|
|
 جريمة بمستشفى (السلام) الخاص بالخرطوم
|
منقول من الفيسبوك
لاحولا ولاقوة الا بالله....جريمة بمستشفى (السلام) الخاص بالخرطوم .... توفي مساء امس صديقي حسن ابراهيم ( حسن كديس ) وهو يسكن جبره الجديده بالقرب من شارع الهوا وهو دفعتي تم الاتصال بي من قبل اصدقائي حوالي السابعه صباحاً وابلوغني الخبر فسألتهم دفنو ولا لسه قالو لي لي لسه ليه قلت ليهم قالو لي الجثه في المشرحه المهم ما طولت الكلام وركبت عربيتي ومشيت المشرحه وكانت المفاجأه احس المرحوم صباح امس بألم في بطنه وذهب الي مستوصف السلام وشخصو له مرضه بالزايده ، دخل العمليه علي الفور حوالي الساعه الثانيه ظهراً بعد المغرب وبعد ما فاق من البنج جاهو الدكتور وقال ليهو الحمد لله استأصلنا الزايده وطبعاً كانت انفجرت ونضفنا ليك بطنك وانت حسي تمام التمام . بعد اقل من ساعه من هذا الكلام بدأ حسن بالتوجع واتت الممرضه وادتو حقنه لتسكين الالم ولم يتوقف الالم وبعدها تاني حقنه وتالته ورابعه والكل يبحث عن الطبيب ولا يوجد طبيب وبدأت بطنه في الانتفاخ لحد غير طبيعي جاء طبيب امتياز وادخله غرفة العمليات لفتح بطنه ومعرفة الحاصل شنو وبينما هو بغرفة العمليات اتي الطبيب الجراح الذي اجري له العمليه وهو الدكتور مصطفي سيد احمد وهو مشهور علي نطاق الجراحه في السودان المهم قبل ما يدخلوهو غرفة العمليات للمره التانيه وبعد انتفاخ بطنه بدأ الدم يتدفق من فتحة العمليه وبغزاره حتي ملأ السرير وارضية الغرفه تماماً فجأه خرج الطبيب اثناء العمليه التانيه وقال دايرين دم يا ناس اهلو دايرين يمشو يجيبو دم لكن فصيلتو غير معروفه !!!!!!!!!! ما عملو ليهو اي فحص قبل العمليه المهم بعد مجابدات وشكل وكوراك مشو وجابو الدم وعندما رجعو المستشفي لو الراجل اتوفي وهرب الدكتور مصطفي اصحاب المرحوم رفضو يستلمو الجنازه وفتحو بلاغ وناس الادله الجنائيه جو وعملو العليهم ونقلو الجثه للمشرحه التقرير الشفهي لدكتور عقيل مدير المشرحه بأنو ما لاقتو فظاعه زي الشافها جوه بطن الزول ده طيلة فترة تشريحو وانو الزول ده ما عندو زايده وما اتعملت ليهو العمليه بتاعت الزايده اساساً وانو لقو تلاته شرايين رئيسيه مقطوعه تماماً وانو معدتو مليانه بحوالي 2 لتر من الدم وانو بطنو كلها مشرّطه بالمشارط من الداخل وحتي كمان استأصل جزو وارسلو للمعمل لتحديد الخدوش والجروح الحصلت علي الجزو ده المهم تقرير المشرحه لم يسلم لزوي المرحوم وتم تسليمه للشرطه نسبه لفتح البلاغ من زوي المرحوم المستوصف هو مستوصف السلام وتقريباً قالو بالقرب من المستشفي الكويتي ده الحركه المتكرره من المستشفيات الخاصه بصوره مستمره ومن الاطباء المستهترين برضو تخيلو زول يمضّوه علي تحمل جميع مخاطر العمليه ويدخلوهو عمليه وما يعلو ليهو فحص دم لمعرفة فصيلتو لا اله الا الله وانا لله وانا اليه راجعون للمرحوم والطب في السودان والساده المسؤلين عن الطب في السودان اتمني انو المستشفي ياخد جزاتو والدكتور كمان عشان تكون عظه للبعدهم والقبلهم يا رب تقبلو بواسع رحمتك يا رب انه حال البلد في عهدكم ياكيزان وكلوا في ميزانكم بإذن الله .. هسي بس يقولو شنو؟؟؟ والله ماف كلام .. and#8235;#ود_كسابand#8236;
