كتب الكاتب الفاتح جبرا المتوفرة بمعرض الدوحة
|
Re: عندي مشكلة فنية كرهتني الكتابة هنا - يلا يا اولاد البنادر النشوف فلاحتكم ( توجد اقتباسات) (Re: ابوحراز)
|
سمح يا اب حراز خليك معاي رغم قناعتي انو دا ما شغلكم يا ناس الضهاري لكن بجرب
Quote: انا غايتو بوريك بطريقة اهل العوض اول شيء تعمل { نسخ } للكلام العاوز تقتبسه وتعمل فيها نائم ثم تفتح ايقونة اقتباس يظهر ليك كلام كده زي { سلك الههيتر } يعني لغة شبيهة بالأوردو تمسحها واقتباسك بي ضبانتو تضع في نفس المكان ومن ثم اوكي تجد حينها ان الاقتباس نزل في صفحة الرد الانت شغال فيها وحينما تضغط على ايقونة اضافة رد تجد الاقتباس قاعد بشحمه ولحمه
|
هييييييييييييييييييييييييييييييييييييييييييييييييييع اب حراز وحاة الله ربك جاعل سرو في اضعف خلقو
يطول عمرك
حرررررررررررررم وديتها للهندي قعد يلولح لي في عنقرتو للفلوس واديتو وغلبتو كمان
| |
|
|
|
|
|
|
Re: عندي مشكلة فنية كرهتني الكتابة هنا - يلا يا اولاد البنادر النشوف فلاحتكم ( توجد اقتباسات) (Re: ابوحراز)
|
Quote: هسه الواحد كان قال ليكم بقيت مسيحي تكفروهو انتم و توصلوهو لروما انتم
ونحن نزرع في الخلاء وتعضينا الباعوضة ن وتلدغنا الثعابين ووقت ننتج ونجيب العيش والسمسم تجونا مارقين بدفاتر القبانة والمساهمة الوطنية وحتى الزكاة تمشي ليكم انتم العاملين عليها؟ |
هههههههههههه النضم عاد مو حقك وإت سيدو ياأبو كلام قت كيف اول ما المحصول يمرق يجو ؟؟؟؟؟ وجيوبهم كبيرة شديد
بعدين يا سيدي ح مشكلتك لو زريبة بكري ابت ليك ارزب براك بي شوك زي ابوسنينة بلون أحمر
| |
|
|
|
|
|
|
|
Re: عندي مشكلة فنية كرهتني الكتابة هنا - يلا يا اولاد البنادر النشوف فلاحتكم ( توجد اقتباسات) (Re: Farida Mahgoub)
|
Quote: بالنسبة لرفع الفيديو تعملوا الخطوات التالية:
1 تمشي لل youtube وتختار الفيديو الانت عايزو 2 تحت الفيديو توجد كلمات من ضمنها كلمة share اعمل عليها كليك 3 بتجيك كلمات من ضمنها embed اعمل عليها كليك 4 بجيك لنك مظلل high lighted اعمل كوبي copy 5 تعمل بيست paste في الpost بتاعك عند كتابة موضوع جديد او في حالة الرد او التعقيب علي الآخرين 6 تضغط علي شاهده قبل النشر او اضف رد وبكدا تكون رفعت القيديو
ارجو ان يكون شرحي بصورة مفهومة وعملية واتمني ليكم النجاح
|
سلآمات يا فريدة، والعيد يتبارك عليك.
صعبتيها شديد يا فريدة.
تعملي right click علي الفيديو، تمشي لـ copy embed code ، تعملي عليها click وتنقلي الرآبط للمكان الدايرة تنزلي فيهو الفيديو.
قال جنون البندر، قال !!!...
