30 مليار يا وكيل وزارة العدل؟!! ... يا لواقعية الإنقاذ السحرية المدهشة!!!

مرحبا Guest
اخر زيارك لك: 05-06-2024, 07:37 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثانى للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
05-09-2014, 09:09 AM

عبدالعزيز عثمان
<aعبدالعزيز عثمان
تاريخ التسجيل: 05-26-2013
مجموع المشاركات: 4037

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! (Re: عبدالكريم الامين احمد)

    يا مشرف ياخي معليش استاذنكم شوف دي معاك...كتبها ببوسته تاج الدين بانقا

    استقيل يا مأمون حميدة حفاظاً لماء وجهك :زميلة شغالة ممرضة . نعرفها حق المعرفة . ... على قدر حالها . زيها وزى اأغلبية الشعب السودانى الفضل . تعرض أخوها لحادث حركة مؤلم صباح الخميس 01/05/2014 الساعة 2 صباحا وتعرض لكسر فى قاعدة الجمجمة . لحدى هنا والموضوع عادى قضاء وقدر ولا أعتراض على حكم الله ... بعد هذا يبدا الفلم الهندى .الشخص الذى صدمه لم يقصر اخذه وذهب به الى حوادث مستشفى الخرطوم . لا واالله قصر شديد لو كان خلاهو فى الشارع كان احتمال ربنا يتولاه ... ربنا رحمته واسعة .. نرجع للشخص الذى صدمه .... لماذا هو يقوده عربته بسرعة نصف الليل ... الراجل والده راقد فى حوادث مستشفى الخرطوم نفسه بين الحياة والموت ... كان سائق بسرعة لأنه غى الحوادث قالو له أبوك محتاج أكسجين ونحن ما عندنا . ... طيب أعمل شنو يا اخوانا ... . قالوا له الحل الوحيد انك تمشى تشترى أسطوانة أكسجين وتجى بسرعة . معقولة يا بلد ... معقولة يا مأمون حميدة . انت حا تمشى من ربنا وين ... . مشى الراجل بين مصدق ومكذب وأشترى الأسطوانة وهو راجع حصل الحادث ... ما تندهشوا ..لسى الأندهاش جايى قدام . ...وفى النهاية أعطى الأسطوانة للشخص الذى صدمه لانه وجد والده قد توفى لرحمة مولاه . . أخذ الشخص المصدوم وذهب به لحوادث مستشفى الخرطوم . وكانت الساعة بعد الثانية صباحا . ووجد دكتورين فى الحوادث . سلمهم الرجل وهو ينزفمن أأى مكان فى جسمه . ... أتصلوا بأهله وحضروا . .. الزميلة الممرضة قالت وصلت ووجدت الدكاترة واضعين أخوها المصدوم ويتأملو فيه ... ما لكم يا جماعة ... والله ما فى جوينتات نلبسها لكى نشوف أخوك .... جوينتات يا مأمون .....جوينتات .... وكرتونة الجوينتات ب 20 جنيه . .... ومستشار والى الجزيرة فاتورة تلفونه لشهر مارس 9000 جنيه ..... يعنى 9 ملين يا عالم... وبحسابات بسيطة دى تجيب 450 كرتونة جوينتات . ...ذهبت أخته وأشترت الجوينتات من الصيدلية وحضرت . أعطتهم للدكاترة وأخذوها بدم بارد وبداوا يكشفوا على المريض ... طيب انتو قاعدين ليه امشوا بيوتكم ياخى ... أحسن يقولوا الراجل مات لأنه ما وجدنا دكاترة مما يقولوا مات لعدم وجود الجوينتات ... بعد ذلك قرروا ان المريض يحتاج لتدخل جراحى ولا يوجد أخصائى مخ وأعصاب لذلك يجب تحويله لمستشفى أبراهيم مالك ... طيب ما فى مشكلة ... نمشى أبراهيم مالك ... أعطونا أسعاف ... ... لكى نعطيكم أسعاف لازم تقابلوا المدير الطبى .... المدير الطبى نائم لا بفتح الباب ... طيب والحل ...أخت المريض ( الممرضة ) وأهلها رجعوا للدكتور مرة أخرى ... أتصل بالمدير الطبى ... المدير الطبى قال للدكتور الأسعااف موجود والمفتاح مع السواق . ...ذهبوا ألى السواق ... وجدهوا نائم بالقرب من الأسعاف ... ما قصر برضو ... كويس انو ما مشى البيت ... يا عمو عندنا عيان ماشى أبراهيم مالك والمفتاح قالو معاك ..... الراجل رفع راسو ويرد بكل بساطة المفتاح مع المدير الطبى ... لكن هو قال المفتاح معاك ... لا لا ما معاى معاهو هو . أستمر هذا المسلسل لأكثر من نصف ساعة ...بعدها الممرضة أتوكلت وذهبت تبحث عن أسعاف فى أرض الله الواسعة ... وجدت اسعافات بالايجار بالقرب من مستشفى الزيتونة ... خلو بالكم .... الزيتوووووونة .... يعنى حميدة .. يعنى الأبتزاز ... يعنى عدم الرحمة ... المهم وجدت الأسعاف قال بوصلكم ب 200 جنيه .... مش قلت ليكم أبتزاز ... المسكينة فتحت شنطتها وجدت فيها فقط 2 جنيه بعد ما أشترت الجوينتات وصرفت على مستشفى الخرطوم أكبر مستشفيات البلد وأحقرها فى نفس الوقت ... قالت لى ما معاى قروش لكن هاك دى دبلتى خليها معاك لغاية ما نخلص من الموضوع دا ...والسفيه أخذ الدبلة ..... مش قلت ليكم عندما تموت الأنسانية ...... وصل المريض لمستشفى أبراهيم مالك الساعة 7 صباحا .. وما اتعمل ليهواى شئ فى مستشفى الخرطوم ....اتخلصو من العيان وبلا وأنجلا وهنا تبدا مأساة جديدة ... وأبراهيم مالك للذين لا يعرفون تم أفتتاح قسم جراحة المخ والأعصاب حديثا .. سنة أو سنتين ما متأكد ... ويوم الأفتتاح حضر الرئيس وهيلمانة ومواتر ويووويووو....حتى عملوا شارع ظلط جديد يدخل المستشفى... المهم الان بعد سنتين جاء المريض ولم يجد أطباء مخ وأعصاب مع ان المستشفى أسمه مستشفى ابراهيم مالك لجراحة المخ والأعصاب ... لكن تعودنا كلها اسامى .. زى هيئة مكافحة الفساد الى كلها فساد ... طيب انتو يا ناس مستشفى الخرطوم كيف تحولوا مريض فى مثل هذه الحالة قبل ما تتأكدوا أنه بأمكانهم ان يستقبلوه ...والله نسيت الموضوع مخارجة وبس ...المريض راقد فى النقالة من الساعة 7 صباحا لغاية الساعة 12 منتصف النهار بدون ما يحضر أليه شخص يرى حالته .. شفط الدم كان بتعملوا ليه اخته الممرضة وبعد ما مشت أحضرت الجهاز من غرفة ثانية ..لأنو الحوادث ما فيها شفاطة .. فالدكتورة قالت ليها أمشى الغرفة الثانية وأترجيهم أحتمال يعطوك ليها .... اى والله بهذا النص ... يا رب اين نحن ...معقولة دا مستشفى يعالج بشر ... معقول يا ناس ....وفى النهاية لم يستقبلوا المريض وحولوهو لمستشفى شرق النيل ....تم الأتصال بالأخصائى وبعد شرح الحالة قال لهم بالحرف الواحد وضعكم المادى كيف ... لأنو العملية دى بتكلف 13 مليون ( 13 ألف جنيه ) ما بتقبل أقساط أو تاخير .... تدفعوها كاش او لا اعمل العملية والكلام دا طبعا بالتلفون تخيلوا ....... اهل المريض اتصرفوا واتصلوا بالاهل والمعارف وتم جمع المبلغ وأدخال المريض المستشفى ...... مفتكرين القصة انتهت هنا صاح ...لا حضر المدير الطبى وقال ليهم المريض يحتاج لسرير فى العناية المكثفة لمدة 5 أيام أقل شى واليوم ب2 مليون يعنى لازم تدفعوا 10 مليون الان والله ما بدخلوا ليكم العملية ... طبعا دى غير ال 13 مليون حقت العملية ... وهنا انهارت المسكينة وقالت ليهم خلوهو يموت ... ولكن الأهل والمعارف والاًصدقاء جمعوا باقى المبلغ وتم أجراء العملية ... والمريض الان فى فى غيبوبة بين الحياة والموت...كل هذا يحدث ووالى الجزيرة بعمل فطور ب 15 مليون ....كل هذا يحدث ووداد مستجدة النعمة تشترى منزل رجل الأعمال الشهير الشيخ مصطفى الأمين ب6 مليون دولار ... كل هذا يحدث وفاتورة تلفون مستشار والى الجزيرة ب 9 مليون شهر واحد ....كل هذا يحدث وأفراد من مكتب والى الخرطوم يختلسون مليارات الجنيهات ..نعم اجبتى ... ماتت الأنسانية ونهبت البلد حسبنا الله ونعم الوكيل ..

