|
|
|
 Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
ترقد الحلة علي ضفة النيل الازرق الغربية،،ثم يلتف حولها شارع اسفلت الخرطوم مدني متوسطة المسافة تماما،،،هنا لازالت هناك غابة تضم الاف الاشجار،غامضة ومخضرة، وهاهنا اخصب اراضي الدنيا،،وامن مكان في العالم،،،واذا الجات الظروف الانسان للعاصمة فما هي الا ساعة واحدة..
داخل البيوت مئات الاشجار كما بالشوارع....
تسقط الامطار،،وماهي الا ساعة حتي لا تجد نقطة ماء واحده..
الانجليز خططوها عام 47 ،،كل مربوع 1600 متر يحاط من اربع جهات بشوارع..كل ش 10 متر..
وجعلوا وسط كل حي حديقة،،ووسط القرية الخدمات...
ثم نورناها من حر مالنا...
وبنينا مدارسنا حتي الطباشير بعرق اهالينا الكادحين
وبنينا مركزنا الطبي بجهد اولادنا العاملين
وعمرنا كل شئ من زرعنا،،لم تعطنا دولة هللة
ثم هي نظيفة وصديقة ووادعة...
واتحدي ان تكون كافوري او المعمورة في نظامها جمالها ونظافتها
برقم ان الارض برخص التراب
اظن ان هناك وهم اسمه المدينة
او لعل الريف لم يكتشف بعد...
| |
 
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: Abureesh)
|
التحايا يا ابوالريش...
اخرج من بيتنا امتار،،الغابة ثم النهر...
اما الغابة،،،فامرها عجيب يا ابو الريش ،،ساحاول ان ات لك بصور منها..كل انواع الاشجار،من عجب مخضرة طوال العام،،ورغم فوضي القطع وملعبات المساعيل في لفح حطبها،،فلا زالت في مساحة تقرب من ال 500 فدان،،،ممتدة تقريبا محازية النيل مسافة 5 ك طولا واكثر من الكيلو عرضا،،،تمشي مسافة طويلة لا تري الشمس ابدا،،تسمع اصوات الطيور المختلفة...ثم يرقد النيل برماله العجيبة التي تري اروع مسبح ،،حيث توجد جزيرة من ابهي ما رايت...
ولا تحتاج هذه المنطقة لتكون ابهي واجمل منتجع لاهل المدن وزائري البلاد من الاجانب..لا تحتاج الا للقليل لتكون واحة سياحة واستجمام معدومة المثيل،،،للاسر،،،للاصدقاء،،للطلاب،،للازواج،،،للاجانب سياحة منظرا وسباحة...
ثم ان مزارع الفواكه تحيط بالمنطقة من كل جانب
وماهي الا ساعة من الخرطوم بالاسفلت الا وانت فيها...
بالله اعمل قوقل ايرث وانت مباري النيل الازرق ج وضفته الغربيه ،،،
فوت الكاملين 10 ك براها بتناديك...
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
الاديب صاحب الكلمات الساحرة عبد العزيز
بالفعل صور بديعة لقرية واعدة وجميلة وزي ما قال ليك خالد العبيد انت ما نورتينا اسم
القرية ولكن وصفك يدل انها قرية بين العاملين والخرطوم
وواصل ونزل لينا مزيد من الصور يمكن نسكن في قريتهم الواعدة ما دام انت بتقول سعر
الارض بتراب الفلوس على الرغم من هذا الجمال الانيق والمناظر الساحرة
والله يديك العافية
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: خالد العبيد)
|
العزيز المحترم خالد العبيد،،،تحايا..
قوقل اسمي..
وبوستاتي من طرف،،،طبعا ما حصل لي شرف زيارتك.
رغم اني تواصلت معك اول زول من سودانيز....باميلات
بعدين عفيف اسماعيل جنبك عندو البوم ليها.
