لمصر الياسمين و للحاقدين الرماد !!

Quote: ياسمينه واحده ما عندي ليهم ! ندامة الكسعي والله !

Quote: ياسمينه واحده ما عندي ليهم ! ندامة الكسعي والله

(عدل بواسطة Amira Elsheikh on 11-20-2009, 01:26 PM)

Quote: رداحات القنوات المصرية).. وكربلاء الخرطوم!! ضياء الدين بلال [email protected] أصدِّقكم القول، كنت من المتحمّسين جداً للفريق المصري، وهو يُواجه الجزائر باستاد المريخ بأم درمان - لا داعي لذكر الأسباب فهي كثيرة - وكنت أستاء جداً من سماع أو قراءة ما أشتم فيه مزاجاً معادياً للمصريين.. إن كان ذلك داخل السودان أو خارجه.. ولكن من الأمس إلى اليوم، عرفت كيف يسهم بعض الإعلاميين المصريين، من طالبي الشهرة عبر معابر الإثارة الرخيصة، والبطولات الزجاجية، في كسب وجر كثيرٍ من الكراهية والعداء لشعبٍ يستحق كل الود ووافر الاحترام. الطريقة التي تعاملت بها (قناة النيل المصرية) ومقدم برنامج (تحت الضوء) إبراهيم حجازي مع مباراة الخرطوم التي جمعت الفريقين المصري والجزائري وانتهت بانتصار الأخير.. تُعد من أفضل النماذج المهنية في حقل الإعلام.. من حيث احتوائها على كل الأخطاء والخطايا التي يُمكن أن تقدّم لطلاب الإعلام، كدروسٍ وقائية، تحصن ممارستهم الإعلامية من بعض أمراض المهنة..! هذا الممثل الفاشل (حجازي) ظل لمدة أكثر من أربع ساعات في تلفزيون رسمي يُروِّج لأكاذيب مختلة الحبك، ضعيفة المضمون.. ترد فيها معلومات مُتناقضة.. كل معلومة تفترس الأخرى.. والمقدم ثقيل الظل، ضعيف الإحساس يحاول أن يسند تلك الأكاذيب بشهادات ركيكة السرد من ممثلات (نصف كم)، وبعفوية مُتكلِّفة، في مرة يشاغل فريق البرنامج بعبارات طائشة، وفي أخرى يرسل إيحاءً بفدائيته في الصبر كل هذه الساعات، دون أكلٍ أو شربٍ.. فيقوم بحركة درامية أمام الكاميرا، حيث يتناول على الهواء مُباشرةً قطعاً من البسكويت، ويروي بطولاته الشخصية في حرب أكتوبر..! كل ذلك لا يعنينا في شئٍ. ولكن أن يبلغ به (الابتذال) حد الاستخفاف بالشعب السوداني، فذلك ما يستحق عليه الزجر..! الهزيمة التي لحقت بالفريق المصري - الذي كنا من المتعاطفين معه - هزيمة عادية، يسهل التعامل معها بمنطق الرياضة القائم في الأساس على جدلية الغالب والمغلوب.. ولكن لأن المباراة حملت حسابات خارج المستطيل الأخضر، ورحلت إليها فواتير لا علاقة لها بكرة قدم، لذا تم التعامل مع الخسارة فيها بدرجة عالية من الحساسية، جعلت أمثال حجازي (ومين أديب؟) يسرفوا في استخدام الألعاب النارية وصراخ الرداحات، لتمر هذه الهزيمة بكل ما تحمل من «أجندة مجهضة» دون أي فحص أو مراجعة. لكل فرد أن يعتقد في نفسه وفي دولته ما يشاء من العظمة.. ولكن يجب ألاّ يتم ذلك باستصغار الآخرين.. لا أحد يجادل في عظمة مصر ولا في تاريخها.. ولكن في المقابل لا يوجد شخص سليم الوطنية والوجدان يرضي - لمثل حجازي هذا - أن يضع سُمعة شعب كالشعب السوداني في صناديق القمامة..! الذي يستمع لبرنامج الرجل يظن أن ما حدث بعد نهاية المباراة كربلاء ثانية لم ينجو منها أحد.. وليس تعرض عربة أو اثنتين خرجتا من خط السير المحدد لهما دون إخطار الجهات المختصة وتعرضهما لقذف بالحجارة..! السلوك مُدان بكل المقاييس، ويجب على (فيفا) أن تُحاسب عليه الفريق الجزائري، ولكن ذلك لا يبرر ما قيل في حق الجهات المنظمة، التي لم تدخر جهداً في حماية البعثتين اللتين كانت ترتيبات مأكلهما ومشربهما ومسكنهما وأمنهما تتم من داخل مجلس الوزراء..! بإمكانك ان تسيئ لفرد.. ومن حقه أن يصفح عنك.. لاعتبارات تخصه.. ومن حقك أن تهاجم حكومةً ما.. ومن حقها أن تهمل ذلك لمصالح ترتجيها.. ولكن أن تسيئ لشعبٍ فذلك لا يُغتفر. لأنّ للشعوب ذاكرة مضادة للنسيان..!

