يا جماعة التطريب العند النور الجيلاني صعب يتكرر.. الزول دة فيه حاجة من خضر بشير الاتنين ديل لمن يدخلوا جوة الطرب بيتحولوا لي حاجة مختلفة كأنهم في حلقة مديح... بيتفاعلوا مع الاغنية بشكل غريب وبيوصلوها للمتلقي في قمة المتعة.. تمنيت انه السر قدور يتطرق لي اغنية «في عز الليل» للتجاني الحاج موسى أنا عندي رأي ممكن يكون مشاتر أو بعيدا عن الاجماع صراحة انا استمتعت جدا جدا بي لحن واداء وتطريب الاغنية عند النور الجيلاني اكتر من الكابلي وحسب معلوماتي الاغنية اتلحنت في شمبات مع عازف المندلين المرافق للنور الجيلاني واللحن طلع بعد صعوبة كبيرة.. وكنت قد سألت التجاني الحاج موسى أيهما أوصل كلماتك والتجاني زاغ من الاجابة.. وتمنيت انه كتكريم ايضا للنور الجيلاني الفرقة الموسيقية دي فرصة لعازف المندلين المبدع مجرد أمنيات..
07-08-2014, 08:59 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9024
حلقة الأمس ، بحضور وزير الإعلام ، د. أحمد البلال ، كانت في قمة الروعة ، أفتكر الفنان فرفور ، متمكن في الرفعات الصوتية العالية ، ثم الهبوط فجأة ، كما يفعل النور الجيلاني ، الوصول الي هضبة النشوة ، و قوس الإبداع ، حتي تترنح الأوصال ، طرباً ، رائع ، يا فرفور ، ،،،، ...
Quote: محمد خليل كتب: منظر قبيح جدا ان يترك اعضاء الكورس وقوفاً طوال الوقت بينما الجميع جلوس..هل إنعدم الذوق الى هذا الحد. وقد لاحظت ذلك الامر في حلقات الاذاعة في البداية ثم يبدو ان احدهم انتبه لشتارة القصة فتم إحضار كراسي لاعضاء الكورس ليجلسوا عليها اثناء السرد ثم يقفوا اثناء الغناء وهو شئ طبيعي لكن في حلقة الاستاذ النور الجيلاني تركوا وقوفا طيلة الوقت وناس حسين الصادق لاصقين في الكراسي..قمة عدم الاحترام لأي حاجة..
لم أشاهدهم وقوفاً دون غناء .. ومن البديهي أنّهم يقفون عند الغناء .. والله أعلم ...
"يا جماعة التطريب العند النور الجيلاني صعب يتكرر.. الزول دة فيه حاجة من خضر بشير الاتنين ديل لمن يدخلوا جوة الطرب بيتحولوا لي حاجة مختلفة كأنهم في حلقة مديح... بيتفاعلوا مع الاغنية بشكل غريب وبيوصلوها للمتلقي في قمة المتعة.. تمنيت انه السر قدور يتطرق لي اغنية «في عز الليل» للتجاني الحاج موسى أنا عندي رأي ممكن يكون مشاتر أو بعيدا عن الاجماع صراحة انا استمتعت جدا جدا بي لحن واداء وتطريب الاغنية عند النور الجيلاني اكتر من الكابلي وحسب معلوماتي الاغنية اتلحنت في شمبات مع عازف المندلين المرافق للنور الجيلاني واللحن طلع بعد صعوبة كبيرة.. وكنت قد سألت التجاني الحاج موسى أيهما أوصل كلماتك والتجاني زاغ من الاجابة.. وتمنيت انه كتكريم ايضا للنور الجيلاني الفرقة الموسيقية دي فرصة لعازف المندلين المبدع مجرد أمنيات.."
أنا معاك 100% وكمان تأكد لي بما لا يدع مجال للشك، هذا النور الجيلاني لا يمكن تقليده، ولا يمكن تكراره. أعتقد أن كل المحاولات التي إجتهد فيها الشباب في حلقتي النور الجيلاني لم تلامس حتى مستوى كتفه، هذا إن لم تكن أفسدت كل شيئ. ربما الخير عقد الجلاد كان الأقرب إليه في رأيي. والأقرب دي ذاتها نسبية. هذا فنان نسيج وحده .. ربنا يديه الصحة والعافية ويعود لينا بأسرع ما يكون. لقد صاغ وجداننا ووضع بصمة متفردة في خارطة الغناء السوداني لا تشبه سابقيه ولا لاحقيه. أعتقد أنه من الواجب علينا تكريم هذا الرجل بأفضل مما تم حتى الآن. تكريم شعبي حقيقي، وليس بجلب مثل هذا الرجل ذميم الفعال، قبيح الخلق مساء البارحة. الله يلعنه، أفسد علينا أمسيتنا كلها.
07-08-2014, 01:23 PM
د.محمد بابكر د.محمد بابكر
تاريخ التسجيل: 07-16-2009
مجموع المشاركات: 6614
Quote: لم أشاهدهم وقوفاً دون غناء .. ومن البديهي أنّهم يقفون عند الغناء .. والله أعلم ...
صبري بن طه يا اخوي يا انامجهجهني رمضان يا انت مجهجهك (:
في الحلقة الثامنة (حلقة النور الجيلاني) شوف من الدقيقة 1:11 وحتى الدقيقة 1:25 حتلقي كورس الاستاذ النور الجيلاني (او الشيالين في فرقته) واقفين بينماالجميع جلوس و عمك السر بيسولف ومافي كراسي خلفهم واغلب الظن كل الحلقة ظلوا هكذا والله اعلم. لو في حالة غناء مافي مشكلة لكن الناس بتحكي اجلسوهم ياخ.
الظاهر فعلاً رمضان مطشّشني ... والعيب ليس في وقوفهم لأنّهم متعودين على الوقوف أكثر من زمن البرنامج .. العيب في إنّو الكاميرا تجيبهم واقفين بالشكل دا !!
Quote: صبري بن طه يا اخوي يا انامجهجهني رمضان يا انت مجهجهك (:
في الحلقة الثامنة (حلقة النور الجيلاني) شوف من الدقيقة 1:11 وحتى الدقيقة 1:25 حتلقي كورس الاستاذ النور الجيلاني (او الشيالين في فرقته) واقفين بينماالجميع جلوس و عمك السر بيسولف ومافي كراسي خلفهم واغلب الظن كل الحلقة ظلوا هكذا والله اعلم. لو في حالة غناء مافي مشكلة لكن الناس بتحكي اجلسوهم ياخ.
بالله اقرأو فى جنس المحن دى. الصحافة المشتراة بالقروش لا يمكن تقول كلمة حق. وين النقد ووين الحقيقة يا ياسين الشيخ؟ هل انت متأكد انك صحفى فنى ام ضللت الطريق؟
معذرة خاصية الاقتباس عندى ما شغالة ولكن هاكم الخبرين ديل....
بالفيديو: السر قدور يغني بطريقة طريفة وحسين الصادق يبدع ويتجلي في أداء اغنية (عدينا يا رئيس) للفنان النور الجيلاني
قدم الفنان الشاب حسين الصادق اغنية (عدي بينا) للفنان النور الجيلاني خلال حلقة اليوم من برنامج اغاني واغاني الذي يعرض علي شاشة النيل الازرق بطريقة رائعة ...ويظهر ايضاً من خلال هذا الفيديو مقدم البرنامج السر قدور وهو يتغني بطريقة طريفة نالت إعجاب الحضور...
ياسين الشيخ _ الخرطوم
بالفيديو: في اليوم التاسع من برنامج اغاني واغاني جمال فرفور يبدع في اداء اغنية (كدراوية) وسط حضور وزير الإعلام...وطرزان الذي تابع الحلقة مكتفياً بالنظر
قدم الفنان جمال فرفور اغنية كدراوية للفنان الكبير النور الجيلاني... ضمن الحلقة التاسعة الجزء الثاني من برنامج اغاني واغاني الذي يعرض علي شاشة قناة النيل الازرق ويقدمه الإعلامي السر قدور...وقد أبدع فرفور في أداء هذه الاغنية..وسط حضور وزير الإعلام أحمد بلال عثمان و صاحب الاغنية الفنان النور الجيلاني الشهير باسم (طرزان) والذي تابع حلقة الامس وحلقة اليوم بالنظر فقط نظراً للوعكة التي المت به موخراً وحرمته من صوته...نتمني للفنان النور الجيلاني عاجل الشفاء وان يرد له الله صوته الطروب...
ياسين الشيخ _ الخرطوم
07-08-2014, 05:44 PM
مازن فيصل هلال مازن فيصل هلال
تاريخ التسجيل: 10-15-2009
مجموع المشاركات: 1003
يا شباب زميلتنا الشاعرة الرائعة عبير خيري عندها مشكلة في حسايا في سودانيز اون لاين وهي بتغريكم السلام ولحدي ما المشكلة دي تتحل حننقل تحليلا هنا الحلقة العاشرة كانت عن الاغنيات التي انتقلت من فنان لآخر وبدأت بأغنية (يا أول حبيب) كلمات محمد يوسف موسى وألحان عبد المنعم الجاك من أغنيات ثنائي النغم (زينب خليفة ،خديجة محمد) أدتها إنصاف وجاءت فيما تجيده فكانت جميلة وأمتعتني جداً ، في رأيي كان أجمل آداء في الحلقة.
