|
|
 Re: رد مبروك يا ود الفكي (Re: HAIDER ALZAIN)
|
HAIDER ALZAIN
...
يا ود الزين ،
ما راجيني حليفة ،
إنت كيف عرفتني ،
مدور بالكرسي الدوار ،
غايتو محن ،
الأقمار الصناعية ،
ما ريحت الناس ،
حتي الناس البيدوروا ،
بقوا معروفين ،
طيب الطيارة الماليزية ،
لقيتوها ،
،،،،،،
...
عزالدين عباس الفحل
ابوظبي
...
| |
  
|
|
|
|
|
|
|
 Re: رد مبروك يا ود الفكي (Re: محمد عمر الفكي)
|
Quote:
HAIDER ALZAIN
...
الفيها النصيب ،
بتصلك ،
إنت عارف رمضان قرب ،
وزكاة الأموال السنة دي ،
باليورو ،
صدق ،
،،،،،،
...
عزالدين عباس الفحل |
يا ود الفكي الكلام ده كتبه المك عزالدين الفحل الليلة جبت جواب في الصفحة الأولى لود الزين
يعني القصة بقت باليورو و في رمضان
دحين ود الزين ده ما عنده صبر لرمضان لدرجة أن يكابس هذا الغريبة
فعلاً حالة سعبة شديد خلاس.
تخريمة
المك ده يعذب الواحد في نسخ المداخلة بتاعتو اسم الزول في حتة و الموضوع في حتة و توقيعه في حتة و بينهم صحراء كلهاري أريتو بالعسل الهاري.
المشكلة الواحد يفكر يلغي المسافات الفاضية البين الإسم و التوقيع يقوم يرجع يخاف يكون في كلام مكتوب بالحبر السري و لاّحاجة.
و الأغرب كمان كمية الشولات و النقاط البتكون موجودة في المداخلة لي هسع ما عرفت القصد منها شنو.
جهجهتنا و جهجهت باكتنا و فريقنا كلو و جهجهت سيرفر بكري ذاتو ياخ.
| |
|
|
|
|
|
|
|
|
|
Re: رد مبروك يا ود الفكي (Re: ALWALEED ALSHEIKH)
|
Quote: يا ود الفكي الكلام ده كتبه المك عزالدين الفحل الليلة جبت جواب في الصفحة الأولى لود الزين
يعني القصة بقت باليورو و في رمضان |
انا يا وليد يورو رمضان هدا طرفي منو كفاي ريال جمادى الاخرة دا
اما حيدر الزين بحسب الشايفو دا فلو واصل معانا لحدي نهاية الشهر دا والله يكون بالغ عديل
الحاجة المحيراني اكتر
انت ود الفحل دا طوالي بكون فاتح سودانيز او لاين دا، ما حصل يوم واحد من مليونيراته ديل شافه فاتح البوست دا وسالو ديل منهم وقصتهم شنو وعرف انه الموضوع بخصه؟ ياخي على الاقل من اي باب من ابواب البر اليشوف لنا حاجة
حيدر ومعاوية ديل من ابناء السبيل اما شخصي (الضعيف) فمن ابناء السبيل والغارمين الاتنين علي
يا حيدر
يا جماعة بعد كدا شوفو لينا جماعة الوالي الخضر، مافيهم واحد حائم بهنا؟ 
| |
|
|
|
|
|
|
|
|
|
Re: رد مبروك يا ود الفكي (Re: محمد عمر الفكي)
|
محمد عمر الفكي
...
يا ود الفكي ،
أنا جيتك لحدي عندك ،
السعودية ،
قلت ليك تعال إنت ،
ومعاك ود الشيخ ،
أبراج الساعة ،
مكة المكرمة ،
قلتو الساعة حداشر بالليل ،
قلنا تماااام ،
صدقني كان جيت ،
كنت خرجت،
بشوال ريارلات ،
لكن نقول شنو ،
قسمتك ،
،،،،،،
...
عزالدين عباس الفحل
ابوظبي
...
| |
|
|
|
|
|
|
|
|
|
Re: لعناية حيدر الزين، معاوية المدير والفحل (Re: محمد عمر الفكي)
|
الاخ الكريم الباشمهندس عزالدين عباس الفحل
يطيب لي ان اهنئ سعادتكم بصدور حكم براءة صديقكم وقريبكم الرجل الارباب الرجل القامة الوطنية السامقة الارباب الشيخ/ صلاح احمد إدريس.
ارجو منكم نقل خالص تحياتي القلبية لسعادة الشيخ صلاح راجياً منكم ان تدلوني على رقم جواله او منزله لزيارته ومعي اطفالي الاربعة يحملون علم السودان بيدهم اليسرى ومنفلة ود المدير بيدهم اليسرى
الايام دي شركائي عبدالمجيد شومان بتاع البنك العربي ومحمد عبداللطيف جميل بتاع التويوتا قايمين علي شوية
بالله شفت الشغل دا كيف؟ عبدالمجيد وعبداللطيف بدون القاب ورسميات، ما اصحاب نحن
فشنو
الحقني بتلفون او عنوان الارباب سريع قبال اصحابي ديل يسجنوني
| |
|
|
|
|
|
|
|
|
|
Re: رد (Re: محمد عمر الفكي)
|
محمد عمر الفكي
...
بلا شك ،
كل أطياف السودان ،
فرح ببراءة،
الأرباب الملياردير صلاح إدريس،
الرجل النظيف ،
رجل الأعمال الناجح ،
تسلم دار جعل ،
،،،،،
...
عزالدين عباس الفحل
ابوظبي
...
| |
|
|
|
|
|
|
|
|
 Re: رد (Re: عزالدين عباس الفحل)
|
الارباب الفحل.. الف مبروك براءة زميلك الارباب صلاح ومزيداً من التقدم والتعاون المثمر..
