|
|
|
 Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: مني عمسيب)
|
إنت يا ود البوش ما تقول عديل عاوز تدبل بتشفر في الموضوع مالك
أوع تكون من الرجال البخافو من الحكومة
أشهر طلبك بكل رجالة وثقة
والله ما تعدي أسبوع تلقى نفسك مدبل بالتانية
بلاش غبيرة بلاش غرف عذابة هو البيتعود على السكن العائلي تاني بيقدر على جهجة العذابة
نشد من أزرك ونوعدك بحضور العقد ومعاه النقطة كمان بس تعلن عن ذلك جهاراً نهاراً
_________________
غايتو البوست دا لو قرتو زوجتك حقك راح والبوست على مسؤولية صاحبه
| |
 
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: عبدالله ود البوش)
|
مبارك يس
ياخي الله اجبرك بخاطرك وانصركم على القوم الظالمين
.
.
عاين جاي
ما تقول لي عرفتني مبارك يس كيفن ؟
شدة رواعية ساهي مع شدة محبة
.
.
بركات حسن احسن احمد كان بحب ليهو واحدة في وزارة المالية
لمن اجي الخرتوم بتصل عليهو أها حلاوة لبن كيف ؟
لمن تكون بعيدة يحكي لي الحنان
ولمن تكون جنبو اقولي عبدالله قول بسم الله قول بسم الله ما تتشاوش
ياحليلكم يا ناس الاس تي اس
.
.
غايتو يا مبارك محمد لو ما طلعت مبارك يس تكون طلعتني لا راعي ولا بعرف السرحة هههههههههه
تحياتي في كل الاحوال مع جزيل الشكر
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: محمد المسلمي)
|
ود البوش الزول الجميل الحمد لله السهل ليك طلبك وده من نيتك السمحة
ربنا يرحم ام حسن ويطرح البركة في وليداتها ونسأل الله ان يجمعك معها في عالي الجنان
نديك حاجة من قصص الحلة مولانا بخطب في الناس لصلاة الجمعة وكانت الخطبة عن الجنة فقال فيها :
ان الملائكة يزفون المؤمنين الي قصورهم فياخذون بيد المؤمن حتي يدخلونه قصره فيجد الحور العين مصطفات
في انتظاره فيهم بالذهاب اليهن فتقول له الملائكة تريث يا عبد الله فان الله أعد لك خيراً منهن فيدلف الي داخل القصر
فيجد الحور المختصات بخدمته أجمل فيهم بالانطلاق اليهن فتقول له الملائكة تريث يا عبد الله فان حوريتك بانتظارك
فيدخلون به الي غرفته الخاصة فيفاجأ بزوجته في الدنيا وهي تنتظره وفي هذه اللحظة ينهض أحد المصلين الذين شدتهم
الخطبة هاتفاً بأعلي صوته : يا مولانا خربتها ولم يستطع مولانا اكمال خطبته من شدة الضحك
| |
|
|
|
|
|
|
|
|
 Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: سامى عبد المطلب)
|
سمسم يا هندسة يا نوارة حلتنا
| Quote: نديك حاجة من قصص الحلة |
مباااااااااااااااااااااالغة
انا ذاتي قلت كدي
عاين جاي
عمك اب سروال يصلي في صلاة الجمعة حس بريح اثناء السجود ومنو والسلام قفل السبيل بكعبو ومنتظر السلام بخروج الروح
الكعب فَلَت وخرجت الريح قبل السلام
عمك اب سروال متضجرا وبطول حسو
تسود ختوتك سوادا في عمرك يا الشفقانة هههههههههههههههههههههههههههههههههههههههههههههههههههههههههههههههههههههه
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: فتح العليم محمد أبوالقاسم)
|
| Quote: لو كنت جاد عندي ليك غرفة في الملز شارع الفرذق قرب مستشفي عبيد وايجارها السنوي خمسة الف ريال |
فتح العليم
سلام واحترام
كيف ما جادي والله جاد جداد جد واصحابي ديل اياها مناكفتهم لي دايرين اورطوني بالعرس في السنة الشينة دي
حلاة لق لق ........ داير اخد لي فاصل غنائي مع العزابة
.
.
