|
Re: للأسف انت تكذبي وتزوري يا ريهان الريح الشاذلي .... (Re: عبدالله احيمر)
|
سلامات عادل عبدالعاطي ... شكرا ياخ علي النبذ .. طبعا الطبع عندك يغلب علي التطبع .. المهم ..
1/ اوضح في البداية انو في تاريخ اجتماع المجلس السياسي في 26 مايو عضوية المجلس السياسي كانت 10 لانو حضرتك استقلت فالعدد نقص واحد.
2/ العضوية ال 10 دي حضرو منها الاجتماع 6 وكان اجتماع مكتمل النصاب ولأنو المحرش ما بكاتل كما يقول المثل ف 3 من الحضور انسحبو بعد ساعة ونص من بداية الاجتماع بدواعي مختلفة .. محمد خاطر قال بطاريتو كملت واريج النعمة اللي كانت رئيس الاجتماع قالت عندها ظرف (واهم حاجة قالت وهي ماشة حيتواصل الاجتماع ورئاسته حتكون عند المقرر ريهان ) ومدثر ما عندو سبب واضح لكن باين غلبو يقارع الحق بلا حق .
3/ البيان بتاع السبعة ... السبعة ديل فيهم ستة اعضاء مجلس سياسي وواحد عضو مستقيل من الحزب (سيادتك) والستة اعضاء المجلس السياسي فيهم واحد ما عارف روحو عضو مجلس سياسي لانو سيادتك ما اعلمتو بتصعيد, .. والخمسة اعضاء المجلس السياسي ديل فيهم تلاتة لا وجود لهم علي الاطلاق وتم نقاش وضعهم في اجتماعات سابقة ... انا لمن طعنت في صحة توقيعاتهم كنت واضعة حسن النية فيهم وقلت خجلهم من تسيبهم عن الاجتماعات وفشلهم في التكاليف المسندة اليهم حتمنعهم من التوقيع علي بيان باسم المجلس السياسي .. ما افتكرت انو النفس البشرية لمن تقدس ليها زول (عادل عبدالعاطي ) بالطريقة دي ممكن تبقي اسيرة ليهو للدرجة بتاعت اراقة ماء الوجه وتتنادي سراعا لتدافع عنهو ظالما وغير مظلوما .
4/موضوع عضوية اللجنة التنفيذية الانت فجاءة انتبهت لعدم اجازتهم من المجلس السياسي .. هم عضوية مرشحة من رئيسة اللجنة التنفيذية لحين اجازتهم من قبل المجلس السياسي وده الحصل يعني ماف تناقض في كلامي ... بعدين لو انت نسيت فالايميل لا ينسي ولا يكذب لمن رسلت لي رائد (رئيس مكتب الاعلام) ايميل تسالو عن عنوانه عشان تكمل الملف لدي الشبكة الافريقية الليبرالية لمن سالوك عن المسئول الاعلامي للحزب واجبتهم بانو اسمو رائد رستم ؟؟ يا عادل انت سوقتنا سواقة لنشر التفاصيل فحقو ياخي ما تسوقنا لنشر الايميلات ....
5/ الاستقالات الحايم تبشر فيها في كل الاماكن دي حاتطرق لي بعض مقدميها هنا :-
أ / (اريج النعمة - نائب رئيس المجلس والناطق الرسمي باسمك يا عادل .. شايفاك كاتب انو كنا عاوزين نشتريها والله يا عادل اريج دي لا تشتري بضم التاء ... هذي الاريج لو قالت لي زول السلام عليك بيكون سلامها ده جزء من خطة محكمة للتأمر .. محتاجة تصحح مسارها وفكرتها في العمل السياسي وتبتعد قليلا عن دربك حتي لا تتم اعادة انتاج عادل عبدالعاطي اخر .
ب/مدثر خميس ..انا الوم مدثر علي استخدامه لعبارات غير صادقة في وصف الحصل .. عارف مدثر ده طيلة الاجتماع ما قدر يقول جملة واحدة مفيدة وكلما حاولت اني اناقشو حجة بي حجة القاهو رافض انو يتخذ موقف مغاير لموقف اريج.. انا بفتكر انو عايش صراع ما بين ما يمليه عليه عقله وما تمليه عليه انت يا عادل .
ج/محمد خاطر .. كانت فرصة سعيدة جدا للالتقاء به في اول واخر اجتماع ليهو في المجلس السياسي و المضحك انو في اول خمسة دقايق من الاجتماع الاول ليهو مع المجلس كان يثني مقترح لتغيير المقرر بدعاوي فشله .. و ناسي انو هو ما عارف اخر اجتماع كان متين ولا حصل فيهو شنو ولا في منو في المجلس ولا يدري اي شي غير انو قبول استقالة عادل عبدالعاطي غلط .
