|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: محمد عبد الماجد الصايم)
|
Quote:
طبعا أهم ما في الموضوع دا الكركدي أب 5 ريـال!! أي نعم .. لأنكـ لو ما شربت الكركدي دا بطنكـ مااااا بتبرد!! |
داء اسواء كركدي يا ودالصايم اشوفو في حياتي والله في شهر مارس كان معاي اتنين من عيالي وكانوا عطشانين وطلبنا كركدي ما قدروا اشربوا . نعم فورمات وغيرها من غير ايصال والله نهب عديل كدا وضرائب خيالية مع غربة لاترحم كل شئ اصبح غالي وهم لايقدرون . اننا ندفع ضرائب لاهلنا ومدارسنا ومحتاجنا ومسجدنا وبرضوا مصرين ياخدوا ضريبة وبالقوة . الحل الوحيد يا ودالصائم طلع ليك جواز الكتروني . مع احترامي
| |
|
|
|
|
|
|
شنو يا عمك بتحسدن على الريالين حق البارررررررررررر د هههههها ههههههها
| |
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: محمد عبد الماجد الصايم)
|
ود الصائم تحية وتقدير شكرا لتناولك لهذا الموضوع الهام نحن ما عندنا اعتراض ندفع الريال والريالين والـــ 10 كمان ولكن من حقنا المطالبة بايصال مالي وارنيك (15) على أي مبلغ يتم دفعه لأي جهة حكومية
حديثك عن السفارة هي اغنى سفارات العالم.. ما اعرف ذلك .. ولكن هي السفارة التي تقدم الميزانية الكبيرة لوزارة الخارجية السودانية لتسيير أعمالها قروشها كثيرة رسوم التوكيل فوق لـــ 100 ريال اضافة المواليد ايضا تقريبا 100 ريال الى جانب الرسوم الكبيرة لتجديد الجوازات واصدار الجوازات الجديدة
ربنا يحفظ مالنا العام.. قول اميييييييييييييييييين
| |
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: نادر)
|
Quote: تجديد الجواز لمدة سنتين في السفارة يساوي مبلغ 215 ريال يعني مبلغ 490 جنيه سوداني.. بينما الجواز الجديد الالكتروني في الخرطوم وصالح لمدة خمس سنوات بمبلغ 450 جنيه.. |
تعرف يا أيمن .. في حاجات كتيرة جدا تعمل ليكـ (وثبة) في راسكـ .. قيمة تجديد الجواز 215 .. الجواز الجديد بـ 450 ريـال (تقريبا ـ ما متأكد).. عشان كـدا لي فترة طويلة وقفت أي معاملة في السفارة إلا في حال (زنقة) .. تمش هناكـ تدفع بالسوداني مرتاااح .. التجديد بـ 120 تقريبا يعني 60 ريـال!! بحسابات السفارة الجواز 450 + 215 * 4 مرات تجديد = 1310 ريـالات للعشر سنوات (بما يساوي 3 مليون تقريبا)!! في السودان: 490 + 120 * 4 مرات تجديد = 970 جنيه .. وكــدا!!
| |
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: محمد عبد الماجد الصايم)
|
Quote: وتصدّق يا مؤمن .. الريـال والريـالين دي بدون إيصال .. ولا رقم متسلسل .. ولا أي (وثبة)! عمكـ يشيل في الريـال والريـالين .. ولا تقدر تفتح خشمكـ!!
القـرر يبيع الفورمات (المجانية) بقروش منو؟ والبحاسب على القروش دي منو؟ وبحاسب عليها كيفن؟ |
الأخ محمد عبد الماجد الصايم بعد السلام الأرانيك تُسلّم بالعدد من وزارة الداخلية.. وتستلم الرسوم المدفوعة عليها بحسب عددها. لو في تجنيب يكون في وزارة الداخلية .. لكن ناس السفارة ما عندهم طريقة إلا يطبعوا فورمات مضروبة من أي مطبعة في المملكة ودي ممنوعة.. أرانيك الحيكومة تطبع فقط في المطبعة الحكومية أو مطبعة العملة أو المطبعة العسكرية أو مطبعة وزارة الداخلية. فإطمئن ريالك ما حيروك .. بس ما تكون إتأخرت في استخراج الرقم الوطني لحد اليوم وعلى كدا راحت منك ريالين.