واشكرك جدا اخي العزيز لمسعاك وعرضك الجميل دا لكن بس المشكلة مكانك دا بعيد خلاس وانا شغال في المدينة الصناعية الجديدة
هناااااااااااااك اقصى جنوب الرياض منها والخرج
غبيرة ذاتا بعيدة لكن اقرب من الملز
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: وضاحة)
|
Quote: الجغجاغة دى شنو هههه ؟
|
الجغجاغة دي نوع من الطيور
ود عديل كان مشرك للطيرة دي قبض فيل فد طقشة دقش ول ما دقش ؟
.
.
| Quote: اها منى بت عمسيب قالت ليك جااااهزة بس انت قول اوكى |
اتي يا وضاحة بتتكلمي أصالة عن نفسك ونيابة عن منى بت عمسيب ول نيابة عن نفسك واصالة عن منى بت عمسيب ؟
بت المدن يا الواعية يا الدراسة الكتاب أهل الطيب اللبا ابيع النعجة بتتعبوا معاهم كونهم بدسو الموز تحت العنقريب
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: عبدالله ود البوش)
|
عندنا قريبنا ساكن جمب مقابر حمد النيل
الراجل ضرب السيجارة ######ن وشال المرتبة قال للمدام عاوز انوم في الحوش
وبالسطلة الكبيرة دي شال المرتبة وتوش على مقابر حمد النيل
اها الحديد البعملوه في القبور دا والله ماعارف اسمو شنو
زولك افتكروا السرير
وخت اللحاف وسطح ونام
الراجل اسمه حسن يوسف وملقب بالدسيس
بس نام كده قال حلم بالقيامة قامت
قال هم عشرة وقفوهم صف لحالهم
وجاء الملك شايل لسته
وقعد ينده في ناس النار
حسن يوسف الى النار بسرعة
قال عملت فيها نايم
الملك تاني حسن يوسف بتاع الجزيرة الساكن جمب مقابر حمد النيل
زولك ولا اتحرك خطوة واحدة
قام الملك قال ليهو : الا يقولوا ليك حسن { الدسيس } !!!!
تعرف حياة العزابة والله أخير منها السكن في المقابر
تقوم من النوم تلقى السفنجات كلها شمال !!
والغريب لو سكن معاك نوع من بتاعين النضارات الزي قعر الكباية
تديه الشاي
بعد شوية يشوت الكباية لحد المغسلة
تقول ليهو ياعمو ارفع الكباية
يلحقها يشوتها تاني
وكان عاوز تاخذ عقابك في الدنيا قبل الآخرة يقوم يحكي ليك قصة بالليل
قصص من الحرب العالمية الأولى
وكلها عنقريب { القد } وعملنا وفاطنة قالت لي
والمشكلة يشخر ويخليك صاحي
تفتح تلاجة العزابة تلقى { غتاية } الحلة
والحلة ذاتا مافي !!!
قال اللبا يبيع النعجة قال !!!
| |
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: عبدالله ود البوش)
|
Quote: تفتح تلاجة العزابة تلقى { غتاية } الحلة
والحلة ذاتا مافي !!!
|
ياخي مرة فتحت تلاجة عزابة جات مارقة كديسة
قال حلة غتاية جردل قال
.
.
عزابة جاهم انصاري سنة جديد من السودان ومن اول يوم قاليهم الشغل كيف ؟
يا زول هوي روق شوية والعشرة سنة الاولى اصلها بتزهج وبعدين تتعود
قاليهم شوفو انا جاي لمشروع معين بديت بنيان في بيتي وجيت هنا سنتين بس اتم البيت وارجع
واحد من اعمامك بتاعين النظارة كعب الفنجان عدل من جلستة وجر لياقة العراقي الكانت خانقاهو وسحب السلة وبزق السفة
وقال ليهو
سنتين ؟ سنتين وتتم البيت وترجع ؟
على الطلاق سنتين جلابتك القصيرة ما تمها
.
.
