كتب الكاتب الفاتح جبرا المتوفرة بمعرض الدوحة
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: الطيب شيقوق)
|
Quote: and#229; الكلام دا تابع بوست العنكوليب دا ولا قاصد بيهو واحد من بوستاتك الكتار ديلاك وجانا هابر بجاي براهو ؟ |
غير النظارة ،،العنكوليب بزيد السكر ويتلف الشبكة... بمناسبة دكان ابو صاحبك اب سن،،عسل ،سمن،،تمر،قنقليس... عمك ود المحجوب مدير زراعي في جهات شاشينا،،فعل السكري وجور الزمان فيه مافعل،،،فصار اوشك..الجماعة بفطروا في رمضان سوه،،قال ليهم والله ياجماعة في زول عنده خلطة نبات سحرية ترجع الزول صبي في العشرين،،،وووو. الجماعة واحد فيهم هبب كلامو مافي،،بل قالوا له،،نحن نحمد الله مستورين تب. شال صينيتو رجع طفشان متيقنن بان الفوات فات فيهو... في اخر الليل صار الباب يطرق،،،منو ،،انا فلان،،،ياخ وصف لينا. ثم الثاني والتالي،،،تقريبا اكثرهم،،،دايرين وصف الوصفة... بكريتا جاء شايل صينيتو مبسوطا فقد ادرك بانه مابراه ،،الوشوك... واعلن انه ليس هناك وصفة ،،،الا الصبر.
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: عبدالعزيز عثمان)
|
يا اعز عزيز - ود الطالباب
ههههههههههههههها
يطول عمرك يا عزو ذكرتني حكاية للدكتور خميس كجو من اهلك النوبة بتاعين جنوب كردفان
في بدايات تسعينات القرن الماضي كنت معزوم مع أساتذة جامعة أبو نعامة اذكر منهم مديرها وقتئذ البروف فيصل عبد الله الان مدير جامعة السودان المفتوحة والبروف خميس كوجو والدكتور حسن بيرم
حكى لينا الدكتور خميس بانه سافر في مهمة رسمية الى تنزانيا ولدى عودته من هناك تم اهداؤه حجر يقال انه ترياق للسعات الثعابين - يوضع هذا الحجر في مكان اللدغة ويمتص كل السموم ثم يوضع هذا الحجر في حليب ليمتص السم منه ( من الحجر) ثم تحفر حفرة على الأرض ويدفق فيها الحليب و تدفن على طول .
اها - يا عزيز - خميس جاء راجع السودان و معه هذا الحجر السحري ووصل جامعة أبو نعامه وحكى للأساتذة سر ذلك الحجر وبعدها عم الخبر القرى والحضر
طبعا أبو نعامة تتبع لنظارة ناس عمك الناظر يوسف أبو روف ناظر كنانة واغلب سكان تلك المنطقة عرب رحل من اهلك ناس كنانة وقبيلة الونساب و الشبيلات و قرى كثيرة جدا اغلب سكانها من اهلك البني هلبة
المنطقة زراعية و رعوية وتكثر فيها حوادث لدغات الثعابين .
طبعا انت عارف الافندية أساتذة الجامعة أي واحد فيهو بيتو على قدر حالو ما عندهم دواوين الطالباب الموهطة في حوش حدادي مدادي ديك
اها الافندية ديل بقوا كل يوم اكان الصباح او انصاف الليالي بتجيهم كنفوي من العربات تابعة المصاب مليانة رجال و نسوان مرات فيها بكاء و نواح حسب نوع الثعبان اللادغ - الافندية ديل اتعبهم الحجر دا جنس تعب ما عادي
الحل الوحيد الفكروا فيهو هو ان يقسم الحجر دا على تمرتين ترمه يحتفظ بيها الافندية لانفسهم وترمة يدوها عمدة قرية عبل المتوسطة المنطقة
بالفعل ادو نص الحجر دا للعمدة - والعرب لما يجوا للعمدة حتى في الظروف العادية بجوا شايلين الضان والتيوس كرمات وهدايا للعمدة دا
والله عمك العمدة دا من يوم ادوهو الحجر دا ربنا فتح عليهو أبواب الرزق بالهدايا ويا زول ملا ليك زرايبو كلها خرفان وتيوس من اهل الملدوغين البجوهو للحجر دا
يعني اكان جوهو مشجعو كرة البرازيل و الارجنتين هو جااااااااااااااااااااهز
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: الطيب شيقوق)
|
ههههه جنس زهايمرات قالو عمك كريم اروش ,, بقيف في الضيوف بي فد رجل جاهو ضيف والضيف مستعجل لامن حلفو عليهو حتان قعد اها عمك قعد يكورك يا ولد الغدا حسن ,,,, احمد ,,,, علي الغدا ومرات هو زاتو يحصلهم اها زهج يا ولد ,, الغدا ,,, هوي يا ناس الغدا انعل ابوكم وابوالغدا وابو الضيف زاتو
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: الطيب شيقوق)
|
تحياتي يا ود شيقوق ..
