يا جماعة وين النصرى امين زول كندا ?

مرحبا Guest
اخر زيارك لك: 05-08-2024, 01:51 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الاول للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
12-17-2013, 07:05 PM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا جماعة وين النصرى امين زول كندا ? (Re: smart_ana2001)

    ما قلنا ليكم ما تخسموني، الغدا في النار

    Quote: مريوم....شنو البرنامج بتاع نادر ?? نورينا


    البرنامج انا رسلته ليك من شهرين، لكن شكله ال iMessenger بقى حرامي... القصة يا ستي بدت في بدايات السنة دي لما Dr.Micheal Mosly البريطاني الشغال مع BBC عمل documentary كان هدفه منه انه يوري الناس يعملوا شنو على يزيدوا الlife span بتاعتهم.. او بصورة اكثر دقّة، يزيدوا من الوقت البعيشيوه وهم اصحاء من غير ما ترهقم الامراض بتاعت الكولسترول والضغط والكانسر وخلافو.... المهم قام عمل بحث عن الابحاث الحاصلة في المجال ده، وجرّب كم طريقة لحدي ما وصل للأبحاث البتتكلم عن الintermittent fasting او الصيام المتقطّع... لقى انه في اكتر من شكل للنوع ده.. وجرّب كم طريقة، وكان بعمل فحوصات عشان يشوف مستويات هرمون اسمه IGF-1 او البسموه الgrowth hormone، وهو الهرمون الابحاث بتشير لي انه زيادة وجوده هي البتأدي للaging.. ووجدوا انه عنده علاقة بالامراض المتعلقة بالكبر في السن، وبالذات بالكاسنر... اصلا هو كان خايف لي بت ام روحو لانو ابوه اتوفى بي سكري وكاسنر وقام خاف على روحو... اها في النهاية واحد من العلماء الكان بتكلم معاهم قال ليه ما ليك إلا انك تجرب نوع من الصيام المتقطّع ده، واسمه 5:2... وبعتمد على انه الواحد يصوم يومين في الاسبوع، وباقي ايام الاسبوع ما يهتم كتير بي البياكله.... يعني مثلا يصوم الاتنين والخميس (ringing any bells؟)... طريقة الصيام دي ما زي صيامنا، فكرتها انه في يوم الصيام الواحد مسمموح ليه انه يتناول 600 كالوري للرجال و500 كالوري للنساء.... الطريقة دي سريع جداً بقت معتمدة عند الناس وميزتها القدرة على الاستمرار... اي زل بستمر فيها لوقت طويل جداً يصل لسنة اقل شي... الجسم بفقد فيها الوزن بمعدل هاديء جداً... للنساء تقريبا 0.46 كيلو (ولا بحوّل ليكم، ده بحثنا بريطاني بي جاي، حولوه براكم لرطل)... والجسم حتى لو وقفتو الصيام ما برجع الوزن بسهولة لانه فعليا البنزل هو دهون ما مويه ولا عضلات... الشي التاني الناس كلهم اتكلموا عن شعور بالسعادة والراحة لانهم بعملوا حاجه ما ضاغطه وممكنه في سبيل صحتهم وانهم شايفين النتائج في معنوياتهم وفي اجسامهم... كل الconcerns كانت الخوف من الصيام نفسه، باعتبار ده ما ممارسه معمول بيها في الغرب.. لكن انا عجبني لانه احنا اصلا متعودين على الصيام، وشكل الصيام ده بخليك تشرب وتاكل خلال اليوم لكن بكميات محددة... وغالبا بتلزمك الظروف انك تاكل بروتينات وخضار لانه البروتين بشبع لفترة طويلة والخضار قليلة في الكالوريز... يعني الزول بتوجه غصبا عنه للسمك والدجاج والخضار وبالذات الورقية لانها قليلة في الكالوريز.. وبغيّر عادات بايخة زي مثلا احنا عندنا عادة نشرب الشاي بالليل وغالبا معاه كارثه... اول اسبوعين بتكون صعبة شويه ويوم الفطور بكون في هلعة شديدة للأكل... بعداك الموضوع ببقى إلى حد كبير عادي... وبتبقى تاكل بصورة معتدلة في الايام الخمسة العادية، وفي يومين الصيام بكون في التزام لانه معروف انه تاني يوم العيد... الصيام بكون لمدة تقريبا 36 ساعة... يعني تبدأي الساعة سبعة المساء يوم الاحد تفضلي صايمة الاتنين كله، التلاتاء الساعة سبعة صباحا يوم العيد... أنا استمريت فيه لمدة شهر وكنت مبسوطة فيه جداً، لكن حصل لي طاريء صحي ما قدرته استمر... لكن حأرجع ليه خلال اسبوعين تقريبا من الان.. نادر مستمر ليه شهرين ومبسوط جدا وملتزم والنتائج بتاعت ظاهره خالص.... الشي الاخير انه قد ما تظهر الحاجات دي في الارقام بتاعت الوزن، لكن احسن طريقة لقياس التأثير بتاع الدايت هو عن طريق قياس محيط الخصر... وبظهر في الملابس شديد...