(قول النصيحة) كلمات عزالدين هلالي وألحان الماحي سليمان أداء عصام وفرفور لو تركوها لعصام كانت ستكون اجمل.
(اشتقت ليك) كلمات الشاعر إسماعيل حسن لحنها حسن بابكر أداها عمر جعفر وقد سمعتها منه قبل الآن بأداء أجمل من اليوم ، زيادة الهرمنة تزعج وتضيع الاستمتاع بالاغنية .
( لييلة وداع أو في الليلة ديك ) كلمات الشاعر بابكر الطاهر شرف الدين و ألحان عمر الشاعر أداها طه سليمان بطريقته فكان آداء جميل ينقصه قليلاً من الشعور بكلمات الأغنية .
ملاحظ عافية الصوت ووضوحه اليوم .
اعجبتني الفرقة الموسيقية اليوم اكثر من اي حلقة مضت، غطّت على بعض هنّات عمر جعفر بحرفية عالية.
عبير خيري
07-09-2014, 00:39 AM
الليندي الليندي
تاريخ التسجيل: 05-27-2002
مجموع المشاركات: 1188
الحلقة في مجملا من اميز الحلقات بالنسبة لسابقتها الاداء للمغنيين كان جيد
1 - أغنية ( أول حبيب ) في معلومة مهمة عنها ذكرها ( Bader Elnour ) في الفيس بوك في صفحة أغاني وأغاني وده كلام ( Bader Elnour ) حبيت اضيف معلومة لاغنية اول حبيب للشاعر محمد يوسف موسى والرواية سبق ان ذكرها الشاعر الاغنية دى اداها للفنان صلاح مصطفى لحنها وسجلها فى الاذاعة اتصل الملحن عبدالمنعم الجاك بالشاعر محمد يوسف موسى وكان فى تلك الايام لجنة النصوص تختار نص وتعطيه لخمس فنانين ويدوهم اسبوعين ليسمعو اللحن الفائز طلب عبدالمنعم الجاك من الشاعر ان يعطى الاغنية لثنائى النغم لانهم مطالبين بتسجيل اغنية للاذاعة فكتب محمد يوسف موسى للفنان صلاح مصطفى يستاذنه بان يتنازل من الأغنية لثنائى النغم وشرح له الظروف التى قدرها الفنان الكبير صلاح مصطفى وتنازل من الأغنية بكل طيب خاطر لثنائى النغم فاختفى لحن صلاح مصطفى وظهر لحن عبدالمنعم الجاك . شكراً بدر النور أغنية ( اجمل حبيب ) وقعت في الاتو بتاع ( انصاف فتحي ) فادتها علي احسن ما يكون 2 - أغنية ( قول النصيحة ) للشاعر ( عزالدين هلالي ) والحان ( الماحي سليمان ) وأول من تغنت بها الفنانة ( زينب الحويرص ) وتغنى بها الاستاذ ( عثمان مصطفى لاحقاً ) وكذلك الاستاذ ( سيف الجامعة ) والشاعر عزالدين هلالي كتب الكثير من الشعر الغنائي ( طبع الزمن - احان وغناء صلاح بن البادية ) ، ( أنت لي - الحجروك علي - من ماقمنا وشفنا الشارع - ودي كلها من الحان وغناء الاستاذ يوسف الموصلي ) وكتب ايضاً لمحمود عبدالعزيز ( سمحة الصدف مسافتك - قربك - وكل هذه الأغنيات من الحان الاستاذ يوسف الموصلي ) وكتب ايضاً لعلي السقيد ( سكة ندية - من الحان الاستاذ يوسف الموصلي ) وللتاج مكي ( وتضاري عينيك بالنضارة وهي من الحان الراحل ناجي القدسي ) ولحمد الريح ( علي وين من الحان الماحي سليمان ) ولعلي ابراهيم اللحو ( الغرام اسرار ولحنها عبدالله الكردفاني ) وللراحل نادر خضر ( الوحيدو - من الحان الماحي سليمان ) ادى ( عصام محم نور وجمال فرفور ) ( قول النصيحة ) كديتو واستعمل عصام التطريب غي الاداء فكان اداؤه جميلاً وحتى ( فرفور ) لم يلجاء للصراخ كثيراً فكانت الاداء جيداً
.
07-08-2014, 11:53 PM
إبراهيم عبد الحليم إبراهيم عبد الحليم
تاريخ التسجيل: 10-31-2008
مجموع المشاركات: 3563
صاحبي الجميل عمر الفاروق كتب لي في مفترعه بالفيسبوك بانه ماخد علي باني ما برضى في طه سليمان
الكتابة أمانة ولان دراستي الموسيقى وتخصيص صوت وبيانو فانا اجتهد بان أكون مهنيا في كتاباتي ولا اجامل ولكني الزم الصمت تقديرا لعلاقات تخصني احيانا ويكون الصمت ابلغ من النقد..
طه سليمان هو الأفضل في الساحة منذ زمان .. وهنا أتحدث عن أدائه الصوتي والتطريب الذي يصاحب أدائه دون الخوض في التفصيلات والمسميات الأكاديمية للتطريب.
يقع الكثير من الشباب المغنيين في مأزق تغيير فتحة الحنجرة مما تخل بالأداء خللا بينا ومحاولة القفز لإبعاد عن الخط اللحنى دون معرفة وفي اعتقادهم بأنهم (يهرمنون)!!
كما معظمهم يؤدي من سقف الحلق ويكون الأداء سطحياً وخاويا وخاليا من التطريب. .
اما التقليد فهو آفة على المقلد لانه لن يكون له لون ولا طعم وحتى أعماله القادمة ستلبس سيرة الفنان الأصل ..
البرنامج يحتاج الانفكاك من ديمومة العلاقات الخاصة والانطباع الشخصي وان تتكون لجنة لتقوم بإعداد واختيار التيم المشارك من المغنيين.
حتى حلقة اليوم هي تكرار لسنوات من بث البرنامج دون جديد يذكر ..
عبدالعزيز خطاب
07-09-2014, 00:52 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
الاستاذ أمين عمر النور الجيلاني فنان ضخم ياخ ولا يتكرر
حلقة الليلة في رأيي من أجمل الحلقات اعجبني جدا أداء الفرقة الموسيقية ودخلات عوض أحمودي بالعود والاجمل حركة كتفينو واندماجه مع الغناء برضو في دخلة في الليلة ديك الزول بتاع الاكورديون اتقطع ياخ
07-09-2014, 01:00 AM
الليندي الليندي
تاريخ التسجيل: 05-27-2002
مجموع المشاركات: 1188
اغنية ( اشتقت ليك ) كلمات ( سماعين حسن ) والحان ( حسن بابكر ) افحمها عمنا السرقدور فهي لم تكن من الاغنيات التي انتقلت من فنان لآخر وحتى حديث عمنا ( السر قدور ) بأن الفنان ( محمد ميرغني ) قد سرق بهذا الأغنية الثنائية التى كانت بين ( وردي وسماعين ) حديث غير صحيح بتاتاً فعندما بدأ الخلاف بين ( سماعين ووردي ) بأي منهما صنع الآخر لم يظهر الفنان ( محمد ميرغني ) في سماء الأغنية السودانية وقبل ظهوره حاول سماعين حسن والملحن حسن بابكر صناعة فنان يصبح البساط من تحت اقدام ( وردي ) فاتو بالفنان ( احمد فرح ) وانتجوا له ( يا حليلك يابلدنا) ولكن الفنان ( احمد فرح ) لم يصمد امام ( وردي ) فحاول اسماعيل مع الراحل ( زيدان ابراهيم ) ولكن ( زيدان ) انتبه للفخ الذى يمكن أن ينهيه كفنان ولم يحبذ أن يدخل في مقارنة بفنان في قامة وردي نعود لقصة ( محمد ميرغني ) والتقاؤه بسماعين وحسن بابكر فعن طريق رئيس نادي الامير البحراوي ( علي الشايقي ) الذى اتصل بسماعين حسن واخبره بأن هناك فنان ناشي ذو صوت جميل سيغني في نادي الامير ولان سماعين كان يبحث عن فنان يغنى له اشعاره ليثبت بأنه صنع ( وردي ) لم يتواني في الذهاب للاستماع للفنان الناشئي فذهب ومعه ( حسن بابكر ) واستمعا لصوت ( محمد ميرغني ) واعجبا به وكان نتاج هذا اللقاء أغنيتي ( امسك عليك عيونك ديل وغريب ( كل ما فكرت انسى الماضي والامو وويلو ) ) التى تغنى بها لاحقاً الاستاذ ( مصطفى سيد أحمد ) وبعدهما فطن ( محمد ميرغني ) ايضاً للمقارنة التى سيقع فيها واتجه لشعراء أخرين مع بقاء الملحن ( حسن بابكر ) معه ولم يتعاون مع سماعين إلا لاحقاً وبعد أن تغنى مع وردي بأغنية الشاعر محجوب شريف ( يا حارسنا وفارسنا ) وبعد أن عادت المياة لكمجاريها بين وردي وسماعين بأغنية ( وا اسفاى ) عندها تغنى ( محمد ميرغني ) باشتقت ليك ( اشتقت ليك ) اداها عمر جعفر وايضاً حاول ادخال الهرمنه والفابريشن لكن بطريقة اقل عن سابق ما تغنى باغانب في البرنامج فكانت جيده نوعا ما وعمر جعفر لوترك الحاجات البعمل فيها دي وترك صوته كما هو ما بتجيهو عوجة تب .