ناس المدن ديل ما عليك منهم كلهم تيراب قرى وصقيعة وصي..
قبل مدة احتفل الصيادلة السودانيين في قطر بوداع واحد من اقدمهم قدم للخليج فبل كم وتلاتين سنة وقرر العودة خلاص..
أها الصيدلي دا وهو الدكتور يس حفيد الشيخ الحفيان .. يعمل في مستشفى كبير حكومي بالدوحة..و من قرية الحفيان قرب شندي .. عرض عليه احد اصدقائه الصيادلة من ناس البندر مشروع مشترك لصيدليات كبيرة في العاصة الخرطوم..
صاحبنا قال ليهو : يا زول نرجع اخرعمرنا نبيع الدواء للمساكين .. هو بالله الدواء ببيعوهو ..دي ما بسويها تب ..
ولغاية الان شندي كلها ما فيها زول ببيع موية .. يعني موية بالبيع مافي ..ناس برد برد ما بتشوفهم تب عندنا ..
اي ملف تلقى فيهو زير ..
الشاهد يا صديقي شيقوق ان ناس العنكوليب ديل ما ببيعوا الزاد ولا الموية ..
لكن ناس البنادر ديل بدون مؤاخذة الحمام بي قروش ..هاها
ربنا يدينا خير المدنية ..
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: الطيب شيقوق)
|
تحياتي يا ود شيقوق ..
ناس المدن ديل ما عليك منهم كلهم تيراب قرى وصقيعة وصي..
قبل مدة احتفل الصيادلة السودانيين في قطر بوداع واحد من اقدمهم قدم للخليج فبل كم وتلاتين سنة وقرر العودة خلاص..
أها الصيدلي دا وهو الدكتور يس حفيد الشيخ الحفيان .. يعمل في مستشفى كبير حكومي بالدوحة..و من قرية الحفيان قرب شندي .. عرض عليه احد اصدقائه الصيادلة من ناس البندر مشروع مشترك لصيدليات كبيرة في العاصة الخرطوم..
صاحبنا قال ليهو : يا زول نرجع اخرعمرنا نبيع الدواء للمساكين .. هو بالله الدواء ببيعوهو ..دي ما بسويها تب ..
ولغاية الان شندي كلها ما فيها زول ببيع موية .. يعني موية بالبيع مافي ..ناس برد برد ما بتشوفهم تب عندنا ..
اي ملف تلقى فيهو زير ..
الشاهد يا صديقي شيقوق ان ناس العنكوليب ديل ما ببيعوا الزاد ولا الموية ..
لكن ناس البنادر ديل بدون مؤاخذة الحمام بي قروش ..هاها
ربنا يدينا خير المدنية ..
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: الطيب شيقوق)
|
تحياتي يا ود شيقوق ..
ناس المدن ديل ما عليك منهم كلهم تيراب قرى وصقيعة وصي..
قبل مدة احتفل الصيادلة السودانيين في قطر بوداع واحد من اقدمهم قدم للخليج فبل كم وتلاتين سنة وقرر العودة خلاص..
أها الصيدلي دا وهو الدكتور يس حفيد الشيخ الحفيان .. يعمل في مستشفى كبير حكومي بالدوحة..و من قرية الحفيان قرب شندي .. عرض عليه احد اصدقائه الصيادلة من ناس البندر مشروع مشترك لصيدليات كبيرة في العاصة الخرطوم..
صاحبنا قال ليهو : يا زول نرجع اخرعمرنا نبيع الدواء للمساكين .. هو بالله الدواء ببيعوهو ..دي ما بسويها تب ..
ولغاية الان شندي كلها ما فيها زول ببيع موية .. يعني موية بالبيع مافي ..ناس برد برد ما بتشوفهم تب عندنا ..
اي ملف تلقى فيهو زير ..