د/عبدالهادي الحاج .. والله اريج النعمة اجتهدت شديد انها تدخله الاجتماع عشان تقلب الطاولة .. لكن للاسف .. الاتصال فشل وبالتالي تم الاجتماع بدونه .. ولأن عبدالهادي رجل صادق ما قدر يكتب في استقالتو اي اسباب .. ولكن مافي القلب في القلب . هـ/نهلة بشير ... وعبدالمجيد صالح ... انا قدمت تقرير عنهم الاتنين وطالبت فيهو بفصلهم من عضوية المجلس السياسي نسبة لتغيبكم عن اجتماعات المجلس (نهلة حضرت اتنين وعبدالمجيد واحد ) ومن عجائب الدنيا انو اريج النعمة اقترحت تحويلهم للجنة تحقيق يعني ببساطة امنت تماما علي تسيبهم ... وقبلها موقعة معاهم علي بيان باسم المجلس !!! فتامل علي قول ملاسي!!! ..
عموما يا عادل المصائب تجمعن المصابين والطيور علي اشكالها تقع وانا احي اي عضو وقف امام استبدادك وصلفك ورفض محاولاتك اليائسة والبائسة لتقديسك واعتبار اراءك نصوص يجب عدم نقاشها .
|
|
|
|
|
|
|
العنوان |
الكاتب |
Date |
للأسف انت تكذبي وتزوري يا ريهان الريح الشاذلي .... | Abdel Aati | 05-28-14, 08:39 AM |
Re: للأسف انت تكذبي وتزوري يا ريهان الريح الشاذلي .... | Abdel Aati | 05-28-14, 08:50 AM |
Re: للأسف انت تكذبي وتزوري يا ريهان الريح الشاذلي .... | Abdel Aati | 05-28-14, 08:52 AM |
Re: للأسف انت تكذبي وتزوري يا ريهان الريح الشاذلي .... | Abdel Aati | 05-28-14, 08:54 AM |
Re: للأسف انت تكذبي وتزوري يا ريهان الريح الشاذلي .... | Abdel Aati | 05-28-14, 08:55 AM |
Re: للأسف انت تكذبي وتزوري يا ريهان الريح الشاذلي .... | Abdel Aati | 05-28-14, 08:59 AM |
Re: للأسف انت تكذبي وتزوري يا ريهان الريح الشاذلي .... | Abdel Aati | 05-28-14, 09:03 AM |
Re: للأسف انت تكذبي وتزوري يا ريهان الريح الشاذلي .... | Abdel Aati | 05-28-14, 09:06 AM |
Re: للأسف انت تكذبي وتزوري يا ريهان الريح الشاذلي .... | Abdel Aati | 05-28-14, 09:10 AM |
Re: للأسف انت تكذبي وتزوري يا ريهان الريح الشاذلي .... | Abdel Aati | 05-28-14, 09:19 AM |
Re: للأسف انت تكذبي وتزوري يا ريهان الريح الشاذلي .... | Abdel Aati | 05-28-14, 09:53 AM |
Re: للأسف انت تكذبي وتزوري يا ريهان الريح الشاذلي .... | ريهان الريح الشاذلي | 05-29-14, 02:37 PM |
Re: للأسف انت تكذبي وتزوري يا ريهان الريح الشاذلي .... | Asim Fageary | 05-29-14, 02:40 PM |
Re: للأسف انت تكذبي وتزوري يا ريهان الريح الشاذلي .... | عبدالله احيمر | 05-29-14, 11:06 PM |
Re: للأسف انت تكذبي وتزوري يا ريهان الريح الشاذلي .... | ريهان الريح الشاذلي | 05-30-14, 02:03 PM |
Re: للأسف انت تكذبي وتزوري يا ريهان الريح الشاذلي .... | ريهان الريح الشاذلي | 05-30-14, 02:15 PM |
Re: للأسف انت تكذبي وتزوري يا ريهان الريح الشاذلي .... | ريهان الريح الشاذلي | 05-30-14, 02:29 PM |
Re: للأسف انت تكذبي وتزوري يا ريهان الريح الشاذلي .... | Abdel Aati | 05-30-14, 03:49 PM |
Re: للأسف انت تكذبي وتزوري يا ريهان الريح الشاذلي .... | عبدالله احيمر | 05-30-14, 03:58 PM |
Re: للأسف انت تكذبي وتزوري يا ريهان الريح الشاذلي .... | Abdel Aati | 05-31-14, 12:24 PM |
Re: للأسف انت تكذبي وتزوري يا ريهان الريح الشاذلي .... | تبارك شيخ الدين جبريل | 05-31-14, 04:07 PM |
|
|
|