلت ليه: وكمان بس .. والله كان ابطل السفر وامشي برجليني للخرطوم ما بدفع ليكم 6500 دولار..وتراكم انتو بتركبو الدرجة الأولى وكأنكم راكبين حمير وماشين من فداسي للحصاحيصا
|
عييييييييييييييك اقري كلام المنسي التحت دا ياهو الحقيقة - وحياتك لو ما كنت ماشي معاي وفد عماني يعني اكان ادوني ليها براي اكان جيهتا ليك جيهة ابيعها في سوق الله اكبر واشوف عروض فلاي دبي والعربية والباقي شي اشتري منو بقيرات وشي امتع بيهو عماتي
لكن عاد ما بقيت ماشي لي مع غرباء وحياتك اخوك اتهندم سمح واتعطر سمح وجزمة تتلاصف مع ضو الشمس والكلام نصو انجليزي ونصو هيك وبدك واجلس هون ومرات اكو العراقية ذاتا - و في محطات الكونكشن أقوم كرررررررررررر اجر ليك سستة حقيبة اللابتوب وادنقر اكتب زى ناس جامايكا وسماعة الموبايل في الاضان انت فاكرة ساي
قال درجة أولى سيبك بلا سفاهه ياخ
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
المسنوح مفردة قد تكون جميلة جدا خاصة عندما تمدح بها إنسان تعزَّه كثيرا
البوش هو العُرس او الختان بالبادية حيث يجتمع فيه كل أهل البادية وهو أجمل أيَّام أهل البادية إطلاقا
لأنهم لا يجتمعون في الأعياد كثيرا لأن الأعياد تأني أحيانا في الرِّشاش وأحيانا شتاءً وأهل البادية
يكونوا متفرقين بعضهم جنوبا وبعضهم شمالا و.....
أمَّا أفراحهم "البوش" فتكون في فصل الدَّرت وأوَّل الشتاء والبادية كلها بالمدامِر
يقول استاذنا علي الشيخ متحسرا علي بعيره الذي أخذه صديقه، حيث ظن أنه اصاب بالعين في يوم عُرس" بوش"
من هو حوار مراقــِب فيهو ود بربوش
وسحروحو المسانيح ديلا يوم البوش
إضليم الرباد واسع السدايه ابو شوش
حرام والله أقبُض فوق بدالو قروش
تحيَّات نواضر للجميع
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
تحايا نواضر للجميع
كيفتونا جبنه وشاهي
البحث عن القريه والباديه والخلا واماكن النجوع ,, لهو بحثا عن ذكريات الطفوله وحياة البساطه
هروبا من تعقيدات المدينه واساليب حياتها
في داخلنا رغم هندامنا الافرنجي واسلوب حياتني العصري ,, طفلا بدويا جميلا
نحن لبيوت اللبن والطين ,, وثغاء الشياه مع اصوات جرقاس البعيده
ولكننا لا نغوص فيها حد الغيبوبه , بل بمقدار ان نحس اننا مزروعين في تراب هذا الوطن رغم صلف السلطه ,, بمقدار ما نحس بالانتماء
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: البحث عن القريه والباديه والخلا واماكن النجوع ,, لهو بحثا عن ذكريات الطفوله وحياة البساطه
هروبا من تعقيدات المدينه واساليب حياتها
في داخلنا رغم هندامنا الافرنجي واسلوب حياتني العصري ,, طفلا بدويا جميلا
نحن لبيوت اللبن والطين ,, وثغاء الشياه مع اصوات جرقاس البعيده
ولكننا لا نغوص فيها حد الغيبوبه , بل بمقدار ان نحس اننا مزروعين في تراب هذا الوطن رغم صلف السلطه ,, بمقدار ما نحس بالانتماء |
كلامك سمح بالحيل
اقدل - يا ود اب سن - وامامك قول الشاعر :-
ملء السنابل تنحني بتواضع ... والفارغات رؤوسهن شوامخ
واليك مقتطفات مما قاله الراحل الدكتور محمد يوسف ابو حريره - رحمه الله ، وما قاله الاخ عصمت العالم امد الله في عمره :