هسع قلنا نحتفي بعموم الريف
والفكرة مواصلة لطرح الاخ مامون
مش ناس الحيكومة واي زول كنس البلد عندو في الخرطوم
سنبداا حياتنا من هناك
حيث الحياة
وصدقني ما اجمل االريف
بصور ليك يافطة حلتنا
شكرا يا حبيب
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: خالد العبيد)
|
هوي خلينا من دحشة وداره ,,, ورينا اسم قريتكم عديل كده ,, نحن ناس بطانه هسه نلقاكم اهل ولا نسابه
دايرين الاسم ولا بقوقل ولا حاجه
الصور جميلة اكيد ,, رغم المعاناة في رؤيتها من قبلي
أكثر صوره عجبتني والله الشفع القاعدين ديل
جد والله صورة طفرت الدمع مني
ماذا اعددنا لهم حين يكبرون
ماتنسي الاسم
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالحفيظ ابوسن)
|
أكيد الصور جميلة والقرية أجمل وما أحلى تلك القرى التي ترقد على ضفتي الأزرق ولاسيما في منطقة الجزيرة وتلك (الحللال) تحمل من الأسماء ما تحمل ، أم مغد ، أبوحراز ، الهبيكة ، القريقريب ، الطالباب ، الشاوراب ، التكينة ، أربجي ، القلقالة ، الضقالة ، البطاحين ، الهلالية ، أم دقرسي ، الشاوراب ، أبوعشر ، العيكورة ، التكينة ، ودراوه .... وأسماء قرى عديدة وحبيبة حفظتها عن ظهر قلب في حقبة من الزمن ، حينما كنا نشق أرض الجزيرة متجهين للخرطوم بأكسبريس حلفا الجديدة وسفريات الحرمين وأشرنكيل .... يا لها من أيام
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: خالد العبيد)
|
هوي خلينا من دحشة وداره ,,, ورينا اسم قريتكم عديل كده ,, نحن ناس بطانه هسه نلقاكم اهل ولا نسابه
دايرين الاسم ولا بقوقل ولا حاجه
الصور جميلة اكيد ,, رغم المعاناة في رؤيتها من قبلي
أكثر صوره عجبتني والله الشفع القاعدين ديل
جد والله صورة طفرت الدمع مني
ماذا اعددنا لهم حين يكبرون
ماتنسي الاسم
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: خالد العبيد)
|
الحصاحيصا جنوبنا نحن اقرب للكاملين....
منطقة الحلاوين اصلا انصار وهي منطقة مستنيرة...
نحن لسنا من مجموعة قري الحلاوين..
نحن فوق البحر والتصوف سيد الموقف...
اهتمام الناس في الحلة البسيطة هذه منصب علي العلم والزراعة
ولست مبالغا ان قلت لك ان قريتنا الصغيرة هذه وصل عدد الخريجين والخريجات تقريبا الالف...
ولعل كثيرا من مرر بكلية الهندسة يعرف بروفسر محمد علي عباس،،
ذلك ابنها
سماته تجدها في شباب القرية...
علم وتواضع جم...
معليش يا جماعة اعذروني...
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
العزيز عبد العزيز
بعد تفوت الكاملين وانت تيمم قلبك شطر الجنوب الجزيراوى اللخدر
بتلقى ام دقرسى وبعدها اب عشر و ود الماجدى والطالباب
الترتيب ده كده صاح ؟
تانى فى شنو هناك
لى سنين عددا ما مشيت تلك النواحى السمحة
المهم
البقاع دى كلها مليانة ناس سمحين
صحى الناس هناك دمهم اخدر ؟
قالو قبل ما يلدوهم بتوحمو بيهم على الجروف والصفصاف والنيم والسيسبان
كيف احوالك
| |
|
|
|
|
|
|
|
 Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
يا عزنا
السلام والاحترام
.
.
عاين جاي
واحد من عروبنا بعد ما جلد طلبو حق الفاصوليا في مطعم من مطاعم اب قوتة ووقف تيوة
خلف كراعو وبقى انخس في سنونو ومعها حركة الخشم والسنون ديك جشجش جشجش
جنبو واحد قرف من الحركة دي وقال ليهو اتا يا عربي جاي من وين تعبيرا عن زهجو منو
طوالي قاليهو من القفيلة من القفيلة واجغجغ في جغجغتك ولا خساهو ان شا ء الله انشق ذاتو ولا جايب ليهو خبر
ناسنا ديل قبل السلام اوريك اسم حلتو
فما عارف السر شنو يا شيخنا ما داير تقول للاعضاء والقراء اسم حلتكم
انا طبعا ما داير اقول احتراما لرايك
امكن راقد ليك فوق راي يا شيخنا
مع كل الود والاحترام
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
العزيز \ عزيز ..
صباح الخيرات .. والتفاؤل والامل .
تصدق يا العزيز انا البوستات الزي دي بتنفخ فيني روح الآمل المفقود جواي .
عمومآ بوست في منتهي الاهمية في هذه الظروفة النفسية القاسية والظروف الماسأوية
المضرة بالصحة .. والله يا عزيز لو قلت ليك مدبرسة قدر شنو ما بتصدق من ظروف
البلد في الايام دي من امطار واكيد ما واءها من كوارث بئية . عمومآ بوست في جرح وربنا
يشفي جراح الشعب السوداني ووطنه المكلوم ..
مشكور علي اللوحة الربانية ... ايها الصوفي ( العزيز ) ..
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: أيمن دياب)
|
وهي البهية،،الندية،الطيبة،،الذكية،،المعطاءة،،مشرعة ابوابها،،للقاصدين،،مبذول زادها للعابرين،،فاتحة قلبها للمحبين،،ما ورد حوضها من وارد الا كان حبيبها،،وعاشقها .
انا لا اذكيها علي اخواتها من القري،،،فلها شقيقات كثر....
ولست بمباه بعمرانها،،،انما افخر بانسانها...
ذلك الطيب،،مثل كل اهل الريف..
الصادق مثل كل الطيبين...
العفيف ،الشريف...
ما اوسع مسكنه راكوبة او بيت جالوص
وما اعظم كرمه كسرة او بليلة مباشر...
انسان قريتي،،لازال هو انسان السودان الذي لم يتبدل..
