محمد عوض .. شكلك فعلاً ومعليش للكلمة بس فعععلاً شكلو عندك مشكلة فهم للبوست والمداخلات .. كدي أووول شي نبدا بي كلامي القلتو :
Quote: غايتو يا محمد عوض كان جيت كتبت حرف واااحد تاني بعد مداخلتك الاخيرة دي تكون بااالغت وتبقا ما فاهم موضوع البوست وجيت تشارك من اجل المشاركة.. والله ووالله خجلت ليك.. باختصار .. مداخلتك الاخيرة وكأنك بتنبز في ود بادي
دي كانت مداخلتي مش؟ يلا ممكن تشرح لي وين الحتة بتاعت تكبر كومك القلتها ليك دي ؟ وأكيييد ولأنك زول واعي وعشان تكضبني في قصة الفهم دي فمستحيييل تجيب الحتة بتاعت المشاركة من أجل المشاركة لأنو دي كلمة معناها مفهوم ومعورف بتستخدم لي شنو ..
يلا نجي لي كلامك اللي شكلك لا فهمتو بي كلام ملاسي المختصر والمفييد بي تييب لا فهمتو بي نقتي الكتيرة ..
Quote: اتجاه البعض لمحاكمة الشعراء و غيرهم من المبدعين, بانتاجهم, الادبى, على غير الاسس النقدية, المعروفة, او على حساب, تجريحهم, فى , شخصهم أو وضعهم الاجتماعى المادى..الخ, شئ, غير مقبول,
أمسك في الكلام الكاتبو إنت ده واللي هو :
على حساب, تجريحهم, فى , شخصهم أو وضعهم الاجتماعى المادى..الخ, شئ, غير مقبول
على حساب, تجريحهم, فى , شخصهم أو وضعهم الاجتماعى المادى..الخ, شئ, غير مقبول
على حساب, تجريحهم, فى , شخصهم أو وضعهم الاجتماعى المادى..الخ, شئ, غير مقبول
على حساب, تجريحهم, فى , شخصهم أو وضعهم الاجتماعى المادى..الخ, شئ, غير مقبول
على حساب, تجريحهم, فى , شخصهم أو وضعهم الاجتماعى المادى..الخ, شئ, غير مقبول
ولمن تقرا جملتك دي أقرا معاها عليييك الله قصيدة سكان البرج العالي سلام وقصيدة معايرة الولد ابو بينغ بونغ وطهورة الشاش .. ولأنو فعلا شكلو عندك قصور في الفهم وح تجيني تاااني تردح بي مداخلة ما مفهومة انا ح أوفر عليك الشرح .. ود بادي جرّح ناس في شخصهم في القصيدة دي .. ود بادي عاااير ناس بي وضعهم الإجتماعي في القصيدة دي .. ود بادي جرّح ناس بي وضعهم المادي في القصيدة دي ..
ما لم تكون قايل إنو الزول العندو قروش ده وضع مادي .. وما لم تكون فاهم إنو الحنكوش ده شخص .. وما لم وما لم وما لم .. بإختصار إنت جيت قلت كلامنا البي سببو ملاسي فتح البوست ..
08-13-2013, 08:52 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9025
طيب معليش يا اخونا الفاهم, عمر الفاروق, دى مداخلتى وحمرتا فيها الجزء الاهم, اللهم الا اذا كنت انت وكاتب البوست تعتقدون ان جماهير وعيال البندر شعراء ومبدعين, جت عليهم...؟
Quote: اتجاه البعض لمحاكمة الشعراء و غيرهم من المبدعين, بانتاجهم, الادبى, على غير الاسس النقدية, المعروفة, او على حساب, تجريحهم, فى , شخصهم أو وضعهم الاجتماعى المادى..الخ, شئ, غير مقبول,
Quote: ولمن تقرا جملتك دي أقرا معاها عليييك الله قصيدة سكان البرج العالي سلام وقصيدة معايرة الولد ابو بينغ بونغ وطهورة الشاش .. [COLOR=#0000FF]ولأنو فعلا شكلو عندك قصور في الفهم وح تجيني تاااني تردح بي مداخلة ما مفهومة انا ح أوفر عليك الشرح .. ود بادي جرّح ناس في شخصهم في القصيدة دي .. ما لم تكون قايل إنو الزول العندو قروش ده وضع مادي .. وما لم تكون فاهم إنو الحنكوش ده شخص .. وما لم وما لم وما لم .. بإختصار إنت جيت قلت كلامنا البي سببو ملاسي فتح البوست ..
وانتو مالكم حنان كده, وحريصين على مشاعر على سكان القصور العالية دى, مافى مليون نكتة وقصايد, اتقالت, فى ملكوتهم, وطريقة حياتهم, والعكس, نهايتو, مبروك عليك الفهم, والمقدرة الفذة فى النقد, خلنا احنا العتالة ديل فى جلهنا ده, ياخى, قصة جيت انى من اجل المشاركة, لا استطيع ان افهمها الا فى اطارها المستفز, سلام, يا فاروق, وشكراً, على الرد, ( الفاهم )
08-13-2013, 09:16 AM
وضاح عبدالرحمن جابر وضاح عبدالرحمن جابر
تاريخ التسجيل: 10-11-2012
مجموع المشاركات: 1986
كلام عمر صحيح يا محمد القصة ما محاكمة انتاج ادبي .. ولا عن شاعرية ود بادى
القصة عن فكرة ... ورؤية معشعشه فى اذهان بعض الناس انو بعض اولاد البندر او بعض الاثرياء ناس فاقدين للقيم السودانية الجميله وانو مالهم وقروشششهم حرام وانو دخول المدارس الاجنبية او السمحه وولاده الدايات والطهور ابو بنج وغيرها من مظاهر المدنية كلها عبارة عن سحسحه وحنكشة ومظاهر دخيلة على المجتمع السوداني الاغبش البائس الفقير الذى يفتخر بالبؤس والفقر ويذم ويسب المدنية والسعى الى الرفاهية
ده الموضوع يا حبيب وانو ... فكرة الشاعر عن الرفاهية .. وعن الرجولة السودانية والقيم السودانية بقت فى امتحان عسيييييييييييير جدا ... امام محك المصداقية ... لانو الشاعر .. اغترب ووضعو المعيشى بقى افضل واكيد هو ... واولادو بقوا بمارسو نفس الحاجات الاستنكرها على غيرو وسباهم بى سببها وذمهم .. وما خلى ليهم جنبه يقبلو عليها
فالتساؤل حق ملاسي ؟ هل الشاعر .. غير نظرتو لافكارو وقيمو .. وحا يعتذر عن شعروا الكتبو زى ما عمل محجوب شريف ولا متمسك بى افكارو ... وعايش بى نقيضها - يعني نفاق
08-13-2013, 10:55 AM
محمد عوض احمد محمد عوض احمد
تاريخ التسجيل: 01-17-2013
مجموع المشاركات: 197
وضاح, , حبابك كتير, مداخلتى لـ الاخ الفاروق , كان فى بالى ان تكون, الاخيرة, لى فى البوست, لكن, تقديراً, لك, سـ اشارك من اجلك فقط مرة اخرى,
[]
Quote: القصة عن فكرة ... ورؤية معشعشه فى اذهان بعض الناس انو بعض اولاد البندر او بعض الاثرياء ناس فاقدين للقيم السودانية الجميله وانو مالهم وقروشششهم حرام وانو دخول المدارس الاجنبية او السمحه وولاده الدايات والطهور ابو بنج وغيرها من مظاهر المدنية كلها عبارة عن سحسحه وحنكشة ومظاهر دخيلة على المجتمع السوداني الاغبش البائس الفقير الذى يفتخر بالبؤس والفقر ويذم ويسب المدنية والسعى الى الرفاهية
القصيدة, التى, كتبها ود بادى, لم يكن فيها اشارة الى كل هذا, بيت واحد من القصيدة, يوضح فكرة د. بادى, للوليد الدلوعة, ع قولو,
Quote: عشان يا انتا ما بتدرى سجل ابواتك البدرى
توضيح بسيط, خالص, ما اكتر, ولى يومنا ده, احنا الفى البنادر, اهلنا الكبار, شغالين فينا نق, نق, عن قصص كفاحهم, وايامهم فى الارياف, وبعد مرات بيكون فىها سخرية, اقسى مما جاء فى نص د. بادى,
Quote: لانو الشاعر .. اغترب ووضعو المعيشى بقى افضل واكيد هو ... واولادو بقوا بمارسو نفس الحاجات الاستنكرها على غيرو وسباهم بى سببها وذمهم .. وما خلى ليهم جنبه يقبلو عليها
فالتساؤل حق ملاسي ؟ هل الشاعر .. غير نظرتو لافكارو وقيمو .. وحا يعتذر عن شعروا الكتبو زى ما عمل محجوب شريف ولا متمسك بى افكارو ... وعايش بى نقيضها - يعني نفاق
يعنى المفروض الكاتب, يفضل, محبوس جوه اى نصوص, كتبها, ولا كيف؟ وبعد منو الطلع من البلد دى واغترب, وهو راضى, ومبسوط؟
لو سمحتو لي ادلو بدلوي في هذا البوست الذي اختلط ظاهره بباطنه بين الرحمة والعذاب ..
اولا الشعر ليس مبادئ انما الشعر مشاعر وحتى اشتق اسمه منها والمشاعر وجدان منبعه القلب والوجدان مرتبط بالزمان والمكان والظروف ... بمعنى ما تحبه انت الآن ليس ملزما لك ان تحبه الى الابد .. لانه قد تتغير الظروف مع مرور الوقت وتبعا لهذا التتغير في الزمان قد تتغير ظروفك المادية والبيئية والجغرافية وحتى صحتك ..