كما افيدك باني اعاني من وجع ضرس واحباط رهيب..
فرجاءاً قدر حالتي والحالة العامة لبني البشر في هذا الكون المترامي الاطراف الذي انصهرت اعماقه بفعل الجاذبية الارضية وحرارة الغلاف الجوي..
بعدين اين اختفي ود المدير يا عز الدين.. اتبن الراجل دا ما يبقي وقع في تذكرة يانصيب رابحة وقام عمل حمد لبد :)
| |
|
|
|
|
|
|
|
|
 Re: رد (Re: عزالدين عباس الفحل)
|
Quote: إتصلت الحين ،
من الآيفون ،
ع ود المدير ،
فـي كــنــدا ،
والـوقـت عندهم هسة الفجر ،
لقيتو خارج من المسجد الآن ،
صلاة الفجر ،
وقال منتظر ود الفكي ،
عشان العمرة ،
الراجل من الذاكرين ،.
مـدد ،
،،،،، |
ههههههههههههههههههههه،
يا اخي بعد كلآمك دا حيدر الزين بيجي يقول،
ود المدير بقى شيوعي. عليك الله ما تعمل سُمعة
في البُكان دا.
تسلم يا ود الفحل علي إتصالك من الآيفون والذي رددت
عليه بالغلآكسي اللِيلِي...
| |
|
|
|
|
|
|
|
|
|
Re: رد (Re: معاوية المدير)
|
يا ود الفكي قبل الأرشفة،
عليك الله الزول دا منو ؟؟؟.
اوعك تقول لي صابون ومعجون.
جاوب قبل بكري يلملم كراسي الحفلة...
| |
|
|
|
|
|
|
|
|
 Re: رد (Re: معاوية المدير)
|
Quote: يا اخي بعد كلآمك دا حيدر الزين بيجي يقول،
ود المدير بقى شيوعي |
ما بقول .. اصلها دي عادتكم يا الشيوعيين الماركسيين ..جنكم جوامع وصيام وحج 
ما سمعت صاحبي الشيوعي الذي قال الحزب الشيوعي السوداني حزب اسلامي أصيل ومن طين هذه البلد :)
صلي صلاتك هي عطبرة بلا الشيوعيين شن فيها..
مرة في مظاهرات في مدني واحد برلوم من ولادنا ما طلع في المظاهرات ومارق من الداخلية ماشي الدكان وجاء بكسي امن عرفو طالب خماهو ومعاهو رفاقة قايلنهم ماشيين يلحقوا المظاهرة..
قال لي مقعدنهم في نص البكسي والامنجي سالوا انت من وين يازول قالوا انا عطبرة .. قالوا شيوعي مو كدي ؟
قالوا لا والله .. قالوا معناها بعثي .. قالوا والله لا شيوعي لا بعثي انا من القاعة للداخلية للمسجد للدكان ما عندي شغلة بالسياسة ..
قال لي نقرني بالعصاية في راسي وقال لو ما تكضب من عطبرة بي راسك الغليد دا حا تكون شنو يعني غير شيوعي.. هي عطبرة بلا الشيوعيين شن فيها :)
| |
|
|
|
|
|
|
|
|
|
Re: رد (Re: HAIDER ALZAIN)
|
Quote: قال لي نقرني بالعصاية في راسي وقال لو ما تكضب من عطبرة
بي راسك الغليد دا حا تكون شنو يعني غير شيوعي.. هي عطبرة بلا الشيوعيين شن فيها :) |
ههههههههههههههههههههههههه،
عارف،
مرّة قبضونا ليك العساكر من جنب مدرسة الأهلية المصرية، رفعونا
في الكومر وطوالي علي القسم. دخلونا للضابط وكان ود الكنزي، وفي
المكتب قاعد معاهو محمد إسماعيل كان وكتها مدير التلفزيون. أها،
أنا من شفت محمد إسماعيل قلبي قوى. ود الكنزي سعلني، ما لكم
عاملين مظاهرات ؟؟؟. قلت ليهو مظاهرات شنو كمان البيسوها طلبة
الأهلية المصرية ؟؟؟، نحن مدرستنا دي مختلطة، والعساكر ديل
لقونا جنب المدرسة كشونا جابونا هنا. محمد إسماعيل طوالي
إدخّل، قال ليهو، ديل خليهم اليمشو، أها مرقنا مشينا.
صاحبي حسن قال لي، بالغت لكن !!!.
قُتلو، أنا من لقيت ود الكنزي ومحمد إسماعيل مع بعض
عرفت الحكاية فاشلة...
| |
|
|
|
|
|
|
|
|
|
Re: رد (Re: HAIDER ALZAIN)
|
يا مدير، اسعلتك كترت ياخوي لمن مسختها وزهجتني براي زهجان
بالمناسبة الاسئلة الكتيرة دلالة على الفلس المدقع (اخو الفقر المدقع ود ام وابوهو)
يسري دا زول من نواحي الفيسبوك قال مبسوط من الونسة حقتنا، ربنا يزيدو بسط كمان وكمان.
البعرفو انه مقيم في سويسرا (بلد البنوك) فحقو نفتشو ونتقصى اثاره عسى ولعل.
عاد باقي ليكم زول قاعد في سويسرا بكون مفلس؟ زول قاعد في سويسرا ما بكون عنده فائض قريشات مارقن في سبيل الله؟
يسري ازيك ياخي ولعلك طيب، وان نظريتنا فيك مجلية فقطع شك بتكون بتعرف يوسف ندا، غايتو لو بتعرفو ليك علي افتح لك بوست جديد لنج بعد الارشفة واسميهو لعناية يسري ومنه ليوسف ندا
لاحظ انه مافي غيري في "البوست الناجح" دا زول رحب بيك او اتداخل معاك، فانا لي الاولوية وباقي الخلق دي ادم وحواء ما بلموني فيهم.
