|
افطار(7) نجوم لبورداب الدوحة..... نجوم المنبر ( صور)
|
كالعادة هذا الموسم
وككل..... المواسم....
يثبت بورداب الدوحة مرة اخري
هم وضيوفهم الكرام بان تسمية ( نجوم المنبر ) لم تاتي من فراغ
ففي امسية ليست كالاماسي الرائعة
بل اروعها .....
اقام بورداب الدوحة ( نجوم المنبر )
افطارهم الرمضاني السنوي
بصالة نادي الشاطي بالدوحة
في جو ملي بالمحبة والمودة
تخلله افطارا فاخرا
والقاءات شعرية جميلة
واسكتشات فكاهية من مجموعة الدوحة
بقيادة الفنان الكبير عضو المنبر محمد البحر
وفاصل نكات من الكوميديان الخطير عادل سعيد ابو جقادو
وفاصل غنائي جميل للفنان الجميل علاء سنهوري ( شكرا ياموصلي علي الهدية الجميلة )
وتم تكريم عرسان المنبر
حسام الدين صلاح ( صحافة )
عمر سعد
بدر الدين الامير
والاستاذة ماهيتاب بركات
وكعادته سنويا ....
ادخل المسرحي الفخم محمد السني دفع الله
البهجة في قلوب اطفالنا الاحباب
وهناك الكثير ... المثير .... الخطر
تابعونا وفالكم طيب
|
|
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: الامين موسى البشاري)
|
Quote: بورداب الدوحة افطاراً هنيا شهيا ودائماً تامين ولامين وشكراً لأمير طمبل الذي جعل هذا ممكناً |
حبيبنا الباشمهندس الأمين البشاري ياخي كلك زوق و شكرا علي دعمك المتواصل من البوست الأول نحن خلي بالك لما نقوم لينا علي حاجة أو لمة بتكون مجيهة يا صديقي ما نحن ناس وناسة ولاكيف بالله كان جيتنا كان مالو ما اخدنا راحتنا في التصوير لانو جوار الصالة يوجد حوض سباحة و كان ممتلي بالجاليات الأجنبية و انت عارف الناس دي رمضان عندهم تك تاك ههههههههههههههههههه ياخي نورتنا يا حبيبنا
الحبايب معاوية الزبير و متولي مالك مجهودهم مقدر جدا لإنجاح اليوم
وشزف كمان صاحبك معتز القريش مع العود
| |
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: امير طمبل)
|
وتبقى الدوحة وبورداب الدوحة دوما في القلب اصحاب مكانة وتقدير ياخي دايما موردين وفرحانين ومليانين محبة وتواصل يارب السلام للجميع بدون فرز والما صام رمضان في الدوحة ما صام والله ... يا امير طمبل وين صور صديقي العزيز ودالامير العريس ياخ انتو التكريم ده (تكريم جدجد) ولا (بوبار) ساي :) نزل لينا صور العريس باقي ما شفنا صوره بعد العرس :) تحياتي ومحبتي ــــــ تابر
| |
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: امير طمبل)
|
شكرا كثرا وشكرا جميل لكل الحضور الجميل والأنيق وان شاء الله يا شِبكة وهارون وطمبل ومعاوية ومتولي يوم شكركم ما يجي .. حقيقي كنتم قدر المسؤولية ورفعتو راسنا وكفيتو ووفيتو ...
* أردموا أردمو على قول ود الباوقة قال افطار بورداب الرياض قال قومو لفو كدا ولا كدا
نجوم البورد سيظلون نجوم البورد رضي من رضي وأبى من أبى والماعاجبو يشرب من البحر (على قول بِشة)
| |
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: معتز القريش)
|
غايتو يا بورداب الدوحة نحن سمعنا بالشيوعى ال يادووووب بسألو انت بتصلى ؟ انت بتصوم ؟ وكدا .... لكن شيوعى يؤمكم للصلاة ؟ دى قلبتو فيها الهوبة ََََ!!!!! لوووووووووووب غايتو الجماعة البى ورا ديل الا يصلوا مئة مغرب تانى ويطلعوا الكفارة ويعتقوا رقبة ويتمرمغوا فى التراب عشان تغفر لهم صلاتهم هذه ..... بعدين افطار ما فيه كمال سالم دا .. معناها لى هسه صايمين ...! او كما قال الحلفاوى ..