( ليلة وداع ) وماادراك ما ليلة وداع فالأغنية كتبها الشاعر الكسلاوي الراحل ( بابكر الطاهر شرف الدين ) واخذها الفنان الكسلاوي الراحل ( عبد العظيم حركة ) و سلمها للملحن ( عمر الشاعر ) فلحنها وبدأت البروفات بحي العباسية ووضح أن هناك اشكال في اداء المقطع الاول من الأغنية بالنسبة لحركة ومع استمرار البروفات وضح أن ( حركة ) لا يستطيع أن يؤدى هذا المقطع فاقترح ( حركة ) أن يردد المطلع بواسطة كورس فيه ( زيدان وعركي وخليل إسماعيل) و لكن كان هناك اعتراض على هذا الامر لأن الاغنية عاطفية وحديثة يجب ان تغنى بدون كورس وفي ظل هذه الخلافات انتهز الفنان ( التاج مكي ) الفرصة وتغنى بأغنية ( ليلة وداع ) في برنامج ( مسرح المواهب ) ايضاً اثناء ذلك الخلاف سافر( زيدان ابراهيم ) إلى القاهرة لإحياء حفل هناك للطلاب السودانيين ..ووجد زيدان هناك متسع للبروفات وقام بإجراء بروفات لاغنية ( في الليلة ديك) ليقدمها في الحفل على مسرح (البلون) بالقاهرة ونقل الحفل علي الهواء بواسطة ( إذاعة صوت العرب ) التى كانت من الاذاعات المتابعة من قبل السودانيين وأغضب ذلك عبدالعظيم حركة كثيرا حتى ان زيدان ظل في بيته أكثر من شهر تحاشيا لغضب عبدالعظيم حركة وبعد واسطات من ( عمر الشاعر ) اقتنع الشاعر ( بابكر الطاهر ) واقنع ( حركة) بأن تؤول الأغنية لزيدان اعلي أن يعوض ( حركة ) بعد ذلك بعمل آخر. ( ليله وداع ) اداها ( طه سليمان ) وانك تحافظ علي لحن الأغنية الاساسي وتؤديها بصوتك انت وبشكل سلس دي حاجة ما سهله وده العملوا طه سليمان الليلة وقبيل لمن قلت الاوسكار لطه سليمان الصديق ( قيقراوي ) قال أنا ظلمت ( انصاف فتحي ) وهي من المفترض يكون ليها الاسكار وحسب وجهة نظري أنو الأغنية الادت ( انصاف فتحي ) ( اول حبيب ) لاتقارن بليلة وداع و الخلي اغنية ( ليلة وداع ) يخطفا زيدان شنو أنو ( عبدالعظيم حركة ) ماقدر بضبط المطلعع بالاول و حاولو معاهو وما ظبطت فاقترح ان يدخلو عركي وخليل اسماعيل وزيدان ككورس و لكن زيدان خطفا وده بوضح أن الأغنية غير سهلة بتاتاً ( اوسكار الحلقة ) لطه سليمان
إتصل بي أحد الصحاب .. يسألني ان أشاهد إعادة برنامج أغاني وأغاني، وان استمع لأغنية ليلة وداع! لم أكن أعرف من غناها بعد، لكني توقعت انه لن يكون أحدا بخلاف طه سليمان، فهو الوحيد الذي يمكن ان تراهن عليه بين شلة حبرتجية الغناء المنتشرة في الخرطوم وأمدرمان وبحري، طه سليمان يعرف كيف يغني، لانه يفهم الغناء، ناهيك عن طلاوة الصوت وقوته وملكة التطريب عنده، طه يتميز عن باقي الحبرتجية والمؤدين، بانه لايغني بأسنانه ولابسقف حلقه، طه يغني ويخرج صوته من " الجوف والحنجرة" .. أنظر كيف كان يغني محمد وردي!!
يا اللندي ما تظلم طه وتصف الأداء بالعادية، بالعكس حبس الجميع أنفاسه وهو يستمع للأداء الرفيع لطه سليمان، ولتلك الطلعة (الفايبريشن) في " شلت الجراح" أكتبوا عني طه سليمان ينقذ برنامج أغاني وأغاني نسخة 2014م ..
يا ناصر الليندي بلاش موجاملات نسرين الهندي شنو! اها دي حبرتجية غنا، انا شخصيا وجدتها تغني بصوتها المهزوز كما صرير الابواب الحديدية العتيقة، فلم أجد بدا من الإستماع "للحناء" المركبة، والأخرى إنصاف فتحي فقط ذكرتنا بكلمات الأغنية .. والحمد لله
وانا صراحة أفلام أجنبية وكورة، ولا ألتفت لهذه القنوات "ال########ات" إلا بدعوة من الأصدقاء الذين أثق في قدرتهم على التمييز!
Quote: طه سليمان يعرف كيف يغني، لانه يفهم الغناء، ناهيك عن طلاوة الصوت وقوته وملكة التطريب عنده، طه يتميز عن باقي الحبرتجية والمؤدين، بانه لايغني بأسنانه ولابسقف حلقه، طه يغني ويخرج صوته من " الجوف والحنجرة" .. أنظر كيف كان يغني محمد وردي!!
يا اللندي ما تظلم طه وتصف الأداء بالعادية، بالعكس حبس الجميع أنفاسه وهو يستمع للأداء الرفيع لطه سليمان، ولتلك الطلعة (الفايبريشن) في " شلت الجراح" أكتبوا عني طه سليمان ينقذ برنامج أغاني وأغاني نسخة 2014م ..
ينـــــصر دينك
07-09-2014, 12:52 PM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9024
أفتكر مشاركة معالي الوزير ، د. أحمد البلال ، وزير الإعلام ، به من التواضع ، والإنسجام مع الطرب أمر يليق بتكريم القامة ، الفنان النور الجيلاني ـ بل هي لفتة بارعة ، من معالي السيد ، الوزير ، ،،،، ...
والله يافحل انا أفتكر مشاركة معاليك الوزير ، أحمد البلال ، وزير الإعلام ، به من السماجة، ما تنوء بحمله أمسيات رمضان الطيبات المباركات، وهي ذات أيام الصيام التي تصومها الأمهات المكلومات والمفجوعات بفقدهن لأبنائهم الشباب شهداء سبتمبر، شهداء سبتمبر الذين لم يجد لهم معاليك الوزير فرصة للعدل ودماءهم لم تجف بعد في ذاك المؤتمر الصحفي الكذوب المسعور.
وما انفك معاليك الوزير مضرسا امسيات الناس بتلك "التكشيرة" التي لاتخرج إلا من صيدلية الإنقاذ، حقا إن الابتسام من علامات الرضاء، رضاء النفس!!
والسر قدور ينفخ معالي الوزير .. معالي الوزير !
.
07-09-2014, 05:43 PM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
إنصاف فتحي كنت من المراهنين عليها لكن اداءها ليس بمثل الذي سمعته من قبل الحاصل شنو يا إنصاف؟ نسرين هندي يبدو ان السنة الماضية وصلت قمةأداءها ولم يعد هناك جديد تضيفه. بالتجربة والبرهان أسرار بابكر ,منار صديق, ريماز وشموس افضل الاصوات النسائيةالتي مرت على البرنامج . عصام محمد نور,فرفور وعاصم البنا استنفدوا ما عندهم واصبحوا خصم لا اضافة للبرنامج. عمر جعفر يكرر تجربة معتز صباحي في الموسم السابق حيث ان المشاركة كانت وبالا عليه. حسين الصادق غير مقنع. طه سليمان هنالك اجماع عليه فرضه بموهبته واداءه الجاد في كل المواسم التي شارك فيها.
