|
|
 Re: هكذا يكون التعليم (Re: ابو جهينة)
|
ألف شكر على المشاركة ... الموضوع فعلا مهم وحيوي.. والأمريكان وجدوا انهم نظامهم التعليمي مقارنة بي العالم، ما بالقوة الهم بتوقعوها... على الرغم من انهم ناس passionate جداً في عملهم... بالذات المدرّسين منهم... اشتغلته لفترة في قطر مع مجموعة من الاستشاريات الأمريكان، جابوهم القطريين عشان يساعدوا المدارس المستقلة في قطر عشان يمشي في الاتجاه الصحيح... السيدات ديل كانوا تقريبا 12، كل واحده فيهم خبيرة في مجال معيّن... اهتمامهم بالمدارس والطلاب اداني احساس من تجربتي كطالبة، انه كتير من اساتذتنا ما كانوا بالحماس ده... ما عايزه اعمم في الاتجاهين (الامريكان واساتذتنا)، لكن عايزه اقول انه الحماس برضه بحسب الفيديو غير كافي، وزي ما قالت رئيسة اتحاد المعلمين، مشكلتهم في امريكا هي الاستمرارية .. في اشارة برضه لموضوع تقدير المعلّم، وموضوع الثقة فيه.. عجبني انه في فنلدا بفتكروا انه المعلم قادر على تقييم الطالب وما محتاجين لامتحانات موحده من الوزارة عشان تقييم الطلاب... زي الطبيب البنثق فيه لما يقول انه المريض شفى من مرضه او لا..
تحياتي ابو جهينة.. وشكرا مره تانية
|
|
  
|
|
|
|
مريم بنت الحسين
فيس بوك
تويتر
انستقرام
يوتيوب
بنتيريست