Quote: محجوب و أميره يقع في يدينكم العدو ، والله لو كاتل لي رقبه ما كنتو سويتو لي كده

(عدل بواسطة Amira Elsheikh on 11-20-2009, 05:25 PM)

Quote: امين شنو ياخي طنشتنا !

يا وليد يا أخوي ما أنت البطنشوك ، لكن كان ما رديت علي محجوب و بت الشيخ الحاقدين ديل سريع ، بفتحو فيني بوستات ، ديل ناس ما مضمونيين !!
الليله يا وليد واحد من الشباب رسل لي النشيد الوطني الجزائري في إيميل ، مبالغه !! نشيدهم الوطني ذاتو شرس !! كدي عاين لده :

قـــسما بالنازلات الـماحقات والـدماء الـزاكيات الطـــاهرات
والبــنود اللامعات الـخافقات في الـجبال الشامخات الشاهقات
نحن ثــرنـا فحــياة أو مـمات وعقدنا العزم أن تـحيا الجـزائر
فاشهدوا .. فاشهدوا .. فاشهدوا
نحن جند في سبيل الـحق ثرنا وإلى استقلالنا بالـحرب قـــمنا
لـم يكن يصغى لنا لـما نطــقنا فاتــخذنا رنة البـارود وزنـــــا
وعزفنا نغمة الرشاش لــــحنا وعقدنا العزم أن تـحيا الجزائر


نشيد يوقف شعر الجلد ! تقول لي الياسمين ؟!

Quote: يازول هاردلك والجاتك في بوستك سامحتك

يا زول هاردلك بتاعت شنو ؟! إنت ما كلموك ولا شنو ؟! نحن قلبنا زمان !

يا ناصر اشهد :
نحن جند في سبيل الـحق ثرنا وإلى استقلالنا بالـحرب قـــمنا
لـم يكن يصغى لنا لـما نطــقنا فاتــخذنا رنة البـارود وزنـــــا
وعزفنا نغمة الرشاش لــــحنا وعقدنا العزم أن تـحيا الجزائر

Quote: البوست دا دائماً فوووق يا جماعـة ..

Quote: نشيد يوقف شعر الجلد ! تقول لي الياسمين ؟

Quote: البوست دا دائماً فوووق يا جماعـة ..

Quote: يقول لكي نشكر السودان لدي فكرة بسيطة فحواها عندما يسدد أي لاعب جزائري هدفا بمونديال جنوب افريقيا ، يقوم مسدد الهدف برفع فنلته لاظهار فنلة أخري داخلية مكتوب عليها ( السودان شكرا ) و ذلك ردا للجميل السوداني. شفتي يا اميرة الناس ديل حيشيلونا فوق رؤوسهم ذي ما بقولوا

(عدل بواسطة Amira Elsheikh on 11-21-2009, 03:34 PM)

Quote: دى مهمتى ومتغرغة ليها وحدنا جنوب افريقيا شان تانى الناس تتدفق ياسمينها على الرهاب

أيــوة اصلو صاحبي دا ما ينوم ..

قال ياسمين قال هاك اها الياسمينتين ديل وافرزهم..

Quote: قال ياسمين قال هاك اها الياسمينتين ديل وافرزهم..

Quote: ما بحلك ياياسمين والله لو ختيت صورة بوتفليقة فى بروفايلك نحن وراك وراك

أها يا أميره ، بعد ده فضل لي الفرنسي !