موسم محبط لبرامج يحتضر
07-09-2014, 06:43 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
العزيز اللندى عبير خيرى عزيز طارق جبريل الحرس القديم والجديد سلام عليكم ورمضان كريم انتظرت هذا البوست من اخونا ناصر اللندى حتى قبل ان يفتحه كعادته فى كل رمضان وظللت متابع للحلقات فى التلفزيون ولتحليلاتكم العميقة والساخرة والهدامة والبناءة والناقدة والمستحسنة والانطباعية هنا واقدر لكم هذا المجهود الكبير والجبار ولكن انا ما زلت قسمة بين الرضاء وعدمه. معلومات الاستاذ السر قدور واداء الاخوة الفنانين والفرقة الموسيقية والديكور مازالت متارجحة حبة فوق وحبة تحت حتى لم تترك لى انطباعاً محددا اورده هنا فلا عارف نفسى سعيد بها ام ساخط عليها وهذه المنزلة بين المنزلتين هى التى دعتنى لعدم التداخل هنا حتى الان اتمنى عندما تنتهى الحلقات ان أجد ما اقوله هنا وان كانت هنالك بعص ملاحظات على مجمل الحلقات يمكن ايرادها: فرفور: اذا ترك الصريخ ماعنده عوجه عصام محمد نور: معقول زول يغنى الذكرى المنسيه وهو يضحك؟ عاصم البنا : اداءه جميل لكن مهما يكن الفنان صوته جميل لايمكن ان يغنى اى اغنية ومن طرف.. نسرين هندى: يبدو ان اجادتها لاداء اغنية دمعى الغلب اللقاط مع مصطفى السنى والثناء الذى لاقته من كل الناس حبسها فى عباءة ابوداؤود وعلى فكره هذا اضر بها كثيراً، فعندما تتحرر من ابوداؤود يكون اداؤها رائع وعندما تحاول تقمصه اكثر منه تفشل فشل ذريع.. مصطفى السنى: نجح فى بعض الاغانى وفشل فى اخرى مثلاً اغنية من محاسن حسن المحاسن لم يكون موفق فيها خالص.. حسين الصادق : لم يحسن اختيار ما يؤدى من اغنيات وكأن اختيار الاغنيات فرض لتوزيع الفرص بين الفنانين دون مراعاة للامكانيات الصوتيه لكل منهم.. 'طه سليمان : يبدو ان جرثومة الضحك فى بيت البكاء امتدت اليه من اخونا عصام محمد نور.. انصاف فتحى : حضرت ولم اجدكم.. نأمل فى مستقبل البرنامج ان نخرج بتقييم شامل لمجمل الحلقات سلمتم،،،
منذ العام الماضي تحدثت عن ان صوت نسرين به عيب كبير وهو الفايبريشن الصوت به ذبذبة غير محببة كما انها لا تتحكم في فتحة حنجرتها.
اخي الليندي لك التحية وانت تتحفنا بالمعلومة التوثيقية وردا على سؤالك عن الفايبريشن
الفايبريشن هو احد مكونات التكنيك الادائي للصوت والآلة الموسيقية ويستخدم في أماكن محددة ونوتات بعينها في المؤلف آلي كان او صوتي واستخدامه بكثرة يفسد الأداء اما في حالة نسرين فهو عيب خلقي في الصوت ولا علاقة له بالتكنيك الادائي.
ما زال البرنامج لم يبرح تقوقعه في عدم الادهاش إيجاباً.
(عدل بواسطة عزيز on 07-10-2014, 01:43 AM) (عدل بواسطة عزيز on 07-10-2014, 02:15 AM) (عدل بواسطة عزيز on 07-10-2014, 02:15 AM)
07-10-2014, 01:08 AM
الليندي الليندي
تاريخ التسجيل: 05-27-2002
مجموع المشاركات: 1188
Quote: يا اللندي ما تظلم طه وتصف الأداء بالعادية، بالعكس حبس الجميع أنفاسه وهو يستمع للأداء الرفيع لطه سليمان، ولتلك الطلعة (الفايبريشن) في " شلت الجراح" أكتبوا عني طه سليمان ينقذ برنامج أغاني وأغاني نسخة 2014م ..
يا ناصر الليندي بلاش موجاملات نسرين الهندي شنو! اها دي حبرتجية غنا، انا شخصيا وجدتها تغني بصوتها المهزوز كما صرير الابواب الحديدية العتيقة، فلم أجد بدا من الإستماع "للحناء" المركبة، والأخرى إنصاف فتحي فقط ذكرتنا بكلمات الأغنية .. والحمد لله
شكلو رمضان دخل العضم يا سيف شوف ما كتبتو انا
وقبيل لمن قلت الاوسكار لطه سليمان الصديق ( قيقراوي ) قال أنا ظلمت ( انصاف فتحي ) وهي من المفترض يكون ليها الاسكار وحسب وجهة نظري أنو الأغنية الادت ( انصاف فتحي ) ( اول حبيب ) لاتقارن بليلة وداع و الخلي اغنية ( ليلة وداع ) يخطفا زيدان شنو أنو ( عبدالعظيم حركة ) ماقدر بضبط المطلعع بالاول و حاولو معاهو وما ظبطت فاقترح ان يدخلو عركي وخليل اسماعيل وزيدان ككورس و لكن زيدان خطفا وده بوضح أن الأغنية غير سهلة بتاتاً ( اوسكار الحلقة ) لطه سليمان
فأنت الظلمتني لأنو انتقدت طه فقط في أداء أغمية الملك ( عثمان حسين ) ( عشقتك وقالوا لي عضقك حرام ) وقلت أنو ورط نفسو في أداء الأغنية لأنو اللحن الأدى بيهو الأغنية كان مختلف وواضح أنو ما استمع ليها كويس لكن غير كده رأي واضح من قبل ثلاثة سنين أنو طه عاما زي الطالب البذاكر ايام الامتحانات وبجيب درجات عالية لكن لو عادو ليهو الامتحان بعد يومين ما بكون عارف يجاوب والفكرة أنو طه عندو امكانيات وتطريب عالي وبختار كويس فقط في برنامج أغاني وأغاني وبره برنامج أغاني وفي اقرب حفلة بتلقى طه بغني ليك كلام ما بشبهو والفن رسالة يعني التزم أنك تغني اغاني جيده وحتصنع ليك جمهور واعي وده دور الفنان لكن تغنى اي غناء وتقول الجمهور داير كده حتظل في مكانك كظاهرة وتختفى بعد فترة
ما هذا الانحدار؟ كل يوم البرنامج يتجه راسا للقاع، سيكون سقوطا عموديا وداويا... الاستاذ السر قدور لك التقدير كله، لكن جماعتك ديل ما بِسِنْدوا الضهر ابدا... في حضرة اسماعيل حسن يطيب الوقوف، مهذب امامه يكون التوثيق.... * البنت الغنت يا...... الحي، ما فرزت منها غير الحي، * فرفور نفخنا كالعادة، وفكا امسكي عليك عيونك ديل، فكاها عكس الهواء * نكتة مشهورة في حلتنا اتشالبا اتنين خفيفين، ولم تعد نكتة ولم تضحك احدا، واحد علق : دا مش نكتة فلان القديمة هسع انتوا الاتنين بتلاوا فيها عوقتوا النكتة وعوكتونا، هذا بالضبط ما حصل للعيون الشاربة من لون الشفق عند المغارب، اتجابدوها عصام نور الذي يضحك بلا سبب وضحكته صفراء كئيبة، وصوتو ياخ الضعيف ذاد ضعفا، يا اخوي لو ما بتقدر تغني خلاص وقف، تراك ذبحتنا، حاول عمر لكنه لم يتوفق هو الاخر، وجات مرة كدة الاتنين غلبتن العتالة، انَّ لله ياخ ، كما يقول صديقنا ناصر يوسف.... * الزويل الرقيق برضو سمع، واكل كلمات، وتاه ، وتنفس الصعداء بعد الزنقة..... ولو ما كنت سوداني واهل الحارة ديل اهلي، تصور كيف يكون الغنا، * اقل حاجة الزول الحا يغني اغنية مسموعة ومحفوظة مفروض اقل حاجة يسمعا مرين تلاتة، ويعيش في المود، لكن سلق البيض دا ما بجيب تمنو،
المشاهدون ينفضون من الرنامج ساعة فساعة، لان مسكة الفن ....التطريب؛
07-11-2014, 01:02 AM
سليمان القرشي سليمان القرشي
تاريخ التسجيل: 01-12-2013
مجموع المشاركات: 1491
سلام اللبندي والاخوة المتداخلين لم اشاهد هذا البرنامج الا مرتين حلقة الفنان الكبير النور الجيلاني متعه الله بالصحة والعافية وقليل من حلقة اليوم في الاعادة وبالتحديد اغنية ياعزاري الحي التي قتلتها نسرين هندي وادتها ادا باهت يفتقد التطريب وكنت اتمني لو الاستاذ السر اختار السني لانها منطقة السني التي يجيد اللعب فيها تماما
07-11-2014, 02:09 AM
الليندي الليندي
تاريخ التسجيل: 05-27-2002
مجموع المشاركات: 1188
البرنامج ممل جداً وكل يوم بقينا نقول حلقة للنسيان امبارح اغاني الشاعر ( عبيد عبدالرحمن ) الاختاروها مكررة ومسموعة ورغم ذلك لم تؤدى بشكل جيد والليلة ننسى بس أغاني اسماعيل حسن مطمطة شديدة
أتوقع أن تكون هذه السنة هي السنة الأخيرة للبرنامج لأنه لم يعد هناك من جديد يقدم .. وأن يتوقف البرنامج عند هذا الحد وهو في قمته أفضل من أن يستمر حتى ينفض السامر من حوله ..