(تعتريني حالة من الانجذاب الى الوطن سائحاً في معيتكم في مستقبل ماضيه الذي استشرفته واعدته نبضاً في وجداني وقلبي وتصورا في ذهني وعقلي رؤية أسعد كثيراً أن أشاطركم حقوق ملكيتها وأعباء التفكر والتدبر فيها وتمثلها والصبر على غرسها وانتظار حصادها ... عِبئان لا يطيقهما إلا الرواد العائدون من (دور) المستقبل لقيادة ظعائنهم إليه ليشاركوا جميعا في تنمية أرضه وأهله الطيبين ليغسلوا عنهم أوضار العجز التي غشت وجه شعبنا الوضئ وتبعث فيه قدرته على التمام من جديد) الدكتور محمد يوسف ابو حريرة
(ولعل الاحتياج الدائم لعمر الطفوله وزمن الصبا والعمر والتجارب والمراحل تاخذ الانسان فى تجوال ملزم وتتشتت فى سماء الكون احاسيس الالفه والامان..وذلك الطهر البراءه...وذكريات الطفوله والدراسه لن تنمحى من خيال الذاكره ابدا..حتى تفاصيل الاشكال قد تغيب الاسماء لكن هنالك اسماء حفرت فى اخاديد الذاكره لن تنمحى..ويبدا الطواف الذى فى اجتراره يمنح دعشات تلك الانسام ويجدد خلايا الروح ويوصل مسافات العمر ليبقى ذلك الارتباط هو حلم الخيال الامانى والاحلام..وكل منا يريد ان يعود الى زمن الطفوله ورفقة الصبا عله يستطيع تعديل واصلاح مدى الرؤيا فى مستقبل عالم مضطرب..لان امان اللحظه وقتها كان قائما على احساس ذلك الامان فى البيت والحله والقريه والطريق والمدرسه ..وكان تلك رياح الزمن الجميل..) عصمت العالم
(عدل بواسطة الطيب شيقوق on 08-19-2014, 08:20 AM)
(عدل بواسطة الطيب شيقوق on 08-19-2014, 08:21 AM)
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
Quote: وينو تور الخلا البنضم ويجاضي وإخور
ووينو الصندل الفي البوش بسووا بخور
وين عود الوقا البي سوسه مو منخور
عيش مطمورتي لي ضنك الزمن مدخور |
تسلم أبوي الطيب
ويشهد الله أنتم الأربعة
واحد فيكم تور الخلا البنضم ويجاض وإخور
وواحد فيكم عود الوقا البي سوسة مو منخور
وواحد فيكم عيش مضمورتو لي عيش الزمن مدخور
وواحد فيكم الصندل الفي بوش بسوّوا بخور
والفاضلابي داك زولن وهيط مستور
تسلمو جميعا
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
السلام عليكم ورحمة الله وبركاته ..
واحد من أجمل البوستات في الفترة الأخيرة .. لكن صراحة كدا جاتني أزمة ( ربو) من الغبار .. ياخ طلّعتو حاجات من أول.. أول ..أول امس ..
وقبل فترة سمعت كلمة يمكن 30 سنة ما سمعتها ... واحد بقول للتاني : عينك زي الصنجية !!! عليك الله يا ود البوش الكلمة دي كم سنة ما سمعتها ؟؟؟؟
وتحياتي للجميع
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عمر السلمة)
|
السماء بطنها طامه ومزرقنه والبكايه سحابها متردم تكنه بال طويل التيله بمكابس الزرقا
والبراريق فلاشات كاميرات وكتين الرؤساء ياخدو صوره تذكاريه
اها قالت شو شعفوفه ولشاقه وحس البرد فى الحويقه رمى الجمرات والرعد ما بتوصف
قولت كرع رع الا الفارس الما بفك شطر امه الا اب قلبا خفيف كان انس ولا جن بعد ما يشوف شرار البرق المتقطع فى السماالتقول افتتاح اولمبياد بصنف ، تسمع رو كررررع، طق الحدار انقسم نصين وقالت النار بق ، ونار الصاقعه المويه ما بتكتلها
الليله ما يوم اللبن لكتل النار .