Quote: امين ياسمينة ماجاكم بي جاي

العمليه دي بالجد كبرت و شكلو بوستي الجاي حا يكون (وداعا سودانيزأونلاين ! )

يازول ده كلام شنو طول بالك

Quote: (وداعا سودانيزأونلاين ! )

برضوا حنحنسك تقعد ونهديك الياسمين الابيض بالاخضر[IMG]














----------------------------------
كنت تختار الروز في أحمر

(عدل بواسطة عبد الناصر الخطيب on 11-22-2009, 07:41 AM)

Quote: برضوا حنحنسك تقعد ونهديك الياسمين الابيض بالاخضر

إنت يا ناصر بدل ما تستني محجوب و أميره و حنين يطفشوني ما تحنسم ينسو الموضوع !
أخوك بيتعرض لحرب ضروس و أنا والله واحد من الناس ديل ما بقدر عليه ، خليهم التلاته !

Quote: (وداعا سودانيزأونلاين ! )

قشة ما تعتر ليك

Quote: انعام عبد الحفيظ ستقول ..: قشة ما تعتر ليك

الطريفي !
ما لقيتك وقت الحاره والله !
ياخي أنا مزنوق لحدي ما حاسي عضامي مرقت ! البلد كلها شايله حسي و بهناك كمان الناس القاعده ساي فاتحين لي بوست لمن بقيت أفكر جادي أعتزل اللعب الدولي !
كنت قايلك من الناس البلقاهم في اليوم الأسود ده تجي تقول لي إنعام حا تقول ليك (قشة ما تعتر ليك) ! والله يا الطريفي وهبه طلع أحسن منك !
هسي ممكن تكفر عن سيئاتك كلها و تحنس لي أميره و حنين ، محجوب بحنسو براي ! كان القصه دي ما مقسمه وعندك لي حل تاني ، شوت لي إيميل سريع otherwise ياهو ببقي كلام إنعام ده (ياسمينه ما تعتر لي ) !

Quote: ياخي أنا مزنوق لحدي ما حاسي عضامي مرقت ! البلد كلها شايله حسي و بهناك كمان الناس القاعده ساي فاتحين لي بوست لمن بقيت أفكر جادي أعتزل اللعب الدولي !

هسع حنين دي في حال نفسها ولا بتتكلم لا شئ مشيت جبت ليها النضمي وشادة ليها كفتيرة بتغلي جواها

اها كدة انا حنين دي ما بقدر احنسها ليك .. لو كشحتني بموية بتغلي اودي وشي تاني وين ..

إلا اميــرة الشيخ دي شوية كدة ممكن بس أدفع المعقول وقدم لينا عقد واوفــر اعلى من بتاع سارة على

السكتت ومشت نامت برضا تام بعد رشوتك


ـــــ
اميرة ما تقولي شئ هسع لغاية ما نشوف العرض كيف

Quote: اميرة ما تقولي شئ هسع لغاية ما نشوف العرض كيف

Quote: قول العرض ما نفع وخلينا نستمر فى فرد عضلاتنا لانو بتاع الياسمين دا لو ادينا

واصلي في الردم طواااالي ..

أصلاً الحبيب أميــن ما جاب عرض شكلو مستهون بيك ..

فما ترفعي منه ... وركزي على الياسمين بالله



ـــــــــ
عاد اعمل ليك شنو يا أميــن قلنا نقيف معاك علا ما اديتنا اي ورقة ضغط

Quote: أها يا أميره ، بعد ده فضل لي الفرنسي !

Quote: مصر بس

Quote: للسودان الياسمين والرماد كال مصر وامين عشان حركاتكم دي المصريين طالعين لينا في راسنا تاني بتشجعوا مصر

Quote: استحقينا الياسمين بعدما الرماد " كالهم".

سلام يا أبوبكر
الحقيقه إنو الرماد كالني مع الجماعه ، من ما الكوره إنتهت : ما شفت لي ياسمينه واحده والله ! البلد دي فيها كميه من الشماته مفروض نصدرها عديل !!

Quote: إنت البيوديك تتكلم مع الإناث الاستثنائيات منو

يعني يا الطريفي دايرني أتكلم مع القاعدين ساي ؟! الاستثنائيين للإستثنائيات !

Quote: اها كدة انا حنين دي ما بقدر احنسها ليك .. لو كشحتني بموية بتغلي اودي وشي تاني وين

إنت يا الطريفي وشك داير بيه شنو ؟! ياخي ده أبسط شي تقدمو لي في زنقتي المهببه دي !

Quote: إلا اميــرة الشيخ دي شوية كدة ممكن بس أدفع المعقول وقدم لينا عقد واوفــر اعلى من بتاع سارة على

أميره الشيخ و محجوب علي ديل ناس عندهم قضيه عديل ، مناضلين فيني بعيد عنك ، لكن الله في !!