الحق يا ناس حلقة الأمس كانت رائعة تألق فيها الأستاذ السر قدور وأدارها بشكل جميل وممتع ومفيد. أنا شخصياً أول مرة أعرف إنو برعي محمد دفع الله لحن لوردي. الحاجة الثانية، أداء عصام محمد نور لأغنية لو بهمسة، كان رائعاً لأقصى حد. وبصراحة كان إستثنائياً. دعونا ننظر دائماً للنصف المليان من الكوب. وطبعاً نحن السودانيين نفسنا قصير وملولين (ما عدا وردي بالمناسبة) فأدوا السلام فرصة يا شباب يا جميل. ويا اللندي وعبير خيري لا تحرمونا من تعليقاتكم لأننا نستفيد من المعلومات الفيها لدرجة إنتو ما بتكونوا عارفنها قدر شنو. عليكم الله، دعوا "الزهج" وواصلوا الحياة!!
. الحلقة الثانية عشرة كانت عن الشاعر إسماعيل حسن مع استضافة زوجته وإبنه وليد.
بدأت بأغنية قلبي الحزين ألحان عثمان حسين أدتّها انصاف فتحي اداء باهت قتل احساس الاغنية .
بلادي انا أداها حسين الصادق اختيار خاطيء فهي لا تشبه طريقته ولا حتى طبيعة صوته .
والله مشتاقين الحان وردي أداء عصام وعمر أداء جميل في البداية وربكة بعض الشيء في النهاية.
عيونك ديل ألحان حسن بابكر اداها فرفور ولم يجدها.
عذارى الحي ألحان برعي محمد دفع الله أداء (نسرين مصطفى عبد العزيز محمد داؤود) لبس كامل لحركة أبوداؤود وبعض من وقفات مصطفى السنّي فضاعت شخصيتها وضاعة متعة الاغنية واحساسها.
الحلقة الثالثة عشرة مواصلة لاغنيات الشاعر إسماعيل حسن و محمد وردي
غلطة أداء طه سليمان دون المستوى وواضح خطأ إختياره من تعبه في المناطق العالية من اللحن ، اداء باهت جداً
بيني وبينك اداء مصطفى السنّي أداء وإختيار غير موفق
الوصيّة أداء عمر جعفر ولولا زيادة الاهتزاز المتعمد والطلعات في غير محلها لكانت اجمل مما هي عليه.
لو بهمسة غناها عصام محمد نور بإحساس عالي واداء هاديء وجميل امتعني جداً وفي رأيي كانت اجمل اغنية في الحلقتين.
بعيداً ( جداً ) عن كيفية أداء الأغنيات وغض النظر توفيق المغنيين في أدائها أم لا
لو جاز لي أن أصف الحلقة رقم 12 والمخصصة لأشعار الأستاذ إسماعيل حسن وغناء الإمبراطور محمود وردي فسوف أقول أنها حلقة ( إنعدام الحساسية ) لا يمكن ولا يصح ذوقاً أن تستضيف ( سيدة ) في العقد ربما السابع من عمرها وبصحبة أنجالها لتسمعها ما قاله عنها زوجها الشاعر ذات غضب
غلطة كانت غرامي ليك ويا خسارة دموعي فيك لو طلعت القمرا وجيت ولو حلفت برب البيت ما بريدك مهما بقيت غلطة كانت وتاني أبيت
أو تسمعها
حلفتك يا قلبي حلفتك بربي خليهو الغرام يتنكر لحبك وريهو الخصام ليه تتهان يا غالي ليه والذل حرام ... .. أوع يا قلبي حلفتك يا قلبي الخانك تخونو والفايت غرامك أوع في يوم تصونو وزي ما أبكى عيني سهر لي عيونو
ليس هذا فحسب بل وإمعاناً في عدم الإحساس يتم سؤال هذه السيدة ( زعلتي لمن قال فيك كدا ؟؟؟؟ ) وليس ذلك وأيضاً فحسب بل ومحاولة ( جرجرة ) هذه السيدة الوقور لـ ( فضح أسرار ) بيتها التي طواها الغفران وقدسها الموت
لماذا أستاذ السر قدور ؟؟؟ أما علمت أن لكن مقام مقال ؟؟
أما كان من الأنسب و ( الأكرم ) لهذه السيدة لو ركزت على أغاني للأستاذ إسماعيل حسن يتغزل فيها بـ ( ملهمته ) الجالسة معكم مثل أمير الحسن من صحابك ومن قرايبك يا حبيبي بغير عليك كل من قال يا حبيبي افتكرتو يشير اليك وأى عاشق لو تغنى قلت لازم شاف عينيك
أو ألم يكن من ( الألطف ) أن لو تغنينا في حضرة ( الملهمة ) بمثل أغنية ( ذات الشامة )
وحياة الأحلام القلبي سقاها وحياة أجمل بسمة عرف معناها وحياة سمر اللون وحاة محياها ... .... وحياة أول نظرة لمحتك بيها وحياة أجمل صدفة عرفتك فيها وحياة الآمال العشت حياتي عليها
أو ألم يكن من الأجمل أن نتغنى في وجود الحبيبة بأغنية
حبيناك من قلوبنا وإخترناك ياحلو ماتبادلونا العواطف ليه تتدللو حبينا فيك العفه والدم الشربات والله العيون خلتنا في حيره وآهات وفي إبتسامتك شفنا جنات وجنات
لم تكمل بعد أغنيات الحب التي صاغها إسماعيل حسن في ملهمته زوجته
Quote: لو جاز لي أن أصف الحلقة رقم 12 والمخصصة لأشعار الأستاذ إسماعيل حسن وغناء الإمبراطور محمود وردي فسوف أقول أنها حلقة ( إنعدام الحساسية ) لا يمكن ولا يصح ذوقاً أن تستضيف ( سيدة ) في العقد ربما السابع من عمرها وبصحبة أنجالها لتسمعها ما قاله عنها زوجها الشاعر ذات غضب
الاستاذ عاطف عمر يا سلام اخي العزيز كأنك كنت معنا وسمعت تعليقات الموجودين كنا مجموعة نشاهد الحقلة .. جميعهم استهجنوا وبشدة وجود هذه السيدة الفاضلة وخاصة في جزء الذي ذكرته في مداخلتك .. الجميع استهجن هذا الشيء .. ( هل وجودها لتلافي حقوق المؤلف ؟؟ )
التحية للاستاذة عبير خيري .. ( أوافقك فيما ذهبت اليه .. ما عدا عصام الباقي اي كلام .. )
موضوع حب اسماعيل حسن لزوجته وعلاقة أشعاره بها، بما في ذلك الأشعار التي كتبها عند خصامهما، كانت معروفة للعامة عند حدوثها .. وأعتقد أن عملية تصالحهما ورجوعهما لبعض صاحبها أيضاً عمل شعري أو أغنية رائعة .. لقد قرأت أنا شخصياً شيئاً قريباً من هذا في مقال رائع، بل فتان، كانت قد نشرته كريمته أحلام قبل خمسة سنوات تقريباً .. ما أعتقد أن عمنا السر قدور يمكن أن يقع في خطأ مثل هذا .. ربما أخونا الليندي يكون عنده الإجابة بحكم موسوعيته في الغناء السوداني .. يا ريت لو تداخل معنا
07-13-2014, 03:13 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
Quote: الاستاذ عاطف عمر يا سلام اخي العزيز كأنك كنت معنا وسمعت تعليقات الموجودين كنا مجموعة نشاهد الحقلة .. جميعهم استهجنوا وبشدة وجود هذه السيدة الفاضلة وخاصة في جزء الذي ذكرته في مداخلتك .. الجميع استهجن هذا الشيء .. ( هل وجودها لتلافي حقوق المؤلف ؟؟ )
أحببت أن أوضح أنني لست ضد وجود السيدة زوجة الأستاذ إسماعيل حسن في الحلقة بل بالعكس وجودها جميل وجميل جداً
وأحببت أن أوضح أن نعم قصة إنفصال الأستاذ إسماعيل عن زوجته والأغاني التي نتجت عن هذا الإنفصال قصة معروفة ولعل كريمته الأخت أحلام ( زميلتنا في هذا المنبر ) قد كتبت عنها بوستات مشهودة
لكن الذي أقوله بأن لكل مقام مقال هذا الوجود الجميل لهذه السيدة قد فرض ( واقعاً ذوقياً ) على الأغاني المفترض تقديمها مراعاة شعورها
تخيل فقط أن تكون هذه السيدة قادمة لتتحدث عنها زوجها بـ ( كل حب ) ، فيأتيها رد زوجها عبر أغنية مختارة من مقدم البرنامج وبواسطة فناني الحلقة ممن يسمعون حديثها بأن ( غلطة كانت غرامي ليك ، ما بريدك مهما بقيت )
أتحدث إذاً عن الذوق والحساسية لذلك قلت وأجدني مردد
ألا يعي أستاذنا السر قدور قالة أن " لكل مقام مقال "
لا أعتقد ان إثارة قصائد العتاب بين اسماعيل حسن و زوجته فيه شيئ من (عدم حساسية)... هي مرحلة عاشها الاثنان..وقد حدثت فعلا...وتبقى في نهاية الامر ..ان النهاية كانت سعيدة بين الاثنين... امير الحسن (من صحابك و من قرايبك ..يا حبيبي بغير عليك) لم يكتب كلماتها اسماعيل حسن بل صاوي عبد الكافي..... برنامج اغاني و اغاني هو نفسه (عدم الحساسية)..... تغوّل واضح على حقوق الغير ..وفي النهاية جلبت معها (تشويه) لكل ماهو جميل....