ومثال من الشعر نفسه المتنبي مدح كافور الاخشيدي في زمن ما وعندما تبدلت الظروف رجع وهجاه وكل قصائده في المدح والهجاء تعتبر من عيون الشعر العربي لم يقل احد ان المتنبي غير مبادئه او نافق .. لان لم يحاسبه احد بمضمون ما قاله هنا وهنالك انما كان القياس هو معايير الشعر نفسه .. وفي القرأن في سورة الشعراء ( والشعراء يتبعهم الغاوون ) هم الذين يحبون الشعر في نفسه كنوع من الطرب واللهو ولو كان الشعر مصدر لايدلوجيات وقوانين ودساتير لاصبح الشعراء انبياء ولرفعت درجة اتباعهم لاعلى من درجة الغاوين فقط .. وعندما نزلت هذه الآية تحسس شاعر الرسول صلى الله عليه وسلم خسان بن ثابت رضي الله عنه منها وقرر ان يعتزل الشعر لولا ان رده الرسول صلة عليه وسلم بمعنى لست انتم المعنيين بهذا والله انكم لتقاتولهم بالسنتكم مثلما تقاتلوهم بسيوفكم .. بمعنى الشعر حتى لو كان وسيلة للهو والترفيه ايضا يمكن توظيفه في خدمة القضايا السامية ..
ثم انه الشعراء هم بشر لهم احاسيس ووجدان مثل باقي البشر غير ان الله اعطاهم موهبة بالتعبير عن هذه المشاعر بملكات لغوية لايمتلكها بافي البشر فلذلك تصادف قصائدهم هوى في نفوس الناس غير القادرين على التعبير بذات الصورة اذا تطابق الوصف في القصيدة مع حالاتهم الوجدانية .. وحتى لو تغيرت ظروف الشاعر وبالتالي وجدانه .. ستظل هذه القصائد خالدة تعبر عن ناس آخرين يحبونها لنفس اسبابهم الخاصة .
والشعر العربي ملئ بأمثلة كثيرة لشعراء منذ زمن الدولة عباسية ومن زمن ناس ابو تمام وابو نواس وبشار بن برد وغيرهم لهم قصائد في زمن اللهو والصبا وكما لهم قصائد تناقض الاولى بعد ان تبدلت احوالهم .. ولكن لم يتحدث احد عن هذا التناقض والتقلبات بل كل القصائد ظلت الى يومنا هذا هذه تطربك كما تطربك تلك .
لذلك انا اعتقد ان محاكمة ود بادي بقصائده ليس فيه انصاف لود بادي الشاعر والا لابد ان نرجع ونحاكم كل الشعراء منذ ان ابتكر الانسان الشعر ..
08-13-2013, 09:47 AM
Asim Fageary Asim Fageary
تاريخ التسجيل: 04-25-2010
مجموع المشاركات: 7810
Quote: لهم قصائد في زمن اللهو والصبا وكما لهم قصائد تناقض الاولى بعد ان تبدلت احوالهم
سلام يا الدرديري
القصايد زى حقت ود بادى دى قصايد ذات ابعاد ايدلوجية وفكرية ومن منظور معين وبتعكس ثقافة معينة
والانا اقتبستو من كلامك ده هو لب الموضوع وصاحب الموضوع انت ذكرت انو اتبدلت احوالهم فاتبدلت معاها قصايدهم
وده السؤال المطروح هل ود بادى بعد ما ضاق عيشة اولاد البندر ... ولعب البنق بونق .. حا يعدل فى افكارو وحا يكتب قصايد تتماشى مع حالتو الجديده ولا ... حا يستمر فى تلاوة قصايدو القديمة وهى .. لاتعبر باى حال من الاحوال عن واقع الحال ؟؟؟؟؟؟؟؟؟؟؟؟
08-13-2013, 09:59 AM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
Quote: وهل عندما يغني مثلاً الفنان وردي (في الناس القيافة حبينا اللطافة) يكون مثل هذا الغناء محصور في طبقة الصفوة فقط ولا يشاطرهم الغلابة في هذه القيافة !
تنميط أخير منو (عمايل) ود بادي!
08-13-2013, 10:00 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: أها ده مربط الحصان يا قول المثقفاتية .. خليهو يرجع ويهجي ما كتب أو بالدارجي خليهو يجي يكتب عن أولاد المصارين البيضا خيراً ..
ما ياعمر سلام وكل عام وانتم بخير ........معناه انت ما ركزت على كلامي كله
انا قلت انه الشعر هو مشاعر او تحرك وجداني للشاعر امام حدث او حالة معينة انغعل معها وكتب قصيدته .. ولكن ليس فيه الزام له او لغيره ان تتحول هذه القصيدة لمبدأ او دين او دستور .. لان ذات المشاعر التي الهبته والهمته يمكن ان تتغير وتتبدل لحالة اخرى ..
وعندما تغير ظرفه ربما الظرف الجديد لم يلهب مشاعره حتى يقول فيه قصيدة ولم يمحى منه الاحساس السابق حتى يقابله بهجاء او قصيدة مضادة ..
لكن انتو عايزين تحاسبو الشاعر مثل محاسبتكم للترابي والصادق المهدي والميرغني على كلامهم ..
والفرق كبير لان هؤلاء يتبعهم الناس بالاقتناع والاعتقاد بينما الشعراء يتبعهم الناس بالغواية مثل ما ذكر القرآن
هؤلاء يبثون مبادئ عليهم الالتزام بها قبل اتباعهم بينما الشعراء يبثون مشاعر تغوي الناس او لاتستهويهم لكنها لاتلزم احد باتباعها ولا حتى الشاعر نفسه
Quote: أها ده مربط الحصان يا قول المثقفاتية .. خليهو يرجع ويهجي ما كتب أو بالدارجي خليهو يجي يكتب عن أولاد المصارين البيضا خيراً ..
ما ياعمر سلام وكل عام وانتم بخير ........معناه انت ما ركزت على كلامي كله
انا قلت انه الشعر هو مشاعر او تحرك وجداني للشاعر امام حدث او حالة معينة انغعل معها وكتب قصيدته .. ولكن ليس فيه الزام له او لغيره ان تتحول هذه القصيدة لمبدأ او دين او دستور .. لان ذات المشاعر التي الهبته والهمته يمكن ان تتغير وتتبدل لحالة اخرى ..
وعندما تغير ظرفه ربما الظرف الجديد لم يلهب مشاعره حتى يقول فيه قصيدة ولم يمحى منه الاحساس السابق حتى يقابله بهجاء او قصيدة مضادة ..
لكن انتو عايزين تحاسبو الشاعر مثل محاسبتكم للترابي والصادق المهدي والميرغني على كلامهم ..
والفرق كبير لان هؤلاء يتبعهم الناس بالاقتناع والاعتقاد بينما الشعراء يتبعهم الناس بالغواية مثل ما ذكر القرآن
هؤلاء يبثون مبادئ عليهم الالتزام بها قبل اتباعهم بينما الشعراء يبثون مشاعر تغوي الناس او لاتستهويهم لكنها لاتلزم احد باتباعها ولا حتى الشاعر نفسه
08-13-2013, 11:04 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: عشان كدا .. بتاعين النظام العام والعاملين فيها قيمين على المُثل - بفهمهم - وقبال ما يكشوا بنات وأولاد الناس؛ فيما لا يستدعي الكشة؛ عليهم أن يتحسبوا لمكر الزمان!
يا ملاسي يا اخي نحن ما حجرنا علي زول، ولا كشينا ولآد لا بنات لا ملك. بس يا ملاسي نحن قيمين علي موروثنا ومتمسكين بيهو وبندافع عنه، ثمّ إنت الجبت الكلآم وفتحت البوست. يعني نفهم من كلآمك دا إنّك فتحت البوست وما عايز الناس يردوا عليك واللآ شنو ؟؟؟. مكر الزمان ياتو كمان ؟؟؟!!!، يا زول نحن الليلة قاعدين ناكل المقدونلد، ونتعشى في الرد لوبستر، ونفطر في اولف قاردين وهكذا، ووكت نمشي البلد بندفس مع أهلنا الويكة والقراصة والكسرة، وأُم رقيقة، ونتبن في الخُشش معاهم في الليل، ونقضي حاجتنا في المستراحات البلدية، وبرضو كمان قاعدين نلعب البنق بونق، والتنس، والبلياردو. الحاجات الإكتسبناها من الغربة دي ليست هي الأساس عندنا، الأساس عندنا هو الريف وعيشة الريف وخشونة الريف. قسم بالله العظيم عاشرنا وِلآد البندر ومازلنا ومنهم كتيرين أُصولهم من الريف، ومنهم من هو بندراوي صِرف ومنهم من هو راجل مالي مركزوا، ومنهم من هو ليييين حتي تخشى عليه أن يذوب، وبرضو منهم من يتريق علينا وينظر لنا بدونية وهذا الذي حصل لمحمد بادي وردّ عليه. ردّ عليه بأشياء بعض منها أصبح موروث وقيم ما زلنا نعتذ بها، نعم منها طهارة القصبة في مظهرها بأعتبار إنها رمز لصلآبة زول الريف وتحمله للمشاق. مهما تبندرنا عندنا أُصول ثابتة نرتكز عليها بنبرزا عندما يتطاول علينا بعض أبناء البندر. أقول بعض وليس كل. ظروف كتيرة تفرض علينا أن نهجر الريف ونرحل للبندر مثال لها في الزمان الماضي المدارس الثانوية والجامعة، وتتيح لنا هذه الفرص أن نحتك بولآد البندر، وما من أبناء الريف أو القرى وآحد إلا تعرض للتريقة من بعض أبناء البندر، ودا شئ موجود في كل المجتمعات البندراوية في جميع أنحاء العالم. هل تغيير مظهرنا الخارجي ومحمد بادي وآحد مننا يعني إننا تغيرنا داخلياً ؟؟؟. ستظل قصيدة محمد بادي رد علي كل بندراوي يتريق علي وِلآد الريف، وسيظل محمد بادي هو حميد القديييييم رغم مظهره الخارجي، وسيظل يردد قصيدته رداً علي كل بندراوي يحاول التقليل من شأن أبناء الريف...