وما تنسى هذا الرابط لصفحتي في اليوتيوب فرأيك ومقترحاتك تفيدنا في تقديم خدمة متميزة للمتصفحين.
http://www.youtube.com/user/KabbashiSudan
تحياتي.
كبـّاشي الصـّـافي
| |
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: cantona_1)
|
قبل حوالي سنتين ذهبت ومعي صديق لبناني الي السفارة لتجديد جوازي وطبعا اتخلع من شكل السفارة وبشتنتها وان ذاتي ماعرفتها اخش ويين المهم بعد خلصنا في نفس اليوم ذهبنا للسفارة اللبنانية لتجديد جوازه هو ..لا علاقة البتة بين السفارتين ..مدخل جميل وزهور في الباب وكراسي مريحة في الداخل وريحة حلوة والاغرب ما في الموضوع يوجد سوداني بشوش وخدوم الي اقصي درجة يسمي عوض يعمل في السفارة اللبنانية وهو من اتم المعاملة لصديقي هذا ...والفرق كبير بين عوض الذي يعمل في السفارة اللبنانية وعوض في سفارتنا الذي لاتفارقة تكشيرتة رغم ان سفارتنا كخدمات وسرعة انجاز اسرع من معظم السفارات بما فيها اللبنانية ولكن تنقصنا بعض الرتوش التي يمكن ان تغير الكثير ...
| |
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: محمد عبد الماجد الصايم)
|
Quote: رغم ان سفارتنا كخدمات وسرعة انجاز اسرع من معظم السفارات بما فيها اللبنانية ولكن تنقصنا بعض الرتوش التي يمكن ان تغير الكثير |
أيووووااا يا عمكـ محمد إبراهيم .. دا كلام كويس جدا .. أمسكـ لي في بعض الرتوش دي .. لو السفارة عملت حاجة لصالح المراجعين وخلتكـ تحس بأنكـ بتدفع عشان تريح نفسكـ يبقى الكلام يختلف .. لكن نفس الوضع .. بل أسوأ .. يعني صالة تجديد الجوازات كانت زمان استراحة (سندوتشات)!! وهسي حاليا صالة محل الكركدي والفول دا فاتح جوه صالة الجوازات!!
| |
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: Mohd Ibrahim)
|
مشيت السفارة بخصوص معاملة واتاخرت ذهبت للقسم المعني استفسر عن سبب التاخير فاشار لي الموظف لموظف اخر في شباك اخر بان استفسرة عن سبب التاخير وكانت النتيجه ان رفض الموزف ان يرفع راسة ليحاوبني رغم انني استفسرته ثلاث مرات ولمن فاض بي كوركت فيهو باعلي صوتي لامن الناس اتلمت وجو موظفين من الداخل عشان يتدخلو في الموضوع وكان تعليل الموظف بانه لم يجاوب علي لان سؤالي ليس من اختصاصة جل موظفي السفارة بالرياض اشخاص حقيرون ########ون لا يستحقون ان يكونو واجهه لوطن بحجم السودان الريبة القصة دي تدخل فيها وقتها زميل المنبر الاخ التجاني عبد الباقي واتصل علي وعرض ان نجتمع بالقتصل لتوضيح الامر وقبلت ولكن الاخ التجاني لم يرجع لي حتي هذة اللحظة رغم مرور عام علي الحادثه وافترض ان القنصل رفض ان يجلس مع مواطن او ان يعتذر له علي خطأ موظفه ولكن كان علي الزميل العزيز ان يرجع لي ويوضح ما حصل
| |
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: walid taha)
|
السفارة تعمل ليها موقع في الانترنت زيها وزي السفارة الامريكية واحد تقوم تخت الفورمات في الموقع، وأي زول عايز فورمه يخش الموقع ويطبع الفورم ويملاهو ويجي جاهز عشان يوفر زمنو وزمن الموظف
غايتو في مية ريال بيقلعوها من الناس انا ما لقيتها الا في سفارة السودان في الرياض - سفارة السودان في الخرطوم ذاتها ما فيها.
