مهارات تقنية للتعامل مع المنبـــر!!

Quote: تحياتي يا حبيب ومشكور على ما تقدمه من مساعدة.. ربما تكون المشكلة التقنية التي أواجهها تختلف قليلاً عن بقية المشكلات وهي كالتالي:- لا أستطيع دخول منبر سودانيزأونلاين من اللابتوب خاصتي في البيت.. في أثناء يوم العمل، أتصفح المنبر من المكتب رغم أن أغلب المواقع والهوتميل والفيسبوك واليوتيوب والفيديوهات والصور وغيرها محظورة تماماً من قبل الشركة التي أعمل بها، ونسبة لزحمة العمل أؤجل تصفح المنبر في المكتب حتى أعود لدخوله في البيت، لكنني أحاول لأكثر من شهر الدخول للمنبر دون جدوى.. تخيل قبل شوية حاولت أدخل من اللابتوب الخاص بي ولكن بدون فائدة رغم المحاولات المتكررة.. هذه المداخلة أكتبها من البيت مستخدماً لابتوب العمل الذي استخدمه بالوير ليس.. شفت كيف!! اتنين لابتوب جنبي، واحد بجيب سودانيزأونلاين والتاني بيعتذر.. تفتكر يا اللمين المشكلة تكون شنو؟!! عين ولا عمل ولا استهداف إسرائيلي!! لك التحية والاحترام..

ماف أي سبب يمنع دخولك للمنبر من البيت وعبر اللابتوب حقك
حاول امسح الكوكيز وفتش في قوقل عن كيفية مسح الكوكيز وحاول مرة تانية دا حل
الحل التاني : ودا احتمال يكون هناك خطأ مصنعي في الللابتوب حقك في أحد المفاتيح
وعشان كده جرب تغير كلمة المرور وأنت في المكتب ويا ريت تخليها ارقام وبسيطة
وتعال حاول الدخول من اللابتوب في البيت...
لو نجحت يبقى تخميني صاح شديد...
برضو شيل معاك لابتوب البيت للشغل وخش بيهو من هناك
قبل ما تعمل الكلام الفوق دا... ولو خش معاك
تمشي للفكي ابو ليمونة طوالي يحل ليك مشكلتك دي ..
والاحسن تستشير فني صيانة قريب منك

جرب ديل وتعال لي