الشاهد يا صديقي شيقوق ان ناس العنكوليب ديل ما ببيعوا الزاد ولا الموية ..
لكن ناس البنادر ديل بدون مؤاخذة الحمام بي قروش ..هاها
ربنا يدينا خير المدنية ..
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: عادل ابراهيم احمد)
|
بيع اللبن كان المحتاج بدوهو بقره ل لبن عيالو ,, اسمها منيحه ,,, يأكلها ويشرب لبنها وحتي لامن بقو يبيعو ,, ببيعو النسوان ,, وببدلنو بدل بالهدوم وغيرهن واسمهن البداليات ,, بخشن المدن مع الفجر لذا بقولو ليك في المثل الخبر جابنو البداليات يعني بدري خلاس
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: الطيب شيقوق)
|
تحياتي يا الطيب في سنة 1991م والحكومة ( الإنقاذية) في بدايات ( التكشير) و (ضبح الكديسة) والكل متوجس وخائف ومتردد موظف ملكي عسكري مواطن ( هامل) ساكت ... كنت أعمل محاميا بمكتب أحد المحامين من أولاد أم درمان .. من الصباح قال لي تمشي (جنايات) أم درمان غرب ( السوق الشعبي أم درمان) .. يازول ألقى ليك الشيء ربط ربط (منيل ومخضّر) تقول عليهو (سكبوه) هسع وما طلع من خلاوه ... يازول الناس متلمين جنبوا - الفضول قادني لهذا المشهد ... إذا به ( عتكوليب ) مضروب - أي والله مضروب -- سفنجة (قديمة) من نواحي شمال الجزيرة (كابست) سوق الخضار بالسوق الشعبي أم درمان بعد منتصف الليل بقليل - نفرين فقط السواق و المساعد - أو قل الجلابي - قاعدين من قدام ... أها قبل آذان الصبح (السماسرة) كبسوا السوق (كالعادة) وقفوا فوق (السفنجة) بالبطاطير - الشيء (عنكوليب) والسفنجة ( فل) ... شيل دق شيل دق أتفقوا مع السواق على المبلغ .. سلموه الكاش ... العتالة - في أقل من ( عشرين دقيقة) نزلوا العنكوليب ورصوه حسب الأصول - والمشتري سعيد (برزق الصبحية) مشى للصلاة ومن ثم (كباية) الجبنة ... لمن جاء راجع (لبضاعتو) لقى الجماعة بضحكوا موت - أخبره بالحقيقة أن هذا ليس (عنكوليب) وقالوا ليهو جرب - زولك أي قصبة قطع راسها و (مضغو) وتأكد أنه (عدار) وهاك يا بوليس وبلاغ ضد مجهول ... ولا زول عرف للسفنجة رقم أو اسم سائق ؟؟؟؟ أها جماعتك ديل (أولاد البندر) يمشوا صعيد (غادي) نواحي (أبو حجار - سنجة - الدمازين ألخ) إلا الواحد يكون معاهو خبير من نواحي ود شيقوق .... الشفيع
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: Alshafea Ibrahim)
|
Quote: والمشتري سعيد (برزق الصبحية) مشى للصلاة ومن ثم (كباية) الجبنة ... لمن جاء راجع (لبضاعتو) لقى الجماعة بضحكوا موت - أخبره بالحقيقة أن هذا ليس (عنكوليب) وقالوا ليهو جرب - زولك أي قصبة قطع راسها و (مضغو) وتأكد أنه (عدار) وهاك يا بوليس وبلاغ ضد مجهول ... ولا زول عرف للسفنجة رقم أو اسم سائق ؟؟؟؟ أها جماعتك ديل (أولاد البندر) يمشوا صعيد (غادي) نواحي (أبو حجار - سنجة - الدمازين ألخ) إلا الواحد يكون معاهو خبير من نواحي ود شيقوق ....
