كتب الكاتب الفاتح جبرا المتوفرة بمعرض الدوحة
|
|
 Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: محمد عبد الماجد الصايم)
|
استغرب واستعجب ممن لا يقدرون الوطن حق قدره ولا يقدرون رجالاته وجهدهم وتعبهم من اجل هذا البلد المعطاء وود الصائم هو مثال حي لهذا النوع من الناس
المذكور يحتج في ريال وريالين وعشرة ريالات بينما هذا الوطن رباه وعلمه وفي النهاية يجي يجحد عليهو بالريال!!!!!! عجبي
اقوم انزل لستة بممتلكاتك هنا ومنها سي سي لمسئول الضرائببالسفارة والله الا اخليك تعدم الانسولين من صيدلايات الرياض 
ما تدفع من سكات وبلاش غلبة منك، اخوانك العاملين عليها ديل ياكلو من وين؟
ناس ما عندها ذوق
| |
 
|
|
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: محمد عبد الماجد الصايم)
|
اها خليتك تب، لكن انا جاي الرياض بعد شهرين ان الله حيانا، اوعك تقول لي الاولاد سافرو السودان وانا قاعد عزابي فشوف لك فندق انزل فيهو
بالمناسبة ما بشيل في جيبي غير قروش البنزين والاكل (بنتحاسب عليهن لمن اصلك) وبطاقة الصراف بخليها في البيت عشان ما تقع مني بالدرب
ما بكتر عليك، يومين عندك ويومين عند عمران ويومين عند ابوحسين، اما ود الباوقة دا فعشاء في كودو
كنت مفكر اغشي حسن ديقول لكن قالوا لي ود الفحل ما اداهو هللة
من هشي عندي شافع اسمو عبدالرحمن هاباش خلاص، فشنو لوعندك حاجة بتنكسر جقاقة، كبابي، العاب شفعك، تلفزيون معلق في حيطة لمهن من ضو.
بصراحة والله ما عندي حاجة بتوديني الرياض غير طيبة بوردابها
كسرة
التحية للفارة السودانية بالرياض
والله العظيم داير اكتبها السفارة لكن السين براها وقعت وابيت اعدلها
| |
|
|
|
|
|
|
|
|
 Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: محمد عبد الماجد الصايم)
|
Quote: اذن في السنة تدخل حوالي 120.000 ريـال مائة وعشرون الف ريـال مقابل قيمة
استخدام هذه الملفات غير المستردة , ولا توجد ايصالات مقابل هذه المبالغ !! |
أساسي الأساسي .. ذو الاضنين!
دي حسبة كاربة جـدا .. يلا ما تنسى استمارة الرقم الوطني (بريـالين)!!
يلا خلينا نقول استمارة تجديد الجواز دي سغيرونة كـدا ودايرة حرفنة شان تصورا ..
بتاعت الرقم الوطني دي تختها في الكوبي ماشين وتدوس 100 وتكسب 100 ريـال!!
يعني ـ نفترض جدلا ـ بتاع الباب دا ممكن يصور كل يوم 50 لحسابو .. ويبيع الباقي لحساب السفارة ..
صاح؟
_
حلوة نضال الساعة 25 دي .. لايكـ!!
| |
|
|
|
|
|
|
|
 Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: محمد عبد الماجد الصايم)
|
السادة الفيساب الحلوين .. شرفتونا ياخ!!
أنس ..
| Quote: الى متى نسكت الى متى الى متى!!!؟؟؟؟؟ |
والله نحن زاااتنا ما عارفين نسكت لمتين ..
ما ياهو يا تشيل بريـال وتخلص .. يا تجي بكرة تلقاها ريـالين!!
شريف أبو العلا
| Quote: اسرق .... اسرق .... واترك الدهشة والحسرة علي الاخريين ..من مغتربيين ومن اغنياء المغتربيين وفقراء المغتربيين ... اسرق ريال وريالين ودولار وشيك سياحي يا شاب .... ليس غريب ان تكون السفارة محل شك وسرقة فعندنا في المركز (الوالي ومكتب الوالي والاقطان ومكتب الاقطان والصمغ وشركة الصمغ ووالي الجزيرة ومكتب والي الجزيرة ديل كلهم طلعوا حرامية ؟؟؟!!) |
فعلا ..
