|
Re: لمصر الياسمين و للحاقدين الرماد !! (Re: MAHJOOP ALI)
|
والله يا محجوب كان تحانيسي ما نفعت ، بعد ده إلا أدفع ليك عشان تنسي البوست ده ! علي كل حال ، كتبت ليك الكلام ده إنت و أميره في بوستها :
- أنا - و قلت الكلام ده في بوستي السجمان و رمدان داك - بشجع مع و ضد منتخب مصر اعتمادا علي مستواهم و أدائهم في المباريات ، و لهذا السبب شجعت منتخب مصر . - بوستي السجمان كان ضد فكره عدم تشجيع مصر لكراهيه نتجه من تنميط سالب و ظالم للمصريين ! - بعد المباراه أثبت المصريين و إعلامهم إنو تنميط السودانيين السالب عنهم لم ياتي من فراغ ! لسه أنا ضد فكرة تحميل الشعب المصري ككل مسؤليه ما حدث ، لكن قدرت أفهم ليه بقيه الشعوب بيكرهو المصريين - من نهايه المباره و أنا بتفرج في التلفزيون المصريين الرسمي و الخاص ، و حقيقه ما كنت بتخيل الكذب و الافتراء و قله الأدب ممكن تصل مرحله زي دي . - الحصل ده كان درس ، ما اظن تاني أشجع الفريق المصري بغض النظر عن الأداء و باقي حساباتي الكرويه ! - ياخي ما معقول شعب كامل بيكذب عيانا بيانا ، ياخي واحد من المصريين قال ضارب من مطار الخرطوم قال (أهو اودامي يا أستاذ عمرو سيده مصريه فاءو ( فقعو) عينها و بتنزف دلوأت أهي اودامي ) ! ما عرفت أضحك ولا أبكي !
ياسمينه واحده ما عندي ليهم ! ندامة الكسعي والله !
| |
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
امين كفارة ياخي
Quote: ياسمينه واحده ما عندي ليهم ! ندامة الكسعي والله ! |
بعد شنو
Quote: لمصر الياسمين و للحاقدين الرماد !! |
للسودان الياسمين والرماد كال مصر وامين
عشان حركاتكم دي المصريين طالعين لينا في راسنا
تاني بتشجعوا مصر
تحياتي
بكري الجزائري
| |
|
|
|
|
|
|
Re: لمصر الياسمين و للحاقدين الرماد !! (Re: Amira Elsheikh)
|
Quote: رداحات القنوات المصرية).. وكربلاء الخرطوم!!
ضياء الدين بلال
[email protected]
أصدِّقكم القول، كنت من المتحمّسين جداً للفريق المصري، وهو يُواجه الجزائر باستاد المريخ بأم درمان - لا داعي لذكر الأسباب فهي كثيرة - وكنت أستاء جداً من سماع أو قراءة ما أشتم فيه مزاجاً معادياً للمصريين.. إن كان ذلك داخل السودان أو خارجه.. ولكن من الأمس إلى اليوم، عرفت كيف يسهم بعض الإعلاميين المصريين، من طالبي الشهرة عبر معابر الإثارة الرخيصة، والبطولات الزجاجية، في كسب وجر كثيرٍ من الكراهية والعداء لشعبٍ يستحق كل الود ووافر الاحترام.
الطريقة التي تعاملت بها (قناة النيل المصرية) ومقدم برنامج (تحت الضوء) إبراهيم حجازي مع مباراة الخرطوم التي جمعت الفريقين المصري والجزائري وانتهت بانتصار الأخير.. تُعد من أفضل النماذج المهنية في حقل الإعلام.. من حيث احتوائها على كل الأخطاء والخطايا التي يُمكن أن تقدّم لطلاب الإعلام، كدروسٍ وقائية، تحصن ممارستهم الإعلامية من بعض أمراض المهنة..!
هذا الممثل الفاشل (حجازي) ظل لمدة أكثر من أربع ساعات في تلفزيون رسمي يُروِّج لأكاذيب مختلة الحبك، ضعيفة المضمون.. ترد فيها معلومات مُتناقضة.. كل معلومة تفترس الأخرى.. والمقدم ثقيل الظل، ضعيف الإحساس يحاول أن يسند تلك الأكاذيب بشهادات ركيكة السرد من ممثلات (نصف كم)، وبعفوية مُتكلِّفة، في مرة يشاغل فريق البرنامج بعبارات طائشة، وفي أخرى يرسل إيحاءً بفدائيته في الصبر كل هذه الساعات، دون أكلٍ أو شربٍ.. فيقوم بحركة درامية أمام الكاميرا، حيث يتناول على الهواء مُباشرةً قطعاً من البسكويت، ويروي بطولاته الشخصية في حرب أكتوبر..!
كل ذلك لا يعنينا في شئٍ. ولكن أن يبلغ به (الابتذال) حد الاستخفاف بالشعب السوداني، فذلك ما يستحق عليه الزجر..!
الهزيمة التي لحقت بالفريق المصري - الذي كنا من المتعاطفين معه - هزيمة عادية، يسهل التعامل معها بمنطق الرياضة القائم في الأساس على جدلية الغالب والمغلوب.. ولكن لأن المباراة حملت حسابات خارج المستطيل الأخضر، ورحلت إليها فواتير لا علاقة لها بكرة قدم، لذا تم التعامل مع الخسارة فيها بدرجة عالية من الحساسية، جعلت أمثال حجازي (ومين أديب؟) يسرفوا في استخدام الألعاب النارية وصراخ الرداحات، لتمر هذه الهزيمة بكل ما تحمل من «أجندة مجهضة» دون أي فحص أو مراجعة.
لكل فرد أن يعتقد في نفسه وفي دولته ما يشاء من العظمة.. ولكن يجب ألاّ يتم ذلك باستصغار الآخرين.. لا أحد يجادل في عظمة مصر ولا في تاريخها.. ولكن في المقابل لا يوجد شخص سليم الوطنية والوجدان يرضي - لمثل حجازي هذا - أن يضع سُمعة شعب كالشعب السوداني في صناديق القمامة..!
الذي يستمع لبرنامج الرجل يظن أن ما حدث بعد نهاية المباراة كربلاء ثانية لم ينجو منها أحد.. وليس تعرض عربة أو اثنتين خرجتا من خط السير المحدد لهما دون إخطار الجهات المختصة وتعرضهما لقذف بالحجارة..!
السلوك مُدان بكل المقاييس، ويجب على (فيفا) أن تُحاسب عليه الفريق الجزائري، ولكن ذلك لا يبرر ما قيل في حق الجهات المنظمة، التي لم تدخر جهداً في حماية البعثتين اللتين كانت ترتيبات مأكلهما ومشربهما ومسكنهما وأمنهما تتم من داخل مجلس الوزراء..! بإمكانك ان تسيئ لفرد.. ومن حقه أن يصفح عنك.. لاعتبارات تخصه.. ومن حقك أن تهاجم حكومةً ما.. ومن حقها أن تهمل ذلك لمصالح ترتجيها.. ولكن أن تسيئ لشعبٍ فذلك لا يُغتفر. لأنّ للشعوب ذاكرة مضادة للنسيان..!
|
دا واحد من الناس الاستبانو النصح عشية الغد ..