| |
|
|
|
|
|
|
Re: عندي مشكلة فنية كرهتني الكتابة هنا - يلا يا اولاد البنادر النشوف فلاحتكم ( توجد اقتباسات) (Re: عبدالعزيز عثمان)
|
Quote: انا غايتو بوريك بطريقة اهل العوض اول شيء تعمل { نسخ } للكلام العاوز تقتبسه وتعمل فيها نائم ثم تفتح ايقونة اقتباس يظهر ليك كلام كده زي { سلك الههيتر } يعني لغة شبيهة بالأوردو تمسحها واقتباسك بي ضبانتو تضع في نفس المكان ومن ثم اوكي تجد حينها ان الاقتباس نزل في صفحة الرد الانت شغال فيها وحينما تضغط على ايقونة اضافة رد تجد الاقتباس قاعد بشحمه ولحمه قال بندر قال |
======= شيقوق وحات خوتك لي كم سنة ما عملت ولا جرُبت الشغلانة دي أها نجربٌها على طريقة أبوحراز (بعد الاذن) وأعفى لينا هذا وعيدكم وكل الدنيا بألف خير وسعادة وأمطار خير ورخاء الشفيع
| |
|
|
|
|
|
|
Re: عندي مشكلة فنية كرهتني الكتابة هنا - يلا يا اولاد البنادر النشوف فلاحتكم ( توجد اقتباسات) (Re: Farida Mahgoub)
|
أستاذة فريدة
كل عام وانتم بخير
[QUOTE
بالنسبة لرفع الفيديو تعملوا الخطوات التالية:
1 تمشي لل youtube وتختار الفيديو الانت عايزو 2 تحت الفيديو توجد كلمات من ضمنها كلمة share اعمل عليها كليك 3 بتجيك كلمات من ضمنها embed اعمل عليها كليك 4 بجيك لنك مظلل high lighted اعمل كوبي copy 5 تعمل بيست paste في الpost بتاعك عند كتابة موضوع جديد او في حالة الرد او التعقيب علي الآخرين 6 تضغط علي شاهده قبل النشر او اضف رد وبكدا تكون رفعت القيديو
ارجو ان يكون شرحي بصورة مفهومة وعملية واتمني ليكم النجاح QUOTE]
الله يديك العافية ويطول عمرك
انا ذاتي من اسمك دا عرفتك حتكونى زولة بتنجضي الخدمة تقنيا
يعني نرجاها من ناس فاطنة وام سترين وكلتوم .؟
| |
|
|
|
|
|
|
Re: عندي مشكلة فنية كرهتني الكتابة هنا - يلا يا اولاد البنادر النشوف فلاحتكم ( توجد اقتباسات) (Re: محمد حيدر المشرف)
|
دكتور المشرف
Quote: هي والله -وكما تعلم- الالفة والممازحات الاليفة مع الصديق والأستاذ وسعادتو الطيب ود شيقوق .. QUOTE]
عليكم النبي ديروا بالكم لعبد العزيز عثمان دا - الوليد دا صاحبي من كنا في الجامعة وكان ساكن معاي - وما يكضب عليك يقول ليك انا اول مرة كدا وكدا
يا زول الراجل دا وقت نحن أولاد الضهاري كنا نتقدل بالعراريق والسراويل في صقية البركس كان بجينا لابس البجامة نص الكم عديل وتسريحة خنفس بس وبخت علبة تبغ الانفورا والكدوس في مناديل الورق قدامو ويونسنا بكلام مرات نفهمه ومرات نتناساهو
كنا بنحكي ليهو عن اب لمبة والبعاعيت وكان بحكي لينا عن أحلام الفتى الطاير و عن حدائق بابل المعلقة وعييييييييييييييك
| |
|
|
|
|
|
|
Re: عندي مشكلة فنية كرهتني الكتابة هنا - يلا يا اولاد البنادر النشوف فلاحتكم ( توجد اقتباسات) (Re: قصي محمد عبدالله)
|
مولانا قصي
Quote: ونحنا نقول: ناس الضهاري بيكملوا الأربعة سنوات كد وجهد، وناس البندر ممكن يشتروها بين ليلة وضحاها... لذلك تجد الكثير منهم لديه حلقات مفقودة في تخصصه الذي تعلمه... وبما أن المخ قد جف شريانه، ونضب عرقه، فمن الصعب تخديره ليتغذى وينتج معلومة جديدة! عكس ناس الضهاري ، الواحد فيهم مثل النخلة... مهما كبرت يمكن لها أن تفرهد وتثمر من جديد بمجرد أن يوضع تحتها القليل من الماء، ومثل اللبلاب... مسك الواحد فيهم الدرب و امشي خليهو... تجي بعد فترة بسيطة تلقاهو كوّش على كل الساحة ووصل القمة بدون مساعدة. وهذه دعوة منا نحن ناس الضهاري تجينا - ومعك بندريين اتنين آخرين - في أي أبوعشرين وتأخذوا ليكم جرعة ابداعية ممزوجة بموبة الترعة. بشرط أن تتعهدوا عند عودتكم لبنادركم الجافة أن تنشروا ما تعلمتوه وراء البحار، أقصد وراء الجداول والترع. تحياتي وتقديري |
يا قصي ولدي نخلة كاسرين ضهرها بحش الطورية في الحواشات والبلدات نخلة ساقينها موية حفاير البادوب نخلة مواضيع ونسة أهلها كوووووووووولهم انصرافية زي غلاط الجنغو حول ( هل الكدروك بدخل جحرو بقدمومو ولا بفنيستو؟)
من فين لمثل هذه النخلة من الابداع ؟
ياخ نخلة بتدخل الجامعة ضهرها يابس من الخدمة الشاقة كم من الزمن يا ترى تبقى لعمرها الافتراضي ؟
| |
|
|
|
|
|
|
Re: عندي مشكلة فنية كرهتني الكتابة هنا - يلا يا اولاد البنادر النشوف فلاحتكم ( توجد اقتباسات) (Re: الطيب شيقوق)
|
الاخ العزيز عبدالعزيز عثمان .. كيفك وكيف كيفك آ زول ..