08-13-2013, 12:29 PM
محمد هاشم ابوزيد محمد هاشم ابوزيد
تاريخ التسجيل: 11-10-2011
مجموع المشاركات: 1711
شكرا الاخ عمر نمله علي التوضيح وكنت منتظر حضورك البطوله.
بأختصار ، رياضه تنس الطاوله عايزه عضلات تبش ولا يستطيع واحد مرخرخ ان يمارسها.
مع احترامي للشاعر الكبير، ده فهم مغلوط جدا ، هي فعلا رياضه الغلابه والدليل علي ذلك انتشارها في الصين من زمن بعيد. و تعتبر منتشره في مصر وهي الاولي عربيا في هذه اللعبه. لذلك تنس الطاوله لا تعتبر لعبه ارستقراطيه بل رياضه شعبيه اري انها افيد للشباب السوداني ان يمارسها ونخرَج ابطال يرفعوا علم السودان في المحافل الرياضيه بدلا عن كره القدم التي لا قبل لنا بها.
يا عمر يا عمر ياخ اقرأ هنا الأخوة الكرام مهداه الي عمر الفاروق وبدون تعليق
منقول من الإنترنت
قدم علي بن الجهم على المتوكل "الشاعر العراقي" - و كان بدويًّا جافياً - فأنشده قصيدة قال فيها : أنت كال###### في حفاظكـ للود ....... و كالتيس في قراع الخطوب أنت كالدلو لا عدمناك دلواً ....... من كبار الدلا كثير الذنوب فعرف المتوكل قوته ، و رقّة مقصده و خشونة لفظه ، وذ لكـ لأنه وصف كما رأى و لعدم المخالطة و ملازمة البادية . فأمر له بدار حسنة على شاطئ دجلة فيها بستان يتخلله نسيم لطيف و الجسر قريب منه ، فأقام ستتة اشهر على ذلك ثم استدعاه الخليفة لينشد ، فقال :
عـيون الـمها بين الرصافة والجسر ....... جلبن الهوى من حيث أدري ولا أدري خـليلــي مـا أحـلى الـــــــهوى وأمـره ........ أعـرفـني بـالحلو مـنه وبـالمرَّ ! كـفى بـالهوى شغلاً وبالشيب زاجراً .......... لـو أن الـهوى مـما ينهنه بالزجر بـما بـيننا مـن حـرمة هــــــل علمتما ........ أرق من الشكوى وأقسى من الهجر ؟g و أفـضح مـن عـين المحب لسّـــــره ......... ولا سـيما إن طـلقت دمـعة تجري وإن أنـست لـلأشياء لا أنسى قولها ......... جـارتها : مـا أولـع الـحب بالحر فـقالت لـها الأخـرى : فما لصديقنا ......... مـعنى وهـل في قتله لكـ من عذر ؟ صـليه لـعل الوصل يحييه واعلمي .......... بـأن أسـير الـحب في أعظم الأسر فـقـالت أذود الـناس عـنه وقـلمــــــا ......... يـطيب الـهوى إلا لـمنهتكـ الستر و ايـقـنتا أن قـد سـمعت فـقالتـــــــا........... مـن الطارق المصغي إلينا وما ندري فـقلت فـتى إن شـئتما كـتم الهوى ........... وإلا فـخـلاع الأعـنـة والـغـدر...............
فقال المتوكل : أوقفوه ، فأنا أخشى أن يذوب رقة و لطافة !
08-13-2013, 12:41 PM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
Quote: قدم علي بن الجهم على المتوكل "الشاعر العراقي" – و كان بدويًّا جافياً - فأنشده قصيدة قال فيها : أنت كال######## في حفاظكـ للود ....... و كالتيس في قراع الخطوب أنت كالدلو لا عدمناك دلواً ........... من كبار الدلا كثير الذنوب
لا مقارنة بين ود بادي وود الجهم؛ فود الجهم كان مادحاً في الحالين؛ فقط تنعمت مفرداته الجلفة عندما تنعم!
08-13-2013, 12:49 PM
محمد هاشم ابوزيد محمد هاشم ابوزيد
تاريخ التسجيل: 11-10-2011
مجموع المشاركات: 1711
اما عن الشاعر الكبير ود بادي فكلماته قويه جزله ومعانيه واضحه جليه. عموما الشعر يعبر عن البيئه المحيطه بالشاعر ولا يخرج عنها كثيرا. واوضح مثال لذلك قصه الشاعر علي بن الجهم مع المتوكل حيث قال
أنت كال###### في حفاظـك للـود و كالتيس في قراع الخطوب
غايتو الواحد طلع من البوست بحاجات كده : 1- حسين ملاسي من اولاد البرج العالي (والدليل عندهم سطوح صور لينا منو خور ابو عنجة قبل كم يوم) :) 2- عمر الفاروق ما اظنو من اولاد البرج العالي لكن اظنو كان بيلعب بنق بونق او ولدوهو في الدايات :) 3- انو بعض الزملاء هنا بدافعو عن ود بادي من منطلقات عرقية واخرين من منطلقات فكرية بحكم انو يساري (ما عارفو لسه يساري ولا سابها) وفي ناس بس كجنة في حسين ملاسي 4- بحكم اني من اولاد الريف فالقصيدة عجبتني
في النهاية القصيدة بها صور شعرية جميلة وود بادي شاعر عتويل وكفى
قبل ما انسى 5- النذير حجازي ( ) كبير :) ونتمنى انو ود بادي يرد على هذا البوست ولكن فليتحسب ويكون موضوعي
08-13-2013, 06:26 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
بوست من أوضح بوستات سودانيزأونلاين مقاصداً لكن يصر معظم المتداخلين على الحديث عن جوانب أخرى لم يتطرق لها أو ينكرها صاحب البوست مثل شاعرية بادي و ........ و.............. شاعر نقد أوضاعاً اجتماعية وانتقد الطبقة التي تعيش تلك الأوضاع ولم يسلم من ذاك النقد الأطفال الذين لا ذنب لهم في ما وجدوا فيه أنفسهم من ترف ونعيم دارت الأيام دورتها وأصبح الشاعر أحد افراد تلك الطبقة التي انتقدها بالأمس فلم يراجع ( على الأقل علنا ) قناعاته السابقة أو يعتذر عنها صديقنا حيدر أعطى النجيضة من بدري ( لو كان الكاتب غير حسين ملاسي لاختلف الوضع ) مولانا محمد المرتضى حاول أن يضع البوست في إطاره الصحيح ولم يستجب له أحد البروف أمين جاء مؤكدا ومحللاً ولن يقرأه أحد
أتاح البوست لصديقنا عمر الفاروق أن ( يتجدع ) وللحقيقة فقد كان منطقياً في كل مداخلاته
__________________________
وعلى سبيل ( المديدة حرقتني ) أتساءل أن ماذا سوف يكتب حسين ملاسي لو عرف أن الشاعر دكتور محمد بادي قد تمت استضافته في رحلة عودته الأخيرة للسودان في برج الفاتح ( أعلى ) و ( أعجّ ) قصور السودان ؟؟؟ أعجّ .... من عاجي
08-13-2013, 06:44 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
والله العبارة دى اترددت كتير, نفسى اكابس واعرف منو حسين ملاسى ده, وليه الوضع ممكن يختلف, لو كان الكاتب اى زول غيرو؟ باعتبارى انى لما جيت شاركت من اجل المشاركة, ما كنت عارف حتى د. بادى, ولا اى زول هنا, غايتو البوست ده, تحففففه والله, شكلى ما ح امرق منو بالساهل,
08-13-2013, 07:01 PM
وضاح عبدالرحمن جابر وضاح عبدالرحمن جابر
تاريخ التسجيل: 10-11-2012
مجموع المشاركات: 1986
Quote: والله العبارة دى اترددت كتير, نفسى اكابس واعرف منو حسين ملاسى ده, وليه الوضع ممكن يختلف, لو كان الكاتب اى زول غيرو؟ باعتبارى انى لما جيت شاركت من اجل المشاركة, ما كنت عارف حتى د. بادى, ولا اى زول هنا, غايتو البوست ده, تحففففه والله, شكلى ما ح امرق منو بالساهل,
هههههههههههههههههههه
سلام محمد حقو البرالمه يعملو حسابهم شويه .
تعرف فى مشاركات تقراها لمن تستغرب وتقول الزول ده قاصد شنو ده لو كنت ما متابع المنبر من زمان وما عارف الخلفيات
ف شنو تلقى مشاركة غريبه من وجهه نظرك .. لكن الزول الكاتبها والزول المكتوبه ليه وبعض المتابعين بكونوا عارفين انها رد لى موضوع او مشاركة او .. حفلة منبر -شكله - من قبل سنه او سنتين هههههههههههههههههه
08-13-2013, 07:11 PM
usama Babiker usama Babiker
تاريخ التسجيل: 01-07-2013
مجموع المشاركات: 2285
الشاعر ود بادي ابن عم اخينا وصديقنا د/ كمال عكود والقصيدة المذكورة قيلت لمناسبة محددة ... وللمعلومية ودبادي كان تربال نعم ولكنه لم يكن فقيرا كان والده مزارع مستور الحال ....
08-13-2013, 07:52 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25074
ود بادي من المبدعين القلائل في السودان وصاحب مبادي ونصير للغلابة . لم يتملق سلطة او مسئول ليغتني بل غادر بلدة ليبني نفسة بعرق جبينة وترك وطنه وتحمل عذاب الغربة من اجل ان يعيش ابناءه حياة كريمة ولايضيرة ان تحسنت ظروفة بل ظل اكثر تمسكا بمناصرة الغلابة .