وهو موجود في كل القري..
كما هو ايضا موجود في المدينة،،انسانها الطيب،الشهم،،
الذي لم تهزمه ماكينة الفساد والتيه...
فيضل عن السبيل...
اذا اردتم بعث جوهرنا،،تجدوه قابضا علي الجمر هناك في الارياف
اذهبوا اليه ،،،لنستعيد عافيتنا من جديد...
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
Quote: and#218;
أكيد الصور جميلة والقرية أجمل وما أحلى تلك القرى التي ترقد على ضفتي الأزرق ولاسيما في منطقة الجزيرة وتلك (الحللال) تحمل من الأسماء ما تحمل ، أم مغد ، أبوحراز ، الهبيكة ، القريقريب ، الطالباب ، الشاوراب ، التكينة ، أربجي ، القلقالة ، الضقالة ، البطاحين ، الهلالية ، أم دقرسي ، الشاوراب ، أبوعشر ، العيكورة ، التكينة ، ودراوه .... وأسماء قرى عديدة وحبيبة حفظتها عن ظهر قلب في حقبة من الزمن ، حينما كنا نشق أرض الجزيرة متجهين للخرطوم بأكسبريس حلفا الجديدة وسفريات الحرمين وأشرنكيل .... يا لها من أيام |
ياسلام عليك وذوقك..
يازول اذا قدر لك ورغبت ان تقيم بمناطقنا ليك علي اديك البسكنك لا قرش لا تعريفه ان شاء الله تزرع ليك فيه شدرة جوافه ومنقا برتقال ونخله وتزورها كل عام،،،الزول السمح تيراب سعادة،،وانت كلك سماحة.
| |
|
|
|
|
|
|
|
|
 Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
يا سلام علي الصور يا عبد العزيز حاجة تشرح القلب وما يميزها هو هذه الخضرة التي طغت علي كل شئ فاحالتها للوحة تبهر الانفاس مع احتضان النيل لها في محبة أم رؤوم
هذه الطبيعة الساحرة أثرت علي انسانها فأنتجت لنا أناساً في في غاية الطيبة والتسامح وها هو عبد العزيز بيننا رسولاً منهم يدعوا للتسامح والجمال
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: سامى عبد المطلب)
|
Quote: and#237;
العزيز عبد العزيز
بعد تفوت الكاملين وانت تيمم قلبك شطر الجنوب الجزيراوى اللخدر
بتلقى ام دقرسى وبعدها اب عشر و ود الماجدى والطالباب
الترتيب ده كده صاح ؟
تانى فى شنو هناك
لى سنين عددا ما مشيت تلك النواحى السمحة
المهم
البقاع دى كلها مليانة ناس سمحين
صحى الناس هناك دمهم اخدر ؟
قالو قبل ما يلدوهم بتوحمو بيهم على الجروف والصفصاف والنيم والسيسبان
كيف احوالك |
بماذا تامر ايها البهي،،،اما نحن فنقول ياريت لو تجينا،،،لتزرع ولو شجرة لعيالك.
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: mohmed khalail)
|
ات يا بت عمسيب قائلة بلد اماتك وابواتك السمحين ديلك خلاس ودر...
لا ايمين...
والف يمين...
يعني شوية عرضة الليلة كضاضيب وهيلة حرمنة تودر ميراث وسماح،
لا يمين...
وقسم...ومليون قسم...
الديوان انفتح،،،والنفير ادور،،والعزومة علي المافي..
الصدق اعود مع الصباح ،،،باهي وزاهي...
دولاب العمل ارجع استعدل ،،،وحق المساكين اصد ليهم..
والله وبالله الافندي ان هلكه الجوع ما يمد ايدو لي حق غيرو
والحرامية النهبو عرق ودم الغلابة يجي زمن اولادن يتبروا من عارن...
ات قايلا الكلام ده بعيد...
وحاتك قريب...
الصدق فجتو فرد ساعة،،بل هي بعض لمحة...
ثم ماهي الا فسحة،فبغمر الخير النفوس،ويشرق فيها نور الفلاح،،فيظل المعلم وفيا لدرسه وفصله والطبيب علي مريضه والفلاح علي زرعه،،،واذا هذه الحارات والحلال المتعبة،والبيوت التي هدمها السيل القادم باسباب الفساد،تنتصب مرفوعة الهامة،باذن ربك وبعزائم اهلك وطيبة ونقاء هذا الشعب السمح الابي...
ات عندك شك ده كلو مايزول...
شوفي بشارتي دي ان ماصدقت،،،وفي زمن قريب جد قريب...
ابشري يالحبيبة ،،نفضي حزنك ده،،سويلك كباية شاي،،،
وقولي....
سيتبدل هذا الحال...
سيعم خيرنا لنا وللجيران...
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
سلامات يا عبد العزيز..