لا اظن ان هناك Researchers يعدّون لكل حلقة المعلومات المهمة التي يجب تناولها.... شعر اسماعيل حسن ..وعلاقته بوردي اكبر بكثير من قصائد عتاب الشاعر لمحبوبته...
فيها دروس و عبر يمكن لجميع فناني اليوم الاستفادة منها.... * إدعاء الشاعر بأنه (خالق) الفنان * رغبة الفنان في تنويع مصادره * كيف يكون مسار وردي لو لم تحدث القطيعة بينه و الشاعر اسماعيل حسن * عندما يغني فنانا كبيرا لشعراء صغار في السن و لم يسمع بهم احد..... * عندما يجلب الشاعر فنانا صاعدا لكي ينافس به الفنان (ناكر الجميل).... ...الخ كل هذه مواضيع كبيرة اثارتها علاقة وردي باسماعيل حسن كان يمكن تناولها بدلا من عتابه لمحبوبته
07-14-2014, 07:03 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
ياخ عمر جعفر دة لمن يحاول يعمل هارموني كدة بيجيني احساس زي الراكشة القالبنها علي جنبها وبيجربوا في اللساتك حقتها ودايسين بنزين كرررررررررررررررررررررررررررررررر
07-14-2014, 09:25 PM
د.محمد بابكر د.محمد بابكر
تاريخ التسجيل: 07-16-2009
مجموع المشاركات: 6614
وحقيقة استمتعت بمداخلتى الاخوان زكريا فضل وعاطف عمر وكتاباتهم. عكس كل مرة الكتابة عن منو الغنى كويس وغنى كعب.
فى نظرى شخصيا ان اسماعيل حسن شاعر مفصلى فى تاريخ الاغنية السودانية ادار دفة الشعر السودانى شمالا بايراده لمفردات عتاب المحبوب التى لم يسبقه عليها احد وقبله الشاعر ابوصلاح الذى ادار ايضا ضفة الشعر فى اتجاه مختلف. حكى لى شخصيا الملحن حسن بابكر شفاه الله الكثير من اسرار علاقته مع اسماعيل حسن ..... محمد ميرغنى خلاف ما ذكر اتمنى يجئ وقت مناسب لسردها فانا حاليا فى حزن شديد لمرضه. كما حزنى على محمدية.
تخريمة
طه سليمان وابتداعاته ..المايك ..وتلبيسات مختلفة بالوان مختلفة ... على حسب لون البدلة والكرفتة واللبس... حتى الان احصيت اربعة تلبيسات للمايك.. احمر .... بنفسجي... بيجى ... واخضر مع اسمه بالحروف الانجليزية,TAHA
07-15-2014, 00:33 AM
محمد حمزة الحسين محمد حمزة الحسين
تاريخ التسجيل: 04-22-2013
مجموع المشاركات: 1437
كالعادة متابعين بحرص حتي استعضنا عن حضور البرنامج بهذا البوست (المجيه ) شكراً الليندي وعبير وعزيز وأُحييّ جدعات عاطف عمر فقط اعيب هذا الموسم حرص الكثيرين اغتيال شخصية العميد فرفور وعاصم وعصام يا جماعة ديل كُبار البرنامج والماعندو كبير يشوف لو كبير فرفور دا فنان ولدي عمار لكن انا بشجه اللعبه الحلوهـ ايضاً علي ابن عمي عبد المنعم حسن الطيب ترك محاولاته المستميته حشر البرنامج في نفق السياسة ضرستنا ياخي رمضان كريم وتقبل الله الصيام والقيام : : : : : مع التحيات لله الزاكيات
07-15-2014, 09:02 AM
بدرالدين بابكر مصطفى بدرالدين بابكر مصطفى
تاريخ التسجيل: 06-24-2013
مجموع المشاركات: 1492
اعجبتني نسرين جدا بادائها لاغنيتي الاماني السندسية فقد اخرجت صوتا يقطر شجنا وعاطفه اعطيها مع الاوركسترا 9 من 10 والواحد الناقص ده هذه هي اسبابه بالنسبة لنسرين هنال؛ ثلاث اخطاء في ثلاث كلمات 1. قالت مهما طال فيك حظي "عاتي او عادي" والاصل حظي عاثر "من تعثر يتعثر" 2. قالت بي حبيبا اصطفيهو والاصل "بي عزيزا" ولكن حبيبا حلوه ومافي مشكله 3. قالت تارة "الفؤاد طاوياهو آن وتارة آخرى من الفؤاد طاوياه آنه والصحيح "في فؤاد طاوياهو آنه" وحرف الجر هذا عدم وجوده يغير المعنى -------------------------- اما الاوركسترا فبرغم الجهد المبذول والمقدر جدا الا آن الكاونتربيونت كان مبتورا والكاونتربوينت في هذه الاغنية يشكل تقريبا المعادل الموضوعي للحن الذي هو بدوره المعادل الموضوعي للنص وفيما عدا ما قلته فقد كا الجميع اخر حلاوه ومبروك يانسرين فانا حقيقة احبك جدا فيما تقومين به واقدر اهتمامك بالتفاصيل الدقيقة وسوغ يفهم الناس من هي نسرين عاجلا او اجلا
يا موصلي ياخي بلاش مجاملات! انت بتتكلم عن الأماني السندسية الواحدة دي ولا شيئ تاني!!
.
الحبيب سيف والله كلامي من جوه القلب نسرين في نوع من الغنا بتآديه ببراعة منها الاماني السندسيه لا شيئ يدعوني للمجاملة اطلاقا وقلت رآيي من منظور سمعي انا تسلم ياحبوب
كلمة عاتر هي الشق السوداني للعربية عاثر ولا بآس اعتقد ان الكلمات صحيحة في التسجيل الاول ولكنني افضل الاداء الثاني ياصبري
كمان من ناحية الفورم هي اتبعت تسجيل الاذاعة في حلقة اغاني واغاني حيث عبار\ة بالامانب السندسية تاتي مرتيك وتكرارهما بينما في التسجيل الاول اتبعت تعديلي الذي عملت به طوال الزمن بعدها الا وهو الاماني السندسية تتكرر ثلاث مرات بعد كل كوبليه والتكرار يعاد اي ست مرات لك التحية ياصبري
وهي أبدعت بلا شك .. وصوتها تماهى تماماً مع اللحن الجميل ...
ولكن من أكثر المؤدّين الآخرين الذي أعجبتني هذه الأغنية بصوتهم يجلس في استوديو أغاني وأغاني .. إنّه المُبدع عُمر جعفر .. فقد استمعت إليه وهو يترنّم بها على الطبيعة سنة 1992م في حفل عُرس ...
07-15-2014, 02:42 PM
Elmosley Elmosley
تاريخ التسجيل: 03-14-2002
مجموع المشاركات: 34683
وهي أبدعت بلا شك .. وصوتها تماهى تماماً مع اللحن الجميل ...
ولكن من أكثر المؤدّين الآخرين الذي أعجبتني هذه الأغنية بصوتهم يجلس في استوديو أغاني وأغاني .. إنّه المُبدع عُمر جعفر .. فقد استمعت إليه وهو يترنّم بها على الطبيعة سنة 1992م في حفل عُرس ...
الحبيب صبري اول من تغني بالاماني السندسية هي امال النور ثم يوسف الموصلي ثم مصطفى سيد أحمد فعادل الصديق ثم نادر خضر ثم شمت محمد نور ثم عمر جعفر ثم حمزة سيليمان ثم نسرين وما خفي علينا أعظم ولكنني أحببت طرق كل هؤلاء الشيوخ لمن توفو منهم الرحمة ولمن هم على قيد الحياة طولة العمر ودوام الصحة
طيب لماذا تجامل يا موصلي! نسرين على كيفها تطرح نفسها فنانة سهرات، فنانة عدادات، فنانة شبابيك، فنانة تياب، فنانة حنة، ما خصانا! المهم ان تكون حنجرتها قوية كما قال درويش! لكن يا للحسرة صوتها مهزوز وضعيف ومسطح، الأماني السندسية أغنية باذخة حرام ان نرميها هكذا!!
.
07-15-2014, 03:30 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: طيب لماذا تجامل يا موصلي! نسرين على كيفها تطرح نفسها فنانة سهرات، فنانة عدادات، فنانة شبابيك، فنانة تياب، فنانة حنة، ما خصانا! المهم ان تكون حنجرتها قوية كما قال درويش! لكن يا للحسرة صوتها مهزوز وضعيف ومسطح، الأماني السندسية أغنية باذخة حرام ان نرميها هكذا!!
.