ان اراد ملاسي ان ينتقد شعر ودبادي فله ذلك ولكن ان يكون النقد علي اسس فنية وعلمية .
08-13-2013, 08:05 PM
محمد عوض احمد محمد عوض احمد
تاريخ التسجيل: 01-17-2013
مجموع المشاركات: 197
Quote: هههههههههههههههههههه سلام محمد حقو البرالمه يعملو حسابهم شويه . تعرف فى مشاركات تقراها لمن تستغرب وتقول الزول ده قاصد شنو ده لو كنت ما متابع المنبر من زمان وما عارف الخلفيات ف شنو تلقى مشاركة غريبه من وجهه نظرك .. لكن الزول الكاتبها والزول المكتوبه ليه وبعض المتابعين بكونوا عارفين انها رد لى موضوع او مشاركة او .. حفلة منبر -شكله - من قبل سنه او سنتين
هلا يا وضاح, وياخى يارب دايما ضاحك تعرف اخوك ما برلوم, شديد, كنت موجود, هنا, فى 2010 بنفس الاسم, بس بينى وبينك لو الزول كان عارف انو ح يلاقى مناظر زى دى, كان ركز شديد فى الخلفيات اياها,
08-13-2013, 08:26 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
معاوية المدير, سلامات, بالله اجتهد معاى ياخى, ما اطلع اطرش فى زفة البوست ده, كفاية انو,فى الواقع الواحد طلع كيت, لا بقا ولد مدن ظريف ولا حصل يبقى, وريفى اصيل, يحدر طاقيتو, ويقدل بى حمارو, فى البلد
08-13-2013, 08:36 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: ود بادي من المبدعين القلائل في السودان وصاحب مبادي ونصير للغلابة . لم يتملق سلطة او مسئول ليغتني بل غادر بلدة ليبني نفسة بعرق جبينة وترك وطنه وتحمل عذاب الغربة من اجل ان يعيش ابناءه حياة كريمة ولايضيرة ان تحسنت ظروفة بل ظل اكثر تمسكا بمناصرة الغلابة .
ان اراد ملاسي ان ينتقد شعر ودبادي فله ذلك ولكن ان يكون النقد علي اسس فنية وعلمية .
أخي السماني هذا هو الشئ الما عارفو ملاسي وهذه هي مشكلة جل البلد كتاب البلد النقد من اجل ان يقول انا هنا بدون دراية وعلم ملاسي استشهد بقصيدة يا ساكن القصر العالي سلاااام ولم يعرف لما قالها ود بادي ومتى واعتبر ودبادي كان حاقد على كل من يسر الله له في الحياة والواضح أن ملاسي لما يتطلع لمناسبات القصائد الاثنين وأستند على فهم سطحي ولم نسمع المبادئ التي أقعست الإنسان ان يسعى في الحياة لتحسين وضعه ( لو فهمنا القصيدة بفهم ملاسي )
قال ود بادي عن مناسبة قصيدة هوي يا وليد وكانت في أيام الجامعة وقد كان مشادة بين الطلاب وكان الموضوع ( اثر الريف على الحضر واهمية الريف بالنسبة للحضر ) وكان نقاش عادي تدخل فيه ولد من أولاد البندر وقد وصفه ودبادي ( في معنى الكلام انه دخل شمال واستفز اهل الريف ) وحبَّ ودبادي ان يهجوه بقصيدة ويضح فيها كيف الحياة في الريف لولد البندر المتعالي ( ولا نقول ان كل من عاش في البندر متعالي لكن هذا تعالى عليهم بلفظ لم يذكره ود بادي لكن هذا الشئ هيج قريحته الشاعرية وانجبت لنا قصيدة هوووي يا وليد ) قال ود بادي باللفظ وانا احفظه من يوم سمعت هذه القصيد قال كنا جاين الجامعة من الريف وكنت يومها مثل عود الطندب المحروق واغبش .. وكان لين ويتقصع بين الأصابع وتدلّى سليلسلة في عنقه ولما صدر منه ما أستفزني احببت ان ارد عليه بقصيدة ) لم يكون زد بادي في يوم من الأيام حاقد على ذو سعة وليس عيب ان يتغترب ودبادي وبنته وبنوه ان يدرسوا في اي مكان مهما كلفه وليس عيب ان يركب سيارة فارهة
لكن ودبادي كانت قصيدته لساكن العمارات ولم يقصد جلهم لكن تلك الشلة التي ألقى عليهم السلام ولم يردوا التحية ( الإسلامية ) لانه كان وكان وليس من بينهم هذا ما حمله ان يقول قصيدته يا ملاسي واليوم وهو عائد من العين ( الأمارات لو مرَّ به موقف مشابه سيقول قصيدة مشابه ماهو رأيك يا ملاسي ؟؟؟؟؟؟
08-13-2013, 08:57 PM
محمد عوض احمد محمد عوض احمد
تاريخ التسجيل: 01-17-2013
مجموع المشاركات: 197
Quote: قال ود بادي عن مناسبة قصيدة هوي يا وليد وكانت في أيام الجامعة وقد كان مشادة بين الطلاب وكان الموضوع ( اثر الريف على الحضر واهمية الريف بالنسبة للحضر ) وكان نقاش عادي تدخل فيه ولد من أولاد البندر وقد وصفه ودبادي ( في معنى الكلام انه دخل شمال واستفز اهل الريف ) وحبَّ ودبادي ان يهجوه بقصيدة ويضح فيها كيف الحياة في الريف لولد البندر المتعالي ( ولا نقول ان كل من عاش في البندر متعالي لكن هذا تعالى عليهم بلفظ لم يذكره ود بادي لكن هذا الشئ هيج قريحته الشاعرية وانجبت لنا قصيدة هوووي يا وليد ) قال ود بادي باللفظ وانا احفظه من يوم سمعت هذه القصيد قال( كنا جاين الجامعة من الريف وكنت يومها مثل عود الطندب المحروق واغبش .. وكان لين ويتقصع بين الأصابع وتدلّى سليلسلة في عنقه ولما صدر منه ما أستفزني احببت ان ارد عليه بقصيدة ) لم يكون بادي في يوم من الأيام حاقد على ذو سعة وليس عيب ان يتغترب ودبادي وبنته وبنوه ان يدرسوا في اي مكان مهما كلفه وليس عيب ان يركب سيارة فارهة
08-13-2013, 08:38 PM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9025
اهوى يا وليد يا دلوعة يا مرنوعة أعدل إيدك المفدوعة واتلحلح واقيف دغرى وواسى صدرك مع صدرى واتشدّع ليك الحق شان ولدوك فوق اسفنج وحتى أول جديد سوهو ليك بالبنج وهسع هوايتك إنك تلعب البنق بونق وليك الحق عشان فطموك بعد مازدتا فوق سنتين وفى سن عشرة نومك كان على الليدين غطاك بالشاش وفرشك بحرير الصين والبتدورو كلو بتلقى قاب قوسين ابوك مليان وجيبو سمين وقلبو سمين وفاتحلك حساب فى البنك والتأمين وليك الحق عشان ما خضتا فى وحل المطر والطين ومن الترعة ما سويت شراب الهين وما قيلتا فى ضل دومة بى فرعين وما شاققتا عرق النيل مع الوزين وليك الحق عشان ادمنتا عيشة اللين مشي الاسفلت ما جربتو بالكرعين ركوب اللورى فى شمساً تصر العين وما عانيت وقوف الصف وراء التموين عشان يا انتى ما بتدرى سجل ابواتك البدرى دحين اسمع .. أقيف واسمع سماك الباكى مجدو الزال يا ما كانوا تحتوا رجال ابوخنجر وابوشوتال والصقر البجيك خوجال صوتن كان يمين جلجال ومكسيين كمال وجلال لكن الزمن اسرع سيفن بلحس الفقره وما كان برضو بالحقرة وكانوا بضبحوا الشقره وكانوا بضوقو العادوه نوم الكوع وكانوا بموتوا فى شان حرمة المفزوع الجعلى اب شرابا حار وقالوا بعدى يومو خنق والشايقى البياكل النار وفوقو نحاسو متخنق ودرفون البجا الصقار وحاقب سيفوا ياكل الشق والغرباوى عينو شرار وكضب القالوا عندو عرق والنيلى البعرفوا كتار على كتل الأسود جرّق والبطحانى والشكرى وغيرهم من أهل فخرى ومنهم أصلى لا بشبع ولا بقنع هوى يا وليد حصل جربتا كب السارية فى القلعة وخلا العتمور وشفتا بروقه تترقص وتتحرقص تقول مطويه فى قرقور وعاوى الزيفة ينفخ فى جبال النقعة زى الصور والحصحاص يجرفوا السيل يكنسوا على مهاوى الخور وقلب الصاقعة يتطرقش يكب النار دمار وشرور وشفتا الحال عرق مقلوع جبل متروم فرع مكسور جمال غرقانة بى حالا وحد المويه فى الغرغور ود ابن ادم المسكين نجاتو تحت قرون التور والعوتيب يجيك يجرى يشيلك وانتى ما بتدرى وما بيرفع هوى يا وليد ... حصل سادرتا بالديداب وقدامك مراحك وراكب الخباب ودربك طولوا يملا العين سحاب وغبار ومويتو سراب وهوى كرباجك البكاى يبكى على ضهور الضمر الانجاب وتسرى الليل وما تضوق هجدة لو كان النجم ما غاب وبعد أيام تجيك لفته ويلوحلك فى البوادى سحاب وتكرف من دعاش العينة تملا رئاك عطر وأطياب تلقى الوادى خضر زى تقول ماكان خراب ويباب وبت ام ساق تقييل من ضحاها على المعالى ونسمة الهباب وتفرش ليك حزمة نال تحت سيالة تريانة فروعها قراب وتنفخ كل آهاتك مع المزمار تصوغ الحان ملانة شباب وتنسي الدنيا كل الدنيا ماعندك معاها حساب خلاف برقا يشيل حرقاص أو رعدا تقول رصاص وكت فركع