وعشان نضوي شمعة - اقرب واحد ماشي السفارة ياخد نسخة من الفورمات دي ويعمل ليها اسكان ويرفعها في الموقع ،،، والما يشتري يتفرج !
| |
|
|
|
|
|
|
الريال (Re: محمد عبد الماجد الصايم)
|
طبعا الرجل معذور اكان شغال فى السودان فى مكتب الوالى وبى لفة لفتين جابهو هنا 4 سنوات انتداب اكان اعمل ليهو قرش قرشين . مما عرف الهبر الهبرو زملانو الكان هو ريسهم الجن ركبو وزعلان قاليهم جبتونى لسفارة السجم والرماد دى مالاقينا لينا شطر نرضعو داخل راعى مارق دكتور مافيهم كدة . ولمن عرف العملو اصحابو واللهط اللهطو من البلد الغيرة عايزة تكتلوا و براهو كدة فكر وقرر ريال على كل فورم ومحل الرهيفة التنقد.ماكلو قلع وزندية واخرها زول بسوى لى التكتحة مافى.
| |
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: أمير السماني يس)
|
ود الصايم ماتدفع ياخى انت قصدك ود الباوقة ده يموت بالجوع واللا شنو؟ يازول سفارتك دى بتدفع ايجارات و رواتب كل موظفى السفارات فى معظم الدول الاوربيه والاسيويه يعنى زوجة على كرتى راتبها بطلع من هنا، اها يعنى المره دى نهملها واللا كيف؟ بعدين يا ود الصائم ماتنسى تصوير الورقه بريال كامل وبره العشرة ورقات بريال والمويه ام نص ريال بريال وسندوتش الفول بالجرجير ثلاثة ريالات كامله والله البوفيه اسعاره قريبه لاسعار استاربكس الفى الحى الدبلماسى زاتو اما العشرة ريال حقت الخدمات امرها عجب ودى بتمشى للصندوق الخيرى وليه خمسه وعشرين سنه صندوق الجن ده مافى زول بعرف عنه حاجه لا جمعية عموميه لا خطاب مالى ولا اى شى حمدو فى بطنو الصندوق ده تقول الصندوق الاسود.. المهم ما اتكلمت عنه يا ود الصايم تجديد الجواز رسميا بى 115 ريال وكان بياخدو 100 ريال رسوم السلام لما لاحصل سلام لا وحدة اضافوها لى التجديد وبقى رسمى التجديد بـ 215 ريال.. استوا اعتدلوا تحللو ادفعوا هداكم الله
| |
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: اسامه العريفي)
|
Quote: اما العشرة ريال حقت الخدمات امرها عجب ودى بتمشى للصندوق الخيرى وليه خمسه وعشرين سنه صندوق الجن ده مافى زول بعرف عنه حاجه لا جمعية عموميه لا خطاب مالى ولا اى شى حمدو فى بطنو الصندوق ده تقول الصندوق الاسود.. |
بالله .. تصدق يا موج أنا قلت العشرة دي خدمات ترجع لينا نحن المعفنين ديل!! بعدين أي 100 تركب فيها نحن ليه ياخ!؟ بندفع في الـ 100 ـيات دي من زمن شريان الشمال .. والسلام وترعة الشنو ما عارف!!