أذكر ونحن أطفال يفع صغار نركب (موريس ) جدى عليه رحمة الله بشرى محمد سعيد وهو رجل كان عشقه وهمه الكبير هو الجزيرة ومشروعها وإنسانها
وأحدى وظائفه كانت إدارة مشروع الجزيرة التى يحفظ كل شبر وبوصة فيها,, الطريق كان أخضر اللون منذ أن تخرج من العاصمة وصولا لأى نقطة فى تلك النواحى حتى لو لم تكن الدنيا خريفا أما إذا كانت خريف فحتى السماء يتحول لونها للأخضر,, كانت المسابقه والدرس لهولاء الأحفاد الصغار هى أسماء القرى والمدن على الطريق وعرفنا المغزى والدرس لاحقا,, ومع إسم كل قرية أو مدينه قصة,, حدث ,,أو شخصية بارزة خرجت منها وإحتلت موقعا بارزا فى مكان ما أو صديق أو قريب أو دفعة ولا تزال تلك القصص والحكايات تدر فى رأسى كلما مررت بتل القرية أو المدينة,,,
يا زول ورينا إسم حلتكم (حياها الغمام )و خلينا النمشى نشوف شغلتنا ونجيكم تانى بعدين,,
تحياتى لك ولصديقك ود البوش العائد من الأسر وكل أولاد حنتوب بهذا المكان,,
وشكرا لهذا البهاء,,
| |
|
|
|
|
|
|
|
|
 Re: يا جماعة الخير،،،اتفضلوا شوفو اجمل صور من قريتي.... (Re: أيمن الطيب)
|
| Quote: تحياتى لك ولصديقك ود البوش العائد من الأسر وكل أولاد حنتوب بهذا المكان,, |
والتحية لك اضعافا عزيزي ايمن ابن معلمنا الجليل في حنتوب
واذ انسى ما انسى حينما رسمت لوري في حصة الفنون التي كان والدك الفنان استاذها
فقال لي ياريت لو شحنت لورتك دا بضاعة عشان نعرفو قايم من وين
فعدلت الرسمة وشحنتو شوالات كِبِس فحينها قال لي كدا تستاهل تمانية من عشرة وكنت ح اديك تسعة لو كتبت على اللوري تعبيرا من منطقتكم
ومن وقتها كنت كلما اشوف لوري اعاين ليهو شاحن شنو ومكتوب عليهو شنو عشان اعرفو من وين في السودان
يا سلام قومت علينا ضرس الشجن ياخ
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
عزو يا صديق كيف حالك يا زول
متابع كتاباتك الرائعة التي تنعش الروح
طبعاً أنا واحد من الناس عارف إسم قريتكم الجميلة
ولكن لن أفصح عن الإسم وأتركه حتى لا أفسد عليك غرضك
الذي فتحت من أجله البوست الى أن تأتي باليافطة.
من وصفك الجميل ومناظر الطبيعة الخلابة لقريتكم
جعلنا نتوق شوقاً لحجز قطعة أرض في قريتكم العامرة
وبين أهلك الذين تفوح منهم رياحين الطيبة والشهامة والكرم الفياض.
بالمناسبة قريبك وإبن قريتك كمال يوسف بسلم عليك كثير
مع خالص التحايا
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
سلام وإحترام أخونا الجميل عبدالعزيز ود عثمان ولعلك طيب والعيد مبارك عليك
النيل الأزرق جنة الله في الأرض .. تجد جمال وروعة هذه الاماكن في سحنات أهلهــا ..
القرية والريف من أجمل الأماكن التي يمكن لإنسان أن يعيش فيها ..
وشايف د. رشــا برضو فاتحة بوست (منو المعانا) والذي يدعو للعودة للقرية والحلة
للناس الحنان والأرض الطيبة والوجوه النضرة ..
والله شهيتونا يعلم الله ..
أنا غايتو من ملامح قريتكم الجميلة ووصفك لها أقول يمكن تكون (أم دقرسي)
لو طلعت ياها .. ياني الجاييك تاني .. فلي بها ذكريات ومع أهلها علاقات ..
أقعد عافية
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
الأخ عبدالعزيز ..
السلام عليكم ورحمة الله وبركاته .. وكل عام وانتم بألف خير ..
لفت نظري الشارع ال10 متر .. اظنك طولت منها .. كل الناس توسعت في الشوارع نسبة للزيادة في الكثافة السكانية .. والقطعة والواحدة تلقا فيها 4 غرف منفصلة لأربع أسر صغيرة .. وأعجبتني جدا تجربة ناس مدينة الهدى ..في التسعينات تمددت الحيشان في الشوارع وخربت تخطيطها الجميل .. لكن الحمد لله قامو بحملة وأزالو كل التعديات ... تحياتي
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: Dr. Abdalla Siddig)
|
Quote: الصدق فجتو فرد ساعة،،بل هي بعض لمحة...
ثم ماهي الا فسحة،فبغمر الخير النفوس،ويشرق فيها نور الفلاح،،فيظل المعلم وفيا لدرسه وفصله والطبيب علي مريضه والفلاح علي زرعه،،،واذا هذه الحارات والحلال المتعبة،والبيوت التي هدمها السيل القادم باسباب الفساد،تنتصب مرفوعة الهامة،باذن ربك وبعزائم اهلك وطيبة ونقاء هذا الشعب السمح الابي...