قال الجدادة فقعت قال
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: مني عمسيب)
|
منى عمسيب عاشقة بلادي الحبيبة
سلام واحترام وشوق شديد
Quote: يعني الرخص الاسلامية دي ما نستمتع بيها زي السيدة خديجة
رضي الله عنها ؟
|
فاطنة بت ود اللحيدب توفى زوجها وتقدم لها شاب اصغر منها بكثير
ابت ستين امين ما تقبل بيهو قالت دايرين تسوا لي فضيحة كمان اقولوا فاطنة عرست شافع صغير
الناس حاولوا اقنعوها وقالوا ليها السيدة خديجة اتزوجت الرسول وهو اصغر منها بخمسطاشر سنة
فردت عليهم :
.
.
.
اها ما شالوا حسها في الكتب ليوم الليلة ههههههههههههههههههههههههههه
.
.
منى بتي هاني عربي مالو ؟
ولبعدين زول الفيس بوك دا ما بعرفك وما بعرفك بجهلك
.
.
ما تشتغلي بالجمهور كتير سمح ؟
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: عبدالله ود البوش)
|
منى عمسيب عمى ود البوش ده ودناس خلاص بشخر و وظريييييف البنقو ده ما بشربه الا يكون ضارب تقيل
و زول حبوب وعلى نياته يعنى خفة اليد دى بخليها نعمنو اتعلمها على كبرو ما قريتى يوم براهو حكى
ليك يوم نشل فى المغتربين مرتين ،واخلاقو ما ضيقه الناس ساكت متهمنه غير بشاكل روحو انا ما شفت
ليه حاجة ،و زول مرتب وبحب النظام من شدة ما جريص على الحاجات الموز الا يجيب خبرو النمل من تحت
العنقريب ،وزول ود ناس وحجاى وحكاى كان حكى ليك زمن العز كانت بقرش وراس السكر يكفى خمسة
شهور اصلى ما بتملي نضمو، وزول اخرة بكتل النسون ، اها انا بريد عبد الله وداير ليك انت الخير واصلو ما فيه
عيب ، لكن من ود البوش اخير ليك انا..
صورة للدكتورة وضاحه عاد ياربى تكتب لى سفرة كان اوربا وكان قطر القرييييبة ده..
عمى ود البوش المعنى مشتاقين عليك الله لكن ما كسرت ليك التلج بكميات تجارية قول لى تتبارك..
حاشية: كنت بسكن معاك الا اهلى صعبين وكده لووووووووووووووووووووووووول،،،
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: صديق الموج)
|
اللمين البشاري افزعني بالكبشرة سريع واربط لي كلام صديق الموج دا في دلقون مختوم بأيقونة الوش اللحمر البنفخ داك
ومن دغشا بدري بوقفوا طربيزة امام المحكمة الالكترونية
انا اصلي ميت ميت شيل نص التعويض والباقي للورثة المساكين ديلاك
.
.
انا ما قلت ليك يا منى ما تشاوري الزول المجنون دا
.
.
.
تلفون فايزة عمسيب سريع اها ديك برضو امش ضللها مني
.
انا اصلي حلمان اتزوجت بت عمسيب وقبل ما اعرف الاسم ديك خالتي فاطنة عوعا
.
.
انلاقيك يا العفن بالدرب في زقاقات غبيرة دي أها وطاة الله دي بتعمل ساين اوت ول بتلبد تحت ايقونة
حرم كان عملت مشاركة مع طارق نقد ما اخليك
نحن كان ما الحكومات دي الزيكم دا بنخليهو شايل قروشو وحايم
الله يرحمك يا عمي ود ضحوية
.
.
.
صديق الموج الله اديك العافية وطولة العمر لكل ابتسامة صنعتها على وجوهنا
لكن بعد كدا يا اولاد البقس وقعتوا معاي
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: طارق ميرغني)
|
طارق ميرغني يا حبيب قول بسم الله قول بسم الله
ما شايفني قريت ليكم الهاكم التكاثر حتى زرتم المقابر عارف روحي اني ميت وانكم ميتون
.
.