|
ههههههههههههههههههههههههههههههههههها والله يا الشفيع اخوي من سويت البوست دا منتظر واحد يجيب لي سالفة زي دي - السواها في ناس البندر دا يكون واحد مسنوح عارفهم ما بفرزوا العنكوليب من العدار
يكونوا نقوا القصبة الأولى لقوها فشوش سااااااااااااااااااااااااي
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: عبدالحفيظ ابوسن)
|
Quote: انت آ خوي العننكوليب ده عندو تيراب جد والله بسأل وسألت قبل كدة وما لاقيت عقادن نافع |
شكرا يا شيخ العرب السؤال منتج جدا و ربما تجد الكثيرين تواقين لمعرفة الإجابة على هذا السؤال الذي تمثل الإجابة عليه نقلة نوعية في مسار هذا البوست
أولا : ان كان السؤال مقصود بيهو عنكوليب قصب السكر فللاسف لا املك الإجابة علي السؤال غير اني بالنظر وبالنظر ليس الا شاهت الجنقو مسامير الأرض شغالين فيهو تكيب ( التكيب يعني تقلع وتغز في الطين زى زراعة البصل ) - واحينا يقوم زارعو قصب السكر بسكب القصبة الطويلة وسقي الساق بالماء مرة أخرى عشان تفتق تاني ثانيا : عنكوليبنا وهو عنكوليب الضهاري - يا العشاء اخوي - دا بالحيل عندو تيراب - فهذا النوع من العنكوليب زرع في البلدات صفوف صفوف كنوع من الترف الزراعي فقط حتى يتسنى للحريم وهن عائدات من لقيت الويكة في موسم الدرتية قلم قصبة واحدة فقط وهي في طريقها للقرية عشان تتسلى بيها تسالي - فهذا النوع من العنكوليب ينضج ويستوى في شهر أكتوبر من كل عام وتنضج وتستوي معه السنبلة او القندول - و قندول العنكوليب يشبه راس عبد الرحمن الخضر من حيث الشكل الهندسي - المزارع الناجح وما شحاد في التواريب موسم الرشاشية طوالي بجيب قفتو وبقطع سنابل العنكوليب و طوالي بلهمها المخزن ان وجد وان لم يوجد مخزن طوالي بعلق ليك السنابل جوة القطية فووووووق وبعيد من متناول الشفع وعندما يحين موسم الزراعة بقوم برااااااااااااااحة بنزل القفة او القناقر دي وبفرك ليك القناقر لحدى تصير حب ويتلهم بيهو الزراعة .
خلاص؟
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: الطيب شيقوق)
|
Quote: لكن يا خالد اخوى امانة ضاعت النخوة وسط المغتربين السودانيين
الواحد اكان ما مرتو ادتو الضؤ الأخضر ما بقول ليك اتفضل على بيتي
والسوداني قالوا في دبي يجي دافرك ساي السلام عليكم ما بقولها |
الله يكون في العون اريتو لو بجي فارك فيك ساكت ومايقول سلااام يرميك بنظرات وتاخذك تلك المشاعر السودانية التي تحملها وتقول له السلااام عليكم أنت وويفرك تاني دايس الأبنص ويختو وشو في قزاز أقرب دكان ناحية يساره ويديك العجاج مكتحا كنت اقف مستغرب ليه الزول مابرد السلام عشان كدا يا اللخو بقينا ذاتنا ما بنسلم إلا علي البنعرفو والعمر لي حدو ... والسير لي مردّو ... البدورنا بندورو .. اليابانا قـ........
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: خالد علي محجوب المنسي)
|
اريتو لو بجي فارك فيك ساكت ومايقول سلااام يرميك بنظرات وتاخذك تلك المشاعر السودانية التي تحملها وتقول له السلااام عليكم أنت وويفرك تاني دايس الأبنص ويختو وشو في قزاز أقرب دكان ناحية يساره ويديك العجاج مكتحا كنت اقف مستغرب ليه الزول مابرد السلام عشان كدا يا اللخو بقينا ذاتنا ما بنسلم إلا علي البنعرفو والعمر لي حدو ... والسير لي مردّو ... البدورنا بندورو .. اليابانا قـ........