يعني ياسيف برغم انني قد نفيت انت لا تريد أن تعطي وجهة نظري حقها وتصر على أنني أجامل ياخي نسرين دي انا لم استعر منها مالا ولا تطلبني شيئا شهادتي لله فقط وان أعتبرها " من أميز المغنيات اللائي ظهرن أخيرا وقدرتها التطريبية عالية جدا جدا وانا سمعتها في الامارات قبل أن تذهب الى السودان في شريط كاست هي وشقيقها واعجبت بطريقتها قبل أن اراها حتى وواقف مع وجهة نظري مع البنية دي كالطود الأشم وبلا تردد واعتقد أنها ادت دورها بطريقة أفضل من الاوركسترا نفسها -------------------- افهم تقديرك للأماني السندسية واقدره وأشكرك عليه ايما شكر
موصلي كيفك، هي بت فنانة حقيقة خاصة لما ننظر لتعلقها بالغنى القديم مقارنة بسنها و تجربتها بالنشوء خارج السودان.. مش كدا؟ عن نفسي أرى أنه عصام م. نور كان ممكن ينعش الأماني السندسية و يعيد صيحتها خاصة بين الأجيال الجديدة. واحدة من مشكلات البرنامج الكبرى تكمن في عدم إعطاء العيش لخبازه و هي الطريقة الوحيدة اليجب أن تكون متبعة في تقسيم الأغنيات بين المشاركين و المشاركات، أين دور اسماعيل ع. الجبار و سعد الطيب في هذا الجانب؟ هندسة الصوت كذلك يا موصلي، الأماني السندسية أتت خالية من أثر البيز جيتار المناسب، العازف استخدم "فنك" و طريقة عزف و إحساس لم يكن ملائم مع طبيعة الأغنية لأنها كانت تحتاج بيز رخيم في نظري. غايتو الكورة تكتلنا و الموسيقى و متعلقتاها يكتلوكنا في السودان!
07-15-2014, 06:00 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: موصلي كيفك، هي بت فنانة حقيقة خاصة لما ننظر لتعلقها بالغنى القديم مقارنة بسنها و تجربتها بالنشوء خارج السودان.. مش كدا؟ عن نفسي أرى أنه عصام م. نور كان ممكن ينعش الأماني السندسية و يعيد صيحتها خاصة بين الأجيال الجديدة. واحدة من مشكلات البرنامج الكبرى تكمن في عدم إعطاء العيش لخبازه و هي الطريقة الوحيدة اليجب أن تكون متبعة في تقسيم الأغنيات بين المشاركين و المشاركات، أين دور اسماعيل ع. الجبار و سعد الطيب في هذا الجانب؟ هندسة الصوت كذلك يا موصلي، الأماني السندسية أتت خالية من أثر البيز جيتار المناسب، العازف استخدم "فنك" و طريقة عزف و إحساس لم يكن ملائم مع طبيعة الأغنية لأنها كانت تحتاج بيز رخيم في نظري. غايتو الكورة تكتلنا و الموسيقى و متعلقتاها يكتلوكنا في السودان! !
حبيبنا المعز البت دي من القلائل اللائي جلبن معهن العرب بضم العين "العربية الى اسلوب غنانا واعتقد هنالك ايضا الجزار بالاضافة الى معتز صباحي وفي ناس بيكرهو الاسلوب ده لله فلله انا والله كيفتني للطيش نعم تحتاج الى شوية شغل لكن عندا انتقالات لحنية بالذات في الاغنية في القفلات بتعبر عن زول ملهم وانابقدر بانها مازالت تتحسس الطريق الفني وعصام ارجل خبره هذه واحدة اما الصوت فهو المشكلة الكبرى في الميديا السودانية وثالثة الاثافي لك الود وعلى كل الذين اختلفنا معهم أ يتأكدو بان خلافنا في وجهات النظر لايفسد للود قضية وبيننا م هو أكبر "المحبة"
واضح انو هذا البرنامج تدهور بصورة شديدة ويحتاج لامثالك لاعادة توزيع الاغنيات وظبط الاوركسترا والزامها بموسيقى نوعية وحديثة وعزف متطور. الاوركسترا لا زالت تعزف الاغنيات بطريقة الخمسينات والستينيات وكلهم شغالين كوبي بيست مافى اى تنويع او هارمونى ... الخ. لا زلنا نحن السودانين نعتقد انو فرقة فيها ايقاعات وكمنجات واكورديون وعود وجيتار وبيز واورغن وساكسفون هى خلاص احسن فرقة والعالم كلوا الان شغال بتوظيف الالات قبل كميتها وعددها. والاهم ظبط هندسة الصوت فالاوت بت بتاعه اكثر من ضعيف ومزرئ يااخ.
07-15-2014, 07:09 PM
Elmosley Elmosley
تاريخ التسجيل: 03-14-2002
مجموع المشاركات: 34683
واضح انو هذا البرنامج تدهور بصورة شديدة ويحتاج لامثالك لاعادة توزيع الاغنيات وظبط الاوركسترا والزامها بموسيقى نوعية وحديثة وعزف متطور. الاوركسترا لا زالت تعزف الاغنيات بطريقة الخمسينات والستينيات وكلهم شغالين كوبي بيست مافى اى تنويع او هارمونى ... الخ. لا زلنا نحن السودانين نعتقد انو فرقة فيها ايقاعات وكمنجات واكورديون وعود وجيتار وبيز واورغن وساكسفون هى خلاص احسن فرقة والعالم كلوا الان شغال بتوظيف الالات قبل كميتها وعددها. والاهم ظبط هندسة الصوت فالاوت بت بتاعه اكثر من ضعيف ومزرئ يااخ.
زمان وعدوني باستلام الفرقة القومية وكنت أود تحويلها لاوركسترا الخرطوم السيمفوني وسلمتهم المشروع وسدو دي بي طينة ودي بي عجينة دي مشكلة كبيرة يادكتور انا طبعا ما كان عندي مانع اقعد معاهم شهر في كل سنة لتنظيم وتوزيع الاعمال الموسيقية بشكل بسيط
07-15-2014, 11:25 PM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
كتبها ود القرشى (رب الفن) و كذا غناها عثمان الشفيع ولم تستنكرها الاذان انذاك لان الرب لغة تعنى السّيِد ..وعندما انقضت ذئاب الانقاذ على مخزوننا الثقافى غيروا حتى مفردات الاغانى وليس بعيدا عن الاذهان ما فعله حسين خوجلى ب(سقاة الكأس من عهد الرشيد) حين اجبر سيد خليفه بتحويلها الى(رواة الشعر من عهد الرشيد) ..كل هذا متوقع من الامويين الجدد لكن ان ياتى من شاعر كقامة السر قدور فهذا ما لم افهمه ..!!
Quote: يعني ياسيف برغم انني قد نفيت انت لا تريد أن تعطي وجهة نظري حقها وتصر على أنني أجامل
استاذنا الموصلي انا مثلك ليس لي مصلحة في الوقوف معها او ضدها، لكني أراهن على أذني الموسيقية بان نسرين صوت ضعيف ومهزوز ومسطح، ونسرين ليست وحدها، فغيرها كثيرون وكثيرات فرضوا على الناس في كل محفل وكل لمة، وانتشروا كما المرض العضال الذي لافكاك منه، قال لي أحد الأصدقاء: ليس من اليسير تعديل أو إصلاح ما يحدث الآن في عالم الموسيقى والغناء في السودان، فهنالك "شلة" مسيطرة على هذا المجال بالتمام، هذه الــ"الشلة" لها القدرة والقوة والسطوة تاكل في كل الإتجاهات، تتوزع المهام وتتبادل المصالح فيما بينها .. يبيعون للشعب هذا المسخ والتشويه بأثمان باهظة، يستدين البسطاء ليدفعوا لهؤلاء الحبرتجية الملايين!!
تعرفنا على الأماني السندسية ونحن صغارا، عندما كان يتحفنا بها الاستاذ عبد العليم بلال، صديق خالنا عبد المنعم أحمد سالم ( شباب إمتداد الدرجة الثالثة) كانت الاماني السندسية بعضا من مساءات الخرطوم الجميلة، فلا يرددها إلا من عرف الغناء!
سلاماات يا ليندي ولي ضيوفه ورمضان كريم وكل سنة والبلد بخير
Quote: واحدة من مشكلات البرنامج الكبرى تكمن في عدم إعطاء العيش لخبازه
والله يا أستاذ الموصلي أظبط كباية شاي منعنعة وأخد ليك تكية وأسمع الأماني بي أداء عمر جعفر
نسرين فنانة لكن في الأماني السندسية ....
فعلاً دا عيش ما عندها ليهو قدرة حرمتنا متعة الأماني السندسية رحم الله نادر خضر
ولو قصدت بي الحاجة الغايبة من الأوركسترا الذكرتها لو قصدك الشغل العملو الراحل الفنان أميقو، ف داك كلام تاني ما محلو التسجيل الضعيف والأروكسترا الشغالة بي أداء خالي من أي متعة ياخ ديل زي الشغالين بلعبوا ليهم في (كاتا) بتاعة كراتيه مافي طريقة تعمل حاجة برة الحركات المرسومة ليك.
07-16-2014, 04:04 PM
إبراهيم عبد الحليم إبراهيم عبد الحليم
تاريخ التسجيل: 10-31-2008
مجموع المشاركات: 3563
Quote: والله يا أستاذ الموصلي أظبط كباية شاي منعنعة وأخد ليك تكية وأسمع الأماني بي أداء عمر جعفر
نسرين فنانة لكن في الأماني السندسية ....
