الحكايه كلها إنو لقيت القابي كترت في المنبر و قررت أضيف لرقبتي لقب (دكتور) لانو بديني (أبعاد) و (أعماق) أخري و بعمل لي ( زخم ) من مافي !! و قصة إنو أمشي أقدم لدكتورة و أساكك الجامعات ل scholarship اعطوني أو منعوني و بعداك أقعد أقدد عيوني في القرايه عشان يجو يقولو لي يا دكتور لقيتها ما نافعه و ما عميقه و مافي ليها داعي من الأساس ، لييه ما أجي سودانيزاونلاين و أعلن إنو أنا بقيت دكتور بدون القرايه أم دق دي ؟
07-05-2010, 00:28 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
ابرا أنا من ( الرمز ) يا محجوب ، (الرموز) ديل شكلهم غير المشاكل و الكركبه و انتهاكات في حقوق شنو كده ما عارف ما عندهم شئ ، خليني في دكتوراتي دي الله يخليك
07-05-2010, 01:24 AM
Baha Elhadi Baha Elhadi
تاريخ التسجيل: 03-29-2008
مجموع المشاركات: 879
Quote: يلا .. غيِّر صورة البروفايل لأن ما فيها من براءة لايتفق مع (الحاجات) الفوق دي، الباشمهندس abubakr كان عندو (بوست) في هذا الإتجاه فيه الكثير الطريف.
أمشي أودي العيال ال fire-works و أجي أخت صورتي البي البدله !! تابعت بوست باشمهندس ابوبكر و شاركت فيهو .
Quote: والله يا أمين في الدنيا دي في ناس تتشرف بهم الألقاب وهناك أيضا من يهينها.
أسال الله أن أكون ممن يتشرف بهم لقب الدكتوراه
07-05-2010, 04:24 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يعني يا أمين أنا دقست ولا شنو؟ من بكره، امشي اسحب اوراقي من الجامعة واعلن انني وبكامل قواي العقلية اصبحت احمل لقب الدكتورة.. بلا هم!! شكرا ان نورت لي طريقي واختصرت لي سنوات طويلة من عمري
07-05-2010, 04:31 AM
abubakr abubakr
تاريخ التسجيل: 04-22-2002
مجموع المشاركات: 16044
ياامين لما قريت العنوان وقبلما ادخل واشوف كنت علي يقين انك في سبيل ما ذكرت ؟؟ فانت كما يبدو لي من كتاباتك تعرف الناس بك بما في راسك ويقينك ومثل ذلك لا يدعو الي ان يباركو له لقبا عندة او تحصل عليه ...لزمن طويل كان اهل السودان حذريين في التعامل مع الالقاب عموما "اجتماعية او علمية " ولكن مؤخرا شاعت الالقاب حتي طغت علي الاسماء وما في الدماغ
07-05-2010, 04:45 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يادكتور أمين ..تعرف مرت أعوام قليله فى كلية الموسيقى والدراما لم يتبق من لم يحصل على الدكتوراه سوى قلة قليلة كنت من بينها ولم أهتم بالأمر ولا كنت من المتطلعين للقب وحرف الدال + صفر لكن عندما بدا الناس يعيروننى بأننى أستاذ ( سليقه)مع إنى حصلت على ماجستير فى التأليف الموسيقى وماجستير آخر فى الترجمه ومع ذلك حتى الجامعه فى الترشيح للوظائف القياديه الأكاديمية والإداريةصارت تفضل علينا حاملى اللقب فعملتها ... مره عبدالله الطيب فى محاضرة حمعته والشيخ البرعى فى القنصلية المصرية رحمهما الله قال ( سهولة الحصول على الدرجات العلمية قللت من مستوى الشهادة الجامعيةنفسهاوصارت بمستو الشهاده الثانويه )... وقال ساخرا( قالو حملة الدرجات العليا تجاوزوا 150 الف) يا عزيزى دكتور أمين والله تستحقها رجاله وفهم .. ما سمعت كيف صار هناك سوق علنى لمن يريد الحصول على درجة علمية بدون السفر لدوله آسيويه معروفه... أولا شوف ليك رساله قديمه فى جامعه تانيه أنسخها فى النهاية وقدمها للإجازه أو هناك من بكتبوها ليك نظير مبلغ محترم بل هناك بدون بحث يستخرجو ليك شهاد عديل موثقةكاملة الدسم مع إعلانات التبريكات بالصورة فى أجعص صحيفه... أهو إنت ياشيخ أمين شلتها عينى عينك ولو عملتها فى ورق مروس مافى زول حيسألك وفكركده بعد كم سنه ضيف ليها كلمة (بروف) يا أستاذ أمين أنا فهمت السخرية فنحن كما قال الشاعر حافظ إبراهيم : أمة قد فت فى سـاعـدهـا بغضها الأهل وحب الغربا تشترى الألقاب فى غيرالعلا وتفدى بالنفـوس الرتبـا هل فهمتنى يا دكتور ؟؟ ياريت نتعرف أكتر وأنا الآن دكتور بالمعاش ما مسموح لى أجى ساكت مارى بى شارع الكلية!!!!!