بصراحة البوست دا خوفني بعد اموت الجماعة اخموهو واجيبوهو
ود البوش في ذمة الله
ود البوش سكن بالقرب من المقابر عشان اريح المشيعين
ود البوش آخر سورة قراها في لمة البورداب الهاكم التكاثر حتى زرتم المقابر
انا لله وانا اليه راجعون
الفاتحة في روحي امكن ما الاقيكم
| |
|
|
|
|
|
|
|
|
 Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: طه كروم)
|
| Quote: نحنا فى طيبة الطيبة |
طيبة وقسما لن يسكن فيها الا الطيبون
Quote: والله من كل قلبى أحببتك .. وادعو لك
|
ويشهد الله ابكيتني حبا فيك وشوقا للقاك ولو في العمر بقية يا الحبيب طه سألتقيك
وتا الله اجيك جاري بشوق ومحبة ودمعا جاري
يا الله حينما تلتقي القلوب حبا في الله
في ملفك مافي هاتف ولكن دا تلفوني وبيننا هاتف ولقاء باذنه تعالي في حضرة رسوله عليه افضل الصلوات واتم التسليم
0554009464
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: عبدالله ود البوش)
|
| Quote: سلام ودالبوش ومتعك الله بالصحه والعافيه والله انتزعت منا البسمه فى الزمن الاخبر |
الاخ فضل الله بابكر حماد
مرحبتين سلام واحترام
والصحة كان نمت تغتيك وكان قمت تباريك زي ما بتقول حبوبتي حليمة بت العيس لها الرحمة والمغفرة
.
.
قلت لي بقت الضحكة الا بالانتزاع وفي هذه اللحظة داعب خيالي قليع القطن رهاب رهاب ياربي اسمها القلاعة
ياخي دا تعبير قوي وفي محله
ياخي زمان الواحد اقوليك الجنا دا مسكتو ام فريحانة يعني على الهبشة اضحك وضحك مستمر كمان قت قت قت قت
والزمن دا كان كلكلت الواحد ما اضحك
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: عبدالله ود البوش)
|
إنت عارف سكن معانا واحد من النوع ابونضارة زي قعر الكباية
ورابط النضارة بي حبل
والنضارة بت اللذين دي فيها مسمار صغير مرات بيقع
والله العظين نحن يومنا داك كلو تفتيش للمسمار
وعمك طاقاهو جنس غتاتة
يوم حلف علينا طلاق الا نشوف كسوف الشمس
يعني عاوزنا نكون مابنشوف زيه
والله هو باعترافه قال مرات يفتش لي مرتو مايعرف محلها وين !!!
ولديه نكت اسكت سااااكت
اقسم بالله العظيم لو { كــــلــكــلوك } عشرة مرات ماتضحك !!
يعني الغربة عضتنا
ويجي عمك دا يعضينا تاني
زي حكاية الزول العضاهو الـــكــــلــــب
وقال للدكتور انا زهجت من الحقن
والدكتور قال ليهو خلاص امشي شوف الـــكــــلــــب
لو مات لازم تواصل حقن { السعر }
ولو كان حي عادي ممكن توقف الحقن
مشى يشوفو قام الـــكــــلــــب عضاهو تاني !!!
إنت عارف عمك مسك الميز لمدة شهر واحد
عارف الحصل شنو
كلنا نقصنا 10 كيلو
والمشكلة كان في البيت 10 كدايس ضكور واناث
يشهد الله من يوم 10 في الشهر ولاكديسة حايمة في البيت مافي
عارف ليه ؟؟
وقف اللحمة نهائيا من الميز !!!
قال نشلوني قال !!!!
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: ابوحراز)
|
Quote: مشى يشوفو قام الـــكــــلــــب عضاهو تاني !!!
|
هههههههههههههههههههههههههههههههههههههههههههههههه
أها يا فضل الله تعال انفقع بالضحك
.
.
ابو حراز عاين جاي
ياخي نحن عندنا واحد اسمو ود الجعيص يا زول هوي اتا شفت حاجة
الكلام دا في خميس مشيط والموية بالقروش الوايت بالشئ الفلاني وعمك لمن احاسبو اخر الشهر اقول داير التفاصيل
واكتر حاجة في التفاصيل وايت موية 60 ريال تاني شوية وايت موية 60 ريال
على الليمان والرحمن بكرة الموية بقت نقطة نقطة من الدش مع انو الصهريج ملان
جابو سباك اشوفو المشكلة
تعرف اتلقت شنو
عمك ود الجعيص حشا فتحات الدش بعيدان ما خلى الا فتحتين بس
.
.