انت يا حيدر لو اكلت بطيخة الضرس دا ما كان تاورك
ود الفحل
سلام عليك
بكرة الارشفة، واليوم يوم الرجال (زي ما بقولو اخوانا الكيزان) (واحد قال لي دي بقو يقولوها لمن تكون في منحة او وديعة جاية البلد) اها عندك لينا حلل ولا نتطلب الله؟ وعليك الله ما تكتب لي بخطك الازرق الكبير دا، بطمم بطني وعليك الله ما تقول لي زيزفون وسفرجل (يشهد الله قبال ما اعرف ود الباوقة مابعرفن ولا سمعت بهن) واحذرك من ان ترد علي بيوتيوب اي كان نوعه واياك ثم اياك من النقطة، بتقوم على المصران، رد علي بالعربي واحد زائد واحد يساوي اتنين، ابسطها ليك
في قروش اجابة اولى مافي قروش اجابة تانية، ولوقلبك محدثك خلي عبداللطيف جميل ولا شومان يختوني في حراسة واجي القاك كاتب لك كلمة تعاطف او تضامن واحدة معاي. 
كسرة
يا مدير منفلتك بتسلم عليك
| |
|
|
|
|
|
|
|
|
|
Re: رد (Re: محمد عمر الفكي)
|
بوست نـاجـح ،
مـو نـجاح نصاح ،
بس فاقد السفرجل ،
أنا في الطريق ،
الي دبي ،
مع الوجية ،
فاتح الآيفون ،
وبضحك براي ،
عالم جميل ،
يسلموا الغالين ،
،،،،،
...
عزالدين عباس الفحل
ابوظبي
...
| |
|
|
|
|
|
|
|
|
|
Re: رد (Re: عزالدين عباس الفحل)
|
الوجيه دا ولو من ناحية شمارية ساهي كدا ما سالك بتضحك مالك عشان توريهو قصتنا؟
ياخي ما حذرتك من الكتابة ام صفقاً عراض دي؟
| |
|
|
|
|
|
|
|
|
|
Re: رد (Re: محمد عمر الفكي)
|
| Quote: ياخي ما حذرتك من الكتابة ام صفقاً عراض دي؟ |
إنت في الكتابة أم صفقاً عُراض، واللآ السفرجل !!!؟؟؟.
قام تاني جاب سيرة البحر. والله صحي.
يا ود الفكي أنا قُتلك فايدة مافي، ابيت تصدقني، أها...
| |
|
|
|
|
|
|
|
|
 Re: رد (Re: معاوية المدير)
|
| Quote: بعدين يا محمد شايفك كاتب ود الفكي 1 وود الفكي 2 ، |
التانية شولة، ما تفضحنا إنت كمان.
يا محمد حسن إن شاء الله تشوف النبي الخدر،
يا بركة من جعل محمد نبي.
| |
|
|
|
|
|
|
|
|
 رد (Re: معاوية المدير)
|
انا لله وانا اليه راجعون
غايتو يا ود المدير لو شايف ودالفكي 1 وودالفكي 2 شولات امش من دربك دا لدكتور عيون
يا ناس البوست دا انا ودعته الله، لو فيكم زول مغروض فيهو يكلم بكري يشيلو للربع الجاي
| |
|
|
|
|
|
|
|
|
|
Re: رد (Re: محمد عمر الفكي)
|
الله يبارك فيك يا محمد بتاع فرنسا ويغنيك ويغطي عليك ...
إلا اعمل حسابك لا ما تكزم الحجر وانت بتظنه بتيخة.. الفحل دا سرو باااتع وعنده احلى شاي منعنع باليانسون
| |
|
|
|
|
|
|
|
|
|
Re: رد (Re: HAIDER ALZAIN)
|
يا يوسف ادريس
الكــــــــــــــــــــــــــــــــــــــــــلب ممكن يجازف المواية ويكشحها في الواطة وقبل ما تسوح ممكن يبل لسانو منها.
لكن زولنا دا والله لينا قريب الستة شهور نقلب وندودر فيهو، والنتيجة زي ما شايف، شئ نقط وش حروف كبار التقول قايلنا عمي وشئ الارباب براءة وشئ سفرجل وزيزفون
يعوض علينا الله
والله يا حيدر عندي ليك خبر لو كلمتك بيهو احتمال بكرة ود المدير يكسر لي ركبة قدام البيت ويلقى ود الفحل قدامو
| |
|
|
|
|
|
|
|
|
|
Re: رد (Re: محمد عمر الفكي)
|
أها .. قول بسراع ماعندا قروش طيارة والليلة خميس والننهر العربية قبال طريق جدة ينزحم :)
ان بقت سمينة بالحيل نخاف فيها العين اقع تحت الهواء
| |
|
|
|
|
|
|
|
|
 Re: رد (Re: محمد عمر الفكي)
|
Quote: والله يا حيدر عندي ليك خبر لو كلمتك بيهو احتمال
بكرة ود المدير يكسر لي ركبة قدام البيت ويلقى ود الفحل قدامو |
يا جماعة العمرة في رمضان قالوا بتساوي حجة.
نفسي ازور البيت العتيق. والله صحي...
| |
|
|
|
|
|
|
|
|
|
Re: رد (Re: معاوية المدير)
|
Quote: انت البوديك تضرب ليهو الدغش شنو؟
يمكن قاعد يمشي يدعي عليك في حبال الهواء حقتك دي |
يا ود الفكي دعواتي وحات الله ماهِن فايتاتني.