07-05-2010, 05:29 AM
abubakr abubakr
تاريخ التسجيل: 04-22-2002
مجموع المشاركات: 16044
Quote: ... مره عبدالله الطيب فى محاضرة حمعته والشيخ البرعى فى القنصلية المصرية رحمهما الله قال ( سهولة الحصول على الدرجات العلمية قللت من مستوى الشهادة الجامعيةنفسهاوصارت بمستو الشهاده الثانويه )... وقال ساخرا( قالو حملة الدرجات العليا تجاوزوا 150 الف) يا عزيزى دكتور أمين والله تستحقها رجاله وفهم .. ما سمعت كيف صار هناك سوق علنى لمن يريد الحصول على درجة علمية بدون السفر لدوله آسيويه معروفه... أولا شوف ليك رساله قديمه فى جامعه تانيه أنسخها فى النهاية وقدمها للإجازه أو هناك من بكتبوها ليك نظير مبلغ محترم بل هناك بدون بحث يستخرجو ليك شهاد عديل موثقةكاملة الدسم مع إعلانات التبريكات بالصورة فى أجعص صحيفه
واقع مؤلم جدا ....؟؟
قبل فترة كنت ابتدرت موضوعا عن الالقاب "البروفية" ....
والله يا عاطف انا دخلت من اجل نشر بضعة كلمات كتبتهابحق عمي الحبيب في بوست عزاءه وقلت في نفسي.. اصدقائي بالبورد معي في كل خطوة فابحث عن فرح افرح به وإياهم.. او حزن فاعزي نفسي معهم ووجدت طلب امين.. فدخلت مسرعة.. لاجد ان الامر كله دعابة لكن تخيل من الناحية الأخرى لو كنت ما دخلت البوست وقضيت السنوات المقبلة كله في درسة.. موش خسارة بالله.. شكرا يا امين تاني وتالت ورابع.. والله مشتاقين يا عاطف.. التحايا لك وللاسرة الحبيبة
07-05-2010, 05:02 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ، يعني قبل عشره سنين و نيف ، و بالله ركزو علي (نيف) دي !!
دال/ امين، والله اوّل حاجة وقعت في عيني النِيّفة دي. يا اخي وحاتك احلى منها ما في. يا زول صبّغ واسمن لزوم الوجاهة للدكتوراه، ولا يهمّك... تحياتي، دال/ امين...
07-05-2010, 05:05 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: نقطة تانية يا دوك هل تفضل المخاطبة باللقب كامل (دكتور أمين) أم نكتفي بالدال العظيمة أم نقطة (د.أمين) عشان بتفرق صراحةً يعني
___________________________ راجع المعيار الصفحة الأخيرة
هو انت قايلو ما راجعو.. أمال الفتح شهيتو على اللقب شنو؟ كمان يكون عجبو ليك اللقب دبل كابين اللصقو لي تبارك (دكتورة د.) إلا دقستهم إنت دا يا ود البشرى.. حقتي أنا (د.) بكالوريوس ساي.. و الحبشي عارف.. إلا أكان ربنا هون و لحقت لميت لي قريشات قبال أتم (التلاتين) بشيل (النقطة) و أخت (كتورة)
____________________________
د.أمين..ألف مبروك الإنجاز..و دمت ذخراً للوطن..
07-05-2010, 05:09 AM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 10986
البشري يا صديق ليالي التعب ، شكرا علي المرور و التباريك : إن شاء الله في عرس حتوت .
