حق تقرير المصيــر ( بشارة ووعد حكومة الانقاذ لاهل الجنوب ) !!!!!!

Quote: لانو ماظن كان في أي إتجاه للحكومة غير انها تصل مع الحركة الشعبية لاتفاق بعد ما ستنفذت كل سبله العسكرية إنها تقضي عليها ... كان كلامك ممكن يكون صحيح أنو الانفصال وحق تقرير المصير كان بشري إنقاذية لو الانقاذ مباشرة بعد الاستيلاء على السلطة سعت لابرام الاتفاق ده لكين لو عينته في تسلسل الاحداث بتقول الكلام ده تمه بعد سنين من الحرب حشدت فيها الانقاذ كل امكانياته لتحقيق نصر عسكري حاسم على الحركة , جيشت فيها الجيوش ودقت فيها طبول الحرب الجهادية لحدي ما وصلت لقناعة أنو الحل العسكري ما مجدي في الجنوب حتى بعد كدة مشت لتفاوض جاد مع الحركة ,ده الشي البنغرفوا كمتابعين بالمناسبة يابدر الدين السودان بوضعوا الحالى بدي صورة قريبة للأتحاد السوفيتي السابق قبل إنهياروا من ناحية واحدة بس لانو أكيد في فرق كبير بين الحالتين ومع انو الاتحاد السوفيتي ماظن كان فيهو حالة الاستقطاب القومي الحاد الحاصل في السودان لكين بتفقوا في حته أنو الحكومة المركزية لما تعتمد على قوته فقط في قمع القوميات ومصادرة حقوقه بتبقي الحالة أشبه بالقنبلة الموقوته ** راجع خطاب البشير في القضارف وحاول طبق الاشارات دي على شعوب السودان نوبة وفور والنيل الازرق وجبال النوبة والبجا شرق السودان حتلقي الحكومة مفروظ بشرياته دي تتكرم بيها عليهم قبل ما يجي الوقت وتلقي كل الجبهات دي مفتوحة عليها ما لرغبة الناس ديل في تفتيت السودان لكين إستجابة لرغبة الحكومة المركزية الشافت أنو في إقصاء الاخرين ومصادره حقهم الطبيعي أنو يكونوا قوميات متعددة باعراق وثقافات مختلفة أنها تتعائش كلها في دولة واحدة , الكلام ده ليه !!!!!!!! لانو يا بدر البفكر بالاقصائية والعنجهية دي مستحيل نصدق انو بدي بشارات ووعود إلا لما يكون مضطر ليها