يحي المسيحي .... تأملات في المساله الشيعيه ....!!!!

Quote: نرجع لقصة المنطق والعقل دي ، واديك رأي نجيض مني انا وليد التلب ده ماعندي اي غضاضة الصحابة كلهم والتابعين وتابعي التابعين وانا معاهم ندخل الجنة واسعة وبتشيلنا كلنا ، لكن لمن ربنا يقول ( ياايها الذين آمنوا اتقوا الله وكونوا مع الصادقين ) وتجئ الآيات تتحدث عن مؤمنين ومنافقين وناس مرتدين لابد من البحث عن الصادقين لنكون معهم ، الفليم كلوا انو الخوارج قالوا الجميع كفر بما فيهم الامام علي ؟ والسنة قالوا الجميع رضي الله عنهم بما فيهم معاوية ويزيد ؟ والشيعة قالوا ده تشدد من الطرفين في ناس كويسين وناس كعبين والفيصل في الموضوع الميزان ؟ نجيب الواحد ونقيسوا بمقياس الحق والباطل لو زبط والله حبيبنا ونشيلوا فوق راسنا ؟ ولو كمان طلع ما زابط نختو في محلو ونمشي نخليهو 1 القصة فيها جنة ونار ياخوي . طبعا الحتة دي ذكرتني قصة الراجل المع الامام علي في موقعة الجمل ، جاء للامام وقال ليهو : انقاتل جيشاً فيه طلحة والزبير ؟ وعائشة زوجة رسول الله !! الامام قال ليهو : ويحك يا هذا ؟ لا تقس الحق بالرجال ؟ ولكن قس الرجال بالحق . اعرف الحق تعرف اهله .