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: جعفر محي الدين)
|
سلام عبد الحفيظ ود أبسن
Quote: ناس بنادر كهاربنا تبقبق براها
كنتو بتجونا المغارب تحبسو اللمبات تتفرجو وترجعو ضهرتكم تحكو وما يصدقوكم
شغالين حبوبه ونسينا
والطغيان فيكم لمبه ام شريط
لا بتعرفو الرتينه ولا مشيتو شارع كارتينا
|
عارفين ناس ود شيقوق ود البوش وود المنسي
ديل الكانوا بيجوا البندر ويحرسوا ليك شمعة النيون
أمك ولعت ... أمك طفت
لمن يشيلن حمار النور
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
هاكم الهدية من اولاد الطندب
نشرها زكريا عبدالرازق
الدرعة العقيدك من ندايدو اتعطــــــــل
وهجينك دوَر الرزمى السحابو اتكتل
جــــديع النميم الــــفوق رفــــايقو مــــفتــــل
على العاجبنى زوقك يا المشيك مرتل
الدرعة الــــعقيدك دوَر ام مــــيمــــــــون
فريدة عصرك القصر الندايدك دون
الخداده انضف من دهب شــــــــــــيبون
وذريق ريــــــــقا ألذ من عكة المسنون
الدرعة العقيــــدك لــــــــفحة أم كانجيــــــــــــل
وعنقك ظبية وفيك ارداف سبيكة الخيل
الــــبسمــــتا تــــــــــــــــبهــــر فــــى ظــــلام اللــــيل
تلِى الــــجدلة وحــــلانة ومــــشيك تقــــــــــــيل
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: من هو حوار مراقــِب فيهو ود بربوش
وسحروحو المسانيح ديلا يوم البوش
إضليم الرباد واسع السدايه ابو شوش
حرام والله أقبُض فوق بدالو قروش |
أخوي العبيد قوقي غرد وقول أطربنا
جيب من بادية كردفان المفردة وأنفحنا
سمح قولك سمح طرب حادينا يوم المحنة
ابدأ بي الدُعاش وأختم بيشان أفرحنا
خالد
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote:
تحايا نواضر للجميع
كيفتونا جبنه وشاهي
البحث عن القريه والباديه والخلا واماكن النجوع ,, لهو بحثا عن ذكريات الطفوله وحياة البساطه
هروبا من تعقيدات المدينه واساليب حياتها
في داخلنا رغم هندامنا الافرنجي واسلوب حياتني العصري ,, طفلا بدويا جميلا
نحن لبيوت اللبن والطين ,, وثغاء الشياه مع اصوات جرقاس البعيده
ولكننا لا نغوص فيها حد الغيبوبه , بل بمقدار ان نحس اننا مزروعين في تراب هذا الوطن رغم صلف السلطه ,,
بمقدار ما نحس بالانتماء |
يا سلااام
يا سلااام
يا ودأبوسن
يسلم تُمك
كلامي ينقش بماء الذهب زينة
ويا حلاتك لما تتني رويسك لي ورا وتجيب حلو الحديث معاني
مودتي الصادقة
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
حباب عمر السلمة
حباب العبيد تاني
الأخ الراجل
مساك طيب
Quote: السماء بطنها طامه ومزرقنه والبكايه سحابها متردم تكنه بال طويل التيله بمكابس الزرقا
والبراريق فلاشات كاميرات وكتين الرؤساء ياخدو صوره تذكاريه
اها قالت شو شعفوفه ولشاقه وحس البرد فى الحويقه رمى الجمرات والرعد ما بتوصف
قولت كرع رع الا الفارس الما بفك شطر امه الا اب قلبا خفيف كان انس ولا جن بعد ما يشوف شرار البرق المتقطع فى السماالتقول افتتاح اولمبياد بصنف ، تسمع رو كررررع، طق الحدار انقسم نصين وقالت النار بق ، ونار الصاقعه المويه ما بتكتلها
|
امطار خير وبركة يا رب - يدينا خيرها ويكفينا شر صواقعها
باقي لي سحابكم مهضلم فوق ليكم تشرب فيهو التاورية ؟
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
يا جعفر ود النيل الأبيض - سلام
Quote: آآ نويس نعلكم طيبين
هي نان ما تكلمونا ببوستيكم دا وتموتوا بيهم براكم
الشي دا كان لازملوا مداعي يفر بالفرقان وينادي الناس
الغريبة أيدي اكلتني عليه كم مرة بس قلت الشيء دا امكن موضوعا خاس
|
هههههههههههههها ذكرتني عمنا المرحوم الصديق ود الضو كان راجل فارس بالحيل ولا بعجبو العجب ولا الصيام في رجب
عندما يشوف ليهو ناس ما عاجباهو لمتهم طوال بتلهمهم بالكلمة دي ( ها نويس)
ان شاء اللمة تعجبك وتعمل لينا اب قريدنغ لناس عدييييييييييل ( وش ضاحك)
ياخ تعال علينا دي الملجة البتعجبك بالحيل
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
Quote: أخوي العبيد قوقي غرد وقول أطربنا
جيب من بادية كردفان المفردة وأنفحنا
سمح قولك سمح طرب حادينا يوم المحنة
ابدأ بي الدُعاش وأختم بيشان أفرحنا
خالد |
ودالـمك, دابَـــــكْ عَدَلْتَ وَتَرةْ الــــــــــــبوست
وده الكلام الدارو ودابسن ليهو سْبوتْ
نِـمْ قـول خـليهو الـ يكــــــــــون مــــــــبســــــوط
والمرفعين ماتْقِيلو اطْبُقلو بالـمَتْلــــــــوت
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
Quote: السلام عليكم ورحمة الله وبركاته ..
