أفضل 100 طبيب سوداني حالياً..تخصصاتهم ..عياداتهم ورسومهم..لفائدة الجميع

Quote: الدكتور محسن حسين أختصاصى جراحة المخ والاعصاب .مستشفى رويال كير الخرطوم . يشرف على مرضاة اشراف دقيق ويتابع معهم متابعة لصيقة . لا اعرفة ولكن من تجربة لصيقة .

Quote: رمضان كريم .. د.عادل إبراهيم مسالك بولية وكلى مستشفى سوبا و الكويتي العيادة بمركز الخرطوم المتطور ..شارع المستشفى الخرطوم

Quote: أفتح البوست يا مأمون يا صديقي وإني لك من الداعمين. ودم بخير أخي العزيز

Quote: أخي الكريم السماني عمارة كل سنة وانت طيب ورمضان كريم ومعذرة اخي الفاضل والله لم ارى مداخلتك إلا الان رمضان من تالت يوم جهجهنا(: .

Quote: الدكتور محمد.....لك تحياتي ورمضان كريم......... د.اوشيك ابو عائشة سيدي استاذ الطب المشارك جامعة الخرطوم. استشاري الطب الباطن والمخ والاعصاب.......بكلاريوس طب جامعة الخرطوم....زمالةالكلية الملكية للباطنية لندن.......الزمالة العربية للطب الباطن السعودية....شهادة التخصص العليا في المخ والاعصاب بريطانيا...عضو الاكاديمية الامريكية للمخ والاعصاب...عضو رابطة اطباء المخ والاعصاب بريطانيا.......رجل شاطر ومتواضع.....عيادته الخرطوم2 غرب حديقة اوزون........

Quote: مافي دكتور جهاز هضمي متخصص وبارع و(إنسان)

Quote: أعرف دكتور يوسف تبن حق المعرفة دكتور بارع ومحترم بمعنى الكلمة

Quote: بوست اكثر من رائع الاخ مامون احمد ابراهيم فقدت رقم تلفونك ارجوا الاتصال لامر ضروري

Quote: سأرجي البوست إلى حين يستنفد هذا الخيط المنير أغراضه النبيلة !

Quote: البروفيسور عبد الروؤف احمد شرفي استشارى جراحة المسالك البولية استاذ بجامعه الخرطوم كلية الطب مستشفى سوبا الجامعي خبره طويله فى جراحه المسالك البولية

Quote: هناك اضافة لما أورده د محم الهادي .. عن الدكتور عبدالرؤوف احمد شرفي .. فهذه المداخلة توضح مدى عصامية الدكتور شرفي .. وتعتبر هذه التجربة فريدة من نوعها .. عند التحافة بالمرحلة الثانوية بمدرسة دنقلا كانت الدفعة الثانية ولم يكن هناك معلمين لتدريس مادة الاحياء وبإصراره وعزيمته تمكن من اجتياز هذه المعضلة لما كانت لديه من رغبة أكيدة في دراسة الطب .. وحقق رغبته وإلتحق بكلية الطب جامعة الخرطوم وتخرج منها بتفوق .. ومنذ تخرجه لم يغادر الوطن بغرض العمل في الخارج بل كل رحلاته عبارة مؤتمرات وورش عمل وسمنارات .. ولله الحمد فإنه ما زال يعطي الاجيال الحالية المزيد من العلم والمعرفة في جامعة الخرطوم وهو رقم لا يستهان به في مجاله الطبي .. وموقع عيادته : د . عبدالرحمن شرفي ( اخصائي جراحة المسالك ا لبولية ) الخرطوم غرب تقاطع شارع الحرية مع شارع السيد عبدالرحمن آسف للاطالة ولكني أحببت أن أقدم نموذج لاصرار على النجاح من خلال الدكتور شرفي

Quote: دكتور سليمان حسين - مدير مستشفى سوبا وعيادته بفضيل

Quote: د. كمال هاشم اخصائى العيون كان مدير مستشفى الوالدين وعنده الان مركز عيون اظن فى العمارات. دائما يقوم بتسيير قوافل للعلاج المجانى لعلاج اهلنا فى الاقاليم. وفى مركزه تراعى ظروف المرضى عند دفع تكاليف العلاج.