ما في طريقة بعزقة...
| |
|
|
|
|
|
|
|
|
|
Re: رد (Re: معاوية المدير)
|
Quote: يا جماعة العمرة في رمضان قالوا بتساوي حجة.
نفسي ازور البيت العتيق. والله صحي... |
احذرك ثم انذرك وانصحك
البلد فيها كورونا حايمة والناس الفوق ال 65 سنة من الاسلم ليهم انه ما يجو السنة دي ولا البعدها
| |
|
|
|
|
|
|
|
|
|
Re: رد (Re: محمد عمر الفكي)
|
Quote: احذرك ثم انذرك وانصحك
البلد فيها كورونا حايمة |
إن شاء الله يجيني مرض سمير زاتو،
بس إنتوا شوفوا لي طريقة.
الملياردير هادي طرفي مِنّو...
| |
|
|
|
|
|
|
|
|
|
Re: رد (Re: عزالدين عباس الفحل)
|
Quote:
Quote: احلي ناس في المنبر ..ومتمني شوفتكم جد ــ(وليد وودالفكي 1 وود الفكي 2 وحيدر وود المدير) وبمناسبة الزكاة السنة دي باليورو بالله كلمو تابع الملياردير يجينا جااااي لمساعدة فقراء فرنسا ومن جاورهم .... وبنساعدو باعداد الكشوفات اللازمة بحصر المحتاجين وسنقوم ايضا بتكوين لجان لتوزيع مايتبقي من مصروفات تلك اللجان .... وماداير شي غير حق العاملين عليها ..... وبوعدكم نتقاسم ففتي ففتي ..... |
الشكر لك أخي محمد حسن على الإتصال و التعزية و الشكر لكل ضيوف البوست على التعزية
لكن يا ود الفكي محمد حسن ده ببالغ شديد قال عايز يتعرف علينا و داير كمان من زكاة رمضان ما معقول يا أخي الصلاة لاتجوز بدون وضوء ذكرت أسامينا كلنا و نسيت تكتب إسم أهم زول المك عزالدين الفحل سليل المك نمر سليل المك العباس بن عبدالمطلب و زي ما قال محمد نجم تذكر دول كلهم و تنسى اللي كان في النص على كل حال أنا أقول ليك عن تجربة حاول إتعرف على المك الفحل أما أنا و ناس ود الفكي و ود المدير و ود الزين ديل عبارة عن شطر ميت. تعرف تلفون زيزفوني واحد من المك الفحل يخليك زى ما قال الكابلي ( يحملني الى حيث لا أمنيات تخيب و لا كائنات تمر) يعني تكون مسطول بس. هسع عليك الله شوف مداخلات معاوية دي ما حالة زول فات الجن بيغادي. على العموم نصيحة أخوية ركّز على السمينة و جلّي ناس الواو ديل وليد و ود المدير و ود الفكي و ود الزين.
سؤال يا ود الزين إنت عزالدين الفحل اسمو ما فيه واو زينّا ليه
و سؤال يا ود الفكي الغبيان النقل البوست المهبب ده للربع الجديد منو
و معاوية طبعاً بعد مطار أبوظبي مرفوع منو القلم ما بنسألو عن أى حاجة أما المك الفحل بنرجع نقول ليه الفهيم بالرمشة و الغشيم بالكلمة و صراحة غشامتك معانا طالت مع إنك زول فهيم لكن ليس أسوأ من الغباء إلا التغابي.
| |
|
|
|
|
|
|
|
|
|
Re: رد (Re: محمد عمر الفكي)
|
الاخ الفاضل وليد
احسن الله عزاءكم في الوالد وتغمده بواسع مغفرته ونسال الله الا يريكم مكروها في عزيز لديكم ومرحباً بعودتك سالماً غانماً الى ديار المنبر.
اما بخصوصنا فنحن والحمد لله مازلنا نساكك في حجر الوضو دا من ملف لملف ومن زنقة لزنقة والحال في حالو وقد قمت انا زهجاً مني وتقليداً لباقي الناس بالطلب من السيد مدير المنبر ان ينقل البوست للربع الجديد اذ لا يعقل ان تنتقل بوستات فاشلة الى الربع الجديد ولا ينقل معها هذا (البوست الناجح).
اما عن ود المدير فانا اتفق معاك في ضرورة عرضه باقرب فرصة على طبيب نفسي، الزول قعد يهضرب بالحج في رجب
اما حيضر الزين فكفاهو وجع الضرس
| |
|
|
|
|
|
|
|
|
|
Re: رد (Re: عزالدين عباس الفحل)
|
Quote:
Mohamed Hassen Abdallah ·
الأكثر تعليقا ·
Gamal Abdel Nasser High School Khartoum
لا شكر علي واجب يا وليد .... واحسن الله عزاك آخوي ... وبعدين داير تمسكني ضنب الثعلب مش ..(عباس الفحل ) قال ..... وبعدين ود الفكي زاتو ما ساهل شااااايفو في حتة كدا بيفاصل في شيتن غآآآلي كدي .. قال شطر ميت قال .... وعلي العموم ياني حاتل معاكم هنا عشان حببتكم لله في لله وبشكركم علي الردود ..... وسؤال يا جماعة السفرجل دا بيشربو ولآ شيتن يتآكل ؟ عليكم الله وروني اصلو الثعلب مااامضمون ممكن يطلع منو أي شي ــــ
Mohamed Hassen Abdallah ·
...
. |
عزالدين عباس الفحل
ابوظبي
...
| |
|
|
|
|
|
|
|
|
|
Re: رد (Re: عزالدين عباس الفحل)
|
Quote:
Yousif Idris ·
جامعة جوبا -
كلية دراسات المجتمع والتنمية الريفية
حرم تلحق شحنة جامبو وما تطلع بأضان بعوضة !!
