|
|
 Re: كيف تربي ابنك على تحمل المسؤلية؟ (Re: احمد سيد احمد)
|
الأخ أحمد
الموضوع فعلاً في غاية الأهمية كما قال الأخوة المعلقين
الملاحظ في تربيتنا لأبناءنا إنها مليئة جداً بالقيود والمحاذير، ويمكنك النظر لأي أسرة سودانية
وتلاحظ كثرة ما يستخدمون: يا ود أقعد عاقل، يا ود ما تسوي، يا ود ما تطلع في الشباك، يا ود ما ... ما .. ما ...
أذكر مرة معاي ولدي البكر وكان عمرو حوالي 5 سنوات، مشيت لي واحد صاحبي سعودي
الولد طبيعتو فضولي قعد كلما يشوف ليه حاجة في الشقة يمشي يهبشا ويقلب في الحاجات ويفتح التلفزيون ولا يقعد في الكمبيوتر
أحسست بالحرج وبقيت أتابع في الولد وكل مرة أنهرو يا ود ما تسوي كدي ... ما تشيل ، ما ...
بينما هو ما اشتغل بالموضوع نهائي
حتى إنو الموضوع الجيت عشانو ما ركزت فيه زي ما ركزت مع ولدي
في النهاية قال لي: إيش هاذي التربية، خلي الولد يعمل اللي بدو يعملو
مما جيت تصيح في الولد ، يا ولد ما تفعل يا ولد ما تسوي ..
علماً بأنو الزول دا أصغر مني عمراً
لكن لقيتا نصيحة في غاية الأهمية وحسيت فعلاً إني مقيدو بقيود لا قبل له بها
المهم طريقة تربيتنا القلتها ليك دي ما فيها طريقة لي ولد عشان يتحمل المسئولية
العكس تجعله غير واثق في ما يفعله ويتوقع التوبيخ في أي عمل يقوم به،
ثم الموضوع الآخر: نحن قاعدين نخاف على ولادنا شديد، ودي ما في صالحهم
بالذات المغتربين
يعني مثال: ما تلعب في الشارع، بتضربك عربية
ولا نكلف نفسنا بتعليمهم كيف يعبرون الشارع، استطعت تعليم ابني عبور الشارع بهدوء رغم إنو شارع مزدحم
أمام المنزل
وهي أن يقف في طرف الشارع، ويشير بيده للسيارات للتوقف
إن توقفت : يعبر ، إن لم تتوقف يستمر في الإشارة
وغالباً ما يستجيب السائق لطفل صغير يريد عبور الشارع
ومرنته على ذلك: حتى إنني أكون معه أحياناً وأطلب منه أن يعبر بنا الطريق بالطريقة التي علمته
وفي النهاية بقى يمشي ويجي براه
حتى طريقة تربيتنا في القرى خاطئة ولا تساعد في تنمية الثقة لدى الطفل
في القرية لا تعرف من أين تأتيك الأوامر والنواهي
البلد كلها تربيك، البعرف والما بعرف
وإن أبديت أي مقاومة فإنك شافع قليل أدب ولميط
وهذا في رأيي المتواضع أكثر شيء يضعضع ثقة الطفل
لم نتعود أن نوكل لهم مهام تناسبهم وترضيهم
مثلاً من الصعب على والد أن يعطي ابنه المراهق مبلغ ألف جنيه ليودعه في حسابه في البنك
وصعب عليه أن يسلمه مصاريف البيت لأنه مسافر لأسبوع
بل يضعها عند الأم غالباً
وصعب عليه أن يعلمه قيادة السيارة ويرسله لإحضار شقيقته من المدرسة أو أمه من بيت أهلها
لذلك حتى يبلغ الولد عندنا عمر العشرين تجده لا يستطيع التعامل مع هكذا أشياء
لا يستطيع التصرف إن أوقفه شرطي المرور، بل أحياناً يبكي ويخرج تلفونه للاتصال بي: بابا أو ماما
لأنه لم يتعلم كيف يتعامل مع الناس
لأن أبويه يحرمونه من مخالطة الناس الأكبر منه
لأنهم حرموه من اكتساب خبرة تعينه في الحياة
ولك التحايا مثنى وثلاث ورباع
|
|
 
|
|
|
|
|
| العنوان |
الكاتب |
Date |
| كيف تربي ابنك على تحمل المسؤلية؟ | احمد سيد احمد | 04-23-14, 04:41 PM |
 Re: كيف تربي ابنك على تحمل المسؤلية؟ | Osman Dongos | 04-23-14, 05:00 PM |
| Re: كيف تربي ابنك على تحمل المسؤلية؟ | احمد سيد احمد | 04-24-14, 07:15 AM |
| Re: كيف تربي ابنك على تحمل المسؤلية؟ | احمد سيد احمد | 04-28-14, 08:23 AM |
| Re: كيف تربي ابنك على تحمل المسؤلية؟ | محمد عبد الله الامين | 04-28-14, 08:33 AM |
| Re: كيف تربي ابنك على تحمل المسؤلية؟ | ismeil abbas | 04-28-14, 09:36 AM |
| Re: كيف تربي ابنك على تحمل المسؤلية؟ | مدثر صديق | 04-28-14, 08:51 AM |
| Re: كيف تربي ابنك على تحمل المسؤلية؟ | احمد سيد احمد | 04-28-14, 09:04 AM |
| Re: كيف تربي ابنك على تحمل المسؤلية؟ | احمد سيد احمد | 04-28-14, 09:20 AM |
| Re: كيف تربي ابنك على تحمل المسؤلية؟ | بدرالدين بابكر مصطفى | 04-28-14, 09:48 AM |
| Re: كيف تربي ابنك على تحمل المسؤلية؟ | بدرالدين بابكر مصطفى | 04-28-14, 10:00 AM |
| Re: كيف تربي ابنك على تحمل المسؤلية؟ | Mahmoud Zakaria | 04-28-14, 10:57 AM |
| Re: كيف تربي ابنك على تحمل المسؤلية؟ | احمد سيد احمد | 04-28-14, 10:27 AM |
| Re: كيف تربي ابنك على تحمل المسؤلية؟ | احمد سيد احمد | 04-28-14, 12:28 PM |
| Re: كيف تربي ابنك على تحمل المسؤلية؟ | احمد سيد احمد | 04-28-14, 12:58 PM |
| Re: كيف تربي ابنك على تحمل المسؤلية؟ | احمد سيد احمد | 04-28-14, 10:34 PM |
| Re: كيف تربي ابنك على تحمل المسؤلية؟ | بدرالدين بابكر مصطفى | 05-01-14, 07:24 AM |
| Re: كيف تربي ابنك على تحمل المسؤلية؟ | مريم بنت الحسين | 05-01-14, 07:53 AM |
| Re: كيف تربي ابنك على تحمل المسؤلية؟ | بدرالدين بابكر مصطفى | 05-01-14, 10:29 AM |
| Re: كيف تربي ابنك على تحمل المسؤلية؟ | الصادق صديق سلمان | 05-01-14, 12:34 PM |
| Re: كيف تربي ابنك على تحمل المسؤلية؟ | مريم بنت الحسين | 05-01-14, 01:03 PM |
| Re: كيف تربي ابنك على تحمل المسؤلية؟ | احمد سيد احمد | 05-04-14, 07:48 AM |
|
| |
بدرالدين بابكر مصطفى
فيس بوك
تويتر
انستقرام
يوتيوب
بنتيريست