Quote: والله نعم الاختيار د. عبداللطيف طبيب لايتكرر

Quote: دكتور سيد احمد مختار الخطيب .. اخصائي الباطنية والجهاز الهضمي ، عيادته في مدينة عطبرة من اشهر واميز اطباء الباطنية في السودان،، احد اعضاء المنبر سأل عن مكانه.. وهو حاليا مستقر في مدينة عطبرة

Quote: د.عادل أحمد طه من أبناء حلفا الجديدة القرية 15 ، طبيب عام (GP) طبيب يفوق حد الانسانية حتى لدرجة أنه يعطي المريض قيمة الدواء ، في غالب الأحيان لا يأخذ أي قيمة للكشف وإن أصر المريض يأخذ مبلغاً بسيطاً ، واصل نهجه خلال أكثر من خمسة عشر عاما ، لم يستطع دفع إيجار عيادته بمدينة حلفا ، أستقر بقريته وفتح عيادة بالمنزل لعلاج أهل القرية وقرى عرب البطانة التي حول قريته

Quote: دكتور اسامة مرتضى اخصائى جراحة التجميل عيادتة بامدرمان الملازمين

Quote: سلامات يا ناس و فكرة ممتازة يا ناس اوعو تنسو بروف محمد عبد الله الشيخ اخصائي الجراحة و عيادته في شارع الشهداء لفة عبد الله خليل و بروف عبد الرحمن الزاكي اخصائي مخ و اعصاب مستشفي تقى التخصصي ودكتور الفاتح عمر السيد اخصائي باطنة مستشفى تقى الخصصي و له عيادة بالشهداء ام درمان .

Quote: التحيه لصاحب البوست الانيق .. والفكره الاكثر أناقة .. اتمني ان اضيف الدكتور / تزار السر عبد الرحمن - اخصائي نساء وولاده وامراض العقم - هذا الشاب الخلوق احسب ان مكانه شاغر بالقائمه .. انا شخصياً اعرف اكثر من حاله رزقها الله بمولود بعد تقطعت بها السبل وانقطع منها الرجاء .. فكان الفرج من عند الله علي يديه .. واحسبه من الخيرين والمتطوعين في مجال العمل الانساني .. فهو وعلي حسب ما اعرفه عنه يسافر عبر الولايات لعمل عمليات مجانيه في عدد من المستشفيات الولائيه - يملك مستوصف خاص في الدروشاب جنوب ..

Quote: د. محمد أحمد عبدالله أستاذ في طب الأطفال والغدد الصماء والسكري العيادة بمجمع أبقراط الطبي ...الطابق الثالث....شارع الحوادث ....غرب مستشفي فضيل ___________________________________________________ الدكتور محمد احمد نشط في مجال العمل الطوعي ومساعدة أطفال السكري ....رئيس جمعية سكري الأطفال ....رئيس دائرة الأطفال في مجلس التخصصات الطبية ....أستاذ طب الأطفال وامراض الغدد الصماء والسكري عند الأطفال بكلية الطب ...جامعة الخرطوم

Quote: الفاضل محمد خليل أنا برشح هذا البوست كأفضل بوست في جميع أرباع هذا العام وأضيف لأطباء الداخل الإنسان الرائع الدكتور محمد علي الطاهر إختصاصي المناظير والجهاز الهضمي بمستشفي سوبا وعيادته في شارع الحوادث ... وكل عام والجميع بصحة وعافية.