ويجي ود الباوقة يقول ليكـ نجضت!! فعلا نجضت!!
| |
|
|
|
|
|
|
Re: وثبة السفارة بالرياض (Re: وضاحة)
|
Quote: المفترض نحن كسودانيين في بلد الله الحرام لا نسكت على هؤلاء اللصوص ويجب أن نتفق على مقاطعة كل من يستغل منصبه داخل جسم السفارة أو بعلاقاته المتعددة |
حبيبنا محمد خـدر دا المفترض .. لكن زي ما قلت فوق نحن بقينا ناس ادفع شان تخلص .. لأنو الوضع الحالي بقى معروف .. تلف تلف تلف وتجي تدفع .. فـ (ادفع بالتي هي أحسن) وكـدا!!
| |
|
|
|
|
|
|
Re: وثبة السفارة بالرياض (Re: وضاحة)
|
Quote: انتوا لسة بتملوا فورمات الناس بتعمل معاملتها اون لاين |
أون مين؟ يااا وضاحة .. نحن ناس لتّق لتّق .. وليس ليس ببقى كويس!! هسي أنا شايل جواز من 2001 وينتهي في 2016 .. يعني 15 سنة بالتمام والكمال رغم إنو الجواز مدتو 10 سنين فقط!!
| |
|
|
|
|
|
|
Re: السفارة السودانية بالرياض: ريــال للفورمة .. ريـالين للرقم الوطني .. و10 للخدمات!! (Re: محمد حيدر المشرف)
|
اها مناضلين الساعة خمسة وعشرين ظهروا اخيرا ووجهوا ساهمهم للسفارة
وين انت لمن نبحنا بنفس الموضوع ا قبل تلاتة سنوات وحسبناها ليهم بالملي وورينا الريال دا بعمل كم في السنة بدون ايصال مشكلتنا بنكتب لكن الاضنين هنا عاملة زحمة ^_^
ريال الملف في قنصلية جدة
قبل قليل ذهبت للسفارة لاجدد جواز سفر , في الاستقبال تجد شخصين تبدأ منهما الاجراءات للتجديد او الاضافة ,,, كل المعمالات التي تريد قضائها في السفارة , بعد ان يعرفوا الاجراء الذي تريد يسلمونك ملف لونه سماوي ورقم مراجعة وتقوم بمراجعة شبابيك الخدمة من الزكاة والخدمات والحسابات حتي تقوم بتسليم ملفك لانهاء الاجراء الذي تريد , مقابل هذا الملف ياخذون منك واحد ريال سعودي بدون ايصال , وعند تسليمك جواز سفرك لن يعيدوا لك الملف مرة اخري , هذا الملف الذي يستخدم هو ملف ليس جديد اي ان هناك مجموعة من الملفات يتم استخدامها هي نفسها ويؤخذ في كل مرة علي نفس الملف واحد ريال , كان رقمي 550 وهناك ارقام كثيرة صدرت بعدي فاذا اخذنا في المتوسط ان هناك 500 معاملة يتم انجازها يوميا بواسطة هذه الملفات فان القيمة المستخلصة منها حوالي 500 ريال يوميا اي 2500 ريال اسبوعيا اي 10000 ريال شهريا لا تصدر لها ايصالات وتكون الملفات هي نفسها في كل مرة , اذن في السنة تدخل حوالي 120.000 ريال مائة وعشرون الف ريال مقابل قيمة استخدام هذه الملفات غير المستردة , ولا توجد ايصالات مقابل هذه المبالغ !! كل هذا المبلغ يأتي من هذا الريال الذي لا يضع له احداا بالا او اعتبارا , هذا مع الاخذ في الاعتبار ان المعاملات تصل الي تسعمائة والف معاملة يوميا فان المبلغ قد يتضاعف حتي ولا يوجد له مرجعية واضحة !! فسبحان الذي يرزق السفارة من حيث تحتسب ولا تحتسب ^_^ فيا ترجعوا لينا ملفاتنا التي هي ملك لنا او تعملوا ايصالات باستلام المبالغ السايبة التي تدخل من خلال هذا الريال الذي لا مرجعية له
(عدل بواسطة اساسي on 05-07-2014, 01:51 PM)
| |
|
|
|
|
|
|