|
|
 Re: وعماد عبد الله تاني... (Re: بله محمد الفاضل)
|
النذير اللذيذ ..
ـــــــــــــــــــ
تحفة اصلية من تحف الدنيا .. لا و نظاماتو في الحياة مصرصر كده و كلام بيض كبار كبار و سجاير و خاتم اصلي كبييييير ، الود جادي يعني و يرمي في درابو و لا يرمش له جفن .
.......
قاعد آخر زول في الحافلة بتاعت سد مال طارق ، حافلة الرجال و وراهم حافلة النسوان و بوووووو . النذير طوالي خاشي جلابية اصلية و طاقية جنباوية و قيافات و بتاع . هو طبعا عامل سمسار عقار و ناقد رياضي و كبير مراقبين في مباريات الليق و كهربائي عربات و قصص عجيبة . ما عندو حاجة اسمها قراية و كتابة و كلام فاضي زي كده . شغال بالقريحة و الفطرة السليمة و بما يرضي الله . تمسك تلفونو تلاقي الاسماء المسجلة كده : اوفتا / عبدال / اورا / سنتاحمد / نفسه / عدوالاه .. و هكذا ،بيفرز ده منو و ده منو كيف ما تعرف !! . لكن حرفنة الف ، تقول ليهو داير رقم فلان .. ظط ظط يقلب في الاسماء العجيبة الفي تلفونو دي و بوووو يديك ليهو .. كيف ؟ الله اعلم .
المهم النسوان في الحافلة قدو الدلوكة من شدة الانفعال ، ليهم حق .. ما صدقن طارق داير يعرس .. قديم ياخ طارق و رقد رز لمن بقي يعطس طواااالي . لو انتظر تاني خريف خريفين كان لحق عثمان ابراهيم .. علي حس كده النسوان خبتك خبتك خبتك .. قدو الدلوكة بفرحة طارق الباير . قام سيدأحمد قال في محطة سبعه في محل دلاليك .. نغشاهو في سكتنا .
وقفنا الحافلات جنب محل الدلاليك و النذير زهجان من الحكاية دي :
حريم فارغات ياخ .. مفروض الدلوكة دي تتدق و نحنا راجعين ، غنا شنو هسه كان ما ساكت ؟ آآآآ ؟ هسه ناس العروس ديل يمكن ما يدونا ؟؟ وللا كيف ؟ .. حاولو خلصونا سريع ورانا شغل نحنا .
نزلو النسوان كلهم يعزلو الدلاليك . النذير مطلع يدو و راسو بره الحافلة نظام : سفاسف الأمور دي للوهم .
و النقة دورت بين النسوان و الود بتاع الدلاليك .. ربع ساعه نقنقنقنقنقنقنق ، اي مره اتكلمت و اي مره شالت دلوكة جربتها ، و الود بتاع الدلاليك راسو فار : ختيها دي هووووي يا بت . الحُق بتكسرنو .. عليك الله دايره شيلي ، ما دايره ما تبشتني البضاعه . الخالة هوووي .. دي بتتلبس في الراس ما السدر . و و و نق نق نق نق .. النذير يكشف ساكت ، في النهاية لمن زهج كورك فيهم :
- ياخ شيلو اي دلوكة و خلسونا . الله يدلك ##### . انتي يا انتصار هيييي .. انتي يا طرشا !! شيلي القدامك دي ، ما دي الجنبها الجنبها .. سغيره و كويسه و سعرها مناسب .
إنتصار : مناسب شنو يا ابوالنيز ؟ .. قال دي بتلتمية ، تقول لي سعرها كويس ؟
- تلتمية بتاع قلبو ؟؟ هو قايل نحنا وهم ؟؟ ، اي شي يتشال بالسعر الرسمي .. و بالغانون . فوضى هي ؟
- ياهو ده قدامك .. اتكلم معاهو انت .
- هوووووي يا إرينقتينق إنت ، تغش البت تقول ليها بتلتمية ليه ؟ قايلنا جايين من البلد ؟ .. الف جنيه بس ده سعرها . شيلي الدلوكة يا انتصار و اديهو الف .. ارح .
الود بتاع الدلوكات انقهم : الف كيف يا خال ؟؟ .. الف دي هسه بتجيبلك صعوط ؟؟ يخواننا تتكلموا كيفن انتو ؟
- سعرها كده يا زول ، داير تغالت ؟ .. مكتوب فيها ياهو ده قدامك .
- وين ؟؟ قدامي وين مكتوب ؟ .. داير تغالتني في بضاعتي .. زحي يا بت هووووي ، ختي الدلوكه بكانها .
- عميان انت ؟ ما تختيها يا انتصار . مش مكتوب في الدلوكة 1000 ؟ .. مكتوب وللا اجي اوريك ليهو ؟ .. ما ناقش بضاعتك و تتلامض . ادفعي يا انتصار و شيليها .
- هوووووي .. الالف المكتوبة دي ؟؟ دي ؟؟؟ الفي وش الدلوكة دي ؟؟ البللحمر دي ؟؟ ..
- ايوه الزفت دي .. دي 1000 وللا ما 1000 ؟
- مخير الله ، دي 1000 مبروك آآآ خال . الف مبروك .
.......