هوى يا وليد ... حصل صحاك عز الهجعة صوت شتماً بعيد مخنوق وجاتك شخرة الطنبارى مشتاقاً يسوى القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سايق سوق وتلقى هناك بنات بلدك ولاد بلدك يعلو الصفقة تقدح فى القلوب الشوق ونغم الفال ابشرن يا بنات بالخير والجنيات تطير لا فوق وكم زغرودة تتفجر تفور بالناس بعد ما تروق يعوم الوز صدورو تشابى للمجهول وما بتضوق تميل زينوبة زى البان يمين وشمال تودى الطوق واخوان ام شلخ ينكبو جوه الداره زى صقرا نزل من فوق ضرب الصوت والركزة بيفرق الناس عشان زينوبة ما بتحوق وعاد تتحزم الجنيات وتتنظم تقيف في روق وكل واحد يهز ضرعاتو والحجبات تزح لافوق جفير الخوسة فايت الكوع وسيرو مع العضل مطبوق والطاقية تحت الحاجب المعقود هدية أم زين وما مشرية من السوق ويتقدم عريس السمحة رافع صوتو كان بسوقوا بيهو النوق والعنجاوى ينزل فوق ضهورن بس تقول منشحطة فيهو بروق يبدا مجرو بالترقوة ويتحدر مع الضلع القصار ملصوق واحمر عين يشم الدم بعد ما يرش بنات عمو ويزيدن شوق وثابت حيطة لا بتهز ولا بتلز وصارى جبينو كلو عروق وقال بعد العقد طلقانة ما يحجزوهو إلا يخلو ضهروا شقوق هناك الحال مغير جد وهيجة الناس تفوت الحد وكان حجازو مد الليد بتسمع كع
هوى يا وليد ... حصل شارفت دغشا بدرى فوق حجرة مخانق النيل فى سنة تساب والشرقي حزم القيف وطفح الكيل وشوفتا الهيبة فوق اسيادا والشخرى البكتل الحيل وشفتا الجارى يحفر فى جروف كوكبنا بس داير يشقو عديل يجيك بي صدرو متحزم ومتلقف صفوف فى صفوف يحاكى الخيل ومويتو الهايجة تبلع جب وتجقم فى مدالق السيل وفوق الرملة مشرور العشارى طويل معشعش بين نوايبو الطير حليلو جزايرو جاها النيل وحالف ما يخلى شبير حزم اطرافا يكسر فيها بالهدام وينحر فيها بالقرقير وبكرة يموصها يشرب طينها يزرع فيها شلالات هدير وهدير وتكسح مركب النواتة عايمى على قرون الموج جناحها كسير رواسيها مالى اصابعوا فى المجداف يقوم لافوق ويجى من تانى فوق الدفة رافع ايدو ينده فى جملة الصلاح واهل الخير هناك الموت يمين شافوهو شوف العين ومافى شفيع ومافى مجير تقول الزول يعرف اجلو ومكان موتو لولا إنو ما كشفو الإله لى غير عاد ما دام رقاب الموج تمد لسناتا فوق للحيف تكب الصير وشن فضل بلا الغرق البدور ناعى وفعلا كانوا يا هو مصير ومشيت المركب الغرقاني بين موجتين طفروا منها النواتا بطن اللجّة قالوا اخير تماسيحاً يقالدوا الموج يصارعوا عتاوة العرق الكتالو مرير ساعة يعومو بالضرعات وساعة فج صدورن ضمة مااتبلت ولو قطير ديل يا وليد ولاد النيل رضعو الهيجة من صدروا ومن الطيبة رضعوا كتير الواحد فعايلو كتر ونضمو دقاق نهرتوا يمين تسوى الفاق ومراً أصلاً لا ضاقوه لا بنضاق كفاك يا وليد بلاش فاقة خلاص أنا تهتا فى الاشواق وما برجع وهسع ضمة لا شايفك ولا بسمع
يا حمد عشان ما تنجرف زي باقي الناس الشتر.. تغيير ود بادي ما تغيير دواخل او خلينا نقول ده ما همنا او همي انا تحديدا.. فكونه لسسة تربالي يحن للتربالة بي لسانو وقصايدو ده شي بخصو..لكن نعم تغيير ود بادي.. اقلاه في لبسو ومظهرو وخامة قماشو وتطريز شالو وعممتو.. ود بادي لو في ود مصارين بيضا لسانو طالق يحق ليهو يشرشح ود بادي ويمسح بيهو الارض كمان ولو زول سألو فبكل بساطة يحكي ليهم مناسبة القصيدة في انها جات في الرد علي شاتم البينق بونق ولعبوها اولادو..
بعدين هنا في وهمة غرييبة شبكونا فيها الناس..يقولوا ليك ود بادي كتب القصيدة بمناسبة وفي افراد محددين!!! يبقا من باب اووولى كان ما يعمم او علي الاقل عشان يحفظ ماء الوجه او يعمل خط رجعة فكان جووة القصيدة يعدد محاسن الاغنياء ودورهم في معايشة الفقراء خصوووصا في زمنو الما كان بينضح طبقية ويكفي انو من سكانه كانوا ناس ابو العلا وناس النفيدية وناس وناس ممن سكنوا القصر العالي وهم من البسطاء..في تعاملهم وفي سلوكياتهم مع الاخر.. لكن ود بادي عمم وخاصم ثم فجر في الخصومة و ما كان واضع انو تصاريف القدر ح تسوقو للترطيبة وإلا لكان اضاف خط رجعة ..
ثم ياخي انا داخل البوست دا بوجهة نظر احسبها ثابتة ومستقرة في قرار مكين .. كونها تكون (شتراء) بالنسبة ليك/م .. فعادي لكن سبب واااحد بخليني انا دا اشوفها شترا مافي شفت كيف!؟
على خلاف الكثيرين هنا، انا المسألة دي عندي ثقافية .. ما عندها اي علاقة بالطبقية .. ولا الجغرافيا
--------
برضو ما لقيت اجابة على السؤال النقلتو هنا .. شنو حيثيات (التغير/التبدل) في سلوك او حتى وعي ود بادي عايزين كلام مؤسس بالبراهين نمسك فيو يا شباب
08-14-2013, 00:35 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: معاوية المدير, سلامات, بالله اجتهد معاى ياخى, ما اطلع اطرش فى زفة البوست ده, كفاية انو,فى الواقع الواحد طلع كيت, لا بقا ولد مدن ظريف ولا حصل يبقى, وريفى اصيل, يحدر طاقيتو, ويقدل بى حمارو, فى البلد
يا محمد عوض خليني أحاول معاك يمكن أقدر أخليك تركب مع الناس في سرج وآحد، وتخوض مع الخائضين. ملاسي: شخصية حضرت لهذا الحوش منذ زمن بعيد إبتغاء الشهرة. شقّ طريقه للشهرة بمحاولته كتابة القصة القصيرة، وكان وقتها يرد علي جميع المتداخلين. فجأة إكتشف أنه نفسو قصير في الكتابة، وقال يلجأ لنوع من الكتابة تكون عبارة عن سطر فرِد وحِيّد، مع حصر الردود في مداخلآت معينات يختارها الكاتب الحصيف ملاسي بعناية غير فائقة. في محاولته لتطوير سطره، والمشاققة للشهرة قرر ملاسي إستهداف القمم، مع السخرية من الصحفيين الصغار، ومثال لذلك حافظ انقابو. نحن عملاً لي الله بندعم ملاسي بإثراء بوستاته بالمداخلآت حتي نساعده في تسلق عتبات سلم الشهرة. دا عملاً لي الله زي ما قُتلك.
أما محمد بادي فكدي أُخُدلك سياحة مع النضمي دا:
08-14-2013, 01:02 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
ود المدير للتصحيح وبما انك قررت تتكلم عن ملاسي توثيقيا.. ملاسي شق طريقه بكتابة المواضيع الطويييلة.. ولمن لقا الناس قاعدة في السهلة قام استكتر. حروفو عليهم وتحول للقصة القصيرة.. ولا ما كده يا سحس..
08-14-2013, 01:33 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ود المدير للتصحيح وبما انك قررت تتكلم عن ملاسي توثيقيا.. ملاسي شق طريقه بكتابة المواضيع الطويييلة.. ولمن لقا الناس قاعدة في السهلة قام استكتر. حروفو عليهم وتحول للقصة القصيرة.. ولا ما كده يا سحس..
لا، كدا يا عمر الفاروق، ونُص وخمسة.
رديت نيابة عن ملاسي لأني عارفوا دايماً بيقبلني حكماً عدلا.شكراً يا عمر الفاروق علي التصحيح، وصدقاً لكلآمك جلبت الرآبط دا، لمن أراد أن يقتنع، ولمن أراد شكورا: رقيص العروس .....
08-14-2013, 02:16 AM
usama Babiker usama Babiker
تاريخ التسجيل: 01-07-2013
مجموع المشاركات: 2285
Quote: Quote: ها سكان القصر العالي وداع يا سادات البرج العاجي وداع ها نويسات البلد الغادي وداع نتقابل يوم أنداد ونصفي حسابنا الصاع بالصاع
لم يصبح نداً لهم فحسب بل وفاقهم دعة .. فتأمل!
لو فهمت حاجة ... فهي أن ود بادي متحد مع نفسه الشاعرة, المهمومة بالناس, غض النظر عما أولته الحياة من فقر أو مهل.
يا ملاسي ... ذكرتني تلك النسخة {المشروخة} من مدارساتنا الماركسية الغابرة ... حول تقييم المبدع بمقدار إلتزامه الفكري الطبقي وليس بالضرورة بمقدار نوعية إبداعه. أو لو تذكر صراع مدرستي { الفن للفن ... والواقعية الإشتراكية} ... واللهم أجعلو خير
08-14-2013, 08:53 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
ألم تر أنهم في كل واد يهيمون ( 225 ) وأنهم يقولون ما لا يفعلون ( 226 )
صدق الله العظيم ..