رد · · منذ 3 ساعات
Yousif Idris ·
...
. |
عزالدين عباس الفحل
ابوظبي
...
| |
|
|
|
|
|
|
|
|
|
Re: رد (Re: عزالدين عباس الفحل)
|
| Quote: ود الفكي زاتو ما ساهل شااااايفو في حتة كدا بيفاصل في شيتن غآآآلي كدي .. قال شطر ميت قال |
اول حاجة يا محمد، احبك الله الذي احببتنا فيه ومشكور على مشاعرك الطيبة.
تاني حاجة بالنسبة للمقتبس واظنك تشير الى موضوع سيكويا ود الصائم، فلعلمك لاهو بائع ولا انا مشتري، هو الكلام بقروش؟
ثالثاً: القصة انه اخونا ود الفحل دا جاء الحج السنة السنة الفاتت بصحبة مليونيرات من دول مجلس التعاون الخليجي ووعد اخونا حيدر الزين بعشرة الف دولار ومثلها لمعاوية، بصراحة اشكر الاخوين لانهم عارفين ظروفي صعبة شوية وهم مقتدرين واحد شغال في عاصمة نفط العالم في الدمام والتاني شغال في ثامن ولا تاسع اغني بلد في العالم فتنازلو لي عن العشرين الف دولار، اها شفت من اليوم داك وانا شغال مساككة وحدي معاهو الحج الجاي، يا جات القروش يا كمان النشوف مليونيراتو ديل حايمين في عرفة
ابلغني اخونا معاوية المدير انه امر بصرف عدد 1 منفلة لك تقديراً لدورك الكبير في هذا (البوست الناجح)
ود الفحل
ياخي خلي عندك شوية دم، فضحتنا قدام ناس شباك الفيسبوك
| Quote: حرم تلحق شحنة جامبو وما تطلع بأضان بعوضة !! |
والله يا يوسف حسب الشايفنو دا، اضان البعوضة ذاتها مافي 
| |
|
|
|
|
|
|
|
|
|
Re: رد (Re: محمد عمر الفكي)
|
يا يوسف
قال الشاعر
ما اضيق العيش لولا فسحة الامل
تحين نحن موعودين بهبات باليورو في رمضان، ورمضان ان الله حيانا قرب
الخليجيين والاماراتيين خصوصاً ناس طيبين ولو الناس ديل سمعو بمعانتنا دي زمان اكان اتصرفو، لكن يبدو ان ود الفحل لشئ في نفس يعقوب ما وصل رسالتنا لاعمامنا ديل
| |
|
|
|
|
|
|
|
|
|
Re: رد (Re: محمد عمر الفكي)
|
Mohamed Hassen Abdallah
...
السفرجل يا أخوي ،
من أطايب الفاكهة ،
لكنه مرات بيطبخ ،
أحلي سفرجل ذقته ،
كان في الأردن ،
علي النكهة الشامية ،
و السفرجل جميل ،
بس ما تسالني تاني ؟
عن الكافيار الإيراني ،
يسعد صباحك ،
،،،،،
...
عزالدين عباس الفحل
ابوظبي
...
| |
|
|
|
|
|
|
|
|
|
Re: رد (Re: عزالدين عباس الفحل)
|
| Quote: ود الفكي سلام ~ عارف القصة حكي بس وبمزح معاك وبعدين وحاتك انت أغني من ملياردير صاحبنا~ هو الغِني إلا بالبنكنوت يازول روحك السمحة دي تكفيك ..بالمناسبة متابع القصة من الاول ~ بس كمان مستغرب زيك وما مصدق انو الداهي الملياردير دا ضحك نديمو الفحل الكتير والقهقهة ودوير الكراسي والعجب لم يكون راكب جنبو وفاتح الايفون ويضحك ما يكون لفت نظرو و سألو يوم .... القصة فيها مؤامرة شكلها وبيع بالمغتغت وخاااستن تلفونات الصبح دي فيها إنة ..... |
الله يكرمك ويبارك فيك يا محمد، لكن ملياردير صاحبنا دا لو بقايض الروح السمحة دي بشوية كاش ما عندي مانع
اما قصة المؤامرة فدي موجودة وانا شايف حيدر الزين ليهو كم يوم مختفي، ربك يستر بس ما يكون قبض وعمل نائم.
| Quote: وبرضك ما جاوبتني السفرجل دا شنو ؟ |
علي بالطلاق يا محمد لو لاقاني ماشي في الشارع دا ما بعرفو يا زول انا بطحاني خلا اسالني من الشية والكبدة وملاح الروب والبكاسي ووقف على كده.IMG]http://www.sudaneseonline.com/db/attention/010_Smile.gif[/IMG]
| |
|
|
|
|
|
|
|
|
|
Re: رد بارك الله فيك يا محمد حسن (Re: محمد عمر الفكي)
|
قبضت الريــح يا قول وردي :)
صراحة انا بعد مقلب الفحل الجاب لي وجع الضرس قلفت تاني اصبر شوية وما انبرش.. هسع قاعد احسب في وضع محمد حسن دا.. الزول دا شكلوا ترياااان وونستو دي ونسة يورو وفرنك .. مش درهم وفلس..إلا يبدو لي فاهم غلط :
| Quote: ود الفكي سلام ~ عارف القصة حكي بس وبمزح معاك وبعدين وحاتك انت أغني من ملياردير صاحبنا~ هو الغِني إلا بالبنكنوت يازول روحك السمحة دي تكفيك .. |
يا محمد حسن الروح السمحة دي خلي ود الفكي اليمشي يصرفها لعمنا عبد اللطيف جميل عشان يشوف سعر صرفها كم !..