قال جنبلغ قال
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: على احمد النعيم)
|
ود النعيم ود حمد
.
.
وكت العيش بقى بالملوات يا اب آمنة حوبتك جات ليييييييي لييييييييييييييييي
ابوي وييييييييينوا البعصر جناي ابوي وينو الجاتو العمايا
ابوي وينو الليدو عطايا
.
.
ياخي شوق شنو ياخي انا لهفان عليك اللهفة الواحدة دي
وينك يا الحبيب ؟
.
.
اتا كان نجيض شوف لي وضاحة دي وين واجر لي غرفة في طريق مرورها عشان اعرف ريحة السفرجل دي كيف ؟
ياربي زي ريحة البن ول زي ريحة القاشيت ول زي ريحة شوال الكبس الجديد ؟
لكن عصرت علي بالتخسم بالرسول عليه افضل الصلوات والتسليم
.
.
تحيات وشوق ما بغباك
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: صديق الموج)
|
Quote: عارف روحى بطفشن ليك
|
طفش ساهي اطفشك خالي الماحي
التهجة بت خالي البلولة ذاتا رضت خلاص بعد ما كانت زعلانة مني من زمنا الكنا في الباجور نهرتها قدام صاحباتنا
جات تشيل الكار من بعر بعير خالي الرضي
وقدر ما حنستها وقلت ليها انا خايف عليك من القوب ابت كلو كلو عشان حجرتها من لعبة الكار مع صاحباتها
صاراها لي ليوم الليلة
لكن الحمد لله قسمتي قوية ولي منها بطنتين تلاتة بعدما بلغ الراس شيبا وبلغت من الكبر عتيا
يا سلاااااااااام يا التهجة عليك الله لاسع مذكرة الكار الكبار حق بعر بعير خالي الرضي المليتي منو عِبِك وشتتيهو لمن نهرتك
وعليك الله وين كديسكن الزرقا
لوووووووووووووووووول
حليلك يا ود الموج الماعندك واتساب
قال طفشن قال
يا داب حلت للدعس
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: علي محمد الفكي)
|
حبيبنا علي محمد الفكي
سلام يا كلس
| Quote: منتظرين حكاوي ود الجعيص |
ود الجعيص شغال معلم بنيان لكن بنيان ضربا زقلا
وشغال بنظرية ود العيس ابني وإلَيس بنيانو اطلع كويس
اها مرة هنا في السعودية بنو ليهم حوش لسعودي كلفتة ساهي لمن خلصو الحوش ميل وانتكا قرب اقع
قال للعمال المعاهو اتكلوا ضهركم على الحيطة دي ثبتوها ما تقع وخلونا انخلص قروشنا وبعدين الله كريم
وحكاويهو هبطرش بجيها برواقة لكن دي على السريع شايفك مستعجل
| |
|
|
|
|
|
|
|
|
|
Re: يا ناس غبيرة ما بلقى لي عندكم غرفة في بيت عزابة ايجارا معقول شوية ؟ (Re: وضاحة)
|
Quote: بنات المدن بقولوا ليهم زى نضم كابلي دا وطوالى برقدن كاويق هههههه
|
والله يا وضحضح السمحة وماك طالباني حليفة اخير وضحضح ول وضاضيحو لوووووووووووووول
خالي البلولة ابو التهجة المذكورة اعلاه كرهنا في غنا الكابلي والجيلاني الواثق
طوالي اقفل الرادي واقول ما تكملو الحجار بالمصريين ديل
وعاد يوم الربوع اشلع الرادي لحدي حبوبتي الصبر قاسي تسمع وتعرض
| |
|
|
|
|
|
|
| |
عبدالله ود البوش
مني عمسيب
HAIDER ALZAIN
Asim Fageary
حسين ديقول
فيصل محمد خليل
Hani Arabi Mohamed
وضاحة
عبدالرحيم أبراهيم العبيد
أيمن محمود
فتح العليم محمد أبوالقاسم
محمد المسلمي
سامى عبد المطلب
الزبير صالح الزبير
ابوحراز
صديق الموج
على احمد النعيم
عزالدين عباس الفحل
علي محمد الفكي
سليمان القرشي
ahmedona
فيس بوك
تويتر
انستقرام
يوتيوب
بنتيريست