Quote: يا دوك هل للتاريخ أي دلالات كدكتور عميق ومفكر أي خطوة أكيد محسوبة وليها دلالاتها
يعني يا البشري زول بعمل دكتوراه في ربع ساعه ، بعمل خطوه بدون دراسه ؟!! التاريخ مقصود و لا يخفي عليك و علي أمثالك من النجباء : اليوم هو عيد ميلاد ماما أمريكا و as a citizen of this great nation : I wanted them to be proud فاخترت هذا اليوم ..
Quote: نقطة تانية يا دوك هل تفضل المخاطبة باللقب كامل (دكتور أمين) أم نكتفي بالدال العظيمة أم نقطة (د.أمين) عشان بتفرق صراحةً يعني
بالدال براها يا البشري ، لانها بتدي إحساس إنو أنا ما شغال بالموضوع كتير !!
07-05-2010, 05:37 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: يعني يا أمين أنا دقست ولا شنو؟ من بكره، امشي اسحب اوراقي من الجامعة واعلن انني وبكامل قواي العقلية اصبحت احمل لقب الدكتورة.. بلا هم!! شكرا ان نورت لي طريقي واختصرت لي سنوات طويلة من عمري
دقستي و ساي يا غاده ؟! القصه كلها بوست و بجوك الحلوين يباركو ليك و ( لا حوجه للزبائن دول ) زي ما قال عادل إمام ، و هسي كان دايره تخلصي الدكتوراه حقتك في ليلنا ده ، رسلي لي ماسنجر نفتح ليك بوست نبارك ليك فيهو و حاولي تستفيدي من زمنك !!
07-05-2010, 05:44 AM
عزام حسن فرح عزام حسن فرح
تاريخ التسجيل: 03-19-2008
مجموع المشاركات: 8891
Quote: ياامين لما قريت العنوان وقبلما ادخل واشوف كنت علي يقين انك في سبيل ما ذكرت ؟؟ فانت كما يبدو لي من كتاباتك تعرف الناس بك بما في راسك ويقينك ومثل ذلك لا يدعو الي ان يباركو له لقبا عندة او تحصل عليه
والله يا باشمهندس أخجلت تواضعنا .
Quote: ...لزمن طويل كان اهل السودان حذريين في التعامل مع الالقاب عموما "اجتماعية او علمية " ولكن مؤخرا شاعت الالقاب حتي طغت علي الاسماء وما في الدماغ
نحن يا باشمهندس ماشين في السكه نمد علي خطي المصريين ، لانو المصريين عندهم الألقاب دي مافيها لعب يعني لو قلت لزول يا أستاذ مثلا و هو عندو دكتوراه فدي زي الشتيمه واحد ، غايتو أنا متواضع جدا لو في زول قال لي يا أستاذ أمين بدل يا د. أمين ما حا ازعل منو !!
07-05-2010, 05:53 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
ياخي ريحتني في قنقون حناني .. ايوه ياخ .. أصلو ما عميغة .. كان عندنا في حلتنا دكتور مصطفي .. زول عندو صدر سماوي كده و لمن يمشي تحسو بيهو عميغ عميغ .. و طوالي بيعاين شديد بدون كلام .. قام يوم في الكشف بتاع ناس عبدالرازق في عرس منصور ولدهم .. قام دكتور مصطفى إتكلم .. طلع ما عميغ .. و كمان عندو سكري ..!!
تصدق .. !
07-05-2010, 05:49 AM
حليمة محمد عبد الرحمن حليمة محمد عبد الرحمن
تاريخ التسجيل: 11-02-2006
مجموع المشاركات: 4052
Quote: ياخي ريحتني في قنقون حناني .. ايوه ياخ .. أصلو ما عميغة .. كان عندنا في حلتنا دكتور مصطفي .. زول عندو صدر سماوي كده و لمن يمشي تحسو بيهو عميغ عميغ .. و طوالي بيعاين شديد بدون كلام .. قام يوم في الكشف بتاع ناس عبدالرازق في عرس منصور ولدهم .. قام دكتور مصطفى إتكلم .. طلع ما عميغ .. و كمان عندو سكري ..!!