قلنا يازرك ....يعنى ما براك .....
لو اخدت ليك لفة فى البودر دا بتلقى العائدين كتار
ما تتحسس ..... حدنا المونديال بس
| |
|
|
|
|
|
|
Re: لمصر الياسمين و للحاقدين الرماد !! (Re: الوليد محمد الامين)
|
Quote: امين شنو ياخي طنشتنا !
|
يا وليد يا أخوي ما أنت البطنشوك ، لكن كان ما رديت علي محجوب و بت الشيخ الحاقدين ديل سريع ، بفتحو فيني بوستات ، ديل ناس ما مضمونيين !! الليله يا وليد واحد من الشباب رسل لي النشيد الوطني الجزائري في إيميل ، مبالغه !! نشيدهم الوطني ذاتو شرس !! كدي عاين لده :
قـــسما بالنازلات الـماحقات والـدماء الـزاكيات الطـــاهرات والبــنود اللامعات الـخافقات في الـجبال الشامخات الشاهقات نحن ثــرنـا فحــياة أو مـمات وعقدنا العزم أن تـحيا الجـزائر فاشهدوا .. فاشهدوا .. فاشهدوا نحن جند في سبيل الـحق ثرنا وإلى استقلالنا بالـحرب قـــمنا لـم يكن يصغى لنا لـما نطــقنا فاتــخذنا رنة البـارود وزنـــــا وعزفنا نغمة الرشاش لــــحنا وعقدنا العزم أن تـحيا الجزائر
نشيد يوقف شعر الجلد ! تقول لي الياسمين ؟!
| |
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
أووووووووو بوست الياسمين والفردة حبيب الكل أمين محمد سليمان صاحب المقولة المشهورة
Quote: يا ناصر نحن ناس ديمقراطيين ، شجع الدايرو بس ما بعدين ما تزعل لمن الجزائر تترشه |
الرش حصل بس ما للجزائر
يازول هاردلك والجاتك في بوستك سامحتك
نسيت اقوليك مساء الورد
| |
|
|
|
|
|
|
Re: لمصر الياسمين و للحاقدين الرماد !! (Re: عبد الناصر الخطيب)
|
Quote: يازول هاردلك والجاتك في بوستك سامحتك
|
يا زول هاردلك بتاعت شنو ؟! إنت ما كلموك ولا شنو ؟! نحن قلبنا زمان !
يا ناصر اشهد : نحن جند في سبيل الـحق ثرنا وإلى استقلالنا بالـحرب قـــمنا لـم يكن يصغى لنا لـما نطــقنا فاتــخذنا رنة البـارود وزنـــــا وعزفنا نغمة الرشاش لــــحنا وعقدنا العزم أن تـحيا الجزائر
| |
|
|
|
|
|
|
Re: لمصر الياسمين و للحاقدين الرماد !! (Re: Amira Elsheikh)
|
Quote: البوست دا دائماً فوووق يا جماعـة ..
|
حيدر الزين ....
دى مهمتى ومتغرغة ليها وحدنا جنوب افريقيا
شان تانى الناس تتدفق ياسمينها على الرهاب ...
<a href="http://www.sudaneseonline.com/cgi-bin/sdb/2bb.cgi?seq=post&board=250&msg=1258228089&rn=117" target=_self>Re: لمصر الياسمين و للحاقدين الرماد !!
من اجمل عناوين البوستات المرت على فى سودانيزاونلاين....
العنوان دا عايز تفكيك لانو معبر وموحى ويحمل الكثير من الدلالات وحنستعين بخبراء اجانب انشاءالله
| |
|
|
|
|
|
|
Re: لمصر الياسمين و للحاقدين الرماد !! (Re: HAIDER ALZAIN)
|
Quote: انعام عبد الحفيظ ستقول ..:
قشة ما تعتر ليك |
الطريفي ! ما لقيتك وقت الحاره والله ! ياخي أنا مزنوق لحدي ما حاسي عضامي مرقت ! البلد كلها شايله حسي و بهناك كمان الناس القاعده ساي فاتحين لي بوست لمن بقيت أفكر جادي أعتزل اللعب الدولي ! كنت قايلك من الناس البلقاهم في اليوم الأسود ده تجي تقول لي إنعام حا تقول ليك (قشة ما تعتر ليك) ! والله يا الطريفي وهبه طلع أحسن منك ! هسي ممكن تكفر عن سيئاتك كلها و تحنس لي أميره و حنين ، محجوب بحنسو براي ! كان القصه دي ما مقسمه وعندك لي حل تاني ، شوت لي إيميل سريع otherwise ياهو ببقي كلام إنعام ده (ياسمينه ما تعتر لي ) !
| |
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: ياخي أنا مزنوق لحدي ما حاسي عضامي مرقت ! البلد كلها شايله حسي و بهناك كمان الناس القاعده ساي فاتحين لي بوست لمن بقيت أفكر جادي أعتزل اللعب الدولي !
|
هههههههههههههههه
إنت البيوديك تتكلم مع الإناث الاستثنائيات منو
هسع حنين دي في حال نفسها ولا بتتكلم لا شئ مشيت جبت ليها النضمي وشادة ليها كفتيرة بتغلي جواها
اها كدة انا حنين دي ما بقدر احنسها ليك .. لو كشحتني بموية بتغلي اودي وشي تاني وين ..
إلا اميــرة الشيخ دي شوية كدة ممكن بس أدفع المعقول وقدم لينا عقد واوفــر اعلى من بتاع سارة على
السكتت ومشت نامت برضا تام بعد رشوتك
ـــــ اميرة ما تقولي شئ هسع لغاية ما نشوف العرض كيف
| |
|
|
|
|
|
|
Re: لمصر الياسمين و للحاقدين الرماد !! (Re: HAIDER ALZAIN)
|
امين والله حالتك صعبة
باعتباري من اوائل المتداخلين في البوست دا فأنا والله ما قايل القصة ح تنتهي بيك النهاية دي !
غايتو ، في قصيدة كدا لمحمود درويش فيها مقطع كدا بيقول ليك :
ياسمين علي ليل تموز .....
لكن ياسمين نوفمبر وديسمبر الجاي عليك دا ما سمعنا بيهو !
مع المودة .
| |
|
|
|
|
|
|
Re: لمصر الياسمين و للحاقدين الرماد !! (Re: HAIDER ALZAIN)
|
Quote: اميرة ما تقولي شئ هسع لغاية ما نشوف العرض كيف |
حيدر الزين ..
عرضك جا فى وقت كعب عدييييييييييييييل..
حنين قفلت بوستيها الاستثنائى داك وماعاد فى مكان اشتثنائى غير البوست دا
فبالتالى ما تعصر علنا شديد...
قول العرض ما نفع وخلينا نستمر فى فرد عضلاتنا لانو بتاع الياسمين دا لو ادينا
فرصة ما مضمون ...