الناس اللابسة توب " سكان القصر العالي والبرج العاجي " وما تسمع ليها همسة سحسة وقروش وبندر وتجي تعمل فيها "ضمير " ولاد قلبها .. والمدافع عنها ضد هجمة ولاد الريــف الغبش.. اظن فات عليهم انه الشاعر حدد " بالضبط " اصحاب هذه القصور العالية المعنيين .. والفئة التي عناها بالوخز حينما قال :/
يا سكان القصر العالي سلام يا سادات البرج العاجي سلام ها نويسات البلد الغادي سلام تبقى مصيبة إن كان السُنة إنعدمت بين الناس تبقى مصيبة إن كان القرش الأحمر قسم الخلق أجناس أجناس يا ماليين الكأس من دم الخلق الشربت عرق الفأس يا الشرف البدري إنداس والبلد الظالم شالكم فوق الرأس أدواركم طعنت كبد السحب البكايات وقار الليل سالباهُ كهارب الهجعة الضوايات قايمين الليل الكأس مليان الجوف مليان اللحم الطازج راقد بالعينات وغفيركم نوم نجم القبلة أم رأس قوي وجنبو كلابو الهوايات يا سادات البذخ الباذخ يا بعض كروش مليانة فتات يا نجس الأرض المدعية يا نسل الأمم المدعيات ماعون الويسكي الأحمر علب البيرة الصايدر مصو الخبث الراكد فيهن سماً يعشرق ونحنا أدونا الفاضي هدية
إنتوا تختفوا اللقمة الحفت من جنحين المَلَك الرفت وسيدا يموت بالفاق العين إن زاغت شن بملاها خلاف مولاها وبيتاً رملو دقاق
الشاعر في سلامه على اصحاب القصر تكلم عن قيم وحال بعض الميسورين وجلافتهم رغم غناهم بعرق ودم البسطاء .. واسرافهم في الملذات الدنيوية متجاهلين ملك الموت ...
والشاعر اذا كان لا بد من محاكمته لريفيته وبداوته وعدم بندريته فقد تكلم عن نفسه وعبر عن " شروخاته " إن كان له شروخات عندما كتب :
بت الخير يجيك الخير . وصل جوايك الكاتباهو للولد الحتالي وكان الظن ترسلي ليه هين هينين من البركاوي داك الطعمو حالي ولو بالقل شخاليب دوم وهنا والله ني ومسيخ وغالي سؤالك يمة عن احوالي كان شفتيها تغنيك عن سؤالي انا اتوكرت في قلب البنادر زي غريب شرقان مدلدل في الدوالي جات شايلاني حرّة جوف انا اتحديت مجالا مومجالي مصايب الجامعة اكبر من جميع الشفتو ولا سمعتو في ايام الخوالي قعاد الكرسي كان شفتيهو ورم ساقي زي سيد الزلالي اقلب في الدفاتر من صباحا بدري لامن تمسي ما بنسي انشغالي اسوق الليل تحت ضوء الكهارب وديمة هارب من فراشي وياه حالي ده كلو عشان اجيب نمرا انافس بيها واستر بيها حالي والله عاد حالة ما بتسر البال ومن يوم ما هديت ما انسر بالي سلاطين العلم يايمة ينسوا العشرة في فد يوم يدفروك بره زي دفر الطبالي وخايف من اجيك مرفود وهادي الفكرة من ما جيت معشعشه في خيالي واخير افتح اضانك قبل ما تلقي فوق اضني ملويات حبالي وكان حصل القدر يايمة لا تلوموني لومي علي البنادر نورا اقوي من احتمالي بناتا فيها رويانات جسومن بالدهون تلصف بلا جلود السحالي سبيبن ديمة بالحزم الكبار مبهول مردم فوق قفاهن..وا حلالي صدورن طامحة زي موية الدميري الهايجي تكشح في العوالي عيونن واسعة تبلع مية زي ولدك تشرك للموحد والضلالي وحاتك ضُمّه ما بقدر عليهن ساعة اقيف قدامن انكس راسي بي قدري وجلالي مشيهن سوا زي سرب الغزال لكن نفورن مو غزالي عدادن مابخبرو الا وين ما امشي الاقاهن قبالي وقصاصن ينقّر بي عصاتو ومايفرّق دربهن من بين دريبات القماري بخورن في سماء البندر يدوخ متل مسك العشاري رقيصن ينهزنو بلا الفلو الّلماتو غابن منو في ضل الضهاري يجمّع في قفاهو وينطرح يتمطّى تتحتحت مفاصلو وده ياهو الفاك جباري دلالكين تجيب الضلّ علي متاهات الضهاري غناين اصلو ما سمعنابو كنت بقول ليكي الا هسع ما ني طاري وطنبورن مبرقع وحسو فاقع لا في كنتر لا ودع فوقو بيراري عشوقن في الرقيص يتلوي متل سيد المغص يوم يبقي في حالة طوارئ والمداين ديمة فايري زي وحوشا في البراري والمـآسي كتيرة حاصلة والمكضب يلاقي بوليس السواري عاد دي حالتا بقدر اتستر معاها خلاف احاكي الناس واجاري؟ وانتو راجيني يوم اجيكم بشهادتي وينبسط ضهري وكباري وبرضو خايفين من اجيكم بي غربية وفي خجل قايد صغاري والقدر بي غادي كاتب ليه شيتا لاني حاري ولا ني طاري
حاجة واحدة تكون في علمك اني جايي وتاني راجع لي دياري وياني حمّيد القديم الا بس فاقد حجابي وراح سواري يمة كتري من رضاكي وسلميلي علي المعاكي وقولي لي حبوبة زيك نحن شبنا وماك براكي سلميلي علي جروفنا وحتى وزينا البكاكي سلميلي علي بناتنا وقولي ليهن ماني ناسي طاري شلاخا مواسي زي شقوق بيتاً سداسي طاري نقشا فوق خدودن بين ضفايرو وشوفو قاسي جسمي في البندر ممدد الا بينكم بي حواسي سلميلي علي البكادن والبشتت في التقاوي في الكرد محراتو قالع وصوتو فوق تيرانو عاوي ماحزم بقجة ثيابو وقام فجر لاحق اللواري اخيرو يحفر في جروفو مالو مال حفر المجاري سلميلي علي الضرايح والفضل من الخلاوي والفقير الفوق حصبرو يكتب البخرة ويداوي مع السلامة ودعتك الله ولي وصيتك ماني ناسي لي شفقتك مافي داعي وابقي عشرة الراعي واعي في بحور اهل البنادر من زمن طالق شراعي كان نحجت بجيك غانم (وكان فشلت بجيك ضراعي)
08-14-2013, 09:11 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
غايتو يا حسين لو في فايدة واااحدة من البوست ده فهي تعلم معظم البورداب لي خاصية الحوقلة والقوقلة ثم النسخ واللصق ..مع الادعاء بحفظ هذا الموروث التراثي الهائل مع القدرة على التحليل... ياخ والله شكراً يا سحس أن جعلت هذا ممكناً .. :):):)
08-14-2013, 09:18 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: كتب الفاروق عمر الفارووغ : صاح يا حسين.. انا لو محل ودبادي بعد ما تلاحقت الكتوف مفروض يكتب: يا سكان القصر العالي تمام.. يا سكان القصر العالي كلام.. ما قصدي كل قروشكم حرام.. ولا كل كروشكم فتات ايتام.. ياني بقيت منكم وفيكم لقيتكم ناس انسام..
ود إندفاع ولولوة و " إساءة " من الفارووغ ..
ود بادي عندما كتب شعره عن اصحاب ال قصر العالي .. حدد وعين اصحاب القصر العالي هؤلاء وعين كسبه واكلهم وماهيتهم وهم المعنين.. ومحمدة عمر الفارووغ انه فهم هذه النقطة في قصيدة ود بادي.. ولكنه ورغم ذلك إختار ان يكتب هذا الهرااااء اعلاه وكانما ود بادي اصبح ماكل حرام ومالي كرشه باموال اليتامى.. او كانما فرانسيس بيكون يتحدث بلسان عُمر .. يا عُمر..
08-14-2013, 09:28 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: وما كتبه ود بادي عن سكان العمارات ما بعيد يتكتب عنو هو ذات مرة.. دي ما دعوة ضد الفقر والنعمة لا..بس دي دعوة لي انو ماااا اي زول عندو عمارة شالا من فتات الكادحين.. واهو ود بادي زااتو بيكون عرف ...
اما إذا كان ود بادي قد بنى عمارة من "عماراته " بنفس ما بنى به المذمومين عماراتهم فكلامك صاح حا يكون عرف حاجة .. اما اذا لا وبنى عمارته بكدحه وجده واجتهاده فلن يكتب عنه احد " الا " توفيق عيسي مكي في تأففه المستديم من ولاد الضهاري ..
08-14-2013, 09:18 AM
محمد عوض احمد محمد عوض احمد
تاريخ التسجيل: 01-17-2013
مجموع المشاركات: 197
Quote: يا محمد عوض خليني أحاول معاك يمكن أقدر أخليك تركب مع الناس في سرج وآحد، وتخوض مع الخائضين. ملاسي: شخصية حضرت لهذا الحوش منذ زمن بعيد إبتغاء الشهرة. شقّ طريقه للشهرة بمحاولته كتابة القصة القصيرة، وكان وقتها يرد علي جميع المتداخلين. فجأة إكتشف أنه نفسو قصير في الكتابة، وقال يلجأ لنوع من الكتابة تكون عبارة عن سطر فرِد وحِيّد، مع حصر الردود في مداخلآت معينات يختارها الكاتب الحصيف ملاسي بعناية غير فائقة. في محاولته لتطوير سطره، والمشاققة للشهرة قرر ملاسي إستهداف القمم، مع السخرية من الصحفيين الصغار، ومثال لذلك حافظ انقابو. نحن عملاً لي الله بندعم ملاسي بإثراء بوستاته بالمداخلآت حتي نساعده في تسلق عتبات سلم الشهرة. دا عملاً لي الله زي ما قُتلك.