في الحقيقة تملكني احساس غير مريح جراء مشاركتي هنا !! ريما كان مرد ذلك لتجربة سابقة في ذات السياق .. سياق مناوشات اليفة بين ما يسموا تجاوزا اولاد الريف واولاد المدينة .. بل وأذكر ان ذلك كان بيني والصديق العزيز ود شيقوق تحديدا ,, حيث تم انتهاز ذلك لاحقا من أحدهم وتم تغيير جوهر المشاركة المازح وبصورة فجة جدا لتكريس صورة مغلوطة تتمثل في "الطنقعة والادعاءات الزائفة الخ " من خلال بوست طويل عريض ..
لذلك كان هذا الاحساس غير المريح ازاء مشاركتي عندما قرأت تعليقك اعلاه .. هو يدخل كثيرا في باب الحذر ليس الا .. واما باب المودة والسماحة والالفة والحميمية فمشرع وفسيح الى يوم يبعثون .. اتابع حكاياتك واندهش واستمتع بها ايما استمتاع ..
شكرا جزيلا وجميلا لمعاوية ود المدير .. شكرا جزيلا ياخ
ويا ود شيقوق نحنا مولانا ود المرتضى عارفين ما بنحصلو ... الا الفيك اتعرفت
مودتي للجميع .. وساسحب مشاركتي الخاضعة بالفعل للقراءة من مداخل كثيرة ..
| |
|
|
|
|
|
|
Re: عندي مشكلة فنية كرهتني الكتابة هنا - يلا يا اولاد البنادر النشوف فلاحتكم ( توجد اقتباسات) (Re: خالد علي محجوب المنسي)
|
Quote: شكرا جزيلا وجميلا لمعاوية ود المدير .. شكرا جزيلا ياخ
|
سلآمات كُتارات يا قريبي ليك ولجميع الأهل، والعيد يتبارك عليكم.
اهاااااااااااااااااااااااااا، بس اوعك تكون زعلآن مِني ؟!. حسب قناعاتي يا حبيب ايّ كتابة في ايّ مجال داخل هذا الصرح ليست مبنية علي الإلفة والمودة فهي لافقة ولا تصلح لرفعة شأن أهل ووطن. غايتو يا ود المشرف أكان بِقيت زعلآن مِني تبقى الختيتا رقدت. والله صحي. بصراحة أنا لو عُست لي عواسة هنا جادة أو مازحة فهي دائماً في إطار الإخوانيات. عليك الله خلينا نمازحك وأنت بندراوي قُح، ونحن ريفيين نلبس الشارلستون التريفيرا ونخنفس الشعر ونغُز فيهو الخُلآل كمان. خليك فرايحي.عندك قلبين بدل وآحد ينططو فوق.
عاين جاي، عبد العزيز دا حدو مع المدآخلة كان كتبلك مدآخلة في بوست 3 دقايق كان فاتن وما رديت بيطبق مركبو في اباطو ويتخارج، هههههههههههه. دحين أحرص، وتراني كلمتك.
تحايا نواضر للجميع، والعيد يتبارك عليكم...
| |
|
|
|
|
|
|
Re: عندي مشكلة فنية كرهتني الكتابة هنا - يلا يا اولاد البنادر النشوف فلاحتكم ( توجد اقتباسات) (Re: معاوية المدير)
|
المدير
Quote:
عبد العزيز دا حدو مع المدآخلة كان كتبلك مدآخلة في بوست 3 دقايق كان فاتن وما رديت بيطبق مركبو في اباطو ويتخارج،
QUOTE]
ههههههههههههههههههههههها والله انا فاكر عزيز دا فاهمه براي كتر خيرك ريحتني - طبعا عزيز دا اخي وصديقي وسكنا انا وهو في غرفة واحدة لسنين في داخليات البركس
عزيز هذا انسان رقيق جدا واخوك شيقا هو ابن الجهم البدوي القح الذى انعم الله عليه بالانتقال من قول انت كالتيس في قراع الخطوب الى مرافي عيون المها بين الرصافة والجسر
يعني انتقال من ضهاري ناس ود المدير الى بساتين وازاهر ناس ود المشرف بامدرمان وقد كان ما كان
| |
|
|
|
|
|
|
|
|
| |
|
|
| |