اها رايك شنو؟
| |
|
|
|
|
|
|
Re: لمصر الياسمين و للحاقدين الرماد !! (Re: Amira Elsheikh)
|
Quote: قول العرض ما نفع وخلينا نستمر فى فرد عضلاتنا لانو بتاع الياسمين دا لو ادينا
|
يا ياسمينة ... اقصد يا اميــرة الشيخ
واصلي في الردم طواااالي ..
أصلاً الحبيب أميــن ما جاب عرض شكلو مستهون بيك ..
فما ترفعي منه ... وركزي على الياسمين بالله
ـــــــــ عاد اعمل ليك شنو يا أميــن قلنا نقيف معاك علا ما اديتنا اي ورقة ضغط
| |
|
|
|
|
|
|
Re: لمصر الياسمين و للحاقدين الرماد !! (Re: حسين نوباتيا)
|
Quote: للسودان الياسمين والرماد كال مصر وامين
عشان حركاتكم دي المصريين طالعين لينا في راسنا
تاني بتشجعوا مصر
|
بكري الجزائري ياخي إنت ما سمعت ب (التائب من الذنب ، كمن لا ذنب له ) ؟! أنا تبت توبه نصوحه ! خليك حنين و خش محضر خير ، القصه ما مستحمله !
| |
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: إنت البيوديك تتكلم مع الإناث الاستثنائيات منو |
يعني يا الطريفي دايرني أتكلم مع القاعدين ساي ؟! الاستثنائيين للإستثنائيات !
Quote: اها كدة انا حنين دي ما بقدر احنسها ليك .. لو كشحتني بموية بتغلي اودي وشي تاني وين |
إنت يا الطريفي وشك داير بيه شنو ؟! ياخي ده أبسط شي تقدمو لي في زنقتي المهببه دي !
Quote: إلا اميــرة الشيخ دي شوية كدة ممكن بس أدفع المعقول وقدم لينا عقد واوفــر اعلى من بتاع سارة على
|
أميره الشيخ و محجوب علي ديل ناس عندهم قضيه عديل ، مناضلين فيني بعيد عنك ، لكن الله في !!
---- يا الطريفي ما بتعرف ليك فكي كاااارب يخارجنا من القصه دي ؟!
| |
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: حنين قفلت بوستيها الاستثنائى داك وماعاد فى مكان اشتثنائى غير البوست دا
فبالتالى ما تعصر علنا شديد...
|
خلاص يا أميره ، لو ده بحل المشكله البوست ده ذاتو نقفلو ! (اخوكو مزنؤ ) !!
Quote: قول العرض ما نفع وخلينا نستمر فى فرد عضلاتنا لانو بتاع الياسمين دا لو ادينا
فرصة ما مضمون ...
|
إنتي في الأول أسمعي العرض ، كان ما نفع بعداك افردي عضلاتك . بعدين أنا والله ما داير لي عضلات ، مداخله واحده ممكن تنتهي مني ظاهر باطن !
--- Ayez la pitié de dans la terre دي بالفرنسي يعني : ارحمو من في الأرض !
| |
|
|
|
|
|
|
Re: لمصر الياسمين و للحاقدين الرماد !! (Re: عبدالوهاب علي الحاج)
|
Quote: هوي يا بتاع الياسمين انت تعال خم الرماد لنارك الطلقتها دي هنــأ نديدى عبد الوهاب الحاج ....هاااك صورتك الخايف عليها!
____ شايفك مكبر اللفة احي انا ما قتو نوبة |
امممممممممممم...
ما يا وهبــة مزنوق شديـــد ..
أو صاحبي اميـــن حا تزيــد محنو زيادة ويقوم وهبة يديهو رشة رشتين ...
غايــتو أنا اتمني تكون الثانيــة - فوهبة الفيهو مكفيهو وامين جمل شيل -
| |
|
|
|
|
|
|
Re: لمصر الياسمين و للحاقدين الرماد !! (Re: صلاح ليون)
|
Quote: امين والله حالتك صعبة
باعتباري من اوائل المتداخلين في البوست دا فأنا والله ما قايل القصة ح تنتهي بيك النهاية دي !
|
يعني أنا الكنت قايل ؟! يا وليد أنا ربنا سلط علي بذنوبي من لا يخافه و يرحمني !!
Quote: غايتو ، في قصيدة كدا لمحمود درويش فيها مقطع كدا بيقول ليك :
ياسمين علي ليل تموز .....
لكن ياسمين نوفمبر وديسمبر الجاي عليك دا ما سمعنا بيهو !
|
تعرف أنا من ما الكوره إنتهت بقيت أشوف الحاجات ياسمين ياسمين و الريحه رماد ساااي ! كدي يا وليد ما تحاول لي في موضوع الوساطه ده ، و صدقني عمل الخير أصلو ما بيقع الواطه !!
| |
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: شايفك مكبر اللفة احي انا ما قتو نوبة |
يا أخوانا اسمحو لي أرد علي والدي العزيز ده أنا يا والدي العزيز زول إستثنائي بتاع ياسمين ساي ، الحروب دي والله ما بقدر عليها ، أدونا ياسمين ولا كلام إستثنائي لرجل إستثنائي بجي بتونس معاكم إنت و هشام ، لكن شكل و مشاكل : والله ما بقدر عليها و بعدين صحتي ذاتها بقت ما بتسمح ، بالكتير كده ممكن أديكم الفاتحه و الإخلاص حداشر مره !
| |
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: قوم لف يابشير احمد
|
والله بالجد قوم لف يا بشير ! يعني أنا زول حيوان ساي ، فاتح بوست و ياسمين و رماد و كلام فارغ كتير ، لو كنت جيت اتكلمت معاي إنو يا أمين كلامك ده أعوج احتمال كان غيرت رايي ، لكن تجي تزين لي الباطل و تشبكني ( مصر و بس ) و تخليني سادر في الغي ، بالجد تقوم تلف !
| |
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: اه مشيت عزومة الجزائريين ؟ انشاءالله تكون شلت معاك شوية ياسمين بالمناسبة عاوز لي شوية رماد يااخي رمادنا خلص |
أوووه محجوب الحاقد !! ما مشينا لسه ، يوم السبت الجاي إن شاء الله ، حقو الزول يصورها ليكم ! الذ حاجه عبدالحميد الجزائري ده عندو ولدو يكون عمرو حداشر اتناشر سنه جا صلاة الجمعه لابس تراك سوت كامله حقت الجزائر و شايل العلم و راسم وشو كلو بعلم الجزائر ، يعني ده لو في زول كلمو بي و ببوستي ده أخوك كان ممكن يتقسم لاجزاء كتيره جدا !
| |
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: هوي يا بتاع الياسمين انت تعال خم الرماد لنارك الطلقتها دي
|
يعني يا والدي العزيز الحاصل هنا ده ما مكفيك ؟ جاي تتبله علي كمان ؟ علاقتي شنو أنا بالبوست ده ؟! غايتو لمن تتصالحو إنت و نديدك أدونا خبر نجي ننثر ليكم الياسمين أكوام أكوام !
| |
|
|
|
|
|
|
Re: لمصر الياسمين و للحاقدين الرماد !! (Re: Amira Elsheikh)
|
ان مشيت علي الشارع محمود درويش
ان مشيت علي شارع لا يودي الي الهاوية قل لمن يجمعون القمامة: شكرا!