ات عندك شك ده كلو مايزول...
شوفي بشارتي دي ان ماصدقت،،،وفي زمن قريب جد قريب...
ابشري يالحبيبة ،،نفضي حزنك ده،،سويلك كباية شاي،،،
وقولي....
سيتبدل هذا الحال...
سيعم خيرنا لنا وللجيران... |
ياسلام ياعبد العزيز اخوى
ياسلام على كلامك السمح البطرد الهم من النفوس ويزرع الأمل فى مستقبل أخضر وجميل ويرد الروح
أكيد الكلام السمح دة نابع من نفس سمحة شاربة من طيبة وجمال قريتكم البرد الروح
تحياتى
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: Dr. Abdalla Siddig)
|
Quote:
عشان الخدمات صحه وتعليم وغيرها. وقع ليك. |
<<<<<<<<<<<<<<<<<<<<
عزيزي محمد هاشم
هل انت بتعرف انو مرات الخدمات في الأرياف بتكون احسن من المدن.. وخاصة وان المدن فيها زحمة شديدة
وانت شوف نسبة النجاح في الأرياف بتكون دائما اعلى من المدن عشان ناس الأرياف بستنشقوا الهواء النقي
وبيتعيشوا وسط طبيعة ساحرة زي ما انت شايف في صور عبد العزيز... واحس ليك تكون عايش في قرية من قرى الجزيرة
على بعد ساعة واحدة من الخرطوم في بيت حدادي مدادي وبايجار رخيص وتكون شغال في الخرطوم وبتحصل شغلك في الخرطوم اسرع
من الناس الساطنين داخل الخرطوم البيعانو في المواصلات معاناة فظيعة.. وطبعا في الحالة دي تكون طبعا عندك سيارة
وحتى اذا ما عندك سيارة اظن المواصلات العامة بين قرى الجزيرة والخرطوم اسهل من مواصلات العاصمة,,
والله يديك العافية
تخريمة
طبعا انا مطبق النظرية دي في امريكا.. ساكنة في الريف.. في ولاية قريبقة من نيويورك( يعني زي حالة الخرطوم والحزيرة).. وشغالة في نيويورك.. يعني ساكنة وسط الطبيعة والأشجار وفي بيت حدادي مدادي وبايجار رخيص وبصل الشغل في نيويورك في ساعة وثلث.. وفي ناس ساكنين داخل نيويورك وبيدفعوا اكثر من ثلاثة ارباع مرتبهم في ايجار الشقة وبيصلوا شغلهم بعد ساعتين... والناس العاقلة بتشتري البيوت في الريف خارج نيويورك بتراب الفلوس . والبيوت فخمة كأنها قصور ...وبيكونوا شغالين في نيويورك .. المدينة الملوثة بعوادم السيارات والدخاخين...
عزيزي عبد العزيز
لي صديقةوزميلة من فداسي العامراب شافت الصور وبقت تبكي وتقول ياها دي حلتنا الجميلة.. ونحن المقعدنا هنا شنو؟؟؟
وانا شايفة خالد العبيد بيقول ليك دي الحصاحيصا... لكن الحصاحيصا دي مدينة ضخمة وليست قرية..
والله يديك العافية
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: ولياب)
|
حقيقة حين يتحدث الانسان عن الجزيرة،،فانه يتحدث عن كل السودان ،ذلك بان كل سواعد ابناء البلاد قد بذلت عرقها فيها،كل السودان ممثل هنا،بادلتهم وبادلوها الحب والوداد،،جمعتهم نهارات العمل،،تقاسموا اللقمة علي ضهر الترع،،عاشوا نفس الحلم والالم،فتوحدت مشاعرهم.
حتي هذه اللحظة ،ورغم قيام قيامة الجزيرة بفعل خبثاء ماكرين،،فان بوتقة انصهار السودان القائمة علي المحبة والفهم هي هنا،،في هذه الارض الجليلة الحنون،،ولو كان هناك ذا بصر وبصيرة لصنع منها روضة محبة،ووعاء تلاحم يصنع عافية لوطن ضيعه جهل ولؤم.
قريتي هي قرية كل من يحلم بوطن معافي يجمع الجميع،،وذلك فجر لابد ات.
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: ولياب)
|
حقيقة حين يتحدث الانسان عن الجزيرة،،فانه يتحدث عن كل السودان ،ذلك بان كل سواعد ابناء البلاد قد بذلت عرقها فيها،كل السودان ممثل هنا،بادلتهم وبادلوها الحب والوداد،،جمعتهم نهارات العمل،،تقاسموا اللقمة علي ضهر الترع،،عاشوا نفس الحلم والالم،فتوحدت مشاعرهم.
حتي هذه اللحظة ،ورغم قيام قيامة الجزيرة بفعل خبثاء ماكرين،،فان بوتقة انصهار السودان القائمة علي المحبة والفهم هي هنا،،في هذه الارض الجليلة الحنون،،ولو كان هناك ذا بصر وبصيرة لصنع منها روضة محبة،ووعاء تلاحم يصنع عافية لوطن ضيعه جهل ولؤم.