انتو أضان البعوضة يعني شنو ؟
دا تطوير لكلمة شعرة من شنب الأسد..
| |
|
|
|
|
|
|
|
|
|
Re: رد بارك الله فيك يا محمد حسن (Re: HAIDER ALZAIN)
|
HAIDER ALZAIN
...
يا جماعة عليكم الله ،
ما تدخلو لينا ،
كلمات صعبة الترجمة ،
زي ،
أضان البعوض ،
الكديس ،
ضنب الككو ،
في ناس ع مستوي رفيع ،
بتشوف البوست دا ،
و إنت عارف ،
يا الوليد الشيخ ،
خليكم ،
في السفرجل ،
والكافيار الإيراني ،
يسعد صباحكم ،
،،،،،
...
عزالدين عباس الفحل
ابوظبي
...
| |
|
|
|
|
|
|
|
|
|
Re: رد بارك الله فيك يا محمد حسن (Re: عزالدين عباس الفحل)
|
Quote: في ناس ع مستوي رفيع ،
بتشوف البوست دا ، |
يا زول اي رفيــع يشوف البوست دا "ملح " ما بينفع معانا..
هو المستوى دا ما قاعد يسألك يا الفحل من ضنب البعوضة الساكاها الناس هنا دا وانت تلف وتدور في كرسيك وتشفط في عصير القصب ..
انا لو كان عندي مستوى أول شئ كان بمسكك اوديك للوليــد الشيــخ يبر فيك حليفتو بسوط العنج في بطحاء مكة عشان يشفي فيك صدور قومٍ مؤمنيين في براري كندا وسضفاف السيـن واللوار ..
| |
|
|
|
|
|
|
|
|
|
Re: رد بارك الله فيك يا محمد حسن (Re: HAIDER ALZAIN)
|
| Quote: هسع قاعد احسب في وضع محمد حسن دا.. الزول دا شكلوا ترياااان وونستو دي ونسة يورو وفرنك .. مش درهم وفلس..إلا يبدو لي فاهم غلط |
والله يا حيدروف نفس الشعور ويمكن ربنا داير يعوض صبرنا بمليونير من نواحي الفيسبوك يحلحل مشاكلنا دي كلها، لقافة مني مشيت على صفحة محمد الحسن دا في الفيسبوك اول حاجة ما شاء الله ومبروك طهور الولد وعقبال الزواج ان شاء الله، بعدين لقيت في واحد هندي ولا باكستاني بكشكر ليهو بصورة ولده مما اعطاني انطباع بانه الزول دا ما هين وعنده ناس بكسرو ليهو التلج وبعدين لقيت ليهو صورة لابس بالطو فخم لايقل عن كم ورقة من الفيها عمك فرانكيلن، المهم اتفاءلت وظنيت خير تب، وفجاءة اشوف ليك في ذات الصفحة صورة المرحوم محجوب شريف وفاطمة احمد ابراهيم واعلان عن طلب نفير الشتاء للفقراء طوالي بطني طمت، لان مالاقاني شيوعي غنيان غير بدر الدين الامير (حالة استثنائية)، بس قريت كويس لقيتو كاتب انه ما شيوعي اتفاءلت تاني وفجاءة اشوف ليك المصيبة، الزول مصاحب مزمل خيري
طوالي قفلت الصفحة وقلت يلا نرجع لحجر الوضوء تاني
يا يوسف
عليك الله ما تكسر مقاديفنا، عندك لينا قروش اهلاً وسهلاً ما عندك حاحي معانا الزول دا كان يحس او يشعر
يا حيدر
عندك فكرة ايجار الباسويرد دا ممكن يكون بكم وبحاسبو عليهو كيف؟ بالبوست ولا بالمداخلة ولا باليوم؟
| |
|
|
|
|
|
|
|
|
|
Re: رد بارك الله فيك يا محمد حسن (Re: محمد عمر الفكي)
|
انت مشيت بس ..انا عملت طلب صحوبية ومعرفة واواصر علاقات عديل .. والأقربون اولى بالمعروف
بس صراحة معرفتو للمقشطين امثال مزمل خيري وطارق جبريل وسامي عبد المطلب وعباس الدسيس بتخوف :) غايتو نستبشر بكشكرة الباكستاني ..
| Quote: عندك فكرة ايجار الباسويرد دا ممكن يكون بكم وبحاسبو عليهو كيف؟ بالبوست ولا بالمداخلة ولا باليوم |
معقولة لكن يا ود الفكي.. تكون مدير مكتب والناطق الرسمي مشترك لاكبر خبيــر استراتيجي في تأجير الباسووردات والكتابة للغيـر وتجي تسألني انا المسكين دا ؟؟
| |
|
|
|
|
|
|
|
|
|
Re: رد بارك الله فيك يا محمد حسن (Re: HAIDER ALZAIN)
|
| Quote: ناس على مستوى ،، ياتهم ديل أوعى تقول لي المليادير المتصور جمب دولاب الداخلية الظهري داك |
والله انا لو محل ود الفحل اكان ادي ود الفكي العشرة الف دولار دي عشان تلحس المكوة الحارة وتبطل اللماضة حقتك دي
| |
|
|
|
|
|
|
|
|
|
Re: رد بارك الله فيك يا محمد حسن (Re: معاوية المدير)
|
| Quote: اطمع في شنو ؟؟ (الشقي بشوف في رقبتو والسعيد بشوف في الآخرين) !! |
يا مدير دا ما طمعان، دا شمتان راسو عديل
عليك الله يا ود الفحل دي عملية تسويها فينا؟ تشمت فينا خلق الله؟ هسي ندعي عليك؟
| Quote: يا ود الفكي هل تجوز الصدقات للناس أصحابهم عبد اللطيف جميل والتاني داك مين كدا رضا ؟؟ |
قصدك عبداللطيف جميل وعبدالحميد شومان، وانعم بهم من اصدقاء ورجال ما بخلو حقهم كلو كلو، بالله رسموني خريطة للبيت عشان لو الظروف عصرت يصلوني في البيت
بعدين يا يوسف الشغلة ما صدقات، الشغلة هبة ومنحة اخوية وبيني وبينك حيدر والمدير بحالتهم دي الصدقة زاتها ما عندهم منها مانع، بس عينهم دي التقع فيها وتشوفها من الزول البطوطح فيهم دا
غايتو يا ود الفحل كدي النسمع بمليونيراتك ديل جو الحج ولا العمرة وكدي النشوفك فتحت بوست اروع تلاتة يوم 5 ولا غيرو، عشان اخلي ريحتك طير طير
اما غريبة، ناس ماكلة حق الناس وبعد دا جايبة ليها حج وعبادة
| |
|
|
|
|
|
|
|
|
|
Re: رد بارك الله فيك يا محمد حسن (Re: معاوية المدير)
|
Quote: يا يوسف الشغلة ما صدقات، الشغلة هبة ومنحة اخوية وبيني وبينك
حيدر والمدير بحالتهم دي الصدقة زاتها ما عندهم منها مانع، بس عينهم دي التقع
فيها وتشوفها من الزول البطوطح فيهم دا |
يا ود الفكي نحن لا تهمنا المسميات والبنود، المهم نقبض إن شاء الله
عطية مزيّن. دعك من الشامتين يا بركة الصالحين يلحسوا المكوة زاتا...