اااااااي يا اب احمد - كمان كان سلمت عليهو بقول دا جاي جديد
عشان كدا اديهو العلال بس ومحل رهيفة تنقد
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: الطيب شيقوق)
|
Quote: الشبكه عامله معاي دوشمان , عجزت عن التداخل والتصفح ابوعبيده محمد عطا الله صحبي وانا معرس بت عمو ,, محمد عطا كان من رموز كوستي الباهره والدي تاجر صغير ولكنه مشهور بالسمن والعسل وزيت السمسم ومنتجات الغرب من تبلدي ولالوب , كان صادقا مصدقا فعرف عنه ذلك فعاش مستورا , لا يشينه شئ |
أولئك رجال قد مضوا والرحمة والمغفرة على من أرتحل لجوار ربه والصحة والعافية لمن بقى بيننا يرى ما آلت له البلاد من حال وحالها يصعب علي الكافر يا سلااام يا أبوسن أبوعبيدة صديقك والله نعم الصديق الصادق أخو الأخوان طبعاً كان مشهور في دولة المجر باسم عطاالله بس قول لي خالد محجوب بسلم عليك كتير طال الزمن فراقاً بيننا والأخبار مقطوعة لو سمحت رقم تلفونه وقول لي خالد ومصطفى البكري ووديع وفتح الرحمن تاني إتلمو في بلد واحدة هههههههههه لك الشكر ابوسن وصحي البلد ضيقة مودتي
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: خالد علي محجوب المنسي)
|
Quote: غير النظارة ،،العنكوليب بزيد السكر ويتلف الشبكة... بمناسبة دكان ابو صاحبك اب سن،،عسل ،سمن،،تمر،قنقليس... عمك ود المحجوب مدير زراعي في جهات شاشينا،،فعل السكري وجور الزمان فيه مافعل،،، فصار اوشك..الجماعة بفطروا في رمضان سوه،،قال ليهم والله ياجماعة في زول عنده خلطة نبات سحرية ترجع الزول صبي في العشرين،،،وووو. الجماعة واحد فيهم هبب كلامو مافي،،بل قالوا له،،نحن نحمد الله مستورين تب. شال صينيتو رجع طفشان متيقنن بان الفوات فات فيهو... في اخر الليل صار الباب يطرق،،،منو ،،انا فلان،،،ياخ وصف لينا. ثم الثاني والتالي،،،تقريبا اكثرهم،،،دايرين وصف الوصفة... بكريتا جاء شايل صينيتو مبسوطا فقد ادرك بانه مابراه ،،الوشوك... واعلن انه ليس هناك وصفة ،،،الا الصبر. |
ههههههههههههههههههههه عبدالعزيز والله انا برضو عندي وصفة سحرية تخلي الزول يشيل الليل نطيط وسهاد وأنا رجعت بيتي وماعندي باب تدقوا البدورني يدق باب الخاص ماسنجر هههههههههههههههه
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: الطيب شيقوق)
|
Quote: عم محجوب زول نجيض بالحيل ما ببني ساي علا يتلهم العوالي - هسه بيتكم دا بيكون بانيهو فوق .......................ة عالية بالحيل |
وعسكري من الصباح طابور وبعدين تقعد للشاي ردم ردم عندو كومر بمشي بي الزراعة ماخلا لي ترابة في شندي ردم البيت تب خلا عالي في هضبة لما تدخل البيت نفسك يقوم هههههههه ديل يا أخوي ناس الصف مو ناس كلية حربية 27 سنة خدمة عسكرية لي هسي ماشاء الله لما يقج بالجلابية الملفحة ومركوب النمر بخرتنا وجاهة جت علينا في المناسبات ولي يومي يومك ماشاء الله كان سمع الدلوكا هبقت يوم يعرض لكن الحركة تقيلة ( كبر سن ) يزح الكرعين زح لكن حافظ زمنو في العرضة .. حرم في الإجازة الفاتت دي عندنا كان عرس ولد بت عمي لما عرض ودخل الدارة البنوت كلهن قامن يشوفن عرضتو الله يحفظو ويعطي الصحة العافية ياهو الفضل لينا بعد وفاة الوالدة عليها رحمة الله
| |
|
|
|
|
|
|
Re: عييييييييك يا ناس البندر / مع المطر الكتير دا يجيكم عنكوليب ما تفرزوهو من القنا (Re: الطيب شيقوق)
|
عثمان
Quote: زي الحنكوشة زولة المدكيشن دي باقيلك بتقدر من لون طرق القصبة تفرز كان القصبة حلوة ولا ما حلوة ؟ أنا عارفك أنت كان حمارك مكربت بي سرعة الصاروخ .. من لون الورشل ساكت بتقدر تعرف القصبة . ياخ صاحبك عبدالماجد ده كمية القصب الهو لاكو في الدنيا دي يردم باب المندب ههههههها |
والله يا عثمان اخوى الحنكوشة كان نقيت ليها قصبة ود عكر قايمة في طرف ميعة شبعانة وتريانة ما بتفرزا
اخوك بفرزها على الوصف بس
عبد الماجد عندو ليهو المروة ات فاكر في زول بتمجد في العنكوليب دا اكان ما فيهو حبة مروة ؟
| |
|
|
|
|
|
|
|