حزب الأمة حزب سوداني 100%

Quote: حتى أنت يا بروتس! أفتح بلاغ عندك وعند أسيادك الطائفية ذاتهم. واضح جدا أنك ما بتعرف التكتحها ذاتو. إنتقادي للشيوعين أو للحزب لا يعني أنني أقف ضد الحزب الشيوعي مية المية. للحزب الشيوعي السوداني تاريخ مشرف. وبالنسبة لنا في جنوب السودان لقد كانت لنا قيادات محترمة في الحزب وجزء من هذا التاريخ. أرجع لأرشيف المنبر ده وسوف تجدني تحدثت عن بعض القيادات الشيوعية المحترمة في الحزب وأشدة بمواقفهم النبيلة. فهل كان هنالك من يكتب باسمي حينها أيضا؟؟ سيب العباطة البتعمل فيها دي وخليك زول بتفهم في السياسة السودانية. عندما كنت في منطقة الخليج تابعت لك عدة مشاراكات في تلفزيون البي بي سي عربي، ولقد كانت مشاركات بتدل على أنك زول فاهم وواعي سياسيا. ولكن بعض الخربطات والسملك لبن تمر هندي البتكتب فيهو في البورد ده يختلف عن ذلك تماما. الفضيحة الحقيقية في هذا البورد هي مواقفكم العنصرية يا مثقفي الشمال الماقادرين حتى الأن أن تستوعبو أن هنالك شخص من جنوب السودان من الممكن أن يحاوركم بلغتكم التي تقمعون بها الأخرين ويفحمكم بها. دي مشكلتكم الأساسية يا عادل أمين. بطلو اللف والدوران البتعملو فيهو ده. تاريخ الطائفية في السودان لهو تاريخ مشين. ولا يمكن تشكيره أو مدحه أبدا. أستغرب في شخص مثلك يدعي بأنه زول سودان جديد وليرالي، وفي نفس الوقت من المدافعين على تاريخ الطائفية! أني الأن أشك في صحة قواك العقلية.