|
|
 Re: قنصليتنا بنيويورك وجة حسن وشعلة من النشاط والمسئولية (Re: حسن حماد محمد)
|
الأخ مبارك،
سلام..
ياخ سناء دى لا تهتـم بأحوال المواطن أبداً.. مرة انا جيت لتجديد جواز، قامت رسلت المراسلـة يجيب شاى، وما جات تانى عشان تشوف المراسلة جاب مع الشاي
كيك واللا لا.. شفت كيف؟ اخــر إهمال ولا مبالاة..
والمشكلـة التانيـة.. وأقول مشكلـة لنو دى فعلا مشكلـة تحتاج لتحليل دقيق جداً.. موظفو السفارات السودانية يحترمون المواطن لأول مـرة في عهــد الإنقاذ هـذا... لماذا؟
أنا في حالة سفـر شبـه دائمة منذ 1976.. وفى عهـد النميرى المواطن يتعوذ ويتحوقل ويقرأ اية الكرسى قبل ما يمشى السفارة، فيجد الوجوه المكفهــرة ونظرات الريبــة والشك..
وعدم الترحيب وكلفتة موضوعك أو إرجاعك لتعود (بكرة).. كل هـذه أختفت في عهـد النظام الحالي.. لماذا.. واحدين يقولوا ليك دا ذكاء منهم عشان يجملوا صورتهم..
طيب ياخ الناس قبلهم كان في زول جابرهم على الغباء.. وهل الأفضل تجميل الصورة أم تقبيحهــا؟ اليس من واجبهم، ومن حقنا عليهم أن يجملوا صورتهم؟
أنا كنت فى المظاهرة امام مبنى الأمم المتحدة ضـد على عثمان حين كان وزيرا للخارجية.. ثم تحركنا للسفارة وكنت البس جلابية وعمة وتوب، يعنى اكتر من ظاهر، ثم صورت
المظاهرة بالفيديو ونشرتها هنا في هـذا المنبر.. وفى اليوم التالى كنت في السفارة لمعاملة قنصليـة..
طبعا السفارة هنا محكومـة بقانون الولايات المتحدة الى حد كبير، وليس بقانون امن الدولة.. لذلك لن تستطيع إيذاء اى معارض (كما في داخل السودان) .. ولكن تستطيع رفض التعامل مع معارضين كما فعلت السفارات
من قبلها..
|
|
 
|
|
|
|
Abureesh
فيس بوك
تويتر
انستقرام
يوتيوب
بنتيريست