عييييييييك! "التكاترة" الما خمج ظهروا... هو الدكترة دي كيفنها عند البعرفولا... ما طار ونغرشتو... كَنْغْ...كنغ... قدريشنها الصلاة عند البعرفولا! ----------- عتودي ود الحرام ...ضبحتو الليلة وباكر غام... افتحوا لنا افاغا جديدة من المعرفة والالقاب... مبروك امين وعغبال ما تفرخ عندك ام دالات، او دلدومات علميات اخريات.. الله يكتر عيال دالات والكنجالات!
------------- مبروك يا دكتور امين...
07-05-2010, 06:04 AM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
أها .. شُفتَ يا أمين !! .. جابت ليها غنم و دلاديم .. يعني إنت لو خشيت في اللبطة دي تبقى أمين ( أب دلدوم ) خال حمور أب صلعة و عندكم غنماية والدة . كده كويس .. ؟ ده لو ما جاتك بعدها عنطظة و نفخ أوداج .. ( باللنقليزي : برومبوفيه ) . شُفتَ !!
........ حليمة ياخ باقي القصيدة حقت العتود دي بللاي .. مغرود فيها .
07-05-2010, 05:56 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
ياخ ما تبطل إستهبال!! كلامك دا زاااااتو ياهو بقولو عليهو تقولو لى ناس ما عندهم حديد,,, إنت من يومك دكتور كبير خالس خالس,,
لو نسيت أذكرك الدفعة والمؤسسة التعليمية والتخسس زاتو!! قول عاوز تعمل شوية ورنيش وتلميع وتنفض غبار الزمن الأغبر,, جاكات وجلكسات وكركاسات شوية كدا يا دوك
مفروض هسة تكون شغال فى الإستاذية وقريبا نشوفك فى Who is Who
أخخخخخخخخخخخخخخخخخخخخ يا زمن,, كلو من ماما ارميكا دى
عميغ عميغ تغديرى,,,
07-05-2010, 05:58 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: يادكتور أمين ..تعرف مرت أعوام قليله فى كلية الموسيقى والدراما لم يتبق من لم يحصل على الدكتوراه سوى قلة قليلة كنت من بينها ولم أهتم بالأمر ولا كنت من المتطلعين للقب وحرف الدال + صفر لكن عندما بدا الناس يعيروننى بأننى أستاذ ( سليقه)مع إنى حصلت على ماجستير فى التأليف الموسيقى وماجستير آخر فى الترجمه ومع ذلك حتى الجامعه فى الترشيح للوظائف القياديه الأكاديمية والإداريةصارت تفضل علينا حاملى اللقب فعملتها ... مره عبدالله الطيب فى محاضرة حمعته والشيخ البرعى فى القنصلية المصرية رحمهما الله قال ( سهولة الحصول على الدرجات العلمية قللت من مستوى الشهادة الجامعيةنفسهاوصارت بمستو الشهاده الثانويه )... وقال ساخرا( قالو حملة الدرجات العليا تجاوزوا 150 الف) يا عزيزى دكتور أمين والله تستحقها رجاله وفهم .. ما سمعت كيف صار هناك سوق علنى لمن يريد الحصول على درجة علمية بدون السفر لدوله آسيويه معروفه... أولا شوف ليك رساله قديمه فى جامعه تانيه أنسخها فى النهاية وقدمها للإجازه أو هناك من بكتبوها ليك نظير مبلغ محترم بل هناك بدون بحث يستخرجو ليك شهاد عديل موثقةكاملة الدسم مع إعلانات التبريكات بالصورة فى أجعص صحيفه... أهو إنت ياشيخ أمين شلتها عينى عينك ولو عملتها فى ورق مروس مافى زول حيسألك وفكركده بعد كم سنه ضيف ليها كلمة (بروف) يا أستاذ أمين أنا فهمت السخرية فنحن كما قال الشاعر حافظ إبراهيم : أمة قد فت فى سـاعـدهـا بغضها الأهل وحب الغربا تشترى الألقاب فى غيرالعلا وتفدى بالنفـوس الرتبـا هل فهمتنى يا دكتور ؟؟ ياريت نتعرف أكتر وأنا الآن دكتور بالمعاش ما مسموح لى أجى ساكت مارى بى شارع الكلية!!!!!
