صورة الشهيد كاربينو الذي قتل بوشاية من احد الغواصات ... ( صورة )

Quote: المقتبس أعلاه يبين نوع من انواع التعامل الأمنجي الخاص بمنهج (اكذب اكذب اكذب حتى يصدقك الناس) يعني هو داير يقول أنا كضبت في المعلومة دي وزغت منها مع العلم هو اقتبس كلامي وجابه بضبانته Quote: لانه حصل على فيزا سياحية واتضح ليه انه الفيزا دي ما بتخليه يطلع برة اسمرا يعني عكس الكلام بتاعه تماماً أنا قلت وبأكد بالنسبة للأجانب في ذلك الزمن غير مسموح ليك بالخروج خارج اسنرا، وإذا أردت ذلك فأنت تحتاج لورقة من الأمن (قسم الحدود) وإسم الورقة (مَنْقَسقَاسَى). صلاح جادات بيستعمل التكتيك الأمني دا يعني يقول ليك إنت كضيبت ويجيب اقتباس على اساس إنه الزول البيقرأ كلامه ما بتخيل إنه الزول يكون عنده جرأءة في الكذب والتلفيق. طيب صلاح بيعمل كدا ليه السبب إنه صلاح كضب كضبة وبقت موثقة وما قادر يتخارج منها كضبته الكررناها وحنظل نكررها هي كالآتي: صلاح طلب مني أعمل ليه فيزا عشان يدخل ارتريا ويدخل المناطق المحررة، أنا عملت ليه الفيزا وقلت ليه عشان نعمل كل الإجراءات بتاع دخولك بعد وصولك بتحتاج إنك تغادر وتجي بعد شهر ونص، أها لمن ما ظهر بعد شهر ونص أنا اتصلت بقطر واتصلت بالأمن الأرتري وعرفت إنه الزول دا جا ورجعوهو من المطار لأنه ما في زول جا اسلمه الحصل إنه صلاح ما اتصل بى عشان اجي في المطار لحدي هنا ممكن يكون عنده عذر، رقم التلفون راح أو السفرة جات فجأة لكن الحصل حسب كلام صلاح جاكات (الإعتراف دا حصل بعد ضغط شديد مني)، صلاح أنكر معرفته بي ورفض يجيب اسمي لناس المطار لمن سألوهو تحديداً الفيزا دي الأداك ليها منو، ودا كله عشان يتصلوا بي أجيب أصل الفيزا. أها صلاح نكر ليهم حطب وفوق لي دا قال ليهم الزول الأداني الفيزا دا ما موجود حالياً في اسمرا، بل هو في مصر. صلاح افتكر إنه بالطريقة دي الناس ديل حيخلوهو يدخل بعد تعذر وجود الشخص الإستخرج الفيزا. لمن ناس الأمن سمعوا بالمعلومة دي قالوا ليه خلاص ارجع بطيارتك دي على اليمن. عشان كدا كل الجقلبة الفوق دي والإيحاء بأني زايغ من البوست سببها الأساسي التغطية على الكذبة بتاعة المطار دي. وحنجي نشرح مرة تانية بالتفصيل ليه الأمنجي صلاح جادات كان داير يتسلل لأرتريا من غير ومن وراء ضهر مكتب التحالف. وزي ما قلنا حدنا الأرشفة يا صلاح وما تفقد أعصابك.