    (عدل بواسطة عبدالعزيز عثمان on 05-09-2014, 11:02 AM)
                  

العنوان الكاتب Date
30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! محمد حيدر المشرف05-09-14, 07:12 AM
  Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! خالد العبيد05-09-14, 07:22 AM
    Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! باسط المكي05-09-14, 07:38 AM
      Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! محمد حيدر المشرف05-09-14, 08:59 AM
    Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! محمد حيدر المشرف05-09-14, 08:12 AM
      Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! خالد العبيد05-09-14, 08:20 AM
        Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! عبدالكريم الامين احمد05-09-14, 09:04 AM
          Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! عبدالعزيز عثمان05-09-14, 09:09 AM
  Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! معتز عبدالله05-09-14, 09:15 AM
    Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! محمد أبوجودة05-09-14, 10:07 AM
      Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! Al-Shaygi05-09-14, 11:11 AM
  Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! محمد حيدر المشرف05-09-14, 11:40 AM
  Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! محمد حيدر المشرف05-09-14, 03:22 PM
  Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! محمد حيدر المشرف05-09-14, 03:28 PM
  Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! محمد حيدر المشرف05-09-14, 03:38 PM
  Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! محمد حيدر المشرف05-09-14, 04:05 PM
  Re: 30 مليار يا وكيل وزارة العدل؟!! ... يا لواقعية الإنقاذ السحرية المدهشة!!! محمد حيدر المشرف05-09-14, 04:12 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de