أول حاجه إنت ما محتاج لدكتوراه و لا لتعريف و ما أظن في زول في السودان الشقيق ما بعرف أنس العاقب . هالني والله كمية الكذب و تلميع الذات بما ليس فيها الحاصله هنا ده ، غلبني أفهم الmentality حقت الناس دي ، فقلت أجيهم بالدرب و أعلن دكتوراتي علي رؤس الأشهاد ! شكرا يا دكتور علي المرور و التبريك
07-05-2010, 06:02 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: دال/ امين، والله اوّل حاجة وقعت في عيني النِيّفة دي. يا اخي وحاتك احلى منها ما في. يا زول صبّغ واسمن لزوم الوجاهة للدكتوراه، ولا يهمّك... تحياتي، دال/ امين...
نبارك ليك السمح يا معاويه ، لكن شكلك مريت في الصوره علي عجاله !! لانو والله صلعه بصبغوها دي من الله خلقني من سمعت بيها !! و الصور كلها ( كظابه ) لانو في الحقيقه علاقتي بالوجاهه زي علاقتي بالدكتورة !!
07-05-2010, 06:22 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: و قصة إنو أمشي أقدم لدكتورة و أساكك الجامعات ل scholarship اعطوني أو منعوني و بعداك أقعد أقدد عيوني في القرايه عشان يجو يقولو لي يا دكتور لقيتها ما نافعه و ما عميقه و مافي ليها داعي من الأساس ، لييه ما أجي سودانيزاونلاين و أعلن إنو أنا بقيت دكتور بدون القرايه أم دق دي ؟
د. نوتة صباح الورد بتوقيتنا لو بتتذكر على ايامنا فى ام نخيل كان فى واحد الله يطراه بالخير مستوطن جهات المين رود وكافتيريا العلوم والاقتصاد ظابط البالطو الابيض حقو زى الترتيب ومتقمص الدكترة رجالة عديل كدة ويقال انه كان زول طبيعى سبقه زملاؤه فى الدخول لكلية الطب وكبادرة طيبة منهم دعوه ان ياتى من بلدته ليسكن معهم فى البركس حيث الظروف ممتازة للمذاكرة ومعاودة امتحان الشهادة مرة تانية وفعلا زولك جاء وبدا المذاكرة ومرة مرة بمشى معاهم الجامعة ففكر وقال القصة دى طويلة لسه ح امتحن شهادة وفيها انجح وفيها لا وحتى لو نجحت قراية ستة سنوات ... فاخيرا توصل لنتيجتك دى وشد اقرب بالطو ابيض واسبغ على نفسه اللقب
07-05-2010, 06:49 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
يا امين موضوع دكترتك ده عندو اي علاقه بصورة اميره الشيخ مع سيد صادق لانو انا عندي احساس انو من يوم الصورة نزلت وانت بتخطط لشئ يبز (ركز علي يبز دي) هذا الحدث. ___________________________ هل لقب دكتور يجب ما قبلها من القاب؟ ولا هي اضافه لها؟ من ناحيتي افضل ان تكون اضافه يعني اسمك حيكون دكتور امين الياسمين خال حمور واخو بدري فما هو رايكم دام فضلكم
07-05-2010, 07:04 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: لايقة عليك من صورتك دي تبدوا النجابة والذكاء المتوقد طالي من عينيك والان لو غيرت الصورة برضو لايق عليك اللقب من الصلعة البهية يا اخوي قسما دكتور شوية عليك انت بروفوسير عديل
الكلام ده ما بعرفو إلا من أتي الله بقلب سليم . و الشهاده لله نجابه كده يقولو عليها مافي ، القصه مشت و ما زالت بدعاء الوالدين ، و طالما الدكتوراه أبت تجي بالواطه بنجيبها بالكيبورد !!