----
يا الطريفي ما بتعرف ليك فكي كاااارب يخارجنا من القصه دي ؟!

Quote: هوي يا بتاع الياسمين انت تعال خم الرماد لنارك الطلقتها دي هنــأ نديدى عبد الوهاب الحاج ....هاااك صورتك الخايف عليها! ____ شايفك مكبر اللفة احي انا ما قتو نوبة

امممممممممممم...

ما يا وهبــة مزنوق شديـــد ..

أو صاحبي اميـــن حا تزيــد محنو زيادة ويقوم وهبة يديهو رشة رشتين ...

غايــتو أنا اتمني تكون الثانيــة - فوهبة الفيهو مكفيهو وامين جمل شيل -

Quote: امين والله حالتك صعبة باعتباري من اوائل المتداخلين في البوست دا فأنا والله ما قايل القصة ح تنتهي بيك النهاية دي !

يعني أنا الكنت قايل ؟! يا وليد أنا ربنا سلط علي بذنوبي من لا يخافه و يرحمني !!

Quote: غايتو ، في قصيدة كدا لمحمود درويش فيها مقطع كدا بيقول ليك : ياسمين علي ليل تموز ..... لكن ياسمين نوفمبر وديسمبر الجاي عليك دا ما سمعنا بيهو !

تعرف أنا من ما الكوره إنتهت بقيت أشوف الحاجات ياسمين ياسمين و الريحه رماد ساااي !
كدي يا وليد ما تحاول لي في موضوع الوساطه ده ، و صدقني عمل الخير أصلو ما بيقع الواطه !!

Quote: شايفك مكبر اللفة احي انا ما قتو نوبة

يا أخوانا اسمحو لي أرد علي والدي العزيز ده
أنا يا والدي العزيز زول إستثنائي بتاع ياسمين ساي ، الحروب دي والله ما بقدر عليها ، أدونا ياسمين ولا كلام إستثنائي لرجل إستثنائي بجي بتونس معاكم إنت و هشام ، لكن شكل و مشاكل : والله ما بقدر عليها و بعدين صحتي ذاتها بقت ما بتسمح ، بالكتير كده ممكن أديكم الفاتحه و الإخلاص حداشر مره !

Quote: قوم لف يابشير احمد

والله بالجد قوم لف يا بشير !
يعني أنا زول حيوان ساي ، فاتح بوست و ياسمين و رماد و كلام فارغ كتير ، لو كنت جيت اتكلمت معاي إنو يا أمين كلامك ده أعوج احتمال كان غيرت رايي ، لكن تجي تزين لي الباطل و تشبكني ( مصر و بس ) و تخليني سادر في الغي ، بالجد تقوم تلف !

Quote: اه مشيت عزومة الجزائريين ؟ انشاءالله تكون شلت معاك شوية ياسمين بالمناسبة عاوز لي شوية رماد يااخي رمادنا خلص

أوووه محجوب الحاقد !!
ما مشينا لسه ، يوم السبت الجاي إن شاء الله ، حقو الزول يصورها ليكم !
الذ حاجه عبدالحميد الجزائري ده عندو ولدو يكون عمرو حداشر اتناشر سنه جا صلاة الجمعه لابس تراك سوت كامله حقت الجزائر و شايل العلم و راسم وشو كلو بعلم الجزائر ، يعني ده لو في زول كلمو بي و ببوستي ده أخوك كان ممكن يتقسم لاجزاء كتيره جدا !

Quote: ما قلت ليك بوست غير موفق.. لازم تكتب ليك بوست تاني بعنوان فاليخرس اهل شمال الشمال خالص! تحياتي لك يا حبيب..

قلت لي والله يا حسين ، لكن أخوك نازل فيه قدر الله !
ياخي لو ناس شمال الشمال خرسو ، البيخرس محجوب و أميره شنو ؟

Quote: هوي يا بتاع الياسمين انت تعال خم الرماد لنارك الطلقتها دي

يعني يا والدي العزيز الحاصل هنا ده ما مكفيك ؟ جاي تتبله علي كمان ؟ علاقتي شنو أنا بالبوست ده ؟!
غايتو لمن تتصالحو إنت و نديدك أدونا خبر نجي ننثر ليكم الياسمين أكوام أكوام !

Quote: امين ياسمين

حتي أنت يا ليون ؟!!

Quote: وعلي اخوة الرماد المساهمة في القصيدة اعلاه