ان رجعت الي البيت ،حيا، كما ترجع القافية بلا خلل ،قل لنفسك : شكرا!
ان توقعت شيئا وخانك حدسك ،فاذهب غدا لتري اين كنت ، وقل للفراشة : شكرا!
ان صرخت بكل قواك ، ورد عليك الصدي ((من هناك ؟))فقل للهوية: شكرا!
ان نظرت الي وردة دون ان توجعك وفرحت بها،قل لقلبك : شكرا!
ان نهضت صباحا، ولم تجد الاخرين معك يفركون جفونك ، قل للبصيرة : شكرا!
ان تذكرت حرفا من اسمك واسم بلادك ، كن ولدا طيبا! ليقول لك الرب : شكرا! ـــــــــــــــ دي عيدية ياامين الياسمين وحانسودن القصيدة بعد انقضاء هدنة العيد وعلي اخوة الرماد المساهمة في القصيدة اعلاه
| |
|
|
|
|
|
|
Re: لمصر الياسمين و للحاقدين الرماد !! (Re: MAHJOOP ALI)
|
Quote: وعلي اخوة الرماد المساهمة في القصيدة اعلاه |
محجوب ..... يااخوة الرماد البوست دا اتعاهدنا انو يكون مرفوع الراس دائما؟
يعنى اغيب لى يومين القاهومشى الصفحةال100
ياجماعى همتكم معانا
كل سنة وانت طيب ياخ وربنا يحقق امنياتك يااخو الرماد
| |
|
|
|
|
|
|
Re: لمصر الياسمين و للحاقدين الرماد !! (Re: Amira Elsheikh)
|
أنا من الحاقدين البيحبوا الياسمين
وضدها أتقدم إلى القارئي الكريم بأهزوجة كتبتها رغم إني لست شاعراً وهي أهزوجة تلحن قراءتها على إيقاع "الواحدة ونص" .. وليس سواه وهي تعديل هزج مصري أصطنعته يوم قتلت جمهورية مصر العربية عشرات من لاجئي السودان في القاهرة في 30 -12-2005...
وهي أهزوجة حزينة
لمناسبة حزينة
فأديها للشباب
يغنوها
في التصابيح
أو في العصاري
والأمسيات
أو تحت المصابيح
في البيوت
وبعيداً عن القيود
في المقايل أو الرحلات
وفي العربات الواقفة
وليالي السمر
أو بعض آخر من المناسبات
وكذلك أيضاً
في إجتماعات البنات
أو
قبل النجوم
والحبور
يجدعوها للاطفال
أو للطيور
أو في فيلم يوتيوب يختوها خلفية
وفي المقدمة
يجيبوا بنات دارفور والجنوب الصغار ما بين عمر 10 و08 سنين
في ميدان -مصطفى محمود- في المهندسين
وهم باسمات ثم مخلوعات قبل نزول الهراوات والدباشك والبوتات
قبل ما ينختم الفيديو بصور الجثث والدماء على الأرض
وروح الجنود والضباط المصريين المعنوية تطاول السماء!!
وحولهم أهل الحي وكل الجدعان
بيهتفوا تحيا مصر
ياريت عشان الأخوة
يجمعوهم(=أهل حي المهندسين وكل الجدعان)
في حلقة تلفزيونية
مصرية أو سودانية ...
لا يهم
فالإرسال أمريكي ... بنظامين
علماني متروم وإسلامي متروم
تجتمع الحلقةوأهل مصر وضيف سوداني ثقيل الدم
حول الشاعر المبدع عزمي أحمد خليل
ليستمعوا
في إعجاب
إلى
قصيدته العصماء
حبيبة القلب
المسماة (مصر للسودان شقيقة)
.. تخيل..
ثم بعد نهاية التسجيل وإنصراف الضيوف
يصوروا ونشوف
على طريقة الكاميرا الخفية.....
كيف المصريين
فيما بينهم
سيضحكون عليه
ويشبعون من التريقة عليه
وعلى ....
في المساء
قال شقيقة للسودان ؟؟!!
تقول الأهزوجة:
هه هه ها
آه آه آه
يا الشعب المصري! يا الشعب المصري!! يا الشعب المصري!!!
فينك ؟ فينك؟
مع بعضك يعني؟ حب تقييل وبيبسي وشيبسي وحج وعيد وإسرائيل
وزمان الروح الحلوة ف دمك بقت تستهر باللاجئين
هه هه ها
يا سكان المجاورين ! يا سكان المجاورين! ما الأرض العرض إتباعت للمستثمر والصرف حزين
فياسكااان القرافة ياسكااان القرافة ما أهل البنك والإستثمارات الهانم تركي والواد الجينز أبونضارات جابوا الجيش وهدوا البيت بالجرافات
طيب هه ها وتيت تيت يا مهندسين
إحنا نقاوم مع عبدالعاطي (صياد الدبابات) أمن الدولة الندل الفاشي وندين السفلة العسكريين حماة العهرة في سينا واللي في مصر قُتال اللاجئين
هه هه ها
ميدان فاضي ميدان فاضي بيزنس طالع وبيزنس ماشي
فياعبدالعاطي:
إطلع منهم إطلع منهم
وري الناس الناس لو كنت حقيقي حقيقي إيه هم المصريين المصريين!!
