|
|
 Re: ايها التنظيمات السياسية والحركات المسلحة التفوا حول رؤية المؤتمر الشعبى لحل قضية السودان! (Re: الدومة ادريس حنظل)
|
Quote:
ايها التنظيمات السياسية والحركات المسلحة التفوا حول رؤية المؤتمر الشعبى لحل قضية السودان! |
زمان شن قلنا ؟؟ ما كنا عارفين كلكم كيزان زعلانيين ، أنتم من أسستم لنظام أركانه وأنتم من عذبتم الشرفاء ببيوت الاشباح و
خرجتم مع شيخكم الثعلب الترابي عند المفاصله ، وبأيعاز منو تمردتو
ووقفتو حال المواطن الغلبان في دارفور كل السنين دي . يعني خلاص عشان بالامس التقي الثعالب وأتفقو عاوز كل الحركات
المسلحة تلتف حول رواءكم المهترية بس أحب أطمئنك زمان مع اول التمرد في دارفور كان شيخكم يمسك بطرف حبل اللعبة ولكن
بعد مرور كل هذة السنين والحركات أصبحت خمسة الف حركة بمسميات مختلفة شيخكم زاتو فقد طرف الحبل وأصبح لا حول ولا قوة
له حيال الحركات ولا يجتمعون حول شيء الا المصالح الشخصية فقط الترابي كايس مصلحتو الشخصية ، جبريل أبراهيم كذلك وعبدالواحد
وعيييييك ودي مشكلة السياسة في السودان أي متمرد أو تنظيم سياسي بيرفع شعار رفع الظلم عن منطقة معينة واول ما يتفق مع حكومة السجم
والرماد دي ويعطوهو جزء من الكعكة بينسي سكان المنطقة الاتمرد عشانهم ويلبد . وأتحداك خلي بكرة جبريل أبراهيم أو ياسر عرمان أو مالك عقار
وغيرهم كثر من سماسرة الحروب الحكومة دي توزع ليهم أنشاءالله ربع ربع الكعكة تأني لو تزكرو المواطن المطحون في دارفور أو جبال النوبة
الانضرب بالطيران والانتنوف . سماسرة الحروب بيعملو المواطن سلم يركبون علي ظهره للوصول لمصالحهم الذاتية فقط وليس حبا في مواطني
المنطقة الرافعين شعار رفع الظلم عنها .
تبأ للترابي وتبأ للبشير وتبأ لاي زول تاجر دين ينافق من أجل مصالحه
حيرتو إبليس زاتو
|
|
 
|
|
|
|
|
| |
عادل الباهي عبدالرازق
فيس بوك
تويتر
انستقرام
يوتيوب
بنتيريست