|
عامل فيها زكي
|
عامل فيها زكي
بعد الحاح من الزوجة في قضاء الاجازة مع اهلها وحضور زواج اخوانها وافق على مضض ولكنه اضمر شرا .. اخذ سلفية من العمل ودبر لها حالها هي وعيالها سفرها للاجازة .ولكن اشر لها في الجواز خروج نهائي .. ومن باب التمويه قطع لها تذاكر ذهاب وعودة ... بعد ما سفرها جاء فرحا يفرك في يديه اول خطوة عملها فك الشقة وباع اثاث البيت ورحل سكن مع اصحابه العزابة وتفرغ للكتشينة تماما . مرة حريق ومرة وست ومرة هارد ..استمتع بانتصاراته وهو مرتاح من تلفونات زمان من نوع ( قوم تعال هسع البت دي عندها حمة .او ولدك دا جرحتو قزازة .. ) تذكر ايام كان يرمي ورق الكتشينة يسب ويسخط .. الآن اتفرقت ليكم يا اولاد الذين (عشرات بالعشرات).. اما هي بعد ما استمتعت بالاجازة والاعراس والحفلات قررت العودة حضرت الى العاصمة جهاز المغتربين لتؤشر للخروج تفاجأ بأن ناس التأشيرة قالوا لها انها جاية بخروج نهائي و ما لها طريقة للعودة ... عرفت نواياه لم تتصل به او تستفسر منه ولكنها اخذت الجواز وراحت السفارة ( وحنكت الفنصل) اقنعته ان الخطأ من ناس الجوازات بدليل ان زوجها قطع لها ذهاب وعودة وان اولادها بالمدارس .. لان حجتها قوية اقتنع القنصل وعمل لها تأشيرة دخول استثنائية .. عادت واشرت الخروج .. وفي عصر جمعة صاحبنا ماسك ورق كتشينته مستعدا لكسب عشرة الحريق واحد من الزملاء قال له .. انت الواقف في الباب دا ما ولدك وليد يا ابو وليد ..؟؟ - يا راجل العب لعب نزيه خلاص الحريق حرقك عايز نغش كمان عايزني التلفت وتسرق جوكر . -ياخ عاين وراك بالجد الواقف في الباب دا ما ولدك ؟ -يا راجل العب لعبك ولدي في السودان تلاقيه يلعب بلي في ضل النيمة هسع ..
- ابوي ؟؟
- ابوك ؟؟؟ والتفت .انا اخو الرجال يا ولد الجابك هنا شنو ؟
- جابتني الطيارة والليموزين . قام مهلوعا تناول جلابيته من مسمار في الحائط لبسها فوق العراقي ..
-يا ابو وليد جلابيتك دي مقلوبة .حاتزررها كيف ؟؟.
نزل اسفل العمارة وجدها تنتظره في الليموزين والشرر يتطاير من عينها وقالت ياولدي الضرب عليك هو المكتوب ..
- يا ولية جيتي كيف ..؟
- هسع دا ما وقته تعال حاسب بتاع الليموزين دا بعدين نتفاهم ..
- الشقة انا فكيتها وكمان بعت العفش ..
- تشوف لينا شقة مفروشة جمب مدارس الاولاد وتدبر حالك وانت عملت خيانة لازم تدفع تمنها .. انت لو عاوزنا ما نجي راجعين ماكان تقول لينا . نحن عا########ا خلقتك دي يعني .. تحرجني مع اهلي ؟ شهر يدبروا لي في حاجات السفر وفي النهاية اجيهم راجعة بعيالي .. انت لو ما عاوزنا نقعد معاك خلينا نكمل سنتنا دي انا بتحملك فيها وحا اوريك يعملوها كيف في الاجازة الجاية ياخاين يا مستهتر يا ما عندك نخوة ولا مروة رجال .. تعال حاسب بتاع الليموزين دا خليه يمشي ...
قصة واقعية بتصرف ..
|
|
|
|
|
|
|
العنوان |
الكاتب |
Date |
عامل فيها زكي | درديري كباشي | 09-01-13, 06:21 AM |
Re: عامل فيها زكي | ملهم كردفان | 09-01-13, 06:35 AM |
Re: عامل فيها زكي | درديري كباشي | 09-01-13, 06:39 AM |
Re: الحوافز عدو المواطن والوطن | عبدالحفيظ ابوسن | 09-01-13, 06:38 AM |
Re: الحوافز عدو المواطن والوطن | usama Babiker | 09-01-13, 08:08 AM |
Re: الحوافز عدو المواطن والوطن | درديري كباشي | 09-01-13, 08:20 AM |
Re: الحوافز عدو المواطن والوطن | درديري كباشي | 09-01-13, 08:16 AM |
Re: الحوافز عدو المواطن والوطن | درديري كباشي | 09-01-13, 05:09 PM |
Re: الحوافز عدو المواطن والوطن | محمد حمزة الحسين | 09-02-13, 10:00 AM |
Re: الحوافز عدو المواطن والوطن | ABUHUSSEIN | 09-02-13, 10:52 AM |
Re: الحوافز عدو المواطن والوطن | درديري كباشي | 09-04-13, 06:18 AM |
Re: الحوافز عدو المواطن والوطن | درديري كباشي | 09-04-13, 06:11 AM |
Re: عامل فيها زكي | محمد مجيدو | 09-02-13, 11:33 AM |
Re: عامل فيها زكي | درديري كباشي | 09-04-13, 06:41 AM |
Re: عامل فيها زكي | درديري كباشي | 09-04-13, 06:49 AM |
|
|
|