Quote: الاخ Mohamed Abdulla Alhag من الفيس كل سنة وانت طيب Quote: الدكتور عبد الرؤوف شرفى - مسالك بوليه يا ريت لو تميت جميلك وجبت ليك مكان عمل د عبد الرؤوف شرفي. ككل الود

Quote: اسي الناس في شنو والشيطان الاسمو عزام دا في شنو؟ يا عزام العزام انت بالظبط عايز شنو؟

Quote: الاخ خليل تحياتى سوف تجد تفاصيل اوفى عن الدكتور عبدالرؤف احمد شرفى فى مداخلات الاخوة محمد الهادى وعلى عبدالوهاب عثمان

Quote: أستاذ محمد خليل رمضان كريم ما في جرابي شئ يضاف قلت أسلم و أرفع البوست المهم للغاية... تحياتي و سلامي للأسرة

Quote: الدكتور ابوسن استشاري جراحة و زراعة الكلى المعروف مستشفي الزيتونة

Quote: مجهود مقدر للأخ محمد خليل و كل المتداخلين أرجو إضافة الانسان النبيل العميد شرطة طبيب هشام عبد الرحيم أخصائي الغدد مستشفى الشرطة و مستشفى الجودة

Quote: أتمنى ان يجد طلبك بالرفق ماليا بالذين لا يستطيعون دفع المبالغ الخرافية لهؤلاء الأطباء و أمثالهم،

Quote: أرجو ان يفتح بوست أيضاً لأسواء مائه طبيب سوداني، والله عن تجربه شخصيه مع أطباء أخصائيين يطلق عليهم كبار لو فى قانون يجب ان يحاكمون، همهم الأساسى استنزاف المرضى ماليا بطرق منها تأتى لهم بمريضك وتدفع المعلوم وإبداء رحلتك معهم بعد ان يستنزفك ماليا من اعمل الكشف هذا وذاك بدون داعى طبى واضح (للأسف تكتشف هذا فى النهاية)، يحولك لزميله وزميله يبدأ معاك نفس الحكاية وهكذا النتيجة هى انتشار المرض و صعوبه علاجه نتائجه تأخر التشخيص! فى تجربتنا الشخصية تم التشخيص الصحيح بعد أشهر عديده من اول زياره لهؤلاء، وللأسف من قام بالتشخيص الأخير طبيب عراقى يعمل فى السودان وقتها، بعد معرفة التشخيص بدأت رحله العلاج وفى مرة الطبيب المعالج قال أنتوا تأخرتوا! طبعا كل الأوراق الطبيه السابقة لديه ومكتوب متى كانت اول مقابله ولكن دائماً الخطاء ليس من عندهم، هذا جانب اما الجانب الاخر فهو الاستنزاف المالى بدون رحمه او شفقه، يطلبون مبالغ خرافية وللأسف فى كثير من ال...أحيان بدون تقديم خدمه مقابل ما يتقاضون! هذه التجربة للأسف وضحت لى ان الطب اصبح تجاره وتجاره بشعه يميزها انفلات أسعار واحتكار للمهنة، الأطباء يهاجرون ليس لان الخارج يدفع اكثر ولكن لأنهم لا يجدون فرصه مع ا لمجموعه المتحكمة فى سوق العلاج ألان، ما تكسبه هذه المجموعة فى السودان من دم الغلابه لن تكسبه فى الخارج وبأقل تقدير يمكن للكل ان يستنتج ذلك، للأسف فى السودان الحال صار من بعضه لا التجاره تجاره ولا الزراعة زراعه ولا التعليم تعليم ولا الطب طب ولا الحكومة حكومه عندما تأتى للمقارنه، للأسف هذا هو الغالب ألان فى سودان اليوم مع احترامى وتقديرى لكل من يصارع ويقاوم ان يثبت على الصحيح ويسبح عكس هذا التيار الاستنزافى الجارف ويتعامل مع مواطنيه بضميره وقلبه ولا يكون همه رفاه نفسه على حساب آهات وعذابات ومصائب غيره من مواطنيه وكذلك يحاول ان يخفف عليهم ما يحل بهم، ومن أخذ الأجر حاسبه الله بالعمل،