ـــــــــــــــــــــــــــــــــ من ناحية نجوم .. نجوم والله ... انتو النجوم دى غيرووها !!!
| |
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: دينا خالد)
|
غايتو يا بورداب الدوحة نحن سمعنا بالشيوعى ال يادووووب بسألو انت بتصلى ؟ انت بتصوم ؟ وكدا .... لكن شيوعى يؤمكم للصلاة ؟ دى قلبتو فيها الهوبة ََََ!!!!! لوووووووووووب غايتو الجماعة البى ورا ديل الا يصلوا مئة مغرب تانى ويطلعوا الكفارة ويعتقوا رقبة ويتمرمغوا فى التراب عشان تغفر لهم صلاتهم هذه .....
-----------------------------
ابدعتي يادينا دي انتي القلبتي فيها الهوبه تستحقي جائزة افضل تعليق
| |
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: abas)
|
Quote: بعدين افطار ما فيه كمال سالم دا .. معناها لى هسه صايمين ...! او كما قال الحلفاوى .. |
والله يا دينا خالد إنتي من الزمن القديم .
ياختي الحلفاويين حطموا النظرة السابقة ورفدوا الأمة بعدد ضخم من المشايخ، مروراً بالشيخ أبوزيد ومحمد الأمين إسماعيل ومحمد حسن طنون حتى كان آخر المرحوم محمد سيد حاج .
وبرضو فيهم الظراف بتعن النكات وزي ما قال الحلفاوي ( حقوا رمضان يكون زي كأس العالم كل 4 سنوات في بلد ) هههههههههههههههههها
| |
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: امير طمبل)
|
يا سلام عليكم .... يا بورداب يا راقيين .... اولاد عزً ... مش زي ناس الرياض الكشا مشا و فطوركم زاتو يبدو عليه .. فطور فنادق فخمه .. انا من الصور سااي ريقي جرى ...
ان شاء الله دائماً مجتمعين على الخير والمحبه ....وربنا يسعدكم ...
وبالطريقه دي السنة الجاية انا في نصكم .. يا امير ...يااخ .. ما تعزمني ....
تحياتي للجميع وكل عام وانتم بخير ,,,,,
| |
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: Sharif Nasirladeen)
|
ألف مبروك لبورداب الدوحة هذه التجمع والتميز.. ودائماً تامين وسالمين.. عزيزي أمير طمبل.. كنت قدر التحدي أنت والمجموعة.. ونجحتم في جميع الشمل.. بصورة غير متوقعة.. ونشهد بأن إفطاركم كان بالفعل 7 نجوم وأكثر.. (ود القريش ده صايم مع الصايمين؟؟) وما شاء الله شفنا شوقي مهدي (العريس) بعد غيبة طويلة.. وقريبي الباشمهندس خليل ما حضر؟؟ شيخنا بركات يلحقنا.. ولا تلفت لتخذيل المحذلين.. ولا عليك فقد مسّ القوم قرح قبلك..
| |
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: أيمن دياب)
|
Quote: ألف مبروك لبورداب الدوحة هذه التجمع والتميز.. ودائماً تامين وسالمين.. عزيزي أمير طمبل.. كنت قدر التحدي أنت والمجموعة.. ونجحتم في جميع الشمل.. بصورة غير متوقعة.. ونشهد بأن إفطاركم كان بالفعل 7 نجوم وأكثر.. (ود القريش ده صايم مع الصايمين؟؟) وما شاء الله شفنا شوقي مهدي (العريس) بعد غيبة طويلة.. وقريبي الباشمهندس خليل ما حضر؟؟ شيخنا بركات يلحقنا.. ولا تلفت لتخذيل المحذلين.. ولا عليك فقد مسّ القوم قرح قبلك |
الوريف أيمن دياب تسلم يا أيمون علي الدعم و المتابعة و تمنيتك وسطنا هنا في دوحة الخير ولكن نتمني أن تشرفنا في عطلة عيد الفطر المبارك و المسافة بيننا و بينكم فقط 600 كيلو دي شهادة نتعتز بها و نتعلم منكم فالأخوة في الرياض دائما ما يتحفونا بالمثير و الجميل و ما كل تلك اللمات التي عملتوها تشهد علي طيبة قلوبكم و هي تحتوي كل ضيوف الرياض بكل الأريحية و الإبتسامة المطبوعة فيكم شكرا يا حنين علي الطلةالحلوة
بالنسبة لصاحبك معتز القريش شايفو بقي منور و قال ده كل من الصمغ و كان حاضرا و اسرته الكريمة
طبعا كمان إبنه مؤمن قدم لنا فاصل من البريك دانص موبالغة
| |
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: امير طمبل)
|
Quote: * أردموا أردمو على قول ود الباوقة قال افطار بورداب الرياض قال قومو لفو كدا ولا كدا
نجوم البورد سيظلون نجوم البورد رضي من رضي وأبى من أبى والماعاجبو يشرب من البحر |
التحية للأخ معتز..