هه هه ها
من سينا للسويس قسماً عظماًع السمسمية والميز
الجيش المصري مطاطي والشعب المصري حزين
هه هه ها
إخوان الملك الفاشي ياحسن الشيخ يادلاهة
هتكوا العرض وضربواالطفل لفرش الأرض لصلاة العيد؟
دا إسمه كلام ياحسن البنا؟؟
تيت تيت يامهندسين
ظاظا يا ظاظا يا ظاظا
ندامة الإخوان حكام السودان يدوا العافية يدوا العافية للوسي وحسني وشكري وعادل إمام
مال مال مال
بس مصر هي مصر:الطلبة والعمال طنطا وبسطة ومحلة وكفرالشيخ وبنها، سواري، وملوي، وقلتة وقنا، وبني مر وبني مزار
فيا ندامة الإخوان حكام السودان وسط المهندسين
تيت تيت يامهندسين
النار الولعت فينا حتولع نهر النيل
والدم السال في جنينة من طفل دايخ كالي حيغطي السد العالي و يسم المصريين
ظاظا ياظاظا ياظاظا
في مجلس زينهم ينتهو اللغو الفاضي بين إبنه جمال وعلاء وحديد العز ويوسف والي
آلي آلي ألي
آل وآل وآل العادلي قال؟
عجين فلاحة بلبس الكاكي عجين فلاحة بلبس الكاكي؟؟
هه هه ها
أمة عمرو بن العاص بتاكل الحصحاص والنيل متعبي إزايز للسياح
هه هه ها
آل وآل وآل.. القرن العادلي قال؟ عجين فلاحة بلبس الكاكي كاكي ياكاكي كاكي غور عبد العاطي أرضه نشفت بور بور بور
نشفت ميه ونور وجنب السد ومن غير نور؟؟
الميري للميري والجمعية للمأمور والمأمور للدبور والدبور يامسرور حجزوا على المفتوح طيارة تطير من زينهم وتحط في باريس ما دام البنك الأهلي المصري صار فرع رمزي ورسمي لبنوك إسرائيل
هه هه ها
آل آل وآل
من حكاية طلعت والسادات لحكاية إبن حسني جمال
آل آل وآل
الهرم الحلو الفاضل من أخناتون القطري على الواحدة ونص لشريفة فاضل
آل وأل وآل
في الليل الهادي وقمر الدين ماسبيرو المايل لمتولي... واخد موقف ديني ..ضد مين ؟ ضد .."درية شرف الدين"!!؟؟
هه هه ها
لكن ما دام تمويله سعودي-فاسي أكيد حيودي في داهية الرأي الحر الواعي
من زمااان إنقلبت جلابيتوه من خالد خالد ياجمال ليعيش يعيش عمرو خالد!! بالذمة دا اسمه كلام قرداتية بحق وحقيق
يا زهرة البستان يا زهرة البستان: من سينا لغاية أسوان خشخاش لاظوغلي مولع من"السـعـد" لـ "الريـــآن"
فكل نقابة كمشيش غابة وكلاب وديابة بإسم نيابة تودي نيابة نهبوا الحق المصري العام
هه هه ها
آل وآل وأل
إعلام مصر الكداب قلب الوضع فـ السودان على مصر الكانت زينة
وبهتك العرض ف الميدان صار الحزب الوطني يا حزني وطني بعِلم الأمريكان
هه هه ها
سي سي ياسوزان شفتي الرجم في الميدان وزغزطتي لعساكر مصر ولا مزغرطييش ولأفغانة مصر ورجالة مصر وبنات الجزيرة وكل اللي حدفوا الطفلة فاطم من دارفور الزرقة، الناشفة، العضم لحد الموت بإزايز البيبسي لحد الموت بإزايز البيبسي
بيبسي يا بيبسي يا بيبسي
وف الأب الصارخ نازف عسكر حسني مبارك بكعب الدبشك نازل يقتل بإسم الايه؟
الأمن.. القومي.. المصري الأمن ….القومي… المصري!
هه هه ها
وهو بيحيي في التطبيع! وفي إمريكا!؟ الباشا حسني يا إبن الإيه عارف إن الـسي أي إيه... في شارع خيرت في لاظوغلي!
هه هه ها
ظاظا ياظاظا ياظاظا
ياشارع الفراعنة
متين توقيع لأجل الإذن والتصريح لإبن كسيح بزيارة عمو اسلام في التحبيس
والجاسوس عزام عزام بياخد شمس في أسوان آخر ألاطة ومنجة وحاجة تمام لانه صريح لانه صريح ولأنه شيك آل: إيه الفرق يينوا وبين الريس في التسليك؟
حقيقي سؤآل
ماهو بيبيع في القرنة وهو بيبيع في الشام!؟
ينادي ينادي في الأروام، ينادي ينادي في الأروام يبيع البنك ويبيع القطن وبيع العيش الذهبي، ويشد الراديو يشد الراديو يشد الراديو قالك إيه قالك إيه: الأمن... القومي ...المصري..!!
حتة وااحدة؟!
ده اسمه كلام؟
.. دول حتة لاجئين؟؟!!
هه هه ها
بس البيزنس يمشي للأخر من ساحة نصر لساحة مصر
الساحة الأولى في مصر يا عبد الناصر، تحت القبة، شارع المجلس خدها بيزنس إسرائيل
هه هه ها
ما القناة إتباعت يا فرغلي!! ونشاًً ونش.. والكراكات .. والسكة حديد، وزيت النفط ، وطلمبة مصر ، وعربية نصر ،
بيب بيب والقصب المصري والقطن المصري والفول المصري وحتى المش ودود المش
وكل مصنع الطيارات ف حلوان ونهضة مصر وحتى الجامعات والمية والكراسات والكهرباء ومصانع الحديد والألمونيا والأسمنت باعوها طب فين هو الأمن القومي المصري دا ؟؟؟؟
هه هه ها
بيب بيب ... يا جمال أرض مصر عرض مصر أرض مصر ياجمال عبد الناصر مع خالص حسني وحزني دلوقت بتتكلم بزنس عبري والبنك المركز ف تل أبيب بيب بيب بيب
هه هه ها
ظاظا يا ظاظا
قال قتلوا الأسرى قال !!؟؟
يادم سوداني في مهندسيــن..؟؟؟
هه هه ها
ياسوزااان سيبك منو أكمنو حزين في آخر سنه وإنتي راعية طفولة مصر
راعية الثقافة ياسوزان قوليلي نوريني يا ست مصر الأولى
هي العَملَة دي مش جزء من ثقافة مصر ؟؟!!
ولا من بلطجة الحكم والتزوير؟
هه هه ها
يازهرة البستان في مجلس الخردة شفت رفعت السعيد الوله مصطفى بيسأله: الحس الملكي فين؟ أخ.غِلط،. قصدوا إيه؟ اقصدوا الحس الطبقي فين؟
هه هه ها
ما الشعب المصري حسن وسعيد
بالجرايد يشتم إحتلال فلسطين
وبالجرايد يرفض غزو غزة وفي التلفزيون يرحب بإسرائيل وفي الحديد يحط الفلسطين
هه هه ها
الحق يتقال بعد حدتو راحت في الادراج وفي الإوبريج وصراع حراس الملك السابق وملوك الحرس الحاضر على خطب ود رأس المال في المقاولين العرب وبنوك التنمية الشعبية والمناطق الحرة وبزنس التهريب وبزنس التهليب وبزنس البنوك وبزنس إسرائيل مع بزنس علاء وجميل
البطل النيل واحد
أحمد نبيل
وهو واحد... قول إتنين تلاتة .. أربعتلاف!! مش ممكن حيغطوا فضيحة مصر بحالها لما الأمن القومي المصري يقتل متين طفل وأم وأب وعيال
مصر كلها إلا حتة أو حتتين لا حد فيها صرخ بدي آذية ولا أم جمعة صوتت !! ولا المدام الصغيرة بكت في أوضتها!! ولا قصيدة م الأبنودي أو حجازي!! أو واحد بيه محترم إنتحر م الذنب!! ولا حتى واحد إخونجي قام بعد صلاة العيد في الميدان قال: يا حرااام!!؟
بس بيني بينك كدا مش هم الإخونجيةاللي غطوا ضرب الأمن قالوا: السوادنة لازم يمشوا عشان الميدان يفضى للصلاة ؟؟
مش ليه حق في اللي عملوا عزام عزام في المحكمة الكبيرة لما بال على العدل في مصر ولا حدش قدر يكلموا؟
ما دام شيخ عاكف قبل الحج بعتذر قوام مع إنو مش لاجئي وصاحب حق بس هو عرف إيه؟ الوضع القرءآني لمصر
ماهو يعرف إن ربنا عارف فذكرها في القرءآن بكل سوء وإفتح إقرأ يا جاهل: يهود، وبصل وتوم، وإمرأة عزيز، وفرعون، وقتلة يوسف ربنا مذكرهاش بحاجة واحدة تفتح النفس. وربنا يستر دي فلوس الشيخ متولي فتحت ملهى
هه هه ها
ظاظا يا ظاظا
بس الآن فسطراً سطر دم العيال يبكي ساعة صلاة العصر وفاة الحق في إذاعة مصر
الأخت الكبرى
ها!؟ ... مصر رص عرص رص
لو كنت حقيقي ماتشتمنيش! إعمل حاجة لرفعة مصر
هه هه ها
فالزيف الكامل كله يالنبوي يا إسماعين غير إسمه لمصر
هه هه ها
وما تشتمنيش.. لو كنت حقيقي حقيقي إعمل حاجة
قوم إتكلم إرفع راسك إرفع صوتك حرر نفسك قول لمبارك: "لا"
هه هه ها
لو إنت صح؟ إجهر بالحق قول للعادلي يا "مجرم" و للريس نفسه ع الموجود في السودان وإهتف ضده بكلمة حق: "عميل"، "مجرم سلم"، أو "مجرم حرب"
تقدر؟
هه هه ها
فينك إنت
وفينك هي مصر؟
هه هه ها
عشان كده ربنا مؤزيكو بالضعف
وحيهد مصر زي ما بياخدها كل يوم تحت تحت من مارينات العهر في طابا إلى مكلمة (الشعب)
هه هه ها
وف ديك الساعة:
الوله كراوية والوله محمود والبنت ناديةاللي مش لاقية شغل حيلموا عزالهم ويروحوا واحد واحد سودان المية، والأرض، العيش النضيف واللحمة، والدهب والنفط سودان الحق
هناك ... هه هه ها لا إخوانجي ولا لاظوغلي
إحنا هناك قاعدين وتيت تيت يامهندسين
إخص يا مجرم
ساكت اخرس و كاتم الحق
إخص يا كلب
هه هه ها
تيت تيت يامهندسين
حراجي القط إبن الكلب قال:
خشخاش لاظوغلي مولع وبيهد المصريين.