قريتي هي قرية كل من يحلم بوطن معافي يجمع الجميع،،وذلك فجر لابد ات.
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
Quote: and#205; and#205;
عشان الخدمات صحه وتعليم وغيرها. وقع ليك. |
عزيزي واخي الحبيب،،محمد هاشم...
اوافقك الراي بان السبب الذي الجا الناس للمدينة هو هم الخدمات،،لكن قل لي هل تظن انهم وجدوها،،هاهي الطائرات محملة تذهب بالطيبين للخارج بحثا عن العلاج،،،ثم يهرب الالاف بحثا عن التعليم،،ذلك بالرغم ان عندنا خيرة الاطباء وخيرة المعلمين،،انه خراب سيستم،،ولكن اقول لك بانه من السهل في اريافنا ان تجد الطبيب ود الحللال وود الحلال،مرابطا قابضا علي الجمر في الجهات،،فلا ابالغ ان قلت لك ان في دائرة نحن نقطتها 20 ك يمكنك ان تحسب مايزيد من مئة طبيب وعشرات الاخصائين بابي عشر منحة صينية تجري عملية القضروف فيها كانت مجانا حتي اظلنا زمان كل شئ بثمنو كان يعمل بهذا المستشفي الريفي اكثر من 20 طببا واخصائيا اجروا الاف العمليات في زمن مضي،،الشاهد ان الكادر السوداني المؤهل موجود ويمكن بفهم وتجرد تطوير المسالة اذا ختينا لولوة الحكومات،،ثم ان مجمل التعليم يحتاج لمراجعة ولا زالت الجزيرة رغم ما لحق بها معقولة...
ثم ان قليل من الجهد مع طفلك في الريف يؤتي ثمره...
وعودة الناس لاريافهم مقدمة لعودة الخدمات للطيبين،،،فبعودة المستطيعين نشيل الشيلة مع اهلنا البسطاء في كل الارياف..
خلي الحيكومات وسماسرتا يقرقشو صقائع الخرطوم وحصاها.
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
كده عليكم الله انسال سؤال...
هسع الحكومة دي ذاتا المقعده في الخرطوم شنو...
وما يسمي بالبرلمان المقعدو في الخرطوم شنو
ماذا يفعل وزير الزراعة والري والثروة الحيوانية والطاقة والحج والشيؤن الانسانية والاجتماعية فيها..
بل ماذا يفعل جيش جرار بوزارات ومؤثات ضرائب وذكاة ودمغة وارصاد ومسح طبغرافي وترقية الدوانكي والتراث بالمدينة...
اول ناس اقعدوا في حلالن وسط ناخبنهم وبي واسطة شبكة مصممة من شنقل طوباية وله همشكوريب وناسوا سامعنو بقول في شنو يتكلم..
الان التكنلوجيا حلحلت كل شئ وممثل الشعب اكون وسط هموم اهلو يرفعها ويناقشها قدامن مش بلايين القروش ضائعة في بروتكولات لا تصلح لدولة فقيرة...
الاموال دي تمش للارياف...
للانتاج وترقية الخدمات...
ووزيرا الزراعة والثروة الحيوانية والري من صبح الرحمن اشوفو محل عملن...محل في زراعة وثروة حيوانية وخزانات...
الخرطوم مافيها انتاج فيها خرت بس..
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
Quote: and#229;
سلام يا عبدالعزيز.. ما دام قلت أقرب للكاملين ما بتمرق من أربعة..
الكاملين العبدلاب.. أمدقرسي.. ود الماجدي.. أبوعشر (رغم إنو أبوعشر مدينة وليست قرية).. |
ود دياب سلام عطر...
لقد ذكرت حسنيات الريف وجميلات القري ولكن الحبيبة توارت من وراء الحجاب..وهي في الخفاء ايقونة ،،فهل تبدت ليراها الصحاب...
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: Abdelslam Malik Ali Elhag)
|
أخي عبد العزيز
سعدنا كم سعادة و نحن نتجول في قريتكم
مدفن الصُرة عزيز كل شبر بل قيراط يكون عزيز في النفوس
جمال المكان بقاطنيه والعز في الأهل
وما أجمل ذلك المنظر في الصورة الأولى مغيب الشمس ترسل أشعتها الباقية من طول أشتعال يومها
على سطح الأزرق العاتي متجه ليلاقي الأبيض الهادي في المقرن .....
