|
عبد اللطيف بكري ومن على شاكلته
|
ولكل الذين يبحثون عن الحب والسلام والجمال بعيد عن قبخ السياسة قولا وفعلا
خلي بالك من عيونك وروعة السحر اللي فيها وخلي بالك من دروب الدهشة في سكك المدارات في العوالم وانت عارفة اني دايما بشتهيها ويا صبية كلما اسمع غناو الهجعة في ليل المسافات القصية والمغني الكان بيصدح ( يا صبية الريح ورايا وخلي من حضنك ضرايا) برتعش والقى انك دي الصبية الكنت دوما برتجيها باقة الورد باقة الود والموانع حايلة بيننا ويبقى بيناتنا الامل كلما ارسل رسالة والقى ارد انظم الاحرف غزل مرة تتبرج جمال مرة تتراقص دلالا ثم تيها الاماسي في ابتهاجها ديمة منك تاخد اللون الاساسي كان طرب كل البدايات في الاماسي ولما تصفو بيننا ياحلوة الليالي ببدا أتناعم معاك ومفرداتي اليك ومنك وانت اصلك ديمة فيها يازول بتلون صباحات المسافر ياروعة بتدغدغ عوينات المساهر ياحاجة من نفس الوتر تريان بينضح بي حسيس وجع الغنا الحاني والقاك يازولة بتلالي كما التريا مرات اشوف فيها الزمان الجاي من عمق الشقا ومرات احاول لو اجيها ومرة تغلبني الحروف والقافية تتمرد تطش وانا بي وراها كمان اطش واتملى حسنك بين مجرات الجمال والقك يابنية جد مافيكي قول انت سمحة وكم وجيهة شاربة الصبوح من نيلنا قبال الشروق مويتن ترد الروح تخلي دم شريان هواي يهدا ويروق وتاني بعد البكري ويشرب للتني والعافية تترد واحس بي فورة الريدة الهوى يا ربي كيفن احتمل هذا الرهق شفق الصباحات البداية يابنية بي دعوة نديهة مولوده والايام بيض موعودة بي الحلم المنال مرقية بي طه ومحمد والمعوذات يازولة ما زولة نجيهة وارجع ادوزم في مفاصل الكلمة تاني وامرق الوجع المعاني من حساسي الغربة من خصر العصب جوة المعاني ويبقى بيناتنا الهوى وروعة اماني وارتعاشات حلما منال اصلي عارف كلماتي ليكي بتنصفيها وبس
|
|
|
|
|
|
|
العنوان |
الكاتب |
Date |
عبد اللطيف بكري ومن على شاكلته | د.محمد حسن | 05-30-14, 07:33 AM |
Re: عبد اللطيف بكري ومن على شاكلته | د.محمد حسن | 05-30-14, 07:48 AM |
Re: عبد اللطيف بكري ومن على شاكلته | Yasir Elsharif | 05-30-14, 07:57 AM |
Re: عبد اللطيف بكري ومن على شاكلته | أحمد الشايقي | 05-30-14, 01:56 PM |
Re: عبد اللطيف بكري ومن على شاكلته | الصادق صديق سلمان | 05-30-14, 02:24 PM |
Re: عبد اللطيف بكري ومن على شاكلته | عبد اللطيف بكري أحمد | 05-30-14, 02:49 PM |
Re: عبد اللطيف بكري ومن على شاكلته | عبدالمجيد المقابل | 05-30-14, 03:24 PM |
Re: عبد اللطيف بكري ومن على شاكلته | عبد اللطيف بكري أحمد | 05-30-14, 11:27 PM |
Re: عبد اللطيف بكري ومن على شاكلته | عبد اللطيف بكري أحمد | 05-30-14, 11:33 PM |
Re: عبد اللطيف بكري ومن على شاكلته | عبد اللطيف بكري أحمد | 05-30-14, 11:30 PM |
Re: عبد اللطيف بكري ومن على شاكلته | تبارك شيخ الدين جبريل | 05-31-14, 03:45 AM |
Re: عبد اللطيف بكري ومن على شاكلته | عبد اللطيف بكري أحمد | 05-31-14, 04:04 AM |
Re: عبد اللطيف بكري ومن على شاكلته | د.محمد حسن | 06-01-14, 11:38 PM |
Re: عبد اللطيف بكري ومن على شاكلته | د.محمد حسن | 06-02-14, 03:02 PM |
|
|
|