وخشاش ماسبيرو مولع وبيهد المصريين.
وخشخاش طنطاوي مولع وبيهد المصريين.
هه هه ها
ظاظا يا ظاظا ياظاظا
والحب للياسمين
-----------
قديما أكد حضرة الريس اللي فات قال : طلعت مابستوردش البتاع أو الصنف ... طلعت بجيب صاجات و(بس)
ولكم التقدير
المنصور جعفر
| |
|
|
|
|
|
|
Re: لمصر الياسمين و للحاقدين الرماد !! (Re: Al-Mansour Jaafar)
|
سلام علي أخوة الرماد و كل سنه و الجميع بخير يا أخوانا أنا معيد في غربه و برد لا يعلم بها إلا الله ! لي أكتر من تاشر سنه ، كل سنه أحلم بإنو بإنو ده آخر عيد لينا هنا ، لكن زي ما قال كجراي عليه من الله الرحمه و الرضوان : يمر العام تلو العام لا الأحلام تصدق لا ركام الهم يسقط من حساباتي ! فيا أخوه الرماد : ما ممكن تكونو علي إنتو و عيد الغربه ! و أنا شايف إنو نحاول نحل الموضوع ده بصوره وديه ، لانو شايف بقت في قصايد و وأهزوجات و ساحات لفرح نور و جمل للحزن ممشي !
| |
|
|
|
|
|
|
Re: لمصر الياسمين و للحاقدين الرماد !! (Re: عبد الناصر الخطيب)
|
Quote: سلام علي أخوة الرماد و كل سنه و الجميع بخير يا أخوانا أنا معيد في غربه و برد لا يعلم بها إلا الله ! لي أكتر من تاشر سنه ، كل سنه أحلم بإنو بإنو ده آخر عيد لينا هنا ، لكن زي ما قال كجراي عليه من الله الرحمه و الرضوان : يمر العام تلو العام لا الأحلام تصدق لا ركام الهم يسقط من حساباتي ! فيا أخوه الرماد : ما ممكن تكونو علي إنتو و عيد الغربه ! و أنا شايف إنو نحاول نحل الموضوع ده بصوره وديه ، لانو شايف بقت في قصايد و وأهزوجات و ساحات لفرح نور و جمل للحزن ممشي ! |
كلنا فى الهوا سواء ....
العربى الكبيتو فوق دا ما بقسم معانا لاننا كلنا فى غربة وقافلة معانا
يعنى اسى لو كنا فى بيوتنا ولا ضابحين ولا فى ناس داخلة ومارقة بتبارك العيد كنا فضينا ليك؟
حدنا المونديال ..
| |
|
|
|
|
|
|
Re: لمصر الياسمين و للحاقدين الرماد !! (Re: MAHJOOP ALI)
|
امين النوتة كل عام وانت طيب وربنا يرد غربتك وغربتنا جميعا والله كنت بفتش للبوست دة بكراع (كلب) بس ما حق عصام جبر الله والحمد لله فى اخوة مرابضين عاهدوا انفسهم الا يضمحل هذا البوست ابدا النصيحة كدة الايام القبل المباراة مريت كدة على البوست دون ان ادخله وبصراحة صدمنى العنوان لانى باعتبر اى سودانى اتيحت ليه فرصة الحياة خارج السودان والاحتكاك بالثقافات التانية بيكون محصن من الوقوع فى فخ مصر يا اخت بلادى والخرافات تلك وكدة والله يا امين انا الخمستاشر سنة الفاتو لو قلت لى ضيعتم فى شنو اقول ليك بادرس واحلل فى نفسيات وسلوك المصريين وعليه وعزة الله كان ممكن اكتب ليك السيناريو الحصل دة بالكربون حتى من قبل المباراة مش لانى حاوى او بعاتى لكن لانه الحصل دة نحن بنشوفه يوميا وعشان كدة اتعلمنا اساليبهم لكى نعاملهم بيها لما اتحيروا يعنى مثلا يا امين فى الشغل لو اتقنطرت لى فرصة افور فيهم واحد .. مابشاور نفسى ابدا التعميم مخل الا فى حالة المصريين
| |
|
|
|
|
|
|
Re: لمصر الياسمين و للحاقدين الرماد !! (Re: MAHJOOP ALI)
|
كل سنه وانتو بخير: أمين - الوليد - أميره - محجوب - وكل المرور بالبوست ..
لكن والله انتو حقارين يعني في مية بوست اتفتحوا قبل المباراه بنفس الفكره , ليه بس أمين ده مسففينوا الرماد كده؟
أرفعوا شماتتكم عن أمين, لأمين الياسمين وللحاقدين الرماد ..