أمتزاجا وكان إمتزاجهما حكمة من المولى جل شأنه أزرقٌ عاتي وأبيضٌ هادي ( يمثلا الشباب الشيب معاً)
وسارا نيلاً أكتسب سن الرشد العقل موصلاً مشواره لأرض الكِنانة
تحياتي عبدالعزيز
القرية وأهل القرى هما شعاع الحضارة كما هو حال الشمس على سطح النيل وقت الغروب
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: خالد علي محجوب المنسي)
|
Quote:
يا سلام علي الصور يا عبد العزيز حاجة تشرح القلب وما يميزها هو هذه الخضرة التي طغت علي كل شئ فاحالتها للوحة تبهر الانفاس مع احتضان النيل لها في محبة أم رؤوم
هذه الطبيعة الساحرة أثرت علي انسانها فأنتجت لنا أناساً في في غاية الطيبة والتسامح |
سامي ياحبيبنا الراقي وسامي...
زماااان عملت ليك بوست تقريبا عن هندسة البناء..
كدي ياخي،،خليك عملي عشان لما الصبح اطلع اي زول اكون عارف مشهادو،،،ات زول فهمان وراقي،،ضع تصور لقرية حضرية،متكاملة بها مشروع اعاشتها والعابها وترفيهها فلنقل بجهة الكاملين قدامكم ،،كيف يمكنك بلورة فكرة كهذه،،تساعد بها اخوانك المغتربين بالسعودية والخليج والراغبين..
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
هودا السودان مش الخرتوم المجوبكة بلد بيقوم فيها شجر النيم بمثل هذا الخدار تعنى أن التربة مخلوطة رملة +طين ودا دلالة للخصوبة يعنى لو زرعت زول بيقوم وما مهم ( أسمك ) المهم رسمك أحيك أخى عبد العزيز وتسلم
رد · · منذ 9 ساعات
Aati Badri · كلية الهندسة جامعة عين شمس
وانا كل يوم وكل ساعة اسائل نفسي
الشاب دا جاب كل جمال الروح دا من وين
الآن كل شيئ انكشف وبان
رد · · منذ 5 ساعات
Abdul Azeem Hamad · كلية التربية
عبدالعزيز يارائع والله ونستك جميلة ورايقة واظنك تعرف صديقي نادر رشاد واساله عن جمال جبل البركل ومناطقنا
لانه من اصدقائك والله الريف شفاء للنفوس التي ارهقتها الغربة
رد · · منذ حوالي ساعة
Ahmed Musa Ahmed
اسم قريتك اهم من الصور
رد · · منذ 20 ساعة
المستنير وهبة · الأكثر تعليقا · Khartoum, Sudan
شكرا يا عزنا على الصور الجميلة ... أنا طبعا عارفا وقضيت فيها ليلتين واطعمتنا الوالدة الله يديها الصحة والعافية من حنها .. طبعا الريف اجمل ... والله تتوق نفسي للعيش في الارياف كأني تربيت فيها لقد كفرت بالمدينة ورجتها يا صديقي... تخيل يكون عندك حواشة ورابط ليك فيها بقرتين وشوية "جداد" بلدي وحوض طماطم وجرجير وخدرة يا سلام ياخ
رد · · منذ 10 ساعات
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
الاخت اميرة السيد
كل عام وانتم بخير
Quote: واحسن ليك تكون عايش في قرية من قرى الجزيرة على بعد ساعة واحدة من الخرطوم في بيت حدادي مدادي وبايجار رخيص وتكون شغال في الخرطوم وبتحصل شغلك في الخرطوم اسرع
من الناس الساطنين داخل الخرطوم البيعانو في المواصلات معاناة فظيعة.. وطبعا في الحالة دي تكون طبعا عندك سيارة
وحتى اذا ما عندك سيارة اظن المواصلات العامة بين قرى الجزيرة والخرطوم اسهل من مواصلات العاصمة,, |
والله وبالجد انها امنيتي حتى اليوم
حوش حدادي مداي
عربية خاصة
جيب منفوخ للوقود
موقع عمل داخل الخرطوم
وتكون احلى لما كمان تتحرك من الصباح وتلقى ليك نفر نفرين من حلتكم مقطوعين في موقف الحلة ما لاقين مواصلات تقوم طوالي تدوس فرملتك دزززززززززز ويلا يا اهلنا نوصلكم
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: وضاح عبدالرحمن جابر)
|
n Bashir Abujaib · الأكثر تعليقا · Zagazig University
استاذنا .. لقد اكتشفنا اليوم سر سحر حروفك و بهائها.... و سر تلك الطيبه .. السماحه و الدواخل الوريفه..انه سحر و جمال المكان.. يا استاذنا ما اجمل شروق الشمس و غروبها و هي تعانق النيل حبا..و نيلا تبثه شوقها الابدي..و ما اجمل وجوه الاطفال .. ابتساماتهم ترد العافيه في الجسد العليل المتعب من رهق الغربه .. و قساوتها .. اطفال حلوين يحلمون بعشم باكر .. و مستقبل نير و ايام ناضره بهيه حبلي بكل الخير و النماء و العافيه ..قريتك يا عبد العزيز مهما كان اسمها فهي زاهيه و مخضره و مبشره باُشراقه يوم جديد.. و افق واعد بالبشر و البشاره و الفاُل الحسن.التحيه لانسان قريتكم المليان سماحه و كل الناس السمحين في سودانا السمح..في امتداد ربوعه .