| |
|
|
|
|
|
|
|
|
|
Re: رد بارك الله فيك يا محمد حسن (Re: معاوية المدير)
|
يا جماعة اها ودعتكم الله ..
الكلام بدل التلميح بقى تصريح عديل يا ود الفكي وانا زول عندي وجع ضرس ما بقدر ارد على جنس دا ..:/
Quote: يسقيني الله من زمزم بعد ترسلوا
لي العمرة والتزاكر. |
ما تسألني الكلام دا انقال وين.. علا انصدمت تب .. الزول يشوف في المستويات الرفيعة ويجي يسأل مننا نحن الموظفين الفترانيين
| |
|
|
|
|
|
|
|
|
|
رد (Re: HAIDER ALZAIN)
|
يا حيدر عليك الله كضب علي وقول لي الكلام دا ما قاله ود الفحل عشان عندي نية نومة بدري ما تجيني فيها الكوابيس واب خناق
| |
|
|
|
|
|
|
|
|
|
Re: رد (Re: محمد عمر الفكي)
|
| Quote: يا حيدر عليك الله كضب علي وقول لي الكلام دا ما قاله ود الفحل عشان عندي نية نومة بدري ما تجيني فيها الكوابيس واب خناق |
ود الفكي سلام
يا أخوى أظنه ده كلام ود المدير لأنو أمبارح كان معاى تحت الهواء و قال كلام زى ده و أنا قلت ليهو المك مش تذكرة طيارة تذكرة بص ما بقطعا ليك بعد ما عملت ليهو إشانة سمعة و وجعته فوق الهواء فدحين يا أخوى نوم نومك و يا ود المدير موية زمزم بطريقتك دي إلا كان نشحنا ليك بالكارقو فدحين يا أخوى حاول صلح علاقتك مع المك فوق الهواء و تحت الهوا لأنو لو واصلت بطريقتك دي تذكرة لبنطون الباوقة ما بتلم فيها.
| |
|
|
|
|
|
|
|
|
|
Re: رد بارك الله فيك يا محمد حسن (Re: عزالدين عباس الفحل)
|
سمح يا الفحل اقرأ المداخلات براحتك .. بس بعدين ركز على كلام ود الشيخ العمييق دا :/
| Quote: و أنا قلت ليهو المك مش تذكرة طيارة تذكرة بص ما بقطعا ليك |
شايف كيف؟
يعني انا بعشم وفي ذكرى السنوية لميلاد الأرباب المك نمر وود خالته حاتم الطائي انك تقطع لسان ود الشيــخ بحركة حركتين،، شيك شيكين ،، تحويلة تحويلتين ،، حركة كدة في شكل وردة يعني وأنت ابو المفهومية .. والفهيم الما بيحتاج كلمة ..
| |
|
|
|
|
|
|
|
|
|
Re: رد بارك الله فيك يا محمد حسن (Re: عزالدين عباس الفحل)
|
Quote:
Mohamed Hassen Abdallah ·
الأكثر تعليقا ·
Gamal Abdel Nasser High School Khartoum
(بس ما تسالني تاني ؟
عن الكافيار الإيراني)
أيوآآآآآآ جيت يا عباس ..... الكافيار ماني سآآألك منو ...وال (السفرجل) مطبوخ شكلو ماحلو لزج لزج كدآ ..... والأهم ثم الأهم الوكت دا كلو ماسألناك ولكن وكت جابت ليها يوروهات ممكن أوصف ليك وقرييييب للمطار اكان شارل ديقول وحتي لابورجي قريب لينا بيجو بيهو الناس الرآيقة ونهآآآئي مابيدورو بالكراسي حتي يقع الآيفون ....المهم في انتظار وفدكم الميمون ع مشارف المدينة و cc للاخ ديقول الذي قـنع قناعة تامة في ما كان يتمنآه ....
رد · · منذ 16 ساعة
Mohamed Hassen Abdallah ·
...
. |
عزالدين عباس الفحل
ابوظبي
...
| |
|
|
|
|
|
|
|
|
|
Re: رد بارك الله فيك يا محمد حسن (Re: عزالدين عباس الفحل)
|
Quote:
يا أخوى أظنه ده كلام ود المدير لأنو أمبارح كان معاى تحت الهواء |
هههههههههههههههههههههه،
الذّ حاجة وليد سعلني، الساعة عندك كم ؟؟؟.