بس يا أمين برضو اسمح لي أبدي اعجابي بالمداخله دي :
Quote: وعزة الله كان ممكن اكتب ليك السيناريو الحصل دة بالكربون حتى من قبل المباراة مش لانى حاوى او بعاتى لكن لانه الحصل دة نحن بنشوفه يوميا وعشان كدة اتعلمنا اساليبهم لكى نعاملهم بيها لما اتحيروا التعميم مخل الا فى حالة المصريين |
يللا ياجماعه واصلوا يرحمكم الله: مع أمين حتي المونديال
| |
|
|
|
|
|
|
Re: لمصر الياسمين و للحاقدين الرماد !! (Re: Amany Elamin)
|
Quote: يااحمد كدي انت اديت امين الياسمين ذخيرة رمادية حية هسه نحن الحاقدين ديل نودي وشنا المرمد دا وين؟ |
والله يامحجوب ان بقى كدة يكون مكسب اهو نكون وقفنا مع اخونا امين وهو زول دفعة الا شويتين كدة ناس دفعات اواخر التمانينات ديل ليهم معزة خاصة لكن قول لى ليه رأيك بقى متطرف كدة ضد الجماعة ديل اقول ليك للى شفته منهم خلال السنين فى بداية التحاقى بعملى الحالى كان معاى زميل مصرى ظاهريا يبدو عليه الاحترام واستعداده للصداقة والزمالة ولكن فى اول لفة بتقع الاقنعة وتظهر الرزائل كلها المدير كان سودانى تربطنى به صداقة لازالت ممتدة حتى الاسر والمعارف كان دايما يفضل الزميل المصرى فى التكليف والحوافز ودى نحن بنسميها درء الشبهات والمفروض المصرى يحفظ له هذه المعاملة الخاصة الا انه كان دايما يصطاد المجاملات المشروعة التى يقوم بها المدراء لبعض العملاء المميزين وهى من ناحية لوائح لا تجوز ولكن الكل يستخدمها لتيسير العمل دون المساس بالشرف والامانة - كان يوثق هذه المجاملات للرجل الذى اغدق عليه من اموال الحوافز ما لم يكن يتصوره فى يوم وقام باخراج هذه الوثائق ذات يوم عندما وجه اليه مديرنا لفت نظر فقط رد عليه برسالة بلغة عربية ركيكة مع ارسال صورة منها الى كل مسئول فى الادارة العامة ولكن ردت اليه بضاعته لمعرفة الكل باخلاق وسمعة مديرنا السودانى والاسلوب دة يامحجوب ينتهجه كل المصريين الذين قابلتهم فى العمل دون استثناء
| |
|
|
|
|
|
|
Re: لمصر الياسمين و للحاقدين الرماد !! (Re: احمد التجانى احمد)
|
Quote: يا جماعة خلاص امين دا قال الروب عشان كده انا بقترح انو بمناسبة العيد السعيد دا ارخو ليهو الحبل شوية خلوهو ياخد ليهو نفس نفسين
|
يا بكري يا أخوي ... ياخي أنا قلت الروب من تاني يوم للكوره و سلكت كل السبل عشان أشوف حل يرضي الحاقدين أميره و محجوب ديل ، قعدت ليهم في الواطه ، و وسطت ليهم ناس و علقت صوره بوتفليقه في بروفايلي ! ياخي أنا نضمت فرنسي عديل ! و الموضوع بيكبر كل يوم ، شي قصايد و شي فيديوهات ، ياخي أميره بتفك فيني الم العيد في الغربه ! أي حاجه بتتعمل عملتها لكنهم زي ما قال مصطفي محمود ( ما أتو لحوار ... ) خايف أعمل ليهم التجاهل ...التجاهل ...التجاهل يقومو علي زياده ، والله اللسوي غلبني ! المشكله التانيه : العنوان مضلل و مافي زول بيقرا البوست ، يعني كل ما البوست ده يترفع ساي : بشاشا بتململ في سريرو ! الله يرضي عليك شوف لينا دباره !
| |
|
|
|
|
|
|
Re: لمصر الياسمين و للحاقدين الرماد !! (Re: Amira Elsheikh)
|
Quote: الوليد بما انك اخو رماد يدك معانا ولا تاخدك رأفة بامين ......
|
اميرة سلامات
والله انا امين دا اخدتني بيهو الرأفة من ما الحكم صفر !
بعدين ياخي الزول واحد من قليلين جدا من الجماعة التانيين الكان موضوعي وروحو رياضية !
اها يا اميرة بعد كدا خت صورة بوتفليقة !
ياخي دي الحاقدين كلهم ما عملوها : اكترهم حقدا ختوا علم الجزائر !
غايتو انا رائي الموضوع دا نوصلوا 3 صفحات ونسقف علي كدا !
مع كامل المودة .
| |
|
|
|
|
|
|
Re: لمصر الياسمين و للحاقدين الرماد !! (Re: الوليد محمد الامين)
|
Quote: والله انا امين دا اخدتني بيهو الرأفة من ما الحكم صفر !
بعدين ياخي الزول واحد من قليلين جدا من الجماعة التانيين الكان موضوعي وروحو رياضية !
اها يا اميرة بعد كدا خت صورة بوتفليقة !
ياخي دي الحاقدين كلهم ما عملوها : اكترهم حقدا ختوا علم الجزائر !
|
الحاقدين يا دكتور إغتالو في داخلي الإنسان ! من ما الله خلقني ما شفت لي ناس لا بحنو لا بخافو قدر أميره و محجوب !
Quote: غايتو انا رائي الموضوع دا نوصلوا 3 صفحات ونسقف علي كدا !
|
الله يرضي عليك يا دكتورخليهم يسقفو هسي !
