ليه الجن يكره التمر ؟؟ قولوا ...

Quote: الواحد بعد ما يقرا بوست mandingoo ما يجي يقرا البوست ده .. و الاجناس البتشكر فينا لو قروا البوست ده حيغيروا رأيهم فينا الأخت عواطف علي جابت ليها موضوع .. سمعته في رادي في تلفزيون .. قرتو في حتة تانية .. المهم انها نقلت الموضوع هنا و هي على اقتناع بالمسألة دي .. ممكن نتفق معاها و ممكن نختلف معاها .. لو اختلفنا موش ممكن نختلف باحترام شوية بدل إبداء السخرية و الردود القبيحة دي .. و المؤسف ردود الستات .. طبعاً في المنبر ده الواحد لو ما طول لسانه و نفش ريشه ..ببقى قبلة للهجوم من البعض و اساسا في اعضاء ما بكتبوا شي مفيد و لمن يلقوا النوع المسيكين دا بجوا يعملوا بيهو موضوع و الظواهر الغريبة البقت متلحانة انه الزمن ده لمن تجي تتكلم في الدين ..الدين ده بقى زي الشي الكعب و البتكلموا في اي شي ديني هم متخلفين .. و انتا او انتي لو عايزة ترتقي لمصاف الناس الفاهمين و تعمل\ي لنفسك برستيج ..لازم تبدي إستهتارك بالمواضيع الدينية و تظهر\ي شي من الإلحاد .. هو الواحد و للا الواحدة وكت ما مقتنع بدينه ما يغيره ..احسن ليه و احفظ لماء وجهه ..بدل ما يكون ناسب نفسه لديانة هو اساسا ما مقتنع بيها ..يعني انا بحترم مية مرة الشخص الملحد البقول الدين ده ما مقنع بالنسبة لي و كمان يغير اسمه لي اي اسم تاني لو كان اسمه ديني - بدل البكون عنده ديانه هو اساسا ما مقتنع بيها..ده بالنسبة للبستهتروا بالعقيدة عموماً ..ما للناس الما مقتنعين بموضوع البوست .. غايتو بس سجمنا في المصيبة الجاتنا دي و الدنيا بقت آخر زمن على قول حبوبة شامة .. طيب نرجع لموضوع البوست .. اساساً وكتين في احاديث صحيحة اوردوها الإخوة هنا .. بتقول انه اكل التمر بحمي من السحر .. و التمر ده شي مادي