انا لست شيخ لأن الشيخ ليهو مواصفات خاصة جيت من انجلترا بالدكتوراه قاموا نقلوني الجنوب الجنوبيين كانوا راجيني بعد وصلت عرفوا اني ما دكتور حكيم قالوا دا دكتور ساكت..... نفسي مرقت من اللقب بعدين بقيت بروف قاموا في جامعة الخرطوم عينوا علينا مدير لا يحمل لقب بروف عمل لينا اجتماع وطلب ان نمنحه لقب بروف وبرضو اللقب مرق من نفسي
فاين تجد نفسك يا ابو اللمين وماها كتيره عليك
07-05-2010, 08:02 AM
الفاتح ميرغني الفاتح ميرغني
تاريخ التسجيل: 03-01-2007
مجموع المشاركات: 7488
Quote: الحكايه كلها إنو لقيت القابي كترت في المنبر و قررت أضيف لرقبتي لقب (دكتور) لانو بديني (أبعاد) و (أعماق) أخري و بعمل لي ( زخم ) من مافي !! Amin
يا دكتور امين
اولا: مبروك تانيا: you are making yourself an easy targetشيل شيلتك
غايتو كان القابك دي ما فيهن واحد من ديل٭، ولا تحسبهن يا زول، لوول:
عشميق الاصم دقر الحرايق الرايو مكملو و كلامو مو هبشي ضيف الهجعة بتعشي عكليتا كبير فرتقت ناس هكسي اب سيطا طلع شال المسافر و فات كاتم السم يا عيد الضحية البفتحولو البيت
اسي كلاما غير كلامك ده المطلعن لينا في راسنا ده مافي، بس عليهن، بي كسر الباء
ــــــــــــــــــــــــــ انصاف دي وصفت كتير، لكن شي يتفهم و شي ما يتفهم، غايتو طلعت بالفوق ديل
07-05-2010, 11:22 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
ماتقول مع الصلعة والغرة الاصلية دي وبوست يحي المسيحي .. عديييل دكتوراه في الفقه المقارن.. كم سنة كده ونشوف ليهو عباية انيقة كده ونمهد للقب الشيخ الدكتور.
07-05-2010, 01:32 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: حاول ركز التخصص مهم ما تشبح نفسك وتبقي زي دافنشي
نحاتا ورساما وطبيبا وكيمائيا
امبارح شائفك هناك في بوست بتاع اريتريا
تاني شائفك هناك في بوست المعيار
تاني هناك شايفك في كاس العالم
التخصص مهم يا نوتة
وبعد داك ممكن نسميك البروف
كلو بنعرفو يا خلي !!! و أجمل حاجه في دكتوراتي الماخذا عنوة و اقتدارا دي إنو تخصصها حسب مقتضي الحاجه و تكاد تغطي كل العلوم المعروفه و الغير معروفه أيضا .
07-05-2010, 08:22 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
عماد عبد الله أخو صلاح عبد الله الفي قطر و جابو ليه ولد سموهو عبدالله و بدلعو جدو
Quote: كان عندنا في حلتنا دكتور مصطفي .. زول عندو صدر سماوي كده و لمن يمشي تحسو بيهو عميغ عميغ .. و طوالي بيعاين شديد بدون كلام .. قام يوم في الكشف بتاع ناس عبدالرازق في عرس منصور ولدهم .. قام دكتور مصطفى إتكلم .. طلع ما عميغ .. و كمان عندو سكري ..!!
الفرق بيني و بين دكتور مصطفي الفي حلتكم إنو أنا ما بتكلم في المناسبات العامه عشان الناس ما تكتشف عدم عماقتي و ما عندي سكري و أهم حاجه ما فاره أقعد أقدد عيوني بالسنيين في حين إنو الموضوع محتاج فرد بوست و كم ساعه ترد للمهنئين .
07-05-2010, 08:28 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
شكرا يا حليمه علي التباريك الصادقه . افتكر إنك بعد عضوية مجلس الأداره دي محتاجه ليك دكتوراه !! كدي فكري في الموضوع - و كان صليتي استخاره بكون أحسن - لو بقيتي عليها اديني ماسنجر نفتح بوست نبارك ليك و محل الرهيفه التنقد !!!
07-05-2010, 08:34 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا امين وياخي انا جيت ونفسي مقطوع عديل كده وقلت النوتة عزف سمفونية الاكاديميا وصار دكتور نحريرا اذ بي احلق عبر الازمنة القديمة وهطلت سيرة صحبي الدكتور عمر اومو
وغايتو لو انت بقيت دكتور فانني لن ارضي بغير بروفسير لصحبي البدري
07-05-2010, 08:37 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: ياخ ما تبطل إستهبال!! كلامك دا زاااااتو ياهو بقولو عليهو تقولو لى ناس ما عندهم حديد,,, إنت من يومك دكتور كبير خالس خالس,,
لو نسيت أذكرك الدفعة والمؤسسة التعليمية والتخسس زاتو!!