| |
|
|
|
|
|
|
Re: لمصر الياسمين و للحاقدين الرماد !! (Re: الجيلى أحمد)
|
Quote: والله يا امين انا الخمستاشر سنة الفاتو لو قلت لى ضيعتم فى شنو اقول ليك بادرس واحلل فى نفسيات وسلوك المصريين وعليه وعزة الله كان ممكن اكتب ليك السيناريو الحصل دة بالكربون حتى من قبل المباراة مش لانى حاوى او بعاتى لكن لانه الحصل دة نحن بنشوفه يوميا وعشان كدة اتعلمنا اساليبهم لكى نعاملهم بيها لما اتحيروا يعنى مثلا يا امين فى الشغل لو اتقنطرت لى فرصة افور فيهم واحد .. مابشاور نفسى ابدا |
Quote: لكن قول لى ليه رأيك بقى متطرف كدة ضد الجماعة ديل اقول ليك للى شفته منهم خلال السنين
|
Quote: التعميم مخل الا فى حالة المصريين |
أحمد التجاني يا هندسه ، ياخي كل سنه إنت و الجميع بخير و صحه و عافيه و أسف جدا علي التأخير في الرد عليك . والله يا أحمد لو قلت ليك أنا مصدوم في المصريين كيف ما بتصدق ، رغم إنو تشجيعي ليهم ما كان عندو علاقه بيهم كدوله أو شعب ، الموضوع كان بالنسبه لي كوره لا أكتر لا أقل ، أداء الفريق المصري في دوري القارات أقنعني إنو لو وصلو كاس العالم ممكن يمشو لقدام فيهو أحسن من الجزائر و شجعتهم علي هذا الأساس ، في نفس الوقت استنكرت تنميطنا نحن السودانيين ليهم و التشجيع ضدهم بناء علي التنميط السالب و الظالم في تقديري . ما بتفق معاك في إنو (التعميم مخل الا فى حالة المصريين ) ، التعميم مخل في كل حاله بدون إستثناء خاصه لو إنت بتتكلم عن 80 مليون بني ادم ، ممكن تكون في سمه غالبه لكن ما ممكن نقول المصريين كلهم زي زولك الضربت بيه مثل ده . في تقديري إنو في إختلاف كبير جدا في ال culture بينا و بينهم و أديك مثل عشان أوقع ليك كلامي ده : الجماعه الجابهم عمرو أديب ببكو و بصرخو (الحقونا) و (نحن بنموت ) و الكلام الني ده غير إنو كذب ، كلام ما بتقال حتي لو كان حاصل ، يعني ديل لو أي عشره ولا عشرين سوداني محاصرين في حته كانو علي الأقل ضاربو الناس ديل ، و لو ما ضاربوهم لانو المحاصرنهم ديل ميات ولا آلاف ما حا يضربو تلفونات للتلفزيون (واي واي الحقونا ) لانو دي عندنا أخير منها الموت ، لكن في عرفهم و ال culture بتاعتهم الكلام ده ما فيهو حاجه ! نحنا حكمنا عليهم بإنهم جبناء و خايبين بمقاييسنا نحن للجبن و الخيابه ما بمقاييسهم هم ! و ممكن تقيس علي كده في بقيه الحاجات . نحن كسودانيين لمن نمشي مصر بنتعامل مع حثاله مجتمعهم - إذا جاز التعبير - البواب و بتاع التكسي و البياعين في الدكاكين و نجي نسقط صفات الناس دي علي المصريين ككل ، ما أفتكر دي عمليه سليمه . أتفهم تماما إنو تجربتك الشخصيه مع المصريين في ال 15 سنه القلتها دي ولدت عندك إنطباع سالب عن الناس دي ، لكنها في النهايه بتبقي تجربه شخصيه ، أنا القدامك ده تجربتي الشخصيه معاهم غيرت لي المفهوم الجيت بيهو عنهم من السودان و برضو بتبقي تجربه شخصيه ما ممكن أقول كل المصريين بمستوي من عرفت و تعاملت معاهم هنا . لك الود يا صديق و لو أخوان الرماد كانو خلو لي ياسمينه ياسمينتين ، والله ما كنت بخلت بيهم عليك !
| |
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: الحاقدين يا دكتور إغتالو في داخلي الإنسان ! من ما الله خلقني ما شفت لي ناس لا بحنو لا بخافو قدر أميره و محجوب ! |
الانسان العادى الزينا دا ولا انسان استنائى??
الوليد عليك الله ماتخلى قلبك رهيف ومابقدر على هبة الياسين دى >>>>كان ادوك رشوة كلمنى اواصل الترمد دا براى...
وبعدين ماثثق فى امين دا شديد كدا...بالله زول اتنازل عن فريق شجعو ببساطة كدا نحن نثق فيهو كيف?
| |
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: ياجماعة خلونا فى الموضوع الأصلى.. |
بالله يا الجيلي ده الربنا قدرك عليه ؟! والله الواحد قايل عندو أصحاب ! ياخي بدل ما تزح الناس دي تقول خلونا فى الموضوع الأصلى ؟! وينو هو الموضوع الأصلي ؟! الناس دي مستمتعه بحفله شواء أدمي لاخوك* تقول ليهم خلونا فى الموضوع الأصلى ؟!
----- التعبير لاخونا عادل عبدالعاطي
| |
|
|
|
|
|
|
Re: لمصر الياسمين و للحاقدين الرماد !! (Re: صلاح ليون)
|
Quote: امين يا صديق اظن من حقك بعد كدة ترفع قضية لحقوق الانسان ضد بت الشيخ ،،، دا اذي نفسي جسيــم البتمارسو فيهو معاك |
يا الطريفي أميره الشيخ القضايا ما بتمشي فيها و لا بتهز فيها شعره ، أنا قضيتي إلا أرفعها لل(لا نام و لا أكل الطعام ) !
| |
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: أنا في رايي إنك تعتذر يا امين ياخي كلنا بنغلط وانا بكلم ليك اميرة دي تسكت عنك انت ما ناقص جبهات قتال .. خليك بي هناك |
يا ليون ياخي أنا من ما الكوره إنتهت و أنا بعتذر ! أميره و محجوب ديل القاصدهم مصطفي محمود في ( لكنهم لم ياتو لحوار .....) . ياخي أنا اعتذرت و وسط طوب الواطه عشان ينسو الفلم ده و برضو مافي فايده ! كدي حاول اقفل لينا الجبهه دي ، الباقيات بقدر عليهم !
| |
|
|
|
|
|
|
Re: لمصر الياسمين و للحاقدين الرماد !! (Re: HAIDER ALZAIN)
|
Quote: امين يا صديق اظن من حقك بعد كدة ترفع قضية لحقوق الانسان ضد بت الشيخ ،،، دا اذي نفسي جسيــم البتمارسو فيهو معاك .. |
حيدر الزين .....شكلك انت ووليد الامين عايزين تعملو ليناكامب ديفيد اون لاين امين دا عمل ليكم شنو خلاكم تبيعو بالساهل كدا?
| |
|
|
|
|
|
|
Re: لمصر الياسمين و للحاقدين الرماد !! (Re: Amira Elsheikh)
|
Quote: حيدر الزين .....شكلك انت ووليد الامين عايزين تعملو ليناكامب ديفيد اون لاين امين دا عمل ليكم شنو خلاكم تبيعو بالساهل كدا? |
بعنا شنو يا اميــرة ... معقولة بس ؟!
هسع انا بحصر في بوستاتي عشان اطالب الرئيس بنقل هذا البوست الفريد للربع الاول من العام القادم ..
وبالله شوفي انتي لو عندك فرقة انقليهو ولو مافي ياني الناقلو ..
قالت بعتو قالت ..
انتي ما حضرتي سلسلة افلام Bad Boys الشرطي الطيب والشرطي الــ
| |
|
|
|
|
|
|
Re: لمصر الياسمين و للحاقدين الرماد !! (Re: HAIDER ALZAIN)
|
Quote: هسع انا بحصر في بوستاتي عشان اطالب الرئيس بنقل هذا البوست الفريد للربع الاول من العام القادم ..
|
ما تتعب نفسك ساي يا الطريفي ، صاحب البوست فقط من يحق له طلب نقل البوست للربع التالي ، بوستي ده من محلتو ما قايم ! و كدي خلي أب صلعه ينقلو الربع التالي ، أعمل لي كركبه في راسو لمن شعرو يقوم !
| |
|
|
|
|
|
|
Re: لمصر الياسمين و للحاقدين الرماد !! (Re: أمين محمد سليمان)
|
Quote: ما تتعب نفسك ساي يا الطريفي ، صاحب البوست فقط من يحق له طلب نقل البوست للربع التالي ، بوستي ده من محلتو ما قايم ! و كدي خلي أب صلعه ينقلو الربع التالي ، أعمل لي كركبه في راسو لمن شعرو يقوم ! |
الحشاش يملا شبكتو......
ونشوف كان ما اتنقل يا ياسمينك يارمادنا
وين محجوب ياجماعة
| |
|
|
|
|
|
|
|