Quote: د. محمد بشير غالب , أخصائي الباطنية والكلى وضغط الدم,مركز الجودة الطبي شارع الصحافة زلط, ولواء في السلاح الطبي ايضا رجل خلوق ومتدين ويعطي المريض زمن كافي جدا عند المقابلة ,اخر عهدي به قبل سنة كان الكشف ب 100 جنيه

Quote: شكرًا أستاذ محمد خليل لرفع تجربتنا الشخصيه، والله الى الان وهذه التجربة لها سبع سنين أنا شخصيا لم أستطيع ان أنسى ما حصل معنا او على الأقل اجد لهو تفسير! وذلك لان الجرح كان كبير وما زال ينزف، لو كان فى قانون لفتحنا بلاغ ولكن البلد ماشه ام فكوا والناس الشالوا السلاح ديل هو عشان غياب العدل، يمكن ان نذكر الأسماء فى مرحله لاحقه لو هذا يفيد، اعتقد ان الفائدة تكون بتوعيه مواطنينا بان هؤلاء ليسوا ملائكه للرحمه كما كانوا فى السابق وإنما هما ناس لهم بيزنس مثل اى بيزنس اخر مثل التجاره ولذلك عند الاضطرار لزيارتهم يجب أن يفاوضوا فى السعر وفى تجويد العمل وان يتحملون المحاسبة ونتيجتها عندما يخطئون، للأسف يجب ان نكون عمليين كما هم وندافع عن حقوقنا كمرضى ولا نترك ذلك لمزاج ورحمه او أخلاق الطبيب كما فى السابق، عندما غضبت مره اثناء تجربتي الشخصيه السيئة هذه طلبت من الله ان يعاقبهم بمثل أخطاءهم فرد عمى بان قال اطلب من الله ان يشفى المريض وهذا هو الشى الوحيد الذى سيخلصنا من هؤلاء، طبعا يقصد انك مضطر انت تكون تحت رحمتهم طالما لك شخص يعانى المرض لقد كان محقا، طبعا هذا ليس تعميم على كل الأطباء ولكن للأسف الكثير منهم صار همهم جمع المال اولا وذلك لضمان الرفاه الذين يعيشونه على حساب الغلابه، لان الأغنياء يتعالون فى الخارج،

Quote: بوستات sudanesonline مصيرها الموت أو بالاكثر الأرشيف ما عارف الفكرة دي طرحها شخص أم لا أخترح تحويل فكرة البوست إلي صفحة غير ربحيه بتاعة review للاطباء يمكن لكل شخص أن يكتب تجربته فيها ويقوم بل - Adimn والتنقيح متطوعيين لديهم خلفية طبية

Quote: .د.مروان سليمان شقيق الاستاذ غازي سليمان رحمه الله اخصائي صدر و قلب تقريبا الكشف ب 75 جنيه بس الجميل انو لو ما عندك تدخل ليه طيب متخصص وماهر و خلوق شارع الدكاترة جوار حوش الخليفة