السفارة عندها عشـرة ريـال على كل معاملة .. ليه تاني الريـال والشكوكـ؟
يلا .. يلمها (المغترب) وتاطاها (السفارة)!!
خالد المسلمي ..
| Quote: والله انتوا مساكين يامغتربين الكيزان ماصين دمكم |
مص تقيل وحياتكـ ..
ياخ في السفارة على الأقـل بتقدر تقول الدايرو وتمش ..
في المغتربين هناكـ ماف زول بسمعكـ داير تقول شنو زاتو ..
داير ادفع شيل .. ما داير اتخارج ومافيش تأشيرة (خروج)!!
شفت كيف؟
| |
|
|
|
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: محمد عبد الماجد الصايم)
|
نواصل مع (الفيساب) .. وحبابم ألـف ..
كمال إدريس
| Quote: مالي ارى كرعيك مدلبات من تاني دور.. هل نسيت مافعل بك الاطباء الاوائل كااااااك |
أطباء شنو يا رعاكـ الله .. قول (السفراء) الأوائل .. (الوزراء) الأوائل!!
أضحكـ الله سنكـ ياخ!!
عبد الحليم يا نعيم ..
Quote: يا ود الصايم ياخ ... ايصالات شنو الانت عاوزها ؟
في واحد كان في السفارة دي قبل كدة وكان طابع اورنيك (15) حقو براهو .... وبقى يعمل اورنيك للسفارة .. والتاني حقو .... ولغف من السفارة لامن قال كفى ... وبعد كدة طلع بي لحمة حشاهو ... فصاحب الفورمات دة قال ما دام الزول الاول ما سالهو وهو معاهو ارونيك (15) فاكيد انا ما حيسالوني لاني ما عندي اورنيك (15) ...
وقول لي اخونا كباشي الصافي حليل زمن كانو بيطبعو اورنيك (15) في المطبعة الحكومية ؟؟؟ |
ياخ مبالغة عديل ..
أفصح .. ابن .. تحدث ياخ!!
مبالغة والله .. مبالغة شديد!!
ع العاطي يا بدري ..
Quote: يمين تلقى السفارة كلها تدعي على محمد المرتضى حامد
الرجع ود الصايم للبورد بعد حردان سنة
يا ود الصايم ياخي مادام حملتك نجحت والحمدلله
ياخي ربنا يوديك امريكا ما تعمل حملة تانية
عشان ينقلوا الجوازات والعمل القنصلي من المكان الراقي دا
ياخي زحمة تخجل والله
تعرف
تعمل الحملة دي وتنجح يمين
السفير الكويتي ذاتو يتوسط ليك عند عمك اوباما
اسمع كلام اخوك |
بالغت ياخ .. هسي السفير الكويتي الدخلو في الموضوع شنو؟
ولا عشان جيران؟
فعلا ياخ .. صالة تجديد الجواز لا ترقى أبدا للمراجعين!!
| |
|
|
|
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: محمد عبد الماجد الصايم)
|
العزيز ود الصايم وضويفك الكرام ..
السلام عليكم ..
غايتو انا عمري ما دفعت رسوم للاستمارات البتقول عليها دي.
وبرسل جوازات العيال بـ دي اتش ال ومعاها رسوم التجديد فقط واعتقد 60 ريال
وتاني يوم الجوازات ترجع لي .... ( عندنا واسطه ) خخخخخخخ ...
الاسبوع الفات ولدي مشى السفارة عشان يطلع جواز الكتروني .. قالوا ليهو الشبكه طاشه
قاموا طلعو ليهو واحد اخدر (قديم ) ودفع 300 ريال ...
( وانا معارف الجوازات القديمه دي شغاله لمتين )
والغريبه في السودان بتي طلعت الجواز الالكتروني بــ 250 الف ج ( حوالي 125 ريال ) ...
المفروض الاستمارات دي تكون جاهزه على موقع السفارة ويسهل طباعتها بدون اي رسوم ...