النذير لذيذ ، ما ركب في أي حافلة فيها نسوان تاني لغاية الان .
|
|
  
|
|
|
|
|
| العنوان |
الكاتب |
Date |
| وعماد عبد الله تاني... | بله محمد الفاضل | 05-10-14, 08:01 AM |
 Re: وعماد عبد الله تاني... | بله محمد الفاضل | 05-10-14, 08:06 AM |
| Re: وعماد عبد الله تاني... | بله محمد الفاضل | 05-10-14, 08:10 AM |
 Re: وعماد عبد الله تاني... | بله محمد الفاضل | 05-10-14, 08:12 AM |
| Re: وعماد عبد الله تاني... | عاطف احمد عثمان | 05-10-14, 09:30 AM |
| Re: وعماد عبد الله تاني... | بله محمد الفاضل | 05-10-14, 09:44 AM |
| Re: وعماد عبد الله تاني... | بله محمد الفاضل | 05-10-14, 09:48 AM |
| Re: وعماد عبد الله تاني... | عاطف احمد عثمان | 05-10-14, 09:52 AM |
| Re: وعماد عبد الله تاني... | بله محمد الفاضل | 05-10-14, 10:04 AM |
| Re: وعماد عبد الله تاني... | عاطف احمد عثمان | 05-10-14, 10:35 AM |
| Re: وعماد عبد الله تاني... | بله محمد الفاضل | 05-10-14, 10:43 AM |
| Re: وعماد عبد الله تاني... | بله محمد الفاضل | 05-14-14, 07:44 AM |
| Re: وعماد عبد الله تاني... | ناصر احمد الامين | 05-14-14, 08:42 AM |
 Re: وعماد عبد الله تاني... | بله محمد الفاضل | 05-14-14, 09:21 AM |
| Re: وعماد عبد الله تاني... | ناصر احمد الامين | 05-14-14, 09:42 AM |
| Re: وعماد عبد الله تاني... | بله محمد الفاضل | 05-17-14, 08:53 AM |
| Re: وعماد عبد الله تاني... | ناصر احمد الامين | 05-14-14, 08:58 AM |
| Re: وعماد عبد الله تاني... | طارق جبريل | 05-15-14, 08:33 AM |
| Re: وعماد عبد الله تاني... | ibrahim fadlalla | 05-15-14, 11:44 AM |
| Re: وعماد عبد الله تاني... | بله محمد الفاضل | 05-17-14, 09:44 AM |
| Re: وعماد عبد الله تاني... | بله محمد الفاضل | 05-18-14, 08:23 AM |
| Re: وعماد عبد الله تاني... | بله محمد الفاضل | 05-31-14, 11:12 AM |
| Re: ويا عماد عبد الله، يا عماد عبد الله يا اخي... | بله محمد الفاضل | 06-15-14, 09:38 AM |
| Re: ويا عماد عبد الله، يا عماد عبد الله يا اخي... | بله محمد الفاضل | 06-15-14, 09:41 AM |
| Re: ويا عماد عبد الله، يا عماد عبد الله يا اخي... | علي عبدالوهاب عثمان | 06-15-14, 04:07 PM |
| Re: ويا عماد عبد الله، يا عماد عبد الله يا اخي... | بله محمد الفاضل | 06-18-14, 09:30 AM |
| Re: وعماد عبد الله تاني... | بله محمد الفاضل | 06-18-14, 09:08 AM |
| Re: وعماد عبد الله تاني... | بله محمد الفاضل | 06-16-14, 09:17 AM |
| Re: وعماد عبد الله تاني... | بله محمد الفاضل | 06-21-14, 01:58 PM |
| Re: وعماد عبد الله تاني... | بله محمد الفاضل | 06-24-14, 09:34 AM |
| Re: وعماد عبد الله تاني... | بله محمد الفاضل | 08-02-14, 10:37 AM |
| Re: وعماد عبد الله تاني... | بله محمد الفاضل | 08-04-14, 05:36 PM |
| Re: وعماد عبد الله تاني... | mustafa mudathir | 08-04-14, 08:42 PM |
| Re: وعماد عبد الله تاني... | الصادق اسماعيل | 08-04-14, 09:42 PM |
| Re: وعماد عبد الله تاني... | بله محمد الفاضل | 08-05-14, 11:19 AM |
| Re: وعماد عبد الله تاني... | بله محمد الفاضل | 08-06-14, 03:51 PM |
| Re: وعماد عبد الله تاني... | Osman Musa | 08-06-14, 04:56 PM |
| Re: وعماد عبد الله تاني... | بله محمد الفاضل | 08-07-14, 09:37 AM |
| Re: وعماد عبد الله تاني... | الطيب مصطفى | 08-07-14, 01:49 PM |
| Re: وعماد عبد الله تاني... | علي محمد الفكي | 08-07-14, 06:36 PM |
| Re: وعماد عبد الله تاني... | بله محمد الفاضل | 08-09-14, 10:33 AM |
| Re: وعماد عبد الله تاني... | بله محمد الفاضل | 08-12-14, 05:11 PM |
| Re: وعماد عبد الله تاني... | بله محمد الفاضل | 08-12-14, 05:08 PM |
| Re: وعماد عبد الله تاني... | بله محمد الفاضل | 08-31-14, 08:00 AM |
| Re: وعماد عبد الله تاني... | بله محمد الفاضل | 09-24-14, 07:32 AM |
| Re: وعماد عبد الله تاني... | محمود بكر | 09-24-14, 11:20 AM |
| Re: وعماد عبد الله تاني... | عماد ساتي | 09-24-14, 01:03 PM |
| Re: وعماد عبد الله تاني... | بله محمد الفاضل | 09-27-14, 08:48 AM |
| Re: وعماد عبد الله تاني... | بله محمد الفاضل | 09-27-14, 08:32 AM |
| Re: وعماد عبد الله تاني... | ودقاسم | 09-24-14, 01:31 PM |
| Re: وعماد عبد الله تاني... | بله محمد الفاضل | 09-27-14, 09:31 AM |
| Re: وعماد عبد الله تاني... | علي محمد الفكي | 10-07-14, 09:43 AM |
|
| |
بله محمد الفاضل
فيس بوك
تويتر
انستقرام
يوتيوب
بنتيريست