    انا اختصرته ليكم نقّه كتيره جداً... لكن للعايزين يعرفوا اكتر، ده الفيديو الاصلي الاتذاع شهر 3 في BBC... انا عادة بغلّب الجانب العلمي، لكن عندي قناعة نابعه من تصوّف انه اي شي كان بعمله النبي عليه الصلاة والسلام فيه حكمه... عشان كده قدر ما فتشته عن انتقادات للطريقة دي او مشاكل حصلت للناس، لقينها كلها دلع خواجات.. وغالبيتها من موضوع الصيام، يقول ليك بحس بي دوخه وصداع وما عارف ايه... من الحاجات البقولوها انه ما تمت تجارب كافية عليها، شخصيا انه القناعة الدينيه خلتني ما اهتم كتير بالنقطة دي...

    Eat, Fast and Live Longer - Horizon from Steve Hartman on Vimeo.




    خلاص ونسة خشم الباب دي كفاية... لما اجيكم بعد شهر كده... اكون رجعته ليها، وممكن اكتب عن تجربتنا في البيت والوجبات البنعملها وإلخ
                  

العنوان الكاتب Date
يا جماعة وين النصرى امين زول كندا ? smart_ana200112-16-13, 06:31 PM
  Re: يا جماعة وين النصرى امين زول كندا ? Kostawi12-16-13, 06:38 PM
  Re: يا جماعة وين النصرى امين زول كندا ? خالد عبدالوهاب12-16-13, 07:16 PM
    Re: يا جماعة وين النصرى امين زول كندا ? smart_ana200112-16-13, 07:28 PM
      Re: يا جماعة وين النصرى امين زول كندا ? smart_ana200112-16-13, 10:36 PM
        Re: يا جماعة وين النصرى امين زول كندا ? مريم بنت الحسين12-16-13, 10:46 PM
          Re: يا جماعة وين النصرى امين زول كندا ? Kostawi12-16-13, 11:35 PM
            Re: يا جماعة وين النصرى امين زول كندا ? النصرى أمين12-17-13, 00:12 AM
              Re: يا جماعة وين النصرى امين زول كندا ? elhilayla12-17-13, 00:42 AM
                Re: يا جماعة وين النصرى امين زول كندا ? النصرى أمين12-17-13, 01:12 AM
                  Re: يا جماعة وين النصرى امين زول كندا ? النصرى أمين12-17-13, 01:30 AM
                    Re: يا جماعة وين النصرى امين زول كندا ? النصرى أمين12-17-13, 01:41 AM
                      Re: يا جماعة وين النصرى امين زول كندا ? النصرى أمين12-17-13, 01:44 AM
                        Re: يا جماعة وين النصرى امين زول كندا ? smart_ana200112-17-13, 06:06 PM
                        Re: يا جماعة وين النصرى امين زول كندا ? smart_ana200112-17-13, 06:14 PM
                          Re: يا جماعة وين النصرى امين زول كندا ? مريم بنت الحسين12-17-13, 07:05 PM
                            Re: يا جماعة وين النصرى امين زول كندا ? مريم بنت الحسين12-17-13, 07:10 PM
                              Re: يا جماعة وين النصرى امين زول كندا ? النصرى أمين12-17-13, 08:45 PM
                                Re: يا جماعة وين النصرى امين زول كندا ? يحي قباني12-17-13, 10:12 PM
                                  Re: يا جماعة وين النصرى امين زول كندا ? Tragie Mustafa12-17-13, 11:41 PM
                                    Re: يا جماعة وين النصرى امين زول كندا ? smart_ana200112-18-13, 05:55 AM
                                      Re: يا جماعة وين النصرى امين زول كندا ? النصرى أمين12-18-13, 08:08 PM
                                        Re: يا جماعة وين النصرى امين زول كندا ? smart_ana200112-21-13, 05:55 AM
                                          Re: يا جماعة وين النصرى امين زول كندا ? smart_ana200101-09-14, 01:03 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de