رد · أعجبني · متابعة المنشور · منذ 8 ساعات
عبدو منصور · موظف في TechnoQ
هودا السودان مش الخرتوم المجوبكة بلد بيقوم فيها شجر النيم بمثل هذا الخدار تعنى أن التربة مخلوطة رملة +طين ودا دلالة للخصوبة يعنى لو زرعت زول بيقوم وما مهم ( أسمك ) المهم رسمك أحيك أخى عبد العزيز وتسلم
رد · أعجبني · متابعة المنشور · منذ 19 ساعة
المستنير وهبة · الأكثر تعليقا · Khartoum, Sudan
شكرا يا عزنا على الصور الجميلة ... أنا طبعا عارفا وقضيت فيها ليلتين واطعمتنا الوالدة الله يديها الصحة والعافية من حنها .. طبعا الريف اجمل ... والله تتوق نفسي للعيش في الارياف كأني تربيت فيها لقد كفرت بالمدينة ورجتها يا صديقي... تخيل يكون عندك حو
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: عبدالعزيز عثمان)
|
Quote: ... أنا مالي مالي سكن البنادر
والتراب الريحتو زي ريحة النشادر
وين الاقي ... فرشة عناقريب المغارب ؟
وقعدة الضُل في البنابر
وونسة بتنسيك همك
وضحكة البغشاك عابر
....
بكره العاصمه وهواها
وزحمة الناس في ضحاها
ويوم الكهارب نوره يقطع ..!
والقمرة تحزن في سماها
ومطرة الطين والمجاري
وكان غرقتا .... وقلتَ يا ابو مروه الكع
منو البجيك في الضلمة جاري
ما بدورها ..
حبي للحله وسماها
وريدي للبحر المدد بي وراها
ولمة الناس والمحنه
وونسة السمحين براها
|
,,,,,,,,,,,,,,,,,,,,,
عزيزي عبد العزيز
زرت البوست الجميل والذي سطرته الغالية رشا بعنوان" منو المعاي" وفيه وصف رائع للقرية وبتناسق مع الصور الرائعة
لقريتكم الوديعة التي ترقد على شاطئ النيل الأزرق.. واستأذنت من رشا لنقل بعض ابيات الشعر المموسق البديع
كي اضمها هنا لعكس الصور إلى كلمات .. وزي ما قلت للعزيزة رشا انتو شهيتونا نسكن القرية وننأى عن المدينة وضوضائها
وتلوثها ومشاكلهاونحن لونسة الناس السمحين والقلوب صافية كاللبن والعسل
والله يديك العافية
| |
|
|
|
|
|
|
|
|
|
Re: يا جماعة الخير،،،اتفضلوا شوفو اجمل صور من قريتي.... (Re: اميرة السيد)
|
Quote: عزيزي عبد العزيز
زرت البوست الجميل والذي سطرته الغالية رشا بعنوان" منو المعاي" وفيه وصف رائع للقرية وبتناسق مع الصور الرائعة
لقريتكم الوديعة التي ترقد على شاطئ النيل الأزرق.. واستأذنت من رشا لنقل بعض ابيات الشعر المموسق البديع
كي اضمها هنا لعكس الصور إلى كلمات .. وزي ما قلت للعزيزة رشا انتو شهيتونا نسكن القرية وننأى عن المدينة وضوضائها
وتلوثها ومشاكلهاونحن لونسة الناس السمحين والقلوب صافية كاللبن والعسل
والله يديك العافية |
أختي أميرة
في نهاية السبعينيات كان الشاعر محمد ود بادي العكودابي طالب في كلية الطب جامعة الخرطوم
ودار نقاش بين الطلبة عن أهمية الريف وتأثيره في حضارة المدن
نط طالب من ولاد البندر وأسمع ود بادي حديثاً اهان فيه بالقرية وبأهل القرية
ولك الوصف اللذي لذاك الشاب البندراوي
قال ود بادي
كنتُّ يومها قادم من القرية مثل عود الطندب المحروق أسمر
وكان هو مثل ورق الصفصاف يتقصع بين الأصابع
لما هاجني ووصفني أني متخلف رأيت أن أأتيه من جانب الهجاء شعرا
أبين له ماهي القرية ومن هم أهل القرى
ولك ابيات القصيدة بصوت الشاعر ود بادي
هوي يا وليد
| |
|
|
|
|
|
|
| |
عبدالعزيز عثمان
Abureesh
خالد العبيد
عبدالحفيظ ابوسن
ولياب
أبوذر بابكر
عبدالله ود البوش
مني عمسيب
محمد هاشم ابوزيد
سامى عبد المطلب
Yasir Elsharif
mohmed khalail
أيمن الطيب
صديق الموج
محمد أبوالعزائم أبوالريش
عزيز عيسى
عمر السلمة
الطيب شيقوق
Abdelslam Malik Ali Elhag
خالد علي محجوب المنسي
عبيد الطيب
عماد الشبلي
وضاح عبدالرحمن جابر
فيس بوك
تويتر
انستقرام
يوتيوب
بنتيريست