غايتو لو كده, القممم السودانية تانى جاها بلا, انا افكر ابداها من بعانخى, لحدى,الزعيم الازهرى , اما الادباء والشعراء, لا نجوت إن نجا منهم احد, قصة السخرية من الصحفيين الصغار, خوفتنى شديد, باعتبار, اننى, فى السابق, كنت احبو, على بلاط صاحبة الجلالة, , يلا ربنا يسترنا من الحرس القديم , لو خلينا ملجة الخدار, ورجعنا تانى, لدنيا الصحافة التحية الى الصغير الذى ســـ يكبر يوماً, حافظ انقابو, بكل تأكيد, سوف, اسعى, لمعرفة ماذا يكتب هنا, راجعت رابط رقيص العروس, وفيهو حسين ملاسى, قاعد يرد, على الكل بـ إِسْهابٌ كمان, شكراً يا معاوية, اخوك يدوبك, لقا فرقة, فى السرج الوحيد يديك العافية ياخى
08-14-2013, 09:26 AM
وضاح عبدالرحمن جابر وضاح عبدالرحمن جابر
تاريخ التسجيل: 10-11-2012
مجموع المشاركات: 1986
Quote: الناس اللابسة توب " سكان القصر العالي والبرج العاجي " وما تسمع ليها همسة سحسة وقروش وبندر وتجي تعمل فيها "ضمير " ولاد قلبها .. والمدافع عنها ضد هجمة ولاد الريــف الغبش.. اظن فات عليهم انه الشاعر حدد " بالضبط " اصحاب هذه القصور العالية المعنيين .. والفئة التي عناها بالوخز حينما قال :/
السلام عليكم حيدر
انت افترضت هنا انو الشاعر .. اتكلم بتخصيص - المذمه لشريحة من سكان البرج العاجى والقصر العالي
لكن المعنى الواضح فى القصيدة وبناء القصيده عكس كده تماما ..
فهو - عمم - لكل سكان القصر العالي ثم جاء وكتب اوصافهم
وكان ممكن يكون معناك صحيح .. لو ابتدت القصيده .. بتخصيص الوصف للمالين الكاس من دم الغلابه ... من سكان القصر العالى ثم ايراد صفاتهم واوصافهم
فالنص تعميم ... وليس تخصيص
08-14-2013, 09:37 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: فهو - عمم - لكل سكان القصر العالي ثم جاء وكتب اوصافهم
هل افهم من كلامك يا وضاح انك فهمت " القصر العالي " في كلام الشاعر بانه يقصد كل طبقة الاثرياء او الميسورين كما وفهمها البعض هنا بانها رمزية طبقية؟ ان كان الشاعر رمزي في قصيدته فممكن يكون صاح لكن القصيدة بفهمي لها مباشرة ومخصصة منذ البداية ومن اول مقطع ..
08-14-2013, 09:37 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
غايتو بعد التحليل العبقري بتاع حيدر الزين تأكدت بي إنو ود بادي وحس كلامه وروايته كان ماري في كومباونت ..
حسب الرواية اللي حكوها الناس فهمت منهم إنو ود بادي جا ماري بي حتة ساااي كده ولمن سلم قام سلم بي حق الطريق بدون ما يعرف الناس اللي سالمهم ديل.. لكن يبدو بعد هذا التحليل الرائع إنو ود بادي زي إتشوبر وقام مشى ليهو في حتة كزول متضهب وكده لأنو طلع عااارف الناس ديل منو وبيكسبو قروشهم كيف ..مااا ظنيتو عابر سبيل ساااي كده وقال يسلم .. مع إنو النصيييحة أووول مرة أشوف لي زول عابر سبيل يقوم يتشوبر ويسلم ليهو على زول قاعد فووق !! سبب واااحد يخليهو يصنقع لااا فوق ماافي .. ..
08-14-2013, 09:41 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
انت مالك بكلام الناس ومباراة الشمارات والفرااغ المالي راسك الاصلع دا .. قدامك نص اقرأ وقيم النص في حد ذاته وما يقوله النص بعيداً عن الشمارات وقالوا وقلنا ..
08-14-2013, 09:30 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25074
(تبت لله) حضور عند ودبادى مالاقانى عند الشعراء من قبلو ولابعدو ... (حضور قوى ) و(كاريزما) لاتخطئها العين ...يقف منتصبا وواثقا من نفسه ويقدم مايعجز عنه الاخرين ....اعاد للشعر مكانه وريادته بهذا الشموخ والاعتزاز بكل ماهو سودانى ....صور شعرية حية و(مفردة) سودانية (متفردة) ....
صراحة هذا الرجل يدخل القلب بلا ا ستئذان ...حضرت الاعادة امس ... واستمتعت جدا (جدن) ....ودبادى القادم من منحنى النيل يعبر عن شخصى القادم من قلب الجزيرة ......انها مقدرة الشعر على خلق مزاج سودانى واحد ....والشعراء انبياء الحقيقة ....
قصيدة ود بادي لاتخلو من إساءة لأولاد المدن / تقرأ أولاد الخرطوم، فأولاد الريف ومنهم قيقراوي يجدون فيها شيئا من الإنصاف ولا ينقص ذلك من حق إستعمالهم الآيباد شيئا!
والبنق بونق الفالقنا بيها ود بادي فالحمد لله ومنذ الطفولة عرفت البنق بونق / تقرأ تنس الطاولة بمنزل جدي بوسط الخرطوم، وعرفتها أيضا وأنا طفل بمنزل خالنا المهندس عثمان عمر بمدينة شندي!
الشباب أبان شروخ نفسية ديل بالله لاتحرفو البوست!
.................... التعديل لإضافة حرف (و) لـ قيقراوي .
Quote: أو لو تذكر صراع مدرستي { الفن للفن ... والواقعية الإشتراكية}
تبالغ يا حيدر ياخي. يتذكر شنو ياخي هو كان بعرف جنس النظريات و المدارس الفكرية التى تتحدث عنها كلنا لقيتو رائد فى مثل الغوغائيات. دا كلام لناس زمان، زمن كانت الخرطوم تقرأ و الحزب الشيوعي يهز و يرز.
08-14-2013, 11:00 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25074
ملاسي ما اجتهد ابدا .. العكة دي قديمة جدا وود بادي رد عليها في وقتها ... ويبدو ان ملاسي شال طرف الكلام وجاء يعمل منو بوست.. المهم ناخدو قدر فهمو وبدون ما نتعمق في الشعر وضروراته ولا النقد وادواته .... رغم ان القصيدة نقدية بخلاف البوست ..
المطلوب من ملاسي ومن لف لفه اي قصيدة حديثة ينادي فيها ود بادي بقيم مخالفة لما نادى به في القصيدتين محل الاتهام تبدل وضعة الاجتماعي واحوال ابنائه ليس دليلا لتبدل القيم التي يؤمن بها ...
08-14-2013, 12:11 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: الشباب أبان شروخ نفسية ديل بالله لاتحرفو البوست!
قيقراوي دا انا من بداية البوست كلمته يلملم " شروخه " لكن تقول شنو مصر يمارس دور الضحية الاستلبوهو من بيئته.. هسع كان تسأله مع حمودي دي كان في بيته طاولة بينق بونق ..يقول ليك انت ما بتفهم حمودي بكسر الحاء وتشديد الميم :)
كويس انك اديتو بحتة الابريزة يا سيف اليزل .. جزاك الله خير ..
ــــــــــــــــــــ لولا البوست دا ناس حلتنا كوللهم قايلين اسم اللعبة " بِنقي " .. لكن ما تشيلو هم هسسع عرفو :)
08-14-2013, 12:22 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
حيدر آآآ اخوي مش إنتو ناس عايزين قينان ديلك؟؟؟ تلقاكم بتلعبوها بي العواسة بتاعت الآبري والفورمايكا وبترصّوا الطوب حواجز ..وعليه لا حرج هي كذلك عندكم البنقي.. البننتكلم عنها دي لعبة تانية مختلفة فيها مضارب أصلية وشبكة وطاولة مخططة وبمقاسات معلومة ومتساوية .. فااااشنو .. قلت لي تخليل وقراءة لقول الشاعر ؟؟؟
08-14-2013, 12:35 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
سلام يا حنين و عيدك سعيد. هسع الهزة و الرزة بتاعت حزب الشيوعييين قلت. لانو الظروف ما مساعدة. زمان الناس كانت بتقرأ و بتتابع، قراءة عميقة و على مستوي عالي، عشان كده كان الحوارات الثقافية بين الناس المهموميين بالثقافة و الابداع و داخل الحزب الشيوعي كان حوارات من المستوي الذى اشار له العزيز حيدر قاسم. حوارت المدارس و الاراء النقدية التى تقول هل الفن للفن أم الفن المرتبط موقف طبقي و اٍجتماعي.
موش كلام من النوع المبطّل بتاع حقد طبقي. الواحد كاتل الجدادة و خامي بيضها و ينزعج من حقد الفقراء المنفستو الشيوعي صدر اول ما صدر فى لندن، حاضنة الثورة الصناعية. منذ القرن التاسع عشر و فى بطن لندن كتب ماركس و انجلز المنشور الشيوعي الذى يدعو عمال العالم للاتحاد للاجهاز على الاستغلال الراسمالي مرة و للابد. يعنى فى داعي نجي نحنا الصغار ديل عشان نشرح لجدو ملاسي مثل الكلام؟
------------------
سلام كتير يا ود البشري و عيدك سعيد. يسأل منك الخير. بالمناسبة دي وين حمودي؟ اي العسل حمودي؟ سمعت انو عمل رجيم فى رمضان، ما يكون حسا
Quote: تلقاكم بتلعبوها بي العواسة بتاعت الآبري والفورمايكا
ما اسمها " عواسة " يا عُمر ... الله يحرجك يآخ احرجتنا مع ود بادي :) اتثقف واعرف ثقافة محيطك " الاقليمي " ...