|
|
 
|
|
|
|
|
| العنوان |
الكاتب |
Date |
| جريمة بمستشفى (السلام) الخاص بالخرطوم | Zomrawi Alweli | 01-22-14, 11:53 AM |
| Re: جريمة بمستشفى (السلام) الخاص بالخرطوم | Asim Fageary | 01-22-14, 11:58 AM |
| Re: جريمة بمستشفى (السلام) الخاص بالخرطوم | عبدالعزيز عثمان | 01-22-14, 12:09 PM |
| Re: جريمة بمستشفى (السلام) الخاص بالخرطوم | Mohd Ibrahim | 01-22-14, 12:22 PM |
| Re: جريمة بمستشفى (السلام) الخاص بالخرطوم | مهدي صلاح | 01-22-14, 11:59 AM |
| Re: جريمة بمستشفى (السلام) الخاص بالخرطوم | ناصر حسين محمد | 01-22-14, 12:12 PM |
| Re: جريمة بمستشفى (السلام) الخاص بالخرطوم | ابو جهينة | 01-22-14, 12:14 PM |
| Re: جريمة بمستشفى (السلام) الخاص بالخرطوم | مرتضي عبد الجليل | 01-22-14, 12:14 PM |
| Re: جريمة بمستشفى (السلام) الخاص بالخرطوم | ياسر منصور عثمان | 01-22-14, 12:30 PM |
| Re: جريمة بمستشفى (السلام) الخاص بالخرطوم | ياسر منصور عثمان | 01-22-14, 12:33 PM |
| Re: جريمة بمستشفى (السلام) الخاص بالخرطوم | عزالدين محمد عثمان | 01-22-14, 06:09 PM |
| Re: جريمة بمستشفى (السلام) الخاص بالخرطوم | احمد حمودى | 01-22-14, 07:40 PM |
| Re: جريمة بمستشفى (السلام) الخاص بالخرطوم | فقيرى جاويش طه | 01-22-14, 08:04 PM |
| Re: جريمة بمستشفى (السلام) الخاص بالخرطوم | عوض محمد احمد | 01-22-14, 08:32 PM |
| Re: جريمة بمستشفى (السلام) الخاص بالخرطوم | Mohamed Foto7li | 01-22-14, 09:27 PM |
| Re: جريمة بمستشفى (السلام) الخاص بالخرطوم | بكرى ابوبكر | 01-22-14, 09:33 PM |
| Re: جريمة بمستشفى (السلام) الخاص بالخرطوم | سيف النصر محي الدين | 01-22-14, 10:44 PM |
| Re: جريمة بمستشفى (السلام) الخاص بالخرطوم | مزمل خيرى | 01-23-14, 03:03 PM |
| Re: جريمة بمستشفى (السلام) الخاص بالخرطوم | عبد الحفيظ فخر الدين | 01-23-14, 03:12 PM |
| Re: جريمة بمستشفى (السلام) الخاص بالخرطوم | عماد شمت | 01-23-14, 03:17 PM |
| Re: جريمة بمستشفى (السلام) الخاص بالخرطوم | عبدالحفيظ ابوسن | 01-23-14, 03:36 PM |
| Re: جريمة بمستشفى (السلام) الخاص بالخرطوم | ياسر احمد محمود | 01-24-14, 12:17 PM |
| Re: جريمة بمستشفى (السلام) الخاص بالخرطوم | منتصر صلاح | 01-24-14, 01:51 PM |
 Re: جريمة بمستشفى (السلام) الخاص بالخرطوم | على محمد الخير | 01-24-14, 02:35 PM |
| Re: جريمة بمستشفى (السلام) الخاص بالخرطوم | وضاحة | 01-24-14, 03:16 PM |
 Re: جريمة بمستشفى (السلام) الخاص بالخرطوم | عثمان الأمام | 01-24-14, 03:33 PM |
| Re: جريمة بمستشفى (السلام) الخاص بالخرطوم | Balla Musa | 01-24-14, 04:37 PM |
|
| |
Zomrawi Alweli
فيس بوك
تويتر
انستقرام
يوتيوب
بنتيريست