اسرة الراحل قرنق فى شنو و الناس فى شنو???

Quote: مش كان احسن تنصح جوزيف ده وتقول ليه العودة للحكم الاقليمي اللامركزي بتاع اديس ابابا 1972 وباسس جديدة "نيفاشا 2005" في الشطرين واجراء انتخابات في البطاقات 9و10و11و12 ينزع فتيل الازمة ويفتح افق للمعارضة المسلحةفي البلدين في وظيفة حاكم اقليم وبرلمان اقليم وحكومة اقليم بدل النزاع على المركزين في جوبا والخرطوم وانهيار البلدين قريبا

وكان أنا قُلت ليهو إنت حتقول شنو؟! ولا عاوِز تفَعِل هواية التصفيق.. طبعًا إنت بتمْتلِك الحقيقة.. كُل الحقيقة علشان كِده:-
(1) أنا كلامي مرقتو غلط وإنت الصاح.
(2) جوزيف محتاج لِنصيحة، وإنت بِتبذُلا ليهو.
(3) إنو المركزي المُطبق حاليًا في دَولة جنوب السودان، نِظام ما صحيح، الصحيح الإنت شايفو [العودة للحكم الاقليمي اللامركزي بتاع اديس ابابا 1972].
(4) نيفاشا قديمة، الجديد عِنْدك لاكين والإنت بتقولو [وباسس جديدة "نيفاشا 2005"]
(5) ماشاءالله بتْتكلم بإعتبار ما سيكون، الله أكبر ألله أكبر.. مدد.. مددددد [واجراء انتخابات في البطاقات 9و10و11و12
ينزع فتيل الازمة ويفتح افق للمعارضة المسلحةفي البلدين في وظيفة حاكم اقليم وبرلمان اقليم وحكومة اقليم بدل النزاع على المركزين في جوبا والخرطوم ]

(6) والحقيقة.. كُل الحقيقة طبعًا عِنْدك: [العلاقات البايولجية والمصاهرات في المركز والممتدة من 1956 عطلت السودان ودمرت دولة المؤسسات]

غايتو يا adil amin يا كاتِب القصة والرواية والمقال السياسى (حسب ترجمتك لنفسك برااااك) يا adil amin الطبشيرة المسكتها وتوووش دخلت ليك في شيتًا ولا بتعرِف ليهو ولا خايِل فوقك حرّم، أها يا خوي أخير تجدع الطبشيرة دي الله يرضى عليك وتجي تقنِب في الكنبه الورا هِنااااااك مع الحيطه

هسِع في ذُمتك ي يا adil amin إسلوبك ومفرداتك والمعِط الفوق ده مُمكِن نتخَيل إنو صادِر مِن زول مُعرِف نفسو إنو كاتب قِصة + رواية + مقال سياسي؟! عليك الله ما تهظِر ياخ!