ثم لالا متاكد الشئ الجابوهو عندنا في نادي الفلاح ياهو البِنقي حقككم دا زاتو وجابو محمد ود ابراس وقت جاء اجازة من السعودية حتى بالامارة قالوا الطربيزة لازمنها مضربين حتى الناس يقدروا يلعبوا.. والمضرب ضهروا احمر وبطنو خضراء.. شبكة وتخطيط ديل ما متأكد منهن لانه مع زحمة الفِرجة حقت الناس ما قدرت اعاين سمح ..
بعدين اها يا عُمر قول الشاعر ما خصص وعمم وفصل عراريــق.. إت يا عمر كنت من سكان قصراً عالى والا برجاً عاجي .. والا بتحب تشجع ساي.. المتلك الجاي من الارياف يا عمر مفروض يقدر مناهضات ود بادي في خلق بيئة قابلة على مضض لابناء الجيل الثاني من المهاجرين
08-14-2013, 12:59 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
أسة يا ود المدير مرضة وحب عقد الجلاد سااااي ما بنكون عارفنها ؟؟ خليك من نضم زولكم ده .. غايتو انا الرقيص الرقصتو في قلبة القرقريبة قريبة .. القرقرييبة ..ما رقصتو إلا في أغنية أهيي هييي دي الرايقة جات تعوم وزيينة دي الرايقة ..
08-14-2013, 01:24 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
هو زاااتو يا حيدر ود بادي دحين ما خجل بعد ما إغترب ومشى شاف البرج العالي الجدجد؟؟ ما قال فيي روحو والله ظلمت الناس ديلك ساااي ..دي لا أبراج عالية لا شتين .. وعليه حتى أجيبك على سؤالك محتاج أعرف البرج العالي تعريفكم ليهو شنو بناء على ما فهمته من تحليل عميق داخل القصيدة .. بالبلدي كده البرج العالي كم دور؟ يعني سطوح ينفع؟
08-14-2013, 01:32 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25074
Quote: وعليه حتى أجيبك على سؤالك محتاج أعرف البرج العالي تعريفكم ليهو شنو بناء على ما فهمته من تحليل عميق داخل القصيدة .. بالبلدي كده البرج العالي كم دور؟ يعني سطوح ينفع؟
البرج المقصود على قدر المدي البيستوجب انك " تصنقع " راسك فوق حتى تشاهد ( من الطريق ) الناس الذين " يسمعون السلام " الذي يلقيه المارة السابلة - المتوهمين بخير السلام راكبهم على راجلهم وماشيهم على واقفهم وواقفهم على قاعدهم وصغيرهم على كبيرهم الخ الخ الخ -
يعني أفهم من العمق التحليلي ده إنو لو ود بادي جا ماري جمب إستاد الهلال ليلة مباراة الهلال والتحرير الودية أيام مشاركة يوهانس فهل كان صنقع وسلم على من هم في البرج العالي يومها؟؟
08-14-2013, 07:29 PM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9025
المطلوب من ملاسي ومن لف لفه اي قصيدة حديثة ينادي فيها ود بادي بقيم مخالفة لما نادى به في القصيدتين محل الاتهام تبدل وضعة الاجتماعي واحوال ابنائه ليس دليلا لتبدل القيم التي يؤمن بها ...
دي النجيضة
---------
هوي يا بكور ما تخمنا في عبكم اللحمر ساي .. موقف طبقي بتاع فنيلتك!؟
متين ود بادي كان بتلموا مع البرولتياربا طبقة واحدة!؟ مش الناس تثبت الفرضية دي باللول عشان تستقيم ظنونم الاتأسس عليها البوست المشروخ دا!؟
08-15-2013, 01:00 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: يعني أفهم من العمق التحليلي ده إنو لو ود بادي جا ماري جمب إستاد الهلال ليلة مباراة الهلال والتحرير الودية أيام مشاركة يوهانس فهل كان صنقع وسلم على من هم في البرج العالي يومها؟؟
لا ما شرطاً .. :)
ـــــــــــــــــــــــ.. انا والله خايفك يا الفاروغ يكون برجك العالي داخل راسك بس .. زيك وزي حبيبنا عز الدين الفحل دا ليهو تحية معطرة
08-15-2013, 08:01 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9025
والله يا فتح الرحمن تراهو صبري طه ليهو التحية طلع رحمة عدييل بالنسبة لي لولوتك ..
Quote: المطلوب من ملاسي ومن لف لفه اي قصيدة حديثة ينادي فيها ود بادي بقيم مخالفة لما نادى به في القصيدتين محل الاتهام تبدل وضعة الاجتماعي واحوال ابنائه ليس دليلا لتبدل القيم التي يؤمن بها .
وتقول ليهو دي النجيضة؟؟ ما ياهو ده البيفتش عليهو ملاسي ..ما حا اقول وبفتش ليهو انا لأنو صاحب الفكرة الاساسية ومفترع الخيط ملاسي.. هو نحن لو لقيينا ود بادي كتب ليهو قصايد منافية ومخالفة للقصيدتين ديل كنا إحترمناهو .. وده النحن دايرنو منو ..إنو يكون حقاني أو كما يقول مثقفاتية سودانيز يملك ثقفاة الإعتذار ويجي يكتب ليهو قصيدة قصيدتين يغيير بيها القييم بتاعتو .. اريييييتو عمل كده ..صدقني كان كتل الدش لي ملاسي في يدو .. لكن للأسف زولكم طلع أكككااال ونكككااار .. ياخ تعال نرسم سيناريو لي ود بادي بي هندامو الأسة ده ويقوم يشوفو زول من عرب الجزيرة المستعربة زول شاااعر كده ولابس عراقيهو وشايل طوريتو وقااام كده من بعيييد لمح ود بادي في كامل أناقته اللي بقت تخليهو يطرز الشال مع العمة وبألوان زاهية أحمرها وأزرقها.. وقووم كده يا عريبي الجزيرة أكتب في هندام الزول المنعم الشافو بدون ما يعرف ده منو .. ويقوووم كده يهاجمه بدووون سبب فقط لأنه لابس نضييف ويقول ليهو انت حرامي سرقت مجهودي ومجهود طوريتي ولبست النضيف.. اها شن قول ود بادي وقتها؟؟
08-16-2013, 11:31 AM
محمد عوض احمد محمد عوض احمد
تاريخ التسجيل: 01-17-2013
مجموع المشاركات: 197
Quote: لا وبعدين ود المدير جاب ليهو مراااقة جديييدة اسمها جلد الذات...!! اججججي يا الذاات؟؟؟؟ ماف حاجة اسمها جلد الذات بالكلام.. اجلد ذااتك بالافعال.. جلد الذات ده زييي التوبة النصوح عندو شروووط.. اووولا الندم علي ما فات وعدم تكرار او العودة ليهو.. عايز تجلد ذاتك امرق توبك الجديد ده.. عايز تجلد ذاتك مااا تغترب.. ومش بعد ضوقت حلاوة دولار وشبعت منها تقول جئت للعودة الطوعية وتنشد الجديد الشديد من قصائد في تكاريم.. عايز تجلد ذاتك اكتب قصيدة وقول : هااا سكان البادية بجيكم بييي وليداتي.. واعيش في اوضة الجالوص ومن الزير جيغيماتي.. ولبس التوب وتتبللم وقت تمرق بنياتي...
دا كلوووووو عشان قلنا جلد الذات ؟؟؟ طيّب لو قلنا جلد عميرة، كان حصل شنو ؟؟؟
القصيدة فيها نقد للنفس، وشعور بالتقصير، وفيها أمل بالعودة علي أكُف الناس العفيفين، وفيها محمد بادي في هيئته الجديدة وروحه الأصيلة. التحية لك شاعرنا ود البلد الأصيل محمد بادي...
08-16-2013, 04:28 PM
أسامة الفضل أسامة الفضل
تاريخ التسجيل: 06-13-2008
مجموع المشاركات: 1231
بما أنني محب للشعر عموما و شعر ود بادي الأول منه خصوصا فأنا اعتقد أن موقفه لم يكن آيدولوجيا بمعنى موقف طبقي من شخص ينتمي للبرولوتاريا ضد الطبقة الغنية بقدر ما كان موقف ولد ضهاري ضد ناس البندر يعني موقف ثقافي من ولد ريف ضد أهل المدينة الما بشبهوهو و صادف أن أهل الخرطوم في ذلك الزمن غير أهل الخرطوم ناو بس و قوموا إلي صلاتلكم يرحمكم الله .
عمر الفاروق تحياتي ود بادي كان يتحدث عن ناس الخرطوم 2 و كده ما عن ناس أمدرمان فحق لملاسي أن يعضب إنت مالك ؟ وش ضاحك و كده
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
عزالدين عباس الفحل
محمد عوض احمد
وضاح عبدالرحمن جابر
Asim Fageary
Hussein Mallasi
معاوية المدير
محمد هاشم ابوزيد
محمد حسن محمد ادم
محمد إبراهيم علي
عاطف عمر
خالد علي محجوب المنسي
usama Babiker
حيدر حسن ميرغني
يوسف السماني يوسف
HAYDER GASIM
HAIDER ALZAIN
محمد عبدالرحمن
abubakr salih
osama fadlalla
سامى عبد المطلب
Awad Omer
saidahmed shami
محمد البشرى الخضر
أسامة الفضل
فيس بوك
تويتر
انستقرام
يوتيوب
بنتيريست