كذلك الاستمارات التي في جهاز المغتربين في الخرطوم .. برضو مفروض تكون مجانيه .. وموجوده في الكاونتر عند الطلب ..
مش يحلبوا المغتربين لامن يكبوا الدم ..... ( منتهى التخلف والاستحمار .. ) ..
والله المستعان ...
تحياتي ,,,
| |
|
|
|
|
|
|
|
|
 Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: عصام علي أحمد)
|
Quote: أون مين؟
يااا وضاحة .. نحن ناس لتّق لتّق .. وليس ليس ببقى كويس!!
هسي أنا شايل جواز من 2001 وينتهي في 2016 ..
يعني 15 سنة بالتمام والكمال رغم إنو الجواز مدتو 10 سنين فقط!! |
يا حبيبو
جوازك دا زاتوا بتاعن الجوازات عارفين ما منو فايدة علشان كده ما شغاليين بيه ومطنشين منو هههههههههههههه
اعمل ليك جواز محترم تفتح ليك بيه ابواب المطارات جواز كندى ولا امريكى ومدتوا خمسة سنوات ويرسلوا ليك تنبيه لمواعيد التجديد
جوازك دا لو عاوز تمشي مصر التعبانة دى لزم تعمل ليك تاشيرة
الله يشوفكم مساكين
| |
|
|
|
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: محمد عبد الماجد الصايم)
|
ود الصائم سلام
ياخ انا مش في الريال ولا الرياليين
ولكن في التعامل
قبل شهر تقريبا والدنيا خميس طلعتا مشيت عليهم شايل جوازي وجواز ولدي الصغير لغرض التجديد وفي الطريق سحبت لي مبلغ من الصراف في حدود الرسوم المعتادة (215+60) مع شوية احتياطي
وصلتا الاستقبال ودفعتا الرياليين وبدل امشي طويل الجماعة قالوا لي لف يمين محل الكافتيريا لقيت ليك العالم متلمة والكتمة حاصلة من صف لي صف سياتو أشر و في الأخر بتاع الضرائب اداني ليك ورقة فاضية ومنه على شباك الرسوم
وبعد زح ورح وصلتا الشباك ومديت الجوازين الراجل عاين للورقة وفتح الجواز عاين للمهنة وبدأ مشاورات مع زميله في شباك المحاسبة التاني ورجع طلع الآلة الحاسبة وضرب وضرب وقال لي ياخ عاوزين ستموية وشوية !1
قلت لي لي شنو ياخ ؟؟ قال معاها الضريبة !!!!!!!!!
طيب عندكم مكنة ؟ قال مافي
والحل شنو؟
قال لي اطلع برة شوف ليك صراف اسحب وتعال
قلت لي ياخ ما في مشكلة انا بطلع بس اتاخرت جدا وبعد الدفع حا انتظر ايضا لمن استلم فهل ممكن يا عزيزي تستلم مبلغ الرسوم وتطلع الايصال شامل الضرائب عشان الجوازات تدخل للضابط ولمن ارجع من الصراف وأدفع ليك الباقي على الاقل كان ما جهزت تكون قربت ؟
الخلاصة شيلوني جوازاتي في يدي وطلعتا برة وانا اجهل حي السفارات ولفيت والله اكثر من نص ساعة وجيت راجع تاني وقفتا في الصف وبعد دفعتا قعدتا انتظرتا قريب الساعة !!
| |
|
|
|
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: محمد عيسي محمد)
|
الاخ العزيز ود الصائم والمتداخلون
تحايا وسلام
بنفس ما كتب ود الصائم عن الريال فقد فقد اخوكم صوابه للحظات عندما طلب منى الموظف ريال
السؤال - لماذا ريال
الجواب - لزوم فورم التجديد
السؤال - اين الفورم
الجواب - هذا
السؤال - هذه قصاصه من A4
الجواب - هى فورم التجديد
السؤال - اذا البكت 500 ورقه بخمسه الى 6 ريال وهذه نصف ورقه كيف تكون بريال
الجواب - امشى قابل الضابط وقول ليهو كلامك دا
السائل - اخوكم لا يخاف الا من الله مشيت ولكن لم اجد الضابط الذى ارسلنى له
رجعت ورميت ليهو ريال عشان ما اعطل الولد من الجامعه عشان بعد التجديد جوازات وخلافه
لكن لم اسكت وما احرجنى ايضا كان معى مرافق يمنى استغرب جدا من طلب الريال لكننى خففت
عنه وذهبنا لاعود لوحدى واشوف الحد الفاصل لهذا الريال .