قُتلُو، 6 ورُبُع صباحاً.
قال لي، دي المواعيد البيضربلك فيها الفحل يلقاك جاي من صلآة الصبح ؟؟؟.
من يوم الفحل قال كلآمو دا ود الزين تاهمني بالشيوعية...
| |
|
|
|
|
|
|
|
|
|
Re: رد بارك الله فيك يا محمد حسن (Re: عزالدين عباس الفحل)
|
Quote: Mohamed Hassen Abdallah · الأكثر تعليقا · Gamal Abdel Nasser High School Khartoum
(بس ما تسالني تاني ؟
عن الكافيار الإيراني)
أيوآآآآآآ جيت يا عباس ..... الكافيار ماني سآآألك منو |
ههههههههه،
يا محمد قالوا، الملك عبد العزيز في زيارة للصين وآحد من الوفد المرافق
قالو، طال عمرك دا الكفيار.
الملك عبد العزيز، قالوا الكافيار شنو ؟؟؟
قال ليهو، طال عمرك بيض السمك، ويبساعد علي العملية الجنسية.
الملك قالو، يا ولدي العملية الجنسية دي كان ما ساعدك عليها
بيضك، بيض السمك ما بيساعدك...
| |
|
|
|
|
|
|
|
|
|
Re: رد بارك الله فيك يا محمد حسن (Re: عزالدين عباس الفحل)
|
معاوية المدير
...
التلفونات بقت ،
تطاقش ساكت معاك ،
من الجماعة ،
تحت الهواء ،
خلاص صافية لبن ،
بعد ما رفعت الراية البيضاء ،
يا زول بعد دا ،
إتكرعت تب ،
بموية زمزم ،
بعدين زول حمامة مسجد ،
وبيمشي صلاة الصبح حاضر ،
يتهموهو بالشيوعية ،
والله محن ،
،،،،،
...
عزالدين عباس الفحل
ابوظبي
...
| |
|
|
|
|
|
|
|
|
|
Re: رد بارك الله فيك يا محمد حسن (Re: عزالدين عباس الفحل)
|
معاوية المدير
...
والله أنا ضحكت ،
جنس ضحك ،
لمن طلعت من المكتب ،
جاري ،
دا كلام شنو ،
يا ود المدير ،
كلام البيض ،
دا ،
،،،،،
...
Quote:
ههههههههه،
يا محمد قالوا، الملك عبد العزيز في زيارة للصين وآحد من الوفد المرافق
قالو، طال عمرك دا الكفيار.
الملك عبد العزيز، قالوا الكافيار شنو ؟؟؟
قال ليهو، طال عمرك بيض السمك، ويبساعد علي العملية الجنسية.
الملك قالو، يا ولدي العملية الجنسية دي كان ما ساعدك عليها
بيضك، بيض السمك ما بيساعدك...
معاوية المدير
...
. |
عزالدين عباس الفحل
ابوظبي
...
| |
|
|
|
|
|
|
|
|
|
Re: رد بارك الله فيك يا محمد حسن (Re: عزالدين عباس الفحل)
|
Quote: يا زول بعد دا ،
إتكرعت تب ،
بموية زمزم ، |
يعني نعتبر يا مك كلمتك كلمة رجال و حاترسل التذاكر و نجهز حالنا لاستقبال ود المدير؟
أمي الله يرحما دايماً كانت تردد الصابرات روابح و لو يجن قُماح فدحين نقدر نقول انو ودالمدير صبر و ظفر
الظاء عليها فتحة يا مك ما تمشي تعمل ما فاهم و تقراها بالضمة.
و يا ود الفكي أريتك بفال معاوية.
مع التحية لكل المشاركين و الضيوف في هذا ( البوست الناجح )
| |
|
|
|
|
|
|
|
|
|
Re: رد بارك الله فيك يا محمد حسن (Re: ALWALEED ALSHEIKH)
|
| Quote: (وبعد نقبض ماني عافي مِنّك كان عصرتلو شي...) البسمع كلامك دا يقول واقف قدام الصراف الآلي !! |
والله نفس الشعور يا يوسف، شدة ما انفخت قربت اضرب لجميل وشومان والفها مع ناظرهم، خلاص ما قبضت والشراكة حتنتهي
يا وليد
ما ملاحظ انه ود المدير دا هضربتو كترت؟ اكان ذكرني خرف العجائز
| |
|
|
|
|
|
|
|
|
 Re: رد بارك الله فيك يا محمد حسن (Re: محمد عمر الفكي)
|
يا الفحل..
والله هنا في واحد ميلياردير اسمو صالح كامل مركب كاميرات في اي مكان في السعودية.. أكيد في اواصر علاقة بينه وبين مليارديراتك ،،،
يآخي كلمه يتوسط لنا مع الزول دا نشف ريقنا 
طبعاً ما عاوز اقولك الكاميرات اليومين الفاتن ديل هدت حيلنا ونشفت ريقنا و الراتب جت راح فيها وحالنا بقى ما يحتاج سؤالنا و........... "نسكت اعتماداً على مفهوميتك ولبابتك.. "
لكن أهو عايشين
ـــــــــــــــــــ
بالمناسبة دقساتي للكاميرا ما ساي عبثاً .. بل لسرحاني حسادتاً وبغراناً في جداد البيـك وموية زمزم وتذاكر الامارتية الراجيات ود المدير ملح .. :)
| |
|
|
|
|
|
|
| |
عزالدين عباس الفحل
HAIDER ALZAIN
محمد عمر الفكي
ALWALEED ALSHEIKH
معاوية المدير
فيس بوك
تويتر
انستقرام
يوتيوب
بنتيريست