|
|
 Re: هام: محاسبة البشير وحكومته شعبيا andquot;توجد صورandquot; (Re: عمر الفاروق عبد الله الشيخ)
|
هذه عينة من خطابات البشير "بالدارجي" بدون اي مكياجات صحفية و بعد انتفاضة سبتمبر تبين مدي الحالة السايكولوجية التي يعيشها الآن
بسم الله الرحمن الرحيم ..
الاهل والعشيرة .. السلام عليكم .. وحقيقة الواحد شاعر بأنو مقصر معاكم .. لانو دي اول مره نجيكم هنا .. وكان مفروض نجيكم من زمان .. لكن زي ما قالو القدم ليهو رافع .. وداير اقول ليكم .. احن ما جيناكم .. لكن والله متذكرنكم .. ودايما في بالنا .. عشان كده نحن كلفنا اخونا اسامة انو يجي عمل ليكم السد ده .. والسدود التانية .. لانو المويه هي الدبايه يا جماعه .. قالو المويه جات لكن عايزين مويه نضيفة .. لانو قالو الامراض معظما من المويه .. فالاخ اسامة عايزنك تعمل الدراسه .. وتعمل ليهم مويه نقيه صحية نضيفه (.. سير ..سير .. يا بشير ..) ايضا نحن بنجي .. وانتو مع واليكم . اخونا احمد هارون ..احمد هارون ده زول ما داير اشكرو قدامكم .. لكن ده زول نحن بنسد بيهو الفرقات .. المحل الفيهو فرقة ونحن دايرين راجل يسدها كنا بنودي احمد هارون ومحل ما وديناهو سداها وزاد زيادة .. الله اكبر .. وداير اقوليكم سر .. نحن كنا دايرينو لمحله تانيه نسد بيها في الخرطوم هناك .. لكن جو اهلو .. اهلو ناس شمال كردفان جو قالو ياجماعة الزيت كان ماكفى اهل البيت يحرم على الجيران .. ونحن قلنا لازم نكرم ناس شمال كردفان بي احمد هارون .. وزول كراعو خدرا يا جماعة .. وزي السحابه .. محل ما يقع بنفع .. الله اكبر .. نحن لما جينا ديل حركاتم وثوراتم بسموها بي الايام والشهور نوفمبر واكتوبر ونحن ثورتنا سيناها ثورة الانقاذ .. لانو البلد كانت محتاجة الي انقاذ .. الحاجه التانيه العايز اقولا ليكم اهلنا في دارفور ديل دخلم مرض .. دخلم شيطان .. كل ما نعمل صلح الليلة يخربوه .. لانو بيناتم ناس مأجورين .. ناس دافعين ليهم دولارات .. الحاجه التانية اول حاجه .. نحن عايزين نقول ليهم وهسع هم بسمعو في كلامي ده .. اي زول شايل بندقية وبحارب الحكومة وبروع المواطنين .. نحن السنة دي بنقطع دابرو انشاء الله .. كان في جبل جاينو .. كان قاعد في كركور جوه حنمرقو وحنطلعو انشاء الله .. الله اكبر .. لا اله الا الله .. ولا نعبد الا اياه .. مخلصين له الدين ولو كره الكافرون .. في سبيل الله قمنا نبتقى رفع اللواء ... الخ .. سلام عليكم .
|
|
 
|
|
|
|
|
| العنوان |
الكاتب |
Date |
| هام: محاسبة البشير وحكومته شعبيا حسب طلبه "توجد صور" | عمر الفاروق عبد الله الشيخ | 10-25-13, 03:55 PM |
| Re: هام: محاسبة البشير وحكومته شعبيا andquot;توجد صورandquot; | عمر الفاروق عبد الله الشيخ | 10-25-13, 04:08 PM |
| Re: هام: محاسبة البشير وحكومته شعبيا andquot;توجد صورandquot; | عمر الفاروق عبد الله الشيخ | 10-25-13, 04:30 PM |
| Re: هام: محاسبة البشير وحكومته شعبيا andquot;توجد صورandquot; | عمر الفاروق عبد الله الشيخ | 10-25-13, 04:34 PM |
| Re: هام: محاسبة البشير وحكومته شعبيا andquot;توجد صورandquot; | عمر الفاروق عبد الله الشيخ | 10-25-13, 04:44 PM |
| Re: هام: محاسبة البشير وحكومته شعبيا andquot;توجد صورandquot; | عمر الفاروق عبد الله الشيخ | 10-25-13, 04:48 PM |
| Re: هام: محاسبة البشير وحكومته شعبيا andquot;توجد صورandquot; | عمر الفاروق عبد الله الشيخ | 10-25-13, 04:55 PM |
| Re: هام: محاسبة البشير وحكومته شعبيا andquot;توجد صورandquot; | عمر الفاروق عبد الله الشيخ | 10-25-13, 05:10 PM |
| Re: هام: محاسبة البشير وحكومته شعبيا andquot;توجد صورandquot; | عمر الفاروق عبد الله الشيخ | 10-25-13, 05:30 PM |
| Re: هام: محاسبة البشير وحكومته شعبيا andquot;توجد صورandquot; | عمر الفاروق عبد الله الشيخ | 10-25-13, 05:36 PM |
| Re: هام: محاسبة البشير وحكومته شعبيا andquot;توجد صورandquot; | عمر الفاروق عبد الله الشيخ | 10-25-13, 05:46 PM |
| Re: هام: محاسبة البشير وحكومته شعبيا andquot;توجد صورandquot; | عمر الفاروق عبد الله الشيخ | 10-25-13, 06:02 PM |
| Re: هام: محاسبة البشير وحكومته شعبيا andquot;توجد صورandquot; | عمر الفاروق عبد الله الشيخ | 10-25-13, 06:20 PM |
| Re: هام: محاسبة البشير وحكومته شعبيا andquot;توجد صورandquot; | عمر الفاروق عبد الله الشيخ | 10-25-13, 06:40 PM |
|
| |
عمر الفاروق عبد الله الشيخ
فيس بوك
تويتر
انستقرام
يوتيوب
بنتيريست