فعلاً دا عيش ما عندها ليهو قدرة حرمتنا متعة الأماني السندسية رحم الله نادر خضر
ولو قصدت بي الحاجة الغايبة من الأوركسترا الذكرتها لو قصدك الشغل العملو الراحل الفنان أميقو، ف داك كلام تاني ما محلو التسجيل الضعيف والأروكسترا الشغالة بي أداء خالي من أي متعة ياخ ديل زي الشغالين بلعبوا ليهم في (كاتا) بتاعة كراتيه مافي طريقة تعمل حاجة برة الحركات المرسومة ليك..
حبيبنا تبلدي نادر تلميذي اله يرحمه وانا اخترته يمثل الخرطوم زمان في الدورة امدرسية مدني 1978-1979 وهو من أحسن الناس الغنو عن حبيبتي حأحكي ليكم لعركي وشال النوار لمحمد الامين لكن النصحية وده رأيي وما تزعلو نسرين من أحسن الناس الذين تغنوا بالاماني السندسية على الاطلاق "وحب الناس مذاهب" لك المحبة
Quote: .استاذنا الموصلي انا مثلك ليس لي مصلحة في الوقوف معها او ضدها، لكني أراهن على أذني الموسيقية بان نسرين صوت ضعيف ومهزوز ومسطح، ونسرين ليست وحدها، فغيرها كثيرون وكثيرات فرضوا على الناس في كل محفل وكل لمة، وانتشروا كما المرض العضال الذي لافكاك منه، قال لي أحد الأصدقاء: ليس من اليسير تعديل أو إصلاح ما يحدث الآن في عالم الموسيقى والغناء في السودان، فهنالك "شلة" مسيطرة على هذا المجال بالتمام، هذه الــ"الشلة" لها القدرة والقوة والسطوة تاكل في كل الإتجاهات، تتوزع المهام وتتبادل المصالح فيما بينها .. يبيعون للشعب هذا المسخ والتشويه بأثمان باهظة، يستدين البسطاء ليدفعوا لهؤلاء الحبرتجية الملايين!!
تعرفنا على الأماني السندسية ونحن صغارا، عندما كان يتحفنا بها الاستاذ عبد العليم بلال، صديق خالنا عبد المنعم أحمد سالم ( شباب إمتداد الدرجة الثالثة)
.
غايتو زمان مستر اوشان قال لطلبة واساتذة المعهد زي اضان يوسف الموصلي ما عاندكم وزمان ناس الاذاعة متغالطين وانا لسه جديد فيها واحد قال ليهم الموصلي ده تقولو ليهو اي صوت موسيقي بقولو ليكم قام عازف الكمان حسين جاد السيد قال لي كدي قول لينا سي بيمول فقمت اديتو التون بي صوتي من الحنجرة وراح ضرب الصوت في الكمان لقاهو ياهو ذاتو وضرب كف على كف اها لعلك عرفت اضاني ياخ انا اثق في ذوقكم وتذوقكم لكن مثل هذا الهجوم السافر على نسرين هندي ما حلو البت دي "شديدة" على وزن شجيرة في الغنا ادوها فرصتها بلا حجر لفظي ههههه تحياتي
(عدل بواسطة Elmosley on 07-16-2014, 08:06 PM) (عدل بواسطة Elmosley on 07-16-2014, 08:11 PM)
والله ياستاذ نحنا كلام اوشان ليس لنا به شان، لكن لو كانت أذنك الموسيقية بعد هذا "الشان" الفني الكبير "تستحسن" صوت السيده نسرين، فاظنك طرشت ياموصلي! ههههههههه
.
07-17-2014, 01:04 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: والله ياستاذ نحنا كلام اوشان ليس لنا به شان، لكن لو كانت أذنك الموسيقية بعد هذا "الشان" الفني الكبير "تستحسن" صوت السيده نسرين، فاظنك طرشت ياموصلي! هههههههههandaring;andaring;andaring;andaring;andaring;andaring;andaring;andaring;andaring;
.
ههههه اضحكت يومي فعلا يطرشني زي كلامكم ده قبل كده ماسمعت امشو انتو وعزيز شوفو ليكم دكتور بتاع اذن وحنجره ههههههه Just Kidding
07-17-2014, 01:02 PM
Elmosley Elmosley
تاريخ التسجيل: 03-14-2002
مجموع المشاركات: 34683
سلام يا طارق و رمضان كريم، الأماني السندسية فيها براح واسع و مساحة كبيرة للتعبير بطرق مختلفة و أحاسيس مختلفة و أعتقد عصام بخبرته كان ممكن يقدمها بلونيته المعروفة، أو قل طه سليمان! تحياتي،
هههههههه قايتو بوست ناصر الليندي راح في الأضنين!! لكن أحسب أننا نطرح السؤال الهام عن الجدوى الفنية في إعادة إنتاج الغناء والموسيقى في السودان بمواهب وأصوات أقل من عادية !!
كم أحب صوت هاجر كباشي، لكأنه من إكتشافي!! .
07-17-2014, 01:37 PM
khaleel khaleel
تاريخ التسجيل: 02-16-2002
مجموع المشاركات: 30134
رصدت (حكايات) خلال مراسم تشييع فقيد الفن الموسيقار محمد عبدالله الشهير بـ(محمدية) يوم الأربعاء، بمقابر الشيخ حمد النيل ، غياب نجوم برنامج (اغاني واغاني) الذي كان الموسيقار الراحل أحد أعمدته،
وظل يسهم بصورة كبيرة فى نجاح البرنامج، ولاحظت الحضور الضعيف من قِبل الفنانين الشباب.
الخرطوم : ياسر مبارك- حكايات
07-17-2014, 01:41 PM
Elmosley Elmosley
تاريخ التسجيل: 03-14-2002
مجموع المشاركات: 34683
والله فعلا ياسيف ومعز هسع الناس خلو الحلقات التالية للحلقة الخامسة عشره تعالو لينا بي غادي حيث القراية أم دق ونعتذر لحبيبنا الليندي مع الوعج بالمواصلة في التعليق لباقي الحلقات هنا
http://www.sudaneseonline.com/board/470/msg/1405469391.html حبيبنا عزيز خطاب ظلمت نسرين في "الفايبريشن" والاداء وهاك تحليلي ------------------ والله ياخليل لو هذا حدث منهم فيا دي العيبة
آآآآي ..آآآآآآي .. اقعدوا اتغالتو لي كدا مع احترامنا لي اضنينكم لكن نحنا السواد الغالب والاعم لو ما اطربنا الغنا بتموا دلوكة ساااي وعايزين نتسقف ونعرف الغُنا دا حق منو والمزيكا دي بفرزوها كيفن لكن كمان ما قدر دا يا فنانين أين الليندي أين الشاعرة الشفيفة عبير بت خيري اين عزيز واين عمر الفاروق هذا الموسم دا راي زول ما عندو طريقة يحضر البرنامج الا من خلال هذا الخيط وتصوموا وتفطروا علي خير : : : : : مع التحيات لله الزاكيات
السلام على كل متابعي وأعضاء بوست أغاني وأغاني وعذراً للغياب الغير متعمد لظروف دراسية (قاهرة) وشكراً لكل الذين راسلوني وسألوا عن غيابي .
الحلقة التاسعة عشرة كانت عن أغنيات الشاعر عوض أحمد خليفة بدأت بأغنية ربيع الدنيا ألحان الفنان عثمان حسين آداء مشترك بين عمر جعفر وفرفور ، أداء مربك وباهت لا يناسب الأغنية والمقام على الإطلاق.
يا غاية الآمال ألحان عبد اللطيف خضر (ود الحاوي) آداء إنصاف فتحي التي غنتها كما لم تغنيها من قبل آداء جميل هادئ وامتعني جداً .
بالي مشغول ألحان عبد اللطيف خضر (ود الحاوي) آداء عمر جعفر وقد ابدع فيها وملاحظ تقليله من الرجفات المتعمدة ، جاءت جميلة .
خلي قلبك معاي شوية ألحان عثمان حسين آداء طه سليمان ، رغم أن الاداء متقن إلا أني لم اشعر باحساس الاغنية فسمعتها منه كالذي يسمِّع النشيد في (حصة العربي) آداء خالي من الطرب في اعتقادي .
ملاحظ: عدم جدية البعض في طريقة جلستهم وهمزاتهم وضحكهم الغير مبرر ولا عذر في هذا لكل القائمين على البرامج لأنه مسجَّل .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طارق جبريل
عزالدين عباس الفحل
د.محمد بابكر
mohmed khalail
إبراهيم عبد الحليم
الليندي
عزيز
عاطف عمر
صديق الموج
عبدالمنعم الطيب حسن
سليمان القرشي
Othman Al-Hasan Babikir
عبير خيرى
علي عبدالوهاب عثمان
Zakaria Fadel
محمد حمزة الحسين
بدرالدين بابكر مصطفى
Elmosley
النورس الحزين
المعز ادريس
حمد عبد الغفار عمر
khaleel
فيس بوك
تويتر
انستقرام
يوتيوب
بنتيريست