Quote: بوست موفق و خلوق و هادف. كثير من اطباءنا يستحقون الاحترام و التقدير علي الكفاءة و التعامل الانساني الراقي. ارجو ان تسمح لي لإبداء الملاحظات التالية: اولا الايجابيات: • البوست قام بدور مكتب استعلامات للتنوير بمجموعة من الاخصائيين في تخصصات مختلفة مع عناوين العيادات. • البوست قد يحفز اطباء آخرين لم ترد اسماءهم لتجويد الاداء مثلا يغير طريقة تعامله مع العيانين او تخفيض الرسوم او اعفائها و و و ...الخ. • البوست يعتبر توشيح معنوي و تكريم لمن ورد اسمه في اللستة و بالتالي يتوقع ردة فعل ايجابية يستفيد منها زوار العيادات. المدح و الثناء طريقة متبعة لتحفيز العاملين علي الاجادة كما نلاحظ ذلك في البلدان المتقدمة. ثانيا السلبيات: • طالما ان اللستة من 100 طبيب فمؤكد انها لن تتسع لكل الاطباء المهرة و بالتالي نكون عملنا دعاية للبعض و نسينا بعض اخر. • بعض المداخلين يذكر منطقة الطبيب الذي يريد ان يرشحه و انه وداعا للتهميش و ان ابناء هذه المنطقة ينجحون الان رغم الظلم. هذه النقطة اعتقد انها غير موفقة و ربما اضرت بمن نرشحه،،، ارجو ان نركز علي اسم الطبيب و عنوان العيادة و اي تفاصيل خاصة بالطبيب من الناحية المهنية مثل انه خلوق او ما بشيل قروش كتيرة او شفي علي يدو ناس كتار و هكذا. - بصورة عامة هذا البوست يستحق ان تخلع له القبعات

Quote: السلام عليكم جميعا وشكرا للاخ محمد خليل على البوست الرائع والفكرة العبقرية برشح الدكتورة ايمان صليب طوبيا اخصائي الصدر وعيادتها في شارع كاترينا وانت ماشي على الخرطوم بتكون على يدك اليمين قبل شركة كنار برضو بفضل الله ثم ببراعتها الوالدة كانت بتعاني من حساسية الصدر "الازمة" ومن مشت ليها الحمدلله بقت كويسه وما بتعاني كتير بس سعر الكشف كم ما عارف والله لانو الموضوع بتاع الوالدة دا طول شويه...ملاحظة اخرى انو الدكتورة ايمان سفرها كتير وبيكون في بديل لكن هي الافضل طبعا برضو حبيت اشارك بالموضوع دا من المجلة العظيمة ريدرز دايجست وقالوا في الموضوع انك مفروض تختار طبيبك وانت نصيح عشان بعد تمرض ما بكون فيك حيل وقالو برضو ممكن تختار الطبيب بناءا على اراء معارف او اصدقاء اتعالجو عندو وهي نفس فكرة هذا البوست العظيم