واحد من أجمل البوستات في الفترة الأخيرة .. لكن صراحة كدا جاتني أزمة ( ربو) من الغبار .. ياخ طلّعتو حاجات من أول.. أول ..أول امس ..
وقبل فترة سمعت كلمة يمكن 30 سنة ما سمعتها ... واحد بقول للتاني : عينك زي الصنجية !!! عليك الله يا ود البوش الكلمة دي كم سنة ما سمعتها ؟؟؟؟
وتحياتي للجميع |
كما نوه الجميل ودشيقوق مع أني مابريدو
الكثير من مفردات البادية والريف لها في العمق والتعبير باعا
وكذلك تجد الكثير من مفردات البادية والريف لها جرس نغمي يشبه معناها
وأنا مرات بتخيل أنه هناك لون معين لكل مفردة
يعني لما تقول لي زول هييييييع القارح
بتخيل هيييييع دي لونها أسود باهت والقارح لونها بني فاتح
جن تقول شنو
والحفاظ على مفردة البادية والريف من الإندثار واجب
على سبيل المثال حديث الشارع اللذي تلبسه الشيطان شوه الكثير
زعلت أمس وأنا أحضر في برنامج في قناة أم درمان
( سكة سفر ) المذيعة ومن إلتقت بهم ( الله يعين )
تخيل بتاعت شاي في منطقة تندلتي تسألها المذيعة الشاي بتاعك دا مزبوط
ترد وتقول لها بسوي ليك شاي لما تختي في حنانك
كيف شوهوا لسان هذه البدوية وهي تجاري حديث شوارع المدن المسيخ زي موية الترمس
لذا اخي الكريم الحفاظ علي المفردة السمحة العميقة واجب
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
Quote: عارفين ناس ود شيقوق ود البوش وود المنسي
ديل الكانوا بيجوا البندر ويحرسوا ليك شمعة النيون
أمك ولعت ... أمك طفت
لمن يشيلن حمار النور |
هههههههههههههههههه
أستاذ جعفر سلااام يا رائع
ذكرتني زمان عندنا حبوتن لينا مشت الخرتوم مع ود بتها
لما البص وصل الصافية
سألت ود بتها اللمين يا ولدي البلد دي وين
قال ليها دي الصافية يا حبوبتي
قالت يا كافي البلا مالا كلها مستشفيات
( في شندي مافي مبنى من دورين إلا مستشفى شندي )
حليل زمان وخليل ايام زمان أخوي جعفر زمن المحنة وزمن الزمن زين
زمن جوز الحمام تلاتا
زمن الناس حنينة في بعض ويقعدوا وقت الضحوية في عنقريبين ويفلو بعض
وزي ما بقولوا أهلنا
حليل المحنة .. راحت مع القمل
| |
|
|
|
|
|
|
|
| |
عبدالحفيظ ابوسن
خالد علي محجوب المنسي
الطيب شيقوق
جمال ود القوز
جلالدونا
عبدالعزيز الفاضلابى
عبدالله ود البوش
عبيد الطيب
عمر السلمة
جعفر محي الدين
فيس بوك
تويتر
انستقرام
يوتيوب
بنتيريست