شكرا يا أبو يمن علي التباريك و الدعم و لو في حاجه الواحد ندمان عليها إنو أخر الدكتوراه لحدي الوقت ده في حين إنو كان ممكن أخدها في الزمن البتتكلم عنو ده !!! بعدين ياخي ربنا أمر بالستر ، القديم قديم داك ما تهبشو !!!
07-05-2010, 08:40 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: لو بتتذكر على ايامنا فى ام نخيل كان فى واحد الله يطراه بالخير مستوطن جهات المين رود وكافتيريا العلوم والاقتصاد ظابط البالطو الابيض حقو زى الترتيب ومتقمص الدكترة رجالة عديل كدة ويقال انه كان زول طبيعى سبقه زملاؤه فى الدخول لكلية الطب وكبادرة طيبة منهم دعوه ان ياتى من بلدته ليسكن معهم فى البركس حيث الظروف ممتازة للمذاكرة ومعاودة امتحان الشهادة مرة تانية وفعلا زولك جاء وبدا المذاكرة ومرة مرة بمشى معاهم الجامعة ففكر وقال القصة دى طويلة لسه ح امتحن شهادة وفيها انجح وفيها لا وحتى لو نجحت قراية ستة سنوات ... فاخيرا توصل لنتيجتك دى وشد اقرب بالطو ابيض واسبغ على نفسه اللقب
متذكرو و متذكر اسمو كمان يا هندسه !! أهو أنا بالظبط عملت زيو عشان مافي زول يجي يقول لي إنت بدعت القصه دي !!
07-05-2010, 08:53 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: يا امين موضوع دكترتك ده عندو اي علاقه بصورة اميره الشيخ مع سيد صادق لانو انا عندي احساس انو من يوم الصورة نزلت وانت بتخطط لشئ يبز (ركز علي يبز دي) هذا الحدث.
غايتو السويتها فينا يا عمر ما مرقت ولا شكلها حا تمرق قريب !! صورة اميره مع سيد الصادق جهجهت باكات الحكومه و المعارضه معا و قد تكون جزء من أسباب عملي للدكتوراة !!
Quote: ___________________________ هل لقب دكتور يجب ما قبلها من القاب؟ ولا هي اضافه لها؟ من ناحيتي افضل ان تكون اضافه يعني اسمك حيكون دكتور امين الياسمين خال حمور واخو بدري فما هو رايكم دام فضلكم
الدكتوراه اضافه لما لدي من القاب ، يعني هسي لقبي بقي : د. أمين محمد سليمان مفكر و أديب و صحفي ناشط في حقوق الانسان بدري و حمور و باقي أفراد الأسره ما داخلين !!
07-05-2010, 08:58 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: دكتور أمين ( غايتو موسيقيا لائقه لاووووووووووووووواقه ..
ياخ كان ما دكتور .. برضو دكتور .. من غير درس عصر ..
من الان وصاعدا .. دكتور أمين ...
لكن الغريبه لمن اقول دكتور امين بخطر على بالى طواااااااااالي..
دكتور أمين حسن عمر ...... يا ساتر ..
شكرا يا عفاف علي التهنئه و التباريك ، لكن قصة أمين حسن عمر دي اغتالت الفرح في قلبي الحزين !! ياخي ده من قلايل الناس الما بدورهم في الزايله دي ولو دكتوراتي دي بتذكرك بيهو ، بالله قول لي أمين ساي بلا دكتور !!
07-06-2010, 07:24 AM
عفاف الصادق بابكر عفاف الصادق بابكر
تاريخ التسجيل: 08-10-2009
مجموع المشاركات: 4188
Quote: شكرا يا عفاف علي التهنئه و التباريك ، لكن قصة أمين حسن عمر دي اغتالت الفرح في قلبي الحزين !! ياخي ده من قلايل الناس الما بدورهم في الزايله دي ولو دكتوراتي دي بتذكرك بيهو ، بالله قول لي أمين ساي بلا دكتور !!
ياخ انا لما اتذكرته ديك تور امين حسن عمر .. كتبته ليك يا ساتر ..