Quote: عزيزي محمد خليل تحية طيبة والله ده بوست مهم جدا لأننا لمن نمشي السودان في اجازة وعاوزين نشوف دكتور لاي امر طارئ ما بنعرف نمشي لمنو وناس البيت ما بيعرفوا الدكاترة الكويسين.. لكن هذا البوست بيدينا فكرة كويسة عن الأطباء الجيدين.. ولكني قد اخترت الآن الدكتور الذي سيكون طبيب العائلة بالنسبة لنا وهو الدكتور مروان سليمان والذي يقول عنه محمد بدوي ان الجميل انو الماعندو حق الكشف بيدخل ليهو... وانا ما بقول كده عشان ما عندي .. لكن عشان هذا الدكتور انسان وليس تاجر... انا عندي تأمين صحي في امريكا وشركة التأمين اخبرتني بأنني استطيع ان استخدم كرت التأمين في اي دولة في العالم وسألت موظف الشركة " حتى في السودان؟ قال نعم حتى في السودان... وسألته وكيف انتو حتدفعوا ليه الفاتورة.. قال ما عليك إلا ان تطبعي استمارة من موقع الشركة الإلكتروني مخصص لهذا الشأن وبعد الدكتور يعالجك بيرسل لينا الاستمارة دي وبيكتب فيها قيمة العلاج ونحن بنحول ليه المبلغ كاملا.. ؟ وسألته وهل انتو بتدفعوا ليه بالدولار.. قال طبعا حندفع ليه بالدولار وفرحت لهذا الخبر.. وعندما زرت السودان العام الماضي وشعرت بألم شديد في الحلق والصدر ذهبت لدكتور وكلمت مساعده البحصل الرسوم بره بموضوع كرت التأمين الصحي.. فقال : نحن ما بنتعامل بالكروت دي .. ادفعي لينا كاش ( نقدا).. واخبرته بانني اود ان اشرح للدكتور هذا الموضوع لأنه لازم بيكون عنده خبر بالموضوع ده.. وفعلا دخلت للدكتور ووجدته يعرف هذا ولكن اقترح ان ادفع هنا وهو سيملأ الاستمارة ويحدد الرسوم في الاستمارة وانا عندما ارجع من الاجازة اقدم الاستمارة للشركة وهم سيدفعون لي ما دفعته هنا.. وقلت في نفس ي الدكتور ده عاوز يستهبلنا ساكت.. المهم سمعت كلامه ودفعت ليه .. وهو عمل الكشف واداني الأدوية من عنده وقال لي دي مضادات حيوية لمدة اسبوع .. ودفعت له بالسوداني 300 جنيه وقلت ليه اكتب في الفاتورة بالدولار.. قال لي لكن انا ما تاجر وما بعرف الـ300 جنيه دي بتساوي كم دولار. قلت ليه يا دكتور : اي طفل هنا في السودان بيعرف الدولار بكم.. وضحك وكتب 50 دولار.. ووضربت تلفون لمكتب شركة التأمين في امريكا وسألتهم من امكانية استعادة ما دفعته هنا .. وقال الموظف : اذا الدكتور ختم الاستمارة ووقع عليها تعالي قدمي الاستمارة هنا لمن ترجعي وحنرسل ليك شيك بالمبلغ... وسألني كم دفعتي وقلت له 50 دولار.. فاستغرب موظف التأمين وقال معقولة في علاج في الدنيا بـ50 دولار.. ياريت اذا كنا ساكنين في بلدكم!!! قلت في نفسي المسكين ما عارفك كثرة الأمراض الحتصيبوه هنا .. وقلت ليهو العلاج ما رخيص هنا ولكن الدخل الشهري للموظفين قليل وان في ناس مرتبهم الشهري كله هو الخمسين دولار .. يعني العيان يمكن يدفع مرتب الشهر كله عشان يشوف الدكتور.. وعندما رجعت سلموني الـ50 دولار بالكامل.. اقول هذا لأن دكتور مروان وكشفه بـ 75 جنيه وما العندو يكشف عليه بالمجان هو فعلا الدكتور المفروض الناس تتعالج عنده مش عشان ما يدفع ويتعالج مجان لكن المقتدر يدفع ويدفع ليه كمان اكتر عشان هو دكتور انساني يشعر بآلم المحرومين ويعالج المسكين مجاني لله درك يا دكتور .. فأنت سوداني اصيل وياريت يكون في 10 دكاترة زيك يا زول يا سمح يا زين.. والله يديك الصحة والعافية يا دكتور والله يديك الصحة والعافية يا محمد خليل والله يديكم الصحة والعافية يا محمد بدوي

Quote: في كل القائمة الفوق دي مافي زول جاب اسم دكتور 1- مامون حميدة 2- سليمان صالح فضيل عرفنا انكم مكجنين مامون حميدة لاسباب بدهية مالكم مع سليمان صالح فضيل؟ دكتور ممتاز وناجح في البزنسة كمان

Quote: أنا برضو ألحقونى بدكتور زراعة أسنان يكو شااااطر ونضيف ورخيص ..........الزراعة غالية .......وحق السمسرة علي أنا يا صاحب البوست اللطيف ده

Quote: دكتور أّبو حسن أّبو.. أخصائى توليد ماهر... وقد كانت رسالته فى الماجستير عن مرض فى الجنوب... لقبيلة الزاندى يسبب العقم لدى النساء.. ولقد كانت دراسة دقيقة ومهنية عالية تم الاستفادة منها فى معالجة نساء تلك القبيلة..