يحي المسيحي .... تأملات في المساله الشيعيه ....!!!!

Quote: ازيك يا امين ,, بداية اعذرني اكثر من 10 مرات كتبت تعليقى ,, ولكن الكمبيوتر في كل مرة يصر على مسحها,, فاطر اعيدها كرة بعد اخرى ,,, نجى لتعليقك ده , نقطة نقطة ,, Quote: و هل هذه هي كل الخيارات الباقيه ؟ طيب لو المنهج مكتمل بداهة : ليه لازم يكون في وصي ؟ ليه ما تكون القصه شوري بينهم و ليه ما الناس تختار من تراه مناسبا عشان يطبق المنهج ده ؟ الدين ده ما نزل بمنطق عمار ولا أمين عشان ندي ربنا سبحانه و تعالي خيارات ، و لو المساله افتراضات زي حقاتك الجبتهم لي ديل : ليه ما كان في أيه واضحه و صريحه تسمي الأمام علي خليفه للمصطفي صلي الله عليه و سلم عشان الكلام ده يبقي حجه علينا نحن الفي القرون المتاخره دي ؟ بعدين مش ممكن ببساطه يكون لم يوصى لان الله تعالي لم يامره بذلك ؟ الحاجه المحيره في حججك - و قلتها ليك فوق و ما رديت لي عليها - انك بتتكلم في مسالة الوصيه كانها ديدن الرسل من لدن أدم عليه السلام ؟ هل كل الرسل الرسلهم ربنا أوصو بخلفائهم ؟ هل نصهم أوصي ؟ ربعهم ؟ واحد في الميه منهم ؟ عشان تجي تقول إنو ما ممكن عقلا ان يتوفى رسول الله صلي الله عليه و سلم دون ان يوصى بمن يكون الخليفة من بعده !!! ولا الرسل الباقيين ديل ما كانو مهتمين و خايفين علي اتباعهم من الأختلاف من بعدهم ؟! قلت هل هذه كل الخيارات الباقية ؟؟ اذا لديك خيارات اخرى فاتمنى ان تذكرها ليكتمل البحث العقلي ,,, Quote: طيب لو المنهج مكتمل بداهة : ليه لازم يكون في وصي ؟ ليه ما تكون القصه شوري بينهم و ليه ما الناس تختار من تراه مناسبا عشان يطبق المنهج ده ؟ فرق ما بين اكتمال المنهج , وما بين ترسخ المنهج في الاتباع فالرسول صلى الله عليه واله وسلم اكمل المنهج والتحق بالرفيق الاعلى والغالب الاعم من المسلمين دخلوا في دين الله افواجا بعد فتح مكة (لاحظ الفترة الزمنية بين وفاة النبى صلى الله عليه واله وسلم , او ديل البطلق عليهم مسلمة الفتح (الطلقاء والاعراب واخرين) فلو قلت بالشوري هل هؤلاء سيكونوا ضمن المشاركين فيها , (ولا تنسى الاثر القبلي ) فالشورى بهذه الكيفية فليس لها ضمانه كافية لتقديم من يؤتمن على الدين ,,, فربما يكون كل مؤهل الخليفة انه من الاوس او الخزرج او اي زعيم من زعماء قريش ,, اتمنى ان اسمع لو عندك اليه للشورى تقدم هذه الضمانة (فقط تذكر اننى ساطالبك حينها ان تثبت لنا انه تم تطبيقها في ذلك العصر), اما لازم يكون في وصى لانه الضمانه والمرجعية الموثوقة الملمة بكل صغيرة وكبيرة في المنهج واداة ترسيخ قيم المنهج في المجتمع ,, Quote: الدين ده ما نزل بمنطق عمار ولا أمين عشان ندي ربنا سبحانه و تعالي خيارات ، و لو المساله افتراضات زي حقاتك الجبتهم لي ديل : ليه ما كان في أيه واضحه و صريحه تسمي الأمام علي خليفه للمصطفي صلي الله عليه و سلم عشان الكلام ده يبقي حجه علينا نحن الفي القرون المتاخره دي ؟ امين ,, هذه ليس اقتراح على الله ولكن هذا تحليل لمعرفة لمراد الله ,,, وعندما طرحنا هذه الاقتراحات لنتناولها في ضوء العقل لنرى صحتها من خطلها (وعشان كده قلنا ليك لو عندك اضافة عليها اكتبه) (ملاحظة رغم انك ظننت انى اعطى الله اختيارات ,, اجدك في نفس السطر وبفهمك هذا تعطى الله خيار (بكتابة اية واضحة وصريحة تسمى الامام على خليفة للمسلمين) طبعا الايات الصريحة التى تقول بامامة الامام على عليه السلام بنجيها عندما ناتى في مرحلة الدلائل القرانية فلا تتعجلها ,,, (وان كان الفاضل المنصوري قد اورد لك جزء منها), Quote: الحاجه المحيره في حججك - و قلتها ليك فوق و ما رديت لي عليها - انك بتتكلم في مسالة الوصيه كانها ديدن الرسل من لدن أدم عليه السلام ؟ هل كل الرسل الرسلهم ربنا أوصو بخلفائهم ؟ هل نصهم أوصي ؟ ربعهم ؟ واحد في الميه منهم ؟ عشان تجي تقول إنو ما ممكن عقلا ان يتوفى رسول الله صلي الله عليه و سلم دون ان يوصى بمن يكون الخليفة من بعده !!! عزيزي امين ,, نحن نقول بان كل الرسل على نبينا وعليهم السلام كان لهم اوصياء وخلفاء ,, طبعا في مصادرنا الشيعية المسالة دي واضحة جدا ,, ولنا شواهد عليها من مصادر اهل السنة ايضا اذا اردتها(لانك لا ترغب في النقل من كتب اهل السنة), واظن اذا تاملت في مداخلة الايات التى اوردها المنصوري عن الامامة بعض الاشارات الى ذلك , Quote: بعدين مش ممكن ببساطه يكون لم يوصى لان الله تعالي لم يامره بذلك ؟ ما ده هو المختلفين فيه ,, والان نعمل على اثبات انه اوصى بمن يخلفه ,, وانت سيد العارفين اننا في مقام الدليل العقلي ,, والدليل العقلي كما يقول المناطقة بهتم بالكليات اما الجزئيات فده بتجى عند الاستدلال بالنصوص ,, هنا فقط نثبت انه اوصى عقليا , اما لمن اوصى ده عندما ناتى للدليل النصى بالقران والسنة ,,,