ورمضان كريم..
بس أنا متصور إنو العلاقة تكاملية وليست تنافسية بين جميع البورداب،
في الدوحة، في الرياض، في الرباط، في سانتياجو..الخ.
فالكل في هذه اللمة الرمضانية (السودانية بامتياز) في الداخل وفي الخارج لتأكيد قيم التكافل
والترابط والتعـاون..
| |
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: معاوية الزبير)
|
الاخوة الافاضل
لظروف تقنية لم نتمكن من التواصل معكم عبر هذا البوست.
كان يوما طلق المحيا نديا إذ لقينا عشيرة البورداب .
معاوية الزبير .. امير طمبل .. هارون دياب .. متولي مالك شكرا لكم على ما قمتم به.
إمامة ابو ساندرا للمصلين تجوز والأولى تركها.
اقترح بنامج اسري أوسع في العيد وكاتب هذه السطور تحت تصرفكم في لأي مهمة
لكم من الود كيل بعير
| |
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: أيمن محمود)
|
Quote: يا هارون اخوي انتو بتفطرو عشان تحللو صيامكم والا عشان تتبوبرو |
يا أيمن محمود يا هندسة براحة علينا ياخي انت شكلك يا جميل الصور دي عملت ليك طشاش شوية خليك قريب ولا تغير البوست خليك هنا معانا طيب
شوف عمك محمد السني دفع الله و محمدالبحر و نقاش عقب الفطور لطريقة عرض (الإسكتشات)
| |
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: امير طمبل)
|
Quote: غايتو يا بورداب الدوحة نحن سمعنا بالشيوعى ال يادووووب بسألو انت بتصلى ؟ انت بتصوم ؟ وكدا .... لكن شيوعى يؤمكم للصلاة ؟ دى قلبتو فيها الهوبة ََََ!!!!! لوووووووووووب غايتو الجماعة البى ورا ديل الا يصلوا مئة مغرب تانى ويطلعوا الكفارة ويعتقوا رقبة ويتمرمغوا فى التراب عشان تغفر لهم صلاتهم هذه .....
|
| |
|
|
|
|
|
|
Re: افطار(7) نجوم لبورداب الدوحة..... نجوم المنبر ( صور) (Re: Yasir Aloob)
|
دون خالد:
Quote: غايتو يا بورداب الدوحة نحن سمعنا بالشيوعى ال يادووووب بسألو انت بتصلى ؟ انت بتصوم ؟ وكدا .... لكن شيوعى يؤمكم للصلاة ؟ دى قلبتو فيها الهوبة ََََ!!!!! لوووووووووووب غايتو الجماعة البى ورا ديل الا يصلوا مئة مغرب تانى ويطلعوا الكفارة ويعتقوا رقبة ويتمرمغوا فى التراب عشان تغفر لهم صلاتهم هذه ..... |
هههههاي ، غايتو أنا ذاتي لمن إتلفت للخلف وشفت مين الوراي طلعت برة أعدت المغرب مع جماعة تانية حكم الأولى في شكوك إنها صعدت ثم حسب بعض الآراء ( تقرأ فتاوى ) فأن تصوير الصلاة فيه كراهة وقد نفصل ذلك في كتابنا : ( كيف تنقي صلاتك وجميع طاعاتك من شبهة الرياء )
| |
|
|
|
|
|
|
|