ياخ ده لما اشوفه بحس بانه السودان اتبعثر من اي ناحية ..
تحياتي لك ..دكتور أمين .. حقنا..
07-05-2010, 08:55 PM
ابو جهينة ابو جهينة
تاريخ التسجيل: 05-20-2003
مجموع المشاركات: 22489
Quote: فاين تجد نفسك يا ابو اللمين وماها كتيره عليك
أجد نفسي في دكتوراتي الاسفيريه دي ، قصة أبقي حكيم دي صعبه علي جدا والله ، لانو زي ما عارف كان ممكن - و لحدي هسي - ممكن أفتح بوست أعلن فيهو تخصصي كدكتور طبيب أحب الدكاتره و أكره شغلهم و ما ظنيت إنو أنا كان ممكن أكون دكتور طبيب يوما ما .
07-05-2010, 09:00 PM
السيد المسلمي السيد المسلمي
تاريخ التسجيل: 11-27-2008
مجموع المشاركات: 4954
يا أبورزقه ياخي والله جيتك و مباركتك دي بالدنيا ، بعدين البوست ده ما فشنك ده بوست جادي جدا و بناقش في قضيه جاده جدا ، و بدعو الناس لانها تستثمر وقتها و جهدها فيما ينفع و الداير دكتوراه يجي يفتح بوست و مافي داعي لمضيعة الزمن البتحصل بسبب ورقه بعلقوها في الحيطه . تحياتنا ليك و لحبيبنا الهلباوي .
07-06-2010, 02:30 AM
Mohamed Yassin Khalifa Mohamed Yassin Khalifa
تاريخ التسجيل: 01-14-2008
مجموع المشاركات: 6316
رحاب العميقه ، الله يبارك فيك يا دوك و عقبال ما نبارك ليك نجاح ياسين .
Quote: غايتو كان القابك دي ما فيهن واحد من ديل٭، ولا تحسبهن يا زول، لوول:
عشميق الاصم دقر الحرايق الرايو مكملو و كلامو مو هبشي ضيف الهجعة بتعشي عكليتا كبير فرتقت ناس هكسي اب سيطا طلع شال المسافر و فات كاتم السم يا عيد الضحية البفتحولو البيت
اسي كلاما غير كلامك ده المطلعن لينا في راسنا ده مافي، بس عليهن، بي كسر الباء
غايتو كلام خالتو إنصاف الجبتي دي مبالغه ، بالله الدكتوراه حقتي دي التقول جايبها في علم (الدواس ) !!!
07-06-2010, 03:03 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
أبارك ليك و لكل أفراد الشعب السوداني الشقيق رجالا و نساء ، شيبا و شبابا هذا الانجاز الغير مسبوق ، و مره تانيه و تالته و عاشره : شكرا أخي بكري لجعل هذا ممكنا . و بالله خليكم قاعدين حارسين الفايده الح تجيكم من دكتوراتي دي !!!
07-06-2010, 03:17 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أمين محمد سليمان
MAHJOOP ALI
Baha Elhadi
محمد المرتضى حامد
محمد البشرى الخضر
غادة عبدالعزيز خالد
abubakr
انس العاقب
عاطف عمر
معاوية المدير
ABUHUSSEIN
محمد سنى دفع الله
عزام حسن فرح
khaleel
Emad Abdulla
حليمة محمد عبد الرحمن
أيمن الطيب
محمد عبد الماجد الصايم
احمد التجانى احمد
Omar Bob
عفاف الصادق بابكر
علي الكرار هاشم
الفاتح ميرغني
جعفر محي الدين
A.Razek Althalib
فايزودالقاضي
الرفاعي عبدالعاطي حجر
doma
معتصم دفع الله
Rihab Khalifa
طارق جبريل
عماد الدين عبدالله
عبد القادر شادول
Hassan Makkawi
محمد على طه الملك
تبارك شيخ الدين جبريل
Abuelgassim Gor
داليا الكباشى
عمر التوم
GamarBoBa
عبدالكريم الامين احمد
ابو جهينة
عمار عبدالله عبدالرحمن
مرتضى احمد عبد القادر
سيف الدولة كامل
محمد عثمان ابراهيم
Mohamed Yassin Khalifa
فيس بوك
تويتر
انستقرام
يوتيوب
بنتيريست