نواصل
سيد سيدنا
| |
|
|
|
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: سيد محمد احمد سيدنا)
|
طوال الطريق ابرر للاخ اليمنى عن موضوع الريال
رجعت اليوم التالى وقدمت جواز ابنى الاخر وبورقه نصف A4 وبدون ختم
اخذتها من موظف معنا كان يحتفظ بها وقدمتها وفى مخيلتى اشياء عده من اعادة
الجواز او طلب فورم مختوم وكان هدفى استقصائى واكون جاهزا لاى سؤال او جواب
قابلت اخ من المعرف بهم لجنة الجاليه وسالته عن مهذلة طلب ريال عند الباب لزوم فورم التجديد
تخيلوا التبرير كان اكبر من الذنب وهو
إن الموظفين الذين قدموا من السودان لموضوع الرقم الوطنى لم ترسل لهم رواتبهم مما اضطر
للإستعانه بالصندوق الخيرى بإمكانياته المتواضعه لتغطية مصروفاتهم وكذلك هذا الريال ، هنا تحدتث معه عن اصل
استلام الاموال بغير حق وبدون سند مالى وكيف تفرض وفى واجهة السفاره وهذه مدعاة للسخريه لسفارة بلد وذكرته
كيف كان صلاح محمد دفع الله ( عام 88 ) يعمل فى هذه السفاره وبدون معينات وكانت هامتنا فى السماء وكنا ندفع
الضرائب وكل شئ من أجل مقابلته الجميله على الكاونتر وكان ينجز كل معاملات السودانين التى تصل بالبريد حتى
لو لم تكن الالتزامات كامله .
المهم عندما لم اجد منه ما يشفى غليلى على هذا الريال تركته وطرقت باب القنصل بمعيه احد الاصدقاء قابلته
بالسفاره حضر نقاشى عن هذا الريال .
بعد التحيه تحدثت معه عن كل ما يؤخر تطورنا وهذا الريال العابث المفروض على الباب وقانونية استيفائه وكيف يضمن
السودانى وجهته الصحيحه بدون غيول الزمن الغابر ولماذ لا يضاف او يخصم من خدما ت السفاره او فرض أن تضاف
للخدمات 5 ريال بإيصال مالى حكومى سودانى لتكون الية المحاسبه واضحه .
كان رد سعادة القنصل عدم استطاعته فرض خدمات زياده وكل شئ يقوم به دون توجيه من الدوله سوف يكون خصما عليه
وفى نفس الوقت يقومون يوميا بحصر المبلغ بمجموع الايصالات المختوم وابلغته إننى الان مدخل جواز بدون ورقه مختومه
وكنت انتظر رد الفعل لكنه تأكد لى الان إن الامر يحمل من الريبه الكثير ويمكننا أن نطور ذلك وإن الدوله الان تحارب
الممارسات الضاره بالمجتمع ومنها الاختلاسات وشرحت له كيف إن اليمانى ضحك على هذا الريال وبأمانه وعدنى خيرا
للنظر فى الامر .
من خلال البوست عرفت إن المبلغ تحول داخليا ولكنه لم يلغى وسوف اقدم شكوى لوزير الماليه بإذن الله من خلال الصحف
الصادره بالخرطوم .
شكرا اخونا ود الصايم على البوست وانتظر شكواى لوزارة الماليه
تحياتى
سيد سيدنا
| |
|
|
|
|
|
|
| |
محمد عمر الفكي
محمد عبد الماجد الصايم
محمد مجيدو
حسين ديقول
الزبير بشير
عصام علي أحمد
وضاحة
ABUHUSSEIN
سيد محمد احمد سيدنا
فيس بوك